<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2026-03-202603C126202500620-00-TRA-DOC-MT-ARRET-C-0062-25-202602892-07_00</title>
    <meta content="text/html; charset=utf-8" http-equiv="Content-Type"/>
    <meta content="true" name="ParExtraits_2021"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="7/08/2026 00:10:51" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="JTpru4JJ96xZwwZNvu7tm81v1YdRZYcTZjr8yvqvpQ1WSt/mLRXhnowVJoWTMEC0yyGA/cdfxPpuReBn+vM/vvUQLCi/P7q3nvK0vlijJFlp7WYofwocjqnilt5x4dxPb2PqCJUA9LHlLFfBVr1zzkJAY59LFNsSfFSVFTo3aro=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="svc_wsgendoc" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="951a5f87-453d-4fb5-9153-44371b29fdc8" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0062" name="NumeroOrdre"/>
    <meta content="2025" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 20-03-26 11:49:14" name="Created"/>
    <meta content="" name="Canevas3_Vademecum"/>
    <meta content="2026-04-10T12:37:20Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="9e9dad2e4f774542aa1f2ea3e034556b" name="DocumentIdentifier"/>
    <meta content="0062" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tas‑26.3.2026 – Kawża C‑62/25</div>
      <div id="rId21" style="default">Staubsaugerservice</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (It-Tmien Awla)
    </p>
    <p class="C19Centre" id="para-2" title="page-1">
      26 ta’ Marzu 2026  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Protezzjoni tal-konsumaturi – Direttiva 98/6/KE – Indikazzjoni tal-prezzijiet tal-prodotti – Artikolu 2(a) – Kunċett ta’ ‘prezz tal-bejgħ’ – Bejgħ online – Ħlas ta’ pproċessar b’rata fissa fil-każ ta’ ordni totali ta’ valur inqas minn ammont minimu – Esklużjoni ta’ dan il-ħlas mill-prezz tal-bejgħ tal-prodott ikkonċernat”
    </p>
    <p class="C02AlineaAltA" id="para-4" title="page-1">
      Fil-Kawża C‑62/25,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-Bundesgerichtshof (il-Qorti Federali tal-Ġustizzja, il-Ġermanja), permezz ta’ deċiżjoni tat‑23 ta’ Jannar 2025, li waslet fil-Qorti tal-Ġustizzja fid‑29 ta’ Jannar 2025, fil-proċedura
    </p>
    <p class="C02AlineaAltA" id="para-6" title="page-1">
      Bundesverband der Verbraucherzentralen und Verbraucherverbände – Verbraucherzentrale Bundesverband e.V.
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      JZ,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (It-Tmien Awla),
    </p>
    <p class="C02AlineaAltA" id="para-10" title="page-1">
      komposta minn O. Spineanu-Matei, Presidenta tal-Awla, N. Piçarra (Relatur) u N. Fenger, Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: N. Emiliou,
    </p>
    <p class="C02AlineaAltA" id="para-12" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Bundesverband der Verbraucherzentralen und Verbraucherverbände – Verbraucherzentrale Bundesverband e.V., minn P. Wassermann, Rechtsanwalt,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Ġermaniż, minn J. Möller u P. Wagner, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn P. Kienapfel u B.-R. Killmann, bħala aġenti,</p>
</td>
</tr>
</table>
    <p class="C02AlineaAltA" id="para-18" title="page-1">
      wara li rat id-deċiżjoni meħuda, wara li nstema’ l-Avukat Ġenerali, li taqta’ l-kawża mingħajr konklużjonijiet,
    </p>
    <p class="C02AlineaAltA" id="para-19" title="page-1">
      tagħti l-preżenti
    </p>
