(a) ir-reġistrazzjoni tal-pożizzjoni tal-vettura f'ċerti punti matul il-perjodu tax-xogħol ta' kuljum tas-sewwieq;

(b) l-identifikazzjoni remota bikrija tal-manipulazzjoni jew l-użu ħażin possibbli tat-takografi intelliġenti;

(c) interfaċċa ma' Sistemi ta' Trasport Intelliġenti;

(d) ir-rekwiżiti amministrattivi u tekniċi għall-proċeduri tal-approvazzjoni tat-tip tat-takografi, inkluż il-mekkaniżmi ta' sigurtà.

(1) “takografu diġitali” jew “takografu tal-ewwel ġenerazzjoni” tfisser takografu diġitali għajr takografu intelliġenti;

(2) “faċilità esterna ta' GNSS” tfisser faċilità li fiha riċevitur GNSS meta l-unità tal-vettura ma tkunx unità waħdanija, kif ukoll komponenti oħrajn meħtieġa biex jipproteġu l-komunikazzjoni tad-dejta dwar il-pożizzjoni lill-bqija tal-unità tal-vettura;

(3) “folder ta' informazzjoni” tfisser il-folder sħiħ, f'forma elettronika jew kartaċea, li fihom l-informazzjoni kollha fornuta mill-manifattur jew l-aġent tiegħu lill-awtorità tal-approvazzjoni tat-tip għall-fini tal-approvazzjoni tat-tip ta' takografu jew komponent tiegħu, inklużi ċ-ċertifikati msemmija fl-Artikolu 12(3) tar-Regolament (UE) Nru 165/2014, it-twettiq tat-testijiet definiti fl-Anness 1C għal dan ir-Regolament, kif ukoll tpinġijiet, ritratti, u dokumenti rilevanti oħra;

(4) “pakkett ta' informazzjoni” tfisser il-folder ta' informazzjoni, f'forma elettronika jew stampata, akkumpanjata minn kull dokument ieħor miżjud mill-awtorità ta' approvazzjoni tat-tip mal-folder ta' informazzjoni matul it-twettiq tal-funzjonijiet tagħhom inkluż, fl-aħħar tal-proċess tal-approvazzjoni tat-tip, iċ-ċertifikat tal-approvazzjoni tat-tip tal-KE tat-takografu jew komponent tiegħu;

(5) “indiċi għall-pakkett ta' informazzjoni” tfisser id-dokument li jelenka l-kontenut innumerat tal-pakkett tal-informazzjoni li jidentifika l-partijiet kollha rilevanti ta' dan il-pakkett. Il-format ta' dan id-dokument għandu jiddistingwi l-passi suċċessivi fil-proċess ta' approvazzjoni tat-tip tal-KE, inklużi d-dati ta' kwalunkwe reviżjoni u aġġornament ta' dak il-pakkett;

(6) “faċilità ta' identifikazzjoni remota bikrija” tfisser l-apparat tal-unità tal-vettura li jintuża biex isiru l-kontrolli mmirati maġenb it-triq;

(7) “takografu intelliġenti” jew “takografu tat-tieni ġenerazzjoni” tfisser takografu diġitali li jikkonforma mal-Artikoli 8, 9 u 10 tar-Regolament (UE) Nru 165/2014 kif ukoll mal-Anness 1C ta' dan ir-Regolament;

(8) “komponent tat-takografu” jew “komponent” tfisser kwalunkwe wieħed minn dawn l-elementi li ġejjin: l-unità tal-vettura, is-senser tal-moviment, il-kard tat-takografu, il-folja tar-reġistrazzjoni, il-faċilità esterna tal-GNSS u l-faċilità tal-identifikazzjoni remota bikrija;

(9) “awtorità tal-approvazzjoni tat-tip” tfisser l-awtorità ta' Stat Membru li hija kompetenti sabiex twettaq l-approvazzjoni tat-tip tat-takografu jew tal-komponenti tiegħu, il-proċess tal-awtorizzazzjoni, il-ħruġ u, jekk meħtieġ, l-irtirar ta' ċertifikati ta' approvazzjoni tat-tip, li taġixxi bħala l-punt ta' kuntatt għall-awtoritajiet ta' approvazzjoni ta' Stati Membri oħra u li tiżgura li l-manifatturi jissodisfaw l-obbligi tagħhom fir-rigward tal-konformità mar-rekwiżiti ta' dan ir-Regolament.

— il-kards tat-takografu tat-tieni ġenerazzjoni għandhom ikunu ddisinjati biex jintużaw ukoll f'unitajiet tal-vetturi tal-ewwel ġenerazzjoni.

— Fid-data tal-introduzzjoni m'għandhomx isiru rikjesti biex kards tat-takografu validi tal-ewwel ġenerazzjoni jiġu ssostitwiti.

a) “attivazzjoni” tfisser:

il-fażi li fiha t-takografu jsir kompletament operattiv u jimplimenta l-funzjonijiet kollha, inklużi l-funzjonijiet ta' sigurtà, permezz tal-użu ta' kard tal-workshop;

b) “awtentikazzjoni” tfisser:

funzjoni maħsuba biex tistabbilixxi u tivverifika l-identità;

c) “awtentiċità” tfisser:

il-propjetà li xi informazzjoni ġejja minn entità li l-identità tagħha tista' tiġi vverifikata;

d) “test integrat (built-in-test — BIT)” tfisser:

testijiet li jsiru fuq talba, mibdija mill-operatur jew minn apparat estern;

e) “jum kalendarju” tfisser:

jum li jibda minn 00.00 u jintemm f'24.00. Il-jiem kalendarji kollha jikkonċernaw il-ħin UTC (il-Ħin Universali Kkoordinat);

f) “kalibrazzjoni” ta' takografu intelliġenti tfisser:

l-aġġornament jew il-konferma tal-parametri tal-vettura li għandhom jinżammu fil-memorja tad-dejta. Il-parametri tal-vettura jinkludu l-identifikazzjoni tal-vettura (il-VIN, VRN u l-Istat Membru li qed jirreġistraha) u l-karatteristiki tal-vettura (w, k, l, id-daqs tat-tajer, is-setting tal-limitatur tal-veloċità (jekk japplika), il-ħin attwali tal-UTC, il-valur attwali tal-odometru); matul il-kalibrazzjoni tal-apparat tar-rekordjar, it-tipi u l-identifikaturi rilevanti kollha tas-siġilli rilevanti għall-approvazzjoni tat-tip li jkunu mwaħħlin għandhom jinħażnu wkoll fil-memorja tad-dejta;

kull aġġornament jew konferma tal-ħin UTC biss għandu jkun ikkunsidrat bħala aġġustament tal-ħin u mhux bħala kalibrazzjoni, sakemm ma jkunx jikkontradixxi r-Rekwiżit 409.

il-kalibrazzjoni ta' apparat tar-rekordjar tesiġi l-użu ta' kard tal-workshop;

g) “numru tal-kard” tfisser:

numru ta' 16-il karattru alfa-numeriku li jidentifika b'mod uniku kard tat-takografu fi Stat Membru. In-numru tal-kard jinkludi indiċi konsekuttiv tal-kard (jekk japplika), indiċi għas-sostituzzjoni tal-kard u indiċi għat-tiġdid tal-kard;

il-kard għalhekk tiġi identifikata b'mod uniku permezz tal-kodiċi tal-Istat Membru tal-ħruġ u n-numru tal-kard;

h) “indiċi konsekuttiv tal-kard” tfisser:

l-14-il karattru alfanumeriku tan-numru tal-kard li jintuża biex jintgħarfu l-kards differenti maħruġa lill-istess kumpanija, workshop jew awtorità ta' kontroll intitolata li jinħarġulha diversi kards tat-takografu. Il-kumpanija, workshop jew awtorità ta' kontroll huma identifikati b'mod uniku permezz tal-ewwel 13-il karattru tan-numru tal-kard;

i) “indiċi għat-tiġdid tal-kard” tfisser:

is-16-il karattru alfanumeriku tan-numru tal-kard li jiżdied kull darba li l-kard tat-takografu tiġġedded;

j) “indiċi għas-sostituzzjoni tal-kard” tfisser:

il-15-il karattru alfanumeriku tan-numru tal-kard li jiżdied kull darba li l-kard tat-takografu tiġi ssostitwita;

k) “koeffiċjent karatteristiku tal-vettura” tfisser:

il-karatteristika numerika li tagħti l-valur tas-sinjal tal-output maħruġ mill-parti tal-vettura li jorbotha mal-apparat tar-rekordjar (ix-xaft jew fus ħiereġ mill-gearbox) waqt li l-vettura tivvjaġġa distanza ta' kilometru wieħed taħt kondizzjonijiet standard tat-test, kif definit skont ir-rekwiżit 414. Il-koeffiċjent karatteristiku huwa espress f'impulsi kull kilometru (w=…imp/km);

l) “kard tal-kumpanija” tfisser:

kard tat-takografu maħruġa mill-awtoritajiet ta' Stat Membru lil impriża tat-trasport li teħtieġ li topera vetturi attrezzati b'takografu, li tidentifika l-impriża tat-trasport u tippermetti l-wiri, it-tniżżil u l-istampar tad-dejta, maħżuna fit-takografu, li jkun ġie llokkjat b'mod sikur minn dik l-impriża tat-trasport;

m) “kostant tal-apparat tar-rekordjar” tfisser:

il-karatteristika numerika li tagħti valur lis-sinjal tal-input meħtieġ biex juri u jirreġistra distanza vvjaġġata ta' kilometru; dan il-kostant għandu jkun espress f'impulsi kull kilometru (k =…imp/km);

n) “il-ħin ta' sewqan kontinwu” huwa kkalkulat fl-apparat tar-rekordjar bħala ( 7 ):

il-ħin ta' sewqan kontinwu jiġi kkalkulat bħala l-ħinijiet kurrenti ta' sewqan akkumulati ta' sewwieq partikolari, mill-aħħar perjodu ta' DISPONIBBILITÀ jew BREJK/MISTRIEĦ jew MHUX MAGĦRUF ( 8 ) tiegħu ta' 45 minuta jew iżjed (dan il-perjodu jista' jkun inqasam skont ir-Regolament (KE) Nru 561/2006 tal-Parlament Ewropew u tal-Kunsill ( 9 )). Il-kalkoli involuti jqisu, kif xieraq, attivitajiet imgħoddija maħżuna fuq il-kard tas-sewwieq. Meta s-sewwieq ma jkunx daħħal il-kard tiegħu, il-kalkoli involuti huma bbażati fuq ir-rekords tal-memorja tad-dejta relatata mal-perjodu kurrenti meta l-ebda kard ma ddaħħlet u ntrabtet mal-islott rilevanti;

o) “kard ta' kontroll” tfisser:

kard tat-takografu maħruġa mill-awtoritajiet ta' Stat Membru lil awtorità tal-kontroll nazzjonali kompetenti li tidentifika l-korp tal-kontroll u, b'mod fakultattiv, l-uffiċjal tal-kontroll, u li tippermetti aċċess għad-dejta maħżuna fil-memorja tad-dejta jew fil-kards tas-sewwieq u, b'mod fakultattiv, fil-kards tal-workshop għall-qari, l-istampar u/jew it-tniżżil;

Għandha wkoll tagħti aċċess għall-funzjoni tal-kontroll tal-kalibrazzjoni mal-ġenb tat-triq u għad-dejta fl-apparat għall-qari tal-komunikazzjonijiet dwar id-detezzjoni remota bikrija.

p) “il-ħin ta' mistrieħ kumulattiv” jiġi kkalkulat fl-apparat tar-rekordjar bħala (9) :

il-ħin ta' mistrieħ kumulattiv huwa kkalkulat bħala l-ħinijiet kurrenti akkumulati ta' DISPONIBBILTÀ jew BREJK/MISTRIEĦ jew MHUX MAGĦRUF (9)  ta' 15-il minuta jew iżjed ta' sewwieq partikolari mit-tmiem tal-aħħar perjodu ta' 45 minuta jew iktar ta' DISPONIBBILTÀ jew BREJK/MISTRIEĦ jew MHUX MAGĦRUF (9)  (dan il-perjodu jista' jkun inqasam skont ir-Regolament (KE) Nru 561/2006).

Il-kalkoli involuti jqisu, kif xieraq, attivitajiet imgħoddija maħżuna fuq il-kard tas-sewwieq. Perjodi mhux magħrufa ta' dewmien negattiv (bidu ta' perjodu mhux magħruf > tmiem il-perjodu mhux magħruf) minħabba trikkib ta' ħinijiet bejn żewġ apparati differenti tar-rekordjar, ma jitqisux għall-finijiet tal-kalkolu.

Meta s-sewwieq ma jkunx daħħal il-kard tiegħu, il-kalkoli involuti huma bbażati fuq ir-rekords tal-memorja tad-dejta relatata mal-perjodu kurrenti meta l-ebda kard ma ddaħħlet u ntrabtet mal-islott rilevanti

q) “memorja tad-dejta” tfisser:

apparat ta' ħżin ta' dejta elettroniku integrat fil-apparat tar-rekordjar;

r) “firma diġitali” tfisser:

dejta mehmuża ma', jew trasformazzjoni kriptografika ta', blokka ta' dejta li tippermetti lil min jirċievi l-blokka tad-dejta japprova l-awtentiċità u l-integrità tal-blokk tad-dejta;

s) “tniżżil” tfisser:

l-ikkopjar, flimkien mal-firma diġitali, ta' parti minn, jew sett sħiħ ta' fajls tad-dejta rreġistrati fil-memorja tad-dejta tal-unità tal-vettura jew fil-memorja ta' kard tat-takografu, bil-kundizzjoni li dan il-proċess ma jibdilx jew iħassar xi dejta maħżuna;

Il-manifatturi tal-unitajiet tat-takografi intelliġenti tal-vetturi u l-manifatturi tal-apparat iddisinjat u maħsub għat-tniżżil ta' fajls tad-dejta, għandhom jieħdu l-passi kollha raġonevoli biex jiżguraw li t-tniżżil ta' dejta bħal din ikun jista' jsir malajr kemm jista' jkun mill-intrapriżi tat-trasport jew mis-sewwieqa.

It-tniżżil tal-fajl iddettaljat tal-veloċità mhux bilfors ikun meħtieġ biex tkun stabbilita l-konformità mar-Regolament (KE) Nru 561/2006, imma jista' jintuża għal raġunijiet oħrajn, bħal fl-investigazzjoni dwar xi inċident.

t) “kard tas-sewwieq” tfisser:

kard tat-takografu, maħruġa mill-awtoritajiet ta' Stat Membru lil sewwieq partikolari, li tidentifika s-sewwieq u tippermetti l-ħżin tad-dejta dwar l-attività tas-sewwieq;

u) “ċirkonferenza effettiva tar-roti” tfisser:

il-medja tad-distanzi vjaġġati minn kull rota li tmexxi l-vettura (roti ta' propulsjoni) matul dawra sħiħa. Il-kejl ta' dawn id-distanzi għandu jsir f'kondizzjonijiet ta' ttestjar standard kif definit fir-rekwiżit 414 u huwa espress fil-forma “l =… mm”. Il-manifatturi tal-vetturi jistgħu jibdlu l-kejl ta' dawn id-distanzi b'kalkolu teoretiku li jqis id-distribuzzjoni tat-toqol fuq il-fusien, bil-vettura mhux mgħobbija f'sitwazzjoni ta' operazzjoni normali ( 10 ). Il-metodi għall-kalkoli teoretiċi bħal dawn huma soġġetti għall-approvazzjoni minn awtorità kompetenti tal-Istati Membri u jistgħu jseħħu biss qabel l-attivazzjoni tat-takografu.

v) “event” tfisser:

operazzjoni anormali li nqabdet mit-takografu intelliġenti li tista' tirriżulta minn tentattiv ta' frodi;

w) “faċilità tal-GNSS esterna” tfisser:

faċilità li fiha r-riċevitur tal-GNSS meta l-unità tal-vettura ma tkunx unità waħda, kif ukoll komponenti oħrajn meħtieġa għall-protezzjoni tal-komunikazzjoni ta' dejta dwar il-pożizzjoni lill-bqija tal-unità tal-vettura;

x) “ħsara” tfisser:

operazzjoni anormali mikxufa mit-takografu intelliġenti li tista' tirriżulta minn ħsara jew falliment tal-apparat;

y) “riċevitur GNSS” tfisser:

apparat elettroniku li jirċievi u jipproċessa s-sinjali diġitali minn Sistema Globali ta' Navigazzjoni bis-Satellita (GNSS, bl-Ingliż) waħda jew aktar sabiex jipprovdi informazzjoni marbuta mal-pożizzjoni, il-veloċità u l-ħin.

z) “stallazzjoni” tfisser:

l-armar ta' takografu f'vettura;

aa) “interoperabbiltà” tfisser:

il-kapaċità tas-sistemi u tal-proċessi kummerċjali sottostanti li jgħaddu d-dejta lil xulxin u jaqsmu l-informazzjoni bejniethom;

bb) “interfaċċa” tfisser:

faċilità bejn sistema u oħra li tipprovdi l-mezz li bih dawn jistgħu jikkollegaw ma' xulxin u jinteraġixxu bejniethom;

cc) “pożizzjoni” tfisser:

koordinati ġeografiċi tal-vettura f'mument partikolari;

dd) “sensor tal-moviment” tfisser:

parti mit-takografu li tipprovdi sinjal rappreżentattiv tal-veloċità tal-vettura u/jew id-distanza vvjaġġata;

ee) “kard mhux valida” tfisser:

kard li ntgħarfet bħala difettuża, jew li l-awtentikazzjoni inizjali tagħha falliet, jew li l-bidu tad-data tal-validità tagħha għadha ma ntlaħqitx, jew li d-data tal-iskadenza tagħha għaddiet;

ff) “standard miftuħ” tfisser:

standard li jidher f'dokument ta' speċifikazzjoni ta' standard, disponibbli mingħajr ħlas jew bi prezz nominali li jista' jiġi kkopjat, imqassam jew użat b'xejn inkella bi prezz nominali.

gg) “barra mill-ambitu” tfisser:

meta l-użu tal-apparat tar-rekordjar ma jkunx meħtieġ, skont id-disposizzjonijiet tar-Regolament tal-Kunsill (KEE) Nru 561/2006.

hh) “sewqan b'veloċità eċċessiva” tfisser:

il-qbiż tal-veloċità awtorizzata tal-vettura, definit bħal kull perjodu ta' iktar minn 60 sekonda li fih il-veloċità tal-vettura taqbeż il-limitu indikat fl-apparat tal-limitazzjoni tal-veloċità stipulat fid-Direttiva tal-Kunsill 92/6/KEE ( 11 ), kif emendata l-aħħar;

ii) “spezzjoni perjodika” tfisser:

sett ta' operazzjonijiet imwettqa biex ikun ivverifikat li t-takografu jaħdem tajjeb, li s-settings tiegħu jikkorrispondu mal-parametri tal-vettura, u li mat-takografu ma hemm imwaħħal ebda apparat ta' manipulazzjoni;

jj) “printer” tfisser:

komponent tal-apparat tar-rekordjar li jipprovdi riproduzzjoni stampata tad-dejta maħżuna;

kk) “komunikazzjoni ta' detezzjoni remota bikrija” tfisser:

Komunikazzjoni bejn il-faċilità għall-komunikazzjoni dwar id-detezzjoni remota bikrija u l-apparat għall-qari tal-komunikazzjonijiet dwar id-detezzjoni remota bikrija matul il-kontrolli mmirati mal-ġenb tat-triq bil-għan li jiġu identifikati b'mod remot, każijiet possibbli ta' manipulazzjoni jew użu ħażin tal-apparat ta' rekordjar;

ll) “faċilità tal-komunikazzjoni remota” tfisser:

l-apparat tal-unità tal-vettura li jintuża biex isiru l-kontrolli mmirati mal-ġenb tat-triq;

mm) “apparat għall-qari tal-komunikazzjonijiet dwar id-detezzjoni remota bikrija” tfisser:

Is-sistema użata mill-uffiċjali tal-kontroll għal kontrolli mmirati mal-ġenb tat-triq.

nn) “tiġdid” tfisser:

il-ħruġ ta' kard tat-takografu ġdida meta l-kard eżistenti tilħaq id-data tal-iskadenza tagħha, jew meta tingħata lura lill-awtorità emittenti minħabba li ma baqgħetx taħdem sewwa. It-tiġdid dejjem ikun ifisser b'ċertezza li żewġ kards validi ma jeżistux fl-istess ħin.

oo) “tiswija” tfisser:

kull tiswija ta' sensor tal-moviment jew ta' unità ta' vettura jew ta' cable li teħtieġ l-iskonnessjoni tal-provvista tal-elettriku tagħha, jew l-iskonnessjoni tagħha minn komponenti oħra tat-takografu, jew il-ftuħ tas-sensor tal-moviment jew tal-unità tal-vettura;

pp) “sostituzzjoni tal-kard” tfisser:

il-ħruġ ta' kard tat-takografu li tissostitwixxi kard eżistenti, li ġiet iddikjarata bħala mitlufa, misruqa jew li qed taħdem ħażin u li ma ngħatatx lura lill-awtorità emittenti. F'każ ta' sostituzzjoni dejjem hemm ir-riskju li żewġ kards validi jistgħu jeżistu fl-istess ħin;

qq) “ċertifikazzjoni tas-sigurtà” tfisser:

proċess sabiex ikun iċċertifikat, minn entità taċ-ċertifikazzjoni tal-Kriterji Komuni, li l-apparat tar-rekordjar (jew komponent) jew il-kard tat-takografu li qed jiġu investigati jissodisfaw ir-rekwiżiti tas-sigurtà definiti fil-Profili ta' Protezzjoni rilevanti;

rr) “test awtodijanjostiku” tfisser:

testijiet magħmula f'intervalli regolari u awtomatikament mill-apparat tar-rekordjar sabiex jinsabu l-ħsarat;

ss) “kejl tal-ħin” tfisser:

reġistru diġitali permanenti tad-data u l-ħin universali kkoordinat (UTC);

tt) “aġġustament tal-ħin” tfisser:

aġġustament awtomatiku tal-ħin attwali f'intervalli regolari u b'tolleranza massima ta' minuta, jew aġġustament magħmul waqt kalibrazzjoni;

uu) “id-daqs tat-tajer” tfisser:

id-deżinjazzjoni tad-dimensjonijiet tat-tajers (roti motorizzati esterni) skond id-Direttiva tal-Kunsill 92/23/KEE ( 12 ), kif emendata l-aħħar;

vv) “identifikazzjoni tal-vettura” tfisser:

numri li jiddentifikaw il-vettura: in-numru tar-reġistrazzjoni tal-vettura (VRN) bl-indikazzjoni tal-Istat Membru tar-reġistrazzjoni u n-numru tal-identifikazzjoni tal-vettura (VIN) ( 13 );

ww) għall-finijiet tal-kalkoli, fl-apparat tar-rekordjar, “ġimgħa”tfisser:

il-perjodu bejn 00:00 UTC nhar ta' Tnejn u 24:00 UTC nhar ta' Ħadd;

xx) “kard tal-workshop” tfisser:

kard tat-takografu maħruġa mill-awtoritajiet ta' Stat Membru lil persunal magħżul ta' manifattur tat-takografi, fitter, manifattur tal-vetturi jew workshop approvata minn dak l-Istat Membru li tidentifika lid-detentur tal-kard u tippermetti l-ittestjar, il-kalibrazzjoni u l-attivazzjoni tat-takografi u/jew it-tniżżil tad-dejta minnhom;

yy) “adapter” tfisser:

Apparat, li jipprovdi sinjal permanentament rappreżentattiv tal-veloċità tal-vettura u/jew id-distanza vvjaġġata, għajr dak użat għad-detezzjoni tal-moviment indipendenti, u li huwa:

L-użu ta' adapter bħal dan f'dawk il-vetturi deskritti hawn fuq għandu jippermetti li unità tal-vettura konformi mar-rekwiżiti ta' dan l-Anness tiġi installata u użata b'mod korrett,

għal dawk il-vetturi, it-takografu intelliġenti jinkludi l-kejbils, l-adapter, u unità tal-vettura;

zz) “integrità tad-dejta” tfisser:

l-akkuratezza u l-konsistenza tad-dejta maħżuna, indikati minn nuqqas ta' kwalunkwe tibdil fid-dejta bejn żewġ aġġornamenti ta' rekord tad-dejta. L-integrità timplika li d-dejta hija kopja eżatta tal-verżjoni oriġinali, eż. li ma ġietx korrotta fil-proċess tal-kitba lejn, jew il-qari lura minn, kard tat-takografu jew apparat apposta, inkella matul it-trażmissjoni permezz ta' kwalunkwe mezz ta' komunikazzjoni;

aaa) “privatezza tad-dejta” tfisser:

il-miżuri tekniċi ġenerali meħuda biex tiġi żgurata l-implimentazzjoni xierqa tal-prinċipji stipulati fid-Direttiva 95/46/KE tal-Parlament Ewropewu tal-Kunsill ( 15 ) kif ukoll ta' dawk stabbiliti fid-Direttiva 2002/58/KE tal-Parlament Ewropew u tal-Kunsill ( 16 );

bbb) “sistema tat-takografu intelliġenti” tfisser:

l-apparat ta' rekordjar, kards tat-takografu u s-sett tal-apparat kollu li jinteraġixxi magħhom direttament jew indirettament matul il-kostruzzjoni, l-istallazzjoni, l-użu, l-ittestjar u l-kontroll tagħhom, bħalma huma l-kards, l-apparat ta' qari mill-bogħod u kwalunkwe apparat ieħor għat-tniżżil tad-dejta, l-analiżi tad-dejta, kalibrazzjoni, ġenerazzjoni, ġestjoni jew introduzzjoni tal-elementi tas-sigurtà eċċ.;

ccc) “data tal-introduzzjoni”:

36 xahar wara d-dħul fis-seħħ tad-dispożizzjonijiet dettaljati kif imsemmija fl-Artikolu 11 tar-Regolament (UE) Nru 165/2014 tal-Parlament Ewropew u tal-Kunsill ( 17 ).

Din hija d-data li warajha, vetturi rreġistrati għall-ewwel darba:

ddd) “profil ta' protezzjoni” tfisser:

dokument użat bħala parti minn proċess ta' ċertifikazzjoni skont Kriterji Komuni, li jipprovdi speċifikazzjoni indipendenti mill-implimentazzjoni tar-rekwiżiti dwar is-sigurtà tal-assigurazzjoni tal-informazzjoni;

eee) “akkuratezza” tal-GNSS:

fil-kuntest tar-rekordjar l-pożizzjoni mis-Sistema Globali ta' Navigazzjoni bis-Satellita (GNSS) permezz tat-takografi, din tfisser il-valur ta' Dilwizzjoni tal-Preċiżjoni Orizzontali (HDOP) ikkalkulat bħala l-minimu ta' valuri HDOP miġbura fuq is-sistemi GNSS disponibbli.

01) L-apparat tar-rekordjar jinkludi cables, sensor tal-moviment, u unità tal-vettura.

02) L-interfaċċa bejn is-sensors tal-moviment u l-unitajiet tal-vetturi għandha tikkonforma mar-rekwiżiti speċifikati fl-Appendiċi 11.

03) L-unità tal-vettura għandha tkun konnessa ma' sistema/i globali ta' navigazzjoni bis-satellita, kif speċifikat f'Appendiċi 12.

04) L-unità tal-vettura għandha tikkomunika ma' apparati għall-qari tal-komunikazzjonijiet dwar id-detezzjoni remota bikrija kif speċifikat f'Appendiċi 14.

05) L-unità tal-vettura tista' tinkludi interfaċċa ITS, kif speċifikat fl-Appendiċi 13.

L-apparat ta' rekordjar jista' jkun imqabbad ma' faċilitajiet oħra permezz ta' interfaċċi addizzjonali u permezz ta' interfaċċa ITS fakultattiva.

06) Kwalunkwe inklużjoni fi jew konnessjoni mal-apparat tar-rekordjar ta' kwalunkwe funzjoni, apparat jew apparati, approvati jew le, ma għandhiex tinterferixxi ma', jew tkun kapaċi tinterferixxi mal-operazzjoni korretta u sigura tal-apparat tar-rekordjar u d-dispożizzjonijiet ta' dan ir-Regolament.

L-utenti tal-apparat tar-rekordjar għandhom jidentifikaw rwieħhom mal-apparat permezz ta' kards tat-takografu.

07) L-apparat tar-rekordjar jipprovdi drittijiet ta' aċċess selettivi għad-dejta u funzjonijiet skont it-tip tal-utent u/jew l-identità.

08) L-apparat tar-rekordjar għandu jassigura l-funzjonijiet li ġejjin:

09) L-apparat tar-rekordjar għandu jkollu erba' modalitajiet tat-tħaddim:

10) L-apparat tar-rekordjar għandu jaqleb għall-modalità tal-operazzjoni segwenti skont il-kards tat-takografu validi mdaħħla fl-apparat ta' interfaċċa tal-kards. Sabiex tiġi ddeterminata l-modalità tal-operazzjoni, il-ġenerazzjoni tal-kard tat-takografu mhix rilevanti, jekk il-kard imdaħħla tkun valida. Kard tal-workshop tal-ewwel ġenerazzjoni dejjem titqies bħala mhux valida meta tiddaħħal f'VU tal-ewwel ġenerazzjoni.

11) L-apparat tar-rekordjar għandu jinjora kards imdaħħla li ma jkunux validi, ħlief għal finijiet ta' wiri, stampar jew tniżżil tad-dejta miżmuma fuq kard skaduta, li xorta għandhom jibqgħu possibbli.

12) Il-funzjonijiet kollha elenkati f' 2.2 għandhom jaħdmu fi kwalunkwe modalità tal-operazzjoni bl-eċċezzjonijiet li ġejjin:

13) L-apparat tar-rekordjar jista' joħroġ kwalunkwe element tad-dejta fuq display, printer jew interfaċċi esterni, bl-eċċezzjonijiet li ġejjin:

14) Sabiex tinkiseb is-sigurtà tas-sistema, il-komponenti li ġejjin għandhom jissodisfaw ir-rekwiżiti tas-sigurtà speċifikati fil-Profili ta' Protezzjoni tagħhom, kif jirrikjedi l-Appendiċi 10:

15) L-apparat tar-rekordjar għandu jżomm l-apparat tal-interfaċċa tal-kards taħt monitoraġġ sabiex jiġu rilevati l-okkorrenzi tal-inserzjoni u t-tneħħija tal-kards.

16) Malli l-kard tiddaħħal, l-apparat tar-rekordjar għandu jagħraf jekk il-kard li ddaħħlet hijiex kard tat-takografu valida, u jekk dan huwa l-każ, għandu jidentifika t-tip ta' kard kif ukoll il-ġenerazzjoni tagħha.

Jekk kard bl-istess numru tal-kard u indiċi ta' tiġdid ogħla diġà tkun iddaħħlet fl-apparat tar-rekordjar, il-kard għandha tiġi ddikjarata bħala mhux valida.

Jekk kard bl-istess numru tal-kard u l-istess indiċi ta' tiġdid iżda b'indiċi ta' sostituzzjoni ogħla diġà tkun iddaħħlet fl-apparat tar-rekordjar, il-kard għandha tiġi ddikjarata bħala mhux valida.

17) Jekk il-possibbiltà li jintużaw kards tat-takografu tal-ewwel ġenerazzjoni tkun tneħħiet minn workshop partikolari, dawn il-kards għandhom jitqiesu bħala mhux validi mill-apparat ta' rekordjar, f'konformità mal-Appendiċi 15 (rek. MIG003).

18) Kards tal-workshop tal-ewwel ġenerazzjoni li jiddaħħlu f'apparat tar-rekordjar tat-tieni ġenerazzjoni għandhom jitqiesu bħala mhux validi.

19) L-apparat tar-rekordjar għandu jkun iddisinjat b'tali mod li l-kards tat-takografu jiġu llokkjati f'posthom meta jiddaħħlu kif suppost fl-apparat tal-interfaċċa tal-kard f'pożizzjoni mal-inserzjoni xierqa tagħhom fl-apparat tal-interfaċċa tal-kard.

20) Ir-rilaxx tal-kards tat-takografu jista' jiffunzjona biss meta l-vettura tkun wieqfa u wara li d-dejta rilevanti tkun ġiet maħżuna fuq il-kards. Ir-rilaxx tal-kard għandu jirriżulta minn azzjoni pożittiva mill-utent.

21) Is-sensor tal-moviment (possibilment integrat fl-adapter) huwa s-sors ewlieni għall-kejl tal-veloċità u tad-distanza.

22) Din il-funzjoni għandha tkejjel kontinwament u tkun kapaċi tipprovdi l-valur tal-odometru korrispondenti mad-distanza totali vjaġġata mill-vettura permezz tal-pulsazzjonijiet imwassla mis-sensor tal-moviment.

23) Din il-funzjoni għandha tkejjel kontinwament u tkun kapaċi tipprovdi l-veloċità tal-vettura permezz tal-pulsazzjonijiet imwassla mis-sensor tal-moviment.

24) Il-funzjoni tal-kejl tal-veloċità għandha tipprovdi wkoll l-informazzjoni dwar jekk il-vettura hijiex miexja jew wieqfa. Il-vettura għandha titqies li hija miexja malli l-funzjoni tagħraf iktar minn 1 imp/sek għal mill-inqas 5 sekondi mis-sensor tal-moviment, inkella l-vettura titqies li tkun wieqfa.

25) Apparat li juri l-veloċità (takometru) u d-distanza totali li mxiet il-vettura (odometru) installat f'kull vettura armata b'apparat tar-rekordjar li jikkonforma mad-disposizzjonijiet ta' dan ir-Regolament, għandu jikkonforma mar-rekwiżiti marbuta mat-tolleranzi massimi (ara 3.2.1. u 3.2.2.) stipulati f'dan l-Anness.

26) Sabiex tiġi rilevata l-manipulazzjoni tad-dejta dwar il-moviment, l-informazzjoni mis-sensor tal-moviment għandha tkun ikkoraborata minn informazzjoni dwar il-moviment tal-vettura meħuda riċevitur tal-GNSS u, b'mod fakultattiv, minn sors wieħed jew aktar li huwa/huma indipendenti mis-sensor tal-moviment.

27) Din il-funzjoni għandha tkejjel il-pożizzjoni tal-vettura sabiex tippermetti r-rekordjar awtomatika ta':

28) Id-distanza vjaġġata tista' titkejjel jew:

29) L-apparat tar-rekordjar għandu jkejjel id-distanza minn 0 sa 9 999 999,9 km.

30) Id-distanza mkejla għandha tkun skont it-tolleranzi li ġejjin (distanzi ta' mill-inqas 1 000 m):

31) Id-distanza mkejla għandha jkollha riżoluzzjoni ta' 0,1 km jew aħjar.

32) L-apparat tar-rekordjar għandu jkejjel veloċità minn 0 sa 220 km/h.

33) Biex tiġi żgurata tolleranza massima fuq il-veloċità murija ta' ±6 km/h waqt l-użu, u titqies:

l-apparat tar-rekordjar għandu, għal veloċitajiet bejn 20 u 180 km/h, u għall-koeffiċjenti karatteristiċi tal-vettura bejn 4 000 u 25 000 imp/km, ikejjel il-veloċità b'tolleranza ta' ±1 km/h (f'veloċitá kostanti).

Nota: Ir-riżoluzzjoni tal-ħżin tad-dejta ġġib magħha tolleranza addizzjonali ta' ±0,5 km/h lill-veloċità maħżuna fl-apparat tar-rekordjar.

34) Il-veloċità għandha titkejjel b'mod korrett f'tolleranzi normali f'ħin ta' 2 sekondi tat-tmiem ta' bidla fil-veloċità meta l-veloċità tkun inbidlet b'rata sa' 2 m/s2.

35) Il-veloċità mkejla għandu jkollha riżoluzzjoni ta' 1 km/h jew aħjar.

36) l-apparat tar-rekordjar għandu jkejjel il-pożizzjoni assoluta tal-vettura bl-użu tar-riċevitur GNSS.

37) Il-pożizzjoni assoluta titkejjel f'koordinati ġeografiċi ta' latitudni u lonġitudni fi gradi u minuti b'riżoluzzjoni ta' 1/10 ta' minuta.

38) Il-funzjoni tal-kejl tal-ħin għandha tieħu l-kejl b'mod permanenti u tipprovdi b'mod diġitali d-data u l-ħin UTC.

39) It-data u l-ħin UTC għandhom jintużaw sabiex tingħata data lid-dejta ta' ġol-apparat tar-rekordjar (ir-rekords, l-iskambju tad-dejta) u lill-printouts kollha speċifikati fl-Appendiċi 4 ‘Printouts’

40) Sabiex jintwera l-ħin lokali, għandu jkun possibbli li jinbidel l-offset tal-ħin muri, f'passi ta' nofs siegħa. Mhumiex permessi offsets oħra għajr multipli ta' nofs sigħat anqas jew aktar;

41) Id-deriva tal-ħin għandha tkun f' ± 2 sekondi kull ġurnata fil-kondizzjonijiet tal-approvazzjoni tat-tip, fin-nuqqas ta' kwalunkwe aġġustament tal-ħin.

42) Il-ħin imkejjel għandu jkollu riżoluzzjoni ta' sekonda (1) jew aħjar.

43) Il-kejl tal-ħin ma għandux ikun affettwat minn qtugħ ta' provvista tal-elettriku estern ta' inqas minn 12-il xahar fil-kondizzjonijiet tal-approvazzjoni tat-tip.

44) Din il-funzjoni għandha b'mod permanenti u separatament twettaq monitoraġġ tal-attivitajiet ta' sewwieq wieħed u ta' kosewwieq wieħed.

45) L-attività tas-sewwieq għandha tkun ta' SEWQAN, XOGĦOL, DISPONIBBILTÀ, jew BREJK/MISTRIEĦ.

