1.

Gan dochar don chaibidlíocht a dhéanfar amach anseo faoi Airteagal XXVIII de GATT 1994 agus chun críocha tharraingt siar na Ríochta Aontaithe as an Aontas agus chun na gcríoch sin amháin, aontaíonn an tSín leis an bprionsabal agus leis an modheolaíocht maidir leis na gealltanais chainníochtúla sceidealaithe a chionroinnt i bhfoirm cuótaí ráta taraife an Aontais lenar áiríodh an Ríocht Aontaithe ann sa chás go nglacann an tAontas an chainníocht chionroinnte nach n-áirítear an Ríocht Aontaithe ann a thuilleadh, agus go nglacann an Ríocht Aontaithe an chuid eile den chainníocht.

2.

Maidir leis na cuótaí ráta taraife a bhfuil cearta caibidlíochta nó cearta comhairliúcháin ag an tSín ina leith faoi Airteagal XXVIII de GATT 1994, aontaíonn an tSín leis na gealltanais atá beartaithe maidir le cainníocht na gcuótaí ráta taraife agus tá sí sásta leo, mar a leagtar amach iad i nDoiciméad G/SECRET/42/Add.2 arna nglacadh ag an Aontas tar éis tharraingt siar na Ríochta Aontaithe, faoi réir mhír 3.

3.

D’ainneoin mhír 2, i ndáil leis na cuótaí rátaí taraife a leagtar amach san Iarscríbhinn a ghabhann leis an Litir seo, aontaíonn an tSín agus an tAontas leis na hathruithe ar na gealltanais sceidealaithe mar a leagtar amach inti.

4.

Ní dhéanann na socruithe seo dochar do chaibidlíocht ná do chomhairliúcháin idir an tAontas agus Comhaltaí eile EDT a bhfuil cearta caibidlíochta nó cearta comhairliúcháin acu faoi Airteagal XXVIII de GATT 1994, mar thoradh ar tharraingt siar na Ríochta Aontaithe as an Aontas mar a cuireadh in iúl do Chomhaltaí EDT é. Mar thoradh ar an gcaibidlíocht agus ar na comhairliúcháin sin, féadfaidh an tAontas breithniú a dhéanamh ar athrú ar na sciartha agus ar na cainníochtaí a leagtar amach san Iarscríbhinn a ghabhann leis an Litir seo nó ar na sciartha agus ar na cainníochtaí atá i ndoiciméad G/SECRET/42/Add.2. I gcás athrú den sórt sin maidir le réamhghealltanas cuótaí ráta taraife de chuid an Aontais a bhfuil ceart caibidlíochta nó ceart comhairliúcháin ag an tSín ina leith, rachaidh an tAontas i gcomhairle leis an tSín d’fhonn toradh a bheidh chun sástacht a chéile a lorg sula rachfar ar aghaidh le haon athrú den sórt sin, gan dochar do chearta gach páirtí faoi Airteagal XXVIII de GATT 1994.

1.

Gan dochar don chaibidlíocht a dhéanfar amach anseo faoi Airteagal XXVIII de GATT 1994 agus chun críocha tharraingt siar na Ríochta Aontaithe as an Aontas agus chun na gcríoch sin amháin, aontaíonn an tSín leis an bprionsabal agus leis an modheolaíocht maidir leis na gealltanais chainníochtúla sceidealaithe a chionroinnt i bhfoirm cuótaí ráta taraife an Aontais lenar áiríodh an Ríocht Aontaithe ann sa chás go nglacann an tAontas an chainníocht chionroinnte nach n-áirítear an Ríocht Aontaithe ann a thuilleadh, agus go nglacann an Ríocht Aontaithe an chuid eile den chainníocht.

2.

Maidir leis na cuótaí ráta taraife a bhfuil cearta caibidlíochta nó cearta comhairliúcháin ag an tSín ina leith faoi Airteagal XXVIII de GATT 1994, aontaíonn an tSín leis na gealltanais atá beartaithe maidir le cainníocht na gcuótaí ráta taraife agus tá sí sásta leo, mar a leagtar amach iad i nDoiciméad G/SECRET/42/Add.2 arna nglacadh ag an Aontas tar éis tharraingt siar na Ríochta Aontaithe, faoi réir mhír 3.

3.

D’ainneoin mhír 2, i ndáil leis na cuótaí rátaí taraife a leagtar amach san Iarscríbhinn a ghabhann leis an Litir seo, aontaíonn an tSín agus an tAontas leis na hathruithe ar na gealltanais sceidealaithe mar a leagtar amach inti.

4.

Ní dhéanann na socruithe seo dochar do chaibidlíocht ná do chomhairliúcháin idir an tAontas agus Comhaltaí eile EDT a bhfuil cearta caibidlíochta nó cearta comhairliúcháin acu faoi Airteagal XXVIII de GATT 1994, mar thoradh ar tharraingt siar na Ríochta Aontaithe as an Aontas mar a cuireadh in iúl do Chomhaltaí EDT é. Mar thoradh ar an gcaibidlíocht agus ar na comhairliúcháin sin, féadfaidh an tAontas breithniú a dhéanamh ar athrú ar na sciartha agus ar na cainníochtaí a leagtar amach san Iarscríbhinn a ghabhann leis an Litir seo nó ar na sciartha agus ar na cainníochtaí atá i ndoiciméad G/SECRET/42/Add.2. I gcás athrú den sórt sin maidir le réamhghealltanas cuótaí ráta taraife de chuid an Aontais a bhfuil ceart caibidlíochta nó ceart comhairliúcháin ag an tSín ina leith, rachaidh an tAontas i gcomhairle leis an tSín d’fhonn toradh a bheidh chun sástacht a chéile a lorg sula rachfar ar aghaidh le haon athrú den sórt sin, gan dochar do chearta gach páirtí faoi Airteagal XXVIII de GATT 1994.