|
10.3.2015 |
MT |
Il-Ġurnal Uffiċjali tal-Unjoni Ewropea |
L 65/13 |
REGOLAMENT TA' IMPLIMENTAZZJONI TAL-KUMMISSJONI (UE) 2015/390
tal-5 ta' Marzu 2015
li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (1), u b'mod partikolari l-Artikolu 9(1)(a) tiegħu,
Billi:
|
(1) |
Ir-Regolament (KEE) Nru 2658/87 stabbilixxa nomenklatura tal-oġġetti (minn hawn 'il quddiem imsejħa bħala n-“Nomenklatura Magħquda”), li hija stabbilita fl-Anness I għal dak ir-Regolament. |
|
(2) |
It-test attwali ta' punt (a) tan-Nota addizjonali 2 ta' Kapitolu 20 tal-Parti Tnejn tan-Nomenklatura Magħquda jipprovdi għall-kontenut ta' zokkrijiet varji ta' prodott biex ikun ikkalkulat abbażi tal-figura indikata minn rifrattometru bl-użu tal-metodu stabbilit fl-Anness tar-Regolament ta' Implimentazzjoni tal-Kummissjoni (UE) Nru 974/2014 (2). |
|
(3) |
Il-prodotti manifatturati [ok] abbażi tal-alki tal-baħar u alki oħra ppreparati jew ippriservati minn proċessi mhux previsti f'Kapitolu 12 tal-Parti Tnejn tan-Nomenklatura Magħquda, abbażi tal-manjoka, ararut, salep, artiċokks, patata ħelwa u għeruq u tuberi simili b'kontenut għoli ta' lamtu jew inulina tal-intestatura 0714 tan-Nomenklatura Magħquda jew abbażi tal-weraq tad-dwieli huma kollha kklasifikati f'Kapitolu 20 tal-Parti Tnejn tan-Nomenklatura Magħquda. Meta tiġi applikata l-kalkolazzjoni bl-użu tal-metodu rifrattometru għal dawk il-prodotti, instab li għandhom livell tant għoli ta' zokkor li huma kkunsidrati li għandhom zokkor addizjonali fi ħdan it-tifsira tan-Nota assizjonali 3 ta' dak il-Kapitolu għalkemm ma għandhom l-ebda zokkor. |
|
(4) |
Sabiex tiġi żgurata klassifikazzjoni korretta ta' prodotti bħal dawn, huwa għalhekk xieraq li jiġi pprevedut użu tal-metodu tal-kromatografija likwida bi prestazzjoni għolja (HPLC) u għall-applikazzjoni ta' formula stabbilita diġa mill-laboratorji doganali bl-għan li jiġi kkakolat il-kontenut taz-zokkor ta' dawk il-prodotti speċifiċi li jaqgħu fi ħdan Kapitolu 20 tal-Parti Tnejn tan-Nomenklatura Magħquda. |
|
(5) |
Sabiex tkun żgurata interpretazzjoni uniformi tan-Nomenklatura Magħquda madwar l-Unjoni fir-rigward tal-kejl tal-kontenut ta' zokkor ta' diversi prodotti, punt (a) tan-Nota addizjonali 2 ta' Kapitolu 20 tal-Parti Tnejn tan-Nomenklatura Magħquda għandu jiġi emendat. |
|
(6) |
Ir-Regolament (KEE) Nru 2658/87 għalhekk għandu jkun emendat skont dan. |
|
(7) |
Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Fil-Kapitolu 20 ta' Parti Tnejn tan-Nomenklatura Magħquda stipulata fl-Anness I tar-Regolament (KEE) Nru 2658/87, punt (a) tan-Nota addizzjonali 2 huwa sostitwit b'dan li ġej:
|
“(a) |
Il-kontenut ta' diversi zokkrijiet imfisser bħala sukrożju (kontenut ta' zokkor) tal-prodotti klassifikati f'dan il-Kapitolu jikkorrespondi maċ-ċifra indikata b'rifrattometru (użat skont il-metodu preskritt fl-Anness għar-Regolament ta' Implimentazzjoni (UE) Nru 974/2014) f'temperatura ta' 20 °C u mmoltiplikata b'wieħed nill-fatturi li ġejjin:
However, the content of various sugars expressed as sucrose (sugar content) of the following products classified in this Chapter:
jikkorespondu għall-figura li tirriżulta minn kakolazzjoni mwettqa abbażi tal-kejl li ġie akkwistat permezz tal-metodu tal-kromatografija likwida bi prestazzjoni għolja (il-‘metodu HPLC’), bl-użu tal-formula li ġejja: S + (G + F) × 0,95; fejn:
|
Artikolu 2
Dan ir-Regolament jidħol fis-seħħ fl-20 jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta' Marzu 2015.
Għall-Kummissjoni,
F'isem il-President,
Heinz ZOUREK
Direttur Ġenerali għat-Tassazzjoni u l-Għaqda Doganali
(2) Ir-Regolament ta' Implimentazzjoni tal-Kummissjoni (UE) Nru 974/2014 tal-11 ta' Settembru 2014 li jistabbilixxi l-metodu rifrattometru biex jitkejjel residwu xott solubbli fi prodotti proċessati minn frott u ħaxix għall-finijiet tal-klassifikazzjoni tagħhom fin-Nomenklatura Magħquda (ĠU L 274, 16.9.2014, p. 6).