L_202601764MT.000101.fmx.xml

REGOLAMENT TA’ IMPLIMENTAZZJONI TAL-KUMMISSJONI (UE) 2026/1764

tat-13 ta’ Lulju 2026

li jemenda r-Regolament ta’ Implimentazzjoni (UE) 2025/1706 fir-rigward ta’ metodi, rekwiżiti u testijiet speċifiċi kif ukoll rekwiżiti amministrattivi rigward id-durabbiltà tal-batterija fil-vettura, l-awtonomija elettrika tal-vettura f’temperatura baxxa u l-potenza tas-sistema tal-vettura elettrifikata

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2024/1257 tal-Parlament Ewropew u tal-Kunsill tal-24 ta’ April 2024 dwar l-approvazzjoni tat-tip ta’ vetturi bil-mutur u magni u ta’ sistemi, komponenti u unitajiet tekniċi separati maħsuba għal tali vetturi, fir-rigward tal-emissjonijiet u d-durabbiltà tal-batterija tagħhom (Euro 7), li jemenda r-Regolament (UE) 2018/858 tal-Parlament Ewropew u tal-Kunsill u li jħassar ir-Regolamenti (KE) Nru 715/2007 u (KE) Nru 595/2009 tal-Parlament Ewropew u tal-Kunsill, ir-Regolament tal-Kummissjoni (UE) Nru 582/2011, ir-Regolament tal-Kummissjoni (UE) 2017/1151 ir-Regolament tal-Kummissjoni (UE) 2017/2400 u r-Regolament ta’ Implimentazzjoni tal-Kummissjoni (UE) 2022/1362 (1), u b’mod partikolari l-Artikolu 14(3), il-punt (a) u l-Artikolu 14(4), il-punti (a), (i), (j), (q), (s), (u) u (v), tiegħu,

Billi:

(1)

Sabiex jiġu żgurati l-konsistenza u l-koerenza mal-istandards internazzjonali, huwa xieraq li ssir referenza għar-Regolament tan-NU Nru 154 (2) (is-serje 04 ta’ emendi) u r-Regolament tan-NU Nru 83 (3) (is-serje 09 ta’ emendi), li jintroduċu d-durabbiltà tal-batterija fil-vettura u rekwiżiti oħra ffukati fuq l-elettrifikazzjoni li fihom avvanzi tekniċi ewlenin, li jappoġġaw is-sostenibbiltà u l-innovazzjoni fis-settur awtomobilistiku.

(2)

Sabiex jiġi żgurat li r-rekwiżiti tekniċi għall-approvazzjoni tat-tip fir-rigward tal-emissjonijiet Euro 7 jirriflettu bis-sħiħ l-aħħar avvanzi fit-teknoloġija tal-vetturi elettrifikati, huwa meħtieġ li jiġi emendat ir-Regolament ta’ Implimentazzjoni tal-Kummissjoni (UE) 2025/1706 (4). Sabiex jiġu żgurati valutazzjonijiet akkurati tal-emissjonijiet u tal-konsum tal-enerġija, jiġu pprovduti perkorsi ta’ konformità aktar ċari għall-manifatturi, u tissaħħaħ l-integrità ambjentali tal-qafas tal-approvazzjoni tat-tip tal-emissjonijiet Euro 7, huwa meħtieġ li f’dak ir-Regolament jiġu inklużi l-metrika tal-prestazzjoni fil-kundizzjonijiet reali għad-durabbiltà tal-batterija fil-vettura, l-awtonomija elettrika f’temperatura baxxa għal vetturi purament elettriċi (PEVs), u rekwiżiti aġġornati għall-monitoraġġ abbord tal-konsum tal-fjuwil (OBFCM) introdotti mir-Regolament tan-NU Nru 154 (is-serje 04).

(3)

B’mod simili, ir-Regolament tan-NU Nru 83 (is-serje 09 ta’ emendi) jipprovdi metodoloġiji aġġornati għall-konformità waqt is-servizz, inklużi dispożizzjonijiet dwar id-durabbiltà tal-batterija fil-vettura, il-potenza tas-sistema tal-vettura elettrifikata u l-awtonomija elettrika f’temperatura baxxa, li jenħtieġ li jiġu riflessi fir-Regolament ta’ Implimentazzjoni (UE) 2025/1706 biex jiġu żgurati implimentazzjoni armonizzata u sorveljanza tas-suq.

(4)

Għad-determinazzjoni tal-potenza tas-sistema f’vetturi elettriċi ibridi u f’PEVs b’muturi multipli, ir-Regolament tan-NU Nru 177 (5) jistabbilixxi l-proċeduri tekniċi meħtieġa. Ir-referenzi għal dak ir-Regolament tan-NU jenħtieġ li jiġu inklużi fir-Regolament ta’ Implimentazzjoni (UE) 2025/1706 biex jiġi żgurat kejl konsistenti u riproduċibbli tal-potenza tas-sistema, f’konformità mal-approċċ ibbażat fuq il-prestazzjoni tal-Euro 7.

(5)

Sabiex jiġu żgurati dikjarazzjonijiet ta’ konformità akkurati u trasparenti, huwa xieraq li fir-Regolament ta’ Implimentazzjoni (UE) 2025/1706 jiġi inkluż rekwiżit għall-manifatturi biex jużaw mudell għal dikjarazzjoni ta’ konformità tal-Emissjonijiet f’Sewqan Reali (RDE). Dan jippermetti lill-manifatturi jiddikjaraw il-konformità ma’ valuri limitu tal-emissjonijiet aktar baxxi matul il-konformità waqt is-servizz u s-sorveljanza tas-suq b’mod konsitenti, u b’hekk jissaħħu l-effettività u l-infurzabbiltà tar-rekwiżiti tal-RDE.

(6)

Jenħtieġ li l-manifatturi jiġu pprovduti b’mudelli standardizzati għad-dikjarazzjonijiet tal-konformità, f’konformità mar-Regolament (UE) 2024/1257, biex tiġi ffaċilitata s-sottomissjoni ta’ informazzjoni kompluta u akkurata għat-testijiet rilevanti kollha, inklużi dawk relatati mal-emissjonijiet, id-durabbiltà tal-batterija fil-vettura, l-awtonomija elettrika, u l-potenza tas-sistema, u biex jittejbu l-effiċjenza amministrattiva u ċ-ċertezza legali.

(7)

Sabiex jittejbu t-trasparenza u l-armonizzazzjoni madwar l-Istati Membri u biex jiġu żgurati preżentazzjoni u traċċabbiltà konsistenti tal-informazzjoni dwar l-approvazzjoni tat-tip, is-sistema ta’ numerazzjoni taċ-ċertifikati tal-approvazzjoni tat-tip tal-emissjonijiet jenħtieġ li tiġi adattata biex tallinja mar-rekwiżiti tar-Regolament (UE) 2024/1257, inklużi dispożizzjonijiet għal testijiet u proċeduri ġodda introdotti taħt l-Euro 7.

(8)

Sabiex jiġi żgurat li l-proċessi amministrattivi, il-valutazzjonijiet tal-konformità, u l-kejl tekniku jkunu bbażati fuq standards globalment armonizzati, riproduċibbli u infurzabbli, u biex tiġi żgurata implimentazzjoni koerenti u jitnaqqsu l-piżijiet regolatorji bla bżonn, huwa xieraq li fir-Regolament ta’ Implimentazzjoni (UE) 2025/1706 jiġu riflessi l-aħħar żviluppi fir-Regolamenti tan-NU Nri 83, 154, 168 (6) u 177 fir-rigward tar-rekwiżiti u l-proċeduri tekniċi dettaljati kif ukoll id-dispożizzjonijiet amministrattivi għall-approvazzjoni tat-tip fir-rigward tal-emissjonijiet, il-metodoloġiji ta’ konformità waqt is-servizz, id-durabbiltà tal-batterija fil-vettura, l-awtonomija elettrika f’temperatura baxxa u d-determinazzjoni tal-potenza tas-sistema, kif ukoll ir-rekwiżiti għall-OBFCM.

