|
Il-Ġurnal Uffiċjali |
MT Is-serje L |
|
2026/786 |
31.3.2026 |
REGOLAMENT TAL-KUNSILL (UE) 2026/786
tat-30 ta’ Marzu 2026
li jemenda r-Regolament (UE) 2026/249 li jistabbilixxi l-opportunitajiet tas-sajd għall-2026, l-2027 u l-2028 għal ċerti stokkijiet ta' ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 43(3) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Ir-Regolament tal-Kunsill (UE) 2026/249 (1) jistabbilixxi l-opportunitajiet tas-sajd għall-2026, l-2027 u l-2028 għal ċerti stokkijiet ta' ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni. Dawk l-opportunitajiet tas-sajd, inkluż ċerti miżuri marbuta b'mod funzjonali magħhom, jenħtieġ li jiġu emendati biex titqies il-pubblikazzjoni tal-parir xjentifiku, kif ukoll l-eżiti tal-konsultazzjonijiet ma' pajjiżi terzi u l-laqgħat tal-organizzazzjonijiet reġjonali tal-ġestjoni tas-sajd (RFMOs, regional fisheries management organisations). |
|
(2) |
Fl-2025, l-Unjoni u r-Renju Unit wettqu konsultazzjonijiet bilaterali dwar l-istabbiliment ta' għadd kbir ta' qabdiet totali permissibbli (TACs, total allowable catches) għall-2026, inkluż ċerti miżuri funzjonalment marbuta ma' dawk it-TACs, għall-istokkijiet elenkati fl-Anness 35 tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, min-naħa waħda, u r-Renju Unit tal-Gran Brittanja u l-Irlanda ta' Fuq, min-naħa l-oħra (2) (il-“Ftehim dwar il-Kummerċ u l-Kooperazzjoni”). Dawk il-konsultazzjonijiet twettqu f’konformità mal-Artikolu 498(2), (4) u (6) tal-Ftehim dwar il-Kummerċ u l-Kooperazzjoni. L-eżitu ta' dawk il-konsultazzjonijiet ġie ddokumentat fir-rekord bil-miktub iffirmat mill-Kapijiet tad-Delegazzjonijiet fl-10 ta' Diċembru 2025. Kif dokumentat f’dak ir-rekord bil-miktub, il-Kapijiet ta' Delegazzjoni qablu li jirrakkomandaw lill-awtoritajiet rispettivi tagħhom li l-miżuri ta' rimedju għall-bakkaljaw (Gadus morhua), għall-merluzz tal-linja sewda (Melanogrammus aeglefinus) u għall-merlangu (Merlangius merlangus) fil-Baħar Ċeltiku u l-Baħar Irlandiż u għal-lingwata (Solea solea) u għall-barbun tat-tbajja' (Pleuronectes platessa) fil-Kanal Ingliż jenħtieġ li jibdew japplikaw, fil-prinċipju, mhux aktar tard mill-1 ta' Ġunju 2026, kemm fl-Unjoni kif ukoll fir-Renju Unit biex jiġu żgurati kondizzjonijiet ekwivalenti peress li l-istokkijiet inkwistjoni huma ġestiti b'mod konġunt. Il-bidu tal-applikazzjoni ta’ dawk il-miżuri ta’ rimedju ser ikun soġġett għall-fatt li l-Unjoni u r-Renju Unit ikunu nnotifikaw it-tlestija tal-proċeduri interni rispettivi tagħhom meħtieġa għall-adozzjoni ta' dawk il-miżuri ta' rimedju. Ir-Renju Unit informa lis-servizzi tal-Kummissjoni li huwa jistenna li jlesti l-proċeduri interni tiegħu għall-inkorporazzjoni fil-liġi tar-Renju Unit tal-miżuri ta' rimedju maqbula għall-bakkaljaw u l-merlangu fil-Baħar Irlandiż u għal-lingwata u l-barbun tat-tbajja' fil-Kanal Ingliż sal-1 ta' Settembru 2026 . Sabiex jiġu żgurati kundizzjonijiet ekwi għall-operaturi tal-Unjoni vis-à-vis l-operaturi tar-Renju Unit, jenħtieġ li l-applikazzjoni ta' dawk il-miżuri tiġi differita sal-1 ta' Settembru 2026, sakemm jitlestew il-proċeduri interni rilevanti mir-Renju Unit. |
|
(3) |
Bejn is-6 ta' Marzu u l-11 ta’ Marzu 2026, l-Unjoni u r-Renju Unit wettqu konsultazzjonijiet bilaterali dwar il-livell tat-TAC għaċ-ċiċċirell (Ammodytes spp.) u l-qabdiet aċċessorji assoċjati fl-ilmijiet tar-Renju Unit u tal-Unjoni tas-subżona 4 tal-Kunsill Internazzjonali għall-Esplorazzjoni tal-Baħar (ICES, International Council for the Exploration of the Sea), l-ilmijiet tar-Renju Unit tad-diviżjoni 2a tal-ICES, u l-ilmijiet tal-Unjoni tad-diviżjoni 3a tal-ICES. L-Unjoni pparteċipat f'dawk il-konsultazzjonijiet abbażi tal-pożizzjoni tal-Unjoni approvata mill-Kunsill fit-3 ta' Marzu 2026. L-eżitu ta' dawk il-konsultazzjonijiet ġie ddokumentat fir-rekord bil-miktub iffirmat fit-13 ta' Marzu 2026. Għalhekk, jenħtieġ li dik it-TAC rilevanti tiġi stabbilita fil-livell miftiehem mar-Renju Unit. |
|
(4) |
Ir-Regolament (UE) 2026/249 stabbilixxa kwoti proviżorji tal-Unjoni għall-kavall (Scomber scombrus) fil-Grigal tal-Atlantiku għall-ewwel nofs tal-2026 fin-nuqqas ta' deċiżjoni dwar it-TAC għal dak l-istokk f'konsultazzjonijiet mal-Istati kostali u mill-Kummissjoni tas-Sajd tal-Atlantiku tal-Grigal (NEAFC). Ir-Renju Unit, in-Norveġja, l-Iżlanda u l-Gżejjer Faeroe qablu dwar TAC għall-kavall għall-2026 f'livell li huwa differenti mil-livell irrakkomandat mill-ICES. Għadu ma ntlaħaq l-ebda ftehim bejn l-Unjoni u r-Renju Unit, in-Norveġja, l-Iżlanda u l-Gżejjer Faeroe dwar TAC għall-kavall għall-2026. Minħabba l-istaġjonalità ta' dak is-sajd, u l-ħtieġa li jiġu promossi kundizzjonijiet ekwivalenti ta' kompetizzjoni għall-operaturi tal-Unjoni ma’ operaturi ta’ pajjiżi terzi, jenħtieġ li l-kwoti tal-Unjoni għal dak l-istokk jiġu stabbiliti għall-2026 kollha, u f'konformità mal-approċċ applikat mill-2021 fir-rigward tas-sehem konġunt tal-Unjoni u tar-Renju Unit f'dik it-TAC. Dak l-approċċ huwa bbażat fuq sehem konġunt UE-Renju Unit ta' 49,29 % tat-TAC għall-kavall, wara l-applikazzjoni tat-trasferimenti tal-kwoti li jirriżultaw mill-implimentazzjoni tat-Tabella B tal-Anness 36 tal-Ftehim dwar il-Kummerċ u l-Kooperazzjoni. |