    <p class="C75Debutdesmotifs" id="para-20" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 2(a) tad-Direttiva 98/6/KE tal-Parlament Ewropew u tal-Kunsill tas‑16 ta’ Frar 1998 dwar il-protezzjoni tal-konsumatur fl-indikazzjoni tal-prezzijiet ta’ prodotti offruti lill-konsumaturi (ĠU Edizzjoni Speċjali bil-Malti, Kapitolu 15, Vol. 4, p. 32).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ kawża bejn il-Bundesverband der Verbraucherzentralen und Verbraucherverbände – Verbraucherzentrale Bundesverband e.V. (l-Unjoni Federali taċ-Ċentri u tal-Assoċjazzjonijiet tal-Konsumaturi, il-Ġermanja, iktar ’il quddiem il-“BV”) u JZ, li jopera ħanut online, dwar l-obbligu possibbli li, fil-prezz tal-bejgħ tal-merkanzija offruta fuq is-sit internet tiegħu, jiġu inkluż ħlas ta’ pproċessar b’rata fissa dovut fil-każ ta’ ordni ta’ valur inqas minn ammont minimu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Il-premessi 2, 6 u 12 tad-Direttiva 98/6 jipprovdu:</p>
</td>
</tr>
</table>
    <p class="C09Marge0avecretrait" id="para-26" title="page-1">
      “(2) […] [i]l-konsumaturi għandhom ikunu garantiti minn livell għoli ta’ protezzjoni; […][i]l-Komunità [Ewropea] għandha tikkontribwixxi għal dan b’azzjoni speċifika li tappoġġja u tissupplimenta l-politika segwita mill-Istati Membri rigward informazzjoni preċiża, trasparenti u li m’hix ambigwa għall-konsumaturi dwar il-prezzijiet ta’ prodotti offruti lilhom;
    </p>
    <p class="C02AlineaAltA" id="para-27" title="page-1">
      […]
    </p>
    <p class="C09Marge0avecretrait" id="para-28" title="page-2">
      (6) […] l-obbligu li jkun indikat il-prezz tal-bejgħ u l-prezz ta’ prodott wieħed jikkontribwixxi sostanzjalment sabiex titjieb l-informazzjoni tal-konsumatur, peress li dan huwa l-eħfef mod li jgħin lill-konsumaturi sabiex jevalwaw u jikkomparaw il-prezz ta’ prodotti fl-aħjar manjiera u b’hekk jagħmlu għażliet informati abbażi ta’ paraguni sempliċi;
    </p>
    <p class="C02AlineaAltA" id="para-29" title="page-2">
      […]
    </p>
    <p class="C09Marge0avecretrait" id="para-30" title="page-2">
      (12) [i]r-regoli fil-livell tal-Komunità jistgħu jiżguraw informazzjoni ta’ l-istess xorta u trasparenti li tibbenefika lill-konsumaturi kollha fil-kuntest tas-suq intern […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 1 ta’ din id-direttiva huwa fformulat kif ġej:</p>
</td>
</tr>
</table>
    <p class="C02AlineaAltA" id="para-32" title="page-2">
      “L-għan ta’ din id-Direttiva huwa li jistipula indikazzjoni tal-prezz tal-bejgħ u l-prezz għal kull unità ta’ kejl ta’ prodotti offruti mill-negozjanti lill-konsumaturi sabiex titjieb l-informazzjoni lill-konsumatur u tiffaċilita l-paragun tal-prezzijiet.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 2 tal-imsemmija direttiva jipprevedi:</p>
</td>
</tr>
</table>
    <p class="C02AlineaAltA" id="para-34" title="page-2">
      “Għall-għanijiet ta’ din id-Direttiva:
    </p>
    <p class="C09Marge0avecretrait" id="para-35" title="page-2">
      (a) il-prezz tal-bejgħ għandu jfisser il-prezz finali għal unità tal-prodott, jew kwantità mogħtija [partikolari] tal-prodott, li jinkludi [t-taxxa fuq il-valur miżjud (VAT)] u t-taxxi l-oħra kollha;
    </p>
    <p class="C02AlineaAltA" id="para-36" title="page-2">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Skont l-Artikolu 4(1) tal-istess direttiva:</p>
</td>
</tr>
</table>
    <p class="C02AlineaAltA" id="para-38" title="page-2">
      “Il-prezz tal-bejgħ u l-prezz ta’ unità m’għandhomx ikunu ambigwi, għandhom ikunu identifikabbli faċilment u jinqraw b’mod ċar. […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt Ġermaniż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Il-punt 3 tal-Artikolu 2 tal-Preisangabenverordnung (ir-Regolament dwar l-Indikazzjonijiet tal-Prezzijiet), fil-verżjoni tiegħu applikabbli għall-kawża prinċipali (iktar ’il quddiem il-“PAngV”), jipprevedi:</p>
</td>
</tr>
</table>
    <p class="C02AlineaAltA" id="para-41" title="page-2">
      “Għall-finijiet ta’ dan ir-regolament, id-definizzjonijiet li ġejjin għandhom japplikaw:
    </p>
    <p class="C02AlineaAltA" id="para-42" title="page-2">
      […]
    </p>
    <p class="C02AlineaAltA" id="para-43" title="page-2">
      3. ‘prezz totali’: il-prezz, inkluża t-taxxa fuq id-dħul mill-bejgħ u elementi oħra tal-prezz, li għandu jitħallas għal prodott jew servizz.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 3(1) tal-PAngV huwa fformulat kif ġej:</p>
</td>
</tr>
</table>
    <p class="C02AlineaAltA" id="para-45" title="page-3">
      “Kull min, bħala imprenditur, joffri lil konsumaturi oġġetti jew servizzi jew, bħala fornitur ta’ oġġetti jew ta’ servizzi, jirreklama lill-konsumaturi billi jindika l-prezz ta’ dawn l-oġġetti jew servizzi, għandu jindika l-prezz totali tagħhom”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Skont l-Artikolu 6(1) u (2) tal-PAngV:</p>
</td>
</tr>
</table>
    <p class="C02AlineaAltA" id="para-47" title="page-3">
      “(1) Kull min, bħala imprenditur, joffri lil konsumaturi oġġetti jew servizzi bl-għan li jiġi konkluż kuntratt mill-bogħod għandu, minbarra l-informazzjoni meħtieġa skont l-Artikolu 3(1) u (2) u l-Artikolu 4(1) u (2), jindika
    </p>
    <p class="C09Marge0avecretrait" id="para-48" title="page-3">
      1. li l-prezzijiet mitluba għall-oġġetti jew għas-servizzi jinkludu l-[VAT] u elementi oħra tal-prezz, u
    </p>
    <p class="C09Marge0avecretrait" id="para-49" title="page-3">
      2. jekk humiex dovuti spejjeż ta’ trasport, ta’ kunsinna jew ta’ dispaċċ jew spejjeż addizzjonali oħra.
    </p>
    <p class="C02AlineaAltA" id="para-50" title="page-3">
      (2) Jekk ikunu dovuti spejjeż ta’ trasport, ta’ kunsinna jew ta’ dispaċċ jew spejjeż addizzjonali oħra, l-ammont tagħhom għandu jiġi indikat sa fejn dawn jistgħu raġonevolment jiġu kkalkolati minn qabel.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">JZ jikkummerċjalizza, permezz tas-sit internet www.staubsaugerservice.de, oġġetti konsumabbli, aċċessorji u spare parts għall-vacuum cleaners. Fl‑1 ta’ Ġunju 2022, huwa kien jipproponi, fuq dan is-sit, boroż ta’ filtrazzjoni għall-vacuum cleaners bil-prezz ta’ EUR 14.90, filwaqt li kien jinkludi l-kliem “kunsinna b’xejn f’24 siegħa fil-Ġermanja kollha” u “spejjeż tal-ispedizzjoni offruti” fl-intestatura tal-paġna tal-internet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Fuq il-lemin tal-indikazzjoni tal-prezz, kien hemm asterisk. Meta wieħed kien iċaqlaq il-vleġġa għal fuq l-asteriks, kien jidher dan li ġej: “VAT inkluża, spejjeż anċillari japplikaw”. L-indikazzjoni tal-prezz bħala tali kienet tibqa’ l-istess. Billi jikklikkja fuq l-asterisk, il-klijent kien jiġi dirett lejn subpaġna tas-sit internet li kienet tinkludi l-informazzjoni li ġejja:</p>
</td>
</tr>
</table>
    <p class="C02AlineaAltA" id="para-54" title="page-3">
      “Spejjeż anċillari
    </p>
    <p class="C02AlineaAltA" id="para-55" title="page-3">
      […] Skont il-valur tal-merkanzija, jista’ jiġi ffatturat ħlas ta’ pproċessar b’rata fissa mhux rimborsabbli ta’ bejn EUR 3.95 (għal oġġetti bil-valur ta’ EUR 11 jew iktar) u EUR 9 (għal oġġetti bil-valur ta’ inqas minn EUR 11). Minn valur ta’ oġġetti ta’ EUR 29, dan il-ħlas ta’ pproċessar b’rata fissa ġeneralment ma jibqax dovut.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Wara li jkun żied il-prodott magħżul fil-basket tiegħu, il-klijent kien jara, meta kien ikun qiegħed iħares lejn dan il-basket, l-indikazzjoni ta’ prezz ta’ EUR 14.90, kif ukoll ammont ta’ EUR 3.95 flimkien mal-kliem “suppliment/tnaqqis addizzjonali għal kwantità żgħira (mhux applikabbli għal xiri ta’ iktar minn EUR 29)”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Peress li qieset li din kienet indikazzjoni ta’ prezz żleali, il-BV ippreżentat rikors quddiem il-Landgericht Hannover (il-Qorti Reġjonali ta’ Hannover, il-Ġermanja), intiż b’mod partikolari sabiex JZ jiġi kkundannat jieqaf joffri oġġetti fuq l-internet b’indikazzjoni tal-prezzijiet li fihom il-ħlas ta’ pproċessar b’rata fissa ma humiex inklużi. Din il-qorti laqgħet dan ir-rikors.