(9)

Il-metodoloġiji fakultattivi ta’ konformità waqt is-servizz jenħtieġ li jiġu introdotti għad-determinazzjoni tal-awtonomija elettrika f’temperatura baxxa u tal-potenza tas-sistema biex jipprovdu flessibbiltà għall-manifatturi u għall-awtoritajiet filwaqt li jiżguraw ittestjar robust u rappreżentattiv. Dawk il-metodoloġiji jappoġġaw l-infurzar effettiv tar-Regolament ta’ Implimentazzjoni (UE) 2025/1706 billi jikkomplementaw ir-rekwiżiti obbligatorji ta’ konformità waqt is-servizz għad-durabbiltà tal-batterija fil-vettura, u b’hekk jiżguraw konformità konsistenti u verifikabbli mal-objettivi tagħha bbażati fuq il-prestazzjoni.

(10)

Sabiex jiġi żgurat li d-dokumentazzjoni tal-approvazzjoni tat-tip u r-rekwiżiti amministrattivi jibqgħu allinjati mal-istandards tekniċi u ambjentali li qed jevolvu għall-vetturi bil-mutur, it-tabelli tal-karattri tal-emissjonijiet jenħtieġ li jiġu emendati biex jinkludu rekwiżiti speċifiċi għall-PEVs fir-rigward tal-apparati għall-monitoraġġ abbord tal-konsum tal-fjuwil u tal-enerġija elettrika (OBFCM).

(11)

Sabiex tiġi żgurata tranżizzjoni bla xkiel u effiċjenti lejn mobbiltà elettrifikata u biex ikun hemm allinjament mal-isforzi ta’ armonizzazzjoni internazzjonali, b’mod partikolari r-Regolament tan-NU Nru 154, filwaqt li l-manifatturi u l-awtoritajiet tal-approvazzjoni jingħataw biżżejjed żmien biex jadattaw għar-rekwiżiti speċifiċi għall-PEVs, huwa xieraq li l-applikazzjoni tar-rekwiżiti tal-OBFCM għal tali vetturi tiġi differita sal-1 ta’ Jannar 2030 u sa fejn temenda l-Anness II, 18-il xahar wara d-data tad-dħul fis-seħħ ta’ dan ir-Regolament.

(12)	Għalhekk, jenħtieġ li r-Regolament ta’ Implimentazzjoni (UE) 2025/1706 jiġi emendat kif xieraq.

(13)	Il-miżuri previsti f’dan ir-Regolament huma f’konformità mal-opinjoni tal-Kumitat Tekniku – Vetturi bil-Mutur (TCMV),

ADOTTAT DAN IR-REGOLAMENT:

Artikolu 1

Ir-Regolament ta’ Implimentazzjoni (UE) 2025/1706 huwa emendat kif ġej:

(1)

it-titolu huwa sostitwit b’dan li ġej:

“Ir-Regolament ta’ Implimentazzjoni tal-Kummissjoni (UE) 2025/1706 tal-25 ta’ Lulju 2025 li jistabbilixxi regoli, proċeduri u metodoloġiji tal-ittestjar għall-applikazzjoni tar-Regolament (UE) 2024/1257 fir-rigward tal-approvazzjoni tat-tip fir-rigward tal-emissjonijiet tal-egżost u tal-emissjonijiet evaporattivi, id-durabbiltà tal-batterija fil-vettura, awtonomija elettrika tal-vettura f’temperatura baxxa u potenza tas-sistema tal-vettura elettrifikata ta’ vetturi tal-kategoriji M 1 u N 1 u li jemenda r-Regolament ta’ Implimentazzjoni (UE) 2020/683”;

(2)

fl-Artikolu 1, il-formulazzjoni introduttorja hija sostitwita b’dan li ġej:

“Dan ir-Regolament japplika għall-approvazzjoni tat-tip fir-rigward tal-emissjonijiet b’rabta mal-emissjonijiet tal-egżost u l-emissjonijiet evaporattivi, id-durabbiltà tal-batterija fil-vettura, l-awtonomija elettrika tal-vettura f’temperatura baxxa, u potenza tas-sistema tal-vettura elettrifikata tal-vetturi bil-mutur li jappartjenu għall-kategoriji ta’ vetturi li ġejjin:”;

(3)

fl-Artikolu 3, il-paragrafu 1 huwa sostitwit b’dan li ġej:

“1. Sabiex jirċievi approvazzjoni tat-tip fir-rigward tal-emissjonijiet skont ir-Regolament (UE) 2024/1257, il-manifattur għandu juri li l-vetturi jikkonformaw mar-rekwiżiti ta’ dan ir-Regolament meta jiġu ttestjati f’konformità mal-proċeduri tat-test speċifikati fl-Annessi III sa VIII, X, XI, XIV, XV, XVI, XVII, XIX, XX, XXI u XXII. Il-manifattur għandu jiżgura wkoll li l-fjuwils ta’ referenza jikkonformaw mal-ispeċifikazzjonijiet stabbiliti fl-Anness IX.”

;

(4)

fl-Artikolu 5(1), jiżdied il-punt (c) li ġej wara l-punt (b):

“(c)	vetturi purament elettriċi (PEVs).”;

(5)	L-Artikolu 6(3)(c) jitħassar;

(6)	L-Artikolu 6(4) jitħassar;

(7)	fl-Artikolu 10, l-intestatura hija sostitwita b’dan li ġej: “Konformità waqt is-servizz tal-emissjonijiet tal-egżost u tal-emissjonijiet evaporattivi”;

(8)

fl-Artikolu 10, il-paragrafu 3, it-tieni subparagrafu huwa sostitwit b’dan li ġej:

“Ir-rekwiżiti għall-kontrolli tal-konformità waqt is-servizz huma applikabbli sa 10 snin wara li jinħareġ l-aħħar Ċertifikat ta’ Konformità jew ċertifikat ta’ approvazzjoni individwali għall-vetturi ta’ familja ta’ konformità waqt is-servizz li tkun soġġetta għal ittestjar skont il-paragrafu 9.2.3 tar-Regolament tan-NU Nru 83, kif definit fil-paragrafu 3 tal-Anness 4 tar-Regolament tan-NU Nru 83.”;

(9)

Jiddaħħlu l-Artikoli 10a, 10b u 10c li ġejjin:

“Artikolu 10a

Konformità waqt is-servizz għad-durabbiltà tal-batterija fil-vettura

Il-konformità waqt is-servizz għad-durabbiltà tal-batterija fil-vettura għandha tiġi vverifikata fuq vetturi miżmuma u użati sewwa, f’konformità mar-rekwiżiti stabbiliti fl-Appendiċi 1 tal-Anness XV ta’ dan ir-Regolament.

Artikolu 10b

Konformità waqt is-servizz għall-awtonomija elettrika f’temperatura baxxa

Il-konformità waqt is-servizz għall-awtonomija elettrika tal-PEVs f’temperatura baxxa għandha tiġi vverifikata fuq vetturi miżmuma u użati sewwa, f’konformità mar-rekwiżiti stabbiliti fil-paragrafu 9.4.1 tar-Regolament tan-NU Nru 83 u fl-Appendiċi 1 tal-Anness XVII ta’ dan ir-Regolament.

Artikolu 10c

Konformità waqt is-servizz tal-potenza tas-sistema

Il-konformità waqt is-servizz tal-potenza tas-sistema għandha tiġi vverifikata fuq vetturi miżmuma u użati sewwa, f’konformità mar-rekwiżiti stabbiliti fil-paragrafu 9.7.1 tar-Regolament tan-NU Nru 83 u fl-Appendiċi 1 tal-Anness XIX ta’ dan ir-Regolament.”

;

(10)	L-Annessi I, II, III, XV, XVII, XIX u XXII huma emendati skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. Għandu japplika minn dik id-data.

