|
Iris Oifigiúil |
GA Sraith L |
|
2025/2545 |
16.12.2025 |
RIALACHÁN CUR CHUN FEIDHME (AE) 2025/2545 ÓN gCOIMISIÚN
an 15 Nollaig 2025
lena leasaítear Rialachán Cur Chun Feidhme (AE) 2025/2335 trí na hastaíochtaí tagartha CO2 coigeartaithe a shocrú agus tríd an modheolaíocht a shonrú chun feithiclí ionadaíocha a shainiú
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/1242 ó Pharlaimint na hEorpa agus ón gComhairle an 20 Meitheamh 2019 lena socraítear na caighdeáin feidhmíochta maidir le hastaíochtaí CO2 d’fheithiclí nua tromshaothair agus lena leasaítear Rialachán (CE) Uimh. 595/2009 agus (AE) 2018/956 ó Pharlaimint na hEorpa agus ón gComhairle agus Treoir 96/53/CE ón gComhairle (1), agus go háirithe Airteagal 11(2), pointe (a), de,
De bharr an mhéid seo a leanas:
|
(1) |
Leasaíodh na nósanna imeachta um chineálcheadú dá dtagraítear i Rialachán (CE) Uimh. 595/2009 ó Pharlaimint na hEorpa agus ón gComhairle (2) trí phróifílí nua misin, nósanna imeachta um athrú giaranna agus measúnú iomlán ar ardchórais cúnta tiománaithe a thabhairt isteach san uirlis ionsamhlúcháin, agus de thoradh sin tá laghdú níos mó ná 5 g CO2/km tagtha ar leibhéal astaíochtaí CO2 na bhfeithiclí tromshaothair ionadaíocha. |
|
(2) |
Dá bhrí sin, tá an Coimisiún le coigeartú a dhéanamh, i gcomhréir le hAirteagal 11(2), pointe (a), de Rialachán (AE) 2019/1242, den chéad uair, ar na hastaíochtaí tagartha CO2 le haghaidh foghrúpaí feithiclí áirithe a leagtar amach i Rialachán Cur Chun Feidhme (AE) 2025/2335 ón gCoimisiún (3) agus na hastaíochtaí tagartha coigeartaithe a chinneadh mar i = 1 agus na hastaíochtaí tagartha neamhchoigeartaithe, a leagtar amach sa Rialachán sin, mar i = 0). |
|
(3) |
Chun na hastaíochtaí tagartha CO2 coigeartaithe a ríomh, is gá, i gcomhréir le hAirteagal 11(3) de Rialachán (AE) 2019/1242, modheolaíocht a shonrú chun feithiclí ionadaíocha a shainiú, lena n-áirítear a n-ualuithe staidrimh agus luachanna an phálasta agus an lín paisinéirí. |
|
(4) |
Chun an ceanglas a leagtar síos in Airteagal 11(3) de Rialachán (AE) 2019/1242 a chomhlíonadh agus chun an cruinneas is fearr is féidir a bhaint amach agus chun an t-ualach riaracháin ar mhonaróirí a theorannú, ba cheart na feithiclí ionadaíocha chun astaíochtaí tagartha CO2 coigeartaithe a chinneadh (i = 1) a bheith ar an bhfothacar feithiclí uile ar tuairiscíodh sonraí ina leith i dtréimhse thuairiscithe 2019 agus a bhféadfaí na sonraí a ath-ionsamhlú ina leith i gcomhréir leis an nós imeachta leasaithe um chineálcheadú. |
|
(5) |
Cinneadh na hastaíochtaí tagartha CO2 coigeartaithe de réir an nós imeachta coigeartaithe a leagtar amach i bpointe 1 d’Iarscríbhinn II a ghabhann le Rialachán (AE) 2019/1242, mar a míníodh go mionsonraithe i dtuarascáil atá ar fáil go poiblí ar shuíomh gréasáin JRC faoin tagairt JRC138612 agus na nuashonruithe ar na sonraí ionsamhlúcháin arna soláthar ag roinnt monaróirí á gcur san áireamh. |
|
(6) |
Chun toradh an choigeartaithe a chur san áireamh a luaithe is féidir agus na spriocanna i leith astaíochtaí sonracha CO2 agus na conairí laghdaithe astaíochtaí CO2 á gcinneadh, ba cheart feidhm a bheith ag na hastaíochtaí tagartha CO2 coigeartaithe dá dtagraítear i bpointe 2 d’Iarscríbhinn II a ghabhann le Rialachán (AE) 2019/1242 ó thréimhse thuairiscithe 2025 ar aghaidh. |
|
(7) |
Ba cheart Rialachán Cur Chun Feidhme (AE) 2025/2335 a leasú dá réir. |
|
(8) |
Tá na bearta dá bhforáiltear sa Rialachán seo i gcomhréir leis an tuairim ón gCoiste um Athrú Aeráide, |