|
(5) |
Bejn Novembru 2025 u Frar 2026, l-Unjoni u n-Norveġja wettqu konsultazzjonijiet bilaterali dwar l-aċċess għall-ilmijiet rispettivi tagħhom għas-sajd tal-aringa (Clupea harengus) u tal-istokkafixx (Micromesistius poutassou) fl-Atlantiku tal-Grigal. L-Unjoni pparteċipat f'dawk il-konsultazzjonijiet abbażi tal-pożizzjoni tal-Unjoni approvata mill-Kunsill fis-17 ta' Ottubru 2025. L-eżitu ta' dawk il-konsultazzjonijiet ġie ddokumentat f'rekord maqbul iffirmat fis-27 ta' Frar 2026. Għalhekk, jenħtieġ li dawk il-livelli ta' aċċess jiġu stabbiliti fil-livelli miftiehma man-Norveġja. |
|
(6) |
Wara l-istabbiliment ta' TAC ta' referenza għall-bakkaljaw fl-Artiku tal-Grigal għall-2026, jenħtieġ li l-kwota definittiva tal-Unjoni għall-bakkaljaw fl-ilmijiet ta' Svalbard u fl-ilmijiet internazzjonali tas-subżona 1 u d-diviżjoni 2b tal-ICES għall-2026 tiġi stabbilita abbażi ta' dik it-TAC ta' referenza għall-2026 u tas-sehem storiku tal-Unjoni għall-bakkaljaw fl-Artiku tal-Grigal. Jenħtieġ li dik il-kwota tal-Unjoni tiġi allokata lill-Istati Membri f'konformità mad-Deċiżjoni tal-Kunsill 87/277/KEE (3), soġġetta għall-adattamenti meħtieġa minħabba l-ħruġ tar-Renju Unit mill-Unjoni kif stipulat, fit-Tabella E tal-Anness 36, tal-Ftehim dwar il-Kummerċ u l-Kooperazzjoni. |
|
(7) |
Il-limiti tal-isforz tas-sajd għall-bastimenti tas-sajd tal-Unjoni li jistadu għat-tonn (Thunnus thynnus) f'parti miż-żona tal-Konvenzjoni tal-Kummissjoni Internazzjonali għall-Konservazzjoni tat-Tonn tal-Atlantiku (ICCAT, International Commission for the Conservation of Atlantic Tunas) fil-Lvant ta' 45°W, u l-input u l-kapaċità massimi tal-farms tat-tonn tal-Unjoni f'dik iż-żona, huma bbażati fuq l-informazzjoni pprovduta fil-pjanijiet annwali msemmija fl-Artikoli 11, 13 u 15 tar-Regolament (UE) 2023/2053 tal-Parlament Ewropew u tal-Kunsill (4). L-Istati Membri jenħtieġ li jissottomettu dawk il-pjanijiet lill-Kummissjoni sal-31 ta' Jannar ta' kull sena, skont l-Artikolu 16(1) tar-Regolament (UE) 2023/2053. Dawk il-pjanijiet imbagħad għandhom jiġu kkompilati mill-Kummissjoni u għandhom jiffurmaw il-bażi għall-istabbiliment ta' pjan annwali tal-Unjoni, li għandu jintbagħat lis-Segretarjat tal-ICCAT għad-diskussjoni u l-approvazzjoni mill-ICCAT, kif stabbilit bl-Artikolu 16(2) tar-Regolament (UE) 2023/2053. Fil-5 ta' Marzu 2026, l-ICCAT approvat il-pjan annwali tal-Unjoni għall-2026. Għalhekk, jenħtieġ li l-limiti tal-isforz tas-sajd tal-Unjoni u l-input u l-kapaċità massimi tat-trobbija tal-ħut tal-Unjoni għall-2026 jiġu emendati f'konformità ma' dak il-pjan annwali. |
|
(8) |
Skont l-Artikolu 8 tar-Regolament (UE) 2023/2053, l-Istati Membri jistgħu jitolbu t-trasferiment ta' massimu ta' 5 % tal-kwota annwali tagħhom tat-tonn fiż-żona tal-Konvenzjoni tal-ICCAT, fil-Lvant ta' 45°W, mis-sena preċedenti għal sena partikolari. Ċerti Stati Membri, fil-pjanijiet annwali tas-sajd tagħhom sottomessi lill-Kummissjoni, inkludew talbiet biex jittrasferixxu l-kwota annwali tagħhom tat-tonn fiż-żona tal-Konvenzjoni tal-ICCAT, fil-Lvant ta' 45°W, mill-2025 għall-2026. Abbażi ta' dawk it-talbiet, il-Kummissjoni inkludiet talba għal trasferimenti tal-kwota tal-Unjoni għal dak l-istokk mill-2025 għall-2026 fil-pjan annwali tal-Unjoni għall-2026. Għalhekk, wara l-approvazzjoni tal-pjan annwali tal-Unjoni, jenħtieġ li l-kwoti ta' dawk l-Istati Membri għat-tonn fiż-żona tal-Konvenzjoni tal-ICCAT, fil-Lvant ta' 45°W għall-2026, jiġu emendati kif xieraq. |
|
(9) |
F'konformità mal-Artikoli 8a, 17b u 18b tar-Regolament (UE) 2017/2107 tal-Parlament Ewropew u tal-Kunsill (5), il-kwoti annwali għal ċerti Stati Membri għat-tonn obeż (Thunnus obesus) fiż-żona tal-Konvenzjoni tal-ICCAT, għall-alonga (Thunnus alalunga) fiż-żona tal-Konvenzjoni tal-ICCAT, kemm fit-Tramuntana ta' 5°N kif ukoll fin-Nofsinhar ta' 5°N, u għall-pixxispad (Xiphias gladius) fiż-żona tal-Konvenzjoni tal-ICCAT, kemm fit-Tramuntana ta' 5°N kif ukoll fin-Nofsinhar ta' 5°N, ġew trasferiti mill-2024 għall-2026 f'konformità mar-rakkomandazzjonijiet rilevanti tal-ICCAT. Għalhekk, jenħtieġ li l-kwoti ta' dawk l-Istati Membri għal dawk l-istokkijiet għall-2026 jiġu emendati kif xieraq. |
|
(10) |
Fl-14-il laqgħa annwali tagħha fl-2026, l-Organizzazzjoni Reġjonali għall-Ġestjoni tas-Sajd fin-Nofsinhar tal-Paċifiku (SPRFMO) adottat limiti ta' qbid għas-sawrell taċ-Ċilì (Trachurus murphyi) għall-2026 u żammet is-sajd esploratorju għall-pixxisinna (Dissostichus spp.). Barra minn hekk, l-SPRFMO żammet il-miżuri marbuta b'mod funzjonali fir-rigward tas-sajd esploratorju għall-pixxisinna. Għalhekk jenħtieġ li dawk il-miżuri jiġu implimentati fid-dritt tal-Unjoni. |