Madankollu, l-Artikolu 1, il-punt (4), għandu japplika mill-1 ta’ Jannar 2030. L-Artikolu 1, il-punt (10), sakemm ikun qed jemenda l-Anness II, għandu japplika 18-il-xahar wara d-data tad-dħul fis-seħħ ta’ dan ir-Regolament.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-13 ta’ Lulju 2026.

Għall-Kummissjoni

Il-President

Ursula VON DER LEYEN

(1) ĠU L, 2024/1257, 8.5.2024, ELI: http://data.europa.eu/eli/reg/2024/1257/oj.

(2) Ir-Regolament tan-NU Nru 154 – Dispożizzjonijiet uniformi dwar l-approvazzjoni ta’ vetturi tal-passiġġieri u kummerċjali ħfief fir-rigward tal-emissjonijiet tal-kriterji, tal-emissjonijiet ta’ diossidu tal-karbonju u tal-konsum tal-fjuwil u/jew tal-kejl tal-konsum tal-enerġija elettrika u tal-awtonomija elettrika (WLTP) [2026/1130] (ĠU L, 2026/1130, 26.6.2026, ELI: http://data.europa.eu/eli/reg/2026/1130/oj).

(3) Ir-Regolament tan-NU Nru 83 - Dispożizzjonijiet uniformi rigward l-approvazzjoni tal-vetturi fir-rigward tal-emissjoni ta’ inkwinanti skont ir-rekwiżiti tal-fjuwil tal-magna [2026/1086] (ĠU L, 2026/1086, 29.5.2026, ELI: http://data.europa.eu/eli/reg/2026/1086/oj).

(4) Ir-Regolament ta’ Implimentazzjoni tal-Kummissjoni (UE) 2025/1706 tal-25 ta’ Lulju 2025 li jistabbilixxi regoli, proċeduri u metodoloġiji tal-ittestjar għall-applikazzjoni tar-Regolament (UE) 2024/1257 fir-rigward tal-approvazzjoni tat-tip fir-rigward tal-emissjonijiet tal-egżost u tal-emissjonijiet evaporattivi ta’ vetturi tal-kategoriji M1 u N1 u li jemenda r-Regolament ta’ Implimentazzjoni (UE) 2020/683 (ĠU L, 2025/1706, 5.9.2025, ELI: http://data.europa.eu/eli/reg_impl/2025/1706/oj).

(5) Ir-Regolament tan-NU Nru 177 - Dispożizzjonijiet uniformi dwar id-determinazzjoni tal-potenza tas-sistema ta’ vetturi elettriċi ibridi u ta’ vetturi purament elettriċi li għandhom aktar minn magna elettrika waħda għall-propulsjoni [2025/1910] (ĠU L, 2025/1910, 26.9.2025, ELI: http://data.europa.eu/eli/reg/2025/1910/oj).

(6) Emendi għar-Regolament tan-NU Nru 168 – Dispożizzjonijiet uniformi dwar l-approvazzjoni ta’ vetturi tal-passiġġieri u kummerċjali ħfief fir-rigward tal-emissjonijiet f’sewqan reali (RDE) [2026/1900] (ĠU L, 2026/1900, 15.6.2026, ELI: http://data.europa.eu/eli/reg/2026/1900/oj).

ANNESS

L-Annessi I, II, III, XV, XVII, XIX u XXII tar-Regolament ta’ Implimentazzjoni (UE) 2025/1706 huma emendati kif ġej:

(1)

L-Anness I huwa emendat kif ġej:

(a)

il-punt 1.1.1 huwa sostitwit b’dan li ġej:

“1.1.1.

Ir-rekwiżiti addizzjonali għall-għoti tal-approvazzjoni tat-tip għall-vetturi monofjuwil tal-gass, u għall-vetturi bifjuwil tal-gass għandhom ikunu dawk stabbiliti fil-paragrafu 5.9. tar-Regolament tan-NU Nru 154 (*1). Ir-referenza għad-dokument ta’ informazzjoni fil-paragrafu 5.9.1. tar-Regolament tan-NU Nru 154 għandha tinftiehem bħala referenza għall-Appendiċi 3 tal-Anness I ta’ dan ir-Regolament.

(*1) Ir-Regolament tan-NU Nru 154 – Dispożizzjonijiet uniformi dwar l-approvazzjoni ta’ vetturi tal-passiġġieri u kummerċjali ħfief fir-rigward tal-emissjonijiet tal-kriterji, tal-emissjonijiet ta’ diossidu tal-karbonju u tal-konsum tal-fjuwil u/jew tal-kejl tal-konsum tal-enerġija elettrika u tal-awtonomija elettrika [2026/1130] (WLTP), is-serje 04 ta’ emendi ECE/TRANS/WP.29/2026/26 (ĠU L, 2026/1130, 26.6.2026, ELI: http://data.europa.eu/eli/reg/2026/1130/oj).”;"

() Ir-Regolament tan-NU Nru 154 – Dispożizzjonijiet uniformi dwar l-approvazzjoni ta’ vetturi tal-passiġġieri u kummerċjali ħfief fir-rigward tal-emissjonijiet tal-kriterji, tal-emissjonijiet ta’ diossidu tal-karbonju u tal-konsum tal-fjuwil u/jew tal-kejl tal-konsum tal-enerġija elettrika u tal-awtonomija elettrika [2026/1130] (WLTP), is-serje 04 ta’ emendi ECE/TRANS/WP.29/2026/26 (ĠU L, 2026/1130, 26.6.2026, ELI: http://data.europa.eu/eli/reg/2026/1130/oj).”;

(b)

il-punt 2.2.1. huwa sostitwit b’dan li ġej:

“2.2.1.

L-Illustrazzjoni I.2.3 turi l-applikazzjoni tat-testijiet għall-approvazzjoni tat-tip fir-rigward tal-emissjonijiet ta’ vettura. Il-proċeduri speċifiċi tat-test huma deskritti fl-Annessi II, III, IV, V, VI, VII, VIII, X, XI, XIV, XV, XVI, XVII, XIX, XX, XXI u XXII.”;

(c)

fit-tabella taħt l-Illustrazzjoni 1.2.3, l-entrata “OBFCM” hija sostitwita b’dan li ġej:

“OBFCM

Iva

—

Iva

(iż-żewġ fjuwils)

Iva

Iva (8)

—”;

(d)

fit-tabella taħt l-Illustrazzjoni 1.2.3, jiżdiedu l-entrati li ġejjin:

“Id-durabbiltà tal-batterija fil-vettura

Iva(9)

Iva

—

Awtonomija elettrika f’temperatura baxxa

—

Iva

—

Determinazzjoni tal-potenza tas-sistema

Iva(10)

—“;

(e)

it-tablenotes [8], [9] u [10] li ġejjin jiddaħħlu wara t-tabella taħt l-Illustrazzjoni 1.2.3:

“(8)	Mill-1 ta’ Jannar 2030, f’konformità mad-dispożizzjonijiet tranżizzjonali stabbiliti fil-paragrafi 11.1.4 u 11.1.5 tar-Regolament tan-NU Nru 154.

(9)	Fil-każ ta’ OVC-HEVs biss.

(10)	Fil-każ ta’ HEV u PEVs b’muturi multipli f’konformità mal-kamp ta’ applikazzjoni tar-Regolament tan-NU Nru 177 (*2).”;

(*2) Ir-Regolament tan-NU Nru 177 - Dispożizzjonijiet uniformi dwar id-determinazzjoni tal-potenza tas-sistema ta’ vetturi elettriċi ibridi u ta’ vetturi purament elettriċi li għandhom aktar minn magna elettrika waħda għall-propulsjoni (ĠU L, 2025/1910, 26.9.2025, ELI: http://data.europa.eu/eli/reg/2025/1910/oj).”"

() Ir-Regolament tan-NU Nru 177 - Dispożizzjonijiet uniformi dwar id-determinazzjoni tal-potenza tas-sistema ta’ vetturi elettriċi ibridi u ta’ vetturi purament elettriċi li għandhom aktar minn magna elettrika waħda għall-propulsjoni (ĠU L, 2025/1910, 26.9.2025, ELI: http://data.europa.eu/eli/reg/2025/1910/oj).”

