1.   Leis an Rialachán seo, bunaítear an tSaoráid Athchóirithe agus Fáis le haghaidh Phoblacht na Moldóive (an Mholdóiv) don tréimhse ó 2025 go 2027 (‘an tSaoráid’).

2.   Leis an tSaoráid, soláthrófar cúnamh don Mholdóiv chun athchóirithe a bhaineann leis an Aontas a chur i gcrích, go háirithe athchóirithe socheacnamaíocha cuimsitheacha agus inbhuanaithe agus athchóirithe a bhaineann le bunphrionsabail phróiseas an mhéadaithe, atá ailínithe le luachanna an Aontais, chomh maith le hinfheistíochtaí chun Clár Oibre Athchóirithe na Moldóive a chur chun feidhme.

3.   Beidh feidhm ag Rialachán (AE) 2021/947 maidir le cur chun feidhme na Saoráide, mura sonraítear a mhalairt sa Rialachán seo.

1.   Beidh na cuspóirí ginearálta seo a leanas ag an tSaoráid:

2.   Beidh na cuspóirí sonracha seo a leanas ag an tSaoráid:

1.   Bainisteoidh an Coimisiún an tacaíocht ón tSaoráid ar bhealach a bheidh comhsheasmhach le príomhphrionsabail agus príomhchuspóirí na n-athchóirithe eacnamaíocha a leagtar amach sa Chomhaontú Comhlachais idir an tAontas agus an Mholdóiv agus le beartas an Aontais um méadú.

2.   Beidh an comhar faoin tSaoráid bunaithe ar riachtanais agus cuirfidh sé prionsabail éifeachtacht na forbartha chun cinn, eadhon úinéireacht na dtosaíochtaí forbartha ag an Moldóiv agus béim á leagan ar choinníollacht shoiléir agus torthaí inláimhsithe, ar chomhpháirtíochtaí cuimsitheacha le comhpháirtithe sóisialta agus eagraíochtaí na sochaí sibhialta, chomh maith le trédhearcacht agus cuntasacht fhrithpháirteach. Beidh an comhar sin bunaithe ar leithdháileadh agus úsáid éifeachtach agus éifeachtúil acmhainní.

3.   Ní thiocfaidh soláthar cúnaimh macrairgeadais faoi raon feidhme na Saoráide.

4.   Beidh tacaíocht ón tSaoráid sa bhreis ar thacaíocht arna soláthar faoi chláir agus ionstraimí eile de chuid an Aontais agus comhlántach léi. Féadfaidh gníomhaíochtaí atá incháilithe do chistiú faoin Rialachán seo tacaíocht a fháil ó chláir agus ionstraimí eile de chuid an Aontais, ar choinníoll nach gcumhdaítear leis an tacaíocht sin an costas céanna agus go n-áirithítear formhaoirseacht iomchuí agus rialú buiséadach iomchuí. Áiritheoidh an Coimisiún comhlántachtaí agus sineirgí idir an tSaoráid agus cláir eile de chuid an Aontais, d’fhonn dúbailt cúnaimh agus cistiú dúbailte a sheachaint.

5.   Chun comhlántacht, comhleanúnachas agus éifeachtúlacht a ngníomhaíochtaí a chur chun cinn, oibreoidh an Coimisiún agus na Ballstáit i gcomhar le chéile agus déanfaidh siad a ndícheall dúbailt cúnaimh a sheachaint agus sineirgí a áirithiú idir cúnamh faoin Rialachán seo agus cineálacha eile cúnaimh, lena n-áirítear pacáistí comhtháite airgeadais ina bhfuil maoiniú onnmhairiúcháin agus forbartha araon arna soláthar ag an Aontas, Ballstáit, tríú tíortha, eagraíochtaí agus eintitis iltaobhacha agus réigiúnacha, amhail eagraíochtaí idirnáisiúnta agus na hinstitiúidí idirnáisiúnta airgeadais ábhartha, gníomhaireachtaí agus deontóirí nach deontóirí de chuid an Aontais iad, i gcomhréir leis na prionsabail sheanbhunaithe chun comhordú oibríochtúil a neartú i réimse an chúnaimh sheachtraigh, lena n-áirítear trí chomhordú feabhsaithe leis na Ballstáit ar an leibhéal áitiúil. Is é a bheidh i gceist le comhordú den sórt sin ar an leibhéal áitiúil comhairliúcháin rialta thráthúla agus malartuithe minice faisnéise le linn chur chun feidhme na Saoráide.

6.   Leis na gníomhaíochtaí faoin tSaoráid, déanfar an daonlathas, cearta an duine agus comhionannas inscne a phríomhshruthú agus a chur chun cinn, déanfar iad a ailíniú de réir a chéile le caighdeáin shóisialta, aeráide agus chomhshaoil an Aontais, déanfar príomhshruthú ar an maolú ar an athrú aeráide, agus oiriúnú don athrú sin, i gcás inarb ábhartha, laghdú rioscaí tubaiste, cosaint an chomhshaoil agus caomhnú na bithéagsúlachta, lena n-áirítear, i gcás inarb iomchuí, trí mheasúnuithe tionchair ar an gcomhshaol, agus tacófar leis an dul chun cinn i dtreo Spriocanna Forbartha Inbhuanaithe na Náisiún Aontaithe, lena gcuirtear chun cinn gníomhaíochtaí comhtháite lenar féidir comhthairbhí a chruthú agus ilchuspóirí a bhaint amach ar bhealach comhleanúnach. Seachnófar sócmhainní tréigthe leis na gníomhaíochtaí sin, agus beidh siad á dtreorú ag na prionsabail ‘gan dochar suntasach a dhéanamh’ agus ‘gan aon duine a fhágáil ar lár’, chomh maith leis an gcur chuige príomhshruthaithe inbhuanaitheachta atá mar bhonn taca leis an gComhaontú Glas don Eoraip. Déanfar 37 % ar a laghad den tacaíocht airgeadais neamh-inaisíoctha, lena n-áirítear soláthar, a sholáthraítear do thionscadail infheistíochta arna bhformheas faoi Ardán Infheistíochta an Bheartais Comharsanachta, a shannadh do chuspóirí aeráide.

7.   Áiritheoidh an Mholdóiv agus an Coimisiún go gcuirfear comhionannas inscne, príomhshruthú inscne agus comhtháthú ghné na hinscne i gcuntas agus go gcuirfear chun cinn iad le linn ullmhú an Chláir Oibre Athchóirithe agus chur chun feidhme na Saoráide. Déanfaidh an Mholdóiv agus an Coimisiún bearta iomchuí chun aon idirdhealú atá bunaithe ar inscne, ar thionscnamh ciníoch nó eitneach, ar reiligiún nó creideamh, ar mhíchumas, ar aois nó ar ghnéaschlaonadh a chosc. Tuairisceoidh an Coimisiún ar na bearta sin i gcomhthéacs an tuairiscithe rialta uaidh faoi na Pleananna Gníomhaíochta Inscne.

8.   Leis an tSaoráid, ní thacófar le gníomhaíochtaí ná bearta atá ar neamhréir le Plean Náisiúnta Fuinnimh agus Aeráide na Moldóive, lena Rannchuidiú arna Chinneadh go Náisiúnta faoi Chomhaontú Pháras, ná leis an uaillmhian atá aici aeráidneodracht a bhaint amach faoi 2050, ná le gníomhaíochtaí ná bearta lena gcuirtear infheistíochtaí i mbreoslaí iontaise chun cinn nó atá ina gcúis le héifeachtaí díobhálacha suntasacha ar an gcomhshaol, ach amháin i gcás ina bhfuil géarghá le gníomhaíochtaí nó bearta den sórt sin chun cuspóirí na Saoráide a bhaint amach, go háirithe Airteagal 3(2), pointe (c), agus socruithe idirthréimhseacha féideartha á gcur san áireamh agus straitéis fuinnimh mheántéarmach go fadtéarmach á saothrú ag an am céanna chun slándáil fuinnimh a áirithiú. Beidh bearta iomchuí ag gabháil leis na socruithe idirthréimhseacha sin, i gcás inarb ábhartha, chun na héifeachtaí díobhálacha sin a sheachaint, a chosc nó a laghdú agus, más féidir, a fhritháireamh.