46) Għandu jkun possibbli għas-sewwieq u/jew il-kosewwieq li jagħżel b'mod manwali XOGĦOL, DISPONIBBILTÀ, jew BREJK/MISTRIEĦ.

47) Meta l-vettura tkun miexja, l-attività SEWQAN għandha tintgħażel awtomatikament għas-sewwieq u DISPONIBBILTÀ għandha tintagħżel awtomatikament għall-kosewwieq.

48) Meta tieqaf il-vettura, l-attività XOGĦOL għandha tintagħżel awtomatikament għas-sewwieq.

49) L-ewwel bidla tal-attività minn MISTRIEĦ għal DISPONIBBILTÀ li ssir f'ħin ta' 120 sekonda mill-bidla awtomatika għal XOGĦOL minħabba li l-vettura tieqaf, titqies li seħħet fil-ħin li waqfet il-vettura (għalhekk possibbilment tħassar il-bidla għal XOGĦOL).

50) Din il-funzjoni għandha toħroġ bidliet fl-attività lejn il-funzjonijiet tar-reġistrazzjoni b'riżoluzzjoni ta' minuta waħda.

51) F'minuta tal-kalendarju, jekk SEWQAN hija rreġistrata bħala l-attività kemm tal-minuta immedjatament qabel kif ukoll tal-minuta successiva, il-minuta kollha tittieħed bħala SEWQAN.

52) F'minuta tal-kalendarju li ma titqiesx bħala SEWQAN skont ir-rekwiżit 051, il-minuta sħiħa għandha titqies bħala tal-istess tip ta' attività bħall-itwal attività kontinwa f'dik il-minuta (jew l-aħħar waħda minn sensiela ta' attivitajiet tal-istess tul).

53) Din il-funzjoni għandha timmonitorja b'mod permanenti s-sewqan kontinwu u l-ħin tal-mistrieħ kumulattiv tas-sewwieq.

54) Din il-funzjoni għandha timmonitorja b'mod permanenti u awtomatiku l-istatus tas-sewqan.

55) L-istatus tas-sewqan EKWIPAĠĠ għandu jintgħażel meta żewġ kards validi tas-sewqan jiddaħħlu fl-apparat, l-istatus tas-sewqan SINGOLU għandu jintgħażel f'kull każ ieħor.

56) Din il-funzjoni għandha tippermetti li jiddaħħlu postijiet fejn, skont tas-sewwieq u/jew il-kosewwieq, jibdew u/jew jispiċċaw il-perjodi ta' xogħol kuljum.

57) Il-postijiet huma definiti bħala l-pajjiż, u ma' dan, fejn huwa applikabbli, ir-reġjun, u dawn jiddaħħlu jew jiġu konfermati manwalment.

58) Fil-ħin li s-sewwieq ineħħi il-card, l-apparat tar-rekordjar għandu jgħid lill-(ko-)sewwieq li għandu jdaħħal “post fejn jintemm il-perjodu tax-xogħol ta' kuljum”.

59) Is-sewwieq imbagħad għandu jdaħħal il-post kurrenti tal-vettura, u din għandha titqies bħala entrata temporanja.

60) Għandu jkun possibbli li permezz ta' kmandi mill-menus, jiddaħħlu postijiet fejn jibdew u/jew jispiċċaw il-perjodi ta' xogħol kuljum. Jekk f'minuta tal-kalendarju jsir aktar minn input wieħed bħal dan, jinżammu biss l-aħħar input tal-post tal-bidu, u l-aħħar input tal-post tat-tmiem f'dak il-ħin.

61) Hekk kif tiddaħħal il-kard tas-sewwieq (jew tal-workshop), u f'dan il-ħin biss, l-apparat tar-rekordjar għandu jippermetti li l-attivitajiet jiddaħħlu manwalment. Id-dħul manwali tal-attivitajiet għandu jsir bil-valuri lokali tal-ħin u tad-data taż-żona tal-ħin (id-differenza tal-UTC) li tkun stipulata fl-unità tal-vettura dak il-ħin.

Hekk kif tiddaħħal il-kard tas-sewwieq jew tal-workshop, id-detentur tal-kard għandu jiġi mfakkar dwar:

Mal-ewwel darba li tiddaħħal kard tas-sewwieq partikolari jew kard tal-workshop attwalment mhux magħrufa mill-unità tal-vettura, id-detentur tal-kard għandu jiġi mistieden jesprimi l-kunsens tiegħu għal out tad-dejta personali marbuta mat-takografu, permezz tal-interfaċċa fakultattiva tal-ITS.

Fi kwalunkwe mument, il-kunsens tas-sewwieq (jew tal-workshop) jista' jiġi attivat jew diżattivat permezz ta' kmandi fil-menu, bil-kundizzjoni li tkun iddaħħlet il-kard tas-sewwieq (jew tal-workshop).

Għandu jkun possibbli li wieħed idaħħal attivitajiet, bir-restrizzjonijiet li ġejjin:

Għandu jkun possibbli li jsir dħul manwali, jekk meħtieġ, mal-ewwel darba li tiddaħħal kard tas-sewwieq (jew tal-workshop) li ma tkunx intużat qabel.

Il-proċedura biex l-attivitajiet jiddaħħlu manwalment għandha tinkludi l-għadd ta' passi konsekuttivi meħtieġa biex jiġu stipulati tip, ħin tal-bidu u ħin tat-tmiem għal kull attività. Għal kwalunkwe parti tal-perjodu ta' ħin minn meta tkun tneħħiet il-kard l-aħħar sad-dħul attwali tal-kard, id-detentur tal-kard għandu jkollu l-għażla li ma jiddikjara l-ebda attività.

Matul il-entrati manwali assoċjati mad-dħul tal-kard u jekk hu applikabbli, id-detentur tal-kard għandu jkollu l-opportunità jdaħħal:

Jekk id-detentur tal-kard ma jdaħħalx post fejn il-perjodu tax-xogħol jibda jew jintemm, matul l-entrati manwali assoċjati mal-inserzjoni tal-kard, dan għandu jitqies bħala dikjarazzjoni li l-perjodu tax-xogħol tiegħu ma nbidilx mill-aħħar darba li tneħħiet l-aħħar il-kard. L-entrata li jmiss għal post fejn ikun intemm il-perjodu tax-xogħol ta' kuljum ta' qabel, imbagħad għandha tieħu post l-entrata temporanja li tkun saret mal-aħħar tneħħija tal-kard.

Jekk jiddaħħal post, dan għandu jkun irreġistrat fil-kard tat-takografu rilevanti.

L-entrati manwali għandhom jiġu interrotti jekk:

Huma permessi interruzzjonijiet addizzjonali, pereżempju skadenza wara ċertu perjodu ta' nuqqas ta' attività min-naħa tal-utent. Jekk id-dħul manwali jiġi interrott, l-apparat tar-rekordjar għandu jikkonferma kwalunkwe dħul komplut tal-post u tal-attività (jew permezz ta' post u ħin mhux ambigwi, jew permezz tat-tip tal-attività, il-ħin tal-bidu u l-ħin tat-tmiem) li jkunu diġà saru.

Jekk tiddaħħal kard oħra tas-sewwieq jew tal-workshop waqt li jkun qed isir id-dħul manwali tal-attivitajiet għal kard li tkun iddaħħlet qabel, id-dħul manwali għal din kard li tkun iddaħħlet qabel għandu jitħalla jitlesta qabel ma jibda d-dħul manwali għat-tieni kard.

Id-detentur tal-kard għandu jkollu l-għażla li jwettaq id-dħul manwali skont il-proċedura minima li ġejja:

Il-proċedura għandha tintemm meta l-ħin tat-tmiem ta' attività li tkun iddaħħlet manwalment ikun bħall-ħin tad-dħul tal-kard. L-apparat tar-rekordjar jista' mbagħad, b'mod mhux obbligatorju, iħalli lid-detentur tal-kard jimmodifika kwalunkwe attività li tkun iddaħħlet manwalment, sakemm ikun hemm il-konferma permezz tal-għażla ta' kmand speċifiku. Minn dak il-ħin 'il quddiem, għandha tkun ipprojbita kwalunkwe modifika bħal din.

62) L-apparat tar-rekordjar għandu jħalli lis-sewwieq idaħħal, f'ħin reali, iż-żewġ kundizzjonijet speċifiċi li ġejjin:

Ma jistax iseħħ “VJAĠĠ BIL-VAPUR/FERROVIJA” jekk tkun miftuħa l-kundizzjoni “BARRA MILL-AMBITU”.

Il-kundizzjoni “BARRA MILL-AMBITU” li tkun miftuħa għandha tingħalaq awtomatikament mill-apparat tar-rekordjar jekk il-kard tas-sewwieq tiddaħħal jew titneħħa.

Il-kundizzjoni “BARRA MILL-AMBITU” li tkun miftuħa għandha timpedixxi l-eventi u t-twissijiet li ġejjin:

Il-marka tal-bidu tal-VJAĠĠ BIL-VAPUR/FERROVIJA għandha tiġi ssettjata qabel ma tintefa l-magna fuq il-vapur/ferrovija.

VJAĠĠ BIL-VAPUR/FERROVIJA miftuħ għandu jintemm meta tokkorri kwalunkwe waħda mill-għażliet li ġejjin:

VJAĠĠ BIL-VAPUR/FERROVIJA għandu jintemm meta ma jibqax validu abbażi tar-regoli stipulati fir-Regolament (KE) Nru 561/2006.

63) Din il-funzjoni għandha tippermetti l-ġestjoni tal-locks stabbiliti minn kumpanija sabiex tirrestrinġi l-aċċess għad-dejt fil-modalità tal-kumpanija għaliha stess.

64) Locks tal-kumpanija jikkonsistu f'data/ħin tal-bidu (lock-in) u data/ħin tat-tmiem (lock-out) assoċjat mal-identifikazzjoni tal-kumpanija kif muri min-numru tal-kard tal-kumpanija (waqt il-lock-in).

65) Il-locks jistgħu jitbiddlu f'“in” jew “out” f'ħin reali biss.

66) Il-locking-out għandu jkun possibli biss għall-kumpanija li għandha l-lock “in” (kif identifkat mill-ewwel 13-il ċifra tan-numru tal-kard tal-kumpanija), jew,

67) Il-locking-out għandu jkun awtomatiku jekk kumpanija oħra tagħmel lock-in.

68) Fil-każ fejn kumpanija tagħmel lock in u fejn il-lock ta' qabel kienet għall-istess kumpanija, imbagħad jitqies li l-lock ta' qabel ma tbiddlitx għal “out” u tkun għada “in”.

69) Din il-funzjoni għandha twettaq monitoraġġ tal-attivitajiet ta' WIRI, STAMPAR, VU u attivitajiet ta' kontroll tat-TNIŻŻIL tal-kard u KALIBRAZZJONI MAL-ĠENB TAT-TRIQ imwettqa fil-modalità tal-kontroll.

70) Din il-funzjoni għandha timmonitorja ukoll l-attivitajiet ta' KONTROLL TAL-VELOĊITÀ EĊĊESSIVA waqt li tkun attivata l-modalità ta' kontroll. Kontroll tal-veloċità eċċessiva jitqies li jkun seħħ meta, fil-modalità tal-kontroll, il-printout tal-“veloċità eċċessiva” tkun intbagħtet lill-printer jew lill-iskrin, fejn id-dejta dwar “eventi u ħsarat” tkun tniżżlet mill-memorja tad-dejta tal-VU.

71) Din il-funzjoni għandha tikxef l-eventi u/jew ħsarat li ġejjin:

72) Dan l-event għandu jibda mal-inserzjoni ta' kull kard mhux valida u/jew meta tiskadi kard valida mdaħħla.

73) Dan l-event jibda meta sseħħ kwalunkwe waħda mill-kombinazzjonijiet ta' kards validi mmarkati b'X fit-tabella li ġejja:

74) Dan l-event jiġi attivat meta d-data/l-ħin tal-aħħar tneħħija ta' kard tas-sewwieq, kif jinqara mill-kard, ikun iktar tard mid-data/l-ħin kurrenti tal-apparat tar-rekordjar li fih iddaħlet il-kard.

75) Dan l-event jiġi attivat għal kwalunkwe kombinazzjoni ta' kards tat-takografu validi mmarkati b'X fit-tabella li ġejja, fejn l-attività tas-sewwieq tinbidel għal DRIVING (sewqan), jew meta hemm bidla tal-mod tal-operazzjoni waqt l-attività tas-sewwieq hija DRIVING:

76) Dan l-event jiġi attivat meta kard tat-takografu tiddaħħal fi kwalunkwe slott, waqt li l-attività tas-sewwieq tkun SEWQAN.

77) Dan l-event jibda meta mal-inserzjoni tal-kard, l-apparat tar-rekordjar jsib li minkejja d-dispożizzjonijiet stipulati fil-paragrafu 3.1, is-sessjoni preċedenti tal-kard ma ngħalqitx b'mod korrett (il-kard inħarġet qabel id-dejta kollha rilevanti ġiet maħżuna fuqha). Dan l-event jiġi attivat minn kards tas-sewwieqa u tal-workshop biss.

78) Dan l-event jiġi attivat f'kull każ ta' veloċità eċċessiva.

79) Dan l-event jiġi attivat, meta l-modalità tal-kalibrazzjoni jew tal-kontroll ma tkunx qed topera, fil-każ ta' kwalunkwe interruzzjoni li taqbeż 200 millisekonda tal-provvista tal-elettriku tas-sensor tal-moviment u/jew tal-unità tal-vettura. Il-limitu tal-interruzzjoni għandu jiġi definit mill-manifattur. It-tnaqqis fil-provvista tal-elettriku kkawżat mill-istartjar tal-magna tal-vettura ma għandux jipprovoka dan l-event.

80) Dan l-event għandu jiġi attivat, meta l-modalità tal-kalibrazzjoni ma tkunx qed topera u l-faċilità tal-komunikazzjoni remota ma tirrikonoxxix il-wasla b'suċċess ta' dejta ta' komunikazzjoni remota mibgħuta mill-unità tal-vettura, għal aktar minn tliet darbiet.

81) Dan l-event għandu jiġi attivat, meta l-modalità tal-kalibrazzjoni ma tkunx qed topera, fil-każ ta' nuqqas ta' informazzjoni dwar il-pożizzjoni li toriġina minn riċevitur GNSS (kemm intern kif ukoll estern) għal aktar minn tliet sigħat akkumulati ta' sewqan.

82) Dan l-event għandu jiġi attivat, meta l-modalità tal-kalibrazzjoni ma tkunx qed topera, fil-każ ta' interruzzjoni tal-komunikazzjoni bejn il-faċilità tal-GNSS esterna u l-unità tal-vettura għal aktar minn 20 minuta kontinwa, meta l-vettura tkun miexja.

83) Dan l-event għandu jiġi attivat, meta l-modalità tal-kalibrazzjoni ma tkunx qed topera, fil-każ ta' interruzzjoni tal-fluss tad-dejta normali bejn is-sensor tal-moviment u l-unità tal-vettura u/jew fil-każ ta' żball fl-integrità tad-dejta jew fl-awtentikazzjoni tad-dejta matul skambju tad-dejta bejn is-sensor tal-moviment u l-unità tal-vettura.

84) Dan l-event għandu jiġi attivat, meta l-modalità tal-kalibrazzjoni ma tkunx qed topera, fil-każ li l-informazzjoni dwar il-moviment ikkalkulata mis-sensor tal-moviment tiġi kkontradita minn informazzjoni oħra dwar il-moviment ikkalkulata mir-riċevitur tal-GNSS intern jew mill-faċilità tal-GNSS esterna u, fuq bażi fakultattiva, minn sorsi indipendenti oħra, kif speċifikat fl-Appendiċi 12. Dan l-event m'għandux jiġi attivat matul traġitt bil-vapur/ferrovija, kundizzjoni BARRA MILL-AMBITU jew meta l-informazzjoni dwar il-pożizzjoni mir-riċevitur tal-GNSS ma tkunx disponibbli.

85) Dan l-event għandu jiġi attivat, minn kull event ieħor li jaffettwa s-sigurtà tas-sensor tal-moviment u/jew tal-unità tal-vettura u/jew tal-faċilità esterna tal-GNSS kif meħtieġ fl-Appendiċi 10, meta l-modalità tal-kalibrazzjoni ma tkunx qed topera.

86) Dan l-event għandu jiġi attivat, meta l-modalità tal-kalibrazzjoni ma tkunx qed topera, meta l-VU jinnota diskrepanza ta' aktar minn 1 minuta bejn il-funzjoni tal-kejl tal-ħin tal-unità tal-vettura u l-ħin li joriġina mir-riċevitur tal-GNSS. Dan l-event jiġi rreġistrat flimkien mal-valur tal-arloġġ intern tal-unità tal-vettura u b'riżultat tiegħu, isir aġġustament awtomatiku tal-ħin. Wara li jkun ġie attivat event ta' kunflitt tal-ħin, il-VU ma jiġġenerax eventi oħra ta' kunflitt ta' ħin għat-12-il siegħa li jmiss. Dan l-event m'għandux jiġi attivat f'każi fejn l-ebda sinjal validu tal-GNSS ma seta' jinqabad mir-riċevitur tal-GNSS matul l-aħħar 30 jum. Madankollu, meta l-informazzjoni dwar il-pożizzjoni minn ir-riċevitur tal-GNSS huwiex disponibbli, għandu jsir aġġustament awtomatiku.

87) Din il-ħsara tibda meta kard tat-takografu ma taħdimx tajjeb waqt l-operazzjoni.

88) Din il-ħsara tibda f'każ ta' kull wieħed minn dawn il-nuqqasijiet, meta l-modalità tal-kalibrazzjoni ma tkunx qed topera:

89) L-apparat tar-rekordjar għandu jagħraf ħsarat tiegħu stess permezz ta' testijiet awtodijanjostiċi u testijiet integrati, skont it-tabella li ġejja:

90) L-apparat tar-rekordjar għandu jkun kapaċi li jaqra kwalunkwe dejta maħżuna fil-memorja tad-dejta tiegħu.

— “365 jum” huma definiti bħala 365 jum tal-kalendarju ta' attività medja tas-sewwieq f'vettura. L-attività medja għal kull jum f'vettura hija definita bħal mill-inqas 6 sewwieqa jew kosewwieqa, 6 ċikli ta' inserzjoni u tneħħija tal-kards, u 256 bidla fl-attività. “365 jum” għalhekk tinkludi mill-inqas 2 190 (ko-)sewwieq, 2 190 ċiklu ta' inserzjoni u tneħħija tal-kards u 93 440 bidla fl-attività,

— l-għadd medju ta' pożizzjonijiet ta' kuljum huwa definit bħala mill-inqas 6 pożizzjonijiet fejn jibda l-perjodu tax-xogħol ta' kuljum, 6 pożizzjonijiet meta l-ħin kontinwu ta' sewqan tas-sewwieq jilħaq multiplu ta' tliet sigħat, u 6 pożizzjonijiet fejn il-perjodu tax-xogħol ta' kuljum jintemm, b'tali mod li “365 jum” jinkludi mill-inqas 6 570 pożizzjoni,

— il-ħinijiet huma rrekordjati b'riżoluzzjoni ta' minuta waħda, sakemm ma jkunx speċifikat b'mod ieħor,

— il-valuri tal-odometru huma rrekordjati b'riżoluzzjoni ta' kilometru wieħed,

— il-veloċitajiet huma rrekordjati b'riżoluzzjoni ta' 1km/h.