|
(11) |
Sakemm joħroġ l-eżitu tal-10 sessjoni tal-Kummissjoni tas-Sajd tal-Paċifiku tat-Tramuntana (NPFC, North Pacific Fisheries Commission), jenħtieġ li l-opportunitajiet tas-sajd għal-kavall għajnejh kbar (Scomber japonicus) fiż-żona tal-Konvenzjoni tal-NPFC għall-perjodu mill-1 ta' Ġunju 2026 sal-31 ta' Mejju 2027 jiġu mmarkati bħala “għad iridu jiġu stabbiliti”, sabiex is-sajd għal-kavall għajnejh kbar ikun jista' jibda mill-1 ta' Ġunju 2026 għall-bastimenti tas-sajd tal-Unjoni li jkollhom awtorizzazzjoni tas-sajd f'konformità mal-Artikoli minn 20, 21 u 22 tar-Regolament (UE) 2017/2403 tal-Parlament Ewropew u tal-Kunsill (6). |
|
(12) |
Jenħtieġ li ż-żewġ gruppi ta' perjodi ta' għeluq għall-bastimenti tas-sajd bit-tartarun tal-borża tal-Unjoni fiż-żona tal-Konvenzjoni tal-Kummissjoni Inter-Amerikana għat-Tonn Tropikali (IATTC, Inter-American Tropical Tuna Commission) stabbiliti bir-Regolament (UE) 2026/249, li matulhom tali bastimenti huma pprojbiti milli jistadu għat-tonna safra (Thunnus albacares), għat-tonn obeż jew għall-palamit (Katsuwonus pelamis), jiġi emendati f'konformità mal-miżuri adottati mill-IATTC. L-ewwel grupp ta' perjodi ta' għeluq jenħtieġ li jiġi emendat biex japplika fiż-żona kollha tal-Konvenzjoni tal-IATTC, filwaqt li t-tieni grupp ta' perjodi ta' għeluq jenħtieġ li jkompli japplika f'żona speċifika biss. Barra minn hekk, l-estensjonijiet tal-perjodi ta' għeluq għall-bastimenti tas-sajd bit-tartarun tal-borża tal-Unjoni, abbażi tal-qabdiet tagħhom tat-tonn obeż fiż-żona tal-Konvenzjoni tal-IATTC matul is-sena preċedenti, jenħtieġ li japplikaw biss għall-ewwel grupp ta' perjodi ta' għeluq u għalhekk ma jibqgħux japplikaw għat-tieni grupp ta' perjodi ta' għeluq. |
|
(13) |
Fl-20 ta' Jannar 2021, il-Parlament Ewropew u l-Kunsill adottaw ir-Regolament (UE) 2021/56 (7) li jimplimenta fid-dritt tal-Unjoni ċerti miżuri ta' ġestjoni, ta' konservazzjoni u ta' kontroll applikabbli fiż-żona tal-Konvenzjoni tal-IATTC. L-Artikolu 8 ta' dak ir-Regolament jistabbilixxi miżuri għall-klieb il-baħar tal-qarnuna bajda oċeaniċi (Carcharhinus longimanus). L-Artikolu 40 tar-Regolament (UE) 2026/249 jikkoinċidi mar-Regolament (UE) 2021/56 dwar dak is-suġġett u jimponi rekwiżiti li diġà huma indirizzati mid-dritt tal-Unjoni. Għalhekk jixraq li jitneħħa l-Artikolu 40 tar-Regolament (UE) 2026/249. |
|
(14) |
Ir-Regolament (UE) 2026/249 stabbilixxa TAC għal-lingwata fid-diviżjonijiet 8c, 8d u 8e u fis-subżoni 9 u 10 tal-ICES, u fl-ilmijiet tal-Unjoni tal-Kumitat tas-Sajd għall-Atlantiku Ċentrali tal-Lvant (CECAF, Fishery Committee for the Eastern Central Atlantic) 34.1.1 għall-2026 u għall-2027. Skont l-ICES, hemm tliet speċijiet ewlenin ta' lingwata maqbuda f'dik iż-żona: il-lingwata komuni (Solea solea), il-lingwata tas-Senegal (Solea senegalensis) u l-lingwata tar-ramel (Pegusa lascaris). L-isem xjentifiku msemmi fit-TAC huwa “Solea spp.”, li ma jkoprix il-lingwata tar-ramel. Madankollu, il-lingwata tar-ramel qabel kienet titqies li tappartjeni għall-ġeneru Solea. Sabiex tingħata ċertezza legali, jenħtieġ li l-isem xjentifiku msemmi fit-TAC jiġi sostitwit b'“Solea spp. u Pegusa lascaris” biex ikopri wkoll il-lingwata tar-ramel. |
|
(15) |
Għalhekk, ir-Regolament (UE) 2026/249 jenħtieġ li jiġi emendat skont dan. |
|
(16) |
Sabiex jinżammu l-perjodi ta' rapportar għat-TACs emendati b'dan ir-Regolament, u peress li dawk it-TACs japplikaw mill-1 ta' Jannar 2026, jenħtieġ li t-TACs emendati japplikaw b'mod retroattiv minn dik id-data. Tali applikazzjoni retroattiva ma taffettwax il-prinċipji taċ-ċertezza legali u tal-protezzjoni tal-aspettattivi leġittimi billi t-TACs ikkonċernati nżammu jew żdiedu. |
|
(17) |
Minħabba l-urġenza li jiġu evitati interruzzjonijiet fl-attivitajiet tas-sajd, jenħtieġ li dan ir-Regolament jidħol fis-seħħ fid-data tal-pubblikazzjoni tiegħu f'Il-Ġurnal Uffiċjali tal-Unjoni Ewropea, |
ADOTTA DAN IR-REGOLAMENT:
Artikolu 1
Emenda tar-Regolament (UE) 2026/249
Ir-Regolament (UE) 2026/249 huwa emendat kif ġej:
|
(1) |
L-Artikolu 11(3) huwa sostitwit b'dan li ġej: “3. Il-qabdiet fis-sajd kummerċjali taħt l-opportunitajiet tas-sajd imsemmija fil-paragrafu 1 għandhom jiġu rrapportati minn Spanja u minn Franza (BSS/8AB.).”. |
|
(2) |
L-Artikolu 37 huwa emendat kif ġej:
|
|
(3) |
L-Artikolu 40 jitħassar. |
|
(4) |
L-Artikolu 62 huwa emendat kif ġej:
|
|
(5) |
Il-Partijiet A u B tal-Annessi IA, u l-Annessi IB, ID, IH, IM u VI huma emendati f'konformità mal-Anness ta' dan ir-Regolament. |
Artikolu 2
Dħul fis-seħħ u applikazzjoni
Dan ir-Regolament għandu jidħol fis-seħħ fid-data tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Jannar 2026.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-30 ta’ Marzu 2026.
