<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2026-03-202603C112202404770-00-TRA-DOC-MT-CONCL-C-0477-24-202508450-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="1/12/2025 14:43:34" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="ShH0gq7ioxvrmtT9bFPBJhklmQj+IeGTo2RAr7C6zWsgZ/OV7lFk4LOjQvs7St7wbFsP0r4FRXndMWg+nhgqZrF4U+YmyYdgOV8SPhSiu4oBuUzRIpyGlJBs5lqCoqvvizhQhR4AQuuRlCbRWVGjxxZ4R/AuIK19yhDJWNERreY=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="azzopro" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="0aaebab3-0a00-4bfa-9396-14526af25ad5" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0477" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="azzopro" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 22-08-25 08:56:29" name="Created"/>
    <meta content="" name="Canevas3_Vademecum"/>
    <meta content="2025-09-28T11:18:24Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="d4ddb982ddf6478aa8208ab28c0dc791" name="DocumentIdentifier"/>
    <meta content="0477" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Konklużjonijiet Norkus – Kawża C‑477/24</div>
      <div id="rId21" style="default">Deldwyn</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      NORKUS
    </p>
    <p class="C36Centre" id="para-3" title="page-1">
      ippreżentati fil-25 ta’ Settembru 2025  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑477/24 [Deldwyn]  (<span class="note footnote notemarker">
<a id="c-2" href="#t-2">i</a>
</span>)
    </p>
    <p class="C37Centregras" id="para-5" title="page-1">
      Il-Ministru għall-Ġustizzja
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      I.T.
    </p>
    <p class="C39Centreespacement" id="para-8" title="page-1">
      (talba għal deċiżjoni preliminari mressqa mill-Court of Appeal (il-Qorti tal-Appell (l-Irlanda))
    </p>
    <p class="C71Indicateur" id="para-9" title="page-1">
      “Rinviju għal deċiżjoni preliminari – Ċittadinanza tal-Unjoni – Dritt ta’ moviment liberu u ta’ residenza libera fit-territorju tal-Istati Membri – Direttiva 2004/38/KE – Dritt ta’ residenza dderivat – Dritt ta’ residenza tal-membri tal-familja ta’ ċittadin tal-Unjoni – Żwieġ bejn ċittadin tal-Unjoni u ċittadin ta’ pajjiż terz – Żamma tad-dritt ta’ residenza ta’ ċittadin ta’ pajjiż terz fil-każ ta’ divorzju – Ċittadin tal-Unjoni li ma baqax jeżerċita attività fiż-żmien tad-divorzju – Artikolu 7(3)(b) – Kalkolu ta’ perijodu ta’ “iktar minn sena” – Rekwiżit ta’ perijodu uniku kontinwu jew possibbiltà ta’ perijodi ta’ xogħol akkumulati fuq numru ta’ snin – Kunċett ta’ stat ta’ qgħad involontarju debitament irreġistrat – Dritt ta’ aċċess għall-fajl li jistabbilixxi l-istorja tal-impjiegi jew tal-protezzjoni soċjali ta’ ċittadin tal-Unjoni”
    </p>
    <p class="C02AlineaAltA" id="para-10" title="page-2">
      
        <br/>
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Din it-talba għal deċiżjoni preliminari  (<span class="note footnote notemarker">
<a id="c-3" href="#t-3">2</a>
</span>) saret fil-kuntest ta’ proċedura ta’ appell bejn il-Minister for Justice (il-Ministru għall-Ġustizzja tal-Irlanda (iktar ’il quddiem il-“Ministru”) u I.T. (iktar ’il quddiem l-“applikant”), ċittadin li ma huwiex parti miż-ŻEE u konjuġi preċedenti ta’ ċittadina tal-Unjoni  (<span class="note footnote notemarker">
<a id="c-4" href="#t-4">3</a>
</span>), fir-rigward tar-rifjut tal-Ministru milli jippermetti lill-applikant iżomm il-karta ta’ residenza tiegħu, li setgħet tawtorizzah jibqa’ fl-Irlanda indefinittivament. L-applikant kien avżat, inter alia, li d-dritt ta’ residenza tiegħu kien jiddependi fuq il-kundizzjoni li l-konjuġi preċedenti tiegħu tkompli teżerċita d-drittijiet tagħha skont it-Trattat tal-Unjoni fl-Irlanda u li hu ma kienx ippreżenta prova tal-attività tagħha  (<span class="note footnote notemarker">
<a id="c-5" href="#t-5">4</a>
</span>) f’dan l-Istat Membru fiż-żmien meta nbdiet il-proċedura tad-divorzju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Fit-talba tagħha għal deċiżjoni preliminari, il-qorti tar-rinviju tistaqsi jekk il-kelma “sena” fl-Artikolu 7(3)(b) tad-Direttiva 2004/38/KE  (<span class="note footnote notemarker">
<a id="c-6" href="#t-6">5</a>
</span>) teżiġix li s-sena inkwistjoni tkun perijodu uniku kontinwu jew perijodi iqsar ta’ impjieg mifruxa fuq numru ta’ snin li jistgħu jingħaddu flimkien sabiex jifformaw perijodu ta’ sena. B’mod addizzjonali, il-qorti tar-rinviju tistaqsi jekk il-fatt li l-konjuġi preċedenti tal-applikant kienet qiegħda tirċievi l-benefiċċju tal-qgħad (Jobseeker’s allowance) fl-Irlanda jfissirx li hija kienet fi “stat ta’ qgħad involontarju debitament irreġistrat” skont din id-dispożizzjoni. Fl-aħħar, il-qorti tar-rinviju tistaqsi jekk il-Ministru huwiex meħtieġ, u jekk fl-affermattiv taħt liema kundizzjonijiet, li jipprovdi lill-applikant il-fajl li abbażi tiegħu ġiet irrifjutata l-applikazzjoni tiegħu għal residenza permanenti u li jistabbilixxi, inter alia, l-istorja tal-impjiegi jew tal-protezzjoni soċjali tal-konjuġi preċedenti tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">L-Artikolu 7 tad-Direttiva 2004/38, intitolat “Dritt ta’ residenza ta’ aktar minn tliet xhur”, jiddikjara:</p>
</td>
</tr>
</table>
    <p class="C02AlineaAltA" id="para-17" title="page-3">
      “1. Iċ-ċittadini kollha ta’ l-Unjoni għandhom id-dritt ta’ residenza fit-territorju ta’ Stat Membru ieħor għal perjodu ta’ aktar minn tliet xhur jekk huma:
    </p>
    <p class="C09Marge0avecretrait" id="para-18" title="page-4">
      (a) ħaddiema jew nies li jaħdmu għal rashom fl-Istat Membru ospitanti; jew
    </p>
    <p class="C09Marge0avecretrait" id="para-19" title="page-4">
      […]
    </p>
    <p class="C09Marge0avecretrait" id="para-20" title="page-4">
      (b) għandhom biżżejjed riżorsi għalihom u għall-membri tal-familja tagħhom biex ma jkunux ta’ piż fuq is-sistema ta’ l-għajnuna soċjali ta’ l-Istat Membru ospitanti matul il-perjodu tagħhom ta’ residenza u għandhom assigurazzjoni ta’ mard komprensiva fl-Istat Membru ospitanti; jew
    </p>
    <p class="C09Marge0avecretrait" id="para-21" title="page-4">
      […]
    </p>
    <p class="C02AlineaAltA" id="para-22" title="page-4">
      2. Id-dritt ta’ residenza previst fil-paragrafu 1 għandu jkun estiż għall-membri tal-familja li mhumiex ċittadini ta’ Stat Membru, li jakkumpanjaw jew li jingħaqdu maċ-ċittadin ta’ l-Unjoni fl-Istat Membru ospitanti, sakemm dan iċ-ċittadin ta’ l-Unjoni jissoddisfa l-kondizzjonijiet imsemmija fil-paragrafu 1(a), (b) jew (ċ).
    </p>
    <p class="C02AlineaAltA" id="para-23" title="page-4">
      3. Għall-iskopijiet tal-paragrafu 1(a), ċittadin ta’ l-Unjoni li m’għadux jaħdem jew li m’għadux jaħdem għal rasu għandu jżomm l-istatus ta’ ħaddiem jew ta’ persuna li taħdem għal rasha fiċ-ċirkostanzi li ġejjin:
    </p>
    <p class="C09Marge0avecretrait" id="para-24" title="page-4">
      […]
    </p>
    <p class="C09Marge0avecretrait" id="para-25" title="page-4">
      (b) il-persuna kkonċernata, wara li tkun spiċċat involontarjament bla xogħol wara li ħadmet għal aktar minn sena, tirreġistra bħala persuna li qed tfittex xogħol ma’ l-uffiċċju ta’ l-impjieg rilevanti;
    </p>
    <p class="C09Marge0avecretrait" id="para-26" title="page-4">
      (ċ) il-persuna kkonċernata spiċċat involontarjament bla xogħol wara li lestiet kuntratt ta’ xogħol għal żmien fiss ta’ anqas minn sena jew wara li spiċċat involontarjament bla xogħol matul l-ewwel tnax-il xahar u rreġistrat bħala persuna li qed tfittex xogħol ma’ l-uffiċċju ta’ l-impjieg rilevanti. F’dan il-każ, l-istatus ta’ ħaddiem għandu jinżamm għal perjodu li mhux inqas minn sitt xhur;
    </p>
    <p class="C09Marge0avecretrait" id="para-27" title="page-4">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">L-Artikolu 13 ta’ din id-direttiva intitolat “Żamma tad-dritt ta’ residenza mill-membri ta’ familja f’każ ta’ divorzju, ta’ annullament ta’ żwieġ, jew ta’ tmiem ta’ unjoni reġistrata”, jipprevedi:</p>
</td>
</tr>
</table>
    <p class="C02AlineaAltA" id="para-29" title="page-4">
      “[…]
    </p>
    <p class="C02AlineaAltA" id="para-30" title="page-4">
      2. Mingħajr preġudizzju għat-tieni sottoparagrafu, id-divorzju […] ma jfissirx telf tad-dritt ta’ residenza tal-membri tal-familja taċ-ċittadin ta’ l-Unjoni li m’għandhomx ċittadinanza ta’ Stat Membru fejn:
    </p>
    <p class="C09Marge0avecretrait" id="para-31" title="page-4">
      (a) qabel il-bidu tal-proċeduri ta’ divorzju […] iż-żwieġ […] [dam] minn ta’ l-inqas tliet snin, inkluż sena fl-Istat Membru ospitanti; jew,
    </p>
    <p class="C09Marge0avecretrait" id="para-32" title="page-5">
      […]
    </p>
    <p class="C02AlineaAltA" id="para-33" title="page-5">
      Qabel jinkiseb id-dritt ta’ residenza permanenti, id-dritt ta’ residenza tal-persuni kkonċernati għandu jibqa s-suġġett tal-ħtieġa li huma jkunu jistgħu juru li huma ħaddiema jew li huma persuni li jaħdmu għal rashom jew li għandhom biżżejjed riżorsi għalihom u għall-membri tal-familja tagħhom biex ma jkunux ta’ piż fuq is-sistema ta’ għajnuna soċjali fl-Istat Membru ospitanti matul il-perjodu ta’ residenza tagħhom u li għandhom assigurazzjoni ta’ mard komprensiva fl-Istat Membru ospitanti, jew li huma membri min-nukleu familjari, diġà kkostitwit fl-Istat Membru ospitanti, ta’ persuna li tissoddisfa dawn il-ħtiġiet. ‘Riżorsi biżżejjed’ huma dawk indikati fl-Artikolu 8(4).
    </p>
    <p class="C02AlineaAltA" id="para-34" title="page-5">
      Dawn il-membri tal-familja għandhom iżommu d-dritt ta’ residenza esklussivament b’titlu personali.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">L-Artikolu 14 ta’ din id-direttiva, intitolat “Żamma tad-dritt ta’ residenza”, jiddikjara:</p>
</td>
</tr>
</table>
    <p class="C02AlineaAltA" id="para-36" title="page-5">
      “[…]
    </p>
    <p class="C02AlineaAltA" id="para-37" title="page-5">
      2. Ċittadini ta’ l-Unjoni u l-membri tal-familja tagħhom għandhom id-dritt ta’ residenza kif previst fl-Artikoli 7, 12 u 13 sakemm jaderixxu mal-kondizzjonijiet stabbiliti fihom.
    </p>
    <p class="C02AlineaAltA" id="para-38" title="page-5">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Id-dritt Irlandiż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">S.I. No. 548/2015 – European Communities (Free Movement of Persons) Regulations 2015 (Strument Statutorju Nru 548/2015 – Regolamenti dwar il-Komunitajiet Ewropej (Moviment Liberu tal-Persuni) tal-2015  (<span class="note footnote notemarker">
<a id="c-7" href="#t-7">6</a>
</span>) (iktar ’il quddiem ir “Regolamenti”) ittrasponew id-Direttiva 2004/38 fid-dritt Irlandiż. Skont il-qorti tar-rinviju, ma hemm l-ebda differenza materjali bejn ir-Regolament 6(3)(c) tar-Regolamenti u l-Artikolu 7(3) tad-Direttiva 2004/38.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">It-tilwima fil-kawża prinċipali u d-domandi preliminari magħmula</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">L-applikant huwa ċittadin ta’ nazzjonalità li ma hijiex parti miż-ŻEE. Huwa daħal fl-Irlanda permezz ta’ viża tal-istudent f’Ottubru 2002. F’Lulju 2009, l-applikant iżżewweġ ċittadina tal-Unjoni fl-Irlanda u applika għal permess sabiex jirrisjedi hemm skont id-Direttiva 2004/38 u r-Regolamenti fuq il-bażi li huwa kien il-konjuġi ta’ ċittadina tal-Unjoni. Din l-applikazzjoni ġiet irrifjutata fi Frar 2010. L-applikant ippreżenta applikazzjoni ulterjuri fis-17 ta’ Lulju 2011, li ġiet irrifjutata fid‑9 ta’ Frar 2012. Fiż-żewġ sitwazzjonijiet, ir-raġuni għar-rifjut kienet li l-inkjesti li saru mal-persuna li timpjega taċ-ċittadina tal-Unjoni  (<span class="note footnote notemarker">
<a id="c-8" href="#t-8">7</a>
</span>) żvelaw li, fiż-żmien tal-evalwazzjoni tal-applikazzjoni  (<span class="note footnote notemarker">
<a id="c-9" href="#t-9">8</a>
</span>), hija ma kinitx għadha taħdem mal-persuna li timpjega identifikata fl-applikazzjoni. F’Marzu 2013, l-applikant ippreżenta t-tielet applikazzjoni għall-permess sabiex jirrisjedi fl-Irlanda. Din id-darba, il-permess għal residenza ngħata għal ħames snin sa Settembru 2018. F’Ġunju 2014, u għalhekk wara l-għotja ta’ dan il-permess, inbdiet il-proċedura tad-divorzju bejn l-applikant u l-konjuġi tiegħu. Id-digriet tad-divorzju nħareġ f’Lulju 2014 fil-pajjiż ta’ oriġini taċ-ċittadina tal-Unjoni. Sa dak iż-żmien, iż-żwieġ kien ilu ħames snin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">Il-permess għal residenza fl-Irlanda tal-applikant ma ġiex irrevokat wara d-divorzju tiegħu u kompla jaħdem hemm. Il-konjuġi preċedenti tiegħu baqgħet tirrisjedi fl-Irlanda (għalkemm b’perijodi ta’ assenza li seta’ kien hemm waqt vjaġġi ta’ ritorn lejn il-pajjiż ta’ oriġini tagħha).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">F’Awwissu 2018, l-applikant talab għaż-żamma tal-permess tiegħu għar-residenza f’kapaċità personali skont ir-Regolament 10(2) tar-Regolamenti  (<span class="note footnote notemarker">
<a id="c-10" href="#t-10">9</a>
</span>), li jipprevedi għaż-żamma ta’ dritt ta’ residenza fil-każ ta’ divorzju f’ċerti ċirkustanzi fejn iż-żwieġ dam tliet snin jew iktar li jinkludu minn tal-inqas sena fl-Irlanda. Din l-applikazzjoni ġiet irrifjutata f’Ottubru 2019 fuq il-bażi li l-applikant ma kienx ippreżenta prova tal-impjieg tal-konjuġi preċedenti fl-Irlanda jew il-pussess ta’ riżorsi suffiċjenti fiż-żmien meta nbdiet il-proċedura tad-divorzju  (<span class="note footnote notemarker">