— il-pożizzjonijiet (latitudni u lonġitudni) huma rrekordjati fi gradi u minuti, b'riżoluzzjoni ta' 1/10 ta' minuta, bl-eżattezza tal-GNSS u ħin ta' kisba assoċjati.

91) Id-dejta maħżuna fil-memorja tad-dejta ma għandhiex tkun affettwata minn qtugħ ta' provvista tal-elettriku estern ta' inqas minn tnax-il xahar fil-kondizzjonijiet tal-approvazzjoni tat-tip. Barra minn hekk, dejta maħżuna f'faċilità esterna ta' komunikazzjoni remota, kif definit fl-Appendiċi 14, ma għandhiex tkun affetwata minn qtugħ fil-provvista tal-enerġija ta' inqas minn 28 jum.

92) L-apparat tar-rekordjar għandu jkun kapaċi li jirrekordja u jaħżen fil-memorja tad-dejta tiegħu b'mod impliċitu jew espliċitu dan li ġej:

93) L-apparat tar-rekordjar għandu jkun kapaċi jaħżen fil-memorja tad-dejta tiegħu d-dejta tal-identifikazzjoni tal-unità tal-vettura li ġejja:

94) Id-dejta tal-identifikazzjoni tal-unità tal-vettura tiġi rrekordjata u maħżuna darba għal dejjem mill-manifattur tal-unità tal-vettura, ħlief dejta marbuta mas-software u n-numru tal-approvazzjoni li tista' tinbidel f'każ ta' aġġornament ta' software, u l-kapaċità li jintużaw kards tat-takografu tal-ewwel ġenerazzjoni.

95) Is-sensor tal-moviment għandu jkun kapaċi li jaħżen fil-memorja tad-dejta tiegħu, id-dejta tal-identifikazzjoni li ġejja:

96) Id-dejta tal-identifikazzjoni tas-sensor tal-moviment tiġi rrekordjata u maħżuna darba għal dejjem fis-sensor tal-moviment, mill-manifattur tas-sensor tal-moviment.

97) L-unità tal-vettura għandha tkun kapaċi tirrekordja u taħżen, fil-memorja tad-dejta tagħha, id-dejta li ġejja marbuta mal-aħħar 20 akkoppjament reċenti tas-sensors tal-moviment (jekk jokkorru diversi akkoppjamenti matul ġurnata waħda tal-kalendarju, għandhom jinħażnu biss l-ewwel u l-aħħar akkoppjament tal-jum):

Id-dejta segwenti għandha tkun irrekordjata għal kull wieħed minn dawn l-akkoppjamenti:

98) Il-faċilità tal-GNSS esterna għandha tkun kapaċi taħżen fil-memorja tagħha, id-dejta tal-identifikazzjoni li ġejja:

99) Id-dejta tal-identifikazzjoni tas-sensor tal-moviment jiġu rrekordjati u maħżuna darba għal dejjem fis-sensorj tal-moviment, mill-manifattur tas-sensor tal-moviment.

100) L-unità tal-vettura għandha tkun kapaċi tirrekordja u taħżen, fil-memorja tad-dejta tagħha, id-dejta li ġejja marbuta mal-aħħar 20 akkoppjament reċenti tal-faċilitajiet esterni tal-GNSS (jekk jokkorru diversi akkoppjamenti matul ġurnata waħda tal-kalendarju, għandhom jinħażnu biss l-ewwel u l-aħħar akkoppjament tal-jum).

Id-dejta segwenti għandha tkun irrekordjata għal kull wieħed minn dawn l-akkoppjamenti:

101) L-apparat tar-rekordjar għandu jkun kapaċi li jaħżen għadd ta' kjavi kriptografiċi u ċertifikati, kif speċifikat f'Appendiċi 11, parti A u parti B.

102) Għal kull ċiklu ta' inserzjoni u tneħħija ta' kard tas-sewwieq jew tal-workshop fl-apparat, l-apparat tar-rekordjar għandu jirrekordja u jaħżen fil-memorja tad-dejta tiegħu:

103) Il-memorja tad-dejta għandha tkun kapaċi żżomm din id-dejta għal mill-inqas 365 jum.

104) Meta l-kapaċità tal-ħżin tiġi eżawrita, dejta ġdida għandha tieħu post l-eqdem dejta.

105) L-apparat tar-rekordjar għandu jirrekordja u jaħżen fid-dejta tal-memorja tagħha kull meta jkun hemm tibdil fl-attività tas-sewwieq u/jew kosewwieq jew kull meta jkun hemm tibdil tal-istatus tas-sewqan, u/jew kull meta jkun hemm inserzjoni jew tneħħija ta' kard ta' sewwieq jew workshop

IMDAĦĦLA tfisser li meta kard valida tas-sewwieq jew tal-workshop tiddaħħal fl-islott. MHUX IMDAĦĦLA tfisser l-oppost, jiġifieri l-ebda kard valida tas-sewwieq jew tal-workshop m'hija mdaħħla fis-slott (pereżempju hemm imdaħħla kard tal-kumpanija jew l-ebda kard ma hija mdaħħla).

Dejta dwar l-attività, imdaħħla manwalment mis-sewwieq ma tiġix irrekordjata fil-memorja tad-dejta.

106) Il-memorja tad-dejta għandha tkun kapaċi żżomm id-dejta tal-attività tas-sewwieq għal mill-inqas 365 jum.

107) Meta l-kapaċità tal-ħżin tiġi eżawrita, dejta ġdida għandha tieħu post l-eqdem dejta.

108) L-apparat tar-rekordjar għandu jirrekordja u jaħżen fil-memorja tad-dejta tiegħu dejta rilevanti għal:

109) Meta l-pożizzjoni tal-vettura ma tkunx disponibbli mir-riċevitur tal-GNSS f'dawn il-ħinijiet, l-apparat tar-rekordjar għandu juża l-aħħar pożizzjoni disponibbli u d-data u l-ħin relatati.

110) Flimkien ma' kull post jew pożizzjoni, l-apparat tar-rekordjar għandu jirrekordja u jaħżen fil-memorja tad-dejta tiegħu:

111) Il-memorja tad-dejta għandha tkun kapaċi li żżomm postijiet u pożizzjonijiet fejn jibdew u jintemmu perjodi tax-xogħol ta' kuljum u/jew fejn jintlaħqu 3 sigħat ta' ħin ta' sewqan kontinwu għal mill-inqas 365 jum.

112) Meta l-kapaċità tal-ħżin tiġi eżawrita, dejta ġdida għandha tieħu post l-eqdem dejta.

113) L-apparat tar-rekordjar għandu jirrekordja fid-dejta tal-memorja tiegħu, il-valur tal-odometru tal-vettura u d-dejta korrispondenti f'nofs il-lejl ta' kull jum kalendarju.

114) Il-memorja tad-dejta għandha tkun kapaċi taħżen il-valuri ta' nofs il-lejl tal-odometru għal mill-inqas 365 jum kalendarju.

115) Meta l-kapaċità tal-ħżin tiġi eżawrita, dejta ġdida għandha tieħu post l-eqdem dejta.

116) L-apparat tar-rekordjar għandu jirrekordja u jaħżen fil-memorja tad-dejta tiegħu l-veloċità istantanja tal-vettura u d-dejta u l-ħin korrispondenti ta' kull sekonda ta' mill-inqas l-aħħar 24 siegħa li l-vettura kienet miexja.

117) L-apparat tar-rekordjar għandu jirrekordja u jaħżen fil-memorja tad-dejta tagħha d-dejta li ġejja għal kull event li jinkixef skont ir-regoli tal-ħażna li ġejjin:

118) L-apparat tar-rekordjar għandu jirrekordja u jaħżen fil-memorja tad-dejta tiegħu, id-dejta li ġejja għal kull ħsara li tinkixef skont ir-regoli tal-ħżin li ġejjin:

119) L-apparat tar-rekordjar għandu jirrekordja u jaħżen fil-memorja tad-dejta tiegħu dejta rilevanti għal:

120) Id-dejta segwenti għandha tkun irrekordjata għal kull waħda minn dawn il-kalibrazzjonijiet:

121) Barra minn hekk, l-apparat ta' rekordjar għandu jirrekordja u jaħżen fil-memorja tad-dejta tiegħu il-kapaċità tiegħu li juża kards tat-takografu tal-ewwel ġenerazzjoni (kemm jekk attivata ki ukoll jekk le).

122) Is-sensor tal-moviment għandu jirrekordja u jaħżen fil-memorja tiegħu d-dejta tal-istallazzjoni tas-sensor tal-moviment segwenti:

123) Is-sensor tal-moviment għandu jirrekordja u jaħżen fil-memorja tiegħu d-dejta li ġejja dwar l-istallazzjoni tal-faċilità esterna tal-GNSS:

124) L-apparat tar-rekordjar għandu jirrekordja u jaħżen fil-memorja tad-dejta tiegħu dejta rilevanti għal aġġustamenti tal-ħin imwettqa fil-modalità tal-kalibrazzjoni barra mill-qafas ta' kalibrazzjoni regolari (def f)):

125) Id-dejta segwenti għandha tkun irrekordjata għal kull waħda minn dawn l-aġġustamenti:

126) L-apparat tar-rekordjar għandu jirrekordja u jaħżen fil-memorja tad-dejta tiegħu d-dejta segwenti rilevanti mal-20 attività tal-kontroll l-iktar riċenti:

127) Fil-każ tat-tniżżil, id-dati tal-ġranet l-iżjed qodma u l-iktar riċenti mniżżla għandhom ikunu rekordjati ukoll.

128) L-apparat tar-rekordjar għandu jirrekordja u jaħżen fil-memorja tad-dejta tiegħu d-dejta rilevanti segwenti għall-255 lock tal-kumpanija l-iktar riċenti:

Id-dejta li tkun issakkret preċedentement permezz ta' lock imneħħija mill-memorja minħabba l-limitu ta' hawn fuq, għandha tiġi ttrattata bħala dejta mingħajr lock.

129) L-apparat tar-rekordjar għandu jirrekordja u jaħżen fil-memorja tad-dejta tiegħu d-dejta segwenti rilevanti mal-aħħar tniżżil ta' memorja għal fuq medja esterna waqt fil-mod tal-kumpanija jew tal-kalibrazzjoni:

130) L-apparat tar-rekordjar għandu jirrekordja fil-memorja tad-dejta tiegħu d-dejta segwenti rilevanti għall-kondizzjonijiet speċifiċi:

131) Il-memorja tad-dejta għandha tkun kapaċi żżomm dejta ta' kondizzjonijiet speċifiċi għal mill-inqas 365 jum (fuq is-suppożizzjoni li bħala medja, tinfetaħ jew tingħalaq kondizzjoni waħda kull jum). Meta l-kapaċità tal-ħżin tiġi eżawrita, dejta ġdida għandha tieħu post l-eqdem dejta.

132) L-apparat tar-rekordjar għandu jkun kapaċi li jaħżen id-dejta li ġejja marbuta mal-kards tat-takografu differenti li jkunu intużaw fil-VU:

133) L-apparat tar-rekordjar għandu jkun kapaċi jaħżen mill-inqas 88 rekord minn dawn.

134) L-apparat tar-rekordjar għandu jkun kapaċi jaqra minn kards tat-takografu tal-ewwel u tat-tieni ġenerazzjoni, fejn applikabbli, id-dejta meħtieġa:

Dan ir-rekwiżit japplika biss għal kards tat-takografu tal-ewwel ġenerazzjoni jekk l-użu tagħhom ma tkunx ġiet imrażżna minn workshop.

135) F'każ ta' żball tal-qari, l-apparat tar-rekordjar għandu jipprova mill-ġdid, massimu ta' tliet darbiet, l-istess kmand ta' qari, u mbagħad jekk ma jkunux ta' suċċess, jiddikkjara li l-kard hija difettuża u mhux valida.

136) Sakemm l-użu ta' kards tat-takografu ma jkunx ġie mrażżan minn workshop, l-apparat tar-rekordjar għandu jirrekordja u jaħżen id-dejta eżattament bl-istess mod bħall-apparat tar-rekordjar tal-ewwel ġenerazzjoni.

137) L-apparat tar-rekordjar għandu jissettja “is-sessjoni tad-dejta tal-kard” fil-kard tas-sewwieq jew tal-workshop wara li tkun iddaħħlet il-kard.

138) L-apparat tar-rekordjar għandu jaġġorna d-dejta maħżuna fuq il-kards validi tas-sewwieq, tal-workshop u/jew tal-kontroll bid-dejt kollha neċessarja rilevanti għall-perjodu filwaqt li kard tkun imdaħħla u tkun rilevanti għad-detentur tal-kard. Id-dejta maħżuna fuq dawn il-kards huma speċifikati fil-Kapitolu 4.

139) L-apparat tar-rekordjar għandu jaġġorna d-dejta dwar l-attività tas-sewwieq u dwar il-postijiet (kif speċifikat f'4.5.3.1.9 u 4.5.3.1.11), maħżuna fuq kard validi tas-sewwieq u/jew tal-workshop, u d-dejta dwar l-attività u dwar il-postijiet għandha tiddaħħal manwalment mid-detentur tal-kard.

140) L-eventi kollha mhux definiti għall-apparat ta' rekordjar tal-ewwel ġenerazzjoni ma għandhomex jinħażnu fuq il-kards tas-sewwieq u tal-workshop.

141) L-aġġornament tad-dejta tal-kards tal-workshop għandu jkun tali li, meta jkun meħtieġ, filwaqt li titqies il-kapaċità attwali tal-ħżin tal-kard, l-aktar dejta riċenti tieħu post l-eqdem dejta.

142) F'każ ta' żball tal-kitba, l-apparat tar-rekordjar għandu jipprova mill-ġdid, massimu ta' tliet darbiet, l-istess kmand ta' kitba, u mbagħad jekk ma jkunux ta' suċċess, jiddikkjara li l-kard hija difettuża u mhux valida.

143) Qabel ir-rilaxx tal-kard tas-sewwieq, u wara li d-dejta rilevanti kollha tkun inħażnet fuq il-kard, l-apparat tar-rekordjar għandu jagħmel reset tad-“dejta tas-sessjoni tal-kard”.

144) Il-kards tat-takografu tat-tieni ġenerazzjoni għandu jkun fihom 2 applikazzjonijiet differenti tal-kard, li l-ewwel wieħed minnhom għandha tkun eżattament l-istess bħall-applikazzjoni TACHO tal-kards tal-ewwel ġenerazzjoni, u t-tieni, l-applikazzjoni “TACHO_G2”, kif speċifikat f'Kapitolu 4 u l-Appendiċi 2.

145) L-apparat tar-rekordjar għandu jissettja “is-sessjoni tad-dejta tal-kard” fil-kard tas-sewwieq jew tal-workshop wara li tkun iddaħħlet il-kard.

146) L-apparat tar-rekordjar għandu jaġġorna d-dejta maħżuna fuq 2 applikazzjonijiet ta' kards validi tas-sewwieq, tal-workshop u/jew tal-kontroll bid-dejta kollha neċessarja rilevanti għall-perjodu li fih il-kard hija mdaħħla u rilevanti għad-detentur tal-kard. Id-dejta maħżuna fuq dawn il-kards huma speċifikati fil-Kapitolu 4.

147) L-apparat tar-rekordjar għandu jaġġorna d-dejta dwar l-attività, dwar il-postijiet u dwar il-pożizzjonijiet tas-sewwieq (kif speċifikat f'4.5.3.1.9, 4.5.3.1.11, 4.5.3.2.9 u 4.5.3.2.11), maħżuna fuq kards validi tas-sewwieq u/jew tal-workshop, u d-dejta dwar l-attività u dwar il-postijiet għandha tiddaħħal manwalment mid-detentur tal-kard.

148) L-aġġornament tad-dejta tal-kards tal-workshop għandu jkun tali li, meta jkun meħtieġ, filwaqt li titqies il-kapaċità attwali tal-ħżin tal-kard, l-aktar dejta riċenti tieħu post l-eqdem dejta.

149) F'każ ta' żball tal-kitba, l-apparat tar-rekordjar għandu jipprova mill-ġdid, massimu ta' tliet darbiet, l-istess kmand ta' kitba, u mbagħad jekk ma jkunux ta' suċċess, jiddikkjara li l-kard hija difettuża u mhux valida.

150) Qabel jirrilaxxa l-kard tas-sewwieq, u wara li d-dejta rilevanti kollha tkun inħażnet fuq 2 applikazzjonijiet tal-kard, l-apparat tar-rekordjar għandu jagħmel “reset” tad-“dejta dwar is-sessjoni tal-kard”.

151) Id-display għandu jinkludi mill-inqas 20 karattru.

152) Id-daqs minimu tal-karattru għandu jkun ta' 5 mm għoli u 3.5 mm wiesa'.

153) L-iskrin għandu jappoġġa l-karattri speċifikati fl-Appendiċi 1 tal-Kapitolu 4 “Settijiet ta' karattri”. Id-display jista' juża karattri semplifikati (pereżempju karattri b'aċċent jistgħu jintwerew mingħajr l-aċċent jew ittri żgħar jistgħu jidhru bħala ittri kbar).

154) Id-display għandu jkollu dawl xieraq li ma jgħammixx.

155) L-indikazzjonijiet għandhom jidhru minn barra l-apparat tar-rekordjar.

156) L-apparat tar-rekordjar għandu jkun kapaċi li juri:

Informazzjoni addizzjonali tista' tintwera mill-apparat tar-rekordjar, bil-kundizzjoni li jintgħaraf b'mod ċar mill-informazzjoni meħtieġa hawn fuq.

157) Id-display tal-apparat tar-rekordjar għandu juża l-pittogrammi jew t-taħlit tal-pittogrammi elenkati fl-Anness 3. Pittogrammi jew taħlita ta' pittogrammi addizzjonali jistgħu jintwerew ukoll mid-display, jekk jintgħarfu b'mod ċar mill-pittogramma jew taħlita ta' pittogrammi msemmija hawn fuq.

158) Id-display dejjem għandu jkun MIXGĦUL waqt li l-vettura tkun miexja.

159) L-apparat tar-rekordjar jista' jinkludi fattur manwali jew awtomatiku biex id-display JINTEFA' meta l-vettura ma tkunx miexja.

Il-format tal-wiri huwa speċifikat fl-Appendiċi 5.