Għall-Kunsill
Il-President
M. PANAYIOTOU
(1) Ir-Regolament tal-Kunsill (UE) 2026/249 tas-26 ta' Jannar 2026 li jistabbilixxi għall-2026, l-2027 u l-2028 l-opportunitajiet tas-sajd għal ċerti stokkijiet ta' ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni, u li jemenda r-Regolament (UE) 2025/202 (ĠU L, 2026/249, 30.1.2026, ELI: http://data.europa.eu/eli/reg/2026/249/oj).
(2) Il-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, min-naħa waħda, u r-Renju Unit tal-Gran Brittanja u l-Irlanda ta' Fuq, min-naħa l-oħra (ĠU L 149, 30.4.2021, p. 10, ELI: http://data.europa.eu/eli/agree_internation/2021/689(1)/oj).
(3) Id-Deċiżjoni tal-Kunsill 87/277/KEE tat-18 ta' Mejju 1987 dwar l-allokazzjoni ta' possibbiltajiet għall-qabda tal-merluzz fir-reġjun ta' Spitsbergen u Bear Island u fid-Diviżjoni 3M kif inhi definita fil-Konvenzjoni tan-NAFO (ĠU L 135, 23.5.1987, p. 29, ELI: http://data.europa.eu/eli/dec/1987/277/oj).
(4) Ir-Regolament (UE) 2023/2053 tal-Parlament Ewropew u tal-Kunsill tat-13 ta' Settembru 2023 li jistabbilixxi pjan ta' ġestjoni pluriennali għat-tonn fil-Lvant tal-Atlantiku u fil-Mediterran, li jemenda r-Regolamenti (KE) Nru 1936/2001, (UE) 2017/2107, u (UE) 2019/833 u li jħassar ir-Regolament (UE) 2016/1627 (ĠU L 238, 27.9.2023, p. 1, ELI: http://data.europa.eu/eli/reg/2023/2053/oj).
(5) Ir-Regolament (UE) 2017/2107 tal-Parlament Ewropew u tal-Kunsill tal-15 ta' Novembru 2017 li jistabbilixxi l-miżuri ta' ġestjoni, ta' konservazzjoni u ta' kontroll applikabbli fiż-żona tal-Konvenzjoni tal-Kummissjoni Internazzjonali għall-Konservazzjoni tat-Tonn tal-Atlantiku (ICCAT), u li jemenda r-Regolamenti tal-Kunsill (KE) Nru 1936/2001, (KE) Nru 1984/2003 u (KE) Nru 520/2007 (ĠU L 315, 30.11.2017, p. 1, ELI: http://data.europa.eu/eli/reg/2017/2107/oj).
(6) Ir-Regolament (UE) 2017/2403 tal-Parlament Ewropew u tal-Kunsill tat-12 ta' Diċembru 2017 dwar il-ġestjoni sostenibbli ta' flotot tas-sajd esterni, u li jħassar ir-Regolament tal-Kunsill (KE) Nru 1006/2008 (ĠU L 347, 28.12.2017, p. 81, ELI: http://data.europa.eu/eli/reg/2017/2403/oj).
(7) Ir-Regolament (UE) 2021/56 tal-Parlament Ewropew u tal-Kunsill tal-20 ta' Jannar 2021 li jistabbilixxi miżuri ta' ġestjoni, ta' konservazzjoni u ta' kontroll applikabbli fiż-żona tal-Konvenzjoni Inter-Amerikana għat-Tonn Tropikali u li jemenda r-Regolament tal-Kunsill (KE) Nru 520/2007 (ĠU L 24, 26.1.2021, p. 1, ELI: http://data.europa.eu/eli/reg/2021/56/oj).
ANNESS
Emendi għall-Annessi tar-Regolament (UE) 2026/249
|
(1) |
L-Anness IA huwa emendat kif ġej:
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
L-Anness IB huwa emendat kif ġej:
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(3) |
L-Anness ID huwa emendat kif ġej:
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(4) |
L-Anness IH huwa sostitwit b'dan li ġej: “ ANNESS IH ŻONA TAL-KONVENZJONI SPRFMO Tabella 1
Tabella 2
|
|||||||||||||||||||||||||||||||||||
|
(5) |
L-Anness IM huwa sostitwit b'dan li ġej: “ ANNESS IM ŻONA TAL-KONVENZJONI NPFC Tabella 1
|
||||||||||||||||
|
(6) |
L-Anness VI huwa emendat kif ġej:
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
(1) Fil-limiti ta' dawn il-kwoti, ma għandhiex tinqabad kwantità akbar tal-lingwata komuni (Solea solea) (SOL/8CDE34) minn dik li ġejja:
|
|
190” |
(2) Il-qabdiet fiż-żoni differenti ta' ġestjoni taċ-ċiċċirell stipulati hawn taħt għandhom jiġu rrapportati separatament.
(3) Sa 2 % tal-kwota tista' tikkonsisti minn qabdiet aċċessorji tal-merlangu (OT1/*2A3A4X). Il-qabdiet aċċessorji tal-merlangu li jinqatgħu mill-kwota skont din id-dispożizzjoni u l-qabdiet aċċessorji tal-ispeċijiet li jinqatgħu mill-kwota skont l-Artikolu 15(8) tar-Regolament (UE) Nru 1380/2013 ma għandhomx jaqbżu 9 % tal-kwota.
(3) Għandu japplika l-Artikolu 3(2) u (3) tar-Regolament (KE) Nru 847/96.
Għandu japplika l-Artikolu 4 tar-Regolament (KE) Nru 847/96.”
(4) Il-qabdiet tal-aringi li jinqabdu fis-sajd bix-xbieki b'daqs tal-malja ta' 32 mm jew iktar.
(5) L-ammonti li ġejjin biss tal-istokkijiet tal-aringa HER/03A. (HER/*03A.) u HER/03A-BC (HER/*03A-BC) jistgħu jinqabdu fiż-żona 3a:
|
Id-Danimarka |
554 |
|
Il-Ġermanja |
8 |
|
L-Iżvezja |
407 |
|
L-Unjoni |
969 |
(6) Kundizzjoni speċjali: sa 50 % ta' dan l-ammont jista' jinqabad fl-ilmijiet tar-Renju Unit taż-żona 4 (HER/*4-UK), u 50 % jista' jinqabad fl-ilmijiet tal-Unjoni taż-żona 4b (HER/*4B-EU).