(f)

il-punt 3.3.1 huwa sostitwit b’li ġej:

“3.3.1.

L-approvazzjoni tat-tip għandha tiġi estiża għall-vetturi jekk dawn ikunu konformi mar-rekwiżiti tal-paragrafu 7.2. tar-Regolament tan-NU Nru 83 (*3).

(*3) Ir-Regolament tan-NU Nru 83 – Dispożizzjonijiet uniformi rigward l-approvazzjoni tal-vetturi fir-rigward tal-emissjoni ta’ inkwinanti skont ir-rekwiżiti tal-fjuwil tal-magna, is-serje 09 ta’ emendi ECE/TRANS/WP.29/2026/25 [2026/1086] (ĠU L, 2026/1086, 29.5.2026, ELI: http://data.europa.eu/eli/reg/2026/1086/oj).”;"

() Ir-Regolament tan-NU Nru 83 – Dispożizzjonijiet uniformi rigward l-approvazzjoni tal-vetturi fir-rigward tal-emissjoni ta’ inkwinanti skont ir-rekwiżiti tal-fjuwil tal-magna, is-serje 09 ta’ emendi ECE/TRANS/WP.29/2026/25 [2026/1086] (ĠU L, 2026/1086, 29.5.2026, ELI: http://data.europa.eu/eli/reg/2026/1086/oj).”;

(g)

Fl-Appendiċi 3, jiżdiedu l-punti li ġejjin:

“3.5.7.7.

Potenza tas-Sistema (il-valuri ddikjarati mill-manifattur) (fejn applikabbli)

“3.5.7.7.1.

L-Ogħla Potenza tas-Sistema tal-Vettura: ... kW

“3.5.7.7.2.

Potenza Sostnuta tas-Sistema tal-Vettura: ... kW

3.5.7.8.

L-Enerġija tal-Batterija li Tista’ Tintuża tal-vettura waqt iċ-ċertifikazzjoni (UBEċċertifikat ): … (Wh)”

(h)

Fl-Appendiċi 4, fl-Addendum taċ-ċertifikat tal-approvazzjoni tat-tip tal-UE, jiżdiedu l-punti li ġejjin:

“4.3.

Potenza tas-Sistema (il-valuri ddikjarati mill-manifattur) (fejn applikabbli)

4.3.1.

L-Ogħla Potenza tas-Sistema tal-Vettura: ... kW

4.3.2.

Potenza Sostnuta tas-Sistema tal-Vettura: ... kW”

(i)

l-Appendiċi 6 huwa emendat kif ġej:

(i)

il-punt 2. huwa sostitwit b’dan li ġej:

“It-Taqsima 2 tan-numri taċ-ċertifikat tal-approvazzjoni maħruġa skont l-Artikolu 7(2) ta’ dan ir-Regolament u msemmija fl-entrata 48.3 tal-Anness VIII taħt il-Mudell B-Parti 2 u l-Mudell C2-Parti 2 tar-Regolament (UE) 2020/683, għandha tkun magħmula min-numru tal-att regolatorju ta’ implimentazzjoni bażi. It-Taqsima 3 tan-numru taċ-ċertifikat tal-approvazzjoni għandha tkun magħmula min-numru tal-aħħar Att ta’ Implimentazzjoni emendatorju applikabbli. In-numru tal-aħħar Att ta’ implimentazzjoni emendatorju għandu jkun segwit direttament minn wieħed mill-karattri b’żewġ ittri mit-Tabelli 2 u 4, jiġifieri mingħajr ma jitqiegħed asterisk bejn dan in-numru u l-karattru rilevanti b’żewġ ittri.”

(ii)

it-Tabella 1 hija sostitwita b’din li ġejja:

“Tabella 1

Livell ta’ emissjonijiet

Karattru tal-emissjonijiet (1) , (2)	Standard tal-emissjonijiet	Subkarattru għal dan ir-regolament (ara t-Tabella 2)	Subkarattru għall-OBM u għall-EVP (ara t-Tabella 3)	Kategorija tal-vettura	Emissjonijiet tal-brejkijiet	L-aħħar data tar-reġistrazzjoni
TL (3)	Euro 7-TEMP	MT, ME, MA jew MC	OA	M1, N1	Mhux applikabbli	28.11.2027
TE (3)	Euro 7-TEMP	MV, MF, MB jew MD	OB	N2 (Euro 7ext)	Mhux applikabbli	28.05.2029 (4)
TS (3)	Euro 7-TEMP	NA	PA	M1, N1 (U)SVM	Mhux applikabbli	30.6.2030
TT (3)	Euro 7-TEMP	NB	PB	N2 (Euro 7ext) (U)SVM	Mhux applikabbli	30.6.2031
FL	Euro 7 A	MA (5), ME jew MG (6)	OA	M1, N1	RA	31.12.2029
FE	Euro 7 A	MB (5), MF jew MG (6)	OB	N2 (Euro 7ext)	RB	31.12.2029
GL	Euro 7B	MG (6)	OA jew OB	M1, N1, N2 (Euro 7ext)	RC	31.12.2034
GS	Euro 7BS	NA	PA	M1, N1 (U)SVM	RD	31.12.2034
GT	Euro 7BT	NB	PB	N2 (Euro 7ext) (U)SVM	RE	31.12.2034
HL	Euro 7C	MG6	OA jew OB	M1, N1, N2 (Euro 7ext)	RF
HS	Euro 7CS	NA jew NB	PA jew PB	M1, N1, N2 (Euro 7ext) (U)SVM	RF
(1) L-ewwel ittra ta’ Karattru: T = TEMP-vettura, F = Euro 7 A, G = Euro 7B, H = Euro 7C. (2) It-tieni ittra ta’ Karattru: L = manifattur ta’ volum kbir, E = vettura Euro 7ext, S = (U)SVM, T = vettura Euro 7ext minn (U)SVM. (3) Applikazzjoni volontarja qabel id-dati tal-applikazzjoni obbligatorja stabbiliti fl-Artikolu 21 tar-Regolament (UE) 2024/1257. (4) Bis-subkarattru MV, l-aħħar data tar-reġistrazzjoni hija 31.12.2027. (5) Applikabbli biss għall-ICEV. (6) Għas-subkarattru MG, japplikaw ir-rekwiżiti aġġornati tal-OBFCM f’konformità mal-paragrafi 11.1.4 u 11.1.5 tar-Regolament tan-NU Nru 154 u l-Appendiċi 5 tiegħu. Kjavi: “(U)SVM” = manifattur ta’ volum żgħir (ultra); “manifattur ta’ volum kbir” = manifattur li mhuwiex SVM; Standard ta’ emissjonijiet Euro 7-TEMP’ TL/TE = Euro 7 (dan ir-Regolament ta’ implimentazzjoni kif applikabbli fit-22 ta’ Lulju 2026 u r-Regolament ta’ Implimentazzjoni tal-Kummissjoni (UE) 2025/1707 tal-25 ta’ Lulju 2025 li jistabbilixxi regoli għall-applikazzjoni tar-Regolament (UE) 2024/1257 tal-Parlament Ewropew u tal-Kunsill fir-rigward ta’ metodi, ta’ rekwiżiti u ta’ testijiet speċifiċi, inklużi l-limiti tal-konformità, għall-apparati OBFCM u għas-sistemi OBM, il-karatteristiċi u l-prestazzjoni tas-sistemi ta’ twissija għas-sewwieq u l-metodi ta’ inċitament u l-metodi sabiex jiġi vvalutat it-tħaddim tagħhom, il-format u d-data tal-EVP u l-metodi ta’ komunikazzjoni tad-data tal-EVP tal-vetturi bil-mutur tal-kategoriji M1 u N1 (ĠU L, 2025/1707, 5.9.2025, ELI: http://data.europa.eu/eli/reg_impl/2025/1707/oj)); Standard ta’ emissjonijiet Euro 7-TEMP’ TS/TT = Euro 7 (dan ir-Regolament ta’ implimentazzjoni kif applikabbli fit-22 ta’ Lulju 2026 u r-Regolament ta’ Implimentazzjoni tal-Kummissjoni (UE) 2025/1707 tal-25 ta’ Lulju 2025 li jistabbilixxi regoli għall-applikazzjoni tar-Regolament (UE) 2024/1257 tal-Parlament Ewropew u tal-Kunsill fir-rigward ta’ metodi, ta’ rekwiżiti u ta’ testijiet speċifiċi, inklużi l-limiti tal-konformità, għall-apparati OBFCM u għas-sistemi OBM, il-karatteristiċi u l-prestazzjoni tas-sistemi ta’ twissija għas-sewwieq u l-metodi ta’ inċitament u l-metodi sabiex jiġi vvalutat it-tħaddim tagħhom, il-format u d-data tal-EVP u l-metodi ta’ komunikazzjoni tad-data tal-EVP tal-vetturi bil-mutur tal-kategoriji M1 u N1 (ĠU L, 2025/1707, 5.9.2025, ELI: http://data.europa.eu/eli/reg_impl/2025/1707/oj)); “Euro 7 A” = l-emissjonijiet Euro 7 skont dan ir-Regolament ta’ Implimentazzjoni (inkluż id-durabbiltà tal-batterija fil-vettura, il-potenza tas-sistema EV u l-medda tal-EV f’temperatura baxxa fejn applikabbli) u r-Regolament ta’ Implimentazzjoni (UE) 2025/1707 kif ukoll il-limiti tal-emissjonijiet tal-partikoli tal-brejkijiet skont it-Tabella 4 fl-Anness I tar-Regolament (UE) 2024/1257 u r-rekwiżiti tekniċi relatati; “Euro 7B” = l-emissjonijiet Euro 7 skont dan ir-Regolament ta’ Implimentazzjoni (inkluż id-durabbiltà tal-batterija fil-vettura, il-potenza tas-sistema EV u l-medda tal-EV f’temperatura baxxa fejn applikabbli) u r-Regolament ta’ Implimentazzjoni (UE) 2025/1707 kif ukoll il-limiti tal-emissjonijiet tal-partikoli tal-brejkijiet skont it-Tabella 5 fl-Anness I tar-Regolament (UE) 2024/1257 u r-rekwiżiti tekniċi relatati; “Euro 7C” = l-emissjonijiet Euro 7 skont dan ir-Regolament ta’ Implimentazzjoni (inkluż id-durabbiltà tal-batterija fil-vettura, il-potenza tas-sistema EV u l-medda tal-EV f’temperatura baxxa fejn applikabbli) u r-Regolament ta’ Implimentazzjoni (UE) 2025/1707 kif ukoll il-limiti tal-emissjonijiet tal-partikoli tal-brejkijiet skont it-Tabella 8 fl-Anness I tar-Regolament (UE) 2024/1257 u r-rekwiżiti tekniċi relatati.”;

