25.4.2009   

MT

Il-Ġurnal Uffiċjali tal-Unjoni Ewropea

L 105/18

DEĊIŻJONI TAL-BORD TA’ TMEXXIJA TAL-EUROPOL

tad-9 ta’ April 2009

li taqbel mal-kundizzjonijiet u l-proċeduri stabbiliti mill-Europol li jadattaw l-ammonti msemmija fl-Anness għad-Deċiżjoni tal-Bord ta’ Tmexxija tal-Europol tas-16 ta’ Novembru 1999 dwar it-taxxi li japplikaw għas-salarji u l-emolumenti mħallsa lill-membri tal-persunal tal-Europol għall-benefiċċju tal-Europol

(2009/346/KE)

IL-BORD TA’ TMEXXIJA TAL-EUROPOL,

Wara li kkunsidra l-Protokoll imfassal fuq il-bażi tal-Artikolu K.3 tat-Trattat tal-Unjoni Ewropea u l-Artikolu 41(3) tal-Konvenzjoni tal-Europol, dwar il-privileġġi u l-immunitajiet tal-Europol, tal-membri tal-korpi tiegħu, tal-viċi diretturi u tal-impjegati tal-Europol (1), u b’mod partikolari l-Artikolu 10 tiegħu,

Billi:

(1)

Fis-6 ta’ April 2009, il-Kunsill iddeċieda li jadatta s-salarji u l-emolumenti għall-uffiċjali tal-Europol b’1,7 % b’effett retroattiv mill-1 ta’ Lulju 2007.

(2)

Fid-9 ta’ April 2009, il-Bord ta’ Tmexxija ddeċieda li jżid l-ammonti msemmija fl-Artikolu 4 tal-Appendiċi għad-Deċiżjoni tal-Bord ta’ Tmexxija tas-16 ta’ Novembru 1999 (2) bl-istess perċentwali u mill-istess data bħal dik stabbilita bid-Deċiżjoni tal-Kunsill tas-6 ta’ April 2009 imsemmija fil-punt 1.

(3)

B’konformità mal-istess Deċiżjoni tal-Bord ta’ Tmexxija tad-9 ta’ April 2009, l-ammonti b’hekk stabbiliti għandhom jiġu ppubblikati f'Il-Ġurnal Uffiċjali tal-Unjoni Ewropea,

IDDEĊIEDA DAN LI ĠEJ:

Artikolu 1

B’effett mill-1 ta’ Lulju 2007:

1.

L-ammont imsemmi fl-ewwel sentenza tal-Artikolu 4 tal-Appendiċi għad-Deċiżjoni tal-Bord ta’ Tmexxija tal-Europol tas-16 ta’ Novembru 1999 għandu jinbidel f’EUR 115, 61.

2.

L-ammonti f’unitajiet ta’ euro tat-tabella inkluża fl-Artikolu 4 tal-Appendiċi tad-Deċiżjoni tal-Bord ta’ Ġestjoni tal-Europol tas-16 ta’ Novembru 1999 għandhom jiġu sostiwiti b’dan li ġej:

 

8 % għal ammonti ta’ bejn EUR 115,61 u EUR 2,036,45

 

10 % għal ammonti ta’ bejn EUR 2,036,46 u EUR 2,804,90

 

12,5 % għal ammonti ta’ bejn EUR 2,804,91 u EUR 3,214,56

 

15 % għal ammonti ta’ bejn EUR 3,214,57 u EUR 3,650,62

 

17,5 % għal ammonti ta’ bejn EUR 3,650,63 u EUR 4,060,32

 

20 % għal ammonti ta’ bejn EUR 4,060,33 u EUR 4,457,42

 

22,5 % għal ammonti ta’ bejn EUR 4,457,43 u EUR 4,867,09

 

25 % għal ammonti ta’ bejn EUR 4,867,10 u EUR 5,264,21

 

27,5 % għal ammonti ta’ bejn EUR 5,264,22 u EUR 5,673,87

 

30 % għal ammonti ta’ bejn EUR 5,673,88 u EUR 6,070,99

 

32,5 % għal ammonti ta’ bejn EUR 6,071,00 u EUR 6,480,66

 

35 % għal ammonti ta’ bejn EUR 6,480,67 u EUR 6,878,40

 

40 % għal ammonti ta’ bejn EUR 6,878,41 u EUR 7,288,09

 

45 % għal ammonti ta’ aktar minn EUR 7,288,10

Artikolu 2

Din id-Deċiżjoni għandha tiġi ppubblikata f'Il-Ġurnal Uffiċjali tal-Unjoni Ewropea.

Artikolu 3

Din id-Deċiżjoni għandha tidħol fis-seħħ jum wara li tiġi adottata.

Magħmula fl-Aja, 9 ta’ April 2009.

Viktor ČECH

Chairman tal-Bord ta’ Tmexxija

(1)   ĠU C 221, 19.07.1997, p. 2.

(2)   ĠU C 65, 28.2.2001, p. 6.