(7) Il-qabdiet tal-aringi li jinqabdu fis-sajd bix-xbieki b'daqs tal-malja ta' 32 mm jew iktar.
(8) Il-qabdiet li jinqabdu fil-kuntest ta' din il-kwota jridu jitnaqqsu mis-sehem tat-TAC tan-Norveġja. Fil-limitu ta' din il-kwota, ma tistax tinqabad kwantità akbar minn dik li ġejja fl-ilmijiet tal-Unjoni taż-żona 4b (HER/*04B-C):
|
|
2 700 |
(9) Kundizzjoni speċjali: fil-limitu ta' din il-kwota, ma jistgħux jinqabdu iżjed mimm 250 tunnellata fl-ilmijiet Norveġiżi u tal-Unjoni ta' 3a (HER/*03A).
(10) Kundizzjoni speċjali: fil-limitu tal-kwantità totali tal-aċċess ta' tunnellati li għandha tiġi stabbilita għall-Unjoni, l-Istati Membri jistgħu jaqbdu mhux iżjed mill-perċentwal li ġej tal-kwoti tagħhom fl-ilmijiet tal-Gżejjer Faeroe (WHB/*05-F.): 0 %
(11) Jistgħu jsiru trasferimenti ta' din il-kwota lejn iż-żoni 8c, 9 u 10 u lejn l-ilmijiet tal-Unjoni tas-CECAF 34.1.1. Madankollu, il-Kummissjoni għandha tkun mgħarrfa minn qabel dwar tali trasferimenti.
(12) Kundizzjoni speċjali: mill-kwoti tal-Unjoni fl-ilmijiet tar-Renju Unit, tal-Unjoni u f'dawk internazzjonali taż-żoni 1, 2, 3, 4, 5, 6, 7, 8a, 8b, 8d, 8e, 12 u 14 (WHB/*NZJM1) u fiż-żoni 8c, 9 u 10 u fl-ilmijiet tal-Unjoni tas-CECAF 34.1.1 (WHB/*NZJM2), il-kwantità li ġejja tista' tinqabad fiż-Żona Ekonomika tan-Norveġja jew fiż-żona tas-sajd ta' madwar Jan Mayen:
|
0 |
(13) Jistgħu jinqabdu fl-ilmijiet tal-Unjoni taż-żoni 4, 6a fit-Tramuntana ta' 56°30'N, 6b u 7 fil-Punent ta' 12°W (WHB/*46AB7-EU).
(14) Kundizzjoni speċjali: mill-kwota Norveġiża, il-kwantità li ġejja tista' tinqabad fl-ilmijiet tal-Unjoni taż-żoni 4, 6a fit-Tramuntana ta' 56°30'N, 6b u 7 fil-Punent ta' 12°W:
|
50 000 |
(15) Kundizzjoni speċjali: mill-kwoti tal-Unjoni fl-ilmijiet tal-Unjoni u dawk internazzjonali taż-żoni 1, 2, 3, 4, 5, 6, 7, 8a, 8b, 8d, 8e, 12 u 14 (WHB/*NZJM1) u fiż-żoni 8c, 9 u 10; fl-ilmijiet tal-Unjoni tas-CECAF 34.1.1 (WHB/*NZJM2), il-kwantità li ġejja tista' tinqabad fiż-Żona Ekonomika tan-Norveġja jew fiż-żona tas-sajd ta' madwar Jan Mayen:
|
0” |
(16) Kundizzjoni speċjali: fil-limiti ta' dawn il-kwoti, ma jistgħux jinqabdu kwantitajiet akbar minn dawk mogħtija hawn taħt fiż-żoni li ġejjin:
|
|
3a (MAC/*03A.) |
l-ilmijiet tar-Renju Unit u tal-Unjoni taż-żoni 3a, 4b u 4c (MAC/*3A4BC) |
4b (MAC/*04B.) |
4c (MAC/*04C.) |
l-ilmijiet tar-Renju Unit u dawk internazzjonali taż-żoni 2a, 5b, 6, 7, 8d, 8e, 12 u 14 (MAC/*2AX14) |
|
Il-Belġju |
0 |
0 |
0 |
0 |
131 |
|
Id-Danimarka |
0 |
4 130 |
0 |
0 |
7 165 |
|
Il-Ġermanja |
0 |
0 |
0 |
0 |
136 |
|
Franza |
0 |
490 |
0 |
0 |
411 |
|
In-Netherlands |
0 |
490 |
0 |
0 |
414 |
|
L-Iżvezja |
0 |
0 |
390 |
10 |
1 311 |
|
L-Unjoni |
0 |
5 110 |
390 |
10 |
9 568 |
(17) Fil-limiti ta' dawn il-kwoti, u bi qbil mal-Istat kostali rilevanti, ma jistgħux jinqabdu aktar mill-kwantitajiet mogħtija hawn taħt fiż-żewġ żoni li ġejjin:
|
|
l-ilmijiet Norveġiżi taż-żoni 2a u 4a (MAC/*02A4AN-) |
l-ilmijiet tal-Gżejjer Faeroe (MAC/*FRO1) |
|
Il-Belġju |
Trid tiġi stabbilita |
Trid tiġi stabbilita |
|
Id-Danimarka |
Trid tiġi stabbilita |
Trid tiġi stabbilita |
|
Il-Ġermanja |
Trid tiġi stabbilita |
Trid tiġi stabbilita |
|
Franza |
Trid tiġi stabbilita |
Trid tiġi stabbilita |
|
In-Netherlands |
Trid tiġi stabbilita |
Trid tiġi stabbilita |
|
L-Iżvezja |
Trid tiġi stabbilita |
Trid tiġi stabbilita |
|
L-Unjoni |
Trid tiġi stabbilita |
Trid tiġi stabbilita |
(18) Kundizzjoni speċjali: il-kwantità li ġejja tista' tinqabad fl-ilmijiet Norveġiżi taż-żoni 2a u 4a (MAC/*2A4AN):
|
|
242 |
Meta jkun qed isir sajd taħt din il-kundizzjoni speċjali, il-qabdiet aċċessorji tal-bakkaljaw, tal-merluzz tal-linja sewda, tal-pollakkju, tal-merlangu u tal-pollakkju iswed għandhom jinqatgħu mill-kwoti għal dawk l-ispeċijiet.