160) Meta l-ebda tagħrif ieħor ma jkun jeħtieġ li jintwera, l-apparat tar-rekordjar għandu juri, fuq bażi predefinita, dan li ġej:

161) Il-wiri ta' dejta marbuta ma' kull sewwieq għandu jkun ċar, sempliċi u mhux ambigwu. Fil-każ fejn l-informazzjoni relatata mas-sewwieq u mal-kosewwieq ma tistax tintwera fl-istess ħin, l-apparat tar-rekordjar għandu juri fuq bażi predefinita, l-informazzjoni relatata mas-sewwieq u għandu jippermetti lill-utent biex juri l-informazzjoni relatata mal-kosewwieq.

162) Fil-każ fejn id-display ma tippermettix li tintwera fuq bażi predefinita il-modalità tal-operazzjoni, l-apparat tar-rekordjar għandu juri fil-qosor il-modalità l-ġdida tal-operazzjoni meta din tinbidel.

163) L-apparat tar-rekordjar għandu juri fil-qosor l-isem tad-detentur tal-kard waqt l-inserzjoni tal-kard.

164) Meta tinfetaħ kondizzjoni ta' “BARRA MILL-AMBITU”, jew vjaġġ bil-“VAPUR/FERROVIJA”, id-display predefinita għandha turi, permezz tal-pittogramma rilevanti, li l-kundizzjoni partikolari hija miftuħa (huwa aċċettabbli li l-attività kurrenti tas-sewwieq ma tintweriex fl-istess ħin).

165) L-apparat tar-rekordjar għandu juri informazzjoni ta' twissija bl-użu tal-pittogtrammi primarji tal-Appendiċi 3, kompletat, fejn meħtieġ b'informazzjoni addizzjonali kkodifikata numerikament. Deskrizzjoni litterali tat-twissija tista' tiżdied ukoll fil-lingwa magħżula tas-sewwieq.

166) L-apparat tar-rekordjar għandu jipprovdi bil-kmand neċessarji permezz ta' struttura ta' menu xierqa.

167) Għandu jkun possibbli li jintwera selettivament fuq talba:

Fakultattiv:

168) Il-wiri tal-kontenut tal-printout għandu jkun f'sekwenza, linja b'linja. Jekk il-wisgħa tad-display huwa inqas minn 24 karattru l-utent għandu jkun ipprovdut bl-informazzjoni kompleta permezz ta' mezz xieraq (diversi linji, scrolling, …).

Linji tal-printout maħsuba għal informazzjoni miktuba bl-idejn jistgħu jitħallew barra għall-wiri.

169) L-apparat tar-rekordjar għandu jkun kapaċi jistampa informazzjoni mill-memorja tad-dejta tiegħu u/jew minn kards tat-takografu skont is-seba' printouts segwenti:

Il-format iddettaljat u l-kontenut ta' dawn il-printouts huma speċifikati fl-Appendiċi 4.

Dejta addizzjonali tista' tkun ipprovduta fl-aħħar tal-printouts

Printouts addizzjonali jistgħu jkunu pprovduti ukoll mill-apparat tar-rekordjar, jekk jintgħaraf b'mod ċar mis-seba' printouts imsemmija hawn fuq.

170) L-“attivitajiet tas-sewwieq mill-printout tal-kard ta' kuljum” u “eventi u ħsarat mill-printout tal-kard” għandu jkun disponibbli biss meta kard ta' sewwieq jew kard ta' post tax-xogħol jiġi insertit fl-apparat tar-rekordjar. L-apparat tar-rekordjar għandu jaġġorna d-dejta maħżuna fuq il-kard rilevanti qabel ma jibda jistampa.

171) Sabiex jipproduċi l-“attivitajiet tas-sewwieq mill-printout tal-kard ta' kuljum” jew l-“eventi u ħsarat mill-printout tal-kard”, l-apparat tar-rekordjar għandu:

172) L-apparat tal-istampar għandu jkun kapaċi li jistampa 24 karattru f'kull linja.

173) Id-daqs minimu tal-karattru għandu jkun ta' 2.1 mm għoli u 1.5 mm wiesa'.

174) Il-printer għandu jappoġġa l-karattri speċifikati fl-Appendiċi 1 tal-Kapitolu 4 “Settijiet ta' karattri”.

175) L-apparat li jistampa għandu jkun iddisinjat b'tali mod biex jipproduċi dawn il-printouts b'grad ta' ċarezza b'tali mod li tkun evitata kull ambigwità meta jinqraw.

176) Printouts għandhom iżommu d-dimensjonijiet u r-rekordjar tagħhom f'kondizzjonijiet ta' umdità (minn 10 sa -90 %) u temperatura normali.

177) It-tip ta' karta approvata wżata mill-apparat tar-rekordjar għandha turi l-marka rilevanti tal-approvazzjoni tat-tip u l-indikazzjoni tat-tip(i) tal-apparat tar-rekordjar li miegħu/magħhom tista' tintuża.

178) Il-printouts għandhom jibqgħu jinqraw u jibqgħu identifikabbli b'mod ċar f'kundizzjonijiet ta' ħażna normali, f'termini tal-intensità tad-dawl, l-umdità u t-temperatura, għal mill-inqas sentejn.

179) Il-printouts għandhom ikunu konformi ma' mill-inqas l-ispeċifikazzjonijiet tat-test definiti fl-Appendiċi 9.

180) Għandu jkun possibbli ukoll biex jiżdiedu noti miktuba bl-idejn, bħall-firma tas-sewwieqa, ma' dawn id-dokumenti.

181) L-apparat tar-rekordjar għandu jamministra eventi ta' “bla karti” waqt li qed jipprintja billi, la darba l-karti jkunu mdaħħla mill-ġdid, jerġa' jibda jistampa mill-bidu tal-printout jew billi jkompli jistampa u jipprovdi referenza mhux ambigwa għall-parti stampata qabel.

182) L-apparat tar-rekordjar għandu jagħti twissija lis-sewwieq meta jinduna b'xi kwalunkwe event u/jew ħsara.

183) Twissija ta' interruzzjoni tal-provvista tal-elettriku tista' ddum sa meta l-provvista tal-elettriku tkun konnessa mill-ġdid.

184) L-apparat tar-rekordjar għandu jagħti twissija lis-sewwieq 15-il minuta qabel ma jinqabeż il-ħin massimu ta' sewqan kontinwu permess u fil-ħin li dan jinqabeż.

185) It-twissijiet għandhom ikunu viżwali. Twissijiet bis-smigħ jistgħu jingħataw ukoll mat-twissijiet viżwali.

186) It-twissijiet viżwali għandhom jintgħarfu b'mod ċar mill-utent, jinstabu fil-vista tas-sewwieq u għandhom ikunu leġibbli b'mod ċar kemm bi nhar kif ukoll bil-lejl.

187) Twissijiet viżwali jistgħu jkunu mibnija ġewwa l-apparat tar-rekordjar u/jew 'il bogħod mill-apparat tar-rekordjar.

188) F'dan l-aħħar każ, għandu jkollu s-simbolu “T”.

189) It-twissijiet għandhom idumu mill-inqas 30 sekonda, sakemm ma jiġux rikonoxxuti mill-utent billi jolqot kwalunkwe buttuna fuq l-apparat tar-rekordjar. L-ewwel rikonoxximent ma għandux iħassar il-kawża tat-twissija riferit għalih fil-paragrafu li ġej.

190) Il-kawża tat-twissija għandha tintwera fuq l-apparat tar-rekordjar u tibqa' viżibbli sa kemm ikun irrikonoxxut mill-utent billi juża buttuna jew kmand speċifika fuq l-apparat tar-rekordjar.

191) Twissijiet addizzjonali jistgħu jkunu pprovduti, bil-kundizzjoni li ma jħawdux lis-sewwieqa fir-relazzjoni ta' dawk definiti qabel.

192) L-apparat tar-rekordjar għandu jkun kapaċi li jniżżel dejta mat-talba mill-memorja tad-dejta tiegħu jew minn kard ta' sewwieq għal medja ta' ħażna esterna permezz tal-konnettur tal-kalibrazzjoni/tniżżil. L-apparat tar-rekordjar għandu jaġġorna d-dejta maħżuna fuq il-kard rilevanti qabel ma jibda jniżżel.

193) Barra minn hekk, u bħala karatteristika fakultattiva jista', f'kwalunkwe modalità tal-operazzjoni, iniżżel id-dejta permezz ta' konnettur ieħor lill-kumpanija awtentikata permezz ta' dan il-kanal. F'dan il-każ, id-drittijiet tal-aċċess tad-dejta fil-mod tal-kumpanija japplikaw f'dan it-tniżżil.

194) It-tniżżil ma għandux jibdel jew iħassar xi dejta maħżuna.

195) L-interfaċċa tal-konnettur għall-kalibrazzjoni/tniżżil huwa speċifikat fl-Appendiċi 6.

196) Il-protokolli tat-tniżżil huma speċifikati fl-Appendiċi 7.

197) Meta l-ignition tkun mixgħula, kull 60 sekond, l-unità tal-vettura għandha taħżen fil-faċilità ta' komunikazzjoni remota, l-aktar dejta riċenti neċessarja għall-finijiet tal-kontrolli mmirati fil-ġenb tat-triq. Tali dejta għandha tkun kriptata u ffirmata kif speċifikat fl-Appendiċi 11 u fl-Appendiċi 14.

198) Id-dejta għall-kontroll remot għandha tkun disponibbli għal apparati tal-qari tal-komunikazzjonijiet remoti permezz tal-komunikazzjoni mingħajr wajers, kif speċifikat f'Appendiċi 14.

199) Id-dejta neċessarja għall-iskop tal-kontrolli mmirati fil-ġenb tat-triq għandha tkun relatata ma':

200) L-apparat tar-rekordjar jista' jkun mgħammar ukoll b'interfaċċi standardizzati li jippermettu li d-dejta rreġistrata jew prodotta mit-takografu tintuża fil-modalità operazzjonali jew tal-kalibrazzjoni, minn faċilità esterna.

Fl-Appendiċi 13, hija speċifikata u standardizzata interfaċċa fakultattiva tal-ITS. Interfaċċi oħra simili jistgħu jeżistu flimkien, sakemm dawn jikkonformaw bis-sħiħ mar-rekwiżiti tal-Appendiċi 13 f'termini tal-lista minima tad-dejta, tas-sigurtà u tal-kunsens tas-sewwieq.

Ir-rekwiżiti li ġejjin japplikaw għal dejta magħmula disponibbli permezz ta' dik l-interfaċċa:

Dejta oħra tista tinħareġ ukoll mas-sett ta' dejta eżistenti, ikkunsidrata bħala l-lista minima, sakemm dawn ma jistgħux jitqiesu bħala dejta personali.

L-apparat tar-rekordjar għandu jinnotifika faċilitajiet esterni oħra dwar il-kunsens tas-sewwieq.

Meta l-ignition tal-vettura tkun ON, din id-dejta għandha tkun imxandra b'mod permanenti.

201) L-interfaċċa b'serial link, kif speċifikata fl-Anness 1B tar-Regolament (KEE) Nru 3821/85, kif emendat l-aħħar, tista' tibqa' tiġi armata fuq it-takografi għar-retrokompatibbiltà. Madankollu, il-kunsens tas-sewwieq xorta jibqa' meħtieġ f'każ li tiġi trażmessa dejta personali.

202) Il-funzjoni tal-kalibrazzjoni għandha tippermetti:

203) Barra minn hekk, il-funzjoni tal-kalibrazzjoni għandha tippermetti t-trażżin fl-użu tal-kards tat-takografu tal-ewwel ġenerazzjoni fl-apparat ta' rekordjar, sakemm il-kundizzjonijiet speċifikati fl-Appendiċi 15 jkunu sodisfatti.

204) It-tqabbil tas-sensor tal-moviment mal-VU għandha tikkonsisti, mill-inqas, fi:

205) L-akkoppjament tal-faċilità tal-GNSS esterna mal-VU għandu jikkonsisti mill-inqas, fi:

L-akkoppjament għandu jkun segwit minn verifika tal-informazzjoni dwar il-pożizzjoni GNSS.

206) Il-funzjoni tal-kalibrazzjoni għandha tkun kapaċi ddaħħal dejta meħtieġa mill-konnettur tal-kalibrazzjoni/tniżżil skont il-protokoll tal-kalibrazzjoni kif hemm definit fl-Appendiċi 8. Il-funzjoni tal-kalibrazzjoni tista' ddaħħal ukoll dejta meħtieġa minn mezzi oħra.

207) Il-funzjoni ta' verifika tal-kalibrazzjoni mal-ġenb tat-triq għandha tippermetti l-qari tan-numru tas-serje tas-sensor tal-moviment (possibilment integrat fl-adapter) u n-numru tas-serje tal-faċilita tal-GNSS (fejn applikabbli), imqabbda mal-unità tal-vettura fil-mument tat-talba.

208) Dan il-qari għandu jkun possibbli tal-anqas fuq id-display tal-unità tal-vettura permezz ta' kmandi mill-menus.

209) Il-funzjoni tal-verifika tal-kalibrazzjoni mal-ġenb tat-triq għandha tippermetti wkoll il-kontroll tal-għażla tal-modalità I/O għall-kalbrazzjoni tal-linja tas-sinjal I/O speċiikata fl-Appendiċi 6, permezz tal-interfaċċa tal-linja K. Dan għandu jsir permezz tas-Sessjoni tal-Aġġustament tal-ECU, kif speċifikat f'Appendiċi 8, sezzjoni 7, Kontroll tal-Pulsazzjonijiet tal-Ittestjar — unità funzjonali tal-kontroll tal-input u tal-output.

210) Il-funzjoni tal-aġġustament tal-ħin għandha tippermetti għall-aġġustament awtomatiku tal-ħin kurrenti. Għall-aġġustament tal-ħin fl-apparat tar-rekordjar, jintużaw żewġ sorsi: 1) l-arloġġ intern tal-VU, 2) ir-riċevitur tal-GNSS.

211) Is-setting tal-ħin tal-arloġġ intern tal-VU għandu jiġi aġġustat mill-ġdid awtomatikament f'intervalli ta' mhux aktar minn 12-il siegħa. Meta dan il-limitu jkun inqabeż u s-sinjal tal-GNSS ma jkunx disponibbli, is-setting tal-ħin għandha ssir malli l-VU tkun tista' taċċessa ħin validu pprovdut minn riċevitur tal-GNSS, skont il-kundizzjonijiet tal-ignition tal-vettura. Il-ħin ta' referenza għall-konfigurazzjoni awtomatika tal-ħin tal-arloġġ intern tal-VU għandha tinkiseb mir-riċevitur tal-GNSS. Fil-każ li l-ħin kurrenti jiddevja b'aktar minn minuta (1) mill-ħin ta' informazzjoni pprovdut mir-riċevitur tal-GNSS, għandu jiġi attivat event ta' kunflitt ta' ħin.

212) Il-funzjoni tal-aġġustament tal-ħin għandha tippermetti għall-aġġustar ipprovokat tal-ħin kurrenti, fil-modalità tal-kalibrazzjoni.

213) L-unità tal-vettura għandha tkun kompletament operattiva fil-medda ta' temperaturi bejn – 20 °C u 70 °C, il-faċilità tal-GNSS esterna fil-medda ta' temperaturi bejn – 20 °C u 70 °C u s-sensor tal-moviment fil-medda ta' temperaturi bejn – 40 °C u 135 °C. Il-kontenut tal-memorja tad-dejta għandu jiġi ppriservat f'temperaturi baxxi sa – 40 °C.

214) It-takografu għandu jkun kompletament operattiv fl-iskala tal-umdità ta' bejn 10 % u 90 %.

215) Is-siġilli użati fit-takografu intelliġenti għandhom ikunu jifilħu l-istess kundizzjonijiet bħal dawk applikabbli għall-komponenti tat-takografu li jkunu mwaħħla magħhom.

216) L-apparat tar-rekordjar għandu jkun protett kontra vultaġġ żejjed, inverżjoni tal-polarità tal-elettriku tiegħu, u minn xortjar fiċ-ċirkwiti.

217) Is-sensorji tal-moviment għandhom jew:

218) L-apparat tar-rekordjar u l-faċilità tal-GNSS esterna għandhom jikkonformaw mar-regolament internazzjonali NU/KEE R10, u għandhom ikunu protetti minn skarigi elettrostatiċi u transjenti.

219) Il-partijiet kollha kostitwenti tal-apparat tar-rekordjar għandhom ikunu magħmula minn materjal ta' stabbiltà suffiċjenti u ta' saħħa mekkanika u b'karatteristiċi elettriċi u manjetiċi stabbli.

220) Għall-kondizzjonijiet tal-użu normali, il-partijiet interni kollha tal-apparat għandhom ikunu protetti kontra l-umdità u t-trab.

221) L-Unità tal-Vettura u l-faċilità tal-GNSS esterna għandhom jissodisfaw il-grad tal-protezzjoni IP 40 u s-sensor tal-moviment għandu jissodisfa l-grad ta' protezzjoni IP 64, skont l-istandard IEC 60529:1989 inklużi A1:1999 u A2:2013.

222) L-apparat tar-rekordjar għandu jkun konformi mal-ispeċifikazzjonijiet tekniċi applikabbli rrelatati ma' disinn ergonomiku.

223) L-apparat tar-rekordjar għandu jkun protett kontra ħsara aċċidentali.

224) Jekk l-apparat tar-rekordjar juri l-valur tal-odometru u l-veloċità tal-vettura, id-dettalji segwenti għandhom jidhru fuq l-apparat li juri karattri fuq l-iskrin:

L-apparat tar-rekordjar jista' ukoll ikun imdawwar sabiex juri l-veloċità f'mili fis-siegħa, f'liema każ l-unità tal-kejltal-veloċità għandha tintwera bl-abbrevjazzjoni “mph”. L-apparat tar-rekordjar jista' jinqaleb ukoll biex juri l-veloċità f'mili fis-siegħa, f'liema każ l-unità tal-kejl tad-distanza għandha tintwera bl-abbrevjazzjoni “mi”.

225) Plakka deskrittiva għandha titwaħħal ma' kull komponent separat tal-apparat tar-rekordjar u turi d-dettalji li ġejjin:

226) Meta l-ispazju fiżiku ma jkunx biżżejjed biex jintwerew id-dettalji kollha msemmija hawn fuq, il-plakka deskrittiva għandha turi mill-inqas: l-isem jew il-logo tal-manifattur, u n-numru tal-parti tal-apparat.

227) il-kliem “Kard tas-sewwieq” jew “Kard tal-kontroll” jew “Kard tal-workshop” jew “Kard tal-kumpanija” stampati f'ittri kbar bil-lingwa jew lingwi uffiċjali tal-Istat Membru li ħareġ il-kard, skont it-tip tal-kard.

228) l-isem ta'l-Istat Membru li ħareġ il-kard (mhux obbligatorju);

229) is-sinjal ta' distinzjoni tal-Istat Membru li ħareġ il-kard, stampat fin-negattiv f'rettangolu blu u mdawwar bi 12-il stilla safra. il-marki distintivi għandhom ikunu kif ġej:

230) l-informazzjoni speċifika għall-kard maħruġa, innumerata kif ġej:

231) id-dati għandhom jinkitbu bl-użu ta' format “jj/xx/ssss” jew “jj.xx.ssss” (jum, xahar, sena);

232) spjegazzjoni tal-artikoli numerati li jidhru fuq il-paġna ta' quddiem tal-kard;

233) bil-ftehim speċifiku bil-miktub ta' min għandu l-pussess, l-informazzjoni li ma hijiex irelatata mal-amministrazzjoni tal-kard jista' jiżdied ukoll, din l-addizzjoni ma għandhiex tbiddel fl-ebda mod l-użu tal-mudell bħala kard tat-takograff.

