11.5.2023   

GA

Iris Oifigiúil an Aontais Eorpaigh

L 125/37


CINNEADH CUR CHUN FEIDHME (AE) 2023/941 ÓN gCOIMISIÚN

an 2 Bealtaine 2023

maidir le caighdeáin chomhchuibhithe i ndáil le trealamh cosanta pearsanta a dréachtaíodh chun tacú le Rialachán (AE) 2016/425 ó Pharlaimint na hEorpa agus ón gComhairle

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 1025/2012 ó Pharlaimint na hEorpa agus ón gComhairle an 25 Deireadh Fómhair 2012 maidir le caighdeánú Eorpach, lena leasaítear Treoracha 89/686/CEE agus 93/15/CEE ón gComhairle agus Treoracha 94/9/CE, 94/25/CE, 95/16/CE, 97/23/CE, 98/34/CE, 2004/22/CE, 2007/23/CE, 2009/23/CE agus 2009/105/CE ó Pharlaimint na hEorpa agus ón gComhairle agus lena n-aisghairtear Cinneadh 87/95/CEE ón gComhairle agus Cinneadh Uimh. 1673/2006/CE ó Pharlaimint na hEorpa agus ón gComhairle (1), agus go háirithe Airteagal 10(6) de,

De bharr an mhéid seo a leanas:

(1)

I gcomhréir le hAirteagal 14 de Rialachán (AE) 2016/425 ó Pharlaimint na hEorpa agus ón gComhairle (2), trealamh cosanta pearsanta atá i gcomhréir leis na caighdeáin chomhchuibhithe, ar foilsíodh na tagairtí dóibh in Iris Oifigiúil an Aontais Eorpaigh, nó le codanna de na caighdeáin sin, glactar leis go bhfuil sé i gcomhréir leis na buncheanglais sláinte agus sábháilteachta a leagtar amach in Iarscríbhinn II a ghabhann leis an Rialachán sin, ceanglais a chumhdaítear leis na caighdeáin sin nó na codanna sin díobh.

(2)

I gCinneadh Cur Chun Feidhme C(2020)7924 ón gCoimisiún (3), iarrann an Coimisiún ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (Cenelec) caighdeáin chomhchuibhithe a dhréachtú chun tacú le Rialachán (AE) 2016/425.

(3)

Ar bhonn na hiarrata a leagtar amach i gCinneadh Cur Chun Feidhme C(2020)7924, dhréachtaigh CEN roinnt caighdeán nua agus rinne sé athbhreithniú ar roinnt caighdeán comhchuibhithe a bhí ann cheana.

(4)

Ar bhonn Chinneadh Cur Chun Feidhme C(2020)7924, dhréachtaigh CEN na caighdeáin chomhchuibhithe nua seo a leanas: EN 13138-1:2021 maidir le ceanglais sábháilteachta agus modhanna tástála i gcomhair áiseanna snámhacha le haghaidh treoracha snámha, arna cheartú le EN 13138-1:2021/AC:2022, EN 17520:2021 maidir le ceanglais sábháilteachta agus modhanna tástála le haghaidh láinnéir cheangail phearsanta, agus EN ISO 16321-2:2021 maidir le ceanglais bhreise i ndáil le cosaint súl agus aghaidhe a úsáidtear le linn táthaithe agus teicnící gaolmhara chun tacú le Rialachán (AE) 2016/425.

(5)

Ar bhonn Chinneadh Cur Chun Feidhme C(2020)7924, rinne CEN athbhreithniú ar chaighdeáin chomhchuibhithe EN 166:2001, EN 169:2002, EN 170:2002, EN 171:2002, EN 172:1994 arna leasú le EN 172:1994/A1:2000 agus EN 172:1994/A2:2001, EN 174:2001, EN 379:2003+A1:2009, EN 1731:2006 agus EN ISO 20345:2011. Is é an toradh a bhí ar an athbhreithniú sin gur glacadh caighdeáin chomhchuibhithe EN ISO 16321-1:2022 i ndáil le ceanglais ghinearálta maidir le cosaint súl agus aghaidhe le haghaidh úsáid cheirde, EN ISO 16321-3:2022 maidir le ceanglais bhreise le haghaidh cosaintí mogalra súl agus aghaidhe, EN ISO 18527-1:2022 maidir le ceanglais le haghaidh gloiní cosanta sciála le fána agus clársciála agus EN ISO 20345:2022 maidir le coisbheart sábháilteachta.

(6)

Na caighdeáin chomhchuibhithe a rinne CEN a dhréachtú agus a athbhreithniú, rinne an Coimisiún measúnú i gcomhar le CEN chun féachaint cé acu a chomhlíonann nó nach gcomhlíonann na caighdeáin sin an iarraidh a leagtar amach i gCinneadh Cur Chun Feidhme C(2020) 7924.

(7)

Na caighdeáin chomhchuibhithe EN 13138-1:2021, arna gceartú le EN 1318-1:2021/AC:2022, EN ISO 16321-1:2022, EN ISO 16321-2:2021, EN ISO 16321-3:2022, EN 17520:2021, EN ISO 18527-1:2022 agus EN ISO 20345:2022, comhlíonann siad na ceanglais is aidhm dóibh a chumhdach agus a leagtar amach i Rialachán (AE) 2016/425. Dá bhrí sin, is iomchuí na tagairtí do na caighdeáin chomhchuibhithe sin a fhoilsiú in Iris Oifigiúil an Aontais Eorpaigh.

(8)

Tagraíonn caighdeáin chomhchuibhithe EN ISO 16321-2:2021 agus EN ISO 16321-3:2022 do chaighdeán tagartha normatach EN ISO 16321-1:2020, caighdeán a bhfuil a dháta mícheart. Dá bhrí sin, ba cheart na caighdeáin chomhchuibhithe sin a fhoilsiú in Iris Oifigiúil an Aontais Eorpaigh.

(9)

Is gá na tagairtí do chaighdeáin chomhchuibhithe EN 166:2001, EN 169:2002, EN 170:2002, EN 172:1994 arna leasú le EN 172:1994/A1:2000, agus EN 172:1994/A2:2001, EN 174:2001, EN 379:2003+A1:2009, EN 1731:2006 agus EN ISO 20345:2011 a tharraingt siar ó Iris Oifigiúil an Aontais Eorpaigh, ós rud é go ndearnadh athbhreithniú ar na caighdeáin sin.

(10)

Ar mhaithe le soiléireacht agus le réasúnaíocht, na tagairtí do chaighdeáin chomhchuibhithe a dréachtaíodh chun tacú le Rialachán (AE) 2016/425 agus a chomhlíonann na ceanglais is aidhm dóibh a chumhdach, ba cheart liosta iomlán de na tagairtí sin a fhoilsiú in aon ghníomh amháin. Na tagairtí do chaighdeáin chomhchuibhithe a dréachtaíodh chun tacú le Rialachán (AE) 2016/425, leagtar amach iad faoi láthair i gCinneadh Cur Chun Feidhme (AE) 2020/668 ón gCoimisiún (4) agus i dTeachtaireacht 2018/C 209/03 ón gCoimisiún (5).

(11)

Rinneadh Cinneadh Cur Chun Feidhme (AE) 2020/668 a leasú go substaintiúil roinnt uaireanta. Ar mhaithe le soiléireacht agus le réasúnaíocht, agus ós rud é gur gá leasú breise a dhéanamh ar an gCinneadh Cur Chun Feidhme sin, ba cheart an Cinneadh Cur Chun Feidhme sin a ionadú.