TAR ÉIS AN RIALACHÁN SEO A GHLACADH:
Airteagal 1
Leasuithe ar Rialachán Cur Chun Feidhme (AE) 2025/2335
Leasaítear Rialachán Cur Chun Feidhme (AE) 2025/2335 mar a leanas:
|
(1) |
in Airteagal 1, cuirtear an dara mír seo a leanas leis: ‘Leagtar amach san Iarscríbhinn a ghabhann leis an Rialachán seo na hastaíochtaí tagartha CO2 coigeartaithe, dá dtagraítear i bpointe 2 d’Iarscríbhinn II a ghabhann le Rialachán (AE) 2019/1242, le haghaidh thréimhse thuairiscithe 2025 agus ina dhiaidh sin’; |
|
(2) |
cuirtear isteach an tAirteagal 1a seo a leanas: ‘Airteagal 1a Sonrú feithiclí ionadaíocha le haghaidh i = 1 Chun na hastaíochtaí tagartha CO2 coigeartaithe (i = 1) a chinneadh, maidir le feithiclí ionadaíocha sonracha na bhfoghrúpaí feithiclí 4-UD, 4-RD, 4-LH, 5-RD, 5-LH, 9-RD, 9-LH, 10-RD agus 10-LH, is feithiclí iad a chuirtear san áireamh sa chlár lárnach dá dtagraítear in Airteagal 13c de Rialachán (AE) 2019/1242, a tuairiscíodh i dtréimhse thuairiscithe 2019, agus a lipéadaítear mar fheithiclí ionadaíocha sa chlár lárnach. Na pálastaí atá le húsáid chun astaíochtaí CO2 a chinneadh, sainítear iad i bpointe 2.5.1. d’Iarscríbhinn I a ghabhann le Rialachán (AE) 2019/1242. Is é ‘1’ an t-ualú staidrimh dá dtagraítear i bpointe 1 d’Iarscríbhinn II a ghabhann le Rialachán (AE) 2019/1242 le haghaidh gach feithicle ionadaíche.’ |
|
(3) |
Cuirtear an téacs san Iarscríbhinn a ghabhann leis an Rialachán seo in ionad na hIarscríbhinne a ghabhann le Rialachán (AE) 2025/2335. |
Airteagal 2
Teacht i bhfeidhm agus cur i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 15 Nollaig 2025.
Thar ceann an Choimisiúin
An tUachtarán
Ursula VON DER LEYEN
(1) IO L 198, 25.7.2019, lch. 202, ELI: http://data.europa.eu/eli/reg/2019/1242/oj.
(2) Rialachán (CE) Uimh. 595/2009 ó Pharlaimint na hEorpa agus ón gComhairle an 18 Meitheamh 2009 maidir le mótarfheithiclí agus innill a chineál-cheadú i leith astaíochtaí ó fheithiclí saothair throm (Euro VI) agus lena leasaítear Rialachán (CE) Uimh. 715/2007 agus Treoir 2007/46/CE agus lena n-aisghairtear Treoir 80/1269/CEE, Treoir 2005/55/CE agus Treoir 2005/78/CE (IO L 188, 18.7.2009, lch. 1, ELI: http://data.europa.eu/eli/reg/2009/595/oj).
(3) Rialachán Cur Chun Feidhme (AE) 2025/2335 ón gCoimisiún an 20 Samhain 2025 lena socraítear na hastaíochtaí tagartha CO2 le haghaidh thréimhse tuairiscithe na bliana 2019 (IO L, 2025/2335, 21.11.2025, ELI: http://data.europa.eu/eli/reg_impl/2025/2335/oj).
IARSCRÍBHINN
‘IARSCRÍBHINN
Astaíochtaí tagartha CO2 dá dtagraítear in Airteagal 11(1), an dara fomhír, de Rialachán (AE) 2019/1242 (i = 0, neamhchoigeartaithe) agus astaíochtaí tagartha CO2 coigeartaithe (i = 1, coigeartaithe) le haghaidh foghrúpaí feithiclí áirithe, dá dtagraítear in Airteagal 11(2), pointe (a), agus i bpointe 2 d’Iarscríbhinn II a ghabhann leis an Rialachán sin, in g/t•km:
|
Foghrúpa sg |
Astaíochtaí tagartha CO2 i dtréimhsí tuairiscithe faoi seach |
|
|
Tréimhsí tuairiscithe 2019 agus ina dhiaidh sin |
Tréimhsí tuairiscithe 2025 agus ina dhiaidh sin |
|
|
i = 0 (neamhchoigeartaithe) |
i = 1 (coigeartaithe) |
|
|
rCO2sg,0 in g/tkm |
rCO2sg,1 in g/tkm |
|
|
4-UD |
307,23 |
299,57 |
|
4-RD |
197,16 |
195,77 |
|
4-LH |
105,96 |
103,32 |
|
5-RD |
84,00 |
83,53 |
|
5-LH |
56,60 |
55,02 |
|
9-RD |
110,98 |
110,56 |
|
9-LH |
65,16 |
63,47 |
|
10-RD |
83,26 |
82,75 |
|
10-LH |
58,26 |
56,84 |
ELI: http://data.europa.eu/eli/reg_impl/2025/2545/oj
ISSN 1977-0839 (electronic edition)