234) Il-kards tat-takografu għandhom jiġu stampati bil-kuluri predominanti tal-isfond li ġejjin:

—	kard tas-sewwieq : abjad

—	kard ta' kontroll : blu,

—	kard tal-workshop : aħmar,

—	kard tal-kumpanija : isfar

235) Il-kards tat-takografu għandhom juru mill-inqas il-karatteristiċi li ġejjin għall-protezzjoni tal-kard kontra l-falsifikazzjoni u t-tbagħbis:

236) Wara konsultazzjoni mal-Kummissjoni, l-Istati Membri jistgħu jżidu kuluri jew marki, bħal simboli nazzjonali u karratteristiċi tas-sigurtà, mingħajr preġudizzju għad-disposizzjonijiet oħrajn ta' dan l-Anness.

237) Kards temporanji msemmija fl-Artikolu 26.4 tar-Regolament (UE) Nru 165/2014 għandhom jikkonformaw mad-dispożizzjonijiet ta' dan l-Anness.

238) Sabiex tintlaħaq is-sigurtà tas-sistema, il-kards tat-takografu għandhom jissodisfaw ir-rekwiżiti tas-sigurtà ddefiniti fl-Appendiċijiet 10 u 11.

239) Il-kards tat-takografu għandhom ikunu jistgħu jinqraw minn apparat ieħor bħal kompjuters personali.

240) Il-kards tat-takograu għandhom jikkonformaw mal-istandards li ġejjin:

241) Il-kards tat-takografu għandhom ikunu jistgħu jaħdmu b'mod korrett fil-kondizzjonijiet klimatiċi kollha li ssoltu jistgħu jokkorru fit-territorju tal-Komunità u mill-inqas fil-medda ta' temperaturi bejn – 25 °Ċ u + 70 °Ċ li darba kultant tista' titla' sa + 85 °Ċ, “darba kultant” tfisser mhux iktar minn 4 sigħat kull darba u mhux iktar minn 100 darba tul il-ħajja tal-kard.

242) Il-kards għandhom ikunu kapaċi li joperaw b'mod korrett fil-medda tal-umdita ta' bejn 10 % u 90 %.

243) Il-kards tat-takografu għandhom ikunu kapaċi li joperaw b'mod korrett għal perjodu ta' ħames snin jekk jintuża fl-ispeċifikazzjonijiet ambjentali u elettriċi.

244) Matul it-tħaddim, il-kards tat-takografu għandhom jikkonformaw mar-Regolament tan-NU/KEE R10, dwar il-kompatibilità elettromanjetika, u għandhom jiġu protetti kontra skarigi elettrostatiċi.

— il-ħinijiet huma rrekordjati b'risoluzzjoni ta' minuta waħda, sakemm ma jkunx speċifikat b'mod ieħor,

— il-valuri tal-odometru huma rrekordjati b'riżoluzjoni ta' kilometru wieħed,

— il-veloċitajiet huma rrekordjati b'riżoluzzjoni ta' 1km/h.

— il-pożizzjonijiet (latitudni u lonġitudni) huma rreġistrati fi gradi u minuti b'riżoluzzjoni ta' 1/10 ta' minuta.

245) Dan il-paragrafu jispeċifika l-kapaċità minima tal-ħżin għall-fajls varji tad-dejta tal-applikazzjoni. Il-kards tat-takografu għandhom ikunu kapaċi jindikaw lill-apparat tar-rekordjar l-kapaċità tal-ħżin attwali ta' dawn il-fajls tad-dejta.

246) Kwalunkwe dejta addizzjonali li tista' tiġi maħżuna fuq il-kards tat-takografu, marbuta ma' applikazzjonijiet oħra li jistgħu jittellgħu fuq il-kard, għandha tiġi maħżuna skont id-Id-Direttiva tal-Parlament Ewropew u tal-Kunsill 95/46/KE, u mad-Direttiva 2002/58/KE tal-Parlament Ewropew u tal-Kunsill u f'konformità mal-Artikolu 7 tar-Regolament (UE) Nru 165/2014.

247) Kull Master File (MF) ta' kwalunkwe kard tat-takografu għandu jkun fih sa ħames fajls elementari (EF) għall-ġestjoni u applikazzjonijiet tal-kard u identifikazzjonijiet taċ-ċippa, kif ukoll żewġ Fajls Dedikati (DF):

Id-dettalji sħaħ tal-istruttura tal-kards tat-takografu huma speċifikati fl-Appendiċi 2.

248) Il-kards tat-takografu għandhom ikunu kapaċi li jaħżnu d-dejta li ġejja għall-identifikazzjoni tal-kards intelliġenti:

249) Il-kards tat-takografu għandhom ikunu kapaċi jaħżnu d-dejta li ġejja għall-identifikazzjoni taċ-ċirkwit integrat (IC):

250) Il-kards tat-takografu għandhom ikunu kapaċi jaħżnu l-oġġeti tad-dejta għall-identifikazzjoni tal-applikazzjoni speċifikati fl-Appendiċi 2.

251) Il-kards tat-takografu għandhom ikunu kapaċi li jaħżnu l-oġġett tad-dejta ta' tul estiż li ġej:

252) Il-kards tat-takografu għandhom ikunu kapaċi li jaħżnu l-oġġetti tad-dejta ta' tul estiż li ġej:

253) Il-kard tas-sewwieq għandha tkun kapaċi taħżen id-dejta li ġejja għall-identifikazzjoni tal-applikazzjoni:

254) Il-kard tas-sewwieq għandha tkun kapaċi taħżen għadd ta' kjavi kriptografiċi u ċertifikati, kif speċifikat f'Appendiċi 11, Parti A.

255) Il-kard tas-sewwieq għandha tkun kapaċi taħżen id-dejta tal-identifikazzjoni tal-kard li ġejja:

256) Il-kard tas-sewwieq għandha tkun kapaċi taħżen id-dejta tal-identifikazzjoni tad-detentur tal-kard li ġejja:

257) Il-kard tas-sewwieq għandha tkun kapaċi taħżen id-dejta li ġejja marbuta mat-tniżżil mill-kard:

258) Il-kard tas-sewwieq għandha tkun kapaċi li żżomm rekord wieħed minn dawn.

259) Il-kard tas-sewwieq għandha tkun kapaċi taħżen id-dejta tal-liċenzja tas-sewqan li ġejja:

260) Il-kard tas-sewwieq għandha tkun kapaċi taħżen dejta relatata mal-eventi li ġejjin, rilevati mill-apparat tar-rekordjar li ġejjin waqt li l-kard hija inserita:

261) Il-kard tas-sewwieq għandha tkun kapaċi li taħżen id-dejt għall-eventi li ġejja:

Nota: Għall-event ta' “trikkib tal-ħin”:

Nota: Għall-event ta' “l-aħħar sessjoni tal-kard ma ngħalqitx b'mod korrett”:

262) Il-kard tas-sewwieq għandha tkun kapaċi taħżen id-dejta għas-sitt eventi l-iktar riċenti ta' kull tip (jiġifieri 36 event).

263) Il-kard tas-sewwieq għandha tkun kapaċi taħżen dejta relatata ma' ħsarat magħrufa mill-apparat tar-rekordjar li ġejjin waqt li l-kard kienet imdaħħla:

264) Il-kard tas-sewwieq għandha tkun kapaċi taħżen id-dejta għall-ħsarat li ġejjin:

265) Il-kard tas-sewwieq għandha tkun kapaċi taħżen id-dejta għat-tnax-il ħsara l-iktar riċenti ta' kull tip (jiġifieri 24 ħsara).

266) Il-kard tas-sewwieq għandha tkun kapaċi taħżen, għal kull jum kalendarju li fih intużat il-kard jew għal liema s-sewwieq daħħal l-attivitajiet manwalment, id-dejta li ġejja:

267) Il-memorja tal-kard tas-sewwieq għandha tkun kapaċi żżomm l-attività tas-sewwieq għal mill-inqas 28 jum (l-attività medja ta' sewwieq hija definita bħala 93 bidla tal-attività kull ġurnata).

268) Id-dejta elenkata skont ir-rekwiżiti 261, 264 u 266 għandha tinħażen b'tali mod li tippermetti l-irkupru ta' attivitajiet fl-ordni li fihom okkorrew, anke f'każ ta' sitwazzjoni ta' trikkib tal-ħin.

269) Il-kard tas-sewwieq għandha tkun kapaċi taħżen, għal kull jum tal-kalendarju fejn intużat l-kard, u għal kull perjodu ta' użu ta' vettura msemmija dik il-ġurnata (perjodu ta' użu jinkludi ċ-ċikli kollha ta' inserzjoni u tneħħija tal-kard fil-vettura, kif jidher mill-kard), id-dejta li ġejja:

270) Il-kard tas-sewwieq għandha tkun kapaċi taħżen mill-inqas 84 rekord minn dawn.

271) Is-sewwieq għandu jkun kapaċi li jaħżen id-dejta li ġejja relatata ma' postijiet fejn perjodi tax-xogħol ta' kuljum jibdew u/jew jispiċċaw, imdaħħla mis-sewwieq:

272) Il-kard tas-sewwieq għandha tkun kapaċi żżomm mill-inqas 42 par ta' rekords minn dawn.

273) Il-kard tas-sewwieq għandha tkun kapaċi żżomm dejta relatata mal-vettura li fetħet is-sessjoni kurrenti:

274) Il-kard tas-sewwieq għandu ikunu kapaċi li jaħżen id-dejta relatata mal-attivitajiet tal-kontroll li ġejja:

Nota: it-tniżżil tad-dejta mill-kard jiġi rreġistrat biss jekk isir permezz ta' apparat tar-rekordjar.

275) Il-kard tas-sewwieq għandha tkun kapaċi żżomm rekord wieħed minn dawn.

276) Il-kard tas-sewwieq għandha tkun kapaċi taħżen id-dejta li ġejja relatata ma' kondizzjonijiet speċifiċi li daħlu waħt li l-kard kien inserit (ikun liema jkun is-slott):

277) Il-kard tas-sewwieq għandha tkun kapaċi taħżen mill-inqas 56 rekord minn dawn.

278) Il-kard tas-sewwieq għandha tkun kapaċi taħżen id-dejta li ġejja għall-identifikazzjoni tal-applikazzjoni:

279) Il-kard tas-sewwieq għandha tkun kapaċi taħżen għadd ta' kjavi kriptografiċi u ċertifikati, kif speċifikat f'Appendiċi 11, Parti B.

280) Il-kard tas-sewwieq għandha tkun kapaċi taħżen id-dejta tal-identifikazzjoni tal-kard li ġejja:

281) Il-kard tas-sewwieq għandha tkun kapaċi taħżen id-dejta tal-identifikazzjoni tad-detentur tal-kard li ġejja:

282) Il-kard tas-sewwieq għandha tkun kapaċi taħżen id-dejta li ġejja marbuta mat-tniżżil mill-kard:

283) Il-kard tas-sewwieq għandha tkun kapaċi li żżomm rekord wieħed minn dawn.

284) Il-kard tas-sewwieq għandha tkun kapaċi taħżen id-dejta tal-liċenzja tas-sewqan li ġejja:

285) Il-kard tas-sewwieq għandha tkun kapaċi taħżen dejta relatata mal-eventi li ġejjin, rilevati mill-apparat tar-rekordjar li ġejjin waqt li l-kard kienet imdaħħla:

286) Il-kard tas-sewwieq għandha tkun kapaċi taħżen id-dejta għall-eventi li ġejja:

Nota: Għall-event ta' “trikkib tal-ħin”:

Nota: Għall-event ta' “l-aħħar sessjoni tal-kard ma ngħalqitx b'mod korrett”:

287) Il-kard tas-sewwieq għandha tkun kapaċi taħżen id-dejta għas-sitt eventi l-iktar riċenti ta' kull tip (jiġifieri 66 event).

288) Il-kard tas-sewwieq għandha tkun kapaċi taħżen dejta relatata ma' ħsarat magħrufa mill-apparat tar-rekordjar li ġejjin waqt li l-kard kienet imdaħħla:

289) Il-kard tas-sewwieq għandha tkun kapaċi taħżen id-dejta għall-ħsarat li ġejjin:

290) Il-kard tas-sewwieq għandha tkun kapaċi taħżen id-dejta għat-tnax-il ħsara l-iktar riċenti ta' kull tip (jiġifieri 24 ħsara).

291) Il-kard tas-sewwieq għandha tkun kapaċi taħżen, għal kull jum kalendarju li fih intużat il-kard jew għal liema s-sewwieq daħħal l-attivitajiet manwalment, id-dejta li ġejja:

292) Il-memorja tal-kard tas-sewwieq għandha tkun kapaċi żżomm l-attività tas-sewwieq għal mill-inqas 28 jum (l-attività medja ta' sewwieq hija definita bħala 93 bidla tal-attività kull ġurnata).

293) Id-dejta elenkata skont ir-rekwiżiti 286, 289 u 291 għandha tinħażen b'tali mod li tippermetti l-irkupru ta' attivitajiet fl-ordni li fihom okkorrew, anke f'każ ta' sitwazzjoni ta' trikkib tal-ħin.

294) Il-kard tas-sewwieq għandha tkun kapaċi taħżen, għal kull jum tal-kalendarju fejn intużat l-kard, u għal kull perjodu ta' użu ta' vettura msemmija dik il-ġurnata (perjodu ta' użu jinkludi ċ-ċikli kollha ta' inserzjoni u tneħħija tal-kard fil-vettura, kif jidher mill-kard), id-dejta li ġejja:

295) Il-kard tas-sewwieq għandha tkun kapaċi taħżen mill-inqas 84 rekord minn dawn.

296) Is-sewwieq għandu jkun kapaċi li jaħżen id-dejta li ġejja relatata ma' postijiet fejn perjodi tax-xogħol ta' kuljum jibdew u/jew jispiċċaw, imdaħħla mis-sewwieq:

297) Il-kard tas-sewwieq għandha tkun kapaċi żżomm mill-inqas 84 par ta' rekords minn dawn.

298) Il-kard tas-sewwieq għandha tkun kapaċi żżomm dejta relatata mal-vettura li fetħet is-sessjoni kurrenti:

299) Il-kard tas-sewwieq għandu ikunu kapaċi li jaħżen id-dejta relatata mal-attivitajiet tal-kontroll li ġejja:

Nota: rekwiżiti tas-sigurtà jimplikaw li tniżżil ta' kard għandu jkun irrekordjat biss jekk iseħħ permezz ta' apparat tar-rekordjar.

300) Il-kard tas-sewwieq għandha tkun kapaċi żżomm rekord wieħed minn dawn.

301) Il-kard tas-sewwieq għandha tkun kapaċi taħżen id-dejta li ġejja relatata ma' kondizzjonijiet speċifiċi li daħlu waħt li l-kard kien inserit (ikun liema jkun is-slott):

302) Il-kard tas-sewwieq għandha tkun kapaċi taħżen mill-inqas 56 rekord minn dawn.

303) Il-kard tas-sewwieq għandha tkun kapaċi taħżen id-dejta li ġejja marbuta mal-unitajiet tal-vettura differenti li fihom intużaw il-kard:

304) Il-kard tas-sewwieq għandha tkun kapaċi taħżen mill-inqas 84 rekord minn dawn.

305) Il-kard tas-sewwieq għandha tkun kapaċi taħżen id-dejta li ġejja marbuta mal-pożizzjoni tal-vettura meta l-ħin ta' sewqan kontinwu tas-sewwieq jkun laħaq multiplu ta' tliet sigħat:

306) Il-kard tas-sewwieq għandha tkun kapaċi taħżen mill-inqas 252 rekord minn dawn.

307) Il-kard tat-takografu għandha tkun kapaċi taħżen id-dejta li ġejja għall-identifikazzjoni tal-applikazzjoni:

308) Il-kard tal-workshop għandha tkun kapaċi taħżen għadd ta' kjavi kriptografiċi u ċertifikati, kif speċifikat f'Appendiċi 11, Parti A.

309) Il-kard tal-workshop għandha tkun kapaċi taħżen in-numru tal-identifikazzjoni personali (kodiċi PIN).

310) Il-kard tal-workshop għandha tkun kapaċi taħżen id-dejta tal-identifikazzjoni tal-kard li ġejjin:

311) Il-kard tal-workshop għandha tkun kapaċi taħżen id-dejta tal-identifikazzjoni tad-detentur tal-kard li ġejjin:

312) Il-kard tal-workshop għandha tkun kapaċi taħżen rekord tat-tniżżil mil-kard bl-istess mod bħall-kard tas-sewwieq.

313) Il-kard tal-workshop għandha tkun kapaċi żżomm rekords ta' kalibrazzjonijiet u/jew aġġustamenti tal-ħin imwettqa waqt li l-kard huwa inserit fl-apparat tar-rekordjar.

314) Kull rekord tal-kalibrazzjoni għandu jkun kapaċi li jżomm id-dejta li ġejja:

315) Il-kard tal-workshop għandha tkun kapaċi taħżen mill-inqas 88 rekord minn dawn.

316) Il-kard tal-workshop għandha żżomm in-numru totali ta' kalibrazzjonijiet imwettqa b'din il-kard.

317) Il-kard tal-workshop għandha żżomm in-numru ta' kalibrazzjonijiet imwettqa mill-aħħar tniżżil minnha.

318) Il-kard tal-workshop għandha tkun kapaċi taħżen rekords ta' eventi u ħsarat bl-istess mod bħall-kard tas-sewwieq.

319) Il-kard tas-sewwieq għandha tkun kapaċi taħżen id-dejta għat-tliet eventi l-iktar riċenti ta' kull tip (jiġifieri 18 event) u s-sitt ħsarat l-iktar riċenti ta' kull tip (jiġifieri 12-il ħsara).

320) Il-kard tal-workshop għandha tkun kapaċi taħżen l-attività tas-sewwieq bl-istess mod bħal kard tas-sewwieq.

321) Il-kard tal-workshop għandha tkun kapaċi żżomm mill-inqas dejta tal-attività medja ta' sewwieq ta' ġurnata waħda.

322) Il-kard tal-workshop għandha tkun kapaċi taħżen rekords tad-dejta użata mill-vetturi bl-istess mod bħal kard tas-sewwieq.

323) Il-kard tal-workshop għandha tkun kapaċi taħżen mill-inqas 4 rekord minn dawn.

324) Il-kard tal-workshop għandha tkun kapaċi taħżen rekords tal-bidu u/jew tmiem tal-perjodi tax-xogħol bl-istess mod bħall-kard tas-sewwieq.

325) Il-kard tal-workshop għandha tkun kapaċi żżomm mill-inqas tliet pari ta' rekords minn dawn.