<a id="c-11" href="#t-11">10</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">Fis-17 ta’ Ottubru 2019, l-applikant talab stħarriġ tad-deċiżjoni ta’ rifjut u talab kopja tal-informazzjoni rċevuta mid-Department of Employment Affairs and Social Protection (id-Dipartiment tal-Impjiegi u tal-Protezzjoni Soċjali, iktar ’il quddiem id-“DEAPS”). L-applikant iddikjara li huwa u l-konjuġi preċedenti tiegħu ma gawdewx relazzjoni kontinwa iżda l-avukati tiegħu kienu kitbulha sabiex tipprovdi dettalji dwar l-attivitajiet tagħha fl-Irlanda waqt il-perijodi msemmija mill-Ministru u ddikjara għal darba oħra li huwa kien jaħseb li hija kienet qiegħda tirċievi protezzjoni soċjali tal-inqas matul parti minn dan il-perijodu. L-applikant indika li huwa ma kellu l-ebda mod kif jivverifika l-fehma tiegħu li l-konjuġi preċedenti tiegħu kienet qiegħda tirċievi l-protezzjoni soċjali matul dan il-perijodu mingħajr l-assistenza u l-kooperazzjoni tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">Fit-22 ta’ Novembru 2021, il-Ministru ħareġ deċiżjoni finali li tikkonferma d-deċiżjoni ta’ rifjut  (<span class="note footnote notemarker">
<a id="c-12" href="#t-12">11</a>
</span>). Il-bażi ta’ din id-deċiżjoni kienet li ma kien hemm l-ebda informazzjoni fil-fajl li tikkonċerna ċ-ċirkustanzi tat-tluq taċ-ċittadina tal-Unjoni mill-impjieg preċedenti tagħha u għalhekk jekk dan it-tluq kienx volontarju jew involontarju. B’mod addizzjonali, ma kien hemm xejn fil-fajl li jissuġġerixxi li hija kienet impjegata għal iktar minn sena jew kienet fuq kuntratt ta’ terminu fiss għal inqas minn sena qabel ir-reġistrazzjoni tagħha mad-DEASP. Il-pożizzjoni tal-Ministru kienet ibbażata fuq l-impjieg taċ-ċittadina tal-Unjoni ta’ 37 ġimgħa fl‑2013 u ġimagħtejn fl‑2014. Skont id-deċiżjoni ta’ rifjut, iċ-ċittadina tal-Unjoni ma kinitx “qiegħda teżerċita d-drittijiet tat-Trattat tal-Unjoni tagħha permezz ta’ qgħad involontarju fis-sena 2014, is-sena li fiha nbdiet u ġiet iffinalizzata l-proċedura tad-divorzju[,] għaliex il-perijodu ta’ qgħad tagħha ma kienx ippreċedut minn tnax-il xahar ta’ xogħol”. Id-deċiżjoni finali ddikjarat ukoll li għalkemm iċ-ċittadina tal-Unjoni kienet qiegħda tirċievi ħlas ta’ benefiċċju fl‑2014, il-Ministru ma huwiex marbut bi kwalunkwe determinazzjoni tad-DEASP u l-ħlas kontinwu ta’ benefiċċju ta’ protezzjoni soċjali liċ-ċittadina tal-Unjoni ma huwiex deċiżiv fuq il-kwistjoni tad-drittijiet tat-Trattat tal-Unjoni quddiem il-Ministru.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Skont il-qorti tar-rinviju, ma hemm l-ebda indikazzjoni fir-rekords tad-deċiżjoni tal-Ministru li ġiet indirizzata l-kwistjoni dwar jekk iċ-ċittadina tal-Unjoni possibbilment ħadmitx għal perijodu ta’ iktar minn sena filwaqt li kienet residenti fl-Irlanda qabel Settembru 2013, meta hija rċeviet l-ewwel Jobseeker’s Allowance (benefiċċju tal-qgħad). Dawn il-perijodi iktar bikrija ta’ attività ma kinux meħuda inkunsiderazzjoni sabiex jiġi ddeterminat jekk ċittadina tal-Unjoni kinitx qiegħda teżerċita d-drittijiet tat-Trattat tal-Unjoni fl-Irlanda fid-data ta’ meta nbdiet il-proċedura tad-divorzju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">L-applikant ressaq proċeduri ta’ stħarriġ ġudizzjarju quddiem il-High Court (il-Qorti Għolja, l-Irlanda) jikkontesta d-deċiżjoni tal-Ministru. Permezz ta’ sentenza ddatata l-1 ta’ Frar 2023, il-High Court (il-Qorti Għolja) annullat din id-deċiżjoni. Dik il-qorti ddikjarat li l-Ministru kien ikkonċentra fuq is-sitwazzjoni ta’ impjieg taċ-ċittadina tal-Unjoni fil-perijodu immedjatament preċedenti għall-applikazzjoni tagħha għall-Jobseeker’s Allowance (benefiċċju tal-qgħad) u l-perijodu ta’ tnax-il xahar li jippreċedu d-data ta’ meta nbdiet il-proċedura tad-divorzju. B’kuntrast, il-Ministru ma ħax inkunsiderazzjoni l-istatus ta’ ħaddiem jew ta’ residenza taċ-ċittadina tal-Unjoni matul il-perijodu mill-2009 sal-2012, minkejja li dawn ġew invokati mill-applikant. Il-High Court (il-Qorti Għolja) ddeċidiet li la l-Artikolu 7(3)(b) tad-Direttiva 2004/38 u lanqas ir-Regolament 6(3)(c)(ii) tar-Regolamenti ma ssuġġettaw iż-żamma tal-istatus ta’ ħaddiem għall-kundizzjoni li ħaddiem tal-Unjoni għandu jistabbilixxi li twettaq b’mod kontinwu impjieg ta’ tnax-il xahar u immedjatament qabel ma jkun ġie rreġistrat l-istat ta’ qgħad involontarju għall-finijiet taż-żamma tad-dritt ta’ residenza skont l-Artikolu 7(3) tad-Direttiva 2004/38. Il-High Court (il-Qorti Għolja) ikkunsidrat b’mod ulterjuri li n-nuqqas li jiġu żvelati lill-applikant rekords li jikkonċernaw il-kontribuzzjonijiet tal-konjuġi preċedenti tiegħu għas-snin 2009, 2010, 2011 u 2012 f’xi forma mnaqqsa jew b’xi mod xieraq, jekk jinsabu fl-informazzjoni rċevuta mid-DEASP u disponibbli għall-Ministru, jew li jiġu indirizzati b’mod trasparenti fil-proċess deċiżjonali, ippreġudika l-ġustizzja tal-proċess f’ċirkustanzi fejn il-Ministru kien informat li l-applikant iddikjara li l-konjuġi preċedenti tiegħu kienet qiegħda taħdem matul dawn is-snin u kien ippreżenta xi provi insostenn ta’ dan il-fatt, iżda huwa ma kellu l-ebda aċċess għal informazzjoni ulterjuri minħabba n-nuqqas ta’ kooperazzjoni tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">Il-Ministru appella minn din id-deċiżjoni tal-High Court (il-Qorti Għolja) quddiem il-Court of Appeal (il-Qorti tal-Appell, l-Irlanda)). Minħabba li d-determinazzjoni tal-appell jeħtieġ interpretazzjoni tad-dritt tal-Unjoni, il-Court of Appeal (il-Qorti tal-Appell) iddeċidiet li tissospendi l-proċeduri u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-50" title="page-8">
      “(1)(a) It-terminu ‘sena’ fl-Artikolu 7(3)(b) tad-Direttiva [2004/38] […] tipprevedi jew teżiġi li s-sena inkwistjoni tkun perijodu uniku kontinwu?
    </p>
    <p class="C09Marge0avecretrait" id="para-51" title="page-8">
      (1)(b) Fil-każ ta’ risposta negattiva għad-domanda 1(a), il-fatt li l-perijodi ta’ impjieg li jikkostitwixxu s-sena inkwistjoni setgħu ġew akkumulati jew mgħaduda flimkien fuq perijodu ta’ erba’ jew ħames snin iqiegħed liċ-ċittadin tal-Unjoni Ewropea barra mill-kamp ta’ applikazzjoni tal-Artikolu 7(3)(b) [tad-Direttiva 2004/38]?
    </p>
    <p class="C09Marge0avecretrait" id="para-52" title="page-8">
      (2) Il-fatt li ċ-ċittadin tal-Unjoni rċieva l-benefiċċju tal-qgħad (Jobseeker’s Allowance) imħallsa mid-[DEASP] fl-Irlanda jfisser li din il-persuna tkun qiegħda ‘tirreġistra bħala persuna li qed tfittex xogħol’ ‘wara li tkun spiċċat involontarjament bla xogħol’ f’[dan] l-Istat fis-sens tal-Artikolu 7(3)(b) [tad-Direttiva 2004/38]?
    </p>
    <p class="C09Marge0avecretrait" id="para-53" title="page-8">
      (3) Il-prinċipju ġenerali tad-dritt tal-Unjoni li jirrifletti l-Artikolu 41 tal-Karta tad-Drittijiet Fundamentali tal-Unjoni Ewropea, jew sussidjarjament, id-[Direttiva 2004/38] interpretata fid-dawl ta’ dan il-prinċipju ġenerali, teħtieġ li l-[Ministru] jipprovdi l-fajl tiegħu lill-applikant (jekk meħtieġ, f’forma okkultata b’mod xieraq) jew:
    </p>
    <p class="C09Marge0avecretrait" id="para-54" title="page-8">
      (a) qabel ma tieħu deċiżjoni dwar iż-żamma tad-drittijiet ta’ residenza/karta ta’ residenza skont l-Artikolu 14 tad-Direttiva fir-rigward tal-[Artikolu 13 u/jew l-Artikolu 7(3) tad-Direttiva]; u/jew
    </p>
    <p class="C09Marge0avecretrait" id="para-55" title="page-8">
      (b) meta l-applikant jipprova jikkontesta tali deċiżjoni permezz ta’ proċeduri ta’ stħarriġ ġudizzjarju?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Il-proċedura quddiem il-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Ġew ippreżentati osservazzjonijiet bil-miktub mill-applikant, mill-Gvern Ġermaniż, mill-Irlanda u mill-Kummissjoni Ewropea. F’dawn il-konklużjonijiet u sabiex inżomm mat-talba tal-Qorti tal-Ġustizzja, ser nanalizza l-ewwel u t-tieni domanda preliminari magħmula mill-Court of Appeal (il-Qorti tal-Appell).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Evalwazzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Kummenti preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">L-għan tad-Direttiva 2004/38  (<span class="note footnote notemarker">
<a id="c-13" href="#t-13">12</a>
</span>) huwa li tiffaċilita l-eżerċizzju u li ssaħħaħ id-dritt ta’ moviment liberu u ta’ residenza libera fit-territorju tal-Istati Membri li jingħata direttament liċ-ċittadini tal-Unjoni permezz tal-Artikolu 21(1) TFUE  (<span class="note footnote notemarker">
<a id="c-14" href="#t-14">13</a>
</span>). F’dan ir-rigward, id-Direttiva 2004/38 tagħti liċ-ċittadini kollha ta’ pajjiżi li ma humiex fl-Unjoni, li huma membri tal-familja ta’ ċittadin tal-Unjoni fis-sens tal-Artikolu 2(2) ta’ din id-direttiva  (<span class="note footnote notemarker">
<a id="c-15" href="#t-15">14</a>
</span>), u li jakkumpanjaw jew jingħaqdu maċ-ċittadin tal-Unjoni fi Stat Membru li ma jkunx dak li tiegħu għandu in-nazzjonalità  (<span class="note footnote notemarker">
<a id="c-16" href="#t-16">15</a>
</span>), id-drittijiet ta’ dħul u ta’ residenza fl-Istat Membru ospitanti  (<span class="note footnote notemarker">
<a id="c-17" href="#t-17">16</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">L-Artikolu 7 tad-Direttiva 2004/38 jistabbilixxi l-kundizzjonijiet li skonthom iċ-ċittadini tal-Unjoni u l-membri tal-familja tagħhom igawdu minn dritt ta’ residenza għal iktar minn tliet xhur fl-Istat Membru ospitanti  (<span class="note footnote notemarker">
<a id="c-18" href="#t-18">17</a>
</span>), u li għalhekk għadhom ma jgawdux minn residenza permanenti skont l-Artikolu 16(1) tad-Direttiva 2004/38  (<span class="note footnote notemarker">
<a id="c-19" href="#t-19">18</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">L-Artikolu 7(1)(a) tad-Direttiva 2004/38 jipprevedi li ċ-ċittadini tal-Unjoni kollha għandhom dan id-dritt ta’ residenza sakemm ikollhom status ta’ ħaddiema jew ħaddiema li jaħdmu għal rashom fl-Istat Membru ospitanti  (<span class="note footnote notemarker">
<a id="c-20" href="#t-20">19</a>
</span>). Skont l-Artikolu 7(1)(b) tad-Direttiva 2004/38, iċ-ċittadini tal-Unjoni għandhom dritt ta’ residenza fl-Istat Membru ospitanti minkejja li ma jeżerċitawx attività ekonomika sakemm huma jkollhom, għalihom u għall-familja tagħhom, assigurazzjoni għall-mard komprensiva f’dan l-Istat Membru u riżorsi suffiċjenti sabiex ma jkunux ta’ piż fuq is-sistema tal-assistenza soċjali ta’ dan l-Istat Membru matul il-perijodu ta’ residenza tagħhom  (<span class="note footnote notemarker">
<a id="c-21" href="#t-21">20</a>
</span>). L-Artikolu 7(1)(ċ) jipprovdi wkoll għad-dritt ta’ residenza għal studenti taħt ċerti kundizzjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">L-Artikolu 7(2) tad-Direttiva 2004/38 jagħti dritt ta’ residenza lill-membri tal-familja ta’ ċittadin tal-Unjoni, li huma ċittadini ta’ pajjiż terz, li jakkumpanjaw jew li jingħaqdu maċ-ċittadin tal-Unjoni fl-Istat Membru ospitanti, sakemm iċ-ċittadin tal-Unjoni jissodisfa l-kundizzjonijiet indikati, inter alia, fl-Artikolu 7(1)(a), (b) jew (ċ) ta’ din id-direttiva  (<span class="note footnote notemarker">
<a id="c-22" href="#t-22">21</a>
</span>). Skont l-Artikolu 14(2) tad-Direttiva 2004/38, id-dritt tal-membri tal-familja ta’ ċittadin tal-Unjoni sabiex jirrisjedu fl-Istat Membru ospitanti fuq il-bażi, inter alia, tal-Artikolu 7(2) ta’ din id-direttiva jkompli biss sakemm iċ-ċittadin tal-Unjoni  (<span class="note footnote notemarker">
<a id="c-23" href="#t-23">22</a>
</span>) jissodisfa l-kundizzjonijiet stabbiliti f’din id-dispożizzjoni  (<span class="note footnote notemarker">
<a id="c-24" href="#t-24">23</a>
</span>). F’dan ir-rigward, il-Qorti tal-Ġustizzja enfasizzat li d-drittijiet mogħtija lill-membri tal-familja permezz tad-Direttiva 2004/38, inkluż l-Artikolu 7 tagħha, ma humiex drittijiet awtonomi iżda drittijiet idderivati mill-eżerċizzju tal-moviment liberu minn ċittadin tal-Unjoni  (<span class="note footnote notemarker">
<a id="c-25" href="#t-25">24</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">L-Artikolu 7(3) tad-Direttiva 2004/38 jipprevedi li, għall-finijiet tal-Artikolu 7(1)(a) tagħha, ċittadin tal-Unjoni li ma għadux ħaddiem jew ħaddiem li jaħdem għal rasu fl-Istat Membru ospitanti jibqa’ jżomm madankollu l-istatus ta’ ħaddiem jew ħaddiem li jaħdem għal rasu f’ċerti ċirkustanzi  (<span class="note footnote notemarker">
<a id="c-26" href="#t-26">25</a>
</span>). L-Artikolu 7(3) tad-Direttiva 2004/38 jistabbilixxi skala fir-rigward tal-kundizzjonijiet għaż-żamma ta’ dan l-istatus, b’riferiment, l-ewwel, għar-raġuni li għaliha ċ-ċittadin tal-Unjoni ma jistax jaħdem, u, it-tieni, it-tul inizjali tal-perijodu ta’ attività tiegħu fl-Istat Membru ospitanti. F’dan ir-rigward, il-kundizzjonijiet għaż-żamma tal-istatus ta’ ħaddiem jew ħaddiem li jaħdem għal rasu jvarjaw skont jekk il-perijodu inizjali ta’ attività jkunx itwal jew iqsar minn sena  (<span class="note footnote notemarker">
<a id="c-27" href="#t-27">26</a>
</span>). Għalhekk, ċittadin tal-Unjoni li wettaq attività fil-kapaċità ta’ ħaddiem jew ta’ ħaddiem li jaħdem għal rasu fl-Istat Membru ospitanti jżomm l-istatus tiegħu ta’ ħaddiem b’mod indefinit jekk huwa: (i) ma jkunx jista’ jaħdem temporanjament bħala riżultat ta’ aċċident jew mard  (<span class="note footnote notemarker">
<a id="c-28" href="#t-28">27</a>
</span>); (ii) ikun ħadem fil-kapaċità ta’ ħaddiem jew ħaddiem għal rasu fl-Istat Membru ospitanti għal iktar minn sena qabel l-istat ta’ qgħad involontarju  (<span class="note footnote notemarker">
<a id="c-29" href="#t-29">28</a>
</span>); jew (iii) ikun beda tħarriġ professjonali  (<span class="note footnote notemarker">
<a id="c-30" href="#t-30">29</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">B’kuntrast, skont l-Artikolu 7(3)(ċ) tad-Direttiva 2004/38, ċittadin tal-Unjoni li wettaq attività fil-kapaċità ta’ ħaddiem jew ħaddiem li jaħdem għal rasu fl-Istat Membru ospitanti għal perijodu ta’ inqas minn sena qabel il-istat ta’ qgħad involontarju jżomm l-istatus ta’ ħaddiem tiegħu biss għal perijodu ta’ żmien li dan l-Istat Membru jista’ jiddetermina, sakemm ma jkunx inqas minn sitt xhur. Fis-sentenza Tarola, il-Qorti tal-Ġustizzja ddeċidiet li ċittadin tal-Unjoni żamm l-istatus tiegħu billi wettaq attività għal perijodu ta’ ġimagħtejn fl-Istat Membru ospitanti qabel l-istat ta’ qgħad involontarju. Il-Qorti tal-Ġustizzja enfasizzat li r-raġunijiet li ċittadin tal-Unjoni jkun tilef l-impjieg tiegħu skont l-Artikolu 7(3)(b)  (<span class="note footnote notemarker">
