(1)

An 27 Iúil 2010, rinne Monsanto Europe S.A./N.V., atá lonnaithe sa Bheilg, iarratas a chur isteach thar ceann Monsanto Company, atá lonnaithe sna Stáit Aontaithe, chuig údarás inniúil náisiúnta na hÍsiltíre (“an t-iarratas”) maidir le bianna, comhábhair bhia agus beatha ina bhfuil pónaire soighe géinmhodhnaithe MON 87769 × MON 89788, atá comhdhéanta de nó a tháirgtear as, a chur ar an margadh, i gcomhréir le hAirteagail 5 agus 17 de Rialachán (CE) Uimh. 1829/2003. Cumhdaíodh san iarratas freisin táirgí ina bhfuil pónaire soighe géinmhodhnaithe MON 87769 × MON 89788 nó atá comhdhéanta de, a chur ar an margadh le haghaidh úsáidí seachas bia agus beatha, cé is moite de shaothrú.

(2)

I gcomhréir le hAirteagal 5(5) agus Airteagal 17(5) de Rialachán (CE) Uimh. 1829/2003, áiríodh san iarratas faisnéis agus conclúidí maidir leis an measúnú riosca arna dhéanamh i gcomhréir leis na prionsabail a leagtar amach in Iarscríbhinn II a ghabhann le Treoir 2001/18/CE ó Pharlaimint na hEorpa agus ón gComhairle (2). Áiríodh ann freisin an fhaisnéis a cheanglaítear de bhun Iarscríbhinní III agus IV a ghabhann leis an Treoir sin mar aon le plean faireacháin maidir le héifeachtaí ar an gcomhshaol i gcomhréir le hIarscríbhinn VII a ghabhann leis an Treoir sin.

(3)

An 8 Deireadh Fómhair 2015, d’eisigh an tÚdarás Eorpach um Shábháilteacht Bia (“an tÚdarás”) tuairim i gcomhréir le hAirteagail 6 agus 18 de Rialachán (CE) Uimh. 1829/2003 (3). Ní raibh an tÚdarás in ann teacht ar chonclúid ar shábháilteacht an phónaire shoighe ghéinmhodhnaithe MON 87769 × MON 89788 mar gheall ar an easpa sonraí maidir le nochtadh cothúcháin d’ola dhíbholaithe thuartha scagtha a tháirgtear as pónaire soighe géinmhodhnaithe MON 87769 × MON 89788, rud as ar tháinig measúnú cothaitheach neamhiomlán. Tháinig an tÚdarás ar an gconclúid nach dócha go mbeidh éifeachtaí díobhálacha ar an gcomhshaol ag an bpónaire soighe géinmhodhnaithe MON 87769 × MON 89788.

(4)

Ina thuairim ón 8 Deireadh Fómhair 2015, rinne an tÚdarás breithniú ar gach ceist agus ábhar imní a tharraing na Ballstáit anuas i gcomhthéacs an chomhairliúcháin leis na húdaráis inniúla náisiúnta dá bhforáiltear in Airteagal 6(4) agus in Airteagal 18(4) de Rialachán (CE) Uimh. 1829/2003.

(5)

Tháinig an tÚdarás ar an gconclúid freisin i dtaca leis an bplean faireacháin maidir leis na héifeachtaí ar an gcomhshaol, arna chur isteach ag an iarratasóir, ina bhfuil plean ginearálta faireachais, go bhfuil an plean sin i gcomhréir leis na húsáidí atá beartaithe le haghaidh na dtáirgí.

(6)

Le litir dar dáta an 27 Lúnasa 2018, chuir Monsanto Europe S.A./N.V. in iúl don Choimisiún gur athraigh sé a fhoirm dhlíthiúil agus gur athraigh sé a ainm go dtí Bayer Agriculture BVBA amhail ón 23 Lúnasa 2018.

(7)

An 8 Bealtaine 2019, chuir an t-iarratasóir measúnú athbhreithnithe ar nochtadh cothúcháin ar fáil maidir leis an bpónaire soighe géinmhodhnaithe MON 87769 × MON 89788.

(8)

Le litir dar dáta an 28 Iúil 2020, chuir Bayer Agriculture BVBA in iúl don Choimisiún gur athraigh sé a ainm go dtí Bayer Agriculture BV amhail ón 1 Lúnasa 2020.

(9)

Le litir dar dáta an 28 Iúil 2020, chuir Bayer Agriculture BVBA, in iúl don Choimisiún, thar ceann Monsanto Company, gur athraigh sé a fhoirm dhlíthiúil agus gur athraigh sé a ainm go dtí Bayer CropScience LP amhail ón 1 Lúnasa 2020.

(10)

An 12 Bealtaine 2021, d’fhoilsigh an tÚdarás ráiteas lena gcomhlánaítear a thuairim eolaíoch (4), ag cur san áireamh an measúnú athbhreithnithe ar nochtadh cothúcháin arna sholáthar ag an iarratasóir ar mheasúnú cothaitheach an duine ar ola dhíbholaithe thuartha scagtha a tháirgtear as pónaire soighe MON 87769 × MON 89788. Tháinig an tÚdarás ar an gconclúid nach údar imní é do dhaoine ó thaobh an chothúcháin de pónaire soighe géinmhodhnaithe MON 87769 × MON 89788 agus a tháirgí díorthaithe a thomhailt, go háirithe a ola dhíbholaithe scagtha thuartha.

