|
27.7.2020 |
MT |
Il-Ġurnal Uffiċjali tal-Unjoni Ewropea |
L 241/32 |
DEĊIŻJONI (UE) 2020/1100 TAL-BANK ĊENTRALI EWROPEW
tas-17 ta’ Lulju 2020
li temenda d-Deċiżjoni (UE) 2015/32 dwar id-derogi li jistgħu jingħataw skont ir-Regolament (UE) Nru 1073/2013 (BĊE/2020/33)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra r-Regolament (UE) Nru 1073/2013 tal-Bank Ċentrali Ewropew tat-18 ta’ Ottubru 2013 dwar statistika fir-rigward tal-attiv u l-passiv ta’ fondi ta’ investiment (BĊE/2013/38) (1), u b’mod partikolari l-Artikolu 8(2) tiegħu,
Billi:
|
(1) |
L-Artikolu 8(2) tar-Regolament (UE) Nru 1073/2013 (BĊE/2013/38) jipprovdi li jistgħu jingħataw derogi mir-rekwiżiti dwar ir-rappurtar statistiku lill-fondi ta’ investiment (IFs) li jkunu suġġetti għal regoli ta’ kontabbiltà nazzjonali li jippermettu l-valutazzjoni tal-assi tagħhom b’mod inqas frekwenti minn kull trimestru. Jipprovdi wkoll li l-kategoriji IF li lilhom il-banek ċentrali nazzjonali (BĊNi) ikollhom id-diskrezzjoni li jagħtu derogi, għandhom jiġu deċiżi mill-Kunsill Governattiv. Il-lista ta’ dawk il-kategoriji IF tinsab f’Deċiżjoni adottata mill-Kunsill Governattiv. |
|
(2) |
Waqt ir-reviżjoni stipulata mill-Artikolu 1 tad-Deċiżjoni (UE) 2015/32 tal-Bank Ċentrali Ewropew (BĊE/2014/62) (2), il-Kunsill Governattiv iddetermina li huwa neċessarju li jiġu inklużi iktar kategoriji ta’ fondi ta’ investiment li għalihom jistgħu jingħataw derogi skont l-Artikolu 8(2) tar-Regolament (UE) Nru 1073/2013 (BĊE/2013/38) lill-Awstrija, il-Latvja, il-Litwanja u il-Portugall, li jitneħħew kategoriji ta’ fondi ta’ investiment li m’għadhomx japplikaw għal Franza, u li jsiru emendi minuri li jirriżultaw minn tibdiliet għal ċerti atti legali nazzjonali. |
|
(3) |
Għaldaqstant, id-Deċiżjoni (UE) 2015/32 (BĊE/2014/62) għandha tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
Emenda
L-Anness għad-Deċiżjoni (UE) 2015/32 (BĊE/2014/62) huwa ssostitwit bl-Anness għal din id-Deċiżjoni.
Artikolu 2
Dħul fis-seħħ
Din id-Deċiżjoni għandha tidħol fis-seħħ fil-jum meta tiġi nnotifikata lid-destinatarji.
Artikolu 3
Destinatarji
Din id-Deċiżjoni hija indirizzata lill-BĊNi tal-Istati Membri li l-munita tagħhom hija l-euro.
Magħmul fi Frankfurt am Main, is-17 ta’ Lulju 2020.
Il-President tal-BĊE
Christine LAGARDE
(1) ĠU L 297, 7.11.2013, p. 73.
(2) Id-Deċiżjoni (UE) 2015/32 tal-Bank Ċentrali Ewropew tad-29 ta’ Diċembru 2014 dwar derogi li jistgħu jingħataw skont ir-Regolament (UE) Nru 1073/2013 dwar statistika fir-rigward tal-attiv u l-passiv ta’ fondi ta’ investiment (BĊE/2013/38) (BĊE/2014/62) (ĠU L 5, 9.1.2015, p. 17).
