De bhun Airteagal 9(1), pointe (a), de Rialachán (CEE) Uimh. 2658/87 ón gComhairle (1), leasaítear na Nótaí Míniúcháin a ghabhann le hAinmníocht Chomhcheangailte an Aontais Eorpaigh (2) mar a leanas:

ar leathanach 374, sa nóta míniúcháin a ghabhann le Caibidil 87, ‘ Feithiclí seachas rothstoc iarnróid nó trambhealaigh, agus páirteanna agus gabhálais díobh’ , ‘ Ginearálta ’

cuirtear an méid seo a leanas in ionad phointí 1 agus 2:

‘1.

Ar fud Chaibidil 87 den Ainmníocht Chomhcheangailte, ciallaíonn “feithiclí nua”: (a) feithiclí nár cláraíodh go buan ar feadh níos mó na 6 mhí, gan beann ar an iomlán km ar tiomáineadh iad; nó (b) feithiclí nár tiomáineadh níos mó ná 6 000 ciliméadar, gan beann ar an tréimhse ama a cláraíodh go buan iad. Ní mheastar gur clárú buan é clárú sealadach na bhfeithiclí chun críche iompair chuig an áit a gclárófar go buan iad.

2.	Ar fud Chaibidil 87 den Ainmníocht Chomhcheangailte, ciallaíonn “feithiclí athláimhe” feithiclí nach gcomhlíonann an sainmhíniú ar fheithiclí “nua” faoi phointe 1.’.

---

(1)  Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1, ELI: http://data.europa.eu/eli/reg/1987/2658/oj).

(2)   IO C 119, 29.3.2019, lch. 1.