(11)

Ina theannta sin, mhol an tÚdarás plean monatóireachta iarmhargaidh a chur chun feidhme, plean ina ndírítear ar shonraí allmhairiúcháin chuig an Eoraip a bhailiú maidir le pónaire soighe géinmhodhnaithe MON 87769 × MON 89788 agus/nó a tháirgí, go háirithe a ola dhíbholaithe thuartha scagtha.

(12)

Agus na conclúidí sin á gcur san áireamh, maidir le táirgí ina bhfuil pónaire soighe géinmhodhnaithe MON 87769 × MON 89788, atá comhdhéanta de nó a tháirgtear as, ba cheart údarás a thabhairt chun iad a chur ar an margadh le haghaidh na n-úsáidí a liostaítear san iarratas.

(13)

Ba cheart aitheantóir uathúil a shannadh do phónaire soighe géinmhodhnaithe MON 87769 × MON 89788 i gcomhréir le Rialachán (CE) Uimh. 65/2004 ón gCoimisiún (5).

(14)

Táirgí ina bhfuil pónaire soighe géinmhodhnaithe MON 87769 × MON 89788, atá comhdhéanta de nó a tháirgtear as, ba cheart iad a lipéadú i gcomhréir leis na ceanglais dá bhforáiltear in Airteagal 13(1) agus in Airteagal 25(2) de Rialachán (CE) Uimh. 1829/2003 agus in Airteagal 4(6) de Rialachán (CE) Uimh. 1830/2003 ó Pharlaimint na hEorpa agus ón gComhairle (6).

(15)

Dearbhaíodh i ráiteas an Údaráis lena gcomhlánaítear a thuairim eolaíoch go bhfuil comhdhéanamh cothaitheach an phónaire shoighe ghéinmhodhnaithe MON 87769 × MON 89788 éagsúil lena mhacasamhail thraidisiúnta mar gheall ar phróifíl éagsúil aigéid shailligh. Dá bhrí sin, is gá lipéadú sonrach a dhéanamh i gcomhréir le hAirteagal 13(2)(a) agus le hAirteagal 25(2)(c) de Rialachán (CE) Uimh. 1829/2003.

(16)

Chun a áirithiú go bhfanfaidh úsáid na dtáirgí ina bhfuil pónaire soighe géinmhodhnaithe MON 87769 × MON 89788, atá comhdhéanta de nó a tháirgtear as, laistigh de theorainneacha an údaraithe a dheonaítear leis an gCinneadh seo, ba cheart a léiriú go soiléir ar lipéadú na dtáirgí sin, cé is moite de bhianna agus comhábhair bia, nach bhfuil siad ceaptha le haghaidh saothrú.

(17)

Ba cheart do shealbhóir an údaraithe tuarascálacha bliantúla a chur isteach maidir le cur chun feidhme agus torthaí na ngníomhaíochtaí a leagtar amach sa phlean faireacháin le haghaidh éifeachtaí comhshaoil. Ba cheart na torthaí sin a chur i láthair i gcomhréir leis na ceanglais a leagtar síos i gCinneadh 2009/770/CE ón gCoimisiún (7).

(18)

Ba cheart do shealbhóir an údaraithe tuarascálacha bliantúla a thíolacadh freisin maidir le cur chun feidhme na ngníomhaíochtaí a leagtar amach sa phlean faireacháin iarmhargaidh maidir leis na torthaí a bhaineann leo.

(19)

Gach faisnéis ábhartha maidir le húdarú na dtáirgí a chumhdaítear leis an gCinneadh seo ba cheart í a chur isteach i gclár an Chomhphobail de bhia géinmhodhnaithe agus de bheatha ghéinmhodhnaithe, dá dtagraítear in Airteagal 28(1) de Rialachán (CE) Uimh. 1829/2003.

(20)

Cuirfear an Cinneadh seo in iúl trí Theach Imréitigh na Bithshábháilteachta do Pháirtithe Phrótacal Cartagena maidir leis an mBithshábháilteacht don Choinbhinsiún maidir leis an Éagsúlacht Bhitheolaíoch, de bhun Airteagal 9(1) agus Airteagal 15(2)(c) de Rialachán (CE) Uimh. 1946/2003 ó Pharlaimint na hEorpa agus ón gComhairle (8).

(21)

Níor thug an Buanchoiste um Plandaí, Ainmhithe, Bia agus Beatha tuairim uaidh laistigh den teorainn ama a leag Cathaoirleach an Choiste síos. Measadh an gníomh cur chun feidhme seo a bheith riachtanach agus chuir an Cathaoirleach faoi bhráid an choiste achomhairc é le go ndéanfar tuilleadh plé ina leith. Níor thug an coiste achomhairc tuairim uaidh,

(a)

bianna agus comhábhair bia ina bhfuil pónaire soighe géinmhodhnaithe, atá comhdhéanta de nó a tháirgtear as (MON-87769-7 × MON-89788-1;

(b)

beatha ina bhfuil pónaire soighe géinmhodhnaithe MON-87769-7 × MON-89788-1, atá comhdhéanta de nó a tháirgtear as;

(c)

táirgí ina bhfuil pónaire soighe géinmhodhnaithe MON-87769-7 × MON-89788-1 nó atá comhdhéanta de, le haghaidh úsáidí seachas na húsáidí dá bhforáiltear i bpointí (1) agus (2), cé is moite de shaothrú.