(12)

Tarraingíodh siar go leor de na tagairtí do chaighdeáin chomhchuibhithe a foilsíodh i dTeachtaireacht 2018/C 209/03 le Cinneadh Cur Chun Feidhme (AE) 2020/668. Le Cinneadh Cur Chun Feidhme (AE) 2020/668, déantar foráil maidir le tarraingt siar na dtagairtí atá fágtha do na caighdeáin chomhchuibhithe a foilsíodh leis an Teachtaireacht sin. Ar mhaithe le soiléireacht agus le réasúnaíocht, ba cheart Teachtaireacht 2018/C 209/03 a aisghairm. Chun a ndóthain ama a thabhairt do mhonaróirí a gcuid táirgí a oiriúnú do na leaganacha athbhreithnithe de na caighdeáin lena mbaineann, ba cheart go leanfadh Teachtaireacht 2018/C 209/03 d’fheidhm a bheith aici go dtí na dátaí a tharraingeofar siar na tagairtí do na caighdeáin chomhchuibhithe lena mbaineann a foilsíodh leis an Teachtaireacht sin.

(13)

Ón dáta a fhoilsítear an tagairt do chaighdeán comhchuibhithe in Iris Oifigiúil an Aontais Eorpaigh, is rud é comhlíonadh an chaighdeáin sin a fhágann go nglactar leis go bhfuil comhréir ann leis na buncheanglais chomhfhreagracha a leagtar amach i reachtaíocht chomhchuibhithe an Aontais. Dá bhrí sin, ba cheart an Cinneadh seo a theacht i bhfeidhm lá a fhoilsithe,

TAR ÉIS AN CINNEADH SEO A GHLACADH:

Airteagal 1

Caighdeáin chomhchuibhithe maidir le trealamh cosanta pearsanta, caighdeáin ar chun tacú le Rialachán (AE) 2016/425 a dréachtaíodh iad, arb in Iarscríbhinn I a ghabhann leis an gCinneadh seo a liostaítear iad, déantar na tagairtí do na caighdeáin sin a fhoilsiú leis seo in Iris Oifigiúil an Aontais Eorpaigh.

Airteagal 2

Aisghairtear Cinneadh Cur Chun Feidhme (AE) 2020/668.

Airteagal 3

Aisghairtear Teachtaireacht 2018/C 209/03.

Beidh feidhm aici go fóill, áfach, i leith na dtagairtí do na caighdeáin chomhchuibhithe a liostaítear in Iarscríbhinn II a ghabhann leis an gCinneadh seo go dtí na dátaí a tharraingeofar siar na tagairtí sin a leagtar amach san Iarscríbhinn sin.

Airteagal 4

Tiocfaidh an Cinneadh seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Arna dhéanamh sa Bhruiséil, an 2 Bealtaine 2023.

Thar ceann an Choimisiúin

An tUachtarán

Ursula VON DER LEYEN


(1)   IO L 316, 14.11.2012, lch. 12.

(2)  Rialachán (AE) 2016/425 ó Pharlaimint na hEorpa agus ón gComhairle an 9 Márta 2016 maidir le trealamh cosanta pearsanta agus lena n-aisghairtear Treoir 89/686/CEE ón gComhairle (IO L 81, 31.3.2016, lch. 51).

(3)  Cinneadh Cur Chun Feidhme C(2020)7924 ón gCoimisiún an 19 Samhain 2020 maidir le hiarraidh um chaighdeánú ar an gCoiste Eorpach um Chaighdeánú agus ar Choiste Eorpach na gCaighdeán Leictriteicniúil a mhéid a bhaineann le trealamh cosanta pearsanta chun tacú le Rialachán (AE) 2016/425 ó Pharlaimint na hEorpa agus ón gComhairle.

(4)  Cinneadh Cur Chun Feidhme (AE) 2020/668 ón gCoimisiún an 18 Bealtaine 2020 maidir le caighdeáin chomhchuibhithe i ndáil le trealamh cosanta pearsanta, caighdeáin a dréachtaíodh chun tacú le Rialachán (AE) 2016/425 ó Pharlaimint na hEorpa agus ón gComhairle (IO L 156, 19.5.2020, lch. 13).

(5)  Teachtaireacht ón gCoimisiún 2018/C 209/03 faoi chuimsiú chur chun feidhme Rialachán (AE) 2016/425 ó Pharlaimint na hEorpa agus ón gComhairle maidir le trealamh cosanta pearsanta, agus lena n-aisghairtear Treoir 89/686/CEE ón gComhairle (IO C 209, 15.6.2018, lch. 17).


IARSCRÍBHINN I

Uimh.

An tagairt don chaighdeán

1.

EN 136:1998

Feistí cosanta riospráide - Maisc aghaidhe iomláine - Ceanglais, tástáil, marcáil

EN 136:1998/AC:2003

2.

EN 137:2006

Feistí cosanta riospráide - Gaireas análaithe aeir chomhbhrúite ciorcaid oscailte féinchuimsitheach ag a bhfuil masc aghaidhe iomláine - Ceanglais, tástáil, marcáil

3.

EN 140:1998

Feistí cosanta riospráide - Maisc leathaghaidhe agus maisc cheathrú-aghaidhe - Ceanglais, tástáil, marcáil

EN 140:1998/AC:1999

4.

EN 142:2002

Feistí cosanta riospráide - Cóimeálacha béalóige - Ceanglais, tástáil, marcáil

5.

EN 143:2021

Feistí cosanta riospráide - Scagairí cáithníní - Ceanglais, tástáil, marcáil

6.

EN 144-1:2000

Feistí cosanta riospráide - Comhlaí sorcóra gáis - Cuid 1: Naisc snáithe le haghaidh nascóir ionsáiteáin

EN 144-1:2000/A1:2003

EN 144-1:2000/A2:2005

7.

EN 144-2:1998

Feistí cosanta riospráide - Comhlaí sorcóra gáis - Cuid 2: Naisc asraoin

8.

EN 144-3:2003

Feistí cosanta riospráide - Comhlaí sorcóra gáis - Cuid 3: Naisc asraoin le haghaidh gáis tumadóireachta Nitrox agus ocsaigin

EN 144-3:2003/AC:2003

9.

EN 145:1997

Feistí cosanta riospráide - Gaireas análaithe ciorcaid iata féinchuimsitheach den chineál ocsaigine comhbhrúite nó ocsaigine-nítrigine comhbhrúite - Ceanglais, tástáil, marcáil

EN 145:1997/A1:2000

10.

EN 148-1:1999

Feistí cosanta riospráide - Snáitheanna le haghaidh análaitheoirí - Cuid 1: Nasc snáithe caighdeánach

11.

EN 148-2:1999

Feistí cosanta riospráide - Snáitheanna le haghaidh análaitheoirí - Cuid 2: Nasc snáithe lárnach

12.

EN 148-3:1999

Feistí cosanta riospráide - Snáitheanna le haghaidh análaitheoirí - Cuid 3: Nasc snáithe M 45 x 3

13.

EN 149:2001+A1:2009

Feistí cosanta riospráide - Maisc leathaghaidhe scagtha chun cosaint ar cháithníní - Ceanglais, tástáil, marcáil

14.

EN 175:1997

Cosaint phearsanta - Trealamh le haghaidh cosaint súl agus aghaidhe le linn táthaithe agus próisis ghaolmhara

15.

EN 207:2017

Trealamh cosanta súl pearsanta - Scagairí agus cosantóirí súl in aghaidh radaíocht léasair (cosantóirí súl léasair)

16.

EN 208:2009

Cosaint súl phearsanta - Cosantóirí súl a úsáidtear chun léasair agus córais léasair a choigeartú (cosantóirí súl coigeartaithe léasair)

17.

EN 250:2014

Trealamh riospráide - Gaireas tumadóireachta aeir chomhbhrúite féinchuimsitheach ciorcaid oscailte - Ceanglais, tástáil, marcáil

18.