(19) Fil-limitu ta' din il-kwota, id-Danimarka tagħmel it-trasferimenti li ġejjin biex jinqabdu fl-ilmijiet tar-Renju Unit u tal-Unjoni taż-żoni 6, 7, 8d; l-ilmijiet tal-Unjoni taż-żoni 8a, 8b u 8e; l-ilmijiet internazzjonali taż-żoni 12 u 14; u l-ilmijiet tar-Renju Unit u dawk internazzjonali taż-żoni 2a u 5b (MAC/*2A14):
|
Il-Ġermanja |
179 |
|
Spanja |
0 |
|
L-Estonja |
1 |
|
Franza |
119 |
|
L-Irlanda |
596 |
|
Il-Latvja |
1 |
|
Il-Litwanja |
1 |
|
In-Netherlands |
261 |
|
Il-Polonja |
13 |
(20) Kundizzjoni speċjali: sa 25 % minnha tista' ssir disponibbli għal skambji li għandhom jinqabdu minn Spanja, minn Franza u mill-Portugall fiż-żoni 8c, 9 u 10 u fl-ilmijiet tal-Unjoni tas-CECAF 34.1.1 (MAC/*8C910).
(21) Tista' tinqabad fiż-żoni 2a, 6a fit-Tramuntana ta' 56°30'N, 4a, 7d, 7e, 7f u 7h (MAC/*AX7H).
(22) L-ammont tal-limitu tal-aċċess indikat hawn taħt jista' jinqabad min-Norveġja fit-Tramuntana ta' 56°30'N (MAC/*N5630). L-ammonti mhux meqjusa taħt in-nota 2 f'qiegħ il-paġna għandhom jinqatgħu mil-limitu ta' qbid stabbilit min-Norveġja.
|
Trid tiġi stabbilita |
(23) Dan l-ammont għandu jitnaqqas mil-limitu ta' qbid (mill-kwota tal-aċċess) tal-Gżejjer Faeroe. Jista' jinqabad biss fiż-żona 6a fit-Tramuntana ta' 56°30'N (MAC/*6AN56). Madankollu, mill-1 ta' Jannar sal-15 ta' Frar u mill-1 ta' Ottubru sal-31 ta' Diċembru, din il-kwota tista' tinqabad ukoll fiż-żoni 2a u 4a fit-Tramuntana ta' 59°N (MAC/*24N59).
(24) Kundizzjoni speċjali: il-kwantitajiet soġġetti għal skambji ma' Stati Membri oħra jistgħu jinqabdu fiż-żoni 8a, 8b u 8d (MAC/*8ABD.). Madankollu, il-kwantitajiet li Spanja, il-Portugall u Franza jipprovdu għall-finijiet tal-iskambji u li jridu jinqabdu fiż-żoni 8a, 8b u 8d ma għandhomx jaqbżu l-25 % mill-kwoti tal-Istat Membru donatur.
(25) Ma jistgħux jinqabdu mill-1 ta' Marzu sal-31 ta' Mejju fiż-‘Żona ta' Ġestjoni Kleine Bank’ delimitata mil-linji li jgħaqqdu flimkien il-koordinati li ġejjin:
|
Punt |
Latitudni |
Lonġitudni |
|
1 |
65°00'N |
38°00'W |
|
2 |
65°00'N |
35°15'W |
|
3 |
64°00'N |
35°15'W |
|
4 |
64°00'N |
38°00'W |
(26) L-allokazzjoni tas-sehem mill-istokk tal-bakkaljaw li l-Unjoni għandha għad-dispożizzjoni tagħha fiż-żona ta' Spitsbergen u tal-Gżira Bear u tal-qabdiet aċċessorji tal-merluzz tal-linja sewda assoċjati huma mingħajr preġudizzju għad-drittijiet u għall-obbligi li ġejjin mit-Trattat ta' Pariġi tal-1920.
(27) Il-qabdiet aċċessorji tal-merluzz tal-linja sewda jistgħu jirrappreżentaw sa 14 % għal kull refgħa fiż-żona ta' Spitzbergen u Bear Island. Il-kwantitajiet tal-qabdiet aċċessorji tal-merluzz tal-linja sewda huma b'żieda mal-kwota għall-bakkaljaw.
(28) Għajr il-Ġermanja, Spanja, Franza, il-Polonja u l-Portugall. Il-qabdiet li jridu jinqatgħu minn din il-kwota kondiviża għandhom jiġu rrapportati separatament (COD/1/2B_AMS).”
(29) Kundizzjoni speċjali: il-grenadier imnieħru tond (Coryphaenoides rupestris) (RNG/GL251214) u l-grenadier rasu raffa (Macrourus berglax) (RHG/GL251214) ma għandhomx ikunu fil-mira. Għandhom jinqabdu biss bħala qabdiet aċċessorji u għandhom jiġu rrapportati separatament.
(30) L-ammont ta' hawn taħt huwa allokat lin-Norveġja. Kundizzjoni speċjali għal dan l-ammont: il-grenadier imnieħru tond (Coryphaenoides rupestris) (RNG/GL251214) u l-grenadier rasu raffa (Macrourus berglax) (RHG/GL251214) ma għandhomx ikunu fil-mira. Għandhom jinqabdu biss bħala qabdiet aċċessorji u għandhom jiġu rrapportati separatament.
|
|
40” |
(31) Id-Danimarka, il-Ġermanja u l-Iżvezja jista' jkollhom aċċess għall-kwota ta' ‘L-Istati Membri kollha’ biss ladarba jkunu eżawrew il-kwota tagħhom stess. Madankollu, l-Istati Membri li jkollhom iktar minn 10 % mill-kwota tal-Unjoni bl-ebda mod ma għandu jkollhom aċċess għall-kwota tal- ‘Istati Membri kollha’. Il-qabdiet li jridu jinqatgħu minn din il-kwota kondiviża għandhom jiġu rrapportati separatament (CAP/GL251214_AMS).
(32) Din il-kwota għandha tapplika mill-15 ta' Ottubru 2025 sal-15 ta' April 2026.
(33) Din il-kwota għandha tapplika mill-15 ta' Ottubru 2026 sal-15 ta' April 2027.”
(34) Irid jinqabad minn mhux aktar minn sitt bastimenti fl-istess waqt.”
(35) Is-Sebasti demersali jista' jinqabad biss fit-Tramuntana u fil-Punent tal-linja ddefinita mill-koordinati li ġejjin:
|
Punt |
Latitudni |
Lonġitudni |
|
1 |
59°15'N |
44°00'W |
|
2 |
59°30'N |
42°45'W |
|
3 |
62°00'N |
42°00'W |
|
4 |
60°00'N |
40°30'W |
|
5 |
62°00'N |
40°00'W |
|
6 |
62°40'N |
40°15'W |
|
7 |
63°09'N |
39°40'W |
|
8 |
63°30'N |
37°15'W |
|
9 |
64°20'N |
35°00'W |
|
10 |
65°15'N |
32°30'W |
|
11 |
65°15'N |
29°50'W |
(36) Il-qabdiet tad-dott ħamrani (Sebastes norvegicus) (REG/* GL251214) u tas-skorfna tat-Tramuntana (Sebastes mentella) (REB/* GL251214) għandhom jiġu rrappurtati b'mod separat.”