<a id="c-31" href="#t-31">30</a>
</span>) u l-Artikolu 7(3)(ċ)  (<span class="note footnote notemarker">
<a id="c-32" href="#t-32">31</a>
</span>) tad-Direttiva 2004/38 għandhom ikunu indipendenti mir-rieda tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Fid-dawl tal-fatt li membri tal-familja ta’ ċittadin tal-Unjoni li huma ċittadini ta’ pajjiżi terzi ma għandhomx dritt awtonomu ta’ residenza skont l-Artikolu 7 tad-Direttiva 2004/38, iżda biss drittijiet idderivati mill-eżerċizzju ta’ moviment liberu minn ċittadin tal-Unjoni, id-Direttiva 2004/38 tqiegħed fis-seħħ salvagwardji legali sabiex jipproteġu lill-membri tal-familja ta’ ċittadin tal-Unjoni f’ċerti ċirkustanzi  (<span class="note footnote notemarker">
<a id="c-33" href="#t-33">32</a>
</span>). F’dan ir-rigward, l-Artikolu 13(2)(a) tad-Direttiva 2004/38 jiżgura li, fil-każ ta’ divorzju, il-konjuġi ta’ ċittadin tal-Unjoni li jkun ċittadin ta’ pajjiż terz ikun jista’ jżomm id-dritt ta’ residenza tiegħu fl-Istat Membru ospitanti fuq bażi personali iktar milli bażi dderivata  (<span class="note footnote notemarker">
<a id="c-34" href="#t-34">33</a>
</span>). Id-dritt personali huwa suġġett għall-kundizzjoni li qabel ma tinbeda l-proċedura tad-divorzju, iż-żwieġ ikun dam minn tal-inqas tliet snin, inkluż sena fl-Istat Membru ospitanti. Jidher mill-fatti li jinsabu fit-talba għal deċiżjoni preliminari li l-applikant jissodisfa dawn il-kundizzjonijiet. B’mod addizzjonali qabel ma tikseb dritt ta’ residenza permanenti, il-persuna kkonċernata għandha tikkonforma mal-kundizzjonijiet stabbiliti fit-tieni subparagrafu tal-Artikolu 13(2) tad-Direttiva 2004/38, jiġifieri li l-persuna kkonċernata turi li hija ħaddiema jew li hija għandha riżorsi suffiċjenti għaliha u għall-membri tal-familja tagħha sabiex ma jkunux ta’ piż fuq is-sistema ta’ assistenza soċjali tal-Istat Membru ospitanti waqt il-perijodu ta’ residenza tagħhom u li huma koperti minn assigurazzjoni għall-mard komprensiva f’dan l-Istat Membru ospitanti, jew li hija membru tal-familja, diġà kkostitwita fl-Istat Membru ospitanti, ta’ persuna li tissodisfa dawn ir-rekwiżiti. Il-Qorti tal-Ġustizzja ddikjarat li dawn il-kundizzjonijiet jikkorrispondu għal dawk stabbiliti fl-Artikolu 7(1)(a), (b) u (d) tad-Direttiva 2004/38, li ċ-ċittadini tal-Unjoni stess huma meħtieġa li jissodisfaw sabiex igawdu minn dritt ta’ residenza temporanju, ta’ tul ta’ iktar minn tliet xhur, fit-territorju tal-Istat Membru ospitanti  (<span class="note footnote notemarker">
<a id="c-35" href="#t-35">34</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">L-applikant għandu għalhekk jistabbilixxi jekk huwa gawdiex minn dritt ta’ residenza fl-Irlanda fiż-żmien meta nbdiet il-proċedura tad-divorzju. Minħabba l-fatt li l-applikant jistrieħ fuq id-dritt ta’ residenza tal-konjuġi preċedenti tiegħu, ċittadina tal-Unjoni, id-dritt tiegħu jiddependi fuq jekk hija gawdietx minn tali dritt f’dak iż-żmien  (<span class="note footnote notemarker">
<a id="c-36" href="#t-36">35</a>
</span>). Dawn il-kundizzjonijiet huma l-qalba tat-tilwima fil-kawża prinċipali  (<span class="note footnote notemarker">
<a id="c-37" href="#t-37">36</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Jidher, b’mod partikolari mill-premessa 10 tad-Direttiva 2004/38, li l-kundizzjonijiet stabbiliti fl-Artikolu 7 ta’ din id-direttiva huma intiżi, inter alia, sabiex jevitaw ċittadin tal-Unjoni u l-membri tal-familja tiegħu milli jkunu ta’ piż irraġonevoli fuq is-sistema ta’ assistenza soċjali tal-Istat Membru ospitanti  (<span class="note footnote notemarker">
<a id="c-38" href="#t-38">37</a>
</span>). Dan ir-riskju potenzjalment jirriżulta minħabba li, skont l-Artikolu 24(1) tad-Direttiva 2004/38, ċittadin tal-Unjoni jista’ jitlob ugwaljanza fit-trattament ma’ ċittadini tal-Istat Membru ospitanti fil-kamp ta’ applikazzjoni tat-Trattat jekk ir-residenza tiegħu fit-territorju tal-Istat Membru ospitanti tosserva l-kundizzjonijiet tad-Direttiva 2004/38. Il-benefiċċju ta’ din id-dispożizzjoni huwa wkoll estiż għall-membri tal-familja li ma humiex ċittadini tal-Istat Membru ospitanti u li għandhom dritt ta’ residenza. Bla ħsara għad-deroga tal-Artikolu 24(2) tad-Direttiva 2004/38, ċittadin tal-Unjoni jista’ għalhekk jitlob aċċess ugwali għall-assistenza soċjali, permezz tal-Artikolu 24(1) tad-Direttiva 2004/38, maċ-ċittadini tal-Istat Membru ospitanti jekk ir-residenza tiegħu fit-territorju ta’ dan l-Istat Membru tosserva l-kundizzjonijiet tad-Direttiva 2004/38  (<span class="note footnote notemarker">
<a id="c-39" href="#t-39">38</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Fuq l-ewwel domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Permezz tal-ewwel domanda preliminari tagħha, li hija maqsuma f’żewġ partijiet  (<span class="note footnote notemarker">
<a id="c-40" href="#t-40">39</a>
</span>), il-qorti tar-rinviju tistaqsi, essenzjalment, jekk l-espressjoni “għal aktar minn sena”  (<span class="note footnote notemarker">
<a id="c-41" href="#t-41">40</a>
</span>) fl-Artikolu 7(3)(b) tad-Direttiva 2004/38 tirreferix għall-perijodu kontinwu uniku ta’ attività ekonomika jew jekk tistax tirreferi għall-għadd flimkien ta’ perijodi distinti jew separati ta’ tali attività fuq perijodu ta’ erba’ jew ħames snin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">L-applikant iqis li ma hemm l-ebda raġuni għal xiex għandu jiġi preżunt li l-espressjoni “għal aktar minn sena” fl-Artikolu 7(3)(b) tad-Direttiva 2004/38 tirreferi għal perijodu kontinwu uniku. Din tista’ tirreferi għall-“perijodi ta’ inqas minn sena […] mgħadudin”. L-Irlanda u l-Gvern Ġermaniż iqisu li din l-espressjoni tagħmel riferiment għal perijodu kontinwu uniku ta’ sena. L-approċċ tal-Kummissjoni huwa iktar kumpless. Hija tqis li l-espressjoni tagħmel riferiment, bħala prinċipju, għal perijodu ta’ attività ekonomika kkaratterizzata minn ċertu livell ta’ konnessjoni mal-ħajja ekonomika tal-Istat Membru ospitanti, li timplika livell minimu ta’ kontinwità ta’ attività ekonomika f’dan l-Istat Membru. Din tinvolvi wkoll kontribuzzjoni sostanzjali mill-ħaddiem tal-Unjoni lill-finanzi tal-Istat Membru ospitanti permezz tal-ħlas ta’ taxxi u kontribuzzjonijiet ta’ sigurtà soċjali. Ir-rekwiżit għall-kontinwità ma jistax jeskludi żewġ perijodi jew iktar ta’ xogħol ġenwin u effettiv imwettaq fl-Istat Membru ospitanti, li flimkien jeċċedu sena fit-tul tagħhom, fuq il-bażi li huma jirriżultaw minn kuntratti ta’ xogħol suċċessivi ma’ persuni li jimpjegaw differenti, inkluż fejn jista’ jkun hemm interruzzjonijiet bejn tali xogħol.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Għandu jiġi enfasizzat li d-Direttiva 2004/38 ma tiddefinixxix xi tfisser l-espressjoni “għal aktar minn sena” fl-Artikolu 7(3)(b)  (<span class="note footnote notemarker">
<a id="c-42" href="#t-42">41</a>
</span>) tagħha  (<span class="note footnote notemarker">
<a id="c-43" href="#t-43">42</a>
</span>). Barra minn dan, interpretazzjoni letterali waħedha ta’ din l-espressjoni fil-verżjonijiet lingwistiċi differenti  (<span class="note footnote notemarker">
<a id="c-44" href="#t-44">43</a>
</span>) ma tirrendix possibbli li jiġi ddeterminat b’mod inekwivokabbli jekk hijiex qiegħda tagħmel riferiment għal perijodu kontinwu uniku jew perijodu mingħajr interruzzjoni ta’ iktar minn sena jew għal perijodu totali ta’ iktar minn sena magħmul permezz tal-għadd flimkien ta’ żewġ perijodi jew iktar distinti li kull wieħed minnhom ikun iqsar minn sena. Dan in-nuqqas ta’ ċarezza jista’ jiġi kkuntrastat ma’ leġiżlazzjoni tal-Unjoni oħra fl-oqsma tal-moviment liberu ta’ persuni u ta’ residenza li fiha l-leġiżlatur tal-Unjoni għamel riferiment b’mod espliċitu għal perijodu ta’ żmien speċifiku u mingħajr interruzzjoni jew għal perijodu kontinwu ta’ żmien  (<span class="note footnote notemarker">
<a id="c-45" href="#t-45">44</a>
</span>). Possibbilment iktar rimarkabbli huwa l-fatt li l-Artikoli 16 u 17 tad-Direttiva 2004/38 innifisha jagħmlu riferiment, fil-kuntest tad-dritt ta’ residenza permanenti, għal perijodi kontinwi ta’ residenza fl-Istat Membru ospitanti. Għalhekk, pereżempju, l-Artikolu 16(1) tad-Direttiva 2004/38 jipprevedi li “[ċ]-ċittadin ta’ l-Unjoni li għex legalment għal perjodu kontinwu ta’ ħames snin fl-Istat Membru ospitanti għandu d-dritt ta’ residenza permanenti hemmhekk”  (<span class="note footnote notemarker">
<a id="c-46" href="#t-46">45</a>
</span>). Barra minn dan, sabiex jintmess il-kliem strett u inekwivoku ta’ din id-dispożizzjoni, l-Artikolu 16(3) tad-Direttiva 2004/38 jipprevedi li l-kontinwità tar-residenza ma għandhiex tkun affettwata f’ċerti istanzi, bħal ma huma “assenzi temporanji li ma jaqbżux is-sitt xhur f’sena […]”  (<span class="note footnote notemarker">
<a id="c-47" href="#t-47">46</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Għall-kuntrarju tas-sottomissjonijiet tal-Irlanda, ma nikkunsidrax li t-test tal-Artikolu 7(3)(b) tad-Direttiva 2004/38 “huwa ċar prima facie”  (<span class="note footnote notemarker">
<a id="c-48" href="#t-48">47</a>
</span>). Huwa għalhekk neċessarju, fl-interpretazzjoni ta’ din id-dispożizzjoni, li jitqiesu mhux biss il-kliem tagħha, iżda wkoll il-kuntest tagħha u l-istruttura ġenerali tar-regoli li minnha hija tagħmel parti u l-għanijiet imfittxija minnha  (<span class="note footnote notemarker">
<a id="c-49" href="#t-49">48</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Fir-rigward tal-kuntest u tal-istruttura ġenerali, għandu jiġi ddikjarat mill-bidu li l-fatt li l-Artikolu 16(1) tad-Direttiva 2004/38 jagħmel riferiment b’mod espliċitu għal perijodu kontinwu, filwaqt li l-Artikolu 7(3)(b) tagħha ma jagħmilx dan, għandu t-tendenza li jindika li d-dispożizzjoni tal-aħħar ma tirrikjedix tali kontinwità. Id-dispożizzjonijiet inkwistjoni jinsabu, madankollu, f’kapitoli differenti tad-Direttiva 2004/38, li jagħmlu distinzjoni ċara bejn id-dritt ta’ residenza (Kapitolu III) u d-dritt ta’ residenza permanenti (Kapitolu IV) u l-kundizzjonijiet sabiex wieħed jibbenefika minn dawn id-drittijiet differenti  (<span class="note footnote notemarker">
<a id="c-50" href="#t-50">49</a>
</span>). Jiena għalhekk ma nikkunsidrax li l-assenza ta’ rekwiżit espliċitu ta’ kontinwità fl-Artikolu 7(3)(b) tad-Direttiva 2004/38 hija konklużiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Huwa għalhekk opportun li jitqiesu r-regoli fil-Kapitolu III tad-Direttiva 2004/38 dwar id-dritt ta’ residenza, b’mod partikolari l-Artikolu 7 tagħha u l-għanijiet imfittxija minn dawn ir-regoli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">L-Artikolu 7(3) tad-Direttiva 2004/38, li jkopri sitwazzjonijiet li fihom ċittadin tal-Unjoni li temporanjament waqaf jeżerċita attività bħala ħaddiem jew ħaddiem għal rasu jżomm l-istatus tiegħu ta’ ħaddiem, kif ukoll id-dritt ta’ residenza korrispondenti skont l-Artikolu 7(1) ta’ din id-direttiva  (<span class="note footnote notemarker">
<a id="c-51" href="#t-51">50</a>
</span>), huwa bbażat fuq il-preżunzjoni li ċ-ċittadin huwa disponibbli u kapaċi jintegra mill-ġdid fis-suq tax-xogħol tal-Istat Membru ospitanti fi żmien raġonevoli  (<span class="note footnote notemarker">
<a id="c-52" href="#t-52">51</a>
</span>). Huwa jilħaq bilanċ ġust bejn is-salvagwardja tal-moviment liberu tal-ħaddiema  (<span class="note footnote notemarker">
<a id="c-53" href="#t-53">52</a>
</span>) u l-garanzija li s-sistemi ta’ sigurtà soċjali tal-Istat Membru ospitanti ma jkollhomx isostnu piż irraġonevoli  (<span class="note footnote notemarker">
<a id="c-54" href="#t-54">53</a>
</span>). L-ibbilanċjar u r-rikonċiljazzjoni ta’ dawn l-interessi leġittimi konkorrenti fl-Artikolu 7(3) tad-Direttiva 2004/38 u s-sistema gradwali mfassla fiha mil-leġiżlatur tal-Unjoni jirriflettu (parzjalment) il-prinċipju ta’ proporzjonalità  (<span class="note footnote notemarker">
<a id="c-55" href="#t-55">54</a>
</span>) li jinsab fl-Artikolu 5(4) TUE  (<span class="note footnote notemarker">
<a id="c-56" href="#t-56">55</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Kif indikajt preċedentement, il-protezzjoni mogħtija skont l-Artikolu 7(3) tad-Direttiva 2004/38, b’mod partikolari t-tul ta’ din il-protezzjoni, tista’ tvarja skont, inter alia, ir-raġunijiet għat-tmiem ta’ attività fl-Istat Membru ospitanti u t-tul ta’ din l-attività inizjali  (<span class="note footnote notemarker">
<a id="c-57" href="#t-57">56</a>
</span>). Għalhekk filwaqt li sitwazzjoni parallela ċara tista’ tinsilet bejn l-Artikolu 7(3)(b) u l-Artikolu 7(3)(ċ) tad-Direttiva 2004/38, li t-tnejn jagħmlu riferiment għal “stat ta’ qgħad involontarju debitament irreġistrat” li matulu l-persuna kkonċernata tkun “irreġistrat bħala persuna li qed tfittex xogħol”, dawn id-dispożizzjonijiet huma differenti b’mod kunsiderevoli minn xulxin fir-rigward tat-tul ta’ żmien li ħaddiem jew ħaddiem għal rasu jżomm tali status skont jekk it-tul inizjali tal-perijodu ta’ attività tiegħu fl-Istat Membru ospitanti jkunx itwal jew iqsar minn sena  (<span class="note footnote notemarker">
<a id="c-58" href="#t-58">57</a>
</span>). Minħabba li kemm l-Artikolu 7(3)(b) u l-Artikolu 7(3)(ċ) tad-Direttiva 2004/38 huma bbażati fuq il-fatt li l-attività taċ-ċittadin tal-Unjoni tkun ġiet interrotta involontarjament  (<span class="note footnote notemarker">
<a id="c-59" href="#t-59">58</a>