(iii)

it-Tabella 2 hija sostitwita b’din li ġejja:

“Tabella 2

Subkarattru

Subkarattru	Deskrizzjoni	Kategorija tal-vettura (12)	Sistema tal-motopropulsjoni	Durabbiltà tal-batterija fil-vettura (10) (13)	Potenza tas-sistema tal-vettura tal-elettriku (9) (13)	Awtonomija tal-vettura elettrika f’temperatura baxxa. (11) (13)	Data tal-implimentazzjoni: tipi ġodda	Data tal-implimentazzjoni: vetturi ġodda	L-aħħar data tar-reġistrazzjoni
MA	Euro 7-TEMP	M1, N1	NOVC-HEV	Mhux applikabbli	Mhux applikabbli	Mhux applikabbli			28.11.2027
MA	Euro 7-TEMP	M1, N1	ICEV	Mhux applikabbli	Mhux applikabbli	Mhux applikabbli	29.11.2026	29.11.2027	31.12.2029
MT	Euro 7-TEMP UF EB (7)	M1, N1	OVC-HEV	Mhux applikabbli	Mhux applikabbli	Mhux applikabbli			28.11.2027
MA	Euro 7-TEMP UF EC (8)	M1, N1	OVC-HEV	Mhux applikabbli	Mhux applikabbli	Mhux applikabbli			28.11.2027
MB	Euro 7-TEMP	N2	NOVC-HEV	Mhux applikabbli	Mhux applikabbli	Mhux applikabbli			28.5.2029
MB	Euro 7-TEMP	N2	ICEV	Mhux applikabbli	Mhux applikabbli	Mhux applikabbli	29.5.2028	29.5.2029	31.12.2029
MV	Euro 7-TEMP UF EB (7)	N2	OVC-HEV	Mhux applikabbli	Mhux applikabbli	Mhux applikabbli			31.12.2027
MB	Euro 7-TEMP UF EC (8)	N2	OVC-HEV	Mhux applikabbli	Mhux applikabbli	Mhux applikabbli			28.5.2029
MC	Euro 7-TEMP	M1, N1	PEV, FCHV	Mhux applikabbli	Mhux applikabbli	Mhux applikabbli			28.11.2027
MD	Euro 7-TEMP	N2	PEV, FCHV	Mhux applikabbli	Mhux applikabbli	Mhux applikabbli			28.5.2029
ME	Euro 7	M1, N1	NOVC-HEV, OVC-HEV, PEV, FCHV	X	X	X	29.11.2026	29.11.2027	31.12.2029
MF	Euro 7	N2	NOVC-HEV, OVC-HEV, PEV, FCHV	X	X	X	29.5.2028	29.5.2029	31.12.2029
MG	Euro 7	M1, N1, N2	Kollha	X	X	X	Mhux applikabbli	1.1.2030
NA	Euro 7 (U)SVM	M1, N1	Kollha	X	X	X	Mhux applikabbli	1.7.2030
NB	Euro 7 (U)SVM	N2	Kollha	X	X	X	Mhux applikabbli	1.7.2031
(7) Għall-OVC-HEVs li jużaw il-fattur ta’ utilità mill-Euro 6e-bis (EB), l-applikazzjoni tal-parametru dneb għad-determinazzjoni tal-UF frazzjonali f’konformità mal-Appendiċi 5 tal-Anness B8 tar-Regolament tan-NU Nru 154 (is-serje 02 ta’ emendi). (8) Għall-OVC-HEVs li jużaw il-fattur ta’ utilità mill-Euro 6e-bis-FCM (EC), l-applikazzjoni tal-parametru dnec għad-determinazzjoni tal-UF frazzjonali f’konformità mal-Appendiċi 5 tal-Anness B8 tar-Regolament tan-NU Nru 154 (is-serje 04 ta’ emendi). (9) Applikabbli biss għall-vetturi ibridi u għall-PEVs b’muturi multipli, f’konformità mal-kamp ta’ applikazzjoni tar-Regolament tan-NU Nru 177. (10) Applikabbli biss għall-PEVs u għall-OVC-HEVs. (11) Applikabbli biss għall-PEVs. (12) Meta ssir referenza għal ‘N2’ f’din il-kolonna, din hija applikabbli biss għal vetturi Euro 7ext kif imsemmi fl-Artikolu 5(2) tar-Regolament (UE) 2024/1257. (13) Fil-każ ta’ ‘X’, dan l-aspett huwa meħtieġ għall-approvazzjoni tal-vettura jekk applikabbli għas-sistema tal-motopropulsjoni. Kjavi: Is-subkarattri MA, MB, MC, MD, MT u MV jingħataw għall-approvazzjonijiet tat-tip skont ir-Regolament (UE) 2025/1706 kif applikabbli fit-22 ta’ Lulju 2026. Is-subkarattri ME u MF jingħataw għall-approvazzjonijiet tat-tip skont ir-Regolament (UE) 2025/1706 kif applikabbli fit-23 ta’ Lulju 2026. Is-subkarattru MG jingħata lill-approvazzjonijiet tat-tip skont ir-Regolament (UE) 2025/1706 kif applikabbli fit-23 ta’ Lulju 2026 u f’konformità mar-rekwiżiti tal-OBFCM mill-paragrafi 11.1.4 u 11.1.5 tar-Regolament tan-NU Nru 154 u l-Appendiċi 5 tiegħu.”;