(37) Il-qabdiet aċċessorji tal-grenadieri (Macrourus spp.) għandhom jiġu rrapportati skont it-tabelli tal-opportunitajiet tas-sajd li ġejjin: il-grenadieri fl-ilmijiet ta' Greenland taż-żoni 2, 5, 12 u 14 (GRV/GL251214) u l-grenadieri fl-ilmijiet ta' Greenland taż-żona 1 tan-NAFO (GRV/N1GRN.)”
(38) In-numru ta' bastimenti tas-sajd tal-Unjoni li jistadu għall-alonga tat-Tramuntana bħala speċi fil-mira għandu jkun: 1 241.
(39) Kundizzjoni speċjali: Fil-limitu ta' din il-kwota, ma jistgħux jinqabdu iżjed mill-kwantitajiet li ġejjin fl-ilmijiet tar-Renju Unit (ALB/*ICAN05NXM-UK):
|
L-Irlanda |
62,03 |
|
Spanja |
349,65 |
|
Franza |
109,97 |
|
Il-Portugall |
38,35 |
|
L-Unjoni |
560,00 |
(40) Kundizzjoni speċjali: Fil-limitu ta' din il-kwota, ma jistgħux jinqabdu iżjed mill-kwantitajiet li ġejjin fl-ilmijiet tal-Unjoni (ALB/*ICAN05NXM-EU):
|
|
560,00 |
(41) Il-qabdiet tat-tonn obeż minn bastimenti tas-sajd bit-tartarun tal-borża (BET/*ICCATPS) u minn bastimenti tas-sajd bil-konzijiet b'tul totali ta' 20 metru u aktar (BET/*ICCATPS) għandhom jiġu rrapportati separatament. Minn Ġunju 'l quddiem, meta l-qabdiet jilħqu 80 % tal-kwota, l-Istati Membri huma meħtieġa jibagħtu l-qabdiet għal dawn il-bastimenti tas-sajd kull ġimgħa.”
(42) Minbarra Ċipru, il-Greċja, Spanja, Franza, il-Kroazja, l-Italja, Malta u l-Portugall, u bħala qabda aċċessorja biss. Il-qabdiet li għandhom jinqatgħu minn din il-kwota kondiviża għandhom jiġu rrapportati separatament (BFT/ICAE45W_AMS).
(43) Kundizzjoni speċjali: fil-limiti ta' din it-TAC, għandhom japplikaw il-limiti ta' qbid u l-allokazzjoni li ġejjin fost l-Istati Membri għall-qabdiet tat-tonna ta' bejn it-8 kg/75 cm u t-30 kg/115-il cm li jsiru mill-bastimenti msemmijin fil-punt 1 tal-Anness VI (BFT/*E45W8301):
|
Spanja |
1 254,15 |
|
Franza |
582,63 |
|
L-Unjoni |
1 836,78 |
(44) Kundizzjoni speċjali: fil-limiti ta' din it-TAC, għandhom japplikaw il-limiti ta' qbid li ġejjin u l-allokazzjoni li ġejja fost l-Istati Membri għall-qabdiet tat-tonna li tkun tiżen tal-inqas 6,4 kg jew li tkun twila tal-inqas 70 cm li jsiru mill-bastimenti msemmijin fil-punt 1 tal-Anness VI (BFT/*E45W641):
|
Franza |
100,00 |
|
L-Unjoni |
100,00 |
(45) Kundizzjoni speċjali: fil-limiti ta' din it-TAC, għandhom japplikaw il-limiti ta' qbid u l-allokazzjonijiet li ġejjin fost l-Istati Membri għall-qabdiet tat-tonna ta' bejn it-8 kg/75 cm u t-30 kg/115-il cm li jsiru mill-bastimenti msemmijin fil-punt 2 tal-Anness VI (BFT/*E45W8302):
|
Spanja |
166,49 |
|
Franza |
323,21 (*1) |
|
L-Italja |
129,66 |
|
Ċipru |
4,62 |
|
Malta |
10,36 |
|
L-Unjoni |
634,34 |
(*1) Li minnhom 50 % jistgħu jinqabdu biss fil-Golf tal-Iljuni.
(46) Kundizzjoni speċjali: fil-limiti ta' din it-TAC, għandhom japplikaw il-limiti ta' qbid u l-allokazzjonijiet li ġejjin fost l-Istati Membri għall-qabdiet tat-tonna ta' bejn it-8 kg/75 cm u t-30 kg/115-il cm li jsiru mill-bastimenti msemmijin fil-punt 3 tal-Anness VI (BFT/*E45W643):
|
L-Italja |
129,66 |
|
L-Unjoni |
129,66 |
(47) Kundizzjoni speċjali: fil-limiti ta' din it-TAC, għandhom japplikaw il-limiti tal-qbid u l-allokazzjonijiet li ġejjin fost l-Istati Membri għall-qabdiet tat-tonna ta' bejn it-8 kg/75 cm u t-30 kg/115-il cm mill-bastimenti msemmijin fil-punt 3 tal-Anness VI għall-finijiet ta' trobbija (BFT/*E45W8303F):
|
Il-Kroazja |
1 168,46 |
|
L-Unjoni |
1 168,46 ” |
(48) Għall-qabdiet aċċessorji biss. Il-qabdiet li jridu jinqatgħu minn din il-kwota kondiviża għandhom jiġu rrapportati separatament (SWO/ICAN05NXM_AMS).
(49) Kundizzjoni speċjali: sa 2,39 % ta' din il-kwantità tista' tinqabad fiż-żona tal-Konvenzjoni ICCAT, fin-Nofsinhar ta' 5°N (SWO/*ICAS05Nf). Il-qabdiet li jridu jinqatgħu minn din il-kwota kondiviża għandhom jiġu rrapportati separatament (SWO/*ICAS05N_AMS).
(50) Kundizzjoni speċjali: sa 3,51 % ta' din il-kwantità tista' tinqabad fiż-żona tal-Konvenzjoni ICCAT, fit-Tramuntana ta' 5°N (SWO/*ICAN05N).”