9.   I gcomhréir le prionsabal na comhpháirtíochta cuimsithí, déanfaidh an Coimisiún a dhícheall grinnscrúdú daonlathach a áirithiú, de réir mar is iomchuí, i bhfoirm comhairliúcháin a dhéanfaidh rialtas na Moldóive le parlaimint na Moldóive, le húdaráis áitiúla, i gcomhréir le creat dlíthiúil náisiúnta na Moldóive, agus le páirtithe leasmhara ábhartha, lena n-áirítear comhpháirtithe sóisialta agus an tsochaí shibhialta, mar aon le grúpaí leochaileacha, dídeanaithe, agus gach mionlach agus pobal, de réir mar is ábhartha, ionas go mbeidh siad in ann a bheith rannpháirteach i múnlú dhearadh agus chur chun feidhme na ngníomhaíochtaí atá incháilithe do chistiú faoin tSaoráid agus sna próisis ghaolmhara faireacháin, ghrinnscrúdaithe agus mheastóireachta, de réir mar is ábhartha. Leis an gcomhairliúchán sin, féachfar le hiolrachas shochaí na Moldóive a léiriú. Ina theannta sin, áiritheoidh an Coimisiún go mbeidh an tsochaí shibhialta sa Mholdóiv, lena n-áirítear eagraíochtaí neamhrialtasacha, in ann aon neamhrialtachtaí a bhaineann le cistiú nó faighteoirí deiridh a thuairisciú go díreach don Choimisiún trí bhuanbhealaí iomchuí.

10.   Áiritheoidh an Coimisiún, i ndlúthchomhar leis na Ballstáit agus leis an Moldóiv, go gcuirfear gealltanais de chuid an Aontais maidir le trédhearcacht agus cuntasacht mhéadaithe chun feidhme agus tacaíocht á soláthar, lena n-áirítear trí chur chun feidhme agus treisiú na gcóras rialaithe inmheánaigh agus na mbeartas frithchalaoise a chur chun cinn. Cuirfidh an Coimisiún faisnéis maidir le méid agus leithdháileadh na tacaíochta ar fáil go poiblí tríd an scórchlár Saoráide dá dtagraítear in Airteagal 24. Foilseoidh an Mholdóiv sonraí cothrom le dáta maidir le faighteoirí deiridh a fhaigheann cistí ón Aontas chun athchóirithe agus infheistíochtaí faoin tSaoráid a chur chun feidhme, mar a thuairiscítear in Airteagal 20.

1.   Is iad na réamhchoinníollacha le haghaidh tacaíocht faoin tSaoráid go ndéanfaidh an Mholdóiv sásraí éifeachtacha daonlathacha a chaomhnú agus a urramú, lena n-áirítear córas parlaiminteach ilpháirtí, saorthoghcháin chóra, meáin shaora, neamhspleácha agus iolraíocha, breithiúnacht neamhspleách agus an smacht reachta, agus go ráthóidh sí urraim d’oibleagáidí uile chearta an duine, lena n-áirítear cearta daoine ar de ghrúpaí mionlaigh iad.

2.   Déanfaidh an Coimisiún faireachán ar chomhlíonadh na réamhchoinníollacha a leagtar amach i mír 1 sula scaoilfear cistí, lena n-áirítear réamh-mhaoiniú, chuig an Moldóiv faoin tSaoráid agus le linn thréimhse na tacaíochta arna soláthar faoin tSaoráid, agus aird chuí á tabhairt ar an gcreat beartais um méadú. Cuirfidh an Coimisiún i gcuntas freisin na moltaí ábhartha ó chomhlachtaí idirnáisiúnta, amhail Comhairle na hEorpa agus Coimisiún na Veinéise dá cuid, nó Oifig um Institiúidí Daonlathacha agus um Chearta an Duine de chuid na hEagraíochta um Shlándáil agus Comhar san Eoraip (ESCE), sa phróiseas faireacháin.

3.   I gcás ina bhfaigheann an Coimisiún amach nach bhfuil cuid de na réamhchoinníollacha a leagtar amach i mír 1 á comhlíonadh, glacfaidh an Coimisiún cinneadh chuige sin, agus go háirithe, déanfaidh sé scaoileadh na gcistí dá dtagraítear in Airteagal 19 a choinneáil siar, gan beann ar chomhlíonadh na gcoinníollacha íocaíochta dá dtagraítear in Airteagal 10. Cuirfidh an Coimisiún Parlaimint na hEorpa agus an Chomhairle ar an eolas faoina chinneadh.

1.   Tacófar leis an tSaoráid le hacmhainní ó ICFCI – an Eoraip Dhomhanda, arb éard atá iontu EUR 520 milliún i dtacaíocht neamh-inaisíoctha agus uasmhéid EUR 1 500 milliún in iasachtaí. Ní bheidh an méid le haghaidh iasachtaí ina chuid de mhéid na Ráthaíochta do Ghníomhaíochtaí Seachtracha de réir bhrí Airteagal 31(4) de Rialachán (AE) 2021/947.

2.   Déanfar an tacaíocht airgeadais neamh-inaisíoctha a mhaoiniú don tréimhse ón 1 Eanáir 2025 go dtí an 31 Nollaig 2027 ón imchlúdach a leithdháiltear ar chlár geografach na Comharsanachta faoi Airteagal 6(2), pointe (a), de Rialachán (AE) 2021/947. Cumhdófar léi an soláthar le haghaidh iasachtaí dar luach EUR 135 mhilliún, tacaíocht arna soláthar ag an Aontas do thionscadail arna bhformheas faoi Ardán Infheistíochta an Bheartais Comharsanachta, dá dtagraítear in Airteagal 18(2), agus tacaíocht chomhlántach, lena n-áirítear tacaíocht d’eagraíochtaí na sochaí sibhialta agus cúnamh teicniúil. Cuirfear an cistiú sin chun feidhme i gcomhréir le Rialachán (AE) 2021/947.

Cinntí maidir le scaoileadh cistí dá dtagraítear in Airteagal 19(3) le haghaidh na tacaíochta i bhfoirm iasachtaí, déanfar iad a ghlacadh sa tréimhse ón 1 Eanáir 2025 go dtí an 30 Meitheamh 2029.

3.   Bainisteoidh an Coimisiún scaoileadh chúnamh an Aontais ar bhealach a bheidh comhsheasmhach le príomhphrionsabail agus príomhchuspóirí na n-athchóirithe a leagtar amach sa Chlár Oibre Athchóirithe. Déanfar na cistí uile, cé is moite de thacaíocht chomhlántach dá dtagraítear i mír 2, agus na hacmhainní dá dtagraítear i mír 6, a sholáthar i dtráthchodanna dhá uair sa bhliain bunaithe ar chur i gcrích na n-athchóirithe is gá sna hamlínte sonraithe mar a comhaontaíodh sa Chlár Oibre Athchóirithe agus mar a comhaontaíodh sa chinneadh cur chun feidhme ón gCoimisiún.

4.   Cuirfidh an Mholdóiv 25 % ar a laghad den iasacht a scaoiltear leis an Moldóiv ar fáil do thionscadail infheistíochta arna bhformheas faoi Ardán Infheistíochta an Bheartais Comharsanachta, arb é ceann de na hardáin réigiúnacha infheistíochta dá dtagraítear in Airteagal 32 de Rialachán (AE) 2021/947 é. Sonrófar sa Chomhaontú Saoráide an oibleagáid sin, chomh maith leis na rialacha mionsonraithe agus na prionsabail mhionsonraithe maidir lena cur chun feidhme. Mura gcomhlíontar an oibleagáid sin, cuirfear oibríochtaí breise faoin tSaoráid ar fionraí agus aisghabhfar na méideanna sin ón Moldóiv, dá dtagraítear in Airteagal 19 den Rialachán seo.