EN 342:2017

Éadaí cosanta - Ensembles agus baill éadaigh le haghaidh cosaint ar an bhfuacht

19.

EN 343:2019

Éadaí cosanta - Cosaint ar an mbáisteach

20.

EN 352-1:2020

Cosaintí éisteachta - Ceanglais ghinearálta - Cuid 1: Cosaintí cluas

Fógra: Ní caighdeán é seo lena gceanglaítear lipéadú a chur ar an táirge a chuirfeadh in iúl cén leibhéal maolaithe torainn is acmhainn dó. Dá bhrí sin, comhlíonadh an chaighdeáin seo, ní rud é a thugann le fios go bhfuil comhréir ann le pointe 3.5 den dara mír d’Iarscríbhinn II a ghabhann le Rialachán (AE) 2016/425.

21.

EN 352-2:2020

Cosaintí éisteachta - Ceanglais ghinearálta - Cuid 2: Plugaí cluaise

Fógra: Ní caighdeán é seo lena gceanglaítear lipéadú a chur ar an táirge a chuirfeadh in iúl cén leibhéal maolaithe torainn is acmhainn dó. Dá bhrí sin, comhlíonadh an chaighdeáin seo, ní rud é a thugann le fios go bhfuil comhréir ann le pointe 3.5 den dara mír d’Iarscríbhinn II a ghabhann le Rialachán (AE) 2016/425.

22.

EN 352-3:2020

Cosaintí éisteachta - Ceanglais ghinearálta - Cuid 3: Cosaintí cluas agus iad ceangailte d’fheistí cosanta cloiginn agus/nó d’fheistí cosanta aghaidhe

Fógra: Ní caighdeán é seo lena gceanglaítear lipéadú a chur ar an táirge a chuirfeadh in iúl cén leibhéal maolaithe torainn is acmhainn dó. Dá bhrí sin, comhlíonadh an chaighdeáin seo, ní rud é a thugann le fios go bhfuil comhréir ann le pointe 3.5 den dara mír d’Iarscríbhinn II a ghabhann le Rialachán (AE) 2016/425.

23.

EN 352-4:2020

Cosaintí éisteachta - Ceanglais sábháilteachta - Cuid 4: Cosaintí cluas a fheidhmíonn de réir leibhéal na fuaime

24.

EN 352-5:2020

Cosaintí éisteachta - Ceanglais sábháilteachta - Cuid 5: Cosaintí cluas um laghdú gníomhach torann

25.

EN 352-6:2020

Cosaintí éisteachta - Ceanglais sábháilteachta - Cuid 6: Cosaintí cluas maille le hionchur fuaime a bhaineann leis an tsábháilteacht

26.

EN 352-7:2020

Cosaintí éisteachta - Ceanglais sábháilteachta - Cuid 7: Plugaí cluaise a fheidhmíonn de réir leibhéal na fuaime

27.

EN 352-8:2020

Cosaintí éisteachta - Ceanglais sábháilteachta - Cuid 8: Cosaintí cluas siamsaíochta

28.

EN 352-9:2020

Cosaintí éisteachta - Ceanglais sábháilteachta - Cuid 9: Plugaí cluaise maille le hionchur fuaime a bhaineann leis an tsábháilteacht

29.

EN 352-10:2020

Cosaintí éisteachta - Ceanglais sábháilteachta - Cuid 10: Plugaí cluaise ina seinntear fuaimeanna chun siamsaíochta

30.

EN 353-1:2014+A1:2017

Trealamh cosanta pearsanta ar thitim - Coscairí titime de chineál treoraithe ina n-áirítear téad ancaire - Cuid 1: Coscairí titime de chineál treoraithe ina n-áirítear téad ancaire dhocht

31.

EN 353-2:2002

Trealamh cosanta pearsanta ar thitim anuas ó airde - Cuid 2: Coscairí titime de chineál treoraithe ina n-áirítear téad ancaire sholúbtha

32.

EN 354:2010

Trealamh cosanta pearsanta ar thitim - Láinnéir

33.

EN 355:2002

Trealamh cosanta pearsanta ar thitim anuas ó airde - Ionsúirí fuinnimh

34.

EN 358:2018

Trealamh cosanta pearsanta le haghaidh suigh ag an obair agus lena ndéantar titim anuas ó airde a chosc - Criosanna agus láinnéir le haghaidh suigh ag an obair nó srianadh

35.

EN 360:2002

Trealamh cosanta pearsanta ar thitim anuas ó airde - Coscairí titime den chineál in-aistarraingthe

36.

EN 361:2002

Trealamh cosanta pearsanta ar thitim anuas ó airde - Úmacha iomlán an choirp

37.

EN 362:2004

Trealamh cosanta pearsanta ar thitim anuas ó airde - Nascóirí

38.

EN 365:2004

Trealamh cosanta pearsanta ar thitim anuas ó airde - Ceanglais ghinearálta maidir le treoracha i ndáil le húsáid, coinneáil ar bun, scrúdú tréimhsiúil, deisiú, marcáil agus pacáistiú

EN 365:2004/AC:2006

39.

EN ISO 374-1:2016

Lámhainní cosanta ar cheimiceáin chontúirteacha agus ar mhiocrorgánaigh - Cuid 1: Ceanglais téarmaíochta agus feidhmíochta maidir le rioscaí ceimiceacha (ISO 374-1:2016)

40.

EN ISO 374-5:2016

Lámhainní cosanta ar cheimiceáin chontúirteacha agus ar mhiocrorgánaigh - Cuid 5: Ceanglais téarmaíochta agus feidhmíochta maidir le rioscaí i ndáil le miocrorgánaigh (ISO 374-5:2016)

41.

EN 388:2016+A1:2018

Lámhainní cosanta ar rioscaí meicniúla

42.

EN 397:2012+A1:2012

Clogaid sábháilteachta thionsclaíocha

43.

EN 402:2003

Feistí cosanta riospráide - Gaireas análaithe aeir chomhbhrúite ciorcaid oscailte féinchuimsitheach éilimh ag a bhfuil masc aghaidhe iomláine nó cóimeáil bhéalóige le haghaidh éalú - Ceanglais, tástáil, marcáil

44.

EN 403:2004

Feistí cosanta riospráide le haghaidh féintarrthála - Feistí scagtha ag a bhfuil cochall chun éalú ó dhóiteán - Ceanglais, tástáil, marcáil

45.

EN 404:2005

Feistí cosanta riospráide le haghaidh féintarrthála - Scagaire féintarrthála ó aonocsaíd charbóin ag a bhfuil cóimeáil bhéalóige

46.

EN 405:2001+A1:2009

Feistí cosanta riospráide - Maisc leathaghaidhe scagtha a bhfuil comhla orthu chun cosaint ar gháis nó ar gháis agus cáithníní - Ceanglais, tástáil, marcáil

47.

EN 407:2004

Lámhainní cosanta ar rioscaí teirmeacha (idir rioscaí teasa agus/nó rioscaí dóiteáin)

48.

EN 420:2003+A1:2009

Lámhainní cosanta - Ceanglais ghinearálta agus modhanna tástála

49.

EN 421:2010

Lámhainní cosanta ar radaíocht ianúcháin agus éilliú radaighníomhach

50.

EN 443:2008

Clogaid le haghaidh comhrac dóiteáin i bhfoirgnimh agus i struchtúir eile

51.

EN 469:2020

Éadaí cosanta le haghaidh comhraiceoirí dóiteáin - Ceanglais feidhmíochta maidir le héadaí cosanta le haghaidh gníomhaíochtaí comhraic dóiteáin

52.

EN 510:2019

Sonraíocht le haghaidh éadaí cosanta lena n-úsáid i gcás ina bhfuil riosca ann go dtarraingeofaí duine isteach i bpáirteanna gluaisteacha

53.

EN 511:2006

Lámhainní cosanta ar an bhfuacht

54.

EN 564:2014

Trealamh sléibhteoireachta - Corda cúnta - Ceanglais sábháilteachta agus modhanna tástála

55.

EN 565:2017

Trealamh sléibhteoireachta - Téip - Ceanglais sábháilteachta agus modhanna tástála

56.

EN 566:2017

Trealamh sléibhteoireachta - Lúba téipe - Ceanglais sábháilteachta agus modhanna tástála

57.

EN 567:2013

Trealamh sléibhteoireachta - Clampaí téide - Ceanglais sábháilteachta agus modhanna tástála

58.

EN 568:2015

Trealamh sléibhteoireachta - Ancairí oighir - Ceanglais sábháilteachta agus modhanna tástála

59.

EN 569:2007

Trealamh sléibhteoireachta - Piotóin - Ceanglais sábháilteachta agus modhanna tástála

60.

EN 659:2003+A1:2008

Lámhainní cosanta le haghaidh comhraiceoirí dóiteán

EN 659:2003+A1:2008/AC:2009

61.

EN 795:2012

Trealamh cosanta pearsanta ar thitim - Gairis ancaire

Rabhadh: Ní bhaineann an foilseachán seo leis an trealamh a dtugtar tuairisc air sna clásail seo a leanas:

—

cineál A (feistí ancaire ag a bhfuil ceann amháin nó níos mó de na pointí ancaire seasta agus an gá atá le hancairí struchtúracha nó eilimintí suí chun an struchtúr a shuí) dá dtagraítear i gclásail 3.2.1, 4.4.1, 5.3;

—

cineál C (feistí ancaire ina n-úsáidtear línte ancaire solúbtha cothrománacha) dá dtagraítear i gclásail 3.2.3, 4.4.3 agus 5.5;

—

cineál D (feistí ancaire ina n-úsáidtear línte ancaire dochta cothrománacha) dá dtagraítear i gclásail 3.2.4, 4.4.4 agus 5.6;

—

aon teaglaim díobh sin thuasluaite. Maidir le cineálacha A, C agus D, ní bhaineann an foilseachán seo le ceachtar clásal: 4.5, 5.2.2, 6, 7; Iarscríbhinn A nó Iarscríbhinn ZA. Dá réir sin, maidir leis an trealamh thuasluaite, ní bheidh aon toimhde chomhréireachta le forálacha Rialachán (AE) 2016/425 ann mar nach meastar gur trealamh cosanta pearsanta é.

62.

EN 812:2012

Caipíní tuairte tionsclaíocha

63.

EN 813:2008

Trealamh cosanta pearsanta ar thitim - Úmacha suite

64.

EN 893:2019

Trealamh sléibhteoireachta - Crampóin - Ceanglais sábháilteachta agus modhanna tástála

65.

EN 943-1:2015+A1:2019

Éadaí cosanta ar cheimiceáin sholadacha, leachtacha agus ghásacha chontúirteacha, lena n-áirítear aerasóil leachtacha agus sholadacha - Cuid 1: Ceanglais feidhmíochta le haghaidh cultacha cosanta ceimiceacha Chineál 1 (gásobach)

66.

EN 943-2:2019

Éadaí cosanta ar cheimiceáin sholadacha, leachtacha agus ghásacha chontúirteacha, lena n-áirítear aerasóil leachtacha agus sholadacha - Cuid 2: Ceanglais feidhmíochta le haghaidh cultacha cosanta Chineál 1 (gásobach) le haghaidh foirne éigeandála

67.

EN 958:2017

Trealamh sléibhteoireachta - Córais ionsúite fuinnimh le húsáid i ndreapadóireacht klettersteig (via ferrata) - Ceanglais sábháilteachta agus modhanna tástála

68.

EN 966:2012+A1:2012

Clogaid le haghaidh spóirt aeriompartha

69.

EN 1073-1:2016+A1:2018

Éadaí cosanta ar cháithníní aeriompartha lena n-áirítear éilliú radaighníomhach - Cuid 1: Ceanglais agus modhanna tástála maidir le héadaí cosanta aeráilte líne aeir chomhbhrúite, lena gcosnaítear an corp agus an chonair riospráide

70.

EN 1073-2:2002

Éadaí cosanta ar éilliú radaighníomhach - Cuid 2: Ceanglais agus modhanna tástála maidir le héadaí cosanta neamhaeráilte ar éilliú radaighníomhach cáithníneach

71.

EN 1077:2007

Clogaid le haghaidh sciálaithe agus clársciálaithe Alpacha

72.

EN 1078:2012+A1:2012

Clogaid le haghaidh rothaithe agus úsáideoirí clár scátála agus scátaí rollála

73.

EN 1080:2013

Clogaid chosanta ar thuairt le haghaidh leanaí óga

74.

EN 1082-1:1996

Éadaí cosanta - Lámhainní agus gardaí láimhe a chosnaíonn ar ghearrthacha agus ar sháite a dhéanann sceana láimhe - Cuid 1: Lámhainní agus gardaí láimhe mháille na lúb

75.

EN 1082-2:2000

Éadaí cosanta - Lámhainní agus gardaí láimhe a chosnaíonn ar ghearrthacha agus ar sháite a dhéanann sceana láimhe - Cuid 2: Lámhainní agus gardaí láimhe atá déanta as ábhar seachas máille na lúb

76.

EN 1146:2005

Feistí cosanta riospráide - Gaireas análaithe aeir chomhbhrúite ciorcaid oscailte féinchuimsitheach agus cochall air le haghaidh éalú - Ceanglais, tástáil, marcáil

77.

EN 1149-5:2018

Éadaí cosanta - Airíonna leictreastatacha - Cuid 5: Ceanglais maidir le feidhmíocht agus dearadh ábhair

78.

EN 1385:2012

Clogaid le haghaidh canúála agus spóirt bhánuisce

79.

EN 1486:2007

Éadaí cosanta le haghaidh comhraiceoirí dóiteáin - Modhanna tástála agus ceanglais maidir le héadaí frithchaiteacha le haghaidh comhrac dóiteáin speisialaithe

80.

EN 1497:2007

Trealamh cosanta pearsanta ar thitim - Úmacha tarrthála

81.

EN 1827:1999+A1:2009

Feistí cosanta riospráide - Maisc leathaghaidhe gan comhlaí ionanálaithe agus ag a bhfuil scagairí indeighilte chun cosaint a thabhairt ar gháis nó ar gháis agus cáithníní nó ar cháithníní amháin - Ceanglais, tástáil, marcáil

82.

EN 1891:1998

Trealamh cosanta pearsanta ar thitim anuas ó airde a chosc - Rópaí bréadaithe truaille ísealsínidh

83.

EN 1938:2010

Cosaint súl phearsanta - Gloiní le haghaidh úsáideoirí gluaisrothair agus móipéide

84.

EN ISO 10819:2013

Creathadh meicniúil agus turraing mheicniúil - Creathadh láimhe - Tomhas agus meastóireacht ar tharchur creathaidh lámhainní ag bos na láimhe (ISO 10819:2013)

EN ISO 10819:2013/A1:2019

85.

EN ISO 10862:2009

Árthach beag - Córas mearscaoilte le haghaidh úim traipéise (ISO 10862:2009)

86.

EN ISO 11393-2:2019

Éadaí cosanta le haghaidh úsáideoirí sábh slabhrach láimhe - Cuid 2: Ceanglais feidhmíochta agus modhanna tástála le haghaidh cosantóirí géag coise (ISO 11393-2:2018)

87.