</span>) u li huwa jkun ser jidħol mill-ġdid fil-forza tax-xogħol fl-Istat Membru ospitanti fi żmien raġonevoli, huwa ċar, kif indikat mill-Gvern Ġermaniż  (<span class="note footnote notemarker">
<a id="c-60" href="#t-60">59</a>
</span>), mill-Irlanda  (<span class="note footnote notemarker">
<a id="c-61" href="#t-61">60</a>
</span>) u mill-Kummissjoni  (<span class="note footnote notemarker">
<a id="c-62" href="#t-62">61</a>
</span>), illi jekk jiġu inklużi fit-tifsira ta’ “aktar minn sena”, perijodi qosra, mifruxa jew sporadiċi ta’ attività ekonomika magħduda flimkien fuq perijodu twil ta’ żmien  (<span class="note footnote notemarker">
<a id="c-63" href="#t-63">62</a>
</span>) dawn jistgħu jippreġudikaw fil-prattika d-differenza bejn dawn id-dispożizzjonijiet  (<span class="note footnote notemarker">
<a id="c-64" href="#t-64">63</a>
</span>) u s-sistema gradwali mfassla mil-leġiżlatur tal-Unjoni fil-punti differenti tal-Artikolu 7(3) tad-Direttiva 2004/38  (<span class="note footnote notemarker">
<a id="c-65" href="#t-65">64</a>
</span>), b’mod li jiġi ppreġudikat il-bilanċ ġust milħuq f’din id-dispożizzjoni  (<span class="note footnote notemarker">
<a id="c-66" href="#t-66">65</a>
</span>). F’dan ir-rigward, inqis li l-protezzjoni msaħħa mogħtija skont l-Artikolu 7(3)(b) tad-Direttiva 2004/38 – li tista’ tkun għal perijodu indefinit  (<span class="note footnote notemarker">
<a id="c-67" href="#t-67">66</a>
</span>) – teħtieġ kontribuzzjoni korrispondenti u konnessjoni mal-ekonomija tal-Istat Membru ospitanti  (<span class="note footnote notemarker">
<a id="c-68" href="#t-68">67</a>
</span>) li hija kemm dewwiema kif ukoll sostnuta meta mqabbla mal-protezzjoni iżgħar mogħtija skont l-Artikolu 7(3)(ċ)  (<span class="note footnote notemarker">
<a id="c-69" href="#t-69">68</a>
</span>) tagħha fejn l-attività ekonomika għal tul ta’, pereżempju, ġimagħtejn  (<span class="note footnote notemarker">
<a id="c-70" href="#t-70">69</a>
</span>) tkun biżżejjed sabiex tibbenefika mill-protezzjoni mogħtija minn din id-dispożizzjoni tal-aħħar. Minħabba li, fid-dawl tas-sentenza Tarola, il-minimu ta’ żmien fl-Artikolu 7(3)(ċ) tad-Direttiva 2004/38 huwa baxx  (<span class="note footnote notemarker">
<a id="c-71" href="#t-71">70</a>
</span>), il-kwistjoni ta’ kontinwità ma tirriżultax fiha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">F’dan ir-rigward, it-tnaqqis tad-distinzjoni bejn l-Artikolu 7(3)(b) u l-Artikolu 7(3)(ċ) tad-Direttiva 2004/38 jista’ jqiegħed piż irraġonevoli fuq is-sistemi ta’ sigurtà soċjali tal-Istati Membri ospitanti. B’mod addizzjonali, l-impatt sħiħ ta’ dan il-piż ma jkunx prevedibbli minħabba li perijodi ta’ impjieg jew tax-xogħol ta’ persuna li taħdem għal rasha fl-Istat Membru ospitanti matul ħafna snin, mifruxa b’perijodi ta’ assenza mill-forza tax-xogħol tal-Istat Membru ospitanti, jistgħu jittieħdu inkunsiderazzjoni u jirriżultaw fiż-żamma tal-istatus ta’ ħaddiem u d-drittijiet assoċjati miegħu għal perijodu ta’ żmien indefinit. Jiena għalhekk inqis li l-espressjoni “għal aktar minn sena” tindika mhux biss it-tul minimu tal-attività ekonomika inkwistjoni  (<span class="note footnote notemarker">
<a id="c-72" href="#t-72">71</a>
</span>) iżda wkoll, bħala prinċipju, il-kontinwità ta’ din l-attività.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">Filwaqt li r-rekwiżit ta’ perijodu kontinwu ta’ iktar minn sena sabiex jinżamm l-istatus ta’ ħaddiem skont l-Artikolu 7(3)(b) tad-Direttiva 2004/38, bħala prinċipju jirrikonċilja b’mod adegwat u ekwitabbli mad-drittijiet, interessi u prinċipji inkwistjoni konkorrenti identifikati u l-bilanċ ġust li għandu jinkiseb, inqis li huwa neċessarju li jiġi eżaminat jekk ċerti perijodi limitati ta’ nuqqas ta’ attività għandhomx jaffettwaw din il-kontinwità  (<span class="note footnote notemarker">
<a id="c-73" href="#t-73">72</a>
</span>). Tali eżami huwa neċessarju sabiex jiġi żgurat li l-prinċipju ta’ proporzjonalità li jinsab fl-Artikolu 5(4) TUE huwa osservat b’mod sħiħ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Għandu jiġi enfasizzat mill-bidu u kif indikat mill-Kummissjoni li, filwaqt li l-Artikolu 7(3) tad-Direttiva 2004/38 jkopri kemm attività tal-ħaddiema kif ukoll attività tal-ħaddiema li jaħdmu għal rashom, tal-aħħar min-natura tagħha tista’ tkun ikkaratterizzata minn diversi kompiti ta’ xogħol b’interruzzjonijiet bejn dawn il-kompiti. Interpretazzjoni tal-Artikolu 7(3)(b) tad-Direttiva 2004/38 li teħtieġ mingħajr eċċezzjoni perijodu kontinwu uniku ta’ xogħol tagħmilha diffiċli għaċ-ċittadini tal-Unjoni sabiex jinvokaw din id-dispożizzjoni u tkun inkonsistenti mal-kamp ta’ applikazzjoni materjali intiż tagħha  (<span class="note footnote notemarker">
<a id="c-74" href="#t-74">73</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Fir-rigward ta’ assenzi volontarji mill-forza tax-xogħol, ikun formalistiku u aħrax b’mod eċċessiv jekk ċittadin tal-Unjoni, li jkun ħadem fl-Istat Membru ospitanti għal perijodu kontinwu ta’ għaxar xhur, jitlaq mix-xogħol tiegħu b’mod volontarju, pereżempju, sabiex jattendi għal xi emerġenza jew sitwazzjoni familjari u, mar-ritorn tiegħu lejn il-forza tax-xogħol, l-arloġġ awtomatikament imur lura jew jerġa’ jibda mill-ġdid minn żero. F’tali sitwazzjoni, persuna li ħadmet għal perijodu ta’ għaxar xhur u, wara interruzzjoni ta’ xahrejn, għal perijodu ta’ għaxar xhur oħra qabel ma spiċċat fi stat ta’ qgħad involontarju ma tkunx tista’ tibbenefika mill-protezzjoni mogħtija mill-Artikolu 7(3)(b) tad-Direttiva 2004/38. Applikazzjoni awtomatika u mhux mimsusa ta’ rekwiżit ta’ perijodu kontinwu u mingħajr interruzzjoni ta’ iktar minn sena ser tonqos milli tirrikonoxxi, pereżempju, il-fatt li filwaqt li ċittadin tal-Unjoni jkun beda xogħol fl-Istat Membru ospitanti, huwa jkun jista’ jżomm ir-responsabbiltajiet tal-familja u obbligi oħrajn (xi mkien ieħor), li jeħtieġu l-preżenza fiżika tiegħu  (<span class="note footnote notemarker">
<a id="c-75" href="#t-75">74</a>
</span>). Jista’ ma jkunx possibbli li tali impenji u obbligi jiġu ttrattati matul perijodi ta’ leave annwali li ħaddiem jista’ jgawdi fl-ewwel sena ta’ attività fl-Istat Membru ospitanti  (<span class="note footnote notemarker">
<a id="c-76" href="#t-76">75</a>
</span>) jew minn distanza  (<span class="note footnote notemarker">
<a id="c-77" href="#t-77">76</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Barra minn dan, il-Qorti tal-Ġustizzja rrikonoxxiet sa mis-sena 1988 li “karrieri kontinwi huma inqas komuni minn dak li kien preċedentement il-każ”  (<span class="note footnote notemarker">
<a id="c-78" href="#t-78">77</a>
</span>). B’mod addizzjonali, huwa magħruf  (<span class="note footnote notemarker">
<a id="c-79" href="#t-79">78</a>
</span>) li ħaddiema jistgħu jagħżlu li ma jaħdmux għal perijodi qosra meta jaqilbu minn attività għal oħra  (<span class="note footnote notemarker">
<a id="c-80" href="#t-80">79</a>
</span>). Sakemm huma josservaw il-kundizzjonijiet l-oħrajn fl-Artikolu 7(3)(b) tad-Direttiva 2004/38, l-esklużjoni awtomatika ta’ tali ħaddiema mill-benefiċċju tiegħu jekk huma jkunu ħadmu għal total ta’ iktar minn sena minkejja xi spazji qosra jew interruzzjonijiet ta’ tul totali limitat tkun ħarxa mingħajr ħtieġa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Minn dan isegwi li filwaqt li l-espressjoni “għal aktar minn sena” fl-Artikolu 7(3)(b) tad-Direttiva 2004/38 tagħmel riferiment, bħala prinċipju, għal perijodu kontinwu uniku ta’ iktar minn sena, ladarba l-kunċett ta’ “ħaddiem” ma għandux ikun interpretat b’mod restrittiv  (<span class="note footnote notemarker">
<a id="c-81" href="#t-81">80</a>
</span>) – u b’estenzjoni, il-kundizzjonijiet li skonthom dan l-istatus jista’ jinżamm – din il-kontinwità ma għandhiex tiġi interrotta minħabba assenzi qosra mill-forza tax-xogħol ta’ tul raġonevoli  (<span class="note footnote notemarker">
<a id="c-82" href="#t-82">81</a>
</span>) li ma jeċċedux total ta’ xahrejn fejn l-interruzzjoni tkun volontarja jew ta’ sitt xhur fejn din tirriżulta minn qgħad involontarju  (<span class="note footnote notemarker">
<a id="c-83" href="#t-83">82</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">Għandu jiġi enfasizzat li l-perijodu ta’ xahrejn ta’ nuqqas ta’ attività volontarju huwa qasir fin-natura b’riferiment jew bi proporzjon għall-perijodu ta’ iktar minn sena fl-Artikolu 7(3)(b) tad-Direttiva 2004/38. Dan isegwi, b’analoġija, ir-ratio legis jew il-loġika li hija l-bażi tal-Artikolu 16(3) tad-Direttiva 2004/38. L-Artikolu 16(3) tad-Direttiva 2004/38 jipprevedi, inter alia, li assenzi għal perijodi li jkunu ta’ total li jvarja bejn 6 xhur sa 12-il xahar konsekuttivi f’ċerti ċirkustanzi ma jinterrompux perijodu kontinwu ta’ residenza fl-Istat Membru ospitanti ta’ ħames snin. It-tul tal-perijodu ta’ interruzzjoni awtorizzat skont l-Artikolu 16(3) tad-Direttiva 2004/38 ivarja skont, essenzjalment, jekk jirriżultax mill-għażla taċ-ċittadin tal-Unjoni jew minħabba l-forza taċ-ċirkustanzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Fir-rigward tal-perijodu ta’ sitt xhur fil-każ ta’ qgħad involontarju, jiena nqis li dan huwa xieraq b’riferiment għall-perijodu minimu taż-żamma tal-istatus ta’ ħaddiem fl-Artikolu 7(3)(ċ) tad-Direttiva 2004/38  (<span class="note footnote notemarker">
<a id="c-84" href="#t-84">83</a>
</span>) u sabiex ma titneħħiex jew ma tiċċajparx id-differenza bejn din id-dispożizzjoni u l-Artikolu 7(3)(b) ta’ din id-direttiva. Huwa jirrifletti wkoll l-approċċ kumpless adottat mil-leġiżlatur tal-Unjoni fl-Artikolu 16(3) tad-Direttiva 2004/38 fir-rigward tat-tul tal-interruzzjoni awtorizzat skont jekk din tkunx volontarja jew involontarja  (<span class="note footnote notemarker">
<a id="c-85" href="#t-85">84</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Il-perijodu(i) ta’ interruzzjoni volontarja jew involontarja inkwistjoni, madankollu, ma jistgħux jittieħdu inkunsiderazzjoni fil-kalkolu tal-perijodu meħtieġ ta’ impjieg  (<span class="note footnote notemarker">
<a id="c-86" href="#t-86">85</a>
</span>) ta’ iktar minn sena fl-Artikolu 7(3)(b) tad-Direttiva 2004/38.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Jiena għalhekk inqis li bħala risposta għall-ewwel domanda preliminari magħmula mill-qorti tar-rinviju, l-espressjoni “aktar minn sena” fl-Artikolu 7(3)(b) tad-Direttiva 2004/38 għandha tiġi interpretata fis-sens li tagħmel riferiment, bħala prinċipju, għal perijodu kontinwu uniku. Skont il-prinċipju ta’ proporzjonalità, il-kontinwità ta’ dan il-perijodu ma hijiex interrotta minn assenzi qosra mill-forza tax-xogħol ta’ tul raġonevoli li ma jeċċedix total ta’ xahrejn fejn l-interruzzjoni tkun volontarja jew ta’ sitt xhur fejn din tirriżulta minn qgħad involontarju. Il-perijodu(i) ta’ interruzzjoni inkwistjoni jistgħu jittieħdu inkunsiderazzjoni fil-kalkolu tal-perijodu meħtieġ ta’ impjieg ta’ iktar minn sena fl-Artikolu 7(3)(b) tad-Direttiva 2004/38.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">C.</p>
</td>
<td valign="top">
<p class="normal">Fuq it-tieni domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">Permezz tat-tieni domanda preliminari tagħha, il-qorti tar-rinviju tistaqsi jekk l-eliġibbiltà ta’ ċittadin tal-Unjoni għall-benefiċċju tal-qgħad (Jobseeker’s Allowance) tfissirx li huwa jkun fi “stat ta’ qgħad involontarju debitament irreġistrat” fl-Istat Membru ospitanti skont l-Artikolu 7(3)(b) tad-Direttiva 2004/38.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">Mit-talba għal deċiżjoni preliminari u mill-proċess quddiem il-Qorti tal-Ġustizzja jirriżulta ċar li l-qorti tar-rinviju qiegħda titlob interpretazzjoni tal-kliem “tirreġistra” iktar milli “involontarjament bla xogħol” fl-Artikolu 7(3)(b) tad-Direttiva 2004/38  (<span class="note footnote notemarker">
<a id="c-87" href="#t-87">86</a>
</span>). Il-qorti tar-rinviju tistaqsi, essenzjalment, jekk il-fatt li d-DEASP  (<span class="note footnote notemarker">
<a id="c-88" href="#t-88">87</a>
</span>) ħallas lill-konjuġi preċedenti tal-applikant il-benefiċċju tal-qgħad (Jobseeker’s Allowance) għandux jiġi aċċettat bħala prova mill-Ministru  (<span class="note footnote notemarker">
<a id="c-89" href="#t-89">88</a>