(iv)

it-Tabella 3 hija sostitwita b’din li ġejja:

“Tabella 3

Tabella ta’ subkarattri għall-OBM u għall-EVP

Subkarattru	Deskrizzjoni	Kategorija tal-vettura (14)	Sistema tal-motopropulsjoni	Data ta’ implimentazzjoni: tipi ġodda	Data ta’ implimentazzjoni: vetturi ġodda	L-aħħar data tar-reġistrazzjoni
OA	Euro 7	M1, N1	Kollha	29.11.2026	29.11.2027
OB	Euro 7	N2	Kollha	29.5.2028	29.5.2029
PA	Euro 7 (U)SVM	M1, N1	Kollha	Mhux applikabbli	1.7.2030
PB	Euro 7 (U)SVM	N2	Kollha	Mhux applikabbli	1.7.2031
(14) Meta ssir referenza għal “N2” f’din il-kolonna, din hija applikabbli biss għal vetturi Euro 7ext kif imsemmi fl-Artikolu 5(2) tar-Regolament (UE) 2024/1257.”;

(v)

tiżdied it-Tabella 4 li ġejja:

“Tabella 4

Tabella ta’ subkarattri għall-emissjonijiet tal-partikoli tal-brejkijiet

Subkarattru	Deskrizzjoni	Kategorija tal-vettura (15)	Sistema tal-motopropulsjoni	Data ta’ implimentazzjoni: tipi ġodda	Data ta’ implimentazzjoni: vetturi ġodda	L-aħħar data tar-reġistrazzjoni
RA	Euro 7	M1, N1	Kollha	29.11.2026	29.11.2027	31.12.2029
RB	Euro 7	N2	Kollha	29.5.2028	29.5.2029	31.12.2029
RC	Euro 7	M1, N1, N2	Kollha	Mhux applikabbli	1.1.2030	31.12.2034
RD	Euro 7 (U)SVM	M1, N1	Kollha	Mhux applikabbli	1.7.2030	31.12.2034
RE	Euro 7 (U)SVM	N2	Kollha	Mhux applikabbli	1.7.2031	31.12.2034
RF	Euro 7	M1, N1, N2	Kollha	Mhux applikabbli	1.1.2035
(15) Meta ssir referenza għal “N2” f’din il-kolonna, din hija applikabbli biss għal vetturi Euro 7ext kif imsemmi fl-Artikolu 5(2) tar-Regolament (UE) 2024/1257. Kjavi: Is-subkarattri RA u RB jingħataw lill-approvazzjonijiet skont ir-Regolament ta’ Implimentazzjoni tal-Kummissjoni (UE) 2026/1762 (19) f’konformità mal-valuri ta’ limitu mit-Tabella 4 tal-Anness I tar-Regolament (UE) 2024/1257. Is-subkarattri RC, RD u RE jingħataw lill-approvazzjonijiet skont ir-Regolament ta’ Implimentazzjoni (UE) 2026/1762 f’konformità mal-valuri ta’ limitu mit-Tabella 5 tal-Anness I tar-Regolament (UE) 2024/1257. Is-subkarattru RF jingħata lill-approvazzjonijiet skont ir-Regolament (UE) 2026/1762 f’konformità mal-valuri ta’ limitu mit-Tabella 8 tal-Anness I tar-Regolament (UE) 2024/1257.”; (*19) Ir-Regolament ta’ Implimentazzjoni tal-Kummissjoni (UE) 2026/1762 tat-13 ta’ Lulju 2026 li jistabbilixxi regoli, proċeduri u metodoloġiji tal-ittestjar u rekwiżiti amministrattivi għall-applikazzjoni tar-Regolament (UE) 2024/1257 tal-Parlament Ewropew u tal-Kunsill fir-rigward tal-emissjonijiet ta’ partikoli tal-brejk ta’ vetturi tal-kategoriji M1 u N1 (ĠU L, 2026/1762, 22.7.2026, ELI: http://data.europa.eu/eli/ reg_impl/2026/1762/oj).”

(vi)

il-punt segwenti jiżdied mal-Appendiċi 8a:

“7.

Żid it-taqsima 2.11. li ġejja:

2.11.

L-Enerġija tal-Batterija li Tista’ Tintuża (UBE) tal-vettura waqt iċ-ċertifikazzjoni (UBEċċertifikat )

UBEċċertifikat

… (Wh)”

(vii)

l-Appendiċi 8e segwenti jiżdied wara l-Appendiċi 8d:

“

Appendiċi 8e

Rapport tat-test tal-potenza tas-sistema

Ir-rapport dwar il-potenza tas-sistema għandu jinkludi l-informazzjoni stabbilita fl-Appendiċi 2 tal-Anness 1 tar-Regolament tan-NU Nru 177. Bħala alternattiva, tista’ ssir referenza għan-numru tal-approvazzjoni tat-tip taċ-ċertifikat tal-approvazzjoni tat-tip mogħti f’konformità mar-Regolament tan-NU Nru 177.

”

(2)

L-Anness II huwa emendat kif ġej:

(a)

il-punt 3.20 huwa sostitwit b’dan li ġej:

3.20.

It-Tabella 1 fl-Appendiċi 5 għandha tinkludi ringieli addizzjonali bejn ir-ringieli 44a u 49 kif ġej:

	Għal vetturi b’diversi stadji jew bi skop speċjali b’diversi stadji
“45a	Massa reali permessa tal-vettura finali	Numru	kg	Kif irrapportat fil-punt 0.2.2.1 tal-Anness I tar-Regolament (UE) 2020/683 Minn-sa
45b	Massa massima mgħobbija teknikament permissibbli tal-vettura (f’kg)	Numru	kg	Kif irrapportat fil-punt 0.2.2.1 tal-Anness I tar-Regolament (UE) 2020/683 Minn-sa
46	Erja ta’ quddiem permessa għall-vettura finali	Numru	cm2	Kif irrapportat fil-punt 0.2.2.1 tal-Anness I tar-Regolament (UE) 2020/683 Minn-sa
47	Reżistenza għad-dawrien permessa	Numru	kg/t	Kif irrapportat fil-punt 0.2.2.1 tal-Anness I tar-Regolament (UE) 2020/683 Minn-sa
48	Erja ta’ quddiem ipproġettata permessa tad-dħul tal-arja tax-xibka ta’ quddiem	Numru	cm2	Kif irrapportat fil-punt 0.2.2.1 tal-Anness I tar-Regolament (UE) 2020/683 Minn-sa
	GĦALL-VETTURI KOLLHA”

(b)

il-punt 3.21 huwa sostitwit b’dan li ġej:

It-Tabella 2 fl-Appendiċi 5 għandha tinqara kif ġej:

“Tabella 2

Lista ta’ Trasparenza 2

Kamp	Tip ta’ data	Deskrizzjoni
TVV	Test	Identifikatur uniku tat-Tip, Varjant, Verżjoni tal-vettura kif irrapportat fil-punt 0.2. taċ-Ċertifikat ta’ Konformità, l-Anness VIII tar-Regolament (UE) 2020/683, il-Parti 1 tal-Appendiċi.
ID tal-Familja tal-PEMS	Test	Kif irrapportat fl-Anness III ta’ dan ir-Regolament, il-punt 3.5.2.
Marka	Test	Isem kummerċjali tal-manifattur, il-punt 0.1 tal-Anness I tar-Regolament (UE) 2020/683.
Isem kummerċjali	Test	Ismijiet kummerċjali tat-TVV, il-punt 0.2.1 tal-Anness I tar-Regolament (UE) 2020/683.
Isem ieħor	Test	Test liberu
Kategorija u klassi	Enumerazzjoni (M1, N1 klassi I, N1 klassi II, N1 klassi III, N2, N3, M2, M3)	Kategorija u klassi tal-vettura, l-Anness I, Tabella 1 tar-Regolament (UE) 2024/1257.
Karozzerija	Enumerazzjoni (AA Saloon; AB Hatchback, AC Station Wagon, AD Coupe, AE Konvertibbli, AF Vettura b’diversi skopijiet, AG Trakk station wagon, BA Trakk, BB Vann, BC Unità ta’ trattur għal semitrejler, BD Trattur tat-triq, BE Trakk pick-up, BX Xażi bil-kabina jew xażi motorizzat)	Tip ta’ karozzerija, l-Anness I tar-Regolament (UE) 2020/683, il-punt 0.3.0.2.
Numru tat-TA tal-Emissjonijiet	Test	Kif irrapportat fuq il-mudell taċ-ċertifikat tal-approvazzjoni tat-tip tal-UE fl-Anness I / l-Appendiċi 4 ta’ dan ir-Regolament.
Numru tad-WVTA	Test	Identifikatur tal-Approvazzjoni tat-Tip ta’ Vettura Sħiħa kif definit fl-Anness IV tar-Regolament (UE) 2020/683.
ID tal-familja Evap	Test	Kif irrapportat fil-paragrafu 0.2.3.7 tal-Anness A1 tar-Regolament tan-NU Nru 154
Potenza Attribwita tal-Magna fjuwil 1, fjuwil 2 (jekk rilevanti)	Numru	Paragrafu 3.2.1.8 tal-Anness A1 tar-Regolament tan-NU Nru 154
Tajers doppji	Iva/Le	Iddikjarat mill-OEM.
Kapaċità(jiet) tat-tank(ijiet) tal-fjuwil (valuri diskreti)	Numru	Kapaċità(jiet) tat-tank(ijiet) tal-fjuwil, il-punt 3.2.3.1.1 tal-Anness I tar-Regolament (UE) 2020/683.
Tank issiġillat	Iva/Le	Punt 3.2.12.2.5.5.3 tal-Anness I tar-Regolament (UE) 2020/683.
WMI użat f’ din il-WVTA + TVV	Test	Iddikjarat mill-OEM (ISO 3779)
Identifikatur tal-Familja tal-OBM	Test	Kif muri fid-Dikjarazzjoni tal-Konformità bl-OBM, bl-EVP u bil-wiri fil-vettura tar-rekwiżiti tad-data ambjentali tal-Anness III tar-Regolament ta’ Implimentazzjoni tal-Kummissjoni (UE) 2025/1707”

(3)

L-Anness III huwa emendat kif ġej:

(a)

il-punt 2.3 huwa sostitwit b’dan li ġej:

“2.3

Il-manifattur għandu jikkonferma l-konformità billi jimla d-dikjarazzjoni ta’ konformità tal-RDE stabbilita fl-Appendiċi 1 ta’ dan l-Anness. Il-manifattur jista’ jiddikjara l-konformità ma’ limiti tal-emissjonijiet aktar baxxi billi jiddikjara valuri aktar baxxi msejħa “Valuri Massimi Ddikjarati ta’ RDE”, jew għall-NOx jew għall-PN jew għat-tnejn, fiċ-ċertifikat ta’ konformità tal-RDE tal-Manifattur u fiċ-Ċertifikat ta’ Konformità ta’ kull vettura. Dawk il-Valuri Massimi Ddikjarati ta’ RDE għandhom jintużaw għall-kontroll tal-konformità tal-karozzi meta applikabbli, inkluż għat-testijiet imwettqa matul il-Konformità Waqt is-Servizz u tas-Sorveljanza tas-Suq.”;

(b)

jiżdied l-Appendiċi 1 li ġej:

“

Appendiċi 1

Id-dikjarazzjoni ta’ konformità tal-manifattur mar-rekwiżiti tal-Emissjonijiet f’Sewqan Reali

(Manifattur): …..

(Indirizz tal-Manifattur): …..

Jiddikjara li:

[Il-paragrafu li ġej għandu japplika fil-każ li jiġu applikati l-limiti tal-emissjonijiet. Mhux applikabbli fil-każ li jiġu applikati valuri massimi ddikjarati tal-RDE aktar baxxi:]

It-tipi ta’ vetturi elenkati fl-Anness I ta’ din id-dikjarazzjoni jikkonformaw mar-rekwiżiti stabbiliti fl-Anness III tar-Regolament ta’ Implimentazzjoni (UE) 2025/1706 għat-testijiet tal-RDE validi kollha li jitwettqu f’konformità mar-rekwiżiti ta’ dak ir-Regolament.

[Il-paragrafu li ġej għandu japplika fil-każ li jiġu applikati valuri massimi ddikjarati tal-RDE aktar baxxi. Mhux applikabbli fil-każ li jiġu applikati l-limiti tal-emissjonijiet:]

Il-vettura/i koperta/i minn din l-approvazzjoni / il-vettura/i elenkata/i fl-Anness I ta’ din id-dikjarazzjoni(1) hija/huma(2) f’konformità mal-valuri massimi ddikjarati tal-RDE kif stabbilit fit-tabella ta’ hawn taħt:

	Valuri massimi ddikjarati tal-RDE
Massa ta’ ossidi tan-nitroġenu (NOx)	(mg/km)
Numru ta’ partikuli (PN10)	(#/km)

Magħmul fi [..... Post(3)]

Fi [..... Data]

[Isem u firma tal-persuna awtorizzata mill-Manifattur jew ir-Rappreżentant tal-Manifattur(4)]

Dokument(i) mehmuż(a)

Anness I: It-Tip(i), il-Familja/i ta’ Vettura/i jew il-vetturi deskritti minn deskrittur(i) ieħor/oħra tal-vetturi li għalihom tapplika din id-dikjarazzjoni (jekk applikabbli).

(1)	Ħassar dak li mhux applikabbli.

(2)	Agħżel “hija” jew “huma” kif applikabbli.

(3)	Stabbilit fl-Unjoni.

(4)

“Rappreżentant tal-manifattur” tfisser kwalunkwe persuna fiżika jew ġuridika stabbilita fl-Unjoni li tinħatar kif xieraq mill-manifattur biex tirrappreżenta lill-manifattur quddiem l-awtorità tal-approvazzjoni jew l-awtorità tas-sorveljanza tas-suq u sabiex taġixxi f’isem il-manifattur fi kwistjonijiet koperti mir-Regolament (UE) 2018/858, kif definit fl-Artikolu 3 il-punt (41) tar-Regolament..;

”

(4)

L-Anness XV huwa sostitwit b’dan li ġej:

“

ANNESS XV

Durabbiltà tal-batterija fil-vettura

1. INTRODUZZJONI

Dan l-Anness jistabbilixxi l-proċedura għall-valutazzjoni tad-durabbiltà tal-batterija fil-vettura. Għall-finijiet tal-approvazzjoni tat-tip, il-manifattur għandu jipprovdi lill-awtorità tal-għoti tal-approvazzjoni tat-tip b’dikjarazzjoni ta’ konformità ffirmata mar-rekwiżiti tad-durabbiltà tal-batterija fil-vettura bl-użu tal-mudell għad-dikjarazzjoni ta’ konformità tal-manifattur mar-rekwiżiti tad-durabbiltà tal-batterija fil-vettura stipulati fl-Appendiċi 2 ta’ dan l-Anness.

2. REKWIŻITI ĠENERALI

2.1.

Ir-rekwiżiti ġenerali għad-durabbiltà tal-batterija fil-vettura għandhom ikunu dawk stabbiliti fir-Regolament tan-NU Nru 154, b’rabta mal-livell 1 A.

2.2.

Il-valuri tar-rekwiżit minimu ta’ prestazzjoni (MPR) ibbażati fuq l-enerġija tal-batterija (SOCE) imsemmija fit-Tabella 1 tal-paragrafu 1.2. tal-Anness C1 tar-Regolament tan-NU Nru 154 għandhom jiġu sostitwiti bil-valuri MPR ibbażati fuq l-enerġija tal-batterija stabbiliti fit-Tabella 1 tal-Anness II tar-Regolament (UE) 2024/1257 għall-vetturi M1 u fit-Tabella 2 tal-Anness II ta’ dak ir-Regolament għall-vetturi N1.

