|
20.1.2023 |
GA |
Iris Oifigiúil an Aontais Eorpaigh |
C 20/26 |
Fógra le cur faoi bhráid ABDUL REHMAN MAKKI, ar cuireadh a ainm leis an liosta dá dtagraítear in Airteagail 2, 3 agus 7 de Rialachán (CE) Uimh. 881/2002 ón gComhairle an 27 Bealtaine 2002 lena bhforchuirtear bearta sriantacha sonracha áirithe atá dírithe ar dhaoine agus eintitis áirithe atá bainteach leis na heagraíochtaí SIIL (Da’esh) agus Al-Qaida, de bhua Rialachán (AE) 2023/140 ón gCoimisiún
(2023/C 20/10)
1.
Le Cinneadh (CBES) 2016/1693 ón gComhairle (1) iarrtar ar an Aontas cistí agus acmhainní eacnamaíocha a reo, eadhon cistí agus acmhainní eacnamaíocha chomhaltaí na n-eagraíochtaí SIIL (Da’esh) agus Al-Qaida agus cistí agus acmhainní eacnamaíocha daoine aonair, grúpaí, gnóthas agus eintiteas eile atá bainteach leis na heagraíochtaí sin, dá dtagraítear sa liosta a tarraingíodh suas de bhun UNSCR 1267(1999), 1333(2000) agus 2253(2015) atá le tabhairt cothrom le dáta go rialta ag an gCoiste de chuid na Náisiún Aontaithe a bunaíodh de bhun UNSCR 1267(1999) (“an Coiste Smachtbhannaí”).Áirítear iad seo a leanas ar an liosta a tharraing suas an Coiste sin de chuid na Náisiún Aontaithe:
|
— |
SIIL (Da’esh) agus Al Qaida; |
|
— |
daoine nádúrtha nó dlítheanacha, eintitis, comhlachtaí agus grúpaí atá bainteach le SIIL (Da’esh) agus Al Qaida; agus |
|
— |
daoine dlítheanacha, eintitis agus comhlachtaí atá faoi úinéireacht nó faoi rialú aon duine de na daoine bainteacha sin nó aon cheann de na heintitis, na comhlachtaí nó na grúpaí bainteacha sin nó a thacaíonn le haon duine de na daoine bainteacha sin nó le haon cheann de na heintitis, na comhlachtaí nó na grúpaí bainteacha sin ar bhealach eile. |
Áirítear na nithe seo a leanas ar na gníomhartha agus ar na gníomhaíochtaí lena léirítear go bhfuil duine aonair, grúpa, gnóthas nó eintiteas “bainteach le” SIIL (Da’esh) agus Al Qaida:
|
(a) |
maidir le gníomhartha nó gníomhaíochtaí a dhéanann SIIL (Da’esh) agus Al Qaida, páirt a ghlacadh sna gníomhartha nó sna gníomhaíochtaí sin chun iad a mhaoiniú, a phleanáil, a éascú, a ullmhú nó a dhéanamh, i gcomhar le SIIL (Da’esh) agus Al Qaida, nó aon chill, cleamhnaí, foghrúpa nó díorthach díobh, ina n-ainm, thar a gceann nó chun tacaíocht a thabhairt dóibh; |
|
(b) |
airm agus ábhar gaolmhar a sholáthar d’aon cheann díobh, a dhíol leo nó a aistriú chucu; |
|
(c) |
earcú thar ceann aon cheann díobh; nó |
|
(d) |
tacaíocht a thabhairt do ghníomhartha nó do ghníomhaíochtaí dá gcuid ar aon bhealach eile. |
2.
An 16 Eanáir 2023 d’achtaigh an Coiste Smachtbhannaí iontráil ABDUL REHMAN-MAKKI ar liosta an Choiste Smachtbhannaí maidir le SIIL (Da’esh) agus Al-Qaida.Féadfaidh ABDUL REHMAN-MAKKI iarraidh a chur faoi bhráid Ombudóir na Náisiún Aontaithe am ar bith, mar aon le haon doiciméadacht tacaíochta, chun go n-athbhreithneofar an cinneadh lena áireamh ar liosta na Náisiún Aontaithe dá dtagraítear thuas. Ba cheart iarrataí den sórt sin a chur chuig an seoladh seo a leanas:
|
United Nations - Office of the Ombudsperson |
|
Room DC2-2206 |
|
New York, NY 10017 |
|
UNITED STATES OF AMERICA |
Tel. +1 2129632671
Fax +1 2129631300/3778
R-phost: ombudsperson@un.org
Tá tuilleadh eolais le fáil anseo
https://www.un.org/securitycouncil/sanctions/1267/aq_sanctions_list/procedures-for-delisting
3.
