|
17.2.2023 |
GA |
Iris Oifigiúil an Aontais Eorpaigh |
L 50/3 |
RIALACHÁN TARMLIGTHE (AE) 2023/363 ÓN gCOIMISIÚN
an 31 Deireadh Fómhair 2022
lena leasaítear agus lena gceartaítear na caighdeáin theicniúla rialála a leagtar síos i Rialachán Tarmligthe (AE) 2022/1288 a mhéid a bhaineann le hinneachar agus cur i láthair na faisnéise i ndáil le nochtaí i ndoiciméid réamhchonarthacha agus i dtuarascálacha tréimhsiúla le haghaidh táirgí airgeadais lena n-infheistítear i ngníomhaíochtaí eacnamaíocha atá inbhuanaithe ó thaobh an chomhshaoil de
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/2088 ó Pharlaimint na hEorpa agus ón gComhairle an 27 Samhain 2019 maidir le nochtaí ó thaobh na hinbhuanaitheachta de san earnáil airgeadais (1), agus go háirithe Airteagail 8(3), an ceathrú fomhír, Airteagal 8(4), an ceathrú fomhír, Airteagal 9(5), an ceathrú fomhír, Airteagal 9(6), an ceathrú fomhír, Airteagal 10(2), an ceathrú fomhír, Airteagal 11(4), an ceathrú fomhír, agus Airteagal 11(5), an ceathrú fomhír de,
De bharr an mhéid seo a leanas:
|
(1) |
Le Rialachán Tarmligthe (AE) 2022/1288 ón gCoimisiún (2), leagtar síos na mionsonraí maidir le hábhar agus cur i láthair na faisnéise i ndáil leis an bprionsabal “gan dochar suntasach a dhéanamh”. Sonraítear ann freisin ábhar, modheolaíochtaí agus cur i láthair na faisnéise i ndáil le táscairí inbhuanaitheachta agus drochthionchair inbhuanaitheachta, agus ábhar agus cur i láthair na faisnéise atá le soláthar i ndoiciméid réamhchonarthacha, ar shuíomh gréasáin agus i dtuarascálacha tréimhsiúla, i ndáil le cur chun cinn saintréithe comhshaoil nó sóisialta agus cuspóirí infheistíochta inbhuanaithe na dtáirgí airgeadais. Thairis sin, maidir leis na táirgí airgeadais a infheistíonn i ngníomhaíocht eacnamaíoch a rannchuidíonn le cuspóir comhshaoil de réir bhrí Airteagal 2, pointe (17), de Rialachán (AE) 2019/2088, sonraítear freisin le Rialachán Tarmligthe (AE) 2022/1288 an fhaisnéis maidir le méid an ailínithe tacsanomaíochta atá le nochtadh laistigh de dhoiciméid réamhchonarthacha agus de thuarascálacha tréimhsiúla. |
|
(2) |
An 9 Márta 2022, glacadh Rialachán Tarmligthe (AE) 2022/1214 ón gCoimisiún (3), agus tagairt ar leith á déanamh d’earnálacha gáis iontaise agus fuinnimh núicléach. |
|
(3) |
D’iarr an Coimisiún ar na hÚdaráis Mhaoirseachta Eorpacha leasuithe a mholadh go comhpháirteach ar Rialachán Tarmligthe (AE) 2022/1288 i ndáil leis an bhfaisnéis atá le soláthar i ndoiciméid réamhchonarthacha, ar shuíomhanna gréasáin, agus i dtuarascálacha tréimhsiúla maidir le nochtadh táirgí airgeadais d’infheistíochtaí i ngníomhaíochtaí gáis iontaise agus fuinnimh núicléach. |
|
(4) |
Tá gá leis na leasuithe sin chun trédhearcacht a mhéadú agus, ar an gcaoi sin, chun cuidiú le rannpháirtithe sa mhargadh airgeadais agus le hinfheisteoirí gníomhaíochtaí gáis iontaise agus núicléacha ábhartha, atá inbhuanaithe ó thaobh an chomhshaoil de agus ina n-infheistíonn táirgí airgeadais, a shainaithint. Tríd an bhfaisnéis níos mionsonraithe maidir le hinfheistíochtaí sna gníomhaíochtaí sin a sholáthar, ba cheart go gcothófaí inchomparáideacht na faisnéise a nochtar d’infheisteoirí freisin. Dá bhrí sin, is iomchuí trédhearcacht a sholáthar maidir le hinfheistíochtaí i ngníomhaíochtaí gáis iontaise agus fuinnimh núicléach atá inbhuanaithe atá inbhuanaithe ó thaobh an chomhshaoil de le linn shaolré iomlán na dtáirgí airgeadais ábhartha, i ndoiciméid réamhchonarthacha agus i dtuarascálacha tréimhsiúla. Ba cheart faisnéis den sórt sin a chur san áireamh i nochtaí suímh gréasáin freisin. Thug na hÚdaráis Mhaoirseachta Eorpacha dá n-aire go bhfuil gá cheana féin le trédhearcacht maidir le hinfheistíochtaí in earnálacha agus i bhfo-earnálacha a bhaineann le gníomhaíochtaí gáis iontaise agus fuinnimh núicléach mar chuid de na forálacha le haghaidh tuarascálacha tréimhsiúla faoi Rialachán Tarmligthe (AE) 2022/1288. |
