|
18.10.2021 |
GA |
Iris Oifigiúil an Aontais Eorpaigh |
L 368/4 |
CINNEADH (AE) 2021/1817 Ó IONADAITHE RIALTAIS NA mBALLSTÁT
an 13 Deireadh Fómhair 2021
lena gceaptar beirt Bhreithiúna den Chúirt Ghinearálta
TÁ IONADAITHE RIALTAIS BHALLSTÁIT AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 19 de,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 254 agus Airteagal 255 de,
De bharr an mhéid seo a leanas:
|
(1) |
De bhun Airteagal 7 de Phrótacal Uimh. 3 ar Reacht Chúirt Bhreithiúnais an Aontais Eorpaigh, agus tar éis cheapadh Zoltán CSEHI agus Octavia SPINEANU-MATEI ina mBreithiúna den Chúirt Bhreithiúnais, ba cheart beirt Bhreithiúna a cheapadh don Chúirt Ghinearálta ar feadh a bhfuil fágtha de théarmaí oifige Zoltán CSEHI agus Octavia SPINEANU-MATEI, eadhon go dtí an 31 Lúnasa 2022. |
|
(2) |
Ainmníodh Krisztián KECSMÁR agus Ion GÂLEA do na folúntais sin. |
|
(3) |
Thug an painéal a cuireadh ar bun faoi Airteagal 255 den Chonradh ar Fheidhmiú an Aontais Eorpaigh tuairim fhabhrach uaidh ar oiriúnacht na n-iarrthóirí sin chun feidhmeanna Breithimh den Chúirt Ghinearálta a fheidhmiú, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar na daoine seo a leanas ina mBreithiúna den Chúirt Ghinearálta don tréimhse ó dháta theacht i bhfeidhm an Chinnidh seo go dtí an 31 Lúnasa 2022:
|
— |
Krisztián KECSMÁR, |
|
— |
Ion GÂLEA. |
Airteagal 2
Tiocfaidh an cinneadh seo i bhfeidhm lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, 13 Deireadh Fómhair 2021.
An tUachtarán
I. JARC