EN ISO 11393-4:2019

Éadaí cosanta le haghaidh úsáideoirí sábh slabhrach láimhe - Cuid 4: Ceanglais feidhmíochta agus modhanna tástála le haghaidh lámhainní cosanta (ISO 11393-4:2018)

88.

EN ISO 11393-5:2019

Éadaí cosanta le haghaidh úsáideoirí sábh slabhrach láimhe - Cuid 5: Ceanglais feidhmíochta agus modhanna tástála le haghaidh loirgneáin chosanta (ISO 11393-5:2018)

89.

EN ISO 11393-6:2019

Éadaí cosanta le haghaidh úsáideoirí sábh slabhrach láimhe - Cuid 6: Ceanglais feidhmíochta agus modhanna tástála le haghaidh cosantóirí uachtar an choirp (ISO 11393-6:2018)

90.

EN 12021:2014

Trealamh riospráide - Gáis chomhbhrúite le haghaidh gaireas análaithe

91.

EN 12083:1998

Feistí cosanta riospráide - Scagairí ag a bhfuil osáin análaithe, (Scagairí suite nach maisc iad) - Scagairí cáithníní, scagairí gáis, agus scagairí comhcheangailte - Ceanglais, tástáil, marcáil

EN 12083:1998/AC:2000

92.

EN 12270:2013

Trealamh sléibhteoireachta - Dingeacha - Ceanglais sábháilteachta agus modhanna tástála

93.

EN 12275:2013

Trealamh sléibhteoireachta - Nascóirí - Ceanglais sábháilteachta agus modhanna tástála

94.

EN 12276:2013

Trealamh sléibhteoireachta - Ancairí frithchuimilteacha - Ceanglais sábháilteachta agus modhanna tástála

95.

EN 12277:2015+A1:2018

Trealamh sléibhteoireachta - Úmacha - Ceanglais sábháilteachta agus modhanna tástála

96.

EN 12278:2007

Trealamh sléibhteoireachta - Ulóga - Ceanglais sábháilteachta agus modhanna tástála

97.

EN ISO 12312-1:2013

Cosaint súl agus cosaint aghaidhe - Spéaclaí gréine agus spéaclaí cosanta gaolmhara - Cuid 1: Spéaclaí gréine le haghaidh úsáid ghinearálta (ISO 12312-1:2013)

EN ISO 12312-1:2013/A1:2015

98.

EN ISO 12312-2:2015

Cosaint súl agus cosaint aghaidhe - Spéaclaí gréine agus spéaclaí cosanta gaolmhara - Cuid 2: Scagairí le haghaidh breathnóireacht dhíreach ar an ngrian (ISO 12312-2:2015)

99.

EN ISO 12401:2009

Árthach beag - Úim sábháilteachta agus líne sábháilteachta dheice - Ceanglais sábháilteachta agus modhanna tástála (ISO 12401:2009)

100.

EN ISO 12402-2:2020

Gairis snámhachta phearsanta - Cuid 2: Seaicéid tarrthála, leibhéal feidhmíochta 275 - Ceanglais sábháilteachta (ISO 12402-2:2020)

Fógra:

Cur i bhfeidhm chlásal 5.6 den chaighdeán seo, ní fhágann sé go nglactar leis go bhfuil comhréir ann leis an mbuncheanglas sláinte agus sábháilteachta a leagtar amach i bpointe 1.1.1 d’Iarscríbhinn II a ghabhann le Rialachán (AE) 2016/425.

Cur i bhfeidhm chlásail 5.1.2, 5.1.3, 5.1.5, 5.1.7, 5.2, 5.3.1.1, 5.3.1.2, 5.3.2.2, 5.3.2.3, 5.3.4.3, 5.3.4.4, 5.6.1.4, 5.6.1.7, 5.6.1.8, 5.6.1.9, 5.6.1.10 agus 5.6.1.11 den chaighdeán seo, ní fhágann sé go nglactar leis go bhfuil comhréir ann leis an mbuncheanglas sláinte agus sábháilteachta a leagtar amach i bpointe 1.2.1 d’Iarscríbhinn II a ghabhann le Rialachán (AE) 2016/425.

Cur i bhfeidhm chlásail 5.1.2, 5.2, 5.3.1.1, 5.3.2.2, 5.3.4.2, 5.3.4.4, 5.6.3 agus 5.7 den chaighdeán seo, ní fhágann sé go nglactar leis go bhfuil comhréir ann leis an mbuncheanglas sláinte agus sábháilteachta a leagtar amach i bpointe 3.4 d’Iarscríbhinn II a ghabhann le Rialachán (AE) 2016/425.

101.

EN ISO 12402-3:2020

Gairis snámhachta phearsanta - Cuid 3: Seaicéid tarrthála, leibhéal feidhmíochta 150 - Ceanglais sábháilteachta (ISO 12402-3:2020)

Fógra:

Cur i bhfeidhm chlásal 5.6 den chaighdeán seo, ní fhágann sé go nglactar leis go bhfuil comhréir ann leis an mbuncheanglas sláinte agus sábháilteachta a leagtar amach i bpointe 1.1.1 d’Iarscríbhinn II a ghabhann le Rialachán (AE) 2016/425.

Cur i bhfeidhm chlásail 5.1.2, 5.1.3, 5.1.5, 5.1.7, 5.2, 5.3.1.1, 5.3.1.2, 5.3.2.2, 5.3.2.3, 5.3.4.3, 5.3.4.4, 5.6.1.4, 5.6.1.7, 5.6.1.8, 5.6.1.9, 5.6.1.10 agus 5.6.1.11 den chaighdeán seo, ní fhágann sé go nglactar leis go bhfuil comhréir ann leis an mbuncheanglas sláinte agus sábháilteachta a leagtar amach i bpointe 1.2.1 d’Iarscríbhinn II a ghabhann le Rialachán (AE) 2016/425.

Cur i bhfeidhm chlásail 5.1.2, 5.2, 5.3.1.1, 5.3.2.2, 5.3.4.2, 5.3.4.4, 5.6.3 agus 5.7 den chaighdeán seo, ní fhágann sé go nglactar leis go bhfuil comhréir ann leis an mbuncheanglas sláinte agus sábháilteachta a leagtar amach i bpointe 3.4 d’Iarscríbhinn II a ghabhann le Rialachán (AE) 2016/425.

102.

EN ISO 12402-4:2020

Gairis snámhachta phearsanta - Cuid 4: Seaicéid tarrthála, leibhéal feidhmíochta 100 - Ceanglais sábháilteachta (ISO 12402-4:2020)

Fógra:

Cur i bhfeidhm chlásal 5.6 den chaighdeán seo, ní fhágann sé go nglactar leis go bhfuil comhréir ann leis an mbuncheanglas sláinte agus sábháilteachta a leagtar amach i bpointe 1.1.1 d’Iarscríbhinn II a ghabhann le Rialachán (AE) 2016/425.

Cur i bhfeidhm chlásail 5.1.2, 5.1.3, 5.1.5, 5.1.7, 5.2, 5.3.1.1, 5.3.1.2, 5.3.2.2, 5.3.2.3, 5.3.4.3, 5.3.4.4, 5.6.1.4, 5.6.1.7, 5.6.1.8, 5.6.1.9, 5.6.1.10 agus 5.6.1.11 den chaighdeán seo, ní fhágann sé go nglactar leis go bhfuil comhréir ann leis an mbuncheanglas sláinte agus sábháilteachta a leagtar amach i bpointe 1.2.1 d’Iarscríbhinn II a ghabhann le Rialachán (AE) 2016/425.