|
(5) |
Is gá a shoiléiriú, chun cur i bhfeidhm Airteagal 6 de Rialachán (AE) 2020/852 ó Pharlaimint na hEorpa agus ón gComhairle (4) a ghníomhachtú , nach bhfuil sé ábhartha má gheallann táirge airgeadais infheistíocht a dhéanamh i ngníomhaíochtaí eacnamaíocha a rannchuidíonn le cuspóir comhshaoil de réir bhrí Airteagal 2, pointe (17), de Rialachán (AE) 2019/2088. |
|
(6) |
Ina theannta sin, thug Údarás Mhaoirseachta Eorpacha dá n-aire go raibh gá le dhá athrú ar na crostagairtí sna nochtaí tréimhsiúla ós rud é go raibh siad earráideach. |
|
(7) |
Ba cheart, dá bhrí sin, Rialachán Tarmligthe (AE) 2022/1288 a leasú agus a cheartú dá réir sin. |
|
(8) |
Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Baincéireachta Eorpach, an tÚdarás Eorpach um Árachas agus Pinsin Cheirde agus an tÚdarás Eorpach um Urrúis agus Margaí (Údaráis Mhaoirseachta Eorpacha) faoi bhráid an Choimisiúin. |
|
(9) |
Comhchoiste na nÚdarás Maoirseachta Eorpach dá dtagraítear in Airteagal 54 de Rialachán (AE) Uimh. 1093/2010 ó Pharlaimint na hEorpa agus ón gComhairle (5), in Airteagal 54 de Rialachán (AE) Uimh. 1094/2010 ó Pharlaimint na hEorpa agus ón gComhairle (6) agus in Airteagal 54 de Rialachán (AE) Uimh. 1095/2010 ó Pharlaimint na hEorpa agus ón gComhairle (7), d’iarr sé comhairle ar an nGrúpa Geallsealbhóirí Baincéireachta arna bhunú i gcomhréir le hAirteagal 37 de Rialachán (AE) Uimh. 1093/2010, ar an nGrúpa Geallsealbhóirí Árachais agus Athárachais agus ar an nGrúpa Geallsealbhóirí Pinsean Ceirde arna bhunú i gcomhréir le hAirteagal 37 de Rialachán (AE) Uimh. 1094/2010, agus ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010. |
|
(10) |
Is coigeartuithe teoranta ar an gcreat rialála atá ann cheana iad na leasuithe ar Rialachán Tarmligthe (AE) 2022/1288 agus tá gá leo chun an creat nochta a ailíniú le Rialachán Tarmligthe (AE) 2022/1214, a mbeidh feidhm aige ón 1 Eanáir 2023. I bhfianaise raon feidhme teoranta na leasuithe agus i bhfianaise an ghá atá le deimhneacht dhlíthiúil agus comhleanúnachas le cur i bhfeidhm Rialacháin Tharmligthe (AE) 2022/1214 agus (AE) 2022/1288 a áirithiú, bheadh sé díréireach do na hÚdaráis Mhaoirseachta Eorpacha comhairliúcháin nó anailísí poiblí oscailte a dhéanamh ar na costais agus na tairbhí a d’fhéadfadh a bheith ag baint leo, |
TAR ÉIS AN RIALACHÁN SEO A GHLACADH:
Airteagal 1
Leasuithe ar Rialachán Tarmligthe (AE) 2022/1288
Leasaítear Rialachán Tarmligthe (AE) 2022/1288 mar a leanas:
|
(1) |
in Airteagal 15, cuirtear an méid seo a leanas in ionad mhír 2: “2. Chun críocha mhír 1, pointe (a), beidh feidhm ag gach ceann de na nithe seo a leanas:
|
|
(2) |
Leasaítear Airteagal 55 mar a leanas:
|
|
(3) |
Cuirtear Iarscríbhinní I go IV a ghabhann leis an Rialachán seo in ionad Iarscríbhinní II go V. |
Airteagal 2
Leasuithe ar Rialachán Tarmligthe (AE) 2022/1288
Ceartaítear Rialachán Tarmligthe (AE) 2022/1288 mar a leanas:
|
(1) |
in Airteagal 55(1), i bpointe (b), cuirtear an méid seo a leanas in ionad phointe (iv):
|
|
(2) |
in Airteagal 62(1), i bpointe (b), cuirtear an méid seo a leanas in ionad phointe (iv):
|
Airteagal 3
Teacht i bhfeidhm
Tiocfaidh an Rialachán seo i bhfeidhm an tríú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 31 Deireadh Fómhair 2022.