5.   Comhfhreagróidh tacaíocht chomhlántach do 20 % ar a laghad den tacaíocht airgeadais neamh-inaisíoctha iomlán dá dtagraítear i mír 2.

6.   Féadfar méid suas le 1 % den tacaíocht neamh-inaisíoctha dá dtagraítear i mír 2 a úsáid le haghaidh cúnamh teicniúil agus riaracháin chun an tSaoráid a chur chun feidhme, amhail gníomhaíochtaí ullmhúcháin agus gníomhaíochtaí faireacháin, rialaithe, iniúchóireachta agus meastóireachta, a bhfuil gá leo chun an tSaoráid a bhainistiú agus a cuspóirí a bhaint amach, go háirithe staidéir, cruinnithe saineolaithe, oiliúint, comhairliúcháin le húdaráis na Moldóive, comhdhálacha, comhairliúchán le húdaráis áitiúla, i gcomhréir le creat dlíthiúil náisiúnta na Moldóive, agus le páirtithe leasmhara ábhartha, lena n-áirítear comhpháirtithe sóisialta agus eagraíochtaí na sochaí sibhialta, gníomhaíochtaí faisnéise agus cumarsáide, lena n-áirítear gníomhaíochtaí cuimsitheacha for-rochtana, agus cumarsáid thosaíochtaí polaitiúla an Aontais, a mhéid a bhaineann siad le cuspóirí na Saoráide, speansais a bhaineann le líonraí TF a dhíríonn ar phróiseáil agus malartú faisnéise, uirlisí teicneolaíochta faisnéise corparáideacha, chomh maith le gach caiteachas eile ag an gceanncheathrú agus ag toscaireacht an Aontais le haghaidh na tacaíochta riaracháin agus comhordúcháin is gá le haghaidh na Saoráide. Le speansais, féadfar costais a chumhdach freisin a bhaineann le gníomhaíochtaí lena dtacaítear le trédhearcacht agus le gníomhaíochtaí eile amhail rialú cáilíochta agus faireachán ar thionscadail nó ar chláir ar an láthair agus costais a bhaineann le piarchomhairleoireacht agus le saineolaithe chun measúnú a dhéanamh ar athchóirithe agus infheistíochtaí agus chun iad a chur chun feidhme.

7.   Chun tacaíocht idirnáisiúnta a uasmhéadú, féadfaidh deontóirí rannchuidiú le cur chun feidhme na Saoráide trí bhíthin ioncam sannta seachtrach de réir bhrí Airteagal 21(2) den Rialachán Airgeadais.

1.   De mhaolú ar Airteagal 28 de Rialachán (AE) 2021/947, maidir leis an deis a bheith rannpháirteach i soláthar agus i nósanna imeachta dámhachtana deontas le haghaidh gníomhaíochtaí a mhaoinítear faoin tSaoráid, beidh an deis sin ag eagraíochtaí idirnáisiúnta agus réigiúnacha agus ag na daoine nádúrtha uile ar náisiúnaigh de na tíortha seo a leanas iad nó ag daoine dlítheanacha atá bunaithe go héifeachtach iontu:

2.   Féadfar an rochtain chómhalartach dá dtagraítear i mír 1, pointe (b), a dheonú le haghaidh tréimhse theoranta bliain amháin ar a laghad i gcás ina ndeonaíonn tír incháilitheacht ar choinníollacha comhionanna le heintitis ón Aontas agus ó thíortha atá incháilithe faoin tSaoráid.

Déanfaidh an Coimisiún cinneadh maidir leis an rochtain chómhalartach tar éis dó dul i gcomhairle leis an Moldóiv.

3.   Beidh na soláthairtí agus na hábhair uile arna maoiniú agus arna soláthar faoin tSaoráid de thionscnamh aon tír dá dtagraítear i mír 1, pointí (a) agus (b), seachas mura féidir na soláthairtí agus na hábhair sin a fháil faoi choinníollacha réasúnacha in aon cheann de na tíortha sin. Ina theannta sin, beidh feidhm ag na rialacha maidir le srianta a leagtar síos i mír 6.

4.   Ní bheidh feidhm ag na rialacha incháilitheachta faoin Airteagal seo maidir le daoine nádúrtha atá fostaithe nó atá ar conradh go dleathach ar bhealach eile ag conraitheoir incháilithe nó, i gcás inarb infheidhme, ag fochonraitheoir incháilithe, ná ní chruthófar leo srianta náisiúntachta do dhaoine nádúrtha den sórt sin, ach amháin i gcás ina bhfuil na srianta náisiúntachta bunaithe ar na rialacha dá bhforáiltear i mír 6.

5.   I gcás gníomhaíochtaí arna gcómhaoiniú go comhpháirteach ag eintiteas nó arna gcur chun feidhme faoi bhainistíocht dhíreach nó faoi bhainistíocht indíreach le heintitis dá dtagraítear in Airteagal 62(1), an chéad fhomhír, pointe (c), den Rialachán Airgeadais, beidh feidhm freisin ag na rialacha is infheidhme maidir leis na heintitis sin sa bhreis ar na rialacha a bhunaítear faoin Airteagal seo, lena n-áirítear, i gcás inarb infheidhme, na srianta dá bhforáiltear faoi mhír 6 den Airteagal seo agus a léirítear go cuí sna comhaontuithe maoiniúcháin agus sna doiciméid chonarthacha arna síniú leis na heintitis sin.

6.   Na rialacha incháilitheachta agus na rialacha maidir le tionscnamh na soláthairtí agus na n-ábhar a leagtar amach i míreanna 1 agus 3 agus na rialacha maidir le náisiúntacht na ndaoine nádúrtha a leagtar amach i mír 4, féadfar iad a shrianadh i dtaca le náisiúntacht, suíomh geografach nó cineál na n-eintiteas dlítheanach atá rannpháirteach i nósanna imeachta dámhachtana, agus i dtaca le tionscnamh geografach na soláthairtí agus na n-ábhar i gcás inar fíor an méid seo a leanas ina leith:

7.   Féadfar glacadh le hiarratasóirí ar thairiscintí agus le hiarrthóirí ó thíortha neamh-incháilithe i gcás práinne nó i gcás nach bhfuil seirbhísí ar fáil i margaí na dtíortha nó na gcríoch lena mbaineann, nó i gcásanna eile cuí-réasúnaithe ina mbeadh sé dodhéanta nó thar a bheith deacair gníomhaíocht a chur i gcrích dá ndéanfaí na rialacha incháilitheachta a chur i bhfeidhm.

8.   Faoi chuimsiú bhearta sriantacha an Aontais, arna nglacadh ar bhonn Airteagal 29 CAE agus Airteagal 215 CFAE, ní dhéanfar aon chistí nó acmhainní eacnamaíocha a chur ar fáil, go díreach nó go hindíreach, do dhaoine dlítheanacha, d’eintitis ná do chomhlachtaí atá faoi réir bearta sriantacha de chuid an Aontais nó chun a dtairbhe siúd. Leis an tSaoráid, ní thabharfar tacaíocht dhíreach ná indíreach do dhaoine ná eintitis den sórt sin, ná d’eintitis atá faoi úinéireacht nó faoi rialú acu, lena n-áirítear mar úinéirí indíreacha, fochonraitheoirí sa slabhra soláthair nó tairbhithe deiridh.

1.   Tabharfaidh an Coimisiún Comhaontú Saoráide i gcrích leis an Moldóiv chun an tSaoráid a chur chun feidhme ina leagtar amach na hoibleagáidí agus na coinníollacha íocaíochta maidir le cistiú a eisíoc.

