|
25.1.2021 |
GA |
Iris Oifigiúil an Aontais Eorpaigh |
L 23/13 |
RIALACHÁN CUR CHUN FEIDHME (AE) 2021/52 ÓN gCOIMISIÚN
an 22 Eanáir 2021
lena leasaítear Rialachán Cur Chun Feidhme (AE) Uimh. 540/2011 a mhéid a bhaineann le síneadh a chur le tréimhsí formheasa na substaintí gníomhacha beanflurailin, démhocsastróibin, fluasanam, flutolainil, meiceapróp-P, meipiocuat, meitiream, ocsaimil agus pireaclóstróibin
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n-aisghairtear Treoir 79/117/CEE agus Treoir 91/414/CEE ón gComhairle (1), agus go háirithe an chéad mhír d’Airteagal 17 de,
De bharr an mhéid seo a leanas:
|
(1) |
Leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (2) na substaintí gníomhacha a mheastar a bheith formheasta faoi Rialachán (CE) Uimh. 1107/2009. |
|
(2) |
Le Rialachán Cur Chun Feidhme (AE) 2019/2094 ón gCoimisiún (3), cuireadh síneadh go dtí an 31 Eanáir 2021 le tréimhse formheasa na substaintí gníomhacha démhocsastróibin, meiceapróp-P, meitiream, ocsaimil agus pireaclóstróibin, agus síneadh go dtí an 28 Feabhra 2021 le tréimhse formheasa na substaintí gníomhacha beanflurailin, fluasanam, flutolainil agus meipiocuat. |
|
(3) |
Cuireadh isteach iarratais ar athnuachan fhormheas na substaintí sin i gcomhréir le Rialachán Cur Chun Feidhme (AE) Uimh. 844/2012 ón gCoimisiún (4). |
|
(4) |
Ós rud é gur cuireadh moill ar mheasúnú na substaintí sin ar chúiseanna nach bhfuil neart ag na hiarratasóirí orthu, is dócha go n-éagfaidh na formheasanna atá ag na substaintí gníomhacha sin sula mbeidh cinneadh déanta maidir lena n-athnuachan. Is gá, dá bhrí sin, síneadh a chur lena dtréimhsí formheasa. |
|
(5) |
Thairis sin, is gá síneadh a chur leis an tréimhse formheasa i gcás na substaintí gníomhacha flutolainil, meipiocuat agus pireaclóstróibin chun an t-am a chur ar fáil is gá chun measúnú a dhéanamh i ndáil le hairíonna suaite inchríneach na substaintí gníomhacha sin i gcomhréir leis an nós imeachta a leagtar amach in Airteagail 13 agus 14 de Rialachán Cur Chun Feidhme (AE) Uimh. 844/2012. |
|
(6) |
A mhéid a bhaineann le cásanna ina bhfuil an Coimisiún le Rialachán a ghlacadh lena bhforálfar nach ndéanfar formheas substainte gníomhaí dá dtagraítear san Iarscríbhinn a ghabhann leis an Rialachán seo a athnuachan toisc nach gcomhlíontar na critéir formheasa, is é an dáta atá le socrú ag an gCoimisiún mar dháta éaga an dáta céanna sin a bhí ann roimh an Rialachán seo nó dáta theacht i bhfeidhm an Rialacháin lena bhforáiltear nach ndéanfar formheas na substainte gníomhaí a athnuachan, cibé dáta acu sin is déanaí. A mhéid a bhaineann le cásanna ina bhfuil an Coimisiún le Rialachán a ghlacadh lena bhforálfar le haghaidh athnuachan substainte gníomhaí dá dtagraítear san Iarscríbhinn a ghabhann leis an Rialachán seo, féachfaidh an Coimisiún leis an dáta cur i bhfeidhm is luaithe is féidir a shocrú, de réir mar is iomchuí sna himthosca. |
|
(7) |
Ba cheart, dá bhrí sin, Rialachán Cur Chun Feidhme (AE) Uimh. 540/2011 a leasú dá réir. |
|
(8) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear an Iarscríbhinn a ghabhann le Rialachán Cur Chun Feidhme (AE) Uimh. 540/2011 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 22 Eanáir 2021.
Thar ceann an Choimisiúin
An tUachtarán
Ursula VON DER LEYEN
(1) IO L 309, 24.11.2009, lch. 1.
(2) Rialachán Cur Chun Feidhme (AE) Uimh. 540/2011 ón gCoimisiún an 25 Bealtaine 2011 lena gcuirtear chun feidhme Rialachán (CE) Uimh. 1107/2009 ó Pharlaimint na hEorpa agus ón gComhairle a mhéid a bhaineann le liosta na substaintí gníomhacha formheasta (IO L 153, 11.6.2011, lch. 1).
(3) Rialachán Cur Chun Feidhme (AE) 2019/2094 ón gCoimisiún an 29 Samhain 2019 lena leasaítear Rialachán Cur Chun Feidhme (AE) Uimh. 540/2011 a mhéid a bhaineann le síneadh a chur le tréimhsí formheasa na substaintí gníomhacha beanflurailin, démhocsastróibin, fluasanam, flutolainil, mancóiseib, meiceapróp-P, meipiocuat, meitiream, ocsaimil agus pireaclóstróibin (IO L 317, 9.12.2019, lch. 102).
(4) Rialachán Cur Chun Feidhme (AE) Uimh. 844/2012 ón gCoimisiún an 18 Meán Fómhair 2012 lena leagtar amach na forálacha is gá chun an nós imeachta athnuachana le haghaidh substaintí gníomhacha a chur chun feidhme, mar a fhoráiltear lena aghaidh sin i Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh (IO L 252, 19.9.2012, lch. 26).
IARSCRÍBHINN
Leasaítear Cuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 mar a leanas:
|
(1) |
sa séú colún, dul in éag an fhormheasa, de ró 57, Meiceapróp-P, cuirtear “31 Eanáir 2022” in ionad an dáta; |
|
(2) |
sa séú colún, dul in éag an fhormheasa, de ró 81, Pireaclóstróibin, cuirtear “31 Eanáir 2022” in ionad an dáta; |
|
(3) |
sa séú colún, dul in éag an fhormheasa, de ró 115, Meitiream, cuirtear “31 Eanáir 2022” in ionad an dáta; |
|
(4) |
sa séú colún, dul in éag an fhormheasa, de ró 116, Ocsaimil, cuirtear “31 Eanáir 2022” in ionad an dáta; |
|
(5) |
sa séú colún, dul in éag an fhormheasa, de ró 128, Démhocsastróibin, cuirtear “31 Eanáir 2022” in ionad an dáta; |
|
(6) |
sa séú colún, dul in éag an fhormheasa, de ró 187, Flutolainil, cuirtear “28 Feabhra 2022” in ionad an dáta; |
|
(7) |
sa séú colún, dul in éag an fhormheasa, de ró 188, Beanflurailin, cuirtear “28 Feabhra 2022” in ionad an dáta; |
|
(8) |
sa séú colún, dul in éag an fhormheasa, de ró 189, Fluasanam, cuirtear “28 Feabhra 2022” in ionad an dáta; |
|
(9) |
sa séú colún, dul in éag an fhormheasa, de ró 191, Meipiocuat, cuirtear “28 Feabhra 2022” in ionad an dáta. |