Cur i bhfeidhm chlásail 5.1.2, 5.2, 5.3.1.1, 5.3.2.2, 5.3.4.2, 5.3.4.4, 5.6.3 agus 5.7 den chaighdeán seo, ní fhágann sé go nglactar leis go bhfuil comhréir ann leis an mbuncheanglas sláinte agus sábháilteachta a leagtar amach i bpointe 3.4 d’Iarscríbhinn II a ghabhann le Rialachán (AE) 2016/425.

103.

EN ISO 12402-5:2020

Gairis snámhachta phearsanta - Cuid 5: Áiseanna snámhachta (leibhéal 50) - Ceanglais sábháilteachta (ISO 12402-5:2020)

104.

EN ISO 12402-6:2020

Gairis snámhachta phearsanta - Cuid 6: Seaicéid tarrthála agus áiseanna snámhachta sainfheidhme - Ceanglais sábháilteachta agus modhanna tástála breise (ISO 12402-6:2020)

105.

EN ISO 12402-8:2020

Gairis snámhachta phearsanta - Cuid 8: Gabhálais - Ceanglais sábháilteachta agus modhanna tástála (ISO 12402-8:2020)

106.

EN 12477:2001

Lámhainní cosanta le haghaidh táthairí

EN 12477:2001/A1:2005

107.

EN 12492:2012

Trealamh sléibhteoireachta - Clogaid le haghaidh sléibhteoirí - Ceanglais sábháilteachta agus modhanna tástála

108.

EN 12841:2006

Trealamh cosanta pearsanta ar thitim - Córais rochtana trí bhíthin téad - Gairis coigeartaithe téide

109.

EN 12941:1998

Feistí cosanta riospráide - Feistí scagtha cumhachtaithe ina bhfuil clogad nó cochall - Ceanglais, tástáil, marcáil

EN 12941:1998/A1:2003

EN 12941:1998/A2:2008

110.

EN 12942:1998

Feistí cosanta riospráide - Gairis scagtha cumhachtchúnta ina bhfuil maisc aghaidhe iomláine, maisc leathaghaidhe nó maisc cheathrú-aghaidhe - Ceanglais, tástáil, marcáil

EN 12942:1998/A1:2002

EN 12942:1998/A2:2008

111.

EN 13034:2005+A1:2009

Éadaí cosanta ar cheimiceáin leachtacha - Ceanglais feidhmíochta maidir le héadaí cosanta ar cheimiceáin lena dtugtar feidhmíocht chosanta theoranta ar cheimiceáin leachtacha (Trealamh de Chineál 6 agus de Chineál PB [6])

112.

EN 13061:2009

Éadaí cosanta - Loirgneáin le haghaidh imreoirí sacair - Ceanglais agus modhanna tástála

113.

EN 13138-1:2021

Áiseanna snámhacha le haghaidh teagasc snámha - Cuid 1: Ceanglais sábháilteachta agus modhanna tástála le haghaidh áiseanna snámhacha atá le caitheamh

EN 13138-1:2021/AC:2022

114.

EN 13158:2018

Éadaí cosanta - Seaicéid chosanta, cosantóirí coirp agus guaillí le húsáid san eachaíocht, le haghaidh marcaigh capall agus iad siúd a bhíonn ag obair le capaill, agus le haghaidh tiománaithe cóiste - Ceanglais agus modhanna tástála

115.

EN 13178:2000

Cosaint súl phearsanta - Cosantóirí súl le haghaidh úsáideoirí mótair sneachta

116.

EN 13277-1:2000

Trealamh cosanta le haghaidh ealaíona comhraic - Cuid 1: Ceanglais ghinearálta agus modhanna tástála

117.

EN 13277-2:2000

Trealamh cosanta le haghaidh ealaíona comhraic - Cuid 2: Ceanglais bhreise agus modhanna tástála breise le haghaidh cosantóirí dhroim na coise, cosantóirí lorga agus cosantóirí rí

118.

EN 13277-3:2013

Trealamh cosanta le haghaidh ealaíona comhraic - Cuid 3: Ceanglais bhreise agus modhanna tástála breise le haghaidh cosantóirí stoic

119.

EN 13277-4:2001

Trealamh cosanta le haghaidh ealaíona comhraic - Cuid 4: Ceanglais bhreise agus modhanna tástála breise le haghaidh cosantóirí cinn

EN 13277-4:2001/A1:2007

120.

EN 13277-5:2002

Trealamh cosanta le haghaidh ealaíona comhraic - Cuid 5: Ceanglais bhreise agus modhanna tástála breise le haghaidh cosantóirí ball giniúna agus cosantóirí abdómain

121.

EN 13277-6:2003

Trealamh cosanta le haghaidh ealaíona comhraic - Cuid 6: Ceanglais bhreise agus modhanna tástála breise le haghaidh cosantóirí brollaigh do mhná

122.

EN 13277-7:2009

Trealamh cosanta le haghaidh ealaíona comhraic - Cuid 7: Ceanglais bhreise agus modhanna tástála breise le haghaidh cosantóirí lámh agus cosantóirí cos

123.

EN 13277-8:2017

Trealamh cosanta le haghaidh ealaíona comhraic - Cuid 8: Ceanglais bhreise agus modhanna tástála breise le haghaidh cosantóirí aghaidhe le haghaidh cearáité

124.

EN 13484:2012

Clogaid le haghaidh úsáideoirí lúiseanna

125.

EN 13546:2002+A1:2007

Éadaí cosanta - Cosantóirí lámh, géag láimhe, brollaigh, abdómain, géag coise, cos agus ball giniúna le haghaidh báireoirí haca, agus cosantóirí lorga le haghaidh gnáthimreoirí - Ceanglais agus modhanna tástála

126.

EN 13567:2002+A1:2007

Éadaí cosanta - Cosantóirí lámh, géag láimhe, brollaigh, abdómain, géag coise, ball giniúna agus aghaidhe le haghaidh pionsóirí - Ceanglais agus modhanna tástála

127.

EN 13594:2015

Lámhainní cosanta le haghaidh gluaisrothaithe - Ceanglais agus modhanna tástála

128.

EN 13634:2017

Coisbheart cosanta le haghaidh gluaisrothaithe - Ceanglais agus modhanna tástála

129.

EN ISO 13688:2013

Éadaí cosanta - Ceanglais ghinearálta (ISO 13688:2013)

EN ISO 13688:2013/A1:2021

130.

EN 13781:2012

Clogaid chosanta le haghaidh tiománaithe agus paisinéirí mótar sneachta agus bobshleamhnán

131.

EN 13794:2002

Feistí cosanta riospráide - Gaireas análaithe ciorcaid iata féinchuimsitheach le haghaidh éalú - Ceanglais, tástáil, marcáil

132.

EN 13832-2:2018

Coisbheart lena gcosnaítear ar cheimiceáin - Cuid 2: Ceanglais maidir le teagmháil theoranta le ceimiceáin

133.

EN 13832-3:2018

Coisbheart lena gcosnaítear ar cheimiceáin - Cuid 3: Ceanglais maidir le teagmháil fhadtréimhseach le ceimiceáin

134.

EN 13949:2003

Trealamh riospráide - Gaireas tumadóireachta féinchuimsitheach ciorcaid oscailte le húsáid le Nitrox agus ocsaigin chomhbhrúite - Ceanglais, tástáil, marcáil

135.

EN ISO 13982-1:2004

Éadaí cosanta le húsáid in aghaidh cáithníní aeriompartha soladacha - Cuid 1: Ceanglais feidhmíochta maidir le héadaí cosanta ar cheimiceáin lena dtugtar cosaint don chorp iomlán ar cháithníní soladacha aeriompartha (éadaí de chineál 5) (ISO 13982-1:2004)

EN ISO 13982-1:2004/A1:2010

136.

