|
21.4.2022 |
GA |
Iris Oifigiúil an Aontais Eorpaigh |
C 167/34 |
Réamhfhógra faoi chomhchruinniú
(Cás M.10571 – HSBC SINGAPORE / TEMASEK / JV)
Cás a d’fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 167/08)
1.
An 11 Aibreán 2022, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
HSBC Bank (Singeapór) Limited (“HSBC Singapore”, Singeapór), faoi lánúinéireacht HSBC Holdings plc (“HSBC”, an Ríocht Aontaithe), |
|
— |
Kovan Investments Pte. Ltd. (“Kovan”, Singeapór), faoi lánúinéireacht Temasek Holdings (Private) Limited (“Temasek”, Singeapór), |
|
— |
Sustainable Infrastructure Capital PTE. LTD (“Comhfhiontar”, Singeapór). |
Gheobhaidh HSBC agus Kovan rialú comhpháirteach ar an gComhfhiontar lánfheidhme de réir bhrí Airteagail 3(1)(b) agus 3(4) den Rialachán um Chumaisc.
Baintear an comhchruinniú amach trí bhíthin ceannach scaireanna i gcuideachta nuachruthaithe ar comhfhiontar í.
2.
Is iad seo a leanas gníomhaíochtaí gnó na ngnóthas lena mbaineann:|
— |
Is cuideachta baincéireachta agus seirbhísí airgeadais í HSBC, a bhfuil a ceanncheathrú i Londain na Ríochta Aontaithe. Roinntear HSBC ina 3 línte príomhúla gnó: Rachmas agus Baincéireacht Phearsanta; Baincéireacht Tráchtála agus Baincéireacht Dhomhanda agus Margaí. Cuireann Baincéireacht Tráchtála agus Baincéireacht Dhomhanda agus Margaí seirbhísí baincéireachta corparáideacha ar fáil do chliaint chorparáideacha agus institiúideacha de mhéideanna éagsúla. |
|
— |
Is cuideachta infheistíochta í Temasek a bhfuil a ceanncheathrú i Singeapór, atá gníomhach den chuid is mó i Singeapór agus sa chuid eile den Áise. Cumhdaíonn punann dhomhanda Temasek raon leathan tionscal: seirbhísí airgeadais; teileachumarsáid, na meáin agus teicneolaíocht; iompar agus tionsclaíocht; tomhaltas agus maoin réadach; chomh maith le heolaíochtaí beatha agus agraibhia. |
|
— |
Is comhfhiontar lánfheidhme úrnua é an Comhfhiontar atá le bunú i Singeapór, comhfhiontar lena gcuirfear maoiniú fiachais ar fáil do thionscadail maidir le bonneagar inbhuanaithe in earnálacha amhail fuinneamh in-athnuaite, stóráil fuinnimh, uisce agus dramhaíl (bainistiú fuíolluisce agus dramhaíola soladaí) agus iompar inbhuanaithe san Áise, ag díriú ar Oirdheisceart na hÁise ar dtús. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10571 – HSBC SINGAPORE / TEMASEK / JV
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:
Ríomhphost: COMP-MERGER-REGISTRY@ec.europa.eu
Facs +32 22964301
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).