I ngeall ar an gCinneadh ó na Náisiúin Aontaithe dá dtagraítear i mír 2, ghlac an Coimisiún Rialachán (AE) 2023/140 (2), lena leasaítear Iarscríbhinn I a ghabhann le Rialachán (CE) Uimh. 881/2002 ón gComhairle an 27 Bealtaine 2002 lena bhforchuirtear bearta sriantacha sonracha áirithe atá dírithe ar dhaoine agus eintitis áirithe atá bainteach leis na heagraíochtaí SIIL (Da’esh) agus Al-Qaida (3). Leis an leasú, a dhéantar de bhun Airteagal 7(1)(a) agus Airteagal 7a(1) de Rialachán (CE) Uimh. 881/2002, cuirtear an t-ainm ABDUL REHMAN MAKKI leis an liosta in Iarscríbhinn I a ghabhann leis an Rialachán sin (“Iarscríbhinn I”).Tá feidhm ag na bearta seo a leanas de Rialachán (CE) Uimh. 881/2002 maidir leis na daoine aonair agus na heintitis atá luaite in Iarscríbhinn I:
|
(1) |
reo na gcistí agus na n-acmhainní eacnamaíocha uile ar leis na daoine aonair agus na heintitis a liostaítear in Iarscríbhinn I iad, mar aon le cistí agus acmhainní eacnamaíocha atá faoi úinéireacht, faoi rialú nó i seilbh na ndaoine agus na n-eintiteas sin, lena n-áirítear tríú páirtí agus é ag gníomhú thar ceann nó faoi stiúir na ndaoine agus na n-eintiteas sin atá i gceist, agus toirmeasc (ar gach duine) cistí nó acmhainní eacnamaíocha a chur ar fáil d’aon duine de na daoine aonair nó d’aon cheann de na heintitis a liostaítear nó a chur ar fáil dá dtairbhe, go díreach nó go hindíreach (Airteagail 2 agus 2a); agus |
|
(2) |
toirmeasc ar chomhairle, cúnamh nó oiliúint theicniúil a bhaineann le gníomhaíochtaí míleata a thabhairt, go díreach nó go hindíreach, d’aon duine de na daoine aonair nó d’aon cheann de na heintitis a liostaítear in Iarscríbhinn 1 (Airteagal 3), lena n-áirítear, go háirithe, oiliúint agus cúnamh a bhaineann le hairm agus ábhar de gach cineál lena mbaineann a mhonarú, a chothabháil agus a úsáid. |
4.
Déantar foráil le hAirteagal 7a de Rialachán (CE) Uimh. 881/2002 maidir le próiseas athbhreithnithe lena dtugtar deis don duine nó don eintiteas atá liostaithe a thuairimí ar an ábhar a chur in iúl. I gcás ina dtugtar barúlacha, déanfaidh an Coimisiún a chinneadh an duine nó an t-eintiteas a áireamh in Iarscríbhinn I a ghabhann le Rialachán (CE) Uimh. 881/2002 a athbhreithniú i bhfianaise na mbarúlacha sin. Féadfaidh daoine aonair agus eintitis a chuirtear le hIarscríbhinn I le Rialachán (AE) Uimh. 2023/140 iarraidh a dhéanamh ar an gCoimisiún maidir leis na forais lena liostú a chur in iúl dóibh. Ba cheart an iarraidh sin agus aon bharúlacha a chur chuig an seoladh seo a leanas:|
European Commission |
|
“Restrictive measures” |
|
Rue Joseph II 54 |
|
1049 Bruxelles/Brussel |
|
BELGIQUE/BELGIË |
5.
Tugtar ar aird do na daoine aonair agus do na heintitis lena mbaineann gur féidir Rialachán (AE) Uimh. 2023/140 a chonspóid os comhair Chúirt Ghinearálta an Aontais Eorpaigh, i gcomhréir leis na coinníollacha a leagtar síos sa cheathrú agus sa séú mír d’Airteagal 263 den Chonradh ar Fheidhmiú an Aontais Eorpaigh.
6.
Tugtar ar aird do na daoine aonair agus do na heintitis atá luaite in Iarscríbhinn I gur féidir iarratas a dhéanamh chuig na húdaráis inniúla sna Ballstáit ábhartha, mar a liostaítear in Iarscríbhinn II a ghabhann le Rialachán (CE) Uimh. 881/2002, chun údarú a fháil le cistí agus acmhainní eacnamaíocha reoite a úsáid le haghaidh riachtanais riachtanacha nó íocaíochtaí sonracha i gcomhréir le hAirteagal 2a den Rialachán sin.
(1) IO L 255, 21.9.2016, lch. 25.