EN ISO 13998:2003

Éadaí cosanta - Naprúin, brístí agus veisteanna lena dtugtar cosaint ar ghearrthacha agus ar sháite ó sceana láimhe (ISO 13998:2003)

137.

EN 14021:2003

Sciatha cloiche le haghaidh gluaisrothaíocht easbhóthair atá oiriúnach chun rothaithe a chosaint ar chlocha agus smionagar - Ceanglais agus modhanna tástála

138.

EN 14052:2012+A1:2012

Clogaid thionsclaíocha ardfheidhmíochta

139.

EN 14058:2017

Éadaí cosanta - Baill éadaigh le haghaidh cosanta in aghaidh timpeallachtaí fionnuara

140.

EN 14120:2003+A1:2007

Éadaí cosanta - Cosantóirí chaol na láimhe, bhos na láimhe, glúine agus uillinne le haghaidh úsáideoirí trealaimh spóirt rollála - Ceanglais agus modhanna tástála

141.

EN 14126:2003

Éadaí cosanta - Ceanglais feidhmíochta agus modhanna tástála le haghaidh éadaí cosanta in aghaidh oibreáin thógálacha

EN 14126:2003/AC:2004

142.

EN 14143:2013

Trealamh riospráide - Gaireas tumadóireachta athanálaithe féinchuimsitheach

143.

EN 14225-1:2017

Cultacha tumadóireachta - Cuid 1: Cultacha fliucha - Ceanglais agus modhanna tástála

144.

EN 14225-2:2017

Cultacha tumadóireachta - Cuid 2: Cultacha tirime - Ceanglais agus modhanna tástála

145.

EN 14225-3:2017

Cultacha tumadóireachta - Cuid 3: Córais agus comhpháirteanna culaithe a théitear nó a fhuaraítear go gníomhach - Ceanglais agus modhanna tástála

146.

EN 14328:2005

Éadaí cosanta - Lámhainní agus gardaí láimhe lena dtugtar cosaint ar ghearrthacha ó sceana cumhachtaithe – Ceanglais agus modhanna tástála

147.

EN 14387:2004+A1:2008

Feistí cosanta riospráide - Scagairí gáis agus comhscagairí - Ceanglais, tástáil, marcáil

148.

EN 14435:2004

Feistí cosanta riospráide - Gaireas análaithe aeir chomhbhrúite ciorcaid oscailte féinchuimsitheach ag a bhfuil masc leathaghaidhe - Ceanglais, tástáil, marcáil

149.

EN 14458:2018

Trealamh súl pearsanta - Scáthláin ardfheidhmíochta atá beartaithe lena n-úsáid le clogaid chosanta, agus leo sin amháin

150.

EN ISO 14460:1999

Éadaí cosanta le haghaidh tiománaithe rásaíochta gluaisteán - Cosaint ar theas agus ar lasracha - Ceanglais feidhmíochta agus modhanna tástála (ISO 14460:1999)

EN ISO 14460:1999/AC:1999

EN ISO 14460:1999/A1:2002

151.

EN 14529:2005

Feistí cosanta riospráide - Gaireas análaithe aeir chomhbhrúite ciorcaid oscailte féinchuimsitheach ag a bhfuil masc leathaghaidhe atá deartha chun comhla éilimh brú dearfach a áireamh chun críoch éalaithe, agus chun na gcríoch sin amháin

152.

EN 14593-1:2005

Feistí cosanta riospráide - Gaireas análaithe líne aeir chomhbhrúite ag a bhfuil comhla éilimh - Cuid 1: Gaireas ag a bhfuil masc aghaidhe iomláine - Ceanglais, tástáil, marcáil

153.

EN 14594:2018

Feistí cosanta riospráide - Gairis análaithe líne aeir chomhbhrúite sreafa leanúnaigh - Ceanglais, tástáil, marcáil

154.

EN 14605:2005+A1:2009

Éadaí cosanta ar cheimiceáin leachtacha - ceanglais feidhmíochta le haghaidh éadaí ag a bhfuil naisc leachtobacha (Cineál 3) nó sprae-obacha (Cineál 4), lena n-áirítear earraí lena gcosnaítear codanna den chorp amháin (Cineálacha PB [3] agus PB [4])

155.

EN ISO 14877:2002

Éadaí cosanta le haghaidh oibríochtaí pléasctha scríobaigh ina n-úsáidtear scríobaigh ghráinneacha (ISO 14877:2002)

156.

EN ISO 15027-1:2012

Tumchultacha - Cuid 1: Cultacha caithimh leanúnaigh, ceanglais lena n-áirítear sábháilteacht (ISO 15027-1:2012)

157.

EN ISO 15027-2:2012

Tumchultacha - Cuid 2: Cultacha tarrthála, ceanglais lena n-áirítear sábháilteacht (ISO 15027-2:2012)

158.

EN 15090:2012

Coisbheart le haghaidh comhraiceoirí dóiteáin

159.

EN 15151-1:2012

Trealamh sléibhteoireachta - Gairis coscánaithe - Cuid 1: Gairis coscánaithe ag a bhfuil glasáil lámhchuidithe, ceanglais sábháilteachta agus modhanna tástála

160.

EN 15333-1:2008

Trealamh riospráide - Gaireas tumadóireachta gáis chomhbhrúite a sholáthraítear ón imleacán ciorcaid oscailte - Cuid 1: Gaireas éilimh

EN 15333-1:2008/AC:2009

161.

EN 15333-2:2009

Trealamh riospráide - Gaireas tumadóireachta gáis chomhbhrúite a sholáthraítear ón imleacán ciorcaid oscailte - Cuid 2: Gaireas saorshreafa

162.

EN 15613:2008

Cosantóirí glúine agus uillinn le haghaidh spóirt faoi dhíon - Ceanglais sábháilteachta agus modhanna tástála

163.

EN 16027:2011

Éadaí cosanta - Lámhainní ag a bhfuil éifeacht chosanta le haghaidh báireoirí sacair

164.

EN ISO 16321-1:2022

Cosaint súl agus cosaint aghaidhe le haghaidh úsáid cheirde - Cuid 1: Ceanglais ghinearálta (ISO 16321-1:2021)

165.

EN ISO 16321-2:2021

Cosaint súl agus cosaint aghaidhe le haghaidh úsáid cheirde - Cuid 2: Ceanglais bhreise maidir le cosantóirí a úsáidtear le linn táthaithe agus teicnící gaolmhara (ISO 16321-2:2021)

Fógra: Déantar tagairt sa chaighdeán seo do thagairt normatach EN ISO 16321-1:2020, a bhfuil a dháta mícheart. Léifear é mar EN ISO 16321-1:2022 ina ionad sin.

166.

EN ISO 16321-3:2022

Cosaint súl agus cosaint aghaidhe le haghaidh úsáid cheirde - Cuid 3: Ceanglais bhreise maidir le cosantóirí mogalra (ISO 16321-3:2021)

Fógra: Déantar tagairt sa chaighdeán seo do thagairt normatach EN ISO 16321-1:2020, a bhfuil a dháta mícheart. Léifear é mar EN ISO 16321-1:2022 ina ionad sin.

167.

EN 16350:2014

Lámhainní cosanta - Airíonna leictreastatacha

168.

EN 16473:2014

Clogaid comhraiceora dóiteáin - Clogaid le haghaidh tarrtháil theicniúil

169.

EN 16716:2017

Trealamh sléibhteoireachta - Córais mála aeir maidhme sléibhe - Ceanglais sábháilteachta agus modhanna tástála

170.

EN 17092-2:2020

Baill éadaigh chosanta le haghaidh gluaisrothaithe - Cuid 2: Baill éadaigh Aicme AAA - Ceanglais

171.

EN 17092-3:2020

Baill éadaigh chosanta le haghaidh gluaisrothaithe - Cuid 3: Baill éadaigh Aicme AA - Ceanglais

172.