(51) Blokk ta' riċerka A:
|
NW: |
50°30′S, 136°E |
|
NE: |
50°30′S, 140°30′E |
|
SE: |
54°50′S, 140°30′E |
|
SW: |
54°50′S, 136°E |
Blokk ta' riċerka B:
|
NW: |
52°45′S, 140°30′E |
|
NE: |
52°45′S, 145°30′E |
|
SE: |
54°50′S, 145°30′E |
|
SW: |
54°50′S, 140°30′E |
(52) Din it-TAC annwali hija għal żona ta' sajd esploratorju biss, kif definit fl-Artikolu 4, il-punt 11, tar-Regolament (UE) 2018/975 tal-Parlament Ewropew u tal-Kunsill*. Is-sajd għandu jkun limitat għal fond ta' bejn 600 m u 2 500 m. Is-sajd għandu jkun limitat għal vjaġġ wieħed ta' durata massima ta' 60 jum konsekuttiv li jista' jseħħ fi kwalunkwe żmien bejn l-1 ta' Mejju u l-15 ta' Novembru. Is-sajd kollu għandu jieqaf minnufih jekk isseħħ il-mewt ta' dawn li ġejjin:
|
(a) |
kwalunkwe waħda mill-ispeċijiet li ġejjin: l-albatru għajjat (Diomedea exulans), l-albatru rasu griża (Thalassarche chrysostoma), l-albatru tal-ħuġbejn suwed (Thalassarche melanophris), il-kanġu griż (Procellaria cinerea), il-kanġu bellusi (Pterodroma mollis); jew |
|
(b) |
tliet individwi minn kwalunkwe waħda mill-ispeċijiet li ġejjin: albatru tal-mant griż (Phoebetria palpebrata), kanġu kbir tan-Nofsinhar (Macronectes giganteus) u kanġu kbir tat-Tramuntana (Macronectes halli). |
Is-sajd għandu jkun limitat ukoll għal numru massimu ta' 5 000 sunnara għal kull sett, b'massimu ta' 100 sett. Il-konzijiet għandhom jiġu ssettjati mill-inqas 3 mili nawtiċi lil hinn minn xulxin, u ma għandhomx jiġu ssettjati f'postijiet tas-sajd bil-konz preċedenti fi żmien sena kalendarja. Is-sajd għandu jieqaf meta tintlaħaq it-TAC jew meta jkunu tniżżlu u nġabru 100 sett matul il-vjaġġ, skont liema minn dawn iseħħ l-ewwel.
|
* |
Ir-Regolament (UE) 2018/975 tal-Parlament Ewropew u tal-Kunsill tal-4 ta' Lulju 2018 li jistabbilixxi miżuri ta' ġestjoni, ta' konservazzjoni u ta' kontroll li japplikaw fl-Organizzazzjoni Reġjonali għall-Ġestjoni tas-Sajd fin-Nofsinhar tal-Paċifiku (SPRFMO) Żona tal-Konvenzjoni (ĠU L 179, 16.7.2018, p. 30, ELI: http://data.europa.eu/eli/reg/2018/975/oj). |
(53) Li minnhom jistgħu jinqabdu sa 129 tunnellata fil-blokka ta' riċerka A. Hekk kif ikun qed jintlaħaq il-limitu ta' qbid għall-blokka ta' riċerka A, għandhom jintużaw konzijiet iqsar biex jiġi żgurat li l-limitu ta' qbid ma jinqabiżx. Il-qabdiet ta' pixxisinna fil-blokka ta' riċerka A għandhom jiġu rrapportati separatament (TOT/SPR-A).
(54) Li minnhom jistgħu jinqabdu sa 33 tunnellata fil-blokka ta' riċerka B. Hekk kif ikun qed jintlaħaq il-limitu ta' qbid għall-blokka ta' riċerka B, għandhom jintużaw konzijiet iqsar biex jiġi żgurat li l-limitu ta' qbid ma jinqabiżx. Il-qabdiet ta' pixxisinna fil-blokka tar-riċerka B għandhom jiġu rrapportati separatament (TOT/SPR-B).
(55) Tista' tinqabad biss mill-1 ta' Ġunju 2026 sal-31 ta' Mejju 2027.
(56) Kundizzjoni speċjali: skont dan il-limitu ma jistgħux jinqabdu kwantitajiet akbar minn dawk mogħtija hawn taħt mill-bastimenti li ġejjin:
|
Bastimenti tat-tkarkir (*2) (MAS/NPFC-TR) |
Bastimenti tas-sajd bit-tartarun tal-borża (*2) (MAS/NPFC-PS) |
|
Trid tiġi stabbilita |
Trid tiġi stabbilita |
(*2) Is-sajd taħt dawn il-limiti tal-qbid ser jingħalaq mill-Partijiet Kontraenti għall-NPFC, inkluż għall-Unjoni mill-Kummissjoni, fi żmien jumejn mid-data tal-ħruġ tal-avviż tas-Segretarju Eżekuttiv tal-NPFC li l-użu ta' dawn il-limiti tal-qbid ikun laħaq il-95 %.
(57) Bastiment tat-tkarkir wieħed biss li jtajjar il-bandiera ta' Stat Membru għandu jkun awtorizzat jistad għall-kavall għajnejh kbar fi kwalunkwe ħin. Dak japplika mingħajr preġudizzju għal kwalunkwe allokazzjoni tal-opportunitajiet futuri tas-sajd mill-Unjoni fiż-żona tal-Konvenzjoni NPFC, b'mod partikolari lill-Istat Membru awtorizzat li jistad fil-perjodu mill-1 ta' Ġunju 2026 sal-31 ta' Mejju 2027.
(58) Il-bastimenti tas-sajd tal-Unjoni b'tunnellaġġ gross ta' aktar minn 10 000 ma għandhomx ikunu awtorizzati jistadu għall-kavall għajnejh kbar.
(59) Il-qabdiet minn din l-allokazzjoni addizzjonali għandhom jiġu rrapportati separatament (MAS/NPFC-EU).”
(1) In-numri f'din it-tabella jistgħu jiżdiedu aktar, dment li jkun hemm konformità mal-obbligi internazzjonali tal-Unjoni.
(2) Bastiment tas-sajd bit-tartarun tal-borża ta' daqs medju jista' jiġi sostitwit minn massimu ta' 10 bastimenti tas-sajd bil-konz, jew minn bastiment tas-sajd bit-tartarun tal-borża żgħir u tliet bastimenti oħra tas-sajd artiġjanali.
(3) Bastiment tas-sajd bit-tartarun tal-borża ta' daqs medju jista' jiġi sostitwit minn massimu ta' 10 bastimenti tas-sajd bil-konz, jew minn bastiment tas-sajd bit-tartarun tal-borża żgħir u mhux aktar minn tliet bastimenti tas-sajd bil-konz.
(4) Bastiment tas-sajd bit-tartarun tal-borża ta' daqs medju jista' jiġi sostitwit minn massimu ta' 10 bastimenti tas-sajd bil-konz.
(5) In-numri individwali ta' bastimenti tas-sajd bit-tartarun tal-borża f'din it-tabella huma r-riżultat ta' trasferimenti bejn l-Istati Membri u ma jikkostitwux drittijiet storiċi għall-futur.
(6) Bastimenti polivalenti, li jużaw tagħmir b'aktar minn irkaptu wieħed (konz, xlief, xlief bir-rixa).
ELI: http://data.europa.eu/eli/reg/2026/786/oj
ISSN 1977-074X (electronic edition)