|
Iris Oifigiúil |
GA Sraith L |
|
2025/880 |
8.5.2025 |
RIALACHÁN TARMLIGTHE (AE) 2025/880 ÓN gCOIMISIÚN
an 25 Feabhra 2025
lena leasaítear Rialachán (AE) 2019/287 ó Pharlaimint na hEorpa agus ón gComhairle a mhéid a bhaineann le forálacha sonracha atá sa Chomhaontú Eatramhach maidir le Trádáil idir an tAontas Eorpach agus Poblacht na Síle
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/287 ó Pharlaimint na hEorpa agus ón gComhairle an 13 Feabhra 2019 lena gcuirtear chun feidhme clásail coimirce déthaobhaí agus sásraí eile lenar féidir aistarraingt shealadach a dhéanamh ar na fabhair tharaife a bhaineann le comhaontuithe trádála áirithe arna dtabhairt i gcrích idir an tAontas Eorpach agus tríú tíortha (1), agus go háirithe Airteagal 15 de,
De bharr an mhéid seo a leanas:
|
(1) |
Rialachán (AE) 2019/287 lena leagtar síos forálacha maidir le cur chun feidhme clásal coimirce dhéthaobhach agus sásraí eile lenar féidir aistarraingt shealadach a dhéanamh ar na fabhair tharaife a bhaineann le comhaontuithe trádála áirithe a thabhairt i gcrích idir an tAontas Eorpach agus tríú tír amháin nó níos mó. Tá feidhm ag forálacha Rialachán (AE) 2019/287 gan dochar d’aon fhoráil shonrach atá sna comhaontuithe trádála sin, i gcás nach bhfuil na forálacha sin i gcomhréir leis an Rialachán sin. Tá na forálacha sonracha sin atá i gcomhaontuithe trádála áirithe liostaithe san Iarscríbhinn a ghabhann le Rialachán (AE) 2019/287. |
|
(2) |
Tá Comhaontú Eatramhach maidir le Trádáil (2) tugtha i gcrích ag an Aontas Eorpach agus ag an tSíle ina bhfuil Coimircí Déthaobhacha nach bhfuil i gcomhréir le Rialachán (AE) 2019/287. Dá bhrí sin, ba cheart tagairtí do na forálacha sin a áireamh san Iarscríbhinn a ghabhann leis an Rialachán sin. |
|
(3) |
Dé réir sin, chun trédhearcacht agus inléiteacht a áirithiú, ba cheart na forálacha sin a chur isteach san Iarscríbhinn a ghabhann le Rialachán (AE) 2019/287, |
TAR ÉIS AN RIALACHÁN SEO A GHLACADH:
Airteagal 1
Cuirtear an téacs atá san Iarscríbhinn a ghabhann leis an Rialachán seo leis an téacs atá san Iarscríbhinn a ghabhann le Rialachán (AE) 2019/287.
Airteagal 2
Tiocfaidh an Rialachán seo i bhfeidhm an tríú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 25 Feabhra 2025.
Thar ceann an Choimisiúin
An tUachtarán
Ursula VON DER LEYEN
(1) IO L 53, 22.2.2019, lch. 1, ELI: http://data.europa.eu/eli/reg/2019/287/oj.
(2) IO L 2024/2953, 20.12.2024, ELI: http://data.europa.eu/eli/agree_internation/2024/2953/oj.
IARSCRÍBHINN
‘Comhaontú Eatramhach maidir le Trádáil idir an tAontas Eorpach agus Poblacht na Síle
|
Dáta cur i bhfeidhm |
1.2.2025 |
||||||||||||||||||||||||||||||||||||||||||||
|
Clásail coimirce déthaobhaí agus/nó sásraí eile |
Caibidil 5 Leigheasanna Trádála, Roinn C Bearta Coimirce Déthaobhaí |
||||||||||||||||||||||||||||||||||||||||||||
|
Foráil (forálacha) atá sa Chomhaontú |
Airteagal 5.9(b)
Airteagal 5.10.2(b)(ii)
Airteagal 5.11.1(c)
…
Airteagal 5.11.2
Airteagal 5.11.3
Airteagal 5.14.
Airteagal 5.15 ‘Na réigiúin is forimeallaí * den Aontas Eorpach
Airteagal 5.17.2
Airteagal 5.18.3(a)
Airteagal 5.18.5
Airteagal 5.19.2
Airteagal 5.22 ‘Chun cur isteach doiciméad i nósanna imeachta coimirce a éascú, glacfaidh údarás inniúil imscrúdúcháin an Pháirtí atá i gceannas ar an nós imeachta le doiciméid a chuirfidh na Páirtithe leasmhara isteach sa Béarla, ar choinníoll go gcuirfidh na Páirtithe sin aistriúchán ar na doiciméid isteach níos déanaí i dteanga an nós imeachta coimirce, laistigh den sprioc-am a leagfaidh an t-údarás inniúil síos.’’ |
ELI: http://data.europa.eu/eli/reg_del/2025/880/oj
ISSN 1977-0839 (electronic edition)