ANNESS
L-Anness tad-Deċizjoni (UE) 2015/32 (BĊE/2014/62) huwa ssostitwit b’dan li ġej:
“ANNESS
KATEGORIJI TA’ FONDI TA’ INVESTIMENT LI GĦALIHOM JISTGĦU JINGĦATAW DEROGI SKONT L-ARTIKOLU 8(2) TAR-REGOLAMENT (UE) Nru 1073/2013 (BĊE/2013/38)
|
Stat Membru |
Isem tal-kategorija tal-IF |
Att legali fir-rigward tal-kategorija |
Att legali li jiddetermina l-frekwenza tal-valutazzjoni |
Frekwenza tal-valutazzjoni skont il-leġiżlazzjoni nazzjonali |
||||
|
Titolu tal-att legali |
Numru/data tal-att legali |
Dispożizzjonijiet rilevanti |
Titolu tal-att legali |
Numru/data tal-att legali |
Dispożizzjonijiet rilevanti |
|||
|
L-Awstrija |
Alternative Investmentfonds (Fondi ta’ investiment alternattiv għal investituri professjonali) |
Alternative Investmentfonds Manager-Gesetz – AIFMG 2013 (Liġi dwar kumpaniji ta’ ġestjoni ta’ fondi ta’ investiment alternattiv) |
BGBl. I Nr. 135/2013 |
AIFMG 2013 § 2 u mhux soġġett għal AIFMG § 48 |
Alternative Investmentfonds Manager-Gesetz – AIFMG 2013 (Liġi dwar kumpaniji ta’ ġestjoni ta’ fondi ta’ investiment alternattiv) |
BGBl. I Nr. 135/2013 |
AIFMG 2013 §17 (3) |
Annwali |
|
L-Awstrija |
Immobilienfonds (Fondi ta’ investiment fi proprjetà immobbli) |
Immobilien-Investmentfondsgesetz – ImmoInvFG 2003 (liġi dwar fondi ta’ investiment fi proprjetà immobbli) |
BGBl. I Nr. 80/2003 |
ImmoInvFG 2003 § 1 |
Immobilien-Investmentfondsgesetz – ImmoInvFG 2003 (liġi dwar fondi ta’ investiment fi proprjetà immobbli) |
BGBl. I Nr. 80/2003 |
ImmoInvFG 2003 § 29 (2) |
Annwali |
|
Franza |
Fonds commun de placement à risque (Fondi komuni ta’ kapital ta’ riskju) |
Code monétaire et financier (Kodiċi monetarju u finanzjarju) |
|
Kapitolu IV, Taqsima 2, Paragrafu 2. L214-28 sa L214-32 |
Règlement général de l’Autorité des Marchés Financiers (Regolament Ġenerali tal-Awtorità tas-Swieq Finanzjarji) |
|
Ktieb IV, Titolu II, Artikolu 422-120-13 |
Darbtejn fis-sena |
|
L-Italja |
Fondi chiusi (Fondi magħluqa) |
Decreto legislativo – Testo unico delle disposizioni in materia di intermediazione finanziaria (Digriet leġiżlattiv – id-dispożizzjonijiet kollha fil-qasam tal-intermedjazzjoni finanzjarja) |
Nru 58 tal-24 ta’ Frar 1998 |
Parti I, Artikolu 1 Parti II, Artikoli 36, 37 u 39 |
Provvedimento della Banca d’Italia – Regolamento sulla gestione collettiva del risparmio (Att tal-Banca d’Italia – Regolament dwar l-immaniġġjar kollettiv tat-tfaddil) |
fit-23 ta’ Diċembru 2016. |
Titolu V, Kapitolu 1, Taqsima II, paragrafu 4-6 |
Annwali |
|
Decreto ministeriale – Regolamento attuativo dell’articolo 37 del Decreto legislativo di 24 febbraio 1998, nr. 58 (Digriet ministerjali – Regolament li jimplimenta l-Artikolu 37 tad-digriet leġiżlattiv Nru 58 tal-24 ta’ Frar 1998) |
Nru 228 tal-24 ta’ Mejju 1999 |
Kapitolu II, Artikolu 12 |
||||||
|
Il-Latvja |
Alternatīvo ieguldījumu fondi (Fondi ta’ Investiment Alternattiv) |
Alternatīvo ieguldījumu fondu un to pārvaldnieku likums (Liġi dwar Fondi ta’ Investiment Alternattiv u l-Maniġers Tagħhom) |
Liġi tad-9 ta’ Lulju 2013 |
Kapitolu III Parti 6 ta’ Sezzjoni 27 |
Alternatīvo ieguldījumu fondu un to pārvaldnieku likums (Liġi dwar Fondi ta’ Investiment Alternattiv u l-Maniġers Tagħhom) |
Liġi tad-9 ta’ Lulju 2013 |
Kapitolu III Parti 6 ta’ Sezzjoni 27 |
Annwali |
|
Il-Litwanja |
Informuotiesiems investuotojams skirti kolektyvinio investavimo subjektai (Impriżi ta’ investiment kollettiv intiż għal investituri infurmati) |
Informuotiesiems investuotojams skirtų kolektyvinio investavimo subjektų įstatymas (Liġi dwar Impriżi ta’ Investiment Kollettiv Intiżi għal Investituri Informati) |
Nru XII-376 tat-18 ta’ Ġunju 2013 (Emendat l-aħħar fit-12 ta’ Diċembru 2019) |
Artikolu 2(5) |
Informuotiesiems investuotojams skirtų kolektyvinio investavimo subjektų įstatymas (Liġi dwar Impriżi ta’ Investiment Kollettiv Intiżi għal Investituri Informati) |
Nru XII-376 tat-18 ta’ Ġunju 2013 (Emendat l-aħħar fit-12 ta’ Diċembru 2019) |
Artikolu 42(2) |
Darbtejn fis-sena/annwali |
|
Il-Litwanja |
Alternatyvieji kolektyvinio investavimo subjektai (Impriżi ta’ investiment kollettiv alternattivi) |
Alternatyviųjų kolektyvinio investavimo subjektų valdytojų įstatymas (Liġi dwar Maniġers ta’ Impriżi ta’ Investiment Kollettiv Alternattivi) |
Nru. XII-1467 tat-18 ta’ Diċembru 2014 (Emendat l-aħħar fit-12 ta’ Diċembru 2019) |
Artikolu 3(13) |
Alternatyviųjų kolektyvinio investavimo subjektų valdytojų įstatymas (Liġi dwar Maniġers ta’ Impriżi ta’ Investiment Kollettiv Alternattivi) |
Nru. XII-1467 tat-18 ta’ Diċembru 2014 (Emendat l-aħħar fit-12 ta’ Diċembru 2019) |
Artikolu 16(1) |
Darbtejn fis-sena/annwali |
|
Il-Portugall |
Fundos de capital de risco (Ekwità privata u Fondi ta’ kapital ta’ riskju) |
LEI (Liġi) |
Nru 18/2015 tal-4 ta’ Marzu 2015 |
Artikolu 1 u 3 |
Regulamento da Comissão do Mercado de Valores Mobiliários (Regolament tal-Kummissjoni għas-Suq tat-Titoli) Instrução da Comissão do Mercado de Valores Mobiliários (Linja gwida dwar il-Kummissjoni għas-Suq tat-Titoli) |
Nru 3/2015 tat-3 ta’ Novembru 2015 Nru 7/2016 tad-29 ta’ Novembru 2016 |
Artikoli 2 and 15§1 Regola 2 |
Darbtejn fis-sena |
|
Il-Portugall |
Fundos de empreendedorismo social (Fondi ta’ intraprenditorija soċjali) Organismos de investimento alternativo especializado (Fondi ta’ Investiment Alternattiv Speċjalizzati) |
LEI (Liġi) |
Nru 18/2015 tal-4 ta’ Marzu 2015 |
Artikolu 1 u 4 Artikolu 1 u 5 |
Regulamento da Comissão do Mercado de Valores Mobiliários (Regolament tal-Kummissjoni għas-Suq tat-Titoli) |
Nru 3/2015 tat-3 ta’ Novembru 2015 |
Artikoli 2 and 15 §2 |
Annwali |