EN 17092-4:2020

Baill éadaigh chosanta le haghaidh gluaisrothaithe - Cuid 4: Baill éadaigh Aicme A - Ceanglais

173.

EN 17092-5:2020

Baill éadaigh chosanta le haghaidh gluaisrothaithe - Cuid 5: Baill éadaigh Aicme B - Ceanglais

174.

EN 17092-6:2020

Baill éadaigh chosanta le haghaidh gluaisrothaithe - Cuid 6: Baill éadaigh Aicme C - Ceanglais

175.

EN 17109:2020

Trealamh sléibhteoireachta - Córais sábháilteachta aonair le haghaidh cúrsaí rópa - Ceanglais sábháilteachta agus modhanna tástála

176.

EN ISO 17249:2013

Coisbheart sábháilteachta ag a bhfuil frithsheasmhacht ar ghearradh sáibh slabhra (ISO 17249:2013)

EN ISO 17249:2013/AC:2014

177.

EN 17353:2020

Éadaí cosanta - Trealamh infheictheachta feabhsaithe le haghaidh cásanna meánriosca - Modhanna tástála agus ceanglais

178.

EN 17520:2021

Trealamh sléibhteoireachta - Láinnéir ceangail phearsanta - Ceanglais sábháilteachta agus modhanna tástála

179.

EN ISO 18527-1:2022

Cosaint súl agus cosaint aghaidhe le haghaidh spóirt - Cuid 1: Ceanglais maidir le gloiní cosanta sciála le fána agus clársciála (ISO 18527-1:2021)

180.

EN ISO 18527-2:2021

Cosaint súl agus cosaint aghaidhe le haghaidh spóirt - Cuid 2: Ceanglais maidir le cosantóirí súl le haghaidh scuaise agus cosantóirí súl le haghaidh liathróide raicéid agus scuaise 57 (ISO 18527-2:2021)

181.

EN ISO 20320:2020

Éadaí cosanta atá le húsáid i gClársciáil - Cosantóirí Chaol na láimhe - Ceanglais agus modhanna tástála (ISO 20320:2020)

182.

EN ISO 20345:2022

Trealamh cosanta pearsanta - Coisbheart sábháilteachta (ISO 20345:2021)

183.

EN ISO 20346:2014

Trealamh cosanta pearsanta - Coisbheart cosanta (ISO 20346:2014)

184.

EN ISO 20347:2012

Trealamh cosanta pearsanta — Coisbheart ceirde (ISO 20347:2012)

185.

EN ISO 20349-1:2017

Trealamh cosanta pearsanta - Coisbheart lena dtugtar cosaint ar rioscaí i dteilgcheártaí agus le linn táthaithe - Cuid 1: Ceanglais agus modhanna tástála chun cosaint a thabhairt ar rioscaí i dteilgcheártaí (ISO 20349-1:2017)

EN ISO 20349-1:2017/A1:2020

186.

EN ISO 20349-2:2017

Trealamh cosanta pearsanta - Coisbheart lena dtugtar cosaint ar rioscaí i dteilgcheártaí agus le linn táthaithe - Cuid 2: Ceanglais agus modhanna tástála chun cosaint a thabhairt ar rioscaí le linn táthaithe agus próisis ghaolmhara (ISO 20349-2:2017)

EN ISO 20349-2:2017/A1:2020

187.

EN ISO 20471:2013

Éadaí sofheicthe - Modhanna tástála agus ceanglais (ISO 20471:2013, Leagan ceartaithe 2013-06-01)

EN ISO 20471:2013/A1:2016

188.

EN ISO 27065:2017

Éadaí cosanta - Ceanglais feidhmíochta le haghaidh éadaí cosanta a chaitheann oibreoirí agus lotnaidicídí á gcur síos acu agus le haghaidh oibrithe athiontrála (ISO 27065:2017)

EN ISO 27065:2017/A1:2019

189.

EN 50321-1:2018

Oibriú beo - Coisbheart le haghaidh cosaint leictreach - Coisbheart inslithe agus forbhuataisí

EN 50321-1:2018/AC:2018-08

190.

EN 61482-2:2020

Oibriú beo - Éadaí cosanta ar ghuaiseanna teirmeacha stua leictrigh - Cuid 2: Ceanglais (IEC 61482-2:2018, Modhnaithe)


IARSCRÍBHINN II

Uimh.

An tagairt don chaighdeán

Dáta an tarraingt siar

1

EN 143:2000

Feistí cosanta riospráide - Scagairí cáithníní - Ceanglais, tástáil, marcáil

EN 143:2000/AC:2005

EN 143:2000/A1:2006

9.6.2024

2

EN 166:2001

Cosaint súl phearsanta – Sonraíochtaí

11.11.2024

3

EN 169:2002

Cosaint súl phearsanta - Scagairí le haghaidh táthú agus teicnící gaolmhara - Teicnicí tarchuir agus úsáid mholta

11.11.2024

4

EN 170:2002

Cosaint súl phearsanta - Scagairí ultraivialaite - Ceanglais tharchuir agus úsáid mholta

11.11.2024

5

EN 172:1994

Cosaint súl phearsanta - Scagairí in aghaidh dhalladh na gréine le haghaidh úsáid thionsclaíoch

EN 172:1994/A1:2000

EN 172:1994/A2:2001

11.11.2024

6

EN 174:2001

Cosaint súl phearsanta - Gloiní sciála le haghaidh sciáil le fána

11.11.2024

7

EN 352-1:2002

Cosaintí éisteachta - Ceanglais ghinearálta - Cuid 1: Cosaintí Cluas

21.7.2024

8

EN 352-2:2002

Cosaintí éisteachta - Ceanglais ghinearálta - Cuid 2: Plugaí cluaise

21.7.2024

9

EN 352-3:2002

Cosaintí éisteachta - Ceanglais ghinearálta - Cuid 3: Cosaintí cluas agus iad ceangailte de chlogad tionsclaíoch sábháilteachta

21.7.2024

10

EN 352-4:2001

Cosaintí éisteachta - Ceanglais sábháilteachta agus tástáil - Cuid 4: Cosaintí cluas a fheidhmíonn de réir leibhéal na fuaime

EN 352-4:2001/A1:2005

21.7.2024

11

EN 352-5:2002

Cosaintí éisteachta - Ceanglais sábháilteachta agus tástáil - Cuid 5: Cosaintí cluas um laghdú gníomhach torann

EN 352-5:2002/A1:2005

21.7.2024

12

EN 352-6:2002

Cosaintí éisteachta - Ceanglais sábháilteachta agus tástáil - Cuid 6: Cosaintí cluas maille le hionchur fuaime leictreach

21.7.2024

13

EN 352-7:2002

Cosaintí éisteachta - Ceanglais sábháilteachta agus tástáil - Cuid 7: Cosaintí cluas a fheidhmíonn de réir leibhéal na fuaime

21.7.2024

14

EN 352-8:2008

Cosaintí éisteachta - Ceanglais sábháilteachta agus tástáil - Cuid 8: Cosaintí cluas ina seinntear fuaimeanna chun siamsaíochta

21.7.2024

15

EN 379:2003+A1:2009

Cosaint súl phearsanta - Scagairí táthaithe uathoibríocha

11.11.2024

16

EN 1731:2006

Cosaint súl phearsanta - Cosantóirí mogalra súl agus aghaidhe

11.11.2024

17

EN ISO 13688:2013

Éadaí cosanta - Ceanglais ghinearálta (ISO 13688:2013)

9.6.2024

18

EN ISO 20345:2011

Trealamh cosanta pearsanta - Coisbheart sábháilteachta (ISO 20345:2011)

11.11.2024