2.   Comhlánófar an Comhaontú Saoráide le comhaontú iasachta i gcomhréir le hAirteagal 15, ina leagtar amach forálacha sonracha maidir le bainistiú agus cur chun feidhme an chistithe arna sholáthar i bhfoirm iasachta. Cuirfear an Comhaontú Saoráide, lena n-áirítear aon doiciméadacht ghaolmhar, ar fáil do Pharlaimint na hEorpa agus don Chomhairle go comhuaineach agus gan mhoill.

3.   Ní dheonófar cistiú don Mholdóiv go dtí go mbeidh an Comhaontú Saoráide agus an comhaontú iasachta tagtha i bhfeidhm.

4.   Leis an gComhaontú Saoráide agus leis an gcomhaontú iasachta arna dtabhairt i gcrích leis an Moldóiv, áiritheofar go gcomhlíonfar na hoibleagáidí a leagtar amach in Airteagal 129 den Rialachán Airgeadais.

5.   Leagfar síos sa Chomhaontú Saoráide na forálacha mionsonraithe is gá maidir leis an méid seo a leanas:

1.   Chun aon tacaíocht a fháil faoin Rialachán seo, cuirfidh an Mholdóiv Clár Oibre Athchóirithe le haghaidh 2025-2027 faoi bhráid an Choimisiúin, ar clár oibre é a bheidh bunaithe ar phríomhphrionsabail agus príomhchuspóirí na n-athchóirithe socheacnamaíocha agus bunúsacha a leagtar amach sa Chomhaontú Comhlachais idir an tAontas agus an Mholdóiv, arna chomhaontú faoi Bheartas Comharsanachta na hEorpa, agus sa chreat beartais um méadú.

2.   Leis an gClár Oibre Athchóirithe, soláthrófar creat uileghabhálach chun na cuspóirí ginearálta agus sonracha a leagtar amach in Airteagal 3 a bhaint amach, ina leagtar amach na hathchóirithe atá le déanamh ag an Moldóiv, chomh maith leis na réimsí infheistíochta. Is é a bheidh sa Chlár Oibre Athchóirithe bearta chun athchóirithe a chur chun feidhme trí phacáiste cuimsitheach agus comhleanúnach. I réimsí bhunphrionsabail phróiseas an mhéadaithe, lena n-áirítear an smacht reachta, an comhrac in aghaidh an éillithe, lena n-áirítear an t-éilliú ardleibhéil, cearta bunúsacha agus an tsaoirse chun tuairimí a nochtadh, léireofar sa Chlár Oibre Athchóirithe na measúnuithe sa chreat beartais um méadú.

3.   Beidh an Clár Oibre Athchóirithe comhsheasmhach leis an gcreat beartais mhaicreacnamaíoch agus fhioscaigh is déanaí arna chur faoi bhráid an Choimisiúin i gcomhthéacs an idirphlé eacnamaíoch agus airgeadais leis an Aontas.

4.   Beidh an Clár Oibre Athchóirithe comhsheasmhach leis na tosaíochtaí athchóirithe arna sainaithint i gcomhthéacs chonair aontachais na Moldóive, agus i ndoiciméid ábhartha eile, leis an Rannchuidiú arna Chinneadh go Náisiúnta faoi Chomhaontú Pháras agus leis an uaillmhian aeráidneodracht a bhaint amach faoi 2050, agus tacófar leo leis an gClár Oibre Athchóirithe.

5.   Leis an gClár Oibre Athchóirithe, urramófar na prionsabail ghinearálta a leagtar amach in Airteagal 4.

6.   Déanfar an Clár Oibre Athchóirithe a ullmhú ar bhealach cuimsitheach agus trédhearcach, i gcomhairle le comhpháirtithe sóisialta agus le heagraíochtaí na sochaí sibhialta.

7.   Iarrfaidh an Coimisiún ar an Moldóiv a Clár Oibre Athchóirithe a thíolacadh faoin 24 Meitheamh 2025 Tarchuirfidh an Coimisiún Clár Oibre Athchóirithe na Moldóive chuig Parlaimint na hEorpa agus chuig an gComhairle a luaithe a gheofar é.

1.   Leis an tSaoráid, soláthrófar dreasachtaí chun an Clár Oibre Athchóirithe a chur chun feidhme trí choinníollacha íocaíochta a leagan síos maidir le scaoileadh cistí. Beidh feidhm ag na coinníollacha íocaíochta sin maidir le cistí faoi Airteagal 6(1), cé is moite de thacaíocht chomhlántach lena n-áirítear tacaíocht d’eagraíochtaí na sochaí sibhialta agus cúnamh teicniúil. Beidh na coinníollacha íocaíochta sin i bhfoirm céimeanna intomhaiste cáilíochtúla nó cainníochtúla. Léireofar i gcéimeanna den sórt sin an dul chun cinn atá déanta maidir le hathchóirithe socheacnamaíocha sonracha agus le bunphrionsabail phróiseas an mhéadaithe atá nasctha le baint amach chuspóirí éagsúla na Saoráide a leagtar amach in Airteagal 3, i gcomhréir leis an gcreat beartais um méadú.

2.   Le comhlíonadh na gcoinníollacha íocaíochta dá dtagraítear i mír 1, déanfar cistí a scaoileadh go hiomlán nó go páirteach, ag brath ar a mhéid atá siad curtha i gcrích.

3.   Cobhsaíocht macrairgeadais, bainistíocht fhónta airgeadais phoiblí, trédhearcacht agus formhaoirseacht ar an mbuiséad, is coinníollacha ginearálta iad le haghaidh íocaíochtaí nach mór a chomhlíonadh chun aon chiste a scaoileadh.

Le cistí faoin tSaoráid, ní thacófar le gníomhaíochtaí ná le bearta a bhaineann an bonn ó cheannasacht agus iomláine chríochach na Moldóive.

1.   Leagfar amach sa Chlár Oibre Athchóirithe go háirithe na gnéithe seo a leanas, a mbeidh réasúnú agus bunús ag gabháil leo:

2.   Beidh an Clár Oibre Athchóirithe bunaithe ar thorthaí agus áireofar ann táscairí chun measúnú a dhéanamh ar an dul chun cinn atá déanta i dtreo bhaint amach na gcuspóirí ginearálta agus sonracha a leagtar amach in Airteagal 3. Beidh na táscairí sin bunaithe, i gcás inarb iomchuí agus inarb ábhartha, ar tháscairí arna gcomhaontú go hidirnáisiúnta agus ar na táscairí sin atá ar fáil cheana a bhaineann le beartais na Moldóive. Beidh na táscairí comhleanúnach freisin, a mhéid is féidir, leis na príomhtháscairí feidhmíochta a áirítear sa chinneadh cur chun feidhme ón gCoimisiún lena bhformheastar na Cláir Oibre Athchóirithe le haghaidh na mBalcán Thiar faoi Rialachán (AE) 2024/1449 agus i gCreat Tomhais Torthaí CEFI+.

1.   Déanfaidh an Coimisiún measúnú ar ábharthacht, cuimsitheacht agus oiriúnacht Chlár Oibre Athchóirithe na Moldóive nó, i gcás inarb infheidhme, ar aon leasú ar an gClár Oibre sin, gan moill mhíchuí. Agus a mheasúnú á dhéanamh ag an gCoimisiún, gníomhóidh sé i ndlúthchomhar leis an Moldóiv, agus féadfaidh sé barúlacha a thabhairt, faisnéis bhreise a lorg nó a cheangal ar an Moldóiv a Clár Oibre Athchóirithe a athbhreithniú nó a mhodhnú.

2.   Maidir leis an gcuspóir a leagtar amach in Airteagal 11(1), pointe (j), den Rialachán seo, déanfaidh an Coimisiún, i gcomhréir le Cinneadh 2010/427/AE, ról agus rannchuidiú SEGS a chur i gcuntas go cuí.

