L_202502324MT.000101.fmx.xml

DEĊIŻJONI TAL-KUNSILL (UE) 2025/2324

tat-13 ta’ Novembru 2025

dwar il-kontribuzzjonijiet finanzjarji li għandhom jitħallsu mill-partijiet għall-Fond Ewropew għall-Iżvilupp għall-finanzjament ta’ dak il-fond, li tistabbilixxi l-limitu massimu għall-ammont annwali tal-kontribuzzjoni għall-2027, l-ammont annwali tal-kontribuzzjoni għall-2026, l-ammont tal-ewwel pagament parzjali tal-kontribuzzjoni għall-2026 u previżjoni mhux vinkolanti indikattiva għall-ammonti annwali mistennija ta’ kontribuzzjonijiet għas-snin 2028 u 2029

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra l-Ftehim Intern bejn ir-Rappreżentanti tal-Gvernijiet tal-Istati Membri tal-Unjoni Ewropea, imlaqqgħin fi ħdan il-Kunsill, dwar l-iffinanzjar ta’ għajnuna mill-Unjoni Ewropea taħt il-qafas finanzjarju pluriennali għall-perjodu mill-2014 sal-2020, f’konformità mal-Ftehim ta’ Sħubija AKP-UE, u dwar l-allokazzjoni ta’ assistenza finanzjarja għall-Pajjiżi u t-Territorji Extra-Ewropej li għalihom tapplika r-Raba’ Parti tat-Trattat dwar il-Funzjonament tal-Unjoni Ewropea (1) (il-“Ftehim Intern”),u b’mod partikolari l-Artikolu 7(2) flimkien mal-Artikolu 14(3) tiegħu,

Wara li kkunsidra r-Regolament tal-Kunsill (UE) 2018/1877 tas-26 ta’ Novembru 2018 dwar ir-regolament finanzjarju applikabbli għall-11-il Fond Ewropew għall-Iżvilupp, u li jħassar ir-Regolament (UE) 2015/323 (2), u b’mod partikolari l-Artikolu 19(2) tiegħu,

Wara li kkunsidra l-proposta mill-Kummissjoni Ewropea,

Billi:

(1)	Il-koeffiċjent tal-kontribuzzjoni għal kull parti għall-Fond Ewropew għall-Iżvilupp (FEŻ)huwa stabbilit bl-Artikolu 1 tal-Ftehim Intern.).

(2)	F’konformità mal-Artikolu 46 tar-Regolament (UE) 2018/1877, il-Bank Ewropew tal-Investiment (BEI) għandu jibgħat lill-Kummissjoni l-istimi aġġornati tiegħu tal-impenji u tal-pagamenti taħt l-istrumenti li jimmaniġġa.

(3)

F’konformità mal-Artikolu 19(2) tar-Regolament (UE) 2018/1877, il-Kummissjoni għandha tippreżenta proposta sal-15 ta’ Ottubru 2025 li tistabbilixxi l-limitu massimu għall-ammont annwali tal-kontribuzzjoni għall-2027, l-ammont annwali tal-kontribuzzjoni għall-2026, l-ammont tal-ewwel pagament parzjali tal-kontribuzzjoni għall-2026 u previżjoni mhux vinkolanti indikattiva għall-ammonti annwali mistennija tal-kontribuzzjonijiet għas-snin 2028 u 2029.

(4)	Skont l-Artikolu 20(1) tar-Regolament (UE) 2018/1877, is-sejħiet għal kontribuzzjonijiet għandhom l-ewwel jużaw l-ammonti stabbiliti għall-FEŻ preċedenti. Għaldaqstant, jenħtieġ li ssir sejħa għal kontribuzzjonijiet skont ir-Regolament (UE) 2018/1877 għall-Kummissjoni u għall-BEI.

(5)

Skont l-Artikolu 152 tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (il-“Ftehim dwar il-Ħruġ”) (3), ir-Renju Unit tal-Gran Brittanja u l-Irlanda ta’ Fuq (“ir-Renju Unit”) jibqa’ Parti għall-FEŻ sal-għeluq tal-11-il FEŻ u ta’ kull FEŻ preċedenti li għadu mhux magħluq. Madankollu, skont l-Artikolu 153 tal-Ftehim dwar il-Ħruġ, is-sehem tar-Renju Unit f’fondi diżimpenjati minn proġetti fl-ambitu tal-11-il FEŻ, meta dawn il-fondi jkunu ġew diżimpenjati wara l-31 ta’ Diċembru 2020, jew fl-ambitu ta’ FEŻ preċedenti, ma għandux jintuża mill-ġdid.

(6)	Id-Deċiżjoni tal-Kunsill (UE) 2024/2906 (4) tistabbilixxi l-limitu massimu għall-ammont annwali tal-kontribuzzjoni li għandha titħallas mill-partijiet għall-FEŻ għall-2026 għal EUR 700 000 000 għall-Kummissjoni biss, peress li l-BEI talab is-sehem kollu tiegħu tal-11-il FEŻ fl-2025.

(7)	Sabiex il-miżuri previsti f’din id-Deċiżjoni jkunu jistgħu jiġu applikati minnufih, jenħtieġ li din id-Deċiżjoni tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea,

ADOTTA DIN ID-DEĊIŻJONI:

Artikolu 1

Il-limitu massimu għall-ammont annwali tal-kontribuzzjonijiet li għandhom jitħallsu mill-partijiet għall-Fond Ewropew għall-Iżvilupp (FEŻ) għall-2027 huwa b’dan stabbilit għal EUR 460 000 000 għall-Kummissjoni.