326) Il-kard tal-workshop għandha tkun kapaċi taħżen rekord ta' sessjoni tal-kard bl-istess mod bħall-kard tas-sewwieq.

327) Il-kard tal-workshop għandha tkun kapaċi taħżen rekord ta' attività tal-kontroll bl-istess mod bħall-kard tas-sewwieq.

328) Il-kard tal-workshop għandha tkun kapaċi taħżen id-dejta rilevanti għal kondizzjonijiet speċifiċi bl-istess mod bħall-kard tas-sewwieq.

329) Il-kard tal-workshop għandha tkun kapaċi taħżen mill-inqas 2 rekords minn dawn.

330) Il-kard tat-takografu għandha tkun kapaċi taħżen id-dejta li ġejja għall-identifikazzjoni tal-applikazzjoni:

331) Il-kard tal-workshop għandha tkun kapaċi taħżen għadd ta' kjavi kriptografiċi u ċertifikati, kif speċifikat f'Appendiċi 11, Parti B.

332) Il-kard tal-workshop għandha tkun kapaċi taħżen in-numru tal-identifikazzjoni personali (kodiċi PIN).

333) Il-kard tal-workshop għandha tkun kapaċi taħżen id-dejta tal-identifikazzjoni tal-kard li ġejjin:

334) Il-kard tal-workshop għandha tkun kapaċi taħżen id-dejta tal-identifikazzjoni tad-detentur tal-kard li ġejjin:

335) Il-kard tal-workshop għandha tkun kapaċi taħżen rekord tat-tniżżil mil-kard bl-istess mod bħall-kard tas-sewwieq.

336) Il-kard tal-workshop għandha tkun kapaċi żżomm rekords ta' kalibrazzjonijiet u/jew aġġustamenti tal-ħin imwettqa waqt li l-kard huwa inserit fl-apparat tar-rekordjar.

337) Kull rekord tal-kalibrazzjoni għandu jkun kapaċi li jżomm id-dejta li ġejja:

338) Il-kard tal-workshop għandha tkun kapaċi taħżen mill-inqas 88 rekords minn dawn.

339) Il-kard tal-workshop għandha żżomm in-numru totali ta' kalibrazzjonijiet imwettqa b'din il-kard.

340) Il-kard tal-workshop għandha żżomm in-numru ta' kalibrazzjonijiet imwettqa mill-aħħar tniżżil minnha.

341) Il-kard tal-workshop għandha tkun kapaċi taħżen rekords ta' eventi u ħsarat bl-istess mod bħall-kard tas-sewwieq.

342) Il-kard tas-sewwieq għandha tkun kapaċi taħżen id-dejta għat-tliet eventi l-iktar riċenti ta' kull tip (jiġifieri 33 event) u s-sitt ħsarat l-iktar riċenti ta' kull tip (jiġifieri 12-il ħsara).

343) Il-kard tal-workshop għandha tkun kapaċi taħżen l-attività tas-sewwieq bl-istess mod bħal kard tas-sewwieq.

344) Il-kard tal-workshop għandha tkun kapaċi żżomm mill-inqas dejta tal-attività medja ta' sewwieq ta' ġurnata waħda.

345) Il-kard tal-workshop għandha tkun kapaċi taħżen rekords tad-dejta użata mill-vetturi bl-istess mod bħal kard tas-sewwieq.

346) Il-kard tal-workshop għandha tkun kapaċi taħżen mill-inqas 4 rekords minn dawn.

347) Il-kard tal-workshop għandha tkun kapaċi taħżen rekords tal-bidu u/jew tmiem tal-perjodi tax-xogħol bl-istess mod bħall-kard tas-sewwieq.

348) Il-kard tal-workshop għandha tkun kapaċi żżomm mill-inqas tliet pari ta' rekords minn dawn.

349) Il-kard tal-workshop għandha tkun kapaċi taħżen rekord ta' sessjoni tal-kard bl-istess mod bħall-kard tas-sewwieq.

350) Il-kard tal-workshop għandha tkun kapaċi taħżen rekord ta' attività tal-kontroll bl-istess mod bħall-kard tas-sewwieq.

351) Il-kard tal-workshop għandha tkun kapaċi taħżen id-dejta li ġejja marbuta mal-unitajiet tal-vettura differenti li fihom intużaw il-kard:

352) Il-kard tal-workshop għandha tkun kapaċi taħżen mill-inqas 4 rekords minn dawn.

353) Il-kard tal-workshop għandha tkun kapaċi taħżen id-dejta li ġejja marbuta mal-pożizzjoni tal-vettura meta l-ħin ta' sewqan kontinwu tas-sewwieq jkun laħaq multiplu ta' tliet sigħat:

354) Il-kard tal-workshop għandha tkun kapaċi taħżen mill-inqas 18 rekords minn dawn.

355) Il-kard tal-workshop għandha tkun kapaċi taħżen id-dejta rilevanti għal kondizzjonijiet speċifiċi bl-istess mod bħall-kard tas-sewwieq.

356) Il-kard tal-workshop għandha tkun kapaċi taħżen mill-inqas 2 rekords minn dawn.

357) Il-kard ta' kontroll għandha tkun kapaċi taħżen id-dejta li ġejja għall-identifikazzjoni tal-applikazzjoni:

358) Il-kard ta' kontroll għandha tkun kapaċi taħżen għadd ta' kjavi kriptografiċi u ċertifikati, kif speċifikat f'Appendiċi 11, Parti A.

359) Il-kard ta' kontroll għandha tkun kapaċi taħżen id-dejta tal-identifikazzjoni tal-kard li ġejja:

360) Il-kard ta' kontroll għandha tkun kapaċi taħżen id-dejta tal-identifikazzjoni tad-detentur tal-kard li ġejja:

361) Il-kard ta' kontroll għandha tkun kapaċi taħżen id-dejta tal-attività tal-kontroll li ġejja:

362) Il-kard ta' kontroll għandha tkun kapaċi żżomm mill-inqas 230 rekord minn dawn.

363) Il-kard ta' kontroll għandha tkun kapaċi taħżen id-dejta li ġejja għall-identifikazzjoni tal-applikazzjoni:

364) Il-kard ta' kontroll għandha tkun kapaċi taħżen għadd ta' kjavi kriptografiċi u ċertifikati, kif speċifikat f'Appendiċi 11, Parti B.

365) Il-kard ta' kontroll għandha tkun kapaċi taħżen id-dejta tal-identifikazzjoni tal-kard li ġejja:

366) Il-kard ta' kontroll għandha tkun kapaċi taħżen id-dejta tal-identifikazzjoni tad-detentur tal-kard li ġejja:

367) Il-kard ta' kontroll għandha tkun kapaċi taħżen id-dejta tal-attività tal-kontroll li ġejja:

368) Il-kard ta' kontroll għandha tkun kapaċi żżomm mill-inqas 230 rekord minn dawn.

369) Il-kard tal-kumpanija għandha tkun kapaċi taħżen id-dejta li ġejja għall-identifikazzjoni tal-applikazzjoni:

370) Il-kard tal-kumpanija għandha tkun kapaċi taħżen għadd ta' kjavi kriptografiċi u ċertifikati, kif speċifikat f'Appendiċi 11, Parti A.

371) Il-kard tal-kumpanija għandha tkun kapaċi taħżen id-dejta tal-identifikazzjoni tal-kard li ġejja:

372) Il-kard tal-kumpanija għandha tkun kapaċi taħżen id-dejta tal-identifikazzjoni tad-detentur tal-kard li ġejja:

373) Il-kard tal-kumpanija għandha tkun kapaċi taħżen id-dejta tal-attività tal-kumpanija li ġejja:

374) Il-kard tal-kumpanija għandha tkun kapaċi żżomm mill-inqas 230 rekord minn dawn.

375) Il-kard tal-kumpanija għandha tkun kapaċi taħżen id-dejta li ġejja għall-identifikazzjoni tal-applikazzjoni:

376) Il-kard tal-kumpanija għandha tkun kapaċi taħżen għadd ta' kjavi kriptografiċi u ċertifikati, kif speċifikat f'Appendiċi 11, Parti B.

377) Il-kard tal-kumpanija għandha tkun kapaċi taħżen id-dejta tal-identifikazzjoni tal-kard li ġejja:

378) Il-kard tal-kumpanija għandha tkun kapaċi taħżen id-dejta tal-identifikazzjoni tad-detentur tal-kard li ġejja:

379) Il-kard tal-kumpanija għandha tkun kapaċi taħżen id-dejta tal-attività tal-kumpanija li ġejja:

380) Il-kard tal-kumpanija għandha tkun kapaċi żżomm mill-inqas 230 rekord minn dawn.

381) Tagħmir ġdid tar-rekordjar għandu jitwassal lil fitters jew lill-manifatturi tal-vetturi fi stat mhux attivat, bil-parametri kollha tal-kalibrazzjoni, kif huma elenkati fil-Kapitolu III(3.21), issettjati għall-valuri predefiniti xierqa u validi. Fejn l-ebda valur partikolari ma jkun xieraq, il-parametri litterali għandhom ikunu ssettjati għal strings ta' “?” u l-parametri numeriċi għandhom ikunu ssettjati għal “0”. It-tqassim tal-partijiet tas-sigurtà rilevanti tal-apparat tar-rekordjar jista' jkun ristrett jekk ikun meħtieġ matul iċ-ċertifikazzjoni tas-sigurtà.

382) Qabel l-attivazzjoni tiegħu, l-apparat tar-rekordjar għandu jagħti aċċess għall-funzjoni tal-kalibrazzjoni anke jekk ma jkunx fil-mod tal-kalibrazzjoni.

383) Qabel l-attivazzjoni tiegħu, l-apparat tar-rekordjar la għandu jirrekordja u lanqas jaħżen id-dejta msemmija f'punti 3.12.3, 3.12.9 u 3.12.12 to 3.12.15 inklużi.

384) Waqt l-istallazzjoni, il-manifatturi tal-vetturi għandhom jissettjaw minn qabel il-parametri magħrufa kollha.

385) Il-manifatturi tal-vetturi jew fitters għandhom jattivaw l-apparat tar-rekordjar installat l-iktar tard qabel ma l-vettura tintuża skont l-ambitu tar-Regolament (KE) Nru 561/2006.

386) L-attivazzjoni tal-apparat tar-rekordjar għandu jiġi pprovokat awtomatikament bl-ewwel inserzjoni ta' kard ta' workshop f'wieħed mill-apparati tal-interfaċċa tal-kard.

387) Operazzjonijiet tat-tqabbil speċifiċi meħtieġa bejn is-sensor tal-moviment u l-unità tal-vettura, jekk ikun hemm, għandu jseħħ awtomatikament qabel jew waqt l-attivazzjoni.

388) B'mod simili, operazzjonijiet speċifiċi ta' akkoppjar bejn il-faċilità tal-GNSS esterna u l-unità tal-vettura, jekk ikun hemm, għandhom iseħħu awtomatikament qabel jew waqt l-attivazzjoni.

389) Wara l-attivazzjoni tiegħu, l-apparat tar-rekordjar għandu jinforza fis-sħiħ il-funzjonijiet u d-drittijiet tal-aċċess tad-dejta.

390) Wara l-attivazzjoni tiegħu, l-apparat tar-rekordjar għandu jibgħat lill-faċilità tal-komunikazzjoni remota, id-dejta sigura meħtieġa għal-finijiet tal-kontrolli mmirati mal-ġenb tat-triq.

391) Il-funzjonijiet tar-rekordjar u l-ħażna tal-apparat tar-rekordjar għandhom ikunu kompletament operattivi wara l-attivazzjoni tiegħu.

392) L-istallazzjoni għandha tiġi segwita b'kalibrazzjoni. L-ewwel kalibrazzjoni mhux bilfors tkun tinkludi d-dħul tan-numru tar-reġistrazzjoni tal-vettura (il-VRN), meta ma jkunx magħruf mill-workshop approvat li jkun qed jieħu ħsieb il-kalibrazzjoni. F'dawn iċ-ċirkustanzi, għandu jkun possibbli għal sid il-vettura, u f'dan il-ħin biss, li jdaħħal il-VRN billi juża l-Kard tal-Kumpanija tiegħu qabel ma juża l-vettura skont l-ambitu tar-Regolament (KE) Nru 561/2006 (pereżempju billi juża l-kmandi permezz ta' struttura xierqa tal-menu tal-interfaċċa ta' bejn il-magna u l-bniedem tal-unità tal-vettura) ( 20 ). Kull aġġornament jew konferma ta' dan id-dħul għandu jkun possibbli biss bl-użu ta' Kard tal-Workshop.

393) l-istallazzjoni ta' faċilità tal-GNSS esterna teħtieġ l-akkoppjar mal-unità tal-vettura u l-verifika sussegwenti tal-informazzjoni mill-GNSS dwar il-pożizzjoni.

394) L-apparat tar-rekordjar għandu jkun imqiegħed fil-vettura b'tali mod li jippermetti lis-sewwieq ikollu aċċess għall-funzjonijiet neċessarji mis-sit tiegħu.

395) Wara li l-apparat tar-rekordjar jkun ġie ċċekkjat mal-istallazzjoni, plakka tal-istallazzjoni, imnaqqxa jew stampata b'mod permanenti, li hija viżibbli b'mod ċar u aċċessibbli faċilment għandha titwaħħal fuq l-apparat tar-rekordjar. F'każijiet fejn dan mhux possibbli, il-plakka għandha titwaħħal fuq il-pilastru “B” tal-vettura sabiex tkun viżibbli b'mod ċar. Għall-vetturi li ma għandhomx il-pilastru “B”, il-plakka tal-istallazzjoni għandha titwaħħal mal-qafas tal-bieba tan-naħa tas-sewwieq tal-vettura u għandha tkun viżibbli b'mod ċar fil-każijiet kollha.

Wara kull spezzjoni minn fitter jew workshop approvat, plakka ġdida għandha titwaħħal fil-post ta' dik ta' qabel.

396) Il-plakka għandha turi mill-inqas id-dettalji li ġejjin:

397) Għall-vetturi M1 u N1 biss, li huma armati b'adapter f'konformità mar-Regolament tal-Kummissjoni (KE) Nru 68/2009 ( 21 ), kif emendat l-aħħar u fejn mhux possibbli li jkun inkluż it-tagħrif kollu meħtieġ, kif deskritt fir-Rekwiżit 396, tista' tintuża plakka oħra addizzjonali. F'każijiet bħal dawn, din il-plakka addizzjonali għandu jkollha mill-anqas l-aħħar erba' inċiżi deskritti fir-Rekwiżit 396.

Din it-tieni plakka addizzjonali, jekk tintuża, għandha titwaħħal fejn jew ħdejn l-ewwel plakka primarja deskritta fir-Rekwiżit 396, u għandu jkollha l-istess livell ta' protezzjoni. Barra minn hekk, il-plakka sekondarja wkoll għandu jkollha l-isem, l-indirizz u l-isem kummerċjali tal-fitter jew tal-workshop approvat li jkun wettaq l-istallazzjoni, u d-data tal-istallazzjoni.

398) Il-parti li ġejja għandha tiġi ssiġillata:

399) Is-siġilli msemmija hawn fuq jistgħu jitneħħew:

400) F'kull okkażjoni li dawn is-siġilli jinkisru stqarrija bil-miktub li tagħti r-raġunijiet għal din l-azzjoni għandha tkun ippreparata u ssir disponibbli lill-awtorità kompetenti.

401) Is-siġilli għandhom ikollhom numru ta' identifikazzjoni, allokat mill-manifattur tagħhom. Dan in-numru għandu jkun uniku u differenti minn kwalunkwe numru ieħor tas-siġilli allokat minn kwalunkwe manifattur ieħor tas-siġilli.

Dan in-numru uniku tal-identifikazzjoni huwa definit bħala: MMNNNNNN b'marka li ma titħassarx, fejn MM huwa l-identifikatur uniku tal-manifattur (reġistru tal-bażi tad-dejta ġestit mill-KE) u NNNNNN in-numru alfanumeriku tas-siġill, uniku fil-qasam tal-manifattur.

402) Is-siġilli għandhom ikollhom spazju liberu fejn fitters, workshops jew manifatturi tal-vetturi jistgħu jżidu marka speċjali skont l-Artikolu 22.3 tar-Regolament (UE) Nru 165/2014.

Din il-marka m'għandhiex tkopri n-numru ta' identifikazzjoni tas-siġill.

403) Il-manifatturi tas-siġilli għandhom jkunu rreġistrati f'bażi tad-dejta apposta u għandhom jippubblikaw in-numri tal-identifikazzjoni tas-siġilli tagħhom permezz ta' proċedura li għandha tiġi stabbilita mill-Kummissjoni Ewropea.

404) Il-workshops u l-manifatturi tal-vetturi approvati, għandhom, fil-kuntest tar-Regolament (UE) Nru 165/2014, jużaw biss siġilli minn dawk il-produtturi tas-siġilli elenkati fil-bażi tad-dejta msemmija hawn fuq.

405) Il-manifatturi tas-siġilli u d-distributuri tagħhom għandhom iżommu rekords ta' traċċabbiltà sħiħa tas-siġilli mibjugħa biex jintużaw fil-kuntest tar-Regolament (UE) Nru 165/2014 u għandhom ikunu lesti li jipprovduhom lill-awtoritajiet nazzjonali kompetenti kull meta jkun hemm bżonn.

406) In-numri uniċi tal-identifikazzjoni tas-siġilli għandhom ikunu jidhru fuq il-plakka tal-istallazzjoni.

— istallazzjonijiet,

— iċċekkjar,

— spezzjonijiet,

— tiswijiet.

— li ma humiex eliġibbli għal kard tal-kumpanija,

— u li l-attivitajiet professjonali oħrajn tagħhom ma jippreżentawx kompromess potenzjali għas-sigurtà ġenerali tas-sistema kif hemm definit fl-Appendiċi 10.

407) Kull apparat individwali, jekk huwiex ġdid jew imsewwi, għandu jkun iċċekkjat li jaħdem tajjeb u li l-funzjonijiet ta' qari u rekordjar tiegħu huma akkurati, fil-limiti stipulati fil-Kapitolu 3.2.1, 3.2.2, 3.2.3, u 3.3 permezz ta' siġillar skont il-Kapitolu 5.3. u l-kalibrazzjoni.

408) Meta tkun qed tiġi armata f'vettura, l-istallazzjoni sħiħa (inkluż l-apparat tar-rekordjar) għandha tikkonforma mad-dispożizzjonijiet relatati mat-tolleranzi massimi stipulati fil-Kapitolu 3.2.1, 3.2.2, 3.2.3 u 3.3.

409) Spezzjonijiet perjodiċi tal-apparat imwaħħal ma' vetturi għandhom iseħħu wara kull tiswijja tal-apparat, jew wara kull tibdil tal-karatteristiċi tal-ko-effiċjent tal-vettura jew għaċ-ċirkonferenza effettiva tat-tajers, jew wara l-ħin tal-UTC tal-apparat ikun ħażin b'iktar minn 20 minuta, jew meta l-VRN inbidlet, u mill-inqas darba fi żmien ta' sentejn (24 xahar) mill-aħħar spezzjoni.

410) Dawn l-ispezzjonijiet għandhom jinkludu l-eżamijiet li ġejjin:

411) Jekk jinstab li seħħ wieħed mill-eventi mniżżlal fis-Sezzjoni 3.9 tal-Kapitolu III (detezzjoni ta' Eventi u/jew ta' Ħsarat) mill-aħħar spezzjoni 'l hawn u dan jitqies mill-manifattur tat-takografu u/jew mill-awtoritajiet nazzjonali bħala event li jista' potenzjalement ipoġġi s-sigurtà tal-apparat f'riskju, il-workshop għandu:

412) L-workshops għandhom iżommu traċċa ta' kwalunkwe sejba ta' siġilli miksura jew ta' strumenti ta' manipulazzjoni fir-rapporti tal-ispezzjoni tagħhom. Dawn ir-rapporti għandhom jinżammu għal mill-anqas sentejn mill-workshops u għandhom jitqiegdu għad-dispożizzjoni tal-Awtorità Kompetenti meta din titlobhomlhom.

413) dawn l-ispezzjonijiet għandhom jinkludu kalibrazzjoni u sostituzzjoni preventiva tas-siġilli li l-fitting tagħhom huwa taħt ir-responsabbiltà tal-workshops..

414) Il-kejl ta' żbalji waqt l-istallazzjoni u waqt l-użu għandu jsir taħt il-kondizzjonijiet li ġejjin, li għandhom jitqiesu li jikkostitwixxu kondizzjonijiet standard għall-ittestjar:

415) Il-workshops għandhom ikunu kapaċi li jniżżlu dejta mill-apparat tar-rekordjar u jagħtu dejta lura lill-kumpanija tat-trasport xierqa.

416) Il-workshops approvati għandhom joħorġu ċertifikat li d-dejta ma tistax titniżżel lill-kumpaniji tat-trasport fejn il-ħsara fl-apparat tar-rekordjar jipprevjeni dejta li ġiet irrekordjata minn qabel li titniżżel, anke wara tiswija minn dan il-workshop. Il-workshops għandhom iżommu kopja ta' kull ċertifikat li nħareġ għal mill-inqas sentejn.

417) In-numru tal-kard għall-ewwel darba li tkun inħarġet kard tat-takografu lil applikant għandu jkollu indiċi konsekuttiv (jekk japplika) u indiċi ta' tibdil u indiċi ta' tiġdid issettjati għal “0”.

418) In-numri tal-kards tat-takografu mhux personali maħruġa lil entità singola tal-kontroll jew għal workshop singolu jew għal kumpanija tat-trasport singola għandhom ikollhom l-istess 13-il ċifra, u għandhom ikollhom indiċi konsekuttiv differenti.

419) Kard tat-takografu li tinħareġ biex tissostitwixxi kard tat-takografu eżistenti għandu jkollu l-istess numru tal-kard bħal dik li ġiet sostitwita ħlief l-indiċi tat-tibdil li għandu jiżdied b' “1” (fl-ordni 0,…,9, A,…,Z).

420) Kard tat-takografu li tinħareġ biex tissostitwixxi kard tat-takografu eżistenti għandu jkollu l-istess data tal-iskadenza bħal dik li ġiet sostitwita

421) Kard tat-takografu li tinħareġ biex iġġedded kard tat-takografu eżistenti għandu jkollha l-istess numru tal-kard bħal dik imġedda ħlief l-indiċi tat-tiġdid li għandu jiżdied b' “1” (fl-ordni 0,…,9, A,…,Z).

422) L-iskambju ta' kard tat-takografu eżistenti, sabiex jimmodifika dejta amministrattiva għandu jsegwi r-regoli tat-tiġdid fi ħdan l-istess Stat Membru, jew ir-regoli tal-ewwel ħruġ jekk imwettqa minn Stat Membru ieħor.

423) Il-“kunjom tad-detentur tal-kard” għal kards mhux personali tal-workshop jew ta' kontroll, għandu jimtela bl-isem tal-workshop jew tal-korp ta' kontroll, inkella b'isem il-fitter jew tal-uffiċjal ta' kontroll jekk l-Istati Membri jiddeċiedu hekk.

424) L-Istati Membri għandhom jiskambjaw id-dejta b'mod elettroniku sabiex jiżguraw l-uniċità tal-kards tas-sewwieqa skont l-Artikolu 31 tar-Regolament (UE) Nru 165/2014.

425) L-apparat tar-rekordjar għandu jkun issottomess għall-approvazzjoni kompluta b'xi apparat integrat addizjonali.

426) L-approvazzjoni tat-tip ta' apparat tar-rekordjar u ta' kards tat-takografu għandhom jinkludu testijiet tas-sigurtà rrelatati, testijiet funzjonali u testijiet tal-interoperabbiltà. Riżultati pożittivi għal kull wieħed minn dawn it-testijiet huma ċċertifikati b'mod xieraq.

427) L-awtoritajiet tal-approvazzjoni tat-tip tal-Istati Membri ma joħorġux ċertifikat tal-approvazzjoni tat-tip sakemm ma jkollhomx:

għall-apparat tar-rekordjar jew kard tat-takografu, soġġett għat-talba tal-approvazzjoni tat-tip.

428) Kull modifika fis-software jew hardware tal-apparat jew fin-natura tal-materjali użati għall-manifattura tiegħu għandhom, qabel ma jintużaw, jiġu nnotifikati lill-awtorità li tat l-approvazzjoni tat-tip għall-apparat. Din l-awtorità għandha tikkonferma lill-manifattur l-estensjoni tal-approvazzjoni tat-tip, jew tista' tinħtieġ aġġornament jew konfermazzjoni taċ-ċertifikati rilevanti funzjonali, tas-sigurtà u/jew tal-interoperabbilità.

429) Proċeduri għal aġġornament in situ tas-software tal-apparat tar-rekordjar għandu jkun approvat mill-awtorità li tat l-approvazzjoni tat-tip għall-apparat tar-rekordjar. Aġġornament tas-software ma jistax ibiddel u l-anqas iħassar dejta tal-attività tas-sewwieq maħżuna fl-apparat tar-rekordjar. Software jista' jiġi aġġornat biss skont ir-responsabbiltà tal-manifattur tal-apparat.

430) L-approvazzjoni tat-tip tal-modifiki tas-softwer immirati għat-titjib ta' apparat tar-rekordjar approvat xi żmien qabel ma tistax tiġi miċħuda jekk tali modifiki japplikaw biss għal funzjonijiet li mhumiex speċifikati f'dan l-Anness. Titjib tas-software tal-apparat ta' rekordjar jista' jeskludi l-introduzzjoni ta' gruppi ta' karattri ta' kitba ġodda, jekk dan ma jkunx teknikament fattibbli.

431) Iċ-ċertifikat tas-sigurtà jinħareġ skont id-dispożizzjonijiet tal-Appendiċi 10 ta' dan l-Anness. Il-komponenti tal-apparat ta' rekordjar li għandhom jiġu ċċertifikati huma unità ta' vettura, sensor tal-moviment, faċilità tal-GNSS esterna u l-kards tat-takografu.

432) Fiċ-ċirkustanza eċċezzjonali li l-awtoritajiet taċ-ċertifikazzjoni tas-sigurtà jirrifjutaw li jiċċertifikaw apparat ġdid fuq il-bażi tal-ħruġ mill-użu tal-mekkaniżmi tas-sigurtà, l-approvazzjoni tat-tip għandha tkompli tingħata biss f'din iċ-ċirkustanza speċifika u eċċezzjonali, u meta ma tkun teżisti l-ebda soluzzjoni alternattiva li tkun konformi ma' dan ir-Regolament.

433) F'din iċ-ċirkostanza, l-Istat Membru kkonċernat għandu, mingħajr dewmien, jinforma lill-Kummissjoni Ewropea, li għandha, fi żmien tnax-il xahar tal-kalendarju mill-għoti tal-approvazzjoni tat-tip, tniedi proċedura biex tiżgura li l-livell tas-sigurtà jitreġġa' lura għal-livelli oriġinali tiegħu.

434) Kull kandidat għall-approvazzjoni tat-tip għandu jipprovdi lill-awtorità tal-approvazzjoni tal-Istat Membru l-materjali u d-dokumentazzjoni kollha li l-awtorità tqis li huwa neċessarju.

435) Il-manifatturi għandhom jipprovdu l-kampjuni rilevanti tal-prodotti kandidati għall-approvazzjoni tat-tip u d-dokumentazzjoni assoċjata meħtieġa mil-laboratorji magħżula sabiex iwettqu t-testijiet tal-funzjonament, u għandhom jagħmlu dan fi żmien xahar minn meta ssir it-talba. Kull spiża li tinħoloq bħala riżultat ta' din it-talba għandha titħallas mill-entità li tkun qed tagħmel it-talba. Il-laboratorji għandhom jittrattaw l-informazzjoni kummerċjalment sensittiva kollha b'mod kunfidenzjali.

436) Ċertifikat funzjonali għandu jitwassal lill-manifattur biss wara li t-testijiet funzjonali kollha speċifikati fl-Appendiċi 9, mill-inqas, saru b'suċċess.

437) L-awtorità tal-approvazzjoni tat-tip tagħti ċ-ċertifikat funzjonali. Dan iċ-ċertifikat għandu jindika, flimkien mal-isem tal-benifiċċjarju tiegħu u l-identifikazzjoni tal-mudell, lista ddettaljata tat-testijiet imwettqa u r-riżultati ottentuti.

438) Iċ-ċertifikat funzjonali ta' kwalunkwe komponent tal-apparat tar-rekordjar għandu wkoll jindika n-numri tal-approvazzjoni tat-tip tal-komponenti l-oħra tal-apparat tar-rekordjar li huma kompatibbli u ġew ittestjati għaċ-ċertifikazzjoni.

439) Iċ-ċertifikat funzjonali ta' kwalunkwe komponent tal-apparat tar-rekordjar għandu wkoll jindika l-istandard ISO jew CEN li jkun intuża għaċ-ċertifikazzjoni tal-interfaċċa funzjonali.

440) Testijiet tal-interoperabilità jitwettqu f'laboratorju wieħed bl-awtorità u r-responsabbiltà tal-Kummissjoni Ewropea.

441) Il-laboratorju għandu jirreġistra talbiet ta' testijiet tal-interoperabilità introdotti mill-manifatturi b'ordni kronoloġika tal-wasla tagħhom.

442) Talbiet għandhom jiġu rreġistrati uffiċjalment biss meta l-laboratorju jkun fil-pussess ta':

Id-data tar-reġistrazzjoni tat-talba għandha tiġi nnotifikata lill-manifattur.

443) Ma għandu jitwettaq l-ebda test tal-interoperabblità mil-laboratorju għall-apparat tar-rekordjar jew għall-kards tat-takografu li ma jkunux ingħataw ċertifikat tas-sigurtà u ċertifikat tal-funzjonalità, sakemm ma jkunx hemm iċ-ċirkustanzi eċċezzjonali deskritti fir-Rekwiżit 432.

444) Kull manifattur li jitlob testijiet tal-interoperabilità għandu jikkommetti li jħalli għal-laboratorju li jmexxi dawn it-testijiet is-sett komplet ta' materjal u dokumenti li pprovda hu stess għat-twettieq tat-testijiet.

445) It-testijiet tal-interoperabilità għandhom isiru, skont id-dispożizzjonijiet tal-Appendiċi 9 ta' dan l-Anness, fuq it-tipi kollha tal-apparat tar-rekordjar jew kards tat-takografu rispettivament:

446) It-testijiet tal-interoperabilità għandhom ikopru l-ġenerazzjonijiet kollha tal-apparat tar-rekordjar jew il-kards tat-takografu li jkunu għandhom jintużaw.

447) Iċ-ċertifikat tal-interoperabilità għandu jingħata mil-laboratorju lill-manifattur wara li għadda b'suċċess it-testijiet kollha tal-interoperabilità biss.

448) Jekk it-testijiet tal-interoperabilità ma humiex ta' suċċess ta' xi wieħed jew iktar tal-apparat tar-rekordjar jew kards tat-takografu, iċ-ċertifikat tal-interoperabilità ma għandux jinħareġ, sakemm il-manifattur li għamel it-talba ikun għamel il-modifiki meħtieġa u għadda b'suċċess it-testijiet tal-interoperabilità. Il-laboratorju għandu jidentifika l-kawża tal-problema bl-għajnuna tal-manifattur ikkonċernat b'b'din il-ħsara tal-interoperabilità u għandu jipprova jgħin lill-manifattur fit-tfittxija ta' soluzzjoni teknika. Fil-każ li l-manifattur immodifika l-prodott tiegħu, hija r-responsabbiltà tal-manifattur biex jaċċerta mill-awtoritajiet relevanti li ċ-ċertifikat tas-sigurtà u ċ-ċertifikati funzjonali għadhom validi.

449) Iċ-ċertifikat tal-interoperabbiltà huwa validu għal sitt xhur. Huwa jiġi rrevokat fl-aħħar ta' dan il-perjodu jekk il-manifattur ma rċeviex ċertifikat tal-approvazzjoni tat-tip korrispondenti. Huwa mgħoddi mill-manifattur lill-awtorità tal-approvazzjoni tal-Istat Membru li wassal iċ-ċertifikat funzjonali.

450) Kull element li jista' jkun fl-oriġini ta' ħsara tal-interoperabilità ma għandux jintuża għall-profitt jew iwassal għall-pożizzjoni dominanti.

451) L-awtorità tal-approvazzjoni tal-Istat Membru tista' twassal iċ-ċertifikat tal-approvazzjoni tat-tip malli jkollha t-tliet ċertifikati meħtieġa.

452) Iċ-ċertifikat tal-approvazzjoni tat-tip ta' kwalunkwe komponent tal-apparat tar-rekordjar għandu jindika wkoll in-numri tal-approvazzjoni tat-tip tal-komponenti l-oħra tal-apparat tar-rekordjar interoperabbli.

453) Iċ-ċertifikat tal-approvazzjoni tat-tip jista' jiġi kkopjat mill-awtorità tal-approvazzjoni lil-laboratoju li qiegħed imexxi t-testijiet tal-interoperabilità fil-ħin tat-twassil lill-manifattur.

454) Il-laboratorju kompetenti biex iwettaq testijiet tal-interoperabilità tal-komponenti għandu jżomm web site pubblika li fuqha għandha tiġi aġġornata l-lista ta' mudelli ta' apparat tar-rekordjar jew kards tat-takografu:

455) Sa erba' xhur wara l-ewwel ftit mill-apparat tar-rekordjar tat-2 ġenerazzjoni u ta' kards tat-takografu (tas-sewwieq, tal-workshop, ta' kontroll, u tal-kumpanija) tat-2 ġenerazzjoni jkunu ġew iċċertiikati li huma interoperabbli, kull ċertifikat tal-interoperabilità maħruġ (inkluż dan l-ewwel wieħed), rigward talbiet irreġistrati waqt dan il-perjodu, għandhom jitqiesu proviżorji.

456) Jekk fl-aħħar ta' dan il-perjodu, il-prodotti kollha kkonċernati huma interoperabbli ma' xulxin, iċ-ċertifikati tal-interoperabilità korrispondenti kollha għandhom isiru definitivi.

457) Jekk waqt dan il-perjodu, jinstabu ħsarat tal-interoperabilità, il-laboratorju li qed jieħu ħsieb it-testijiet tal-interoperabilità għandu jidentifika l-kawżi tal-problemi bl-għajnuna tal-manifatturi kollha involuti u għandhom jistidnuhom biex jagħmlu l-modifiki neċessarji.

458) Jekk fl-aħħar ta' dan il-perjodu, ikun għad fadal problemi tal-interoperabilità, il-laboratorju li qed imexxi t-testijiet tal-interoperabilità li wasslu ċ-ċertifikati funzjonali korrispondenti għandhom isibu l-kawżi tal-ħsarat tal-interoperabilità u jistabbilixxi liema modifiki għandhom jitwettqu minn kull manifattur kkonċernat. It-tfittxija ta' soluzzjonijiet tekniċi għandha ddum għal massimu ta' xahrejn, jekk wara ma tinstab l-ebda soluzzjoni komuni, il-Kummissjoni, wara li tkun ikkonsultat mal-laboratorju li qed imexxi t-testijiet tal-interoperabilità, għandha tiddeċiedi liema apparat u kards għandhom ċertifikat tal-interoperabilità definittiv u tistqarr ir-raġunijiet għaliex.

459) Kull talba għal testijiet tal-interoperabilità, irreġistrati mil-laboratorju bejn l-aħħar tal-perjodu tal-erba' xhur wara li nħareġ l-ewwel ċertifikat tal-interoperabilità proviżorju jkun twassal u d-data tad-deċiżjoni tal-Kummissjoni riferita għaliha fir-rekwiżit 455, għandu jiġi pospost sa kemm il-problemi inizjali tal-interoperabilità jiġu solvuti. Dawk it-talbiet huma mbagħad proċessati bl-ordni kronoloġika tar-reġistrazzjoni tagħhom.

— fejn ikun possibbli, it-tifsira tat-tip ta' dejta tkun implikata permezz tal-ismijiet li jintgħażlu,

— fejn it-tip ta' dejta jkun kompost mini tipi oħra, l-isem għat-tip tad-dejta xorta jibqa' sekwenza waħda ta' karattri alfabetiċi li jibdew b'ittra kapitali. Madankollu, meta jintużaw ittri kapitali fl-isem, dawn jagħtu tifsira partikolari korrispondenti,

— b'mod ġenerali, l-ismijiet tat-tipi tad-dejta huma marbuta mal-ismijiet tat-tipi tad-dejta li minnhom huma mibnija, l-apparat li fih hija maħżuna d-dejta u l-funzjoni marbuta mad-dejta.

— ‘s’ hija rilevanti u tindika s-slott li minnha titneħħa l-kard.

— ‘c’ trid tkun issettjata għal 0,

— ‘p’ trid tkun issettjata għal 1,

— ‘aa’ trid tikkodifika l-attivita kurrenti magħżula f'dak il-ħin,

Ġenerazzjoni 1:

‘00’H

valur riżervat,

‘01’H

attivazzjoni: rekordjar tal-parametri tal-kalibrazzjoni magħrufq fil-mument tal-attivazzjoni tal-VU,

‘02’H

l-ewwel installazzjoni: l-ewwel kalibrazzjni tal-VU wara l-attivazzjoni tiegħu,

‘03’H

installazzjoni: l-ewwel kalibrazzjoni tal-VU fil-vettura kurrenti,

‘04’H

spezzjonijiet perjodika.

Ġenerazzjoni 2:

Minbarra dawk tal-ġenerazzjoni 1 jintużaw il-valuri li ġejjin:

‘05’H

entrata tal-VRN mill-kumpanija,

‘06’H

aġġustament tal-ħin mingħajr kalibrazzjoni,

‘07’H sa ‘7F’H

RFU,

‘80’H sa ‘FF’H

Speċifika għall-manifattur.