</span>) li hija persuna fi stat ta’ qgħad involontarju għall-finijiet tal-Artikolu 7(3)(b) tad-Direttiva 2004/38 jew tal-inqas għandux jittieħed inkunsiderazzjoni f’din l-evalwazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">L-applikant iqis li d-DEASP għandu jadotta deċiżjoni dwar jekk il-qgħad huwiex involontarju u din id-deċiżjoni tkun vinkolanti fuq il-Ministru bħala effett tad-dritt tal-Unjoni. Billi jagħti l-benefiċċju tal-qgħad (Jobseeker’s Allowance) lil ċittadin tal-Unjoni, id-DEASP iqis li huwa jissodisfa l-kriterji fl-Artikolu 7(3)(b) tad-Direttiva 2004/38. B’mod sussidjarju, għandu jingħata piż sinjifikattiv ħafna għal din il-konstatazzjoni. Fil-każ li l-Ministru ma jqisx il-pożizzjoni tad-DEASP determinanti, il-Ministru għandu jagħti motivazzjoni għan-nuqqas ta’ kunsiderazzjoni ta’ din il-pożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Il-Gvern Ġermaniż jissottometti li persuna bħall-applikant li qiegħda tfittex sabiex tistabbilixxi dritt idderivat ta’ residenza mid-drittijiet li jitgawdew mill-konjuġi preċedenti tagħha tista’ tinvoka l-fatt li hija rċeviet il-benefiċċju tal-qgħad (Jobseeker’s Allowance) mid- DEASP sabiex tipprova li hija kienet f’sitwazzjoni ta’ “stat ta’ qgħad involontarju debitament irreġistrat” fis-sens tal-Artikolu 7(3)(b) tad-Direttiva 2004/38. Il-Gvern Ġermaniż enfasizza ċ-ċirkustanzi partikolari ta’ din il-kawża, jiġifieri n-nuqqas ta’ kooperazzjoni min-naħa taċ-ċittadina tal-Unjoni u r-rifjut tal-awtoritajiet Irlandiżi li jipprovdu lill-applikant iċ-ċertifikati rilevanti, b’mod li rrendewha impossibbli għalih li jasserixxi d-drittijiet previsti fid-Direttiva 2004/38. Skont dan il-gvern, jekk ma għadux possibbli li jiġi ddeterminat jekk il-qgħad kienx involontarju, dan huwa esklużivament attribwibbli għall-proċeduri tal-awtoritajiet Irlandiżi, bħan-nuqqas milli jiġu stabbiliti l-fatti jew it-tneħħija ta’ informazzjoni rilevanti mid-databases. Din is-sitwazzjoni ma għandhiex topera għad-detriment tal-applikant.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">L-Irlanda tqis li r-reġistrazzjoni bħala persuna li qiegħda tfittex xogħol mad-DEASP tissodisfa parti waħda biss tar-rekwiżiti tal-Artikolu 7(3)(b) tad-Direttiva 2004/38 u li tali reġistrazzjoni waħedha ma tistax u ma tikkwalifikax bħala bażi għaż-żamma miċ-ċittadin tal-Unjoni tal-istatus ta’ ħaddiem. Kjarament hemm rekwiżit addizzjonali li l-qgħad ikun “involontarju”. Din ma hijiex xi ħaġa li l-awtoritajiet Irlandiżi jikkunsidraw meta jagħtu l-benefiċċju tal-qgħad (Jobseeker’s Allowance). Barra minn dan, l-applikant f’kull ħin iġorr l-oneru tal-prova sabiex jistabbilixxi li l-konjuġi preċedenti tiegħu, ċittadina tal-Unjoni, kienet persuna fi stat ta’ qgħad involontarju. Għalhekk, skont l-Irlanda, il-fatt li ċittadina tal-Unjoni kienet qiegħda tirċievi l-benefiċċju tal-qgħad (Jobseeker’s Allowance) mid-DEASP ma jfissirx minnu nnifsu bħala kwistjoni ta’ dritt li hija tinsab fi “stat ta’ qgħad involontarju debitament irreġistrat” fl-Irlanda fis-sens tal-Artikolu 7(3)(b) tad-Direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">Skont il-Kummissjoni, ir-raġunijiet għalfejn ċittadin tal-Unjoni mobbli jkun waqaf milli jeżerċita attività ekonomika fl-Istat Membru ospitanti jistgħu jkunu rilevanti għad-determinazzjoni ta’ jekk il-qgħad ikunx volontarju. Ir-rekwiżit ta’ qgħad “involontarju” impost mill-Artikolu 7(3)(b) u (ċ) tad-Direttiva 2004/38 jillimita ż-żamma ta’ status ta’ ħaddiem għal sitwazzjonijiet fejn it-tmiem tal-attività ekonomika kollha (għalkemm mhux neċessarjament it-tmiem ta’ impjieg speċifiku) kien minħabba ċirkustanzi indipendenti mir-rieda taċ-ċittadin tal-Unjoni mobbli. Interpretazzjoni alternattiva tista’ tippermetti lill-ħaddiema mobbli sabiex jibbenefikaw miż-żamma tal-istatus ta’ ħaddiem, anki fejn huma jkunu waqfu l-attività kollha fl-Istat Membru ospitanti purament skont ir-rieda tagħhom stess. Fl-istess ħin, l-eliġibbiltà għall-benefiċċju tal-qgħad (Jobseeker’s Allowance) inkwistjoni f’din il-kawża tiddependi fuq il-fatt li ċ-ċittadin tal-Unjoni mobbli jistabbilixxi li huwa jkun disponibbli għax-xogħol u ġenwinament ikun qiegħed ifittex xogħol iżda ma jkunx jista’ jikseb impjieg adegwat. Huwa għalhekk konċepibbli li l-awtoritajiet kompetenti jkunu jistgħu, għall-finijiet tal-verifika tal-intitolament kontinwu taċ-ċittadin tal-Unjoni, jiksbu informazzjoni addizzjonali li tikkonċerna n-natura u l-portata tal-isforzi taċ-ċittadin tal-Unjoni fit-tfittxija ta’ xogħol u r-riżultat ta’ dawn l-isforzi, li tkun rilevanti għad-determinazzjoni dwar jekk l-istatus ta’ qgħad tiegħu kienx volontarju jew le. Madankollu, il-qorti tar-rinviju tinsab fl-aħjar pożizzjoni sabiex tivverifika din il-kwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">Mill-kliem tal-Artikolu 7(3)(b) tad-Direttiva 2004/38 jirriżulta ċar li sabiex ċittadin tal-Unjoni jżomm l-istatus ta’ ħaddiem jew ħaddiem li jaħdem għal rasu, huwa għandu jissodisfa tliet kundizzjonijiet kumulattivi separati, jiġifieri: (i) li jkun fi “stat ta’ qgħad involontarju debitament irreġistrat”; (ii) wara li jkun ħadem għal iktar minn sena u (iii) jkun irreġistra bħala persuna li qiegħda tfittex xogħol mal-uffiċċju tal-impjiegi rilevanti. In-natura kumulattiva ta’ dawn il-kundizzjonijiet hija evidenti mill-użu tal-kliem “wara” u “u” f’din id-dispożizzjoni. Ir-reġistrazzjoni bħala persuna li qiegħda tfittex xogħol wara li tkun ħadmet għal iktar minn sena għalhekk ma hijiex ser tkun biżżejjed sabiex ċittadin tal-Unjoni jżomm l-istatus ta’ ħaddiem jew ħaddiem li jaħdem għal rasu skont l-Artikolu 7(3)(b) tad-Direttiva 2004/38. Iċ-ċittadin tal-Unjoni għandu jissodisfa wkoll ir-rekwiżit separat li jkun fi “stat ta’ qgħad involontarju debitament irreġistrat”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">Il-kliem “debitament irreġistrat” ma humiex iddefiniti fid-Direttiva 2004/38 u l-mod li bih il-qgħad involontarju għandu jiġi stabbilit jew irreġistrat ma huwiex ipprovdut fiha. Minn dan isegwi għalhekk li fl-assenza ta’ regoli tal-Unjoni dwar il-kwistjoni u skont il-prinċipju ta’ awtonomija proċedurali, huwa l-ordinament ġuridiku nazzjonali ta’ kull Stat Membru li għandu jistabbilixxi r-regoli għar-reġistrazzjoni tal-qgħad involontarju għall-finijiet tal-Artikolu 7(3)(b) tad-Direttiva 2004/38, bil-kundizzjoni li dawn ir-regoli ma jkunux inqas favorevoli minn dawk li jirregolaw sitwazzjonijiet domestiċi simili (prinċipju ta’ ekwivalenza) u ma jirrendux impossibbli fil-prattika jew eċċessivament diffiċli l-eżerċizzju tad-drittijiet mogħtija mill-ordinament ġuridiku tal-Unjoni (prinċipju ta’ effettività)  (<span class="note footnote notemarker">
<a id="c-90" href="#t-90">89</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">Fil-każ tal-kawża prinċipali, il-kwistjoni hija biss dik tal-prinċipju ta’ effettività.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">Jidher, bla ħsara għall-verifika mill-qorti tar-rinviju, li r-Regolament 6(3)(c) tar-Regolamenti, b’mod simili għall-Artikolu 7(3)(b) tad-Direttiva 2004/38, sempliċement jirreferi għall-“istat ta’ qgħad involontarju debitament irreġistrat” mingħajr ma jindika in concreto kif tali reġistrazzjoni għandha tiġi stabbilita. Barra minn hekk, ma hemm l-ebda indikazzjoni fil-proċess quddiem il-Qorti tal-Ġustizzja li leġiżlazzjoni, strument(i) statutorju/i jew ġurisprudenza nazzjonali oħra jsolvu l-kwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Iktar importanti madankollu, il-qorti tar-rinviju ma indikatx il-bażi statutorja u l-kundizzjonijiet għall-kisba tal-benefiċċju tal-qgħad (Jobseeker’s Allowance) fl-Irlanda. B’mod partikolari, dik il-qorti ma spjegatx jekk l-għoti tal-benefiċċju tal-qgħad (Jobseeker’s Allowance) mid-DEASP jiddependix minn konstatazzjoni minn dik l-entità li l-persuna inkwistjoni tkun tinsab fi stat ta’ qgħad għal raġunijiet indipendenti mir-rieda tagħha jew jekk, u jekk dan ikun il-każ, kif u sa fejn, tali ċirkustanzi jistgħux ikunu rilevanti fl-evalwazzjoni tal-eliġibbiltà għal dan il-benefiċċju. Għalhekk jiena għandi dubji serji dwar jekk it-tieni domanda preliminari hijiex fil-fatt ammissibbli minħabba li l-qorti tar-rinviju ma spjegatx it-tifsira ġenerali tad-dispożizzjonijiet nazzjonali rilevanti applikabbli fir-rigward ta’ din id-domanda preliminari kif meħtieġ mill-Artikolu 94(b) tar-Regoli ta’ Proċedura tal-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Fil-każ li l-Qorti tal-Ġustizzja tikkunsidra li t-tieni domanda preliminari hija ammissibbli, nenfasizza l-fatt li skont il-Kummissjoni, il-Ministru kkonstata quddiem il-High Court (il-Qorti Għolja) li meta tiġi evalwata l-eliġibbiltà għall-benefiċċju tal-qgħad (Jobseeker’s Allowance), id-DEASP ma jagħmel l-ebda investigazzjoni rigward ir-raġunijiet għalfejn persuna tkun telqet mill-impjieg preċedenti  (<span class="note footnote notemarker">
<a id="c-91" href="#t-91">90</a>
</span>). L-Irlanda tissottometti wkoll fl-osservazzjonijiet tagħha quddiem il-Qorti tal-Ġustizzja li l-awtoritajiet Irlandiżi ma jeżaminawx jekk il-qgħad ikunx “involontarju” meta jagħtu l-benefiċċju tal-qgħad (Jobseeker’s Allowance).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">Madankollu, jidher skont informazzjoni disponibbli pubblikament ipprovduta minn korp statutorju li jaqa’ taħt ir-responsabbiltà tad-Dipartiment tal-Impjiegi u tal-Protezzjoni Soċjali (preċedentement id-DEASP), bla ħsara għall-verifika tal-qorti tar-rinviju, li persuna tista’ tkun skwalifikata għal perijodu ta’ żmien (sa disa’ ġimgħat) jekk hija tkun “telqet mix-xogħol volontarjament u mingħajr kawża ġusta”  (<span class="note footnote notemarker">
<a id="c-92" href="#t-92">91</a>
</span>). Minn dan isegwi  (<span class="note footnote notemarker">
<a id="c-93" href="#t-93">92</a>
</span>) li d-Dipartiment tal-Impjiegi u tal-Protezzjoni Soċjali meta jagħti l-benefiċċju tal-qgħad (Jobseeker’s Allowance) preżentement jistaqsi  (<span class="note footnote notemarker">
<a id="c-94" href="#t-94">93</a>
</span>) jew tal-inqas għandu s-setgħa li jinvestiga r-raġunijiet għalfejn persuna tkun tinsab fi stat ta’ qgħad u jista’ temporanjament jiskwalifika lil din il-persuna jekk il-qgħad tagħha jkun volontarju. Jidher għalhekk li hemm xi sovrappożizzjoni bejn il-kundizzjonijiet għall-kisba tal-benefiċċju tal-qgħad (Jobseeker’s Allowance) fl-Irlanda u l-kliem “involontarjament bla xogħol” fl-Artikolu 7(3)(b) tad-Direttiva 2004/38  (<span class="note footnote notemarker">
<a id="c-95" href="#t-95">94</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">Jekk il-qorti tar-rinviju tikkonstata li d-DEASP gawda minn tali setgħat fiż-żmien rilevanti u l-eliġibbiltà għall-benefiċċju tal-qgħad (Jobseeker’s Allowance) teħtieġ sostanzjalment li l-persuna tinstab “involontarjament bla xogħol”  (<span class="note footnote notemarker">
<a id="c-96" href="#t-96">95</a>
</span>), jiena nqis li l-fatt li ċittadin tal-Unjoni jkun kiseb il-benefiċċju tal-qgħad (Jobseeker’s Allowance) minn din l-entità għandu jittieħed inkunsiderazzjoni mill-Ministru meta jevalwa jekk ċittadin tal-Unjoni jistax iżomm l-istatus ta’ ħaddiem jew ħaddiem li jaħdem għal rasu skont l-Artikolu 7(3)(b) tad-Direttiva 2004/38. F’tali ċirkustanzi, ir-riċezzjoni tal-benefiċċju tal-qgħad (Jobseeker’s Allowance) tikkostitwixxi prova prima facie li ċ-ċittadina tal-Unjoni kienet fi “stat ta’ qgħad involontarju debitament irreġistrat” għall-finijiet tal-Artikolu 7(3)(b) tad-Direttiva 2004/38  (<span class="note footnote notemarker">
<a id="c-97" href="#t-97">96</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">Il-Ministru jista’ jirribatti din il-prova billi jipprova li ċ-ċittadin tal-Unjoni kien eskluż jew skwalifikat (temporanjament) milli jirċievi l-benefiċċju tal-qgħad (Jobseeker’s Allowance), minħabba li l-qgħad tiegħu kien volontarju, jew bi kwalunkwe prova rilevanti oħra. Għandu jiġi enfasizzat li l-Ministru invoka b’mod estensiv l-informazzjoni rċevuta mid-DEASP fuq il-konjuġi preċedenti tal-applikant sabiex juri, inter alia, ir-rekords tal-impjieg tagħha, in-nuqqas ta’ status tagħha ta’ ħaddiem u l-fatt li hija rċeviet il-benefiċċju tal-qgħad (Jobseeker’s Allowance) “bejn Settembru, 2013 u Settembru, 2017”. Il-Ministru huwa għalhekk fil-pożizzjoni li jikseb informazzjoni mid-DEASP sabiex jirribatti l-prova prima facie inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">Jiena għalhekk inqis li bħala risposta għat-tieni domanda preliminari magħmula mill-qorti tar-rinviju, l-eliġibbiltà ta’ ċittadin tal-Unjoni għall-benefiċċju tal-qgħad (Jobseeker’s Allowance) tikkostitwixxi prova prima facie li ċittadin tal-Unjoni kien fi “stat ta’ qgħad involontarju debitament irreġistrat” jekk din l-eliġibbiltà tiddependi fuq li persuna tkun tinsab fi stat ta’ qgħad għal raġunijiet indipendenti mir-rieda tagħha u li l-awtorità nazzjonali rilevanti li tagħti din l-allowance tinvestiga jew ikollha s-setgħa li tinvestiga dwar ir-raġunijiet għalfejn din il-persuna tkun tinsab fi stat ta’ qgħad.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">VI.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti kollha, jiena nipproponi li l-Qorti tal-Ġustizzja tirrispondi l-ewwel u t-tieni domanda preliminari magħmula mill-Court of Appeal (il-Qorti tal-Appell, l-Irlanda) kif ġej:</p>
</td>
</tr>
</table>
    <p class="C02AlineaAltA" id="para-107" title="page-28">
      L-Artikolu 7(3)(b) tad-Direttiva 2004/38/KE tal-Parlament Ewropew u tal-Kunsill tad-29 ta’ April 2004 dwar id-drittijiet taċ-ċittadini ta’ l-Unjoni u tal-membri tal-familja tagħhom biex jiċċaqilqu u jgħixu liberament fit-territorju ta’ l-Istati Membri u li temenda r-Regolament (KEE) Nru 1612/68 u li tħassar id-Direttivi 64/221/KEE, 68/360/KEE, 72/194/KEE, 73/148/KEE, 75/34/KEE, 75/35/KEE, 90/364/KEE, 90/365/KEE u 93/96/KEE
    </p>
    <p class="C02AlineaAltA" id="para-108" title="page-28">
      għandu jiġi interpretat fis-sens li:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">L-espressjoni “aktar minn sena” inkluża fih tirreferi, bħala prinċipju, għall-perijodu kontinwu uniku. Skont dan il-prinċipju ta’ proporzjonalità, il-kontinwità ta’ dan il-perijodu ma hijiex interrotta minn assenzi qosra mill-forza tax-xogħol ta’ tul raġonevoli li ma jeċċedux total ta’ xahrejn fejn l-interruzzjoni tkun volontarja jew ta’ sitt xhur fejn din tirriżulta minn qgħad involontarju. Il-perijodu(i) ta’ interruzzjoni inkwistjoni ma jistgħux jittieħdu inkunsiderazzjoni għall-finijiet tal-kalkolu tal-perijodu ta’ impjieg meħtieġ ta’ iktar minn sena fl-Artikolu 7(3)(b) tad-Direttiva 2004/38.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">L-eliġibbiltà ta’ ċittadin tal-Unjoni għall-benefiċċju tal-qgħad (Jobseeker’s Allowance) tikkostitwixxi prova prima facie li ċittadin tal-Unjoni kien fi “stat ta’ qgħad involontarju debitament irreġistrat” jekk din l-eliġibbiltà tiddependi fuq il-fatt li persuna tkun tinsab fi stat ta’ qgħad għal raġunijiet indipendenti mir-rieda tagħha u l-awtorità nazzjonali rilevanti li tagħti din l-allowance tinvestiga jew ikollha s-setgħa li tinvestiga r-raġunijiet għalfejn din il-persuna tkun tinsab fi stat ta’ qgħad.</p>
</td>
</tr>
</table>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: l-Ingliż.</p>
<p class="note footnote">(<span class="note footnote notemarker">
<a id="t-2" href="#c-2">i</a>
</span>) L-isem ta’ din il-kawża huwa fittizju. Dan l-isem ma jikkorrispondi għall-isem reali ta’ ebda waħda mill-partijiet fil-proċedura.</p>
<p class="note footnote">(<span class="note footnote notemarker">
<a id="t-3" href="#c-3">2</a>
</span>) It-talba kienet ippreżentata mill-Court of Appeal (il-Qorti tal-Appell (l-Irlanda)) fid-9 ta’ Lulju 2024 fir-Reġistru tal-Qorti tal-Ġustizzja.</p>
<p class="note footnote">(<span class="note footnote notemarker">
<a id="t-4" href="#c-4">3</a>
</span>) L-applikant u l-konjuġi preċedenti tiegħu ddivorzjaw f’Lulju 2014.</p>
<p class="note footnote">(<span class="note footnote notemarker">
<a id="t-5" href="#c-5">4</a>
</span>) Bħala ħaddiem jew ħaddiem li jaħdem għal rasu.</p>
<p class="note footnote">(<span class="note footnote notemarker">
<a id="t-6" href="#c-6">5</a>
</span>) Direttiva tal-Parlament Ewropew u tal-Kunsill tad-29 ta’ April 2004 dwar id-drittijiet taċ-ċittadini ta’ l-Unjoni u tal-membri tal-familja tagħhom biex jiċċaqilqu u jgħixu liberament fit-territorju ta’ l-Istati Membri u li temenda r-Regolament (KEE) Nru 1612/68 u li tħassar id-Direttivi 64/221/KEE, 68/360/KEE, 72/194/KEE, 73/148/KEE, 75/34/KEE, 75/35/KEE, 90/364/KEE, 90/365/KEE u 93/96/KEE (ĠU Edizzjoni Speċjali bil-Malti, Kap 5, Vol. 5, p. 46).</p>
<p class="note footnote">(<span class="note footnote notemarker">
<a id="t-7" href="#c-7">6</a>
</span>) Disponibbli online: https://www.irishstatutebook.ie/eli/2015/si/548/made/en/print.</p>
<p class="note footnote">(<span class="note footnote notemarker">
<a id="t-8" href="#c-8">7</a>
</span>) Kif indikat fuq il-formoli ta’ applikazzjoni rilevanti.</p>
<p class="note footnote">(<span class="note footnote notemarker">
<a id="t-9" href="#c-9">8</a>
</span>) Li f’kull okkażjoni kienet tkun xi ftit wara l-preżentata tal-applikazzjoni.</p>
<p class="note footnote">(<span class="note footnote notemarker">
<a id="t-10" href="#c-10">9</a>
</span>) L-Irlanda indikat fis-sottomissjonijiet bil-miktub tagħha li r-Regolament 10(2) tar-Regolamenti jimplimenta l-Artikolu 13(2) tad-Direttiva 2004/38.</p>
<p class="note footnote">(<span class="note footnote notemarker">
<a id="t-11" href="#c-11">10</a>
</span>) L-applikant kien informat fl-ittra ta’ rifjut li “informazzjoni disponibbli lill-Ministru mid-[DEASP], tindika li ċ-ċittadina tal-[Unjoni] ma kinitx qiegħda twettaq l-eżerċizzju tad-dritt tagħha ta’ impjieg, ħaddiema li taħdem għal rasha, li ssegwi kors ta’ studju, li tkun f’qgħad involontarju jew li tkun fil-pussess ta’ riżorsi suffiċjenti skont ir-Regolament 6(3) tar-Regolamenti mit-[13 ta’ Settembru 2013] sat-[23 ta’ Settembru 2017]”. Fir-rekord tal-preżentazzjoni tad-deċiżjoni, uffiċjal fid-Diviżjoni tad-Drittijiet tat-Trattat tal-Unjoni ddeċieda li l-applikazzjoni tal-applikant għandha tiġi rrifjutata minħabba li: “l-informazzjoni disponibbli tad-DEASP tindika li ċ-ċittadina tal-[Unjoni] ma kinitx qiegħda teżerċita [d-drittijiet tat-Trattat tal-Unjoni] fl-Istat permezz ta’ impjieg fid-data tal-bidu tal-proċedura tad-divorzju f’[…] Ġunju 2014[;] hija kienet residenti hawn iżda kienet qiegħda tirċievi l-[Jobseeker’s] Allowance (il-benefiċċju tal-qgħad) mit‑[13 ta’ Settembru 2013] sat-[23 ta’ Settembru 2017]”.</p>
<p class="note footnote">(<span class="note footnote notemarker">
<a id="t-12" href="#c-12">11</a>
</span>) Il-każ kien segwit minn uffiċjal ta’ stħarriġ li jaġixxi wkoll bħala xhud għan-nom tal-Ministru fil-kawża prinċipali quddiem il-qrati Irlandiżi.</p>
<p class="note footnote">(<span class="note footnote notemarker">
<a id="t-13" href="#c-13">12</a>
</span>) Ara l-premessi 1 sa 4 tad-Direttiva 2004/38.</p>
<p class="note footnote">(<span class="note footnote notemarker">
<a id="t-14" href="#c-14">13</a>
</span>) Sentenza tal-11 ta’ April 2019, Tarola (C-483/17, iktar ’il quddiem is-“sentenza Tarola”, EU:C:2019:309, punt 23 u l-ġurisprudenza ċċitata). Il-Qorti tal-Ġustizzja enfasizzat, kif jirriżulta mill-kliem stess tal-Artikoli 20 u 21 TFUE, li d-dritt taċ-ċittadini tal-Unjoni u tal-membri tal-familja tagħhom li jiċċaqilqu u li jirrisjedu liberament fit-territorju tal-Istati Membri ma huwiex inkundizzjonat iżda suġġett għal-limitazzjonijiet u l-kundizzjonijiet previsti fit-Trattat FUE u mid-dispożizzjonijiet adottati għall-applikazzjoni tiegħu. Il-leġiżlatur tal-Unjoni rregola dawn il-limiti u kundizzjonijiet permezz tad-Direttiva 2004/38 (sentenza tat-2 ta’ Settembru 2021, État belge (Dritt ta’ residenza fil-każ ta’ vjolenza domestika), C‑930/19, EU:C:2021:657, punt 78 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-15" href="#c-15">14</a>
</span>) Skont l-Artikolu 2(2)(a) tad-Direttiva 2004/38, “ir-raġel jew martu” hija “membru tal-familja”.</p>
<p class="note footnote">(<span class="note footnote notemarker">
<a id="t-16" href="#c-16">15</a>
</span>) Ser nirreferi għal dan bħala l-Istat Membru ospitanti.</p>
<p class="note footnote">(<span class="note footnote notemarker">
<a id="t-17" href="#c-17">16</a>
</span>) L-Artikolu 3(1) tad-Direttiva 2004/38 jiddefinixxi “benefiċjarji” tad-drittijiet mogħtija mid-direttiva bħala “ċittadini kollha ta’ l-Unjoni li jiċċaqilqu jew li jgħixu fi Stat Membru għajr iċ-ċittadini ta’ l-istess Stat Membru, u għall-membri tal-familja tagħhom kif imfissra fil-punt 2 ta’ l-Artikolu 2 li jakkumpanjawhom jew li jingħaqdu magħhom”. L-għan u l-ġustifikazzjoni tad-drittijiet mogħtija lill-membri tal-familja huma bbażati fuq il-konstatazzjoni li r-rifjut ta’ rikonoxximent ta’ tali drittijiet huwa ta’ natura li jippreġudika d-dritt ta’ moviment liberu taċ-ċittadin tal-Unjoni billi jiddisswadih milli jeżerċita d-drittijiet tiegħu ta’ dħul u ta’ residenza fl-Istat Membru ospitanti (sentenza tas-16 ta’ Lulju 2015, Singh et, C‑218/14, iktar ’il quddiem is-“sentenza Singh”, EU:C:2015:476, punt 50).</p>
<p class="note footnote">(<span class="note footnote notemarker">
<a id="t-18" href="#c-18">17</a>
</span>) L-Artikolu 6 tad-Direttiva 2004/38 jirreferi għad-dritt ta’ residenza sa tliet xhur taċ-ċittadini tal-Unjoni u tal-membri tal-familja tagħhom fl-Istat Membru ospitanti.</p>
<p class="note footnote">(<span class="note footnote notemarker">
<a id="t-19" href="#c-19">18</a>
</span>) Ara wkoll l-Artikolu 17 tad-Direttiva 2004/38 dwar derogi favur persuni li ma għadhomx jaħdmu fl-Istati Membri ospitanti u għall-membri tal-familja tagħhom. L-Artikolu 21 tad-Direttiva 2004/38 jipprevedi li “[g]ħall-iskopijiet ta’ din id-Direttiva, kontinwità ta’ residenza tista’ tiġi vverifikata permezz ta’ kwalunkwe evidenza fl-użu fl-Istat Membru ospitanti […]”</p>
<p class="note footnote">(<span class="note footnote notemarker">
<a id="t-20" href="#c-20">19</a>
</span>) Ara s-sentenza Tarola, punt 24.</p>
<p class="note footnote">(<span class="note footnote notemarker">
<a id="t-21" href="#c-21">20</a>
</span>) Sentenza tal‑15 ta’ Lulju 2021, A (Kura tas-saħħa pubblika) (C‑535/19, EU:C:2021:595, punt 53 u l-ġurisprudenza ċċitata). Din il-kundizzjoni hija bbażata fuq l-idea li l-eżerċizzju tad-dritt ta’ residenza taċ-ċittadini tal-Unjoni jista’ jkun suġġett għall-interess leġittimu tal-Istati Membri bħall-protezzjoni tal-finanzi pubbliċi. Ara, f’dan is-sens, is-sentenza tad-19 ta’ Settembru 2013, Brey (C‑140/12, EU:C:2013:565, punt 55). Għandu jiġi enfasizzat li hija ġurisprudenza stabbilita li filwaqt li ċittadin tal-Unjoni jista’ jkollu riżorsi suffiċjenti, id-dritt tal-Unjoni ma jistabbilixxix, madankollu, l-iċken rekwiżit fir-rigward tas-sors tagħhom. Ir-riżorsi jistgħu jiġu pprovduti, inter alia, minn ċittadin ta’ pajjiż terz li huwa konjuġi ta’ ċittadin tal-Unjoni. Ara f’dan is-sens, is-sentenza tas‑16 ta’ Lulju 2015, Singh et (C‑218/14, EU:C:2015:476, punt 74 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-22" href="#c-22">21</a>
</span>) Kif osservat il-Kummissjoni, l-Artikolu 7(1) tad-Direttiva 2004/38 fih numru ta’ prinċipji legali differenti li skonthom iċ-ċittadini tal-Unjoni għandhom dritt ta’ residenza fit-territorju ta’ Stat Membru ieħor għal perijodu itwal minn tliet xhur. Minħabba li l-bażi legali għar-residenza jista’ jinbidel maż-żmien, ċittadin tal-Unjoni jista’ jakkumula diversi perijodi ta’ residenza legali taħt iktar minn prinċipju legali wieħed previst mill-Artikolu 7(1) tad-Direttiva 2004/38.</p>
<p class="note footnote">(<span class="note footnote notemarker">
<a id="t-23" href="#c-23">22</a>
</span>) U l-membri tal-familja taċ-ċittadin tal-Unjoni.</p>
<p class="note footnote">(<span class="note footnote notemarker">
<a id="t-24" href="#c-24">23</a>
</span>) Ara, f’dan is-sens, is-sentenza tal‑21 ta’ Diċembru 2023, Chief Appeals Officer et (C‑488/21, EU:C:2023:1013, punt 59).</p>
<p class="note footnote">(<span class="note footnote notemarker">
<a id="t-25" href="#c-25">24</a>
</span>) In-natura derivattiva ta’ tali drittijiet tal-familja tirrifletti l-għan prinċipali tagħhom skont id-Direttiva 2004/38, li huwa dak li tippromwovi l-moviment liberu taċ-ċittadini tal-Unjoni (ara s-sentenza tat-2 ta’ Settembru 2021, État belge (Dritt ta’ residenza fil-każ ta’ vjolenza domestika), C‑930/19, EU:C:2021:657, punti 74 u 82 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-26" href="#c-26">25</a>
</span>) Il-Qorti tal-Ġustizzja ddeċidiet li dawn iċ-ċirkustanzi ma humiex elenkati b’mod eżawrjenti fl-Artikolu 7(3) tad-Direttiva 2004/38 (ara s-sentenza Tarola, punt 26 u l-ġurisprudenza ċċitata). Ara wkoll is-sentenza tad‑19 ta’ Ġunju 2014, Saint Prix (C‑507/12, EU:C:2014:2007, punti 31 u 38). Fil-punti 28, 40 u 41 tas-sentenza tal-aħħar, il-Qorti tal-Ġustizzja ddikjarat li l-Artikolu 7(3) tad-Direttiva 2004/38 ma jipprevedix b’mod espliċitu l-każ ta’ mara li hija f’sitwazzjoni partikolari minħabba l-limitazzjonijiet fiżiċi tal-aħħar stadji tat-tqala tagħha u l-effetti tal-ħlas. Il-fatt li tali limitazzjonijiet jeħtieġu li l-mara tieqaf taħdem waqt il-perijodu meħtieġ għall-irkupru tagħha ma jċaħħadhiex, bħala prinċipju, mill-istatus tagħha ta’ “ħaddiema” fis-sens tal-Artikolu 45 TFUE. Il-fatt li hija ma kinitx effettivament disponibbli fis-suq tax-xogħol tal-Istat Membru ospitanti għal ftit xhur ma jfissirx li hija ma baqgħetx tappartjeni għal dak is-suq matul dan il-perijodu, sakemm hija tassumi mill-ġdid ix-xogħol tagħha jew issib xogħol ieħor f’terminu raġonevoli wara l-ħlas. Ara wkoll is-sentenza tad‑19 ta’ Settembru 2019, Dakneviciute (C‑544/18, EU:C:2019:761, punt 41), li hija bbażata fuq l-Artikolu 49 TFUE.</p>
<p class="note footnote">(<span class="note footnote notemarker">
<a id="t-27" href="#c-27">26</a>
</span>) Ara s-sentenza Tarola, punt 43.</p>
<p class="note footnote">(<span class="note footnote notemarker">
<a id="t-28" href="#c-28">27</a>
</span>) Ara l-Artikolu 7(3)(a) tad-Direttiva 2004/38.</p>
<p class="note footnote">(<span class="note footnote notemarker">
<a id="t-29" href="#c-29">28</a>
</span>) Ara l-Artikolu 7(3)(b) tad-Direttiva 2004/38. Il-persuna kkonċernata għandha tirreġistra bħala persuna li qiegħda tfittex xogħol mal-uffiċċju tal-impjieg rilevanti.</p>
<p class="note footnote">(<span class="note footnote notemarker">
<a id="t-30" href="#c-30">29</a>
</span>) Ara l-Artikolu 7(3)(d) tad-Direttiva 2004/38.</p>
<p class="note footnote">(<span class="note footnote notemarker">
<a id="t-31" href="#c-31">30</a>
</span>) Sentenza tal-20 ta’ Diċembru 2017, Gusa (C‑442/16, EU:C:2017:1004, punt 45).</p>
<p class="note footnote">(<span class="note footnote notemarker">
<a id="t-32" href="#c-32">31</a>
</span>) Ara s-sentenza Tarola, punti 46, 48 u 49.</p>
<p class="note footnote">(<span class="note footnote notemarker">
<a id="t-33" href="#c-33">32</a>
</span>) Ara, pereżempju, l-Artikoli 12 u 13 tad-Direttiva 2004/38.</p>
<p class="note footnote">(<span class="note footnote notemarker">
<a id="t-34" href="#c-34">33</a>
</span>) L-Artikolu 13(2) tad-Direttiva 2004/38 għalhekk jikkostitwixxi deroga mill-prinċipju li l-membri tal-familja ta’ ċittadin tal-Unjoni ma jibbenefikawx minn drittijiet awtonomi ta’ residenza iżda minflok, minn drittijiet idderivati skont din id-direttiva (sentenza tat‑2 ta’ Settembru 2021, État belge (Dritt ta’ residenza fil-każ ta’ vjolenza domestika), C‑930/19, EU:C:2021:657, punt 34).</p>
<p class="note footnote">(<span class="note footnote notemarker">
<a id="t-35" href="#c-35">34</a>
</span>) Sentenza tat‑2 ta’ Settembru 2021, État belge (Dritt ta’ residenza fil-każ ta’ vjolenza domestika) (C‑930/19, EU:C:2021:657, punti 61 u 62).</p>
<p class="note footnote">(<span class="note footnote notemarker">
<a id="t-36" href="#c-36">35</a>
</span>) Il-Qorti tal-Ġustizzja ddikjarat li ċ-ċittadin tal-Unjoni li huwa konjuġi ta’ ċittadin ta’ pajjiż terz għandu jirrisjedi fl-Istat Membru ospitanti, skont l-Artikolu 7(1) tad-Direttiva 2004/38, sad-data ta’ meta tkun inbdiet il-proċedura tad-divorzju sabiex dan iċ-ċittadin ta’ pajjiż terz ikun jista’ jitlob iż-żamma tad-dritt ta’ residenza tiegħu f’dan l-Istat Membru fuq il-bażi tal-Artikolu 13(2) tad-Direttiva (is-sentenza Singh, punt 66). Dawn ir-rekwiżiti ġew mibdula u mmodifikati mill-Qorti tal-Ġustizzja f’każijiet ta’ abbuż domestiku (sentenza tat-2 ta’ Settembru 2021, État belge (Dritt ta’ residenza fil-każ ta’ vjolenza domestika), C‑930/19, EU:C:2021:657, punt 43). Jiena nqis li l-Artikolu 7(3) tad-Direttiva 2004/38 huwa rilevanti wkoll.</p>
<p class="note footnote">(<span class="note footnote notemarker">
<a id="t-37" href="#c-37">36</a>
</span>) Hemm numru ta’ riferimenti fit-talba għal deċiżjoni preliminari għall-fatt li l-konjuġi preċedenti tal-applikant kienet qiegħda tirċievi l-benefiċċju tal-qgħad (Jobseeker’s Allowance), “protezzjoni soċjali” u l-benefiċċji tat-tfal. Id-dati eżatti ta’ meta saru dawn il-ħlasijiet u r-rilevanza ta’ tali ħlasijiet ħlief għall-benefiċċju tal-qgħad (Jobseeker’s allowance) ma humiex daqstant ċari. Barra minn dan, hemm xi riferiment f’din it-talba għall-perijodi ta’ impjieg taċ-ċittadina tal-Unjoni fl-Irlanda wara l-bidu tal-proċedura tad-divorzju. Huwa biżżejjed li jiġi ddikjarat li skont l-Artikolu 13(2)(a), perijodi qabel il-bidu tal-proċedura tad-divorzju biss huma rilevanti.</p>
