|
18.2.2022 |
GA |
Iris Oifigiúil an Aontais Eorpaigh |
L 38/5 |
CINNEADH (CBES) 2022/227 ÓN gCOMHAIRLE
an 17 Feabhra 2022
lena leasaítear Cinneadh 2011/101/CBES ón gComhairle maidir le bearta sriantacha i bhfianaise na staide sa tSiombáib
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 29 de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 15 Feabhra 2011, ghlac an Chomhairle Cinneadh 2011/101/CBES (1) maidir le bearta sriantacha i bhfianaise na staide sa tSiombáib. |
|
(2) |
Ar bhonn athbhreithniú ar Chinneadh 2011/101/CBES, ba cheart na bearta sriantacha a athnuachan go dtí an 20 Feabhra 2023. Ba cheart don Chomhairle athbhreithniú leanúnach a dhéanamh orthu i bhfianaise forbairtí polaitiúla agus slándála sa tSiombáib. |
|
(3) |
Ba cheart triúr a scriosadh ó liosta na ndaoine agus na n-eintiteas atá faoi réir bearta sriantacha mar a leagtar amach in Iarscríbhinn I a ghabhann le Cinneadh 2011/101/CBES, agus ba cheart Iarscríbhinn II a ghabhann le Cinneadh 2011/101/CBES a scriosadh. |
|
(4) |
Ba cheart, dá bhrí sin, Cinneadh 2011/101/CBES a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Leasaítear Cinneadh 2011/101/CBES mar a leanas:
|
(1) |
cuirtear an méid seo a leanas in ionad Airteagal 10: “Airteagal 10 1. Tiocfaidh an Cinneadh seo i bhfeidhm ar dháta a ghlactha. 2. Beidh feidhm ag an gCinneadh seo go dtí an 20 Feabhra 2023. 3. Déanfar an Cinneadh seo a choimeád faoi athbhreithniú leanúnach agus déanfar é a athnuachan, nó a leasú de réir mar is iomchuí, má mheasann an Chomhairle nár comhlíonadh a chuspóirí.”; |
|
(2) |
leasaítear Iarscríbhinn I mar a leagtar amach san Iarscríbhinn a ghabhann leis an gCinneadh seo; |
|
(3) |
scriostar Iarscríbhinn II. |
Airteagal 2
Tiocfaidh an Cinneadh seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, 17 Feabhra 2022.
Thar ceann na Comhairle
An tUachtarán
J.-Y. LE DRIAN
(1) Cinneadh 2011/101/CBES ón gComhairle an 15 Feabhra 2011 maidir le bearta sriantacha i bhfianaise na staide sa tSiombáib (IO L 42, 16.2.2011, lch. 6).
IARSCRÍBHINN
In Iarscríbhinn I a ghabhann le Cinneadh 2011/101/CBES, cuid “I. Daoine”, scriostar na hiontrálacha maidir leis na daoine seo a leanas:
|
“2. |
MUGABE, Grace |
Rugadh an 23.7.1965 Pas AD001159 ID 63-646650Q70 |
Iar-Rúnaí Léig na mBan de chuid ZANU-PF (Zimbabwe African National Union – Patriotic Front) [“Aontas Náisiúnta Afracach na Siombáibe - Fronta Tírghrách”], páirteach i ngníomhaíochtaí lena mbaintear an bonn go mór ón daonlathas, ón urraim do chearta an duine agus ón smacht reachta. Ghlac an Iron Mask Estate chuici féin in 2002; líomhnaítear go mbaineann sí brabúis mhóra go haindleathach as mianadóireacht diamant. |
|
5. |
CHIWENGA, Constantine |
Leas-Uachtarán Iar-Cheannasaí ar Fhórsaí Cosanta na Siombáibe, Ginearál ar scor a rugadh an 25.8.1956 Pas AD000263 ID 63-327568M80 |
Leas-Uachtarán agus iar-Cheannasaí ar Fhórsaí Cosanta na Siombáibe. Comhalta den Cheannas Oibríochtúil Comhpháirteach (Joint Operational Command) agus comhpháirteach i mbeartas stáit diansmachtúil a cheapadh nó a stiúradh. Bhain sé úsáid as an arm chun feirmeacha a tháthcheangal. Le linn na dtoghchán in 2008, bhí lámh ar leith aige i gcruthú an fhoréigin a bhain leis an bpróiseas don dara babhta den toghchán uachtaráin. |
|
7. |
SIBANDA, Phillip Valerio (dá ngairtear Valentine freisin) |
Ceannasaí ar Fhórsaí Cosanta na Siombáibe Iar-Cheannasaí ar Arm Náisiúnta na Siombáibe, Ginearál, a rugadh an 25.8.1956 nó an 24.12.1954 ID 63-357671H26 |
Ceannasaí ar Fhórsaí Cosanta na Siombáibe agus iar-Cheannasaí ar Arm Náisiúnta na Siombáibe. Ball sinsearach den arm a bhfuil naisc aige leis an Rialtas agus atá comhpháirteach i mbeartas stáit diansmachtúil a cheapadh nó a stiúradh.” |