|
5.6.2012 |
MT |
Il-Ġurnal Uffiċjali tal-Unjoni Ewropea |
L 144/43 |
DEĊIŻJONI TAL-KUMMISSJONI
tal-4 ta’ Ġunju 2012
li ttemm il-proċediment anti-dumping fir-rigward tal-importazzjonijiet tal-aċidu tartariku li joriġina fir-Repubblika Popolari taċ-Ċina, limitat għal produttur esportatur Ċiniż wieħed, Hangzhou Bioking Biochemical Engineering Co., Ltd
(2012/289/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) (“ir-Regolament bażiku”), u b'mod partikolari l-Artikolu 9 tiegħu,
Wara li kkonsultat il-Kumitat Konsultattiv,
Billi:
A. PROĊEDURA
|
(1) |
Fil-15 ta’ Ġunju 2011 il-Kummissjoni Ewropea (“il-Kummissjoni”) irċeviet ilment dwar l-allegat dumping dannuż li jikkonċerna l-importazzjonijiet tal-aċidu tartariku li joriġina fir-Repubblika Popolari taċ-Ċina limitat għal produttur esportatur Ċiniż wieħed, Hangzhou Bioking Biochemical Engineering Co., Ltd. (“il-kumpanija ikkonċernata”). |
|
(2) |
L-ilment kien ippreżentat mill-produtturi li ġejjin (il-kwerelanti): Distillerie Bonollo SpA, Industria Chimica Valenzana SpA, Distillerie Mazzari SpA, Caviro Distillerie S.r.l. u Comercial Quimica Sarasa s.l. li jirrappreżentaw parti sostanzjali, f'dan il-każ iżjed minn 50 % tal-produzzjoni totali tal-Unjoni tal-aċidu tartariku. |
|
(3) |
L-ilment kien fih evidenza prima facie tal-eżistenza ta’ dumping u ta’ ħsara materjali li rriżultat mill-importazzjonijiet li huma l-oġġett ta’ dumping, li tqieset biżżejjed biex ikun ġustifikat il-bidu ta’ proċedeminet anti-dumping. |
|
(4) |
Il-Kummissjoni, wara konsultazzjoni mal-Kumitat Konsultattiv, f'avviż ippubblikat f'Il-Ġurnal Uffiċjali tal-Unjoni Ewropea (2), bdiet proċediment anti-dumping li jikkonċerna l-importazzjonijiet tal-aċidu tartariku li joriġina fir-Repubblika Popolari taċ-Ċina, limitat għal produttur esportatur Ċiniż wieħed, Hangzhou Bioking Biochemical Engineering Co., Ltd. (“il-kumpanija ikkonċernata”). |
|
(5) |
Il-Kummissjoni bagħtet kwestjonarji lill-industrija tal-Unjoni, lill-produttur esportatur fir-Repubblika Popolari taċ-Ċina, lill-importaturi, u lill-awtoritajiet tar-Repubblika Popolari taċ-Ċina. Il-partijiet interessati ngħataw l-opportunità li jistqarru fehmiethom bil-miktub u li jitolbu seduta ta’ smigħ fil-limitu taż-żmien stabbilit fin-notifika ta’ bidu. |
|
(6) |
Il-partijiet kollha interessati li talbu dan u li ppreżentaw raġunijiet partikolari għaliex għandhom jinstemgħu, ingħataw seduta ta’ smigħ. |
B. L-IRTIRAR TAL-ILMENT U TMIEM IL-PROĊEDIMENT
|
(7) |
Il-kwerelanti rtiraw formalment l-ilment tagħhom permezz ta’ ittra lill-Kummissjoni datata l-14 ta’ Frar 2012. |
|
(8) |
Skont l-Artikolu 9(1) tar-Regolament bażiku, il-proċediment tista' tintemm meta jiġi irtirat l-ilment, sakemm tali tmiem ma jkunx kontra l-interess tal-Unjoni. |
|
(9) |
Il-Kummissjoni qieset li l-proċediment attwali għandu jintemm minħabba li l-investigazzjoni ma sabet l-ebda raġuni jew konsiderazzjoni li turi li dan it-tmiem ma jkunx fl-interess tal-Unjoni. |
|
(10) |
Il-partijiet interessati ġew mgħarrfa b'dan u ngħataw l-opportunità li jikkummentaw. Ma tressqu l-ebda kummenti li jindikaw li dan it-tmiem ma jkunx fl-interess tal-Unjoni. |
|
(11) |
Għaldaqstant il-Kummissjoni tikkonkludi li l-proċediment anti-dumping li jikkonċerna l-importazzjonijiet fl-Unjoni tal-aċidu tartariku li joriġina mir-Repubblika Popolari taċ-Ċina għandha tintemm mingħajr l-impożizzjoni tal-miżuri, |
ADOTTAT DIN ID-DEĊIŻJONI:
Artikolu 1
Il-proċediment anti-dumping dwar l-importazzjonijiet ta’ aċidu tartariku li bħalissa jaqa' taħt il-Kodiċi NM ex 2918 12 00 , li joriġina fir-Repubblika Popolari taċ-Ċina limitat għal produttur esportatur Ċiniż wieħed, Hangzhou Bioking Biochemical Engineering Co., Ltd, hija hawnhekk mitmuma.
Artikolu 2
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, l-4 ta’ Ġunju 2012.
Għall-Kummissjoni
Il-President
José Manuel BARROSO