|
Iris Oifigiúil |
GA Sraith L |
|
2025/2281 |
14.11.2025 |
CINNEADH CUR CHUN FEIDHME (AE) 2025/2281 ÓN gCOIMISIÚN
an 13 Samhain 2025
lena leasaítear Cinneadh Cur Chun Feidhme (AE) 2022/2470 a mhéid a bhaineann le sonraíochtaí teicniúla maidir le cáilíocht, taifeach agus próiseáil íomhánna den aghaidh, sonraíochtaí a bhfuil gá leo chun an córas láraithe leis na Ballstáit a shainaithint ag a bhfuil faisnéis faoi chiontuithe náisiúnach tríú tír agus daoine gan stát (ECRIS-TCN) a fhorbairt agus a chur chun feidhme go teicniúil
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/816 ó Pharlaimint na hEorpa agus ón gComhairle an 17 Aibreán 2019 lena mbunaítear córas láraithe leis na Ballstáit a shainaithint ag a bhfuil faisnéis faoi chiontuithe náisiúnach tríú tír agus daoine gan stát (ECRIS-TCN) chun an Córas Faisnéise Eorpach um Thaifid Choiriúla a fhorlíonadh agus lena leasaítear Rialachán (AE) 2018/1726 (1), agus go háirithe Airteagal 10(1) de,
De bharr an mhéid seo a leanas:
|
(1) |
Le Rialachán (AE) 2019/816 bunaítear an córas láraithe leis na Ballstáit a shainaithint ag a bhfuil faisnéis faoi chiontuithe náisiúnach tríú tír agus daoine gan stát (ECRIS-TCN). Leis an gcóras sin, is féidir le húdarás lárnach Ballstáit nó le húdarás inniúil eile a fháil amach go pras agus go héifeachtúil cé na Ballstáit ag a bhfuil faisnéis faoi thaifid choiriúla náisiúnaigh tríú tír. |
|
(2) |
Le Cinneadh Cur Chun Feidhme (AE) 2022/2470 ón gCoimisiún (2) leagtar síos na bearta is gá chun ECRIS-TCN a fhorbairt agus a chur chun feidhme go teicniúil, lena n-áirítear na sonraíochtaí teicniúla a bhaineann le sonraí alfa-uimhriúla agus méarlorg. |
|
(3) |
Gníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA) arna bunú le Rialachán (AE) 2018/1726 ó Pharlaimint na hEorpa agus ón gComhairle (3), tá sí freagrach as ECRIS-TCN a fhorbairt, lena n-áirítear forbairt agus cur chun feidhme na sonraíochtaí teicniúla agus na tástála ábhartha, mar aon le bainistiú oibríochtúil an chórais. |
|
(4) |
Chun idir-inoibritheacht seirbhísí poiblí ar leibhéal an Aontais a áirithiú, ba cheart ailtireacht ECRIS-TCN a bheith i gcomhréir leis an gcreat Eorpach idir-inoibritheachta mar a leagtar amach i Rialacháin (AE) 2019/817 (4) agus (AE) 2019/818 (5) ó Pharlaimint na hEorpa agus ón gComhairle. Sa chreat sin tá seirbhís chomhroinnte meaitseála sonraí bithmhéadracha ina stóráiltear, de bhun Airteagal 13(1), pointe (b), de Rialachán (AE) 2019/818, teimpléid d’íomhánna den aghaidh, lena n-áirítear teimpléid d’íomhánna den aghaidh a iontráiltear in ECRIS-TCN, lenar féidir sonraí bithmhéadracha a chuardach i gcórais faisnéise éagsúla de chuid an Aontais. |
|
(5) |
Chun é a chur ar a gcumas do na húdaráis lárnacha íomhánna den aghaidh a iontráil in ECRIS-TCN, is gá sonraíochtaí teicniúla a leagan síos maidir le cáilíocht, taifeach agus próiseáil na n-íomhánna den aghaidh. |
|
(6) |
Go dtí go dtiocfaidh an gníomh tarmligthe dá bhforáiltear in Airteagal 6(2) de Rialachán (AE) 2019/816 i bhfeidhm, níor cheart íomhánna den aghaidh a úsáid chun cuardach a dhéanamh sa chóras. Ba cheart a n-úsáid a theorannú faoi láthair do chéannacht náisiúnaigh tríú tír a sainaithníodh mar thoradh ar chuardach alfa-uimhriúil nó ar chuardach inar úsáideadh sonraí méarlorg a dheimhniú, i gcomhréir le hAirteagal 6(1) de Rialachán (AE) 2019/816, agus do chéannachtaí iomadúla a bhrath ar fud na gcóras TF idir-inoibritheach i gcomhréir le hAirteagal 13(1), pointe (b), agus Airteagal 27(2) de Rialachán (AE) 2019/818. |
|
(7) |
Is príomhghné í cáilíocht sonraí chun cruinneas a bhaint amach, atá ar cheann de na bunphrionsabail cosanta sonraí a leagtar síos in Airteagal 5(1), pointe (d), de Rialachán (AE) 2016/679 ó Pharlaimint na hEorpa agus ón gComhairle (6) agus in Airteagal 4(1), pointe (d), de Rialachán (AE) 2018/1725 ó Pharlaimint na hEorpa agus ón gComhairle (7). Bíonn tionchar ag cáilíocht na n-íomhánna den aghaidh a stóráiltear ar fheidhmiú cuí aon phróisis meaitseála uathoibrithe a úsáideann iad, agus ar an amharc-chigireacht sa phróiseas chun céannacht a dheimhniú, i gcomhréir le hAirteagal 6(1) de Rialachán (AE) 2019/816. Dá bhrí sin, na ceanglais cáilíochta sonraí a leagtar síos don tseirbhís chomhroinnte meaitseála sonraí bithmhéadracha agus do na córais eile a chuireann léi, ba cheart na híomhánna den aghaidh in ECRIS-TCN iad a chomhlíonadh chun meaitseáil iontaofa a ráthú. |
|
(8) |
Níor cheart íomhánna den aghaidh a iontráil in ECRIS-TCN ach amháin i gcás ina gceadaítear le dlí náisiúnta an Bhallstáit chiontaithigh íomhánna d’aghaidh daoine ciontaithe a bhailiú agus a stóráil de bhun Airteagal 5(3) de Rialachán (AE) 2019/816. |
|
(9) |
Ós rud é go ndíríonn Cinneadh Cur Chun Feidhme (AE) 2022/2470 ar na sonraíochtaí teicniúla a bhaineann le sonraí alfa-uimhriúla agus méarlorg, tugtar isteach leis an gCinneadh seo na sonraíochtaí teicniúla ábhartha maidir le híomhánna den aghaidh. |
|
(10) |
Níorbh fhéidir go teicniúil staitisticí ar leithligh a ghiniúint maidir le líon na dtaifead ina bhfuil bratacha arna socrú i gcomhréir le hAirteagal 5(1), pointe (c), de Rialachán (AE) 2019/816, le haghaidh ciontuithe i gcion sceimhlitheoireachta agus in aon chion coiriúil eile a liostaítear san Iarscríbhinn a ghabhann le Rialachán (AE) 2018/1240 ó Pharlaimint na hEorpa agus ón gComhairle (8). Dá bhrí sin, níor cheart é a bheith riachtanach a thuilleadh staitisticí ar leithligh den sórt sin a ghiniúint. |
|
(11) |
Dá bhrí sin, ba cheart Cinneadh Cur Chun Feidhme (AE) 2022/2470 a leasú dá réir. |
|
(12) |
I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní raibh an Danmhairg rannpháirteach i nglacadh Rialachán (AE) 2019/816 agus níl sí faoi cheangal aige ná faoi réir a chur i bhfeidhm. Dá bhrí sin, níl sé de cheangal ar an Danmhairg an Cinneadh seo a chur chun feidhme. |
|
(13) |
I gcomhréir le hAirteagail 1 agus 2 agus le hAirteagal 4a(1) de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, agus gan dochar d’Airteagal 4 den Phrótacal sin, ní raibh Éire rannpháirteach i nglacadh Rialachán (AE) 2019/816 agus níl sí faoi cheangal aige ná faoi réir a chur i bhfeidhm. Dá bhrí sin, níl sé de cheangal ar Éirinn an Cinneadh seo a chur chun feidhme. |
|
(14) |
Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug an Maoirseoir tuairim uaidh an 5 Meitheamh 2025. |
|
(15) |
Leis an gCinneadh seo, tugtar isteach ceanglais cheangailteacha le haghaidh seirbhísí poiblí digiteacha tras-Eorpacha de réir bhrí Rialachán (AE) 2024/903 ó Pharlaimint na hEorpa agus ón gComhairle (9). Dá réir sin, tá measúnú idir-inoibritheachta déanta agus tá an tuarascáil a tháinig as sin foilsithe ar an Tairseach um Eoraip Idir-inoibritheach. |
|
(16) |
Tá na bearta dá bhforáiltear sa Chinneadh seo i gcomhréir leis an tuairim ón gCoiste a bunaíodh le hAirteagal 38 de Rialachán (AE) 2019/816. |
TAR ÉIS AN CINNEADH SEO A GHLACADH:
Airteagal 1
Leasuithe ar Chinneadh Cur Chun Feidhme (AE) 2022/2470
Leasaítear Cinneadh Cur Chun Feidhme (AE) 2022/2470 mar a leanas:
|
(1) |
Leasaítear Airteagal 2 mar a leanas:
|
|
(2) |
cuirtear isteach an tAirteagal 2a seo a leanas: ‘Airteagal 2a Sásra fíoraithe cáilíochta sonraí 1. Agus sonraí alfa-uimhriúla, sonraí méarlorg nó íomhánna den aghaidh á n-iontráil nó á modhnú in ECRIS-TCN, úsáidfidh údarás lárnach an Bhallstáit chiontaithigh sásra fíoraithe cáilíochta sonraí nó a choibhéis ina mbogearraí náisiúnta do chur chun feidhme ECRIS dá dtagraítear in Airteagal 4(4) go (7) de Rialachán (AE) 2019/816. 2. Déanfar an sásra fíoraithe cáilíochta sonraí dá dtagraítear i mír 1 a chomhtháthú i gcur chun feidhme thagairt ECRIS, déanfar é a fhorbairt mar fheidhmchlár bogearraí agus déanfar é a bhunú i lárchóras ECRIS-TCN. 3. Beidh eu-LISA freagrach as an sásra fíoraithe cáilíochta sonraí a fhorbairt, a chothabháil agus a thabhairt cothrom le dáta, de bhun Airteagal 11(2) de Rialachán (AE) 2019/816. 4. I gcás nach mbainfidh na Ballstáit úsáid as an sásra fíoraithe cáilíochta sonraí dá dtagraítear i mír 1 agus go mbainfidh siad úsáid ina ionad sin as a choibhéis ina mbogearraí náisiúnta do chur chun feidhme ECRIS, áiritheoidh siad go ráthófar leis na sonraí alfa-uimhriúla céanna, na sonraí méarlorg céanna agus an fíorú cáilíochta céanna ar íomhánna den aghaidh agus a ráthófar leis an sásra fíoraithe cáilíochta sonraí sin.’ |
|
(3) |
in Airteagal 3, scriostar míreanna 1 agus 2; |
|
(4) |
leasaítear Airteagal 4 mar a leanas:
|
|
(5) |
cuirtear isteach an tAirteagal 4a seo a leanas: ‘Airteagal 4a Cáilíocht íomhánna den aghaidh 1. Beidh feidhm ag an bpróiseas fíoraithe cáilíochta sonraí maidir leis na híomhánna uile den aghaidh a iontráiltear nó a mhodhnaítear in ECRIS-TCN, agus áiritheoidh sé go gcomhlíonfar na coinníollacha seo a leanas ar a laghad:
2. Diúltóidh ECRIS-TCN d’íomhánna den aghaidh, a iontráiltear nó a modhnaítear in ECRIS-TCN, nach gcomhlíonann na coinníollacha a leagtar amach i mír 1, agus ní stórálfar ná ní phróiseálfar iad.’ |
|
(6) |
in Airteagal 7(2), leasaítear pointe (b) mar a leanas:
|
|
(7) |
leasaítear an Iarscríbhinn i gcomhréir leis an Iarscríbhinn a ghabhann leis an gCinneadh seo. |
Airteagal 2
Teacht i bhfeidhm
Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 13 Samhain 2025.
Thar ceann an Choimisiúin
An tUachtarán
Ursula VON DER LEYEN
(1) IO L 135, 22.5.2019, lch. 85, ELI: http://data.europa.eu/eli/reg/2019/816/oj.
