|
18.10.2021 |
MT |
Il-Ġurnal Uffiċjali tal-Unjoni Ewropea |
L 368/4 |
DEĊIŻJONI (UE) 2021/1817TAR-RAPPREŻENTANTI TAL-GVERNIJIET TAL-ISTATI MEMBRI
tat-13 ta’ Ottubru 2021
li taħtar żewġ imħallfin tal-Qorti Ġenerali
IR-RAPPREŻENTANTI TAL-GVERNIJIET TAL-ISTATI MEMBRI TAL-UNJONI EWROPEA,
Wara li kkunsidraw it-Trattat dwar l-Unjoni Ewropea, u b’mod partikolari l-Artikolu 19 tiegħu,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikoli 254 u 255 tiegħu,
Billi:
|
(1) |
Skont l-Artikolu 7 tal-Protokoll Nru 3 dwar l-Istatut tal-Qorti tal-Ġustizzja tal-Unjoni Ewropea, wara l-ħatra tas-Sur Zoltán CSEHI u s-Sa Octavia SPINEANU-MATEI fil-Qorti tal-Ġustizzja bħala mħallfin, jenħtieġ li jinħatru żewġ imħallfin fil-Qorti Ġenerali għall-bqija tal-mandati tas-Sur Zoltán CSEHI u s-Sa Octavia SPINEANU-MATEI, jiġifieri sal-31 ta’ Awwissu 2022. |
|
(2) |
Is-Sur Krisztián KECSMÁR u s-Sur Ion GÂLEA ġew innominati għall-postijiet vakanti. |
|
(3) |
Il-kumitat stabbilit permezz tal-Artikolu 255 tat-Trattat dwar il-Funzjonament tal-Unjoni Ewropea ta opinjoni favorevoli dwar l-idoneità ta’ dawk il-kandidati għall-qadi tal-funzjonijiet ta’ mħallfin fil-Qorti Ġenerali, |
ADOTTAW DIN ID-DEĊIŻJONI:
Artikolu 1
Dawn il-persuni li ġejjin huma b’dan maħtura fil-Qorti Ġenerali bħala mħallfin għall-perijodu mid-data tad-dħul fis-seħħ ta’ din id-Deċiżjoni sal-31 ta’ Awwissu 2022:
|
— |
Is-Sur Krisztián KECSMÁR, |
|
— |
Is-Sur Ion GÂLEA. |
Artikolu 2
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, it-13 ta’ Ottubru 2021.
Il-President
I. JARC