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Fuq appell ippreżentat minn JZ, l-Oberlandesgericht Celle (il-Qorti Reġjonali Superjuri ta’ Celle, il-Ġermanja) ċaħdet ir-rikors ta’ BV, billi ddeċidiet li l-ħlas ta’ pproċessar b’rata fissa, meħtieġ biss meta l-valur totali tal-ordni, li jinkludi l-prodott ikkonċernat u possibbilment prodotti oħra, ikun inqas minn ċertu ammont, għandhom jiġu indikati separatament, peress li ma jikkostitwixxux element tal-prezz totali tal-prodott ikkonċernat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Il-BV ippreżentat appell għal reviżjoni minn dik is-sentenza quddiem il-Bundesgerichtshof (il-Qorti Federali tal-Ġustizzja, il-Ġermanja), li hija l-qorti tar-rinviju. Skont din il-qorti, ir-risposta għad-domanda dwar jekk ħlas ta’ pproċessar b’rata fissa, li l-klijent ikun eżentat minnu biss jekk il-valur tal-ordni tiegħu jaqbeż ċertu ammont, għandux jiġi inkluż fil-prezz tal-bejgħ ta’ unità ta’ prodott, fis-sens tal-Artikolu 2(a) tad-Direttiva 98/6, ma tirriżultax b’mod ċar mill-formulazzjoni ta’ din id-dispożizzjoni, li tiddefinixxi l-prezz tal-bejgħ bħala l-“prezz finali għal unità tal-prodott”, iżda wkoll għal “kwantità mogħtija [partikolari] tal-prodott”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Filwaqt li tfakkar il-ġurisprudenza tal-Qorti tal-Ġustizzja li tgħid li l-prezz tal-bejgħ ta’ prodott għandu neċessarjament jinkludi l-elementi inevitabbli u prevedibbli tal-prezz, li huma obbligatorjament imposti fuq il-konsumatur u jikkostitwixxu l-korrispettiv pekunjarju għall-akkwist ta’ dan il-prodott, l-imsemmija qorti tistaqsi, b’mod iktar preċiż, dwar in-natura inevitabbli u prevedibbli għall-konsumatur tal-ħlas ta’ pproċessar b’rata fissa inkwistjoni. Hija għandha tendenza tqis li dan il-ħlas ma għandux jiġi inkluż fil-prezz tal-bejgħ, fis-sens tal-Artikolu 2(a) tad-Direttiva 98/6. Fil-fehma tagħha, l-aħjar mod sabiex jiġi evitat li l-konsumatur jiġi mqarraq huwa, minn naħa, li jiġi indikat il-prezz tal-bejgħ, mingħajr il-ħlas ta’ pproċessar b’rata fissa, u, min-naħa l-oħra, li l-konsumatur jiġi avżat li dan il-ħlas ikun dovut għal ordni taħt ċertu livell ta’ valur filwaqt li jiġi indikat l-ammont ta’ tali ħlas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Huwa f’dawn iċ-ċirkustanzi li l-Bundesgerichtshof (il-Qorti Federali tal-Ġustizzja) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domanda preliminari li ġejja:</p>
</td>
</tr>
</table>
    <p class="C02AlineaAltA" id="para-62" title="page-4">
      “Fil-prezz tal-bejgħ li għandu jiġi indikat għal unità ta’ prodott, fis-sens tal-Artikolu 2(a) tad-Direttiva [98/6], għandu jiġi inkluż ħlas ta’ pproċessar b’rata fissa li ma jkunx dovut biss jekk il-valur totali tal-ordni jaqbeż ammont minimu?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Permezz tad-domanda unika tagħha, il-qorti tar-rinviju tistaqsi, essenzjalment, jekk l-Artikolu 2(a) tad-Direttiva 98/6 għandux jiġi interpretat fis-sens li l-kunċett ta’ “prezz tal-bejgħ” għandu jinkludi ħlas ta’ pproċessar b’rata fissa li, minn naħa, ivarja skont l-ammont totali tal-ordni magħmula mix-xerrej tal-prodott ikkonċernat kif ukoll, jekk ikun il-każ, ta’ prodotti oħra, u li, min-naħa l-oħra, ikun dovut biss jekk il-valur totali ta’ din l-ordni jkun inqas minn ammont minimu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Il-prezz tal-bejgħ huwa ddefinit, skont l-Artikolu 2(a) