“4.   I gcás comhalta den Bhord Riaracháin a bheith éagumasach go buan, bás a fháil, éirí as oifig nó é a chur as oifig, ainmneoidh an Chomhairle Rialaithe (a) malartach amháin mar chomhalta den Bhord Riaracháin agus ceapfaidh sí malartach in ionad an mhalartaigh sin, nó (b) ceapfaidh sí comhalta nua den Bhord Riaracháin. Aon cheapachán a dhéanfar de bhun na míre seo, déanfar é i gcomhréir leis an nós imeachta a leagtar síos in Airteagal 4(2).”

“2.   Tar éis glao poiblí ar léiriú spéise a fhoilseofar in Iris Oifigiúil an Aontais Eorpaigh, déanfaidh an Bord Feidhmiúcháin, tar éis éisteacht leis an mBord Maoirseachta, ainmniúcháin do chomhaltaí an Bhoird Riaracháin agus don bheirt mhalartach a chur faoi bhráid na Comhairle Rialaithe lena gceapadh.”

“4.   Maidir leis an bhfógra athbhreithnithe: (A) luafar ann na forais ar a bhfuil sé bunaithe; (b)má dhéantar iarratas go mbeadh éifeacht fionraíochta ag an athbhreithniú, luafar forais an iarratais sin; agus (c) cóipeanna d’aon doiciméid a bhfuil sé ar intinn ag an iarratasóir dul ina muinín a chur i gceangal leis. Ba cheart an cinneadh atá á chonspóid a bheith ag gabháil leis an bhfógra athbhreithnithe agus, má théann an fógra athbhreithnithe thar 10 leathanach, ba cheart achoimre ar na forais agus ar na doiciméid a shonraítear i bpointe (a) go pointe (c) a bheith san áireamh ann.”

“5.   Cuirfear in iúl go soiléir san fhógra athbhreithnithe sonraí teagmhála iomlána an iarratasóra ionas go bhféadfaidh an Rúnaí cumarsáidí a chur chuig an iarratasóir nó chuig a ionadaí de réir mar a bheidh. Cuirfidh an Rúnaí deimhniú fála chuig an iarratasóir laistigh de thrí lá oibre á rá an bhfuil an fógra athbhreithnithe críochnaithe. I gcás go bhfuil an fógra athbhreithnithe neamhiomlán, socróidh an Rúnaí teorainn ama cúig lá oibre ar a mhéad ar laistigh di a chomhlánóidh an t-iarratasóir an fógra athbhreithnithe.

I gcás nach gcuirfidh an t-iarratasóir an fógra athbhreithnithe i gcrích laistigh den teorainn ama shocraithe dar leis an mBord Riaracháin, cuirfidh an Rúnaí in iúl don iarratasóir laistigh de dheich lá oibre ó dhul in éag na teorann ama socraithe sin nach bhféadfaí an nós imeachta um athbhreithniú riaracháin a thionscnamh toisc nár chríochnaigh an t-iarratasóir an fógra athbhreithnithe. Luafar san fhógra go bhfuil an nós imeachta um athbhreithniú riaracháin faoi Airteagal 24(11) de Rialachán (AE) Uimh. 1024/2013 gan dochar don cheart imeachtaí a thabhairt os comhair na Cúirte Breithiúnais i gcomhréir leis na Conarthaí. I gcás nach dtionscnófar an nós imeachta um athbhreithniú riaracháin toisc nach ann d’fhógra iomlán athbhreithnithe, ní ghlacfar tuairim maidir leis an athbhreithniú.”

“2.   Beidh athbhreithniú an Bhoird Riaracháin teoranta do scrúdú a dhéanamh ar na forais ar a bhfuil an t-iarratasóir ag brath mar a leagtar amach san fhógra athbhreithnithe agus do scrúdú a dhéanamh ar sháruithe ar cheanglais fhíor-riachtanacha nós imeachta.”

“Airteagal 11

Inghlacthacht na hiarrata ar athbhreithniú

“3.   Cuirfear an éisteacht ar siúl in áitreabh BCE nó trí fhíschomhdháil. Beidh an Rúnaí i láthair. Ní bheidh an éisteacht ar oscailt do thríú páirtithe.”

“1.   Déanfaidh an Bord Maoirseachta measúnú ar thuairim an Bhoird Riaracháin agus molfaidh sé dréachtchinneadh nua don Chomhairle Rialaithe. Ní bheidh measúnú an Bhoird Maoirseachta teoranta do scrúdú a dhéanamh ar na forais ar a bhfuil an t-iarratasóir ag brath mar atá leagtha amach san fhógra athbhreithnithe, ach féadfaidh sé gnéithe eile a chur san áireamh freisin ina thogra le haghaidh dréachtchinneadh nua. I gcás nach dtionscnófar an t-athbhreithniú riaracháin inmheánach toisc nach ann d’fhógra athbhreithnithe iomlán i gcomhréir le hAirteagal 7(4) nó i gcás ina ndearbhóidh an Bord Riaracháin go bhfuil an iarraidh ar athbhreithniú neamh-inghlactha i gcomhréir le hAirteagal 11(2), ní mholfaidh an Bord Maoirseachta dréachtchinneadh nua don Chomhairle Rialaithe.”

“2.   Tar éis don Chomhairle Rialaithe fógra a thabhairt faoin gcinneadh nua nó tar éis don iarratasóir an fógra athbhreithnithe a tharraingt siar tar éis don Bhord Riaracháin a dhearbhú go bhfuil an iarraidh ar athbhreithniú neamh-inghlactha, molfaidh an Bord Maoirseachta cion na gcostas a bheidh le híoc ag an iarratasóir. Beidh an t-iarratasóir i dteideal uiríll a dhéanamh ina leith sin.”