3.   Agus measúnú á dhéanamh ag an gCoimisiún ar an gClár Oibre Athchóirithe, cuirfidh sé i gcuntas an fhaisnéis anailíseach ábhartha atá ar fáil faoin Moldóiv, lena n-áirítear a staid mhaicreacnamaíoch agus a hinbhuanaitheacht fiachais, an t-údar a thug an Mholdóiv agus na gnéithe a sholáthair sí dá dtagraítear in Airteagal 11, éifeachtaí chogadh foghach na Rúise i gcoinne na hÚcráine agus iarrachtaí an Mholdóiv a dhíchobhsú, chomh maith le haon fhaisnéis ábhartha eile amhail an fhaisnéis a liostaítear in Airteagal 11.

4.   Ina mheasúnú, breithneoidh an Coimisiún na critéir seo a leanas go háirithe:

5.   Chun críocha an mheasúnaithe ar an gClár Oibre Athchóirithe arna thíolacadh ag an Moldóiv, féadfaidh an Coimisiún cúnamh a fháil ó shaineolaithe neamhspleácha.

1.   I gcás measúnú dearfach i gcomhréir le hAirteagal 12, formheasfaidh an Coimisiún, trí bhíthin cinneadh cur chun feidhme, an Clár Oibre Athchóirithe arna thíolacadh ag an Moldóiv, nó, i gcás inarb infheidhme, an Clár Oibre leasaithe arna thíolacadh i gcomhréir le hAirteagal 14. Déanfar an cinneadh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 28(2).

2.   Sa chinneadh cur chun feidhme ón gCoimisiún, dá dtagraítear i mír 1, leagfar amach na hathchóirithe atá le cur chun feidhme ag an Moldóiv, na réimsí infheistíochta a bhfuil tacaíocht le tabhairt dóibh agus na coinníollacha íocaíochta a eascraíonn as an gClár Oibre Athchóirithe, lena n-áirítear an tráthchlár.

3.   Sa chinneadh cur chun feidhme ón gCoimisiún, dá dtagraítear i mír 1, leagfar síos an méid seo a leanas freisin:

1.   I gcás nach féidir leis an Moldóiv an Clár Oibre Athchóirithe, lena n-áirítear coinníollacha íocaíochta ábhartha, a bhaint amach a thuilleadh, go páirteach nó go hiomlán, mar gheall ar imthosca oibiachtúla, féadfaidh an Mholdóiv Clár Oibre Athchóirithe leasaithe a mholadh. Sa chás sin, féadfaidh an Mholdóiv iarraidh réasúnaithe a dhéanamh ar an gCoimisiún a chinneadh cur chun feidhme dá dtagraítear in Airteagal 13(1) a leasú.

2.   Féadfaidh an Coimisiún an cinneadh cur chun feidhme a leasú trí bhíthin an nós imeachta scrúdúcháin dá dtagraítear in Airteagal 28(2), go háirithe chun athrú ar mhéideanna an chistithe atá ar fáil a chur i gcuntas i gcomhréir leis na prionsabail faoi Airteagal 19.

3.   I gcás ina measann an Coimisiún go bhfuil údar le leasú a dhéanamh ar Chlár Oibre Athchóirithe na Moldóive de bharr na gcúiseanna arna gcur ar aghaidh aici, déanfaidh an Coimisiún measúnú ar an gClár Oibre Athchóirithe leasaithe i gcomhréir le hAirteagal 12 agus féadfaidh sé an cinneadh cur chun feidhme dá dtagraítear in Airteagal 13(1) a leasú gan moill mhíchuí, tri bhíthin an nós imeachta scrúdúcháin dá dtagraítear in Airteagal 28(2).

4.   I leasú, féadfaidh an Coimisiún glacadh le hamlínte suas go dtí an 31 Nollaig 2028 le haghaidh coinníollacha íocaíochta.

1.   Chun an tacaíocht faoin tSaoráid i bhfoirm iasachtaí a mhaoiniú, tabharfar de chumhacht don Choimisiún, thar ceann an Aontais, na cistí is gá a fháil ar iasacht ar na margaí caipitil nó ó institiúidí airgeadais i gcomhréir le hAirteagal 224 den Rialachán Airgeadais.

2.   Déanfaidh an Coimisiún comhaontú iasachta leis an Moldóiv. Leagfar síos sa chomhaontú iasachta uasmhéid na hiasachta, an tréimhse infhaighteachta agus téarmaí agus coinníollacha mionsonraithe na tacaíochta faoin tSaoráid i bhfoirm iasachtaí. Mairfidh na hiasachtaí ar feadh 40 bliain ar a mhéad ó dháta shíniú an chomhaontaithe iasachta.

Sa bhreis ar Airteagal 223(4) den Rialachán Airgeadais agus de mhaolú air, beidh méid an réamh-mhaoinithe agus na rialacha maidir le himréiteach an réamh-mhaoinithe sa chomhaontú iasachta.

3.   Déanfar an comhaontú iasachta a chur ar fáil go comhuaineach do Pharlaimint na hEorpa agus don Chomhairle.

1.   Déanfar soláthar do na hiasachtaí a chur le chéile ag ráta 9 % ón imchlúdach a leithdháiltear ar chlár geografach na Comharsanachta faoi Airteagal 6(2), pointe (a), de Rialachán (AE) 2021/947 agus úsáidfear é mar chuid de sholáthairtí lena dtacaítear le rioscaí comhchosúla.

2.   De mhaolú ar Airteagal 214(2), an abairt deiridh, den Rialachán Airgeadais, déanfar an soláthar a chur le chéile de réir a chéile agus déanfar é a chur le chéile go hiomlán ar a dhéanaí nuair a eisíocfar na hiasachtaí ina n-iomláine.

3.   Déanfar athbhreithniú ar an ráta soláthair gach 3 bliana ar a laghad ó dháta theacht i bhfeidhm an Rialacháin seo i gcomhréir leis an nós imeachta dá bhforáiltear faoi Airteagal 31(5), an ceathrú fomhír, de Rialachán (AE) 2021/947.

1.   Tar éis don Mholdóiv an Clár Oibre Athchóirithe a chur faoi bhráid an Choimisiúin, féadfaidh sí a iarraidh go scaoilfí réamh-mhaoiniú suas le 18 % den mhéid iomlán dá bhforáiltear faoin tSaoráid i gcomhréir le hAirteagal 6(1), tar éis tacaíocht chomhlántach a asbhaint, lena n-áirítear tacaíocht d’eagraíochtaí na sochaí sibhialta agus cúnamh teicniúil, agus soláthar d’iasachtaí.

2.   Féadfaidh an Coimisiún an réamh-mhaoiniú a iarradh a scaoileadh tar éis ghlacadh a chinnidh cur chun feidhme dá dtagraítear in Airteagal 13 agus tar éis theacht i bhfeidhm an Chomhaontaithe Saoráide agus an chomhaontaithe iasachta. Scaoilfear na cistí i gcomhréir le hAirteagal 19(3), an chéad abairt, agus faoi réir urramú na réamhchoinníollacha a leagtar amach in Airteagal 5.

3.   Déanfaidh an Coimisiún cinneadh maidir leis an tréimhse ama le haghaidh eisíocaíocht an réamh-mhaoinithe, a fhéadfar a eisíoc i dtráinse amháin nó níos mó.

1.   Chun tairbhe a bhaint as giaráil thacaíocht airgeadais an Aontais chun infheistíocht bhreise a mhealladh, cuirfear infheistíochtaí lena dtacaítear leis an gClár Oibre Athchóirithe chun feidhme i gcomhar le hinstitiúidí idirnáisiúnta airgeadais i bhfoirm tionscadail infheistíochta arna bhformheas faoi Ardán Infheistíochta an Bheartais Comharsanachta.

2.   Tar éis na coinníollacha íocaíochta uile is infheidhme a chomhlíonadh go sásúil, glacfaidh an Coimisiún cinneadh lena n-údaraítear scaoileadh cistí, dá dtagraítear in Airteagal 19(3). Socrófar leis an gcinneadh sin, i gcomhréir le hAirteagal 6(1), méid na gcistí atá le cur ar fáil i bhfoirm tacaíocht neamh-inaisíoctha arna soláthar ag an Aontas le haghaidh tionscadail arna bhformheas faoi Ardán Infheistíochta an Bheartais Comharsanachta, agus méid an chúnaimh airgeadais i bhfoirm tacaíocht iasachta atá le scaoileadh don Mholdóiv. Leagfar amach sa chinneadh sin freisin, i gcomhréir leis an gcóimheas a shocraítear sa Chomhaontú Saoráide dá dtagraítear in Airteagal 8(5), pointe (c), an sciar den tacaíocht iasachta sin atá le cur ar fáil ag an Moldóiv mar chómhaoiniú le haghaidh tionscadail arna bhformheas faoi Ardán Infheistíochta an Bheartais Comharsanachta.

1.   Dhá uair in aghaidh na bliana, tíolacfaidh an Mholdóiv iarraidh chuí-réasúnaithe ar scaoileadh cistí 2 mhí ar a dhéanaí tar éis na hamlíne a leagtar síos sa chinneadh cur chun feidhme ón gCoimisiún maidir le coinníollacha íocaíochta comhlíonta a bhaineann leis na céimeanna intomhaiste cainníochtúla nó cáilíochtúla mar a leagtar amach sa Chlár Oibre Athchóirithe.

2.   Déanfaidh an Coimisiún measúnú gan moill mhíchuí i dtaobh ar chomhlíon an Mholdóiv na réamhchoinníollacha a leagtar amach in Airteagal 5 agus na prionsabail maidir le maoiniú a leagtar amach in Airteagal 10(3) agus i dtaobh ar bhain sí comhlíonadh sásúil amach maidir leis na coinníollacha íocaíochta a leagtar amach sa chinneadh cur chun feidhme ón gCoimisiún dá dtagraítear in Airteagal 13. I gcás ina bhfaigheann an Coimisiún amach nach bhfuil coinníollacha íocaíochta a chomhlíon an Mholdóiv roimhe sin, ar íoc an Coimisiún astu roimhe sin, á gcomhlíonadh ag an Moldóiv a thuilleadh, laghdóidh an Coimisiún eisíocaíochtaí amach anseo de mhéid coibhéiseach.

Agus an measúnú sin á dhéanamh, féadfaidh an Coimisiún cúnamh a fháil ó shaineolaithe, lena n-áirítear saineolaithe ó na Ballstáit. I gcás ina n-áirítear in iarraidh ar scaoileadh cistí nó in iarraidh ar íocaíocht céim a bhaineann le Caibidil chaibidlíochta 32, dá dtagraítear in Airteagal 22(2), ní ghlacfaidh an Coimisiún cinneadh lena n-údaraítear scaoileadh na gcistí ach amháin má dhéanann sé measúnú dearfach ar chéim den sórt sin.

3.   I gcás ina ndéanann an Coimisiún measúnú dearfach ar chomhlíonadh sásúil na gcoinníollacha uile is infheidhme, cuirfidh sé Parlaimint na hEorpa agus an Chomhairle ar an eolas gan moill mhíchuí, sula nglacfaidh sé cinneadh lena n-údaraítear scaoileadh na gcistí a chomhfhreagraíonn do na coinníollacha sin. Maidir leis na méideanna sin, is é a bheidh sa chinneadh an coinníoll dá dtagraítear in Airteagal 10.

4.   I gcás ina ndéanann an Coimisiún measúnú diúltach ar chomhlíonadh aon choinníollacha de réir an tráthchláir, déanfar scaoileadh na gcistí a chomhfhreagraíonn do na coinníollacha sin a choinneáil siar. Cuirfidh an Coimisiún Parlaimint na hEorpa agus an Chomhairle ar an eolas faoin measúnú sin gan moill mhíchuí. Ní scaoilfear na méideanna a coinníodh siar ach amháin nuair a bheidh údar cuí tugtha ag an Moldóiv, mar chuid den iarraidh ar scaoileadh cistí ina dhiaidh sin, go ndearna sí na bearta is gá chun a áirithiú go gcomhlíonfar na coinníollacha comhfhreagracha go sásúil.

5.   I gcás ina dtagann an Coimisiún ar an gconclúid nach ndearna an Mholdóiv na bearta is gá laistigh de thréimhse 12 mhí ón measúnú diúltach tosaigh dá dtagraítear i mír 4, laghdóidh an Coimisiún méid na tacaíochta airgeadais neamh-inaisíoctha agus méid na hiasachta i gcomhréir leis an gcuid a chomhfhreagraíonn do na coinníollacha íocaíochta ábhartha. Le linn na chéad bhliana den chur chun feidhme, beidh feidhm ag sprioc-am 24 mhí, arna ríomh ón measúnú diúltach tosaigh dá dtagraítear i mír 4. Féadfaidh an Mholdóiv a barúlacha a thíolacadh laistigh de 2 mhí tar éis conclúidí an Choimisiúin a bheith curtha in iúl di.

6.   Aon mhéid a chomhfhreagraíonn do choinníollacha íocaíochta nár comhlíonadh faoin 31 Nollaig 2028, ní bheidh sé dlite don Mholdóiv agus déanfar é a shaoradh, nó a chealú ón méid tacaíochta iasachta atá ar fáil, de réir mar is iomchuí.

7.   Féadfaidh an Coimisiún méid na tacaíochta airgeadais neamh-inaisíoctha a laghdú agus aon mhéid a caitheadh chun cuspóirí na Saoráide a bhaint amach a aisghabháil ón Moldóiv, lena n-áirítear trí fhritháireamh, méid na hiasachta atá le heisíoc leis an Moldóiv a laghdú nó aisíocaíocht luath na hiasachta a iarraidh i gcomhréir leis an gcomhaontú iasachta, i gcás cistí a íocadh go míchuí, i gcásanna sainaitheanta neamhrialtachtaí, calaoise, éillithe agus coinbhleachtaí leasa a dhéanann difear do leasanna airgeadais an Aontais, nó i gcás ina bhfuil údar imní tromchúiseach ann i ndáil leis na cásanna sin, ar cásanna iad nár cheartaigh an Mholdóiv, nó i gcás aisiompú céimeanna cáilíochtúla nó cainníochtúla nó i gcás ina bhfaightear amach, tar éis an íocaíocht a bheith déanta, nár comhlíonadh na céimeanna go sásúil, nó i gcás sárú tromchúiseach ar oibleagáid a eascraíonn as an gComhaontú Saoráide nó as an gcomhaontú iasachta, lena n-áirítear ar bhonn faisnéis arna soláthar ag OLAF nó tuarascálacha ón gCúirt Iniúchóirí. Cuirfidh an Coimisiún Parlaimint na hEorpa agus an Chomhairle ar an eolas sula ndéanfaidh sé aon chinneadh maidir le laghduithe den sórt sin.

8.   De mhaolú ar Airteagal 116(2) den Rialachán Airgeadais, cuirfear tús leis an sprioc-am íocaíochta dá dtagraítear in Airteagal 116(1), pointe (a), den Rialachán Airgeadais ón dáta a chuirfear an cinneadh lena n-údaraítear scaoileadh na gcistí leis an Moldóiv in iúl de bhun mhír 3 den Airteagal seo.

9.   Ní bheidh feidhm ag Airteagal 116(5) den Rialachán Airgeadais maidir le híocaíochtaí a dhéantar mar chúnamh airgeadais, a chuirtear go díreach chuig státchiste na Moldóive de bhun an Airteagail seo agus Airteagal 21 den Rialachán seo.

10.   Déanfar íocaíochtaí na tacaíochta airgeadais neamh-inaisíoctha agus na n-iasachtaí faoin Airteagal seo i gcomhréir leis na leithreasuithe buiséadacha, mar a shocraítear mar chuid den nós imeachta buiséadach bliantúil, agus faoi réir an chistithe atá ar fáil. Íocfar na cistí ina dtráthchodanna. Féadfar tráthchuid a íoc i dtráinse amháin nó níos mó.