<p class="note footnote">(<span class="note footnote notemarker">
<a id="t-38" href="#c-38">37</a>
</span>) Ara s-sentenza tal-11 ta’ Novembru 2014, Dano (C‑333/13, EU:C:2014:2358, punt 71), li tirreferi għall-Artikolu 7(1) tad-Direttiva 2004/38. Fil-fehma tiegħi, isegwi mis-sentenza Tarola, punti 51 u 52, li t-tħassib espress fil-premessa 10 ta’ din id-direttiva jagħmel riferiment għall-Artikolu 7 tagħha b’mod globali.</p>
<p class="note footnote">(<span class="note footnote notemarker">
<a id="t-39" href="#c-39">38</a>
</span>) Għandu jiġi enfasizzat li l-Artikolu 45(2) TFUE jipprevedi li l-moviment liberu tal-ħaddiema jinvolvi l-abolizzjoni ta’ kwalunkwe diskriminazzjoni bbażata fuq in-nazzjonalità bejn il-ħaddiema tal-Istati Membri fir-rigward tal-impjieg, remunerazzjoni u kundizzjonijiet oħrajn ta’ xogħol u impjieg. Fil-qasam tal-vantaġġi soċjali, din id-dispożizzjoni hija kkonkretizzata fl-Artikolu 7(2) tar-Regolament (UE) Nru 492/2011 tal-Parlament Ewropew u tal-Kunsill tal-5 ta’ April 2011 dwar il-moviment liberu tal-ħaddiema fi ħdan l-Unjoni (ĠU 2011, L 141, p. 1). Il-Qorti tal-Ġustizzja ddikjarat li l-għan li jiġi evitat piż finanzjarju irraġonevoli fuq l-Istat Membru ospitanti ma jistax jiġġustifika trattament inugwali fuq ħaddiema migranti u l-membri tal-familja tagħhom – kif iddefinit fl-Artikolu 2 tad-Direttiva 2004/38 – meta mqabbla mal-ħaddiema nazzjonali fil-qasam ta’ aċċess għall-assistenza soċjali (sentenza tal‑21 ta’ Diċembru 2023, Chief Appeals Officer et, C‑488/21, EU:C:2023:1013, punti 49 u 71). B’kuntrast, il-Qorti tal-Ġustizzja ddikjarat li Stat Membru jista’ jirrifjuta milli jagħti benefiċċji soċjali lil ċittadini tal-Unjoni ekonomikament inattivi li jeżerċitaw id-dritt ta’ moviment liberu tagħhom u li ma jkollhomx riżorsi suffiċjenti sabiex jitolbu dritt ta’ residenza skont din id-direttiva (sentenza tal-15 ta’ Lulju 2021, Id-Dipartment għall-Komunitajiet fl-Irlanda ta’ Fuq, C‑709/20, EU:C:2021:602, punt 78 u l-ġurisprudenza ċċitata). Il-Qorti tal-Ġustizzja għalhekk għamlet distinzjoni ċara fil-kuntest, inter alia, tal-Artikolu 7 tad-Direttiva 2004/38 bejn ħaddiema u ċittadini tal-Unjoni li ma humiex attivi ekonomikament.</p>
<p class="note footnote">(<span class="note footnote notemarker">
<a id="t-40" href="#c-40">39</a>
</span>) Jiena ser neżamina ż-żewġ partijiet flimkien.</p>
<p class="note footnote">(<span class="note footnote notemarker">
<a id="t-41" href="#c-41">40</a>
</span>) Filwaqt li d-domanda preliminari magħmula sempliċement tirreferi għall-espressjoni “sena”, inqis li fil-kuntest ta’ din il-kawża u fid-dawl tat-test innifsu tal-Artikolu 7(3)(b) tad-Direttiva 2004/38 huwa opportun li tiġi interpretata l-espressjoni “għal aktar minn sena”.</p>
<p class="note footnote">(<span class="note footnote notemarker">
<a id="t-42" href="#c-42">41</a>
</span>) Il-kliem “anqas minn sena” u “matul l-ewwel tnax-il xahar” fl-Artikolu 7(3)(ċ) tad-Direttiva 2004/38 – li lanqas ma huma ddefiniti – ma jiċċarawx, minnhom innifishom, jekk il-perijodu fl-Artikolu 7(3)(b) ta’ din id-direttiva huwiex kontinwu.</p>
<p class="note footnote">(<span class="note footnote notemarker">
<a id="t-43" href="#c-43">42</a>
</span>) Barra minn hekk, jiena ma nafx jekk din il-kwistjoni kinitx indirizzata mill-Qorti tal-Ġustizzja fil-ġurisprudenza tagħha. Fis-sentenza tat‑12 ta’ Marzu 2014, O. u B. (C‑456/12, EU:C:2014:135, punt 59), il-Qorti tal-Ġustizzja rrispondiet id-domanda preliminari dwar jekk l-effett kumulattiv ta’ diversi perijodi ta’ residenza qosra fl-Istat Membru ospitanti jistax joħloq dritt ta’ residenza dderivat għal membru tal-familja ta’ ċittadin tal-Unjoni li huwa ċittadin ta’ pajjiż terz mar-ritorn taċ-ċittadin tal-Unjoni lejn l-Istat Membru tan-nazzjonalità tiegħu billi ddikjarat li huwa biss perijodu ta’ residenza li jissodisfa l-kundizzjonijiet stabbiliti fl-Artikolu 7(1) u (2) u l-Artikolu 16(1) u (2) tad-Direttiva 2004/38 li jwassal għal tali dritt ta’ residenza. F’dan ir-rigward, perijodi qosra ta’ residenza bħal tmiem il-ġimgħa jew btala fi Stat Membru minbarra dak li huwa tan-nazzjonalità taċ-ċittadin inkwistjoni, anki meta meqjusa flimkien, jaqgħu fil-portata tal-Artikolu 6 tad-Direttiva 2004/38 u ma jissodisfawx dawn il-kundizzjonijiet. Fid-dawl tal-perijodi estiżi taċ-ċittadin tal-Unjoni fl-Irlanda fil-kawża prinċipali, l-Artikolu 6 tad-Direttiva 2004/38 ma huwiex rilevanti.</p>
<p class="note footnote">(<span class="note footnote notemarker">
<a id="t-44" href="#c-44">43</a>
</span>) Għandu jiġi osservat li l-kliem ekwivalenti użat f’verżjonijiet lingwistiċi differenti tad-dispożizzjoni inkwistjoni għandhom l-istess tifsira bħal dawk użati fil-verżjoni lingwistika Ingliża (“for more than one year”). Dawn il-verżjonijiet lingwistiċi differenti għalhekk ma jirreferux għal perijodu kontinwu uniku jew perijodu mingħajr interruzzjoni. Barra minn hekk, il-verżjonijiet lingwistiċi differenti ma jipprevedux li l-perijodu ta’ sena jista’ jinkiseb billi jingħaqdu żewġ perijodi jew iktar li jkunu iqsar. Għalhekk, pereżempju, il-verżjoni lingwistika Franċiża tuża “pendant plus d’un an”, il-verżjoni lingwistika Spanjola “durante más de un año”, il-verżjoni lingwistika Portugiża “durante mais de um ano”, il-verżjoni lingwistika Taljana “per oltre un anno”, il-verżjoni lingwistika Griega “άνω του ενός έτους”, il-verżjoni lingwistika Ġermaniża “nach mehr als einjähriger”, il-verżjoni lingwistika Bulgara “повече от една година”, il-verżjoni lingwistika Litwana “daugiau kaip vienerius metus”, il-verżjoni lingwistika Latvjana “ilgāk nekā vienu gadu”, il-verżjoni lingwistika Estonjana “üle ühe aasta”, il-verżjoni lingwistika Ċeka “více než jeden rok”, u l-verżjoni lingwistika Rumena “perioadă de peste un an”.</p>
<p class="note footnote">(<span class="note footnote notemarker">
<a id="t-45" href="#c-45">44</a>
</span>) Ara, pereżempju, il-paragrafu 2 tal-Kapitolu 2 tal-Anness XII tal-Att li jirrigwarda l-kondizzjonijiet ta’ l-adeżjoni tar-Repubblika Ċeka, ir-Repubblika ta’ l-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika tal-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika tas-Slovakkja u l-aġġustamenti għat-Trattati li fuqhom hija stabbilita l-Unjoni Ewropea (ĠU 2003, L 236, p. 876, rettifika fil-ĠU 2007, L 60, p. 1), li jipprovdi dispożizzjonijiet tranżitorji dwar il-moviment liberu ta’ persuni u jirreferi speċifikament għad-dħul ta’ persuni b’nazzjonalità Pollakka fis-suq tax-xogħol ta’ “Stat Membru attwali” għal “perijodu mingħajr interruzzjoni ta’ 12-il xahar jew aktar”. Enfasi miżjuda. Fis-sentenza tat‑13 ta’ Settembru 2018, Prefeta (C‑618/16, EU:C:2018:719, punt 55), il-Qorti tal-Ġustizzja ddeċidiet li d-dispożizzjoni inkwistjoni awtorizzat, matul perijodu tranżitorju, lir-Renju Unit sabiex jeskludi mill-benefiċċju tal-Artikolu 7(3) tad-Direttiva 2004/38 lil ċittadin Pollakk, meta dan ma jissodisfax ir-rekwiżit impost mil-leġiżlazzjoni nazzjonali li jkun eżerċita għal perijodu ta’ 12-il xahar mingħajr interruzzjoni attività ta’ xogħol irreġistrata fir-Renju Unit. Il-Qorti tal-Ġustizzja madankollu ma interpretatx il-kliem “għal aktar minn sena” fl-Artikolu 7(3) tad-Direttiva 2004/38 jew ikkunsidrat li kien ekwivalenti għall-kliem “perijodu mingħajr interruzzjoni ta’ 12-il xahar jew aktar”. Ara wkoll l-Artikolu 4(1) tad-Direttiva tal-Kunsill 2003/109/KE tal-25 ta’ Novembru 2003 dwar l-istatus ta’ ċittadini ta’ pajjiżi terzi li jkunu residenti għat-tul (ĠU Edizzjoni Speċjali bil-Malti Kap 19, Vol. 6, p. 272), li jipprevedi li “[l]-Istati Membri għandhom jagħtu status ta’ residenti għat-tul lil ċittadini ta’ pajjiżi terzi li ikunu rrisjedew legalment u kontinwament fit-territorju tagħhom għal ħames snin li jiġu minnufih qabel is-sottomissjoni ta’ l-applikazzjoni relevanti”. Enfasi miżjuda.</p>
<p class="note footnote">(<span class="note footnote notemarker">
<a id="t-46" href="#c-46">45</a>
</span>) Enfasi miżjuda.</p>
<p class="note footnote">(<span class="note footnote notemarker">
<a id="t-47" href="#c-47">46</a>
</span>) Din id-dispożizzjoni tippermetti assenzi itwal f’ċerti ċirkustanzi. Ara, b’analoġija, l-Artikolu 4(3) tad-Direttiva 2003/109, li jipprevedi li “[l]-perjodi ta’ assenza mit-territorju ta’ l-Istat Membru konċernat ma għandhomx jinterrompu l-perjodu msemmi fil-paragrafu 1 u għandu jingħata kont għall-kalkolazzjoni tagħhom meta ikunu iqsar minn sitt xhur konsekuttivi u ma jeċċedux fit-total 10 xhur fil-perjodu msemmi fil-paragrafu 1.”</p>
<p class="note footnote">(<span class="note footnote notemarker">
<a id="t-48" href="#c-48">47</a>
</span>) Il-Gvern Ġermaniż jikkunsidra wkoll li fil-lingwaġġ ta’ kuljum, l-espressjoni ta’ sena tindika “perijodu magħmul minn sena kontinwa”.</p>
<p class="note footnote">(<span class="note footnote notemarker">
<a id="t-49" href="#c-49">48</a>
</span>) Ara s-sentenza Tarola, punt 37. Ara, b’analoġija, is-sentenza tat-30 ta’ Jannar 2020, Tim (C‑395/18, EU:C:2020:58, punt 36 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-50" href="#c-50">49</a>
</span>) L-Artikolu 16(1) tad-Direttiva 2004/38 jipprevedi espressament li d-dritt ta’ residenza permanenti, li ċ-ċittadini tal-Unjoni jiksbu wara li jkunu rrisjedew legalment għal perijodu kontinwu ta’ ħames snin fl-Istat Membru ospitanti, “m’għandux ikun suġġett għall-kondizzjonijiet previsti fil-Kapitolu III”. Dan id-dritt ma huwiex għalhekk suġġett, b’mod partikolari, għall-kundizzjonijiet, stabbiliti fl-Artikolu 7(1)(b) ta’ din id-direttiva, li jkollhom riżorsi suffiċjenti u assigurazzjoni ta’ mard komprensiva għalihom u għall-membri tal-familja tagħhom (sentenza tal-10 ta’ Marzu 2022, Commissioners for Her Majesty’s Revenue and Customs (Assigurazzjoni ta’ mard komprensiva), C‑247/20, EU:C:2022:177, punt 54).</p>
<p class="note footnote">(<span class="note footnote notemarker">
<a id="t-51" href="#c-51">50</a>
</span>) U, bħala konsegwenza, aċċess ugwali għall-assistenza soċjali fl-Istat Membru ospitanti bħala ċittadini suġġetti, madankollu, għall-Artikolu 7(3)(ċ) u l-Artikolu 24(2) tad-Direttiva 2004/38.</p>
<p class="note footnote">(<span class="note footnote notemarker">
<a id="t-52" href="#c-52">51</a>
</span>) Sentenza tat‑13 ta’ Settembru 2018, Prefeta (C‑618/16, EU:C:2018:719, punti 37 u 39 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-53" href="#c-53">52</a>
</span>) Filwaqt li d-Direttiva 2004/38 tirregola d-dritt taċ-ċittadini tal-Unjoni u tal-membri tal-familja tagħhom ta’ moviment liberu u residenza libera fit-territorju tal-Istati Membri, il-pożizzjoni ċentrali u privileġġata tal-ħaddiema – jew ta’ persuni li huma attivi ekonomikament – fil-qasam ta’ din id-direttiva u b’mod partikolari l-Artikolu 7 tagħha ma tistax tkun sottovalutata. Ara s-sentenza tal-11 ta’ Novembru 2014, Dano (C‑333/13, EU:C:2014:2358, punti 73 sa 78).</p>
<p class="note footnote">(<span class="note footnote notemarker">
<a id="t-54" href="#c-54">53</a>
</span>) Ara s-sentenza Tarola, punt 50. Ara wkoll il-premessa 10 tad-Direttiva 2004/38.</p>
<p class="note footnote">(<span class="note footnote notemarker">
<a id="t-55" href="#c-55">54</a>
</span>) Dan il-prinċipju, li jirregola l-kontenut u l-forma tal-azzjoni tal-Unjoni, ifittex li jiżgura li tali azzjoni tkun xierqa sabiex tiżgura l-kisba tal-għanijiet imfittxija u ma teċċedix dak li huwa neċessarju sabiex jintlaħqu dawn l-għanijiet (sentenza tal‑24 ta’ Frar 2022, Viva Telecom Bulgaria, C‑257/20, EU:C:2022:125, punt 112).</p>
<p class="note footnote">(<span class="note footnote notemarker">
<a id="t-56" href="#c-56">55</a>
</span>) Dan l-eżerċizzju ta’ bbilanċjar huwa xi drabi indikat bħala proporzjonalità stricto sensu. “Sabiex ikunu konformi mal-prinċipju ta’ proporzjonalità, il-miżuri adottati għandhom ikunu xierqa sabiex jintlaħqu l-għanijiet leġittimi; ma għandhomx jeċċedu dak li huwa neċessarju sabiex jintlaħqu (fejn hemm diversi alternattivi regolatorji, rimedju għandu jkun l-inqas wieħed oneruż); u l-iżvantaġġi kkaġunati ma għandhomx ikunu sproporzjonati għall-għanijiet imfittxija (bilanċ intern, jew proporzjonalità stricto sensu)”. (Konklużjonijiet tal-Avukat Ġenerali Bobek f’Pöpperl, C‑187/15, EU:C:2016:194, punt 45).</p>
<p class="note footnote">(<span class="note footnote notemarker">
<a id="t-57" href="#c-57">56</a>
</span>) Ara l-punt 30 ta’ dawn il-konklużjonijiet u s-sentenza Tarola, punt 43.</p>
<p class="note footnote">(<span class="note footnote notemarker">
<a id="t-58" href="#c-58">57</a>
</span>) Ara s-sentenza Tarola, punt 43. Ċittadin tal-Unjoni li wettaq attività fil-kapaċità ta’ ħaddiem jew ħaddiem għal rasu fl-Istat Membru ospitanti jżomm l-istatus tiegħu b’mod indefinit jekk huwa ħadem fil-kapaċità ta’ ħaddiem jew ħaddiem għal rasu fl-Istat Membru ospitanti għal “aktar minn sena” qabel ma spiċċa fi stat ta’ qgħad involontarju, skont l-Artikolu 7(3)(b) ta’ din id-direttiva. B’kuntrast, ċittadin tal-Unjoni li wettaq attività fil-kapaċità ta’ ħaddiem jew ħaddiem għal rasu fl-Istat Membru ospitanti għal perijodu ta’ inqas minn sena jżomm l-istatus tiegħu biss għal perijodu ta’ żmien li dan l-Istat Membru jista’ jiddetermina, sakemm ma jkunx inqas minn sitt xhur skont l-Artikolu 7(3)(ċ) tad-Direttiva 2004/38.</p>
<p class="note footnote">(<span class="note footnote notemarker">
<a id="t-59" href="#c-59">58</a>
</span>) U għalhekk għal raġunijiet lil hinn mill-kontroll taċ-ċittadin tal-Unjoni (sentenza tal-20 ta’ Diċembru 2017, Gusa, C‑442/16, EU:C:2017:1004, punti 31 u 45, u s-sentenza Tarola, punti 46, 48 u 49).</p>
<p class="note footnote">(<span class="note footnote notemarker">
<a id="t-60" href="#c-60">59</a>