Thar ceann an Choimisiúin
An tUachtarán
Ursula VON DER LEYEN
(1) IO L 317, 9.12.2019, lch. 1.
(2) Rialachán Tarmligthe (AE) 2022/1288 ón gCoimisiún an 6 Aibreán 2022 lena bhforlíontar Rialachán (AE) 2019/2088 ó Pharlaimint na hEorpa agus ón gComhairle maidir le caighdeáin theicniúla rialála lena sonraítear na mionsonraí maidir le hábhar agus cur i láthair na faisnéise i ndáil leis an bprionsabal “gan dochar suntasach a dhéanamh”, lena sonraítear ábhar, modheolaíochtaí agus cur i láthair na faisnéise i ndáil le táscairí inbhuanaitheachta agus drochthionchair inbhuanaitheachta, agus ábhar agus cur i láthair na faisnéise i ndáil le cur chun cinn saintréithe comhshaoil nó sóisialta agus cuspóirí infheistíochta inbhuanaithe i ndoiciméid réamhchonarthacha, ar shuíomhanna gréasáin agus i dtuarascálacha tréimhsiúla (IO L 196, 25.7.2022, lch. 1).
(3) Rialachán Tarmligthe (AE) 2022/1214 ón gCoimisiún an 9 Márta 2022 lena leasaítear Rialachán Tarmligthe (AE) 2021/2139 a mhéid a bhaineann le gníomhaíochtaí eacnamaíocha in earnálacha fuinnimh áirithe agus Rialachán Tarmligthe (AE) 2021/2178 a mhéid a bhaineann le nochtadh poiblí maidir leis na gníomhaíochtaí eacnamaíocha sin (IO L 188, 15.7.2022, lch. 1).
(4) Rialachán (AE) 2020/852 ó Pharlaimint na hEorpa agus ón gComhairle an 18 Meitheamh 2020 maidir le creat a bhunú chun infheistíocht inbhuanaithe a éascú, agus lena leasaítear Rialachán (AE) 2019/2088 (IO L 198, 22.6.2020, lch. 13).
(5) Rialachán (AE) Uimh. 1093/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (An tÚdarás Baincéireachta Eorpach), lena leasaítear Cinneadh Uimh. 716/2009/CE agus lena n-aisghairtear Cinneadh 2009/78/CE ón gCoimisiún (IO L 331, 15.12.2010, lch. 12).
(6) Rialachán (AE) Uimh. 1094/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (an tÚdarás Eorpach um Árachas agus Pinsin Cheirde) lena leasaítear Cinneadh Uimh. 716/2009/CE agus lena n-aisghairtear Cinneadh 2009/79/CE ón gCoimisiún (IO L 331, 15.12.2010, lch. 48).
(7) Rialachán (AE) Uimh. 1095/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (an tÚdarás Eorpach um Urrúis agus Margaí), lena leasaítear Cinneadh Uimh. 716/2009/CE agus lena n-aisghairtear Cinneadh 2009/77/CE ón gCoimisiún (IO L 331, 15.12.2010, lch. 84).
IARSCRÍBHINN I
“IARSCRÍBHINN II
Teimpléad don nochtadh réamhchonarthach le haghaidh na dtáirgí airgeadais dá dtagraítear in Airteagal 8, míreanna 1, 2 agus 2a, de Rialachán (AE) 2019/2088 agus in Airteagal 6, an chéad mhír, de Rialachán (AE) 2020/852
IARSCRÍBHINN II
‘IARSCRÍBHINN III
Teimpléad don nochtadh réamhchonarthach le haghaidh na dtáirgí airgeadais dá dtagraítear in Airteagal 9, míreanna 1 go 4a, de Rialachán (AE) 2019/2088 agus in Airteagal 5, an chéad mhír, de Rialachán (AE) 2020/852
IARSCRÍBHINN III
“IARSCRÍBHINN IV
Teimpléad don nochtadh tréimhsiúil le haghaidh na dtáirgí airgeadais dá dtagraítear in Airteagal 8, míreanna 1, 2 agus 2a, de Rialachán (AE) 2019/2088 agus in Airteagal 6, an chéad mhír, de Rialachán (AE) 2020/852
IARSCRÍBHINN IV
“IARSCRÍBHINN V
Teimpléad don nochtadh tréimhsiúil le haghaidh na dtáirgí airgeadais dá dtagraítear in Airteagal 9, míreanna 1 go 4a, de Rialachán (AE) 2019/2088 agus in Airteagal 5, an chéad mhír, de Rialachán (AE) 2020/852