11.   Íocfar na méideanna tar éis an chinnidh dá dtagraítear i mír 3 i gcomhréir leis an gcomhaontú iasachta.

12.   Beidh íocaíocht aon mhéid den tacaíocht i bhfoirm iasachtaí faoi réir iarraidh ar íocaíocht a bheith tíolactha ag an Moldóiv san fhoirm a leagtar amach sa chomhaontú iasachta agus i gcomhréir leis na forálacha a leagtar amach sa Chomhaontú Saoráide.

1.   Foilseoidh an Mholdóiv sonraí cothrom le dáta maidir le faighteoirí deiridh a fhaigheann méideanna cistithe ar mó iad ná coibhéis EUR 50 000 go carnach thar an tréimhse 3 bliana chun athchóirithe agus infheistíochtaí faoin tSaoráid a chur chun feidhme.

2.   I gcás na bhfaighteoirí deiridh dá dtagraítear i mír 1, foilseofar an fhaisnéis seo a leanas i bhformáid mheaisín-inléite ar leathanach gréasáin, in ord na gcistí iomlána a fuarthas, agus aird chuí á tabhairt ar na ceanglais maidir le rúndacht agus slándáil, go háirithe cosaint sonraí pearsanta:

3.   Ní fhoilseofar an fhaisnéis dá dtagraítear i mír 2 i gcás inar baol nochtadh na faisnéise sin do chearta agus saoirsí na bhfaighteoirí deiridh lena mbaineann nó i gcás inar baol go ndéanfadh nochtadh na faisnéise sin dochar tromchúiseach do leasanna tráchtála na bhfaighteoirí deiridh lena mbaineann. Cuirfear faisnéis den sórt sin ar fáil don Choimisiún.

4.   Déanfaidh an Mholdóiv na sonraí maidir leis na faighteoirí deiridh dá dtagraítear i mír 1 den Airteagal seo a tharchur go leictreonach chuig an gCoimisiún uair sa bhliain ar a laghad, i bhformáid mheaisín-inléite atá le sainiú sa Chomhaontú Saoráide, dá dtagraítear in Airteagal 8(5), pointe (l).

1.   Agus an tSaoráid á cur chun feidhme, déanfaidh an Coimisiún agus an Mholdóiv na bearta iomchuí uile chun leasanna airgeadais an Aontais a chosaint, agus prionsabal na comhréireachta agus na coinníollacha sonracha faoina bhfeidhmeoidh an tSaoráid, na réamhchoinníollacha a leagtar amach in Airteagal 5(1) agus na coinníollacha a leagtar amach sa Chomhaontú Saoráide á gcur i gcuntas, go háirithe maidir le calaois, éilliú, coinbhleachtaí leasa agus neamhrialtachtaí a chosc, a bhrath agus a cheartú, chomh maith le cionta a dhéanann difear do na cistí a sholáthraítear faoin tSaoráid a imscrúdú agus a ionchúiseamh. Geallfaidh an Mholdóiv go ndéanfaidh sí dul chun cinn i dtreo córais bhainistíochta agus rialaithe atá éifeachtach agus éifeachtúil agus áiritheoidh sí gur féidir méideanna a íocadh go mícheart nó a úsáideadh go mícheart a aisghabháil.

2.   Déanfar foráil sa Chomhaontú Saoráide maidir leis na hoibleagáidí seo a leanas atá ar an Moldóiv:

3.   Déanfar foráil sa Chomhaontú Saoráide freisin maidir le ceart an Choimisiúin méid na tacaíochta airgeadais neamh-inaisíoctha a sholáthraítear faoin tSaoráid a laghdú go comhréireach agus aon mhéid a caitheadh chun cuspóirí na Saoráide a bhaint amach a aisghabháil ón Moldóiv, lena n-áirítear trí fhritháireamh, agus méid na hiasachta atá le heisíoc leis an Moldóiv a laghdú nó aisíocaíocht luath na hiasachta a iarraidh i gcomhréir leis an gcomhaontú iasachta, i gcás cistí a íocadh go míchuí, i gcásanna sainaitheanta neamhrialtachtaí, calaoise, éillithe agus coinbhleachtaí leasa a dhéanann difear do leasanna airgeadais an Aontais, nó i gcás ina bhfuil údar imní tromchúiseach ann i ndáil leis na cásanna sin, ar cásanna iad nár cheartaigh an Mholdóiv, nó i gcás ina bhfaigheann an Coimisiún amach, tar éis an íocaíocht a bheith déanta, nár comhlíonadh na céimeanna go sásúil, nó i gcás sárú tromchúiseach ar oibleagáid a eascraíonn as an gComhaontú Saoráide nó as an gcomhaontú iasachta. Agus cinneadh á dhéanamh maidir le méid na haisghabhála nó an laghdaithe, nó maidir leis an méid atá le haisíoc go luath, urramóidh an Coimisiún prionsabal na comhréireachta agus cuirfidh sé i gcuntas a thromchúisí atá an neamhrialtacht, an chalaois, an t-éilliú nó an coinbhleachta leasa a dhéanann difear do leasanna airgeadais an Aontais, nó an sárú ar oibleagáid. Tabharfar an deis don Mholdóiv a barúlacha a thíolacadh sula ndéanfar an laghdú nó sula n-iarrfar aisíocaíocht luath.

4.   Na daoine agus na heintitis a chuireann cistí chun feidhme faoin tSaoráid, déanfaidh siad aon chás amhrasta calaoise, éillithe, coinbhleachtaí leasa agus neamhrialtachtaí a dhéanann difear do leasanna airgeadais an Aontais a thuairisciú gan mhoill don Choimisiún agus do OLAF.

1.   Maidir leis an gcuid den chistiú ón tSaoráid a chuirtear ar fáil mar chúnamh airgeadais, féadfaidh an Coimisiún brath ar na húdaráis iniúchóireachta arna mbunú ag an Moldóiv chun caiteachas poiblí a rialú. De réir mar is iomchuí, braithfidh an Coimisiún freisin ar ghrinnscrúdú daonlathach breise dá dtagraítear in Airteagal 4(9).

2.   Tabharfar tosaíocht sa Chlár Oibre Athchóirithe sna chéad bhlianta dá chur chun feidhme d’athchóirithe a bhaineann le Caibidil chaibidlíochta 32, go háirithe maidir le bainistíocht airgeadais phoiblí agus rialú inmheánach, chomh maith leis an gcomhrac in aghaidh na calaoise, mar aon le Caibidlí caibidlíochta 23 agus 24, go háirithe a mhéid a bhaineann le ceartas, éilliú agus an choireacht eagraithe agus Caibidil chaibidlíochta 8, go háirithe maidir le rialú Státchabhrach.

3.   Déanfaidh an Mholdóiv aon neamhrialtachtaí, lena n-áirítear calaois, arb iad ab ábhar do chinneadh príomha riaracháin nó breithiúnach, a thuairisciú gan mhoill don Choimisiún agus coinneoidh sí an Coimisiún ar an eolas maidir le dul chun cinn aon imeachtaí riaracháin agus dlí i ndáil le neamhrialtachtaí den sórt sin. Déanfar tuairisciú den sórt sin go leictreonach, trí úsáid a bhaint as an gCóras Bainistíochta Neamhrialtachtaí, arna bhunú ag an gCoimisiún.

4.   Beidh idirphlé rialta ag na húdaráis iniúchóireachta dá dtagraítear i mír 1 leis an gCúirt Iniúchóirí, le OLAF agus, i gcás inarb iomchuí, le OIPE.

5.   Féadfaidh an Coimisiún athbhreithnithe mionsonraithe córas a dhéanamh ar chur chun feidhme bhuiséad na Moldóive bunaithe ar mheasúnú riosca agus ar idirphlé le húdaráis iniúchóireachta dá dtagraítear i mír 1, agus moltaí a eisiúint maidir le feabhsuithe ar na córais.