</span>) Il-Gvern Ġermaniż iqis li tali interpretazzjoni tfisser li perijodi ta’ xogħol li tlestew fl-Istat Membru ospitanti għexieren ta’ snin ilu, bħala ħaddiem staġjonali, pereżempju, jistgħu jittieħdu inkunsiderazzjoni għall-għoti ta’ dritt ta’ residenza illimitat skont l-Artikolu 7(3)(b) tad-Direttiva 2004/38, anki jekk il-persuna kkonċernata tkun ħadmet hemm għal xahar biss fil-passat reċenti.</p>
<p class="note footnote">(<span class="note footnote notemarker">
<a id="t-61" href="#c-61">60</a>
</span>) L-Irlanda tqis li ma hemm l-ebda bażi għas-suġġeriment li, skont l-Artikolu 7(3)(b) tad-Direttiva 2004/38, diversi perijodi qosra ta’ xogħol għandhom jingħaqdu tul perijodu ta’ erba’ jew ħames snin ladarba bejn dawn il-perijodi qosra ta’ xogħol, persuna tista’ titlef fil-fatt l-istatus ta’ ħaddiem malli tkun ilha bla xogħol għal minn tal-inqas sitt xhur skont l-Artikolu 7(3)(ċ) ta’ din id-direttiva; “Huwa mingħajr bażi li jiġi ssuġġerit li wara ftit snin li jinvolvu perijodi ta’ xogħol għal żmien qasir (għal xahar jew xahrejn kull darba) u perijodi twal ta’ qgħad wieħed jista’ b’xi mod iħares lura u b’mod retrospettiv jitqies li legalment żamm l-istatus fundamentali ta’ ħaddiem bid-drittijiet u l-benefiċċji assoċjati kollha”. B’mod addizzjonali, l-Irlanda tiddikjara li “ma huwiex totalment ċar fuq liema perijodu wieħed jista’ jiddikjara kumulu ta’ perijodi qosra ta’ xogħol li jagħmlu perijodu ta’ sena awtorizzata mil-leġiżlatur tal-Unjoni. Huma erba’ jew ħames snin kif huwa l-każ f’din il-kawża jew jistgħu jkunu għaxar snin jew ħmistax-il sena?”</p>
<p class="note footnote">(<span class="note footnote notemarker">
<a id="t-62" href="#c-62">61</a>
</span>) Skont il-Kummissjoni, id-dritt li jinżamm l-istatus ta’ “ħaddiem” fuq bażi indefinita skont l-Artikolu 7(3)(b) tad-Direttiva 2004/38 huwa bbażat fuq il-preżunzjoni li ċittadin tal-Unjoni mobbli li jkun ilu ekonomikament attiv għal perijodu li jeċċedi sena jkun ikkontribwixxa bħala membru stabbli tal-forza tax-xogħol u jkollu għarfien suffiċjenti tas-suq tax-xogħol sabiex ikompli jaħdem u jikkontribwixxi ekonomikament lill-Istat ospitanti, inkluż lis-sistema tas-sigurtà soċjali tiegħu, f’perijodu raġonevoli.</p>
<p class="note footnote">(<span class="note footnote notemarker">
<a id="t-63" href="#c-63">62</a>
</span>) Li jġib total ta’ iktar minn sena.</p>
<p class="note footnote">(<span class="note footnote notemarker">
<a id="t-64" href="#c-64">63</a>
</span>) B’mod partikolari jekk xi perijodu ta’ interruzzjoni jeċċedi l-perijodu minimu ta’ protezzjoni ta’ sitt xhur previst mill-Artikolu 7(3)(ċ) tad-Direttiva 2004/38.</p>
<p class="note footnote">(<span class="note footnote notemarker">
<a id="t-65" href="#c-65">64</a>
</span>) B’mod partikolari l-Artikolu 7(3)(b) u l-Artikolu 7(3)(ċ) tad-Direttiva 2004/38.</p>
<p class="note footnote">(<span class="note footnote notemarker">
<a id="t-66" href="#c-66">65</a>
</span>) Fil-punt 48 tas-sentenza Tarola, il-Qorti tal-Ġustizzja indikat li l-Artikolu 7(1)(ċ) tad-Direttiva 2004/38 japplika “fis-sitwazzjonijiet kollha fejn ħaddiem kien imġiegħel, għal raġunijiet indipendenti mir-rieda tiegħu, li jieqaf mill-attività tiegħu fl-Istat Membru ospitanti qabel l-iskadenza ta’ sena […]”. Fil-fehma tiegħi, dan jimplika li l-Artikolu 7(1)(b) tad-Direttiva 2004/38 jirreferi għal perijodu uniku, kontinwu ta’ iktar minn sena. L-element ta’ kontinwità huwa iktar evidenti fil-verżjoni lingwistika Franċiża tas-sentenza, li tuża l-frażi “avant l’échéance d’une année”.</p>
<p class="note footnote">(<span class="note footnote notemarker">
<a id="t-67" href="#c-67">66</a>
</span>) Sakemm jiġu osservati l-kundizzjonijiet l-oħrajn f’din id-dispożizzjoni.</p>
<p class="note footnote">(<span class="note footnote notemarker">
<a id="t-68" href="#c-68">67</a>
</span>) Permezz tal-ħlas ta’ taxxi u ta’ kontribuzzjonijiet soċjali (ara, b’analoġija, is-sentenza tal-21 ta’ Diċembru 2023, Chief Appeals Officer et, C‑488/21, EU:C:2023:1013, punt 71).</p>
<p class="note footnote">(<span class="note footnote notemarker">
<a id="t-69" href="#c-69">68</a>
</span>) L-użu tal-kliem “anqas minn sena” jew “matul l-ewwel tnax-il xahar” fl-Artikolu 7(3)(ċ) tad-Direttiva 2004/38 jagħti importanza lill-interpretazzjoni li l-perijodu ta’ sena skont din id-dispożizzjoni u, b’implikazzjoni, skont l-Artikolu 7(3)(b) tagħha huwa “blokka” unika, kritika jew kontinwa jew perijodu ta’ żmien kontinwu.</p>
<p class="note footnote">(<span class="note footnote notemarker">
<a id="t-70" href="#c-70">69</a>
</span>) Ara s-sentenza Tarola, punt 54. Ara, b’analoġija, is-sentenza tal-4 ta’ Ġunju 2009, Vatsouras u Koupatantze (C‑22/08 u C‑23/08, EU:C:2009:344, punt 30), li fiha l-Qorti tal-Ġustizzja qieset li minkejja t-tul qasir ta’ attività professjonali, ma jistax jiġi eliminat il-fatt li l-persuna hija ħaddiema skont l-Artikolu 45 TFUE.</p>
<p class="note footnote">(<span class="note footnote notemarker">
<a id="t-71" href="#c-71">70</a>
</span>) F’dak il-każ, ġimagħtejn.</p>
<p class="note footnote">(<span class="note footnote notemarker">
<a id="t-72" href="#c-72">71</a>
</span>) Sentenza tal‑15 ta’ Settembru 2015, Alimanovic (C‑67/14, EU:C:2015:597, punt 60).</p>
<p class="note footnote">(<span class="note footnote notemarker">
<a id="t-73" href="#c-73">72</a>
</span>) Ara, b’analoġija, l-Artikolu 16(3) tad-Direttiva 2004/38.</p>
<p class="note footnote">(<span class="note footnote notemarker">
<a id="t-74" href="#c-74">73</a>
</span>) Ara, b’analoġija, il-konklużjonijiet tal-Avukat Ġenerali Szpunar f’Tarola (C‑483/17, EU:C:2018:919, punti 45 sa 49).</p>
<p class="note footnote">(<span class="note footnote notemarker">
<a id="t-75" href="#c-75">74</a>
</span>) Fil-fatt, tali kwistjonijiet jistgħu primarjament jirriżultaw waqt l-ewwel sena tal-eżerċizzju miċ-ċittadin tal-Unjoni tal-moviment liberu tiegħu.</p>
<p class="note footnote">(<span class="note footnote notemarker">
<a id="t-76" href="#c-76">75</a>
</span>) B’mod partikolari minħabba li d-dritt li jittieħed leave annwali fl-ewwel sena ta’ attività jista’ jkun estremament limitat f’ċerti Stati Membri minħabba r-rekwiżit ta’ perijodu ta’ servizz minimu.</p>
<p class="note footnote">(<span class="note footnote notemarker">
<a id="t-77" href="#c-77">76</a>
</span>) Minkejja titjib f’komunikazzjonijiet u trasport moderni. F’dan ir-rigward, ċerti kwistjonijiet burokratiċi jistgħu jkunu solvuti biss mal-ħaddiem li jkun in situ.</p>
<p class="note footnote">(<span class="note footnote notemarker">
<a id="t-78" href="#c-78">77</a>
</span>) Sentenza tal‑21 ta’ Ġunju 1988, Lair (39/86, EU:C:1988:322, punt 38).</p>
<p class="note footnote">(<span class="note footnote notemarker">
<a id="t-79" href="#c-79">78</a>
</span>) Ara, pereżempju, artiklu tal-aħbarijiet tal-Eurostat tas-16 ta’ Frar 2023, intitolat “3.5 million job leavers in Q3 2022 in EU”; disponibbli online: https://ec.europa.eu/eurostat/web/products-eurostat-news/w/ddn-20230216-2. L-artiklu jagħmel riferiment għaż-żieda fil-persuni bl-età bejn il-25 u l-54 sena li jitilqu mix-xogħol tagħhom fit-tielet kwart tal-2022 meta mqabbel ma’ dak tal‑2021 għal, inter alia, raġunijiet personali inkluż li jkunu jridu iktar żmien liberu, safar u bidla fil-post ta’ residenza.</p>
<p class="note footnote">(<span class="note footnote notemarker">
<a id="t-80" href="#c-80">79</a>
</span>) Dan il-fenomenu huwa xi drabi msejjaħ bħala “jobbymoon”. Għal tagħrif rigward bidla fil-karriera u l-fenomenu ta’ “jobcrafting” u “pixelated market”, ara Bersin, J., “The labor market has totally changed: Are you really ready?”, 31 ta’ Marzu 2024, aġġornat fis‑6 ta’ April 2024; disponibbli online: https://joshbersin.com/2024/03/the-needs-of-employees-have-totally-changed-are-you-really-ready/. Ara wkoll https://www.shrm.org/mena/executive-network/insights/people-strategy/pixelated-workforce-arrived-ready.</p>
<p class="note footnote">(<span class="note footnote notemarker">
<a id="t-81" href="#c-81">80</a>
</span>) Sentenza tal‑21 ta’ Frar 2013, N. (C‑46/12, EU:C:2013:97, punt 39). “Fil-fatt, sa fejn dan il-kunċett jiddefinixxi l-kamp ta’ applikazzjoni ta’ libertà fundamentali prevista mit-Trattat FUE, dan għandu jiġi interpretat b’mod estensiv”. (Konklużjonijiet tal-Avukat Ġenerali Szpunar f’G. M. A. (Persuna li qiegħda tfittex impjieg), C‑710/19, EU:C:2020:739, punt 37).</p>
<p class="note footnote">(<span class="note footnote notemarker">
<a id="t-82" href="#c-82">81</a>
</span>) Fir-rigward tal-perijodu ta’ sena fl-Artikolu 7(3)(b) tad-Direttiva 2004/38.</p>
<p class="note footnote">(<span class="note footnote notemarker">
<a id="t-83" href="#c-83">82</a>
</span>) F’tali sitwazzjonijiet, fejn il-perijodu ta’ impjieg jew xogħol indipendenti fl-Istat Membru ospitanti huwa “anqas minn sena” jew “tnax-il xahar”, iċ-ċittadin tal-Unjoni jibbenefika mill-protezzjoni mogħtija skont l-Artikolu 7(3)(ċ) tad-Direttiva 2004/38 skont il-kundizzjonijiet stabbiliti fiha. Għandu jiġi enfasizzat li għalkemm ċittadin tal-Unjoni jżomm l-istatus tiegħu ta’ ħaddiem għal perijodu ta’ mhux inqas minn sitt xhur u jibbenefika minn dritt ta’ residenza u trattament ugwali, dan l-istatus ma huwiex ekwivalenti għal impjieg għall-finijiet tal-Artikolu 7(3)(b) tad-Direttiva 2004/38 u l-perijodu ta’ qgħad involontarju ma jistax jintuża sabiex jittieħed inkonsiderazzjoni fil-kalkolu tal-perijodu meħtieġ ta’ impjieg jew xogħol indipendenti ta’ iktar minn sena.</p>
<p class="note footnote">(<span class="note footnote notemarker">
<a id="t-84" href="#c-84">83</a>
</span>) Li huwa sitt xhur.</p>
<p class="note footnote">(<span class="note footnote notemarker">
<a id="t-85" href="#c-85">84</a>
</span>) Tali interpretazzjoni hija konsistenti mal-għan prinċipali mfittex mid-Direttiva 2004/38, li huwa, kif imfakkar fil-punt 16 ta’ dawn il-konklużjonijiet, sabiex jiġi msaħħaħ id-dritt ta’ moviment liberu u ta’ residenza libera taċ-ċittadini tal-Unjoni kollha, u bl-għan speċifikament imfittex mill-Artikolu 7(3) tagħha, li huwa sabiex jiġi ssalvagwardat, permezz taż-żamma tal-istatus ta’ ħaddiem, id-dritt ta’ residenza tal-persuni li waqfu l-attività tax-xogħol minħabba assenza mix‑xogħol minħabba ċirkustanzi indipendenti mir-rieda tagħhom (ara s-sentenza Tarola, punt 49 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-86" href="#c-86">85</a>
</span>) Enfasizzajt il-kelma sabiex nesponi l-fatt li l-Artikolu 7(3)(b) tad-Direttiva 2004/38 juża l-espressjoni “wara li ħadmet”. Inqis li għalhekk jeħtieġ li l-persuna tkun effettivament impjegata iktar milli sempliċement tgawdi mill-istatus ta’ ħaddiem.</p>
<p class="note footnote">(<span class="note footnote notemarker">
<a id="t-87" href="#c-87">86</a>
</span>) F’dan ir-rigward, u kif preċedentement indikat, il-kliem tal-aħħar ġie interpretat mill-Qorti tal-Ġustizzja (ara s-sentenza tal‑20 ta’ Diċembru 2017, Gusa, C‑442/16, EU:C:2017:1004, punti 31 u 45). Ara, b’analoġija, is-sentenza Tarola, punti 46, 48 u 49.</p>
<p class="note footnote">(<span class="note footnote notemarker">
<a id="t-88" href="#c-88">87</a>
</span>) Li hija l-entità kompetenti skont id-dritt Irlandiż għall-ħlas tal-benefiċċju tal-qgħad (Jobseeker’s Allowance).</p>
<p class="note footnote">(<span class="note footnote notemarker">
<a id="t-89" href="#c-89">88</a>
</span>) Li hija l-entità kompetenti skont id-dritt Irlandiż għall-għoti tal-permessi ta’ residenza.</p>
<p class="note footnote">(<span class="note footnote notemarker">
<a id="t-90" href="#c-90">89</a>
</span>) Sentenza tas‑27 ta’ Ġunju 2018, Diallo (C‑246/17, EU:C:2018:499, punti 45 u 59 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-91" href="#c-91">90</a>
</span>) Il-Kummissjoni rreferiet għas-sentenza ta’ Phelan J f’I.T. vs Il‑Ministru għall-Ġustizzja ([2023] IEHC 40, punt 72).</p>
<p class="note footnote">(<span class="note footnote notemarker">
<a id="t-92" href="#c-92">91</a>
</span>) Ara, f’dan is-sens, https://www.citizensinformation.ie/en/social-welfare/unemployed-people/jobseekers-allowance/. Is-Citizens Information Board (il-Bord ta’ Informazzjoni taċ-Ċittadini) huwa l-korp statutorju li jsostni l-provvista ta’ informazzjoni, pariri u promozzjoni fuq firxa wiesgħa ta’ servizzi pubbliċi u soċjali. Huwa jipprovdi s-sit internet tal-Informazzjoni taċ-Ċittadini, citizensinformation.ie. Il-Bord jaqa’ taħt id-Dipartiment tal-Impjiegi u tal-Protezzjoni Soċjali (preċedentement id-DEASP).</p>
<p class="note footnote">(<span class="note footnote notemarker">
<a id="t-93" href="#c-93">92</a>
</span>) Bla ħsara għall-verifika mill-qorti tar-rinviju.</p>
<p class="note footnote">(<span class="note footnote notemarker">
<a id="t-94" href="#c-94">93</a>
</span>) Il-qorti tar-rinviju għandha tevalwa jekk dawn ir-regoli u kundizzjonijiet eżistewx ukoll fiż-żmien rilevanti għall-finijiet tal-azzjoni fil-kawża prinċipali.</p>
<p class="note footnote">(<span class="note footnote notemarker">
<a id="t-95" href="#c-95">94</a>
</span>) Il-portata ta’ din is-sovrappożizzjoni tiddependi fuq ir-regoli u l-kundizzjonijiet għall-għoti tal-benefiċċju tal-qgħad (Jobseeker’s Allowance) u għalhekk possibbilment dwar is-sens tal-kliem “telqet mix-xogħol volontarjament u mingħajr kawża ġusta”.</p>
<p class="note footnote">(<span class="note footnote notemarker">
<a id="t-96" href="#c-96">95</a>
</span>) Skont l-Artikolu 7(3)(b) tad-Direttiva 2004/38.</p>
<p class="note footnote">(<span class="note footnote notemarker">
<a id="t-97" href="#c-97">96</a>
</span>) F’dan ir-rigward u kif indikat preċedentement, id-Direttiva 2004/38 tfittex li tiffaċilita u ssaħħaħ l-eżerċizzju tad-dritt ta’ moviment liberu u ta’ residenza fit-territorju tal-Istati Membri, li huwa mogħti direttament liċ-ċittadini tal-Unjoni permezz tal-Artikolu 21(1) TFUE.</p>
</body>
</html>