Artikolu 2

L-ammont annwali tal-kontribuzzjonijiet li għandhom jitħallsu mill-partijiet għall-F EŻ għall-2026 huwa b’dan stabbilit għal EUR 700 000 000 għall-Kummissjoni.

Artikolu 3

L-ammont tal-kontribuzzjonijiet li għandu jitħallas mill-partijiet għall-FEŻ għall-bħala l-ewwel pagament parzjali għall-2026 huwa b’dan stabbilit għal EUR 300 000 000.

Artikolu 4

L-ammont ta’ EUR 1 200 000 minn fondi mhux impenjati jew diżimpenjati mill-proġetti fl-ambitu tad-9 FEŻ għandu jiġi rimborżat lill-partijiet għall-FEŻ permezz ta’ tnaqqis fil-pagament tal-ewwel pagament parzjali għall-2026 stabbilitfl-Artikolu 3.

Artikolu 5

Il-previżjoni indikattiva mhux vinkolanti għall-ammont annwali mistenni ta’ kontribuzzjonijiet għall-2028 hija b’dan stabbilita għal EUR 400 000 000 għall-Kummissjoni. Il-previżjoni indikattiva mhux vinkolanti għall-ammont annwali mistenni ta’ kontribuzzjonijiet għall-2029 hija b’dan stabbilita għal EUR 300 000 000 għall-Kummissjoni.

Artikolu 6

Din id-Deċiżjoni għandha tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, it-13 ta’ Novembru 2025.

Għall-Kunsill

Il-President

S. LOSE

(1) ĠU L 210, 6.8.2013, p. 1, ELI: http://data.europa.eu/eli/agree_eums/2013/806/oj.

(2) ĠU L 307, 3.12.2018, p. 1, ELI: http://data.europa.eu/eli/reg/2018/1877/oj.

(3) ĠU L 29, 31.1.2020, p. 7, ELI: http://data.europa.eu/eli/treaty/withd_2020/sign.

(4) Id-Deċiżjoni tal-Kunsill (UE) 2024/2906 tal-14 ta’ Novembru 2024 dwar il-kontribuzzjonijiet finanzjarji li għandhom jitħallsu mill-partijiet għall-Fond Ewropew għall-Iżvilupp għall-finanzjament ta’ dak il-fond, li tispeċifika l-limitu massimu għall-2026, l-ammont annwali għall-2025, l-ammont tal-ewwel pagament parzjali għall-2025 u previżjoni indikattiva u mhux vinkolanti għall-ammonti annwali mistennija ta’ kontribuzzjonijiet għas-snin 2027 u 2028 (ĠU L, 2024/2906, 19.11.2024, ELI: http://data.europa.eu/eli/dec/2024/2906/oj).

ANNESS

L-ewwel pagament parzjali tal-kontribuzzjonijiet tal-FEŻ għall-2026 (f’EUR) lill-Kummissjoni (1)

L-ISTATI MEMBRI U R-RENJU UNIT	Il-koeffiċjent tad-9 FEŻ (%)	Il-koeffiċjent tal-11-il FEŻ (%)	Il-kontribuzzjoni tal-11-il FEŻ	Ir-rifużjoni tad-9 FEŻ (%)	Il-kontribuzzjoni tal-11-il FEŻ bit-tnaqqis tar-rrifużjoni tad-9 FEŻ
Il-BELĠJU	3,92	3,24927	9 747 810	47 040	9 700 770
IL-BULGARIJA		0,21853	655 590		655 590
IR-REPUBBLIKA ĊEKA		0,79745	2 392 350		2 392 350
ID-DANIMARKA	2,14	1,98045	5 941 350	25 680	5 915 670
IL-ĠERMANJA	23,36	20,57980	61 739 400	280 320	61 459 080
L-ESTONJA		0,08635	259 050		259 050
L-IRLANDA	0,62	0,94006	2 820 180	7 440	2 812 740
IL-GREĊJA	1,25	1,50735	4 522 050	15 000	4 507 050
SPANJA	5,84	7,93248	23 797 440	70 080	23 727 360
FRANZA	24,30	17,81269	53 438 070	291 600	53 146 470
IL-KROAZJA		0,22518	675 540		675 540
L-ITALJA	12,54	12,53009	37 590 270	150 480	37 439 790
IL-LATVJA		0,11612	348 360		348 360
IL-LITWANJA		0,18077	542 310		542 310
IL-LUSSEMBURGU	0,29	0,25509	765 270	3 480	761 790
L-UNGERIJA		0,61456	1 843 680		1 843 680
MALTA		0,03801	114 030		114 030
IN-NETHERLANDS	5,22	4,77678	14 330 340	62 640	14 267 700
L-AWSTRIJA	2,65	2,39757	7 192 710	31 800	7 160 910
IL-POLONJA		2,00734	6 022 020		6 022 020
IL-PORTUGALL	0,97	1,19679	3 590 370	11 640	3 578 730
IR-RUMANIJA		0,71815	2 154 450		2 154 450
IS-SLOVENJA		0,22452	673 560		673 560
IS-SLOVAKKJA		0,37616	1 128 480		1 128 480
IL-FINLANDJA	1,48	1,50909	4 527 270	17 760	4 509 510
L-IŻVEZJA	2,73	2,93911	8 817 330	32 760	8 784 570
IR-RENJU UNIT	12,69	14,67862	44 035 860	152 280	43 883 580
TOTAL UE-27 U R-RENJU UNIT	100,00	100,00	300 000 000	1 200 000	298 800 000

(1) Il-BEI talab is-sehem kollu tiegħu mill-11-il FEŻ fl-ewwel pagament parzjali tal-2025.