6.   Féadfaidh an Coimisiún moltaí don Mholdóiv a ghlacadh maidir le gach cás nach ndearna na húdaráis inniúla, dar leis, na bearta ba ghá chun calaois, éilliú, coinbhleachtaí leasa agus neamhrialtachtaí a rinne difear do bhainistíocht fhónta airgeadais an chaiteachais arna mhaoiniú faoin tSaoráid, nó a bhfuil baol mór ann go ndéanfaidís difear di, a chosc, a bhrath agus a cheartú agus i ngach cás ina sainaithníonn sé laigí i gceapadh agus feidhmiú an chórais rialaithe a chuir na húdaráis sin i bhfeidhm. Cuirfidh an Mholdóiv moltaí den sórt sin chun feidhme nó tabharfaidh sí údar maidir leis an bhfáth nach ndearna sí amhlaidh.

1.   Déanfaidh an Coimisiún faireachán ar chur chun feidhme na Saoráide agus déanfaidh sé measúnú ar bhaint amach na gcuspóirí a leagtar amach in Airteagal 3. Beidh an faireachán a dhéantar ar an gcur chun feidhme sin spriocdhírithe agus comhréireach leis na gníomhaíochtaí a dhéantar faoin gComhaontú Saoráide, agus ní dochar é do na ceanglais tuairiscithe a leagtar amach faoi Rialachán (AE) 2021/947. Beifear ag súil leis go rannchuideoidh na táscairí dá dtagraítear in Airteagal 11(2) leis an bhfaireachán a dhéanann an Coimisiún ar an tSaoráid.

2.   Leagfar amach sa Chomhaontú Saoráide rialacha agus nósanna imeachta don Mholdóiv chun tuairisciú don Choimisiún chun críocha mhír 1.

3.   Soláthróidh an Coimisiún tuarascáil bhliantúil do Pharlaimint na hEorpa agus don Chomhairle maidir leis an dul chun cinn atá déanta i dtreo bhaint amach chuspóirí an Rialacháin seo. Déanfar an tuarascáil bhliantúil a chomhlánú dhá uair in aghaidh na bliana le cur i láthair ar staid na himeartha maidir le cur chun feidhme na Saoráide.

4.   Soláthróidh an Coimisiún an tuarascáil bhliantúil dá dtagraítear i mír 3 don Choiste dá dtagraítear in Airteagal 28(1).

5.   Tuairisceoidh an Coimisiún ar an dul chun cinn atá déanta maidir le cur chun feidhme Chlár Oibre Athchóirithe na Moldóive i gcomhthéacs an scórchláir Saoráide a bunaíodh faoi Rialachán (AE) 2024/1449.

1.   Tar éis an 31 Nollaig 2027 agus faoin 31 Nollaig 2031, déanfaidh an Coimisiún meastóireacht neamhspleách ex post ar an tSaoráid. Déanfar measúnú sa mheastóireacht ex post sin ar rannchuidiú an Aontais le baint amach chuspóirí na tSaoráide.

2.   Bainfear úsáid sa mheastóireacht ex post as prionsabail dea-chleachtais Choiste Cúnaimh Forbartha ECFE, lena bhféachfar le fáil amach ar baineadh amach cuspóirí na Saoráide agus le moltaí a cheapadh d’fhonn gníomhaíochtaí amach anseo a fheabhsú.

3.   Déanfaidh an Coimisiún torthaí agus conclúidí na meastóireachta ex post, i dteannta a thuairimí agus a chuid beart leantach, a chur in iúl do Pharlaimint na hEorpa, don Chomhairle agus do na Ballstáit. Féadfar an mheastóireacht ex post sin a phlé arna iarraidh sin do Pharlaimint na hEorpa, don Chomhairle nó do na Ballstáit. Cuirfear torthaí na meastóireachtaí sin san áireamh nuair a bheidh cláir agus gníomhaíochtaí amach anseo á n-ullmhú agus acmhainní á leithdháileadh. Cuirfear an mheastóireacht ex post sin agus na bearta leantacha ar fáil go poiblí.

4.   Déanfaidh an Coimisiún rannpháirt a thabhairt do na páirtithe leasmhara ábhartha uile a oiread is iomchuí, lena n-áirítear an Mholdóiv, comhpháirtithe sóisialta agus eagraíochtaí na sochaí sibhialta, i bpróiseas meastóireachta an chistithe ón Aontas a sholáthraítear faoin Rialachán seo, agus féadfaidh sé, i gcás inarb iomchuí, féachaint le meastóireachtaí comhpháirteacha a dhéanamh i gcomhar leis na Ballstáit agus le comhpháirtithe eile i ndlúthpháirt leis an Moldóiv.

1.   Tuairisceoidh an Coimisiún do choistí inniúla Pharlaimint na hEorpa maidir le cur chun feidhme na Saoráide agus an Chláir Oibre Athchóirithe. Déanfaidh an Coimisiún faisnéis i scríbhinn a sholáthar do Pharlaimint na hEorpa maidir leis na nithe seo a leanas:

2.   Déanfar an t-idirphlé rialta idir Parlaimint na hEorpa agus an Coimisiún uair sa bhliain ar a laghad, agus féadfaidh sé a bheith i gcomhthráth leis an Idirphlé Ardleibhéil Geopholaitiúil maidir le ICFCI - an Eoraip Dhomhanda.

3.   Cuirfidh an Coimisiún i gcuntas aon ghnéithe a eascraíonn as na dearcthaí a cuireadh in iúl tríd an idirphlé dá dtagraítear i mír 2, lena n-áirítear na rúin ó Pharlaimint na hEorpa, i gcás inarb ábhartha.

1.   Déanfaidh an Coiste, a bunaíodh le Rialachán (AE) 2021/947, cúnamh a thabhairt don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

3.   Maidir le cinntí cur chun feidhme dá dtagraítear in Airteagal 13(1) agus in Airteagal 14(2), i gcás nach dtugann an coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír, de Rialachán (AE) Uimh. 182/2011.

1.   Gan dochar do na ceanglais a leagtar amach faoi Rialachán (AE) 2021/947, rachaidh an Coimisiún i mbun gníomhaíochtaí cumarsáide chun infheictheacht an chistithe ón Aontas don tacaíocht airgeadais atá beartaithe sa Chlár Oibre Athchóirithe a áirithiú, lena n-áirítear trí bhíthin gníomhaíochtaí cumarsáide comhpháirteacha leis an Moldóiv. Áiritheoidh an Coimisiún go ndéanfar tacaíocht faoin tSaoráid a chur in iúl agus go dtabharfar aitheantas di trí ráiteas cistiúcháin. Gníomhaíochtaí a mhaoinítear faoin tSaoráid, déanfar iad i gcomhréir le ceanglais chumarsáide agus infheictheachta dá bhforáiltear i ngníomhaíochtaí seachtracha arna maoiniú ag an Aontas agus i dtreoirlínte ábhartha eile.

2.   Tabharfaidh faighteoirí cistithe ón Aontas aitheantas go gníomhach d’fhoinse an chistithe ón Aontas agus áiritheoidh siad infheictheacht an chistithe ón Aontas, lena n-áirítear, i gcás inarb infheidhme, trí shuaitheantas an Aontais a chur ar taispeáint agus trí bhíthin ráiteas cistiúcháin iomchuí ar a mbeidh na focail ‘arna chistiú ag an Aontas Eorpach’, go háirithe nuair a bhíonn na gníomhaíochtaí agus a dtorthaí á gcur chun cinn, trí fhaisnéis spriocdhírithe atá comhleanúnach, éifeachtach agus comhréireach a sholáthar do shainghrúpaí éagsúla, lena n-áirítear na meáin agus an pobal.

3.   Déanfar faisnéis, cumarsáid agus poiblíocht a sholáthar i bhformáid inrochtana.