(1)

Foráiltear le Rialachán (CE) Uimh. 1831/2003 maidir le húdarú breiseán lena n-úsáid i gcothú ainmhithe agus leis na forais agus na nósanna imeachta maidir leis an údarú sin a dheonú agus a athnuachan.

(2)

Údaraíodh le Rialachán (CE) Uimh. 1091/2009 ón gCoimisiún (2) ullmhóid ion-1,4-béite-xiolanáise agus ion-1,3(4) béite-ghlúcanáise ar feadh 10 mbliana mar bhreiseán beatha le haghaidh sicíní lena ramhrú.

(3)

I gcomhréir le hAirteagal 14 de Rialachán (CE) Uimh. 1831/2003, cuireadh iarratas isteach ar athnuachan údaraithe ullmhóid ion-1,4-béite-xiolanáise arna táirgeadh ag Trichoderma reesei MUCL 49755 agus ion-1,3(4) béite-ghlúcanáise arna táirgeadh ag Trichoderma reesei MUCL 49754 mar bhreiseán beatha le haghaidh sicíní lena ramhrú sa chatagóir breiseáin “breiseáin zóiteicniúla” agus sa ghrúpa feidhmiúil “méadaitheoirí díleáiteachta”. Athainmníodh an miocrorgánach Trichoderma reesei mar Trichoderma longibrachiatum idir an dá linn. Ghabh na sonraí agus na doiciméid a cheanglaítear faoi Airteagal 14(2) de Rialachán (CE) Uimh. 1831/2003 leis an iarratas.

(4)

Ba é conclúid an Údaráis Eorpaigh um Shábháilteacht Bia (“an tÚdarás”) sa tuairim uaidh an 17 Márta 2020 (3) gur chuir an t-iarratasóir sonraí ar fáil a léiríonn go gcomhlíonann an breiseán na coinníollacha údaraithe faoi na coinníollacha úsáide atá beartaithe. Dheimhnigh an tÚdarás na conclúidí a d’eisigh sé roimhe seo nach bhfuil éifeacht dhíobhálach ar shláinte ainmhithe, ar shláinte tomhaltóirí ná ar an gcomhshaol ag ullmhóid ion-1,4-béite-xiolanáise arna táirgeadh ag Trichoderma longibrachiatum MUCL 49755 agus ion-1,3(4) béite-ghlúcanáise arna táirgeadh ag Trichoderma longibrachiatum MUCL 49754. Shonraigh sé chomh maith gur cheart a mheas go bhfuil an breiseán ina íogróir deirmeach agus riospráide. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe maidir le húsáideoirí an bhreiseáin. D’fhíoraigh an tÚdarás freisin an tuarascáil ar mhodh anailísithe na mbreiseán beatha i mbeatha a chuir an tSaotharlann Tagartha a cuireadh ar bun le Rialachán (CE) Uimh. 1831/2003 isteach.

(5)

Léiríonn an measúnú ar ullmhóid ion-1,4-béite-xiolanáise arna táirgeadh ag Trichoderma longibrachiatum MUCL 49755 agus ion-1,3(4) béite-ghlúcanáise arna táirgeadh ag Trichoderma longibrachiatum MUCL 49754 go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan mar a shonraítear san Iarscríbhinn a ghabhann leis an Rialachán seo.

(6)

Ba cheart Rialachán (CE) Uimh. 1091/2009 a aisghairm de thoradh athnuachan údaraithe ullmhóid ion-1,4-béite-xiolanáise arna táirgeadh ag Trichoderma longibrachatum (arna shainaithint roimhe seo mar Trichoderma reesei) MUCL 49755 agus ion-1,3(4) béite-ghlúcanáise arna táirgeadh ag Trichoderma longibrachatum (arna shainaithint roimhe seo mar Trichoderma reesei) MUCL 49754 mar bhreiseán beatha faoi na coinníollacha a leagtar síos san Iarscríbhinn a ghabhann leis an Rialachán seo.

(7)

Ó tharla nach bhfuil gá ar chúiseanna sábháilteachta le cur i bhfeidhm láithreach modhnuithe ar na coinníollacha údaraithe ullmhóid ion-1,4-béite-xiolanáise arna táirgeadh ag Trichoderma longibrachatum (arna shainaithint roimhe seo mar Trichoderma reesei) MUCL 49755 agus ion-1,3(4) béite-ghlúcanáise arna táirgeadh ag Trichoderma longibrachatum (arna shainaithint roimhe seo mar Trichoderma reesei) MUCL 49754, is iomchuí idirthréimhse a sholáthar do na páirtithe leasmhara chun gur féidir leo iad féin a ullmhú chun na ceanglais nua a eascraíonn as athnuachan an údaraithe a chomhlíonadh.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,