|
8.9.2023 |
GA |
Iris Oifigiúil an Aontais Eorpaigh |
C 318/10 |
Réamhfhógra faoi chomhchruinniú
(Cás M.11037 — KKCG / ROCKAWAY / JV)
Cás a d'fhéadfaí a chur faoin nós imeachta simplithe
(Téacs atá ábhartha maidir le LEE)
(2023/C 318/08)
1.
An 31 Lúnasa 2023, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
KKCG, a bhaineann le KKCG Group (Poblacht na Seice), |
|
— |
Rockaway, a bhaineann le Rockaway Group faoi rialú Jakub Havrlant (Poblacht na Seice), |
|
— |
RE TopCo I a.s. (‘TopCo I’), faoi rialú Rockaway Group (Poblacht na Seice), |
|
— |
TopCo II (Poblacht na Seice). |
Gheobhaidh KKCG agus Rockaway rialú comhpháirteach ar TopCo I agus TopCo II de réir bhrí Airteagail 3(1)(b) agus 3(4) den Rialachán um Chumaisc.
Baintear an comhchruinniú amach trí bhíthin ceannach scaireanna maidir le TopCo I agus trí bhíthin ceannach scaireanna i gcuideachta nuachruthaithe ar comhfhiontar í maidir le TopCo II.
2.
Is iad seo a leanas gníomhaíochtaí gnó na ngnóthas lena mbaineann:|
— |
Is grúpa infheistíochta príobháidí é KKCG atá ag feidhmiú in 18 dtír atá gníomhach go príomha sna réimsí seo a leanas: ola agus gás, innealtóireacht, cearrbhachas agus siamsaíocht, teicneolaíocht, TF agus réadmhaoin, |
|
— |
Tá Rockaway, cuideachta sealbhaíochta comhstoic, gníomhach i ríomhthráchtáil, ríomhthaisteal, teicneolaíochtaí airgeadais, foilsitheoireacht na meán agus leabhar, caipiteal fiontair agus infheistíochtaí san fhorbairt réadmhaoine. |
|
— |
Is cuideachta é TopCo I faoi láthair gan aon ghníomhaíochtaí gnó a ghineann láimhdeachas. Faoi rialú comhpháirteach KKCG agus Rockaway, beidh TopCo I gníomhach i bhforbairt réadmhaoine tionsclaíche. Is i bhforbairt réadmhaoine cónaithe agus oifige a bheidh gníomhaíochtaí gnó TopCo II. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.11037 — KKCG / ROCKAWAY / JV
Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an ‘Rialachán um Chumaisc’).