Isem

Informazzjoni ta’ identifikazzjoni

Dikjarazzjoni tar-raġunijiet

Data tal-inklużjoni fil-lista

“4.

Micanor ALTÈS

magħruf ukoll bħala Monel Felix, Micanord;

Mikano;

Wa Mikanò; King Micanor;

Alfred Mones

Funzjoni: Kap tal-grupp organizzat Wharf Jérémie

Nazzjonalità: Haitjana

Sess: raġel

Indirizz: Neighbourhood of Wharf Jérémie, near La Saline, Port-au-Prince, Haiti

Micanor Altès huwa l-kap tal-grupp organizzat Wharf Jérémie. Wharf Jérémie huwa kwartier kostali fiż-żona ta’ La Saline ta’ Port-au-Prince. Din iż-żona ilha taħt il-kontroll tal-grupp organizzat immexxi minn Micanor Altès għal aktar minn għaxar snin.

Taħt il-kmand tiegħu, il-grupp huwa responsabbli għall-massakru ta’ 207 persuna bejn is-6 u l-11 ta’ Diċembru 2024 fid-distrett ta’ Wharf Jérémie. Il-massakru seħħ wara l-mewt tat-tifel ta’ Altès, li kien għadu kif twieled, minn marda mhux magħrufa. Konvint li anzjani li jipprattikaw il-Voodoo fiż-żona taħt il-kontroll tiegħu kienu għamlu seħer fuq it-tifel tiegħu, il-kap tal-grupp organizzat, ordna l-eżekuzzjoni tal-abitanti kollha ta’ ’l fuq minn 60 sena li jipprattikaw il-Voodoo, wara li ħatfuhom.

Għalhekk, Micanor Altès huwa responsabbli għal azzjonijiet li jheddu l-paċi, l-istabbiltà u s-sigurtà fil-Haiti, inkluż it-twettiq ta’ attivitajiet kriminali u vjolenza li jinvolvu gruppi armati u networks kriminali.

15.7.2025

5.

Christ-Roi CHÉRY

magħruf ukoll bħala Kris-La; Krisla; Chrisla; Chrislat

Funzjoni: Kap tal-grupp organizzat TI Bwa (affiljat ma’ Viv Ansanm/Koalizzjoni ta’ gruppi organizzati G9)

Nazzjonalità: Haitjana

Sess: raġel

Indirizz: Commune of Carrefour, Metropolitan region of Port-au-Prince, Haiti

Christ-Roi Chéry huwa l-kap tal-grupp organizzat Ti Bwa, li huwa affiljat mal-koalizzjoni tal-gruppi organizzati Viv Ansanm (imsejħa wkoll G9) fil-Haiti.

Minn Frar 2024, il-grupp organizzat Ti Bwa ikkontrolla l-komun ta’ Carrefour.

Taħt il-kmand ta’ Christ-Roi Chéry, il-grupp Ti Bwa huwa involut fi vjolenza u attivitajiet kriminali fil-Haiti, inkluż qtil, serq, stupru, ħtif ta’ merkanzija u trakkijiet, estorsjoni, qtil immirat u traffikar tad-droga.

Għalhekk, Christ-Roi Chéry huwa responsabbli għal azzjonijiet li jheddu l-paċi, l-istabbiltà u s-sigurtà fil-Haiti, inkluż it-twettiq ta’ attivitajiet kriminali u vjolenza li jinvolvu gruppi armati u networks kriminali li jippromwovu l-vjolenza, inkluż reklutaġġ furzat ta’ tfal minn tali gruppi u networks, ħtif ta’ persuni, omiċidji u vjolenza sesswali u abbażi tal-ġeneru.

15.7.2025

6.

Jeff LAROSE

magħruf ukoll bħala Jeff; Gwo Lwa; Taliban

Funzjoni: Kap tal-grupp organizzat Canaan

(affiljat mal-koalizzjonijiet ta’ gruppi organizzati G-Pép u Viv Ansanm)

Nazzjonalità: Haitjana

Sess: raġel

Indirizz: Canaan, Metropolitan region of Port-au-Prince, Haiti

Jeff Larose huwa l-kap tal-grupp organizzat Canaan, li huwa affiljat mal-koalizzjonijiet ta’ gruppi organizzati G-Pép u Viv Ansanm fil-Haiti.

Il-grupp organizzat Canaan jikkontrolla l-lokalitajiet ta’ Canaan, Onaville, Jerusalem, Corail, Rosemberg, Lilavois, Bon Repos, li kollha jinsabu fiż-żona metropolitana ta’ Port-au-Prince. Il-grupp estenda l-kontroll tiegħu lil hinn mit-territorju oriġinali tiegħu u jopera wkoll f’Mirebalais (dipartiment taċ-Ċentru).

Taħt il-kmand ta’ Jeff Larose, il-grupp organizzat Canaan huwa involut fi vjolenza u attivitajiet kriminali fil-Haiti, inkluż ħtif ta’ persuni, approprjazzjoni ta’ art, stupru, serq mid-djar, ħtif ta’ merkanzija u vetturi, talbiet għal riskatt, qtil u traffikar tad-droga.

Għalhekk, Jeff Larose huwa responsabbli għal azzjonijiet li jheddu l-paċi, l-istabbiltà u s-sigurtà fil-Haiti, inkluż it-twettiq ta’ attivitajiet kriminali u vjolenza li jinvolvu gruppi armati u networks kriminali li jippromwovu l-vjolenza, inkluż reklutaġġ furzat ta’ tfal minn tali gruppi u networks, ħtif ta’ persuni, omiċidji u vjolenza sesswali u abbażi tal-ġeneru.

15.7.2025”.