2.3.

Il-metodoloġija tal-konformità waqt is-servizz għad-durabbiltà tal-batterija fil-vettura hija stabbilita fl-Appendiċi 1 ta’ dan l-Anness.

3. REKWIŻITI TEKNIĊI

3.1.

Ir-rekwiżiti tekniċi għad-durabbiltà tal-batterija fil-vettura għandhom ikunu dawk stabbiliti fil-paragrafu 6.11 u l-Anness C1 tar-Regolament tan-NU Nru 154, b’rabta mal-livell 1 A.

Appendiċi 1

Metodoloġija tal-konformità waqt is-servizz għad-durabbiltà tal-batterija fil-vettura

Appendiċi 2

Id-dikjarazzjoni ta’ konformità tal-manifattur mar-rekwiżiti tad-durabbiltà tal-batterija fil-vettura

(Manifattur): …..

(Indirizz tal-manifattur): …..

Jiddikjara li:

[Il-paragrafu li ġej għandu japplika fil-każ li jiġu applikati r-rekwiżiti minimi ta’ prestazzjoni. Mhux applikabbli fil-każ li jiġu applikati r-rekwiżiti dikjarati ta’ prestazzjoni:]

Il-vettura/i koperta/i minn din l-approvazzjoni / il-vettura/i elenkata/i fl-Anness I ta’ din id-dikjarazzjoni(1) hija/huma(2) f’konformità mar-rekwiżiti minimi ta’ prestazzjoni kif stabbilit fit-Tabella 1 tal-Anness II tar-Regolament (UE) 2024/1257 għal vetturi M1 / it-Tabella 2 tal-Anness II tar-Regolament (UE) 2024/1257 għal vetturi N1 (1);

[Il-paragrafu li ġej għandu japplika fil-każ li jiġu applikati r-rekwiżiti dikjarati ta’ prestazzjoni. Mhux applikabbli fil-każ li jiġu applikati r-rekwiżiti minimi ta’ prestazzjoni:]

Il-vettura/i koperta/i minn din l-approvazzjoni / il-vettura/i elenkata/i fl-Anness I ta’ din id-dikjarazzjoni(1) hija/huma(2) f’konformità mar-rekwiżiti dikjarati ta’ prestazzjoni kif stabbilit fit-tabella ta’ hawn taħt;

L-età tal-vettura / kilometraġġ	Rekwiżiti dikjarati ta’ prestazzjoni (DPR)
Mill-bidu tal-ħajja sa 5 snin jew 100 000 km, skont liema jiġu l-ewwel	(1) …%
Vetturi ta’ aktar minn 5 snin jew 100 000 km, u sa liema jiġi l-ewwel minn 8 snin jew 160 000 km	(2) …%

[Il-paragrafu li ġej għandu japplika fil-każ li jew ir-rekwiżiti dikjarati ta’ prestazzjoni jew ir-rekwiżiti minimi ta’ prestazzjoni jiġu applikati:]

Barra minn hekk, il-vettura/i koperti minn din l-approvazzjoni / il-vettura/i elenkata/i fl-Anness I ta’ din id-dikjarazzjoni(1) hija/huma(2) f’konformità mar-rekwiżiti tad-durabbiltà tal-batterija fil-vettura stabbiliti fl-Anness XV tar-Regolament (UE) 2026/1764.

Magħmul fi [..... Post(3)]

Fi [..... Data]

[Isem u firma tal-persuna awtorizzata mill-Manifattur jew ir-Rappreżentant tal-Manifattur (4)]

Dokumenti mehmuża

Anness I: It-tip(i), il-familja/i ta’ vettura/i jew il-vetturi deskritti minn deskrittur(i) ieħor/oħra tal-vetturi li għalihom tapplika din id-dikjarazzjoni (jekk applikabbli).

(1)	Ħassar dak li mhux applikabbli.

(2)	Agħżel “hija” jew “huma” kif applikabbli.

(3)	Stabbilit fl-Unjoni.

(4)

”;

(5)

L-Anness XVII huwa sostitwit b’dan li ġej:

“

ANNESS XVII

Awtonomija elettrika f’temperatura baxxa

1. INTRODUZZJONI

Dan l-Anness jistabbilixxi l-proċedura għad-determinazzjoni tat-test tat-temperatura baxxa sabiex tiġi vverifikata l-awtonomija elettrika tal-PEVs f’temperatura baxxa.

2. REKWIŻITI ĠENERALI

2.1.

Ir-rekwiżiti ġenerali għall-awtonomija elettrika f’temperatura baxxa għandhom ikunu dawk stabbiliti fir-Regolament tan-NU Nru 154, b’rabta mal-livell 1 A.

2.2.

Il-metodoloġija fakultattiva tal-konformità waqt is-servizz għall-awtonomija elettrika f’temperatura baxxa hija stabbilita fl-Appendiċi 1 ta’ dan l-Anness.

3. REKWIŻITI TEKNIĊI

3.1.

Ir-rekwiżiti tekniċi għall-awtonomija elettrika f’temperatura baxxa għandhom ikunu dawk stabbiliti fil-paragrafu 6.10 u l-Anness B10 tar-Regolament tan-NU Nru 154, b’rabta mal-livell 1 A.

Appendiċi 1

Metodoloġija fakultattiva tal-konformità waqt is-servizz għall-awtonomija elettrika f’temperatura baxxa

Il-konformità waqt is-servizz għall-awtonomija elettrika f’temperatura baxxa għandha tiġi vverifikata fuq vetturi miżmuma u użati sewwa, f’konformità mar-rekwiżiti tal-Anness 11 tar-Regolament tan-NU Nru 83.

”;

(6)

L-Anness XIX huwa sostitwit b’dan li ġej:

“

ANNESS XIX

Determinazzjoni tal-potenza tas-sistema

1. INTRODUZZJONI

Dan l-Anness jistabbilixxi l-proċedura għad-determinazzjoni tal-potenza tas-sistema tal-HEVs u tal-PEVs b’muturi multipli skont il-kamp ta’ applikazzjoni tar-Regolament tan-NU Nru 177.

2. REKWIŻITI ĠENERALI

2.1.

Ir-rekwiżiti ġenerali għad-determinazzjoni tal-potenza tas-sistema għandhom ikunu dawk stabbiliti fir-Regolament tan-NU Nru 177*, ħlief għar-rekwiżiti tal-Konformità tal-Produzzjoni tal-paragrafu 11.

2.2.

Metodoloġija fakultattiva għall-valutazzjoni tal-konformità waqt is-servizz għad-determinazzjoni tal-potenza tas-sistema hija stabbilita fl-Appendiċi 1 ta’ dan l-Anness.

3. REKWIŻITI TEKNIĊI

3.1.

Ir-rekwiżiti tekniċi għad-determinazzjoni tal-potenza tas-sistema għandhom ikunu dawk stabbiliti fil-paragrafi 7 u 8 tar-Regolament tan-NU Nru 177.

Appendiċi 1

Metodoloġija fakultattiva għall-valutazzjoni tal-konformità waqt is-servizz għad-determinazzjoni tal-potenza tas-sistema

Il-valutazzjoni tal-konformità waqt is-servizz fir-rigward tad-determinazzjoni tal-potenza tas-sistema għandha titwettaq fuq vetturi miżmuma u użati sewwa, f’konformità mar-rekwiżiti tal-Anness 14 tar-Regolament tan-NU Nru 83.

”.

(7)	L-Anness XXII huwa emendat kif ġej: “3. REKWIŻITI TEKNIĊI Ir-rekwiżiti tekniċi għall-apparat OBFCM għandhom ikunu dawk stabbiliti fl-Appendiċi 5 tar-Regolament tan-NU Nru 154, f’konformità mad-dispożizzjonijiet tranżizzjonali stabbiliti fil-paragrafi 11.1.4 u 11.1.5 ta’ dak ir-Regolament.”.