|
30.1.2020 |
MT |
Il-Ġurnal Uffiċjali tal-Unjoni Ewropea |
C 31/4 |
Avviż minn qabel ta’ konċentrazzjoni
(Il-Każ M.9680 — La Voix Du Nord/SIM/Mediacontact/Roof Media)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2020/C 31/04)
1.
Fis-17 ta’ Jannar 2020, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
La Voix du Nord (Franza), li tappartjeni għall-grupp Rossel & Cie (il-Belġju), |
|
— |
Mediacontact (Franza), li tappartjeni għall-grupp SIPA (Franza), |
|
— |
Société d’Investissements Medias (“SIM”, Franza), li tappartjeni għall-grupp Crédit Mutuel (Franza), |
|
— |
Roof Media (Franza), li bħalissa hija kkontrollata bi sħab minn Mediacontact u La Voix du Nord. |
SIM takkwista, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab, flimkien ma’ La Voix du Nord u Mediacontact, ta’ Roof Media kollha kemm hi.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
La Voix du Nord hija attiva fis-settur tal-media stampata u dik diġitali, kemm bla ħlas kif ukoll bi ħlas, essenzjalment f’Hauts de France u fix-Champagne-Ardenne; |
|
— |
Mediacontact hija attiva fis-settur tal-media stampata u dik diġitali, kemm bla ħlas kif ukoll bi ħlas, essenzjalment fil-Grand Ouest ta’ Franza; |
|
— |
SIM tirrappreżenta l-marka kummerċjali “EBRA” (Est Bourgogne Rhône Alpes) li tikkostitwixxi fil-parti tal-media tal-grupp Crédit Mutuel attiv fis-settur tal-media stampata u dik diġitali, kemm bla ħlas kif ukoll bil-ħlas; |
|
— |
Roof Media hija speċjalizzata fit-teknoloġija ta’ distribuzzjoni ta’ kontenut tal-video. |
3.
Wara eżami preliminari, il-Kummissjoni Ewropea tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Dawn il-kummenti jeħtieġ li jaslu għand il-Kummissjoni mhux aktar tard minn għaxart ijiem wara id-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9680 – La Voix du Nord/SIM/Mediacontact/Roof Media
Il-kummenti jistgħu jintbagħtu lill-Kummissjoni permezz tal-email, permezz tal-faks u permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
Commission européenne |
|
Direction générale de la concurrence |
|
Greffe des concentrations |
|
1049 Bruxelles |
|
BELGIQUE |
(1) ĠU L 24, 29.1.2004, p. 1 (ir-“Regolament dwar l-Għaqdiet”).