(2) Cinneadh Cur Chun Feidhme (AE) 2022/2470 ón gCoimisiún an 14 Nollaig 2022 lena leagtar síos na bearta is gá chun an córas láraithe leis na Ballstáit a shainaithint ag a bhfuil faisnéis faoi chiontuithe náisiúnach tríú tír agus daoine gan stát (ECRIS-TCN) a fhorbairt agus a chur chun feidhme go teicniúil (IO L 322, 16.12.2022, lch. 107, ELI: http://data.europa.eu/eli/dec_impl/2022/2470/oj).
(3) Rialachán (AE) 2018/1726 ó Pharlaimint na hEorpa agus ón gComhairle an 14 Samhain 2018 maidir le Gníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA), agus lena leasaítear Rialachán (CE) Uimh. 1987/2006 agus Cinneadh 2007/533/CGB ón gComhairle agus lena n-aisghairtear Rialachán (AE) Uimh. 1077/2011, (IO L 295, 21.11.2018, lch. 99, ELI: http://data.europa.eu/eli/reg/2018/1726/oj).
(4) Rialachán (AE) 2019/817 ó Pharlaimint na hEorpa agus ón gComhairle an 20 Bealtaine 2019 maidir le creat a bhunú le haghaidh idir-inoibritheacht idir córais faisnéise AE i réimse na dteorainneacha agus na víosaí agus lena leasaítear Rialacháin (CE) Uimh. 767/2008, (AE) 2016/399, (AE) 2017/2226, (AE) 2018/1240, (AE) 2018/1726 agus (AE) 2018/1861 ó Pharlaimint na hEorpa agus ón gComhairle agus Cinntí 2004/512/CE agus 2008/633/CGB ón gComhairle (IO L 135, 22.5.2019, lch. 27, ELI: http://data.europa.eu/eli/reg/2019/817/oj).
(5) Rialachán (AE) 2019/818 ó Pharlaimint na hEorpa agus ón gComhairle an 20 Bealtaine 2019 maidir le creat a bhunú le haghaidh idir-inoibritheacht idir córais faisnéise AE i réimse an chomhair phóilíneachta agus an chomhair bhreithiúnaigh, an tearmainn agus na himirce agus lena leasaítear Rialacháin (AE) 2018/1726, (AE) 2018/1862 agus (AE) 2019/816 (IO L 135, 22.5.2019, lch. 85, ELI: http://data.europa.eu/eli/reg/2019/818/oj).
(6) Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1, ELI: http://data.europa.eu/eli/reg/2016/679/oj).
(7) Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39, ELI: http://data.europa.eu/eli/reg/2018/1725/oj).
(8) Rialachán (AE) 2018/1240 ó Pharlaimint na hEorpa agus ón gComhairle an 12 Meán Fómhair 2018 lena mbunaítear Córas Eorpach um Fhaisnéis agus Údarú Taistil (ETIAS) agus lena leasaítear Rialacháin (AE) Uimh. 1077/2011, (AE) Uimh. 515/2014, (AE) 2016/399, (AE) 2016/1624 agus (AE) 2017/2226 (IO L 236, 19.9.2018, lch. 1, ELI: http://data.europa.eu/eli/reg/2018/1240/oj).
(9) Rialachán (AE) 2024/903 ó Pharlaimint na hEorpa agus ón gComhairle an 13 Márta 2024 lena leagtar síos bearta le haghaidh ardleibhéal idir-inoibritheachta san earnáil phoiblí ar fud an Aontais (an Gníomh um Eoraip Idir-inoibritheach) (IO L, 2024/903, 22.3.2024, ELI: http://data.europa.eu/eli/reg/2024/903/oj).
IARSCRÍBHINN
Leasaítear an Iarscríbhinn a ghabhann le Cinneadh Cur Chun Feidhme (AE) 2022/2470 mar a leanas:
|
(1) |
sa tábla i Roinn I, cuirtear na línte seo a leanas leis:
|
|
(2) |
sa tábla i Roinn III, cuirtear an líne seo a leanas leis:
|
ELI: http://data.europa.eu/eli/dec_impl/2025/2281/oj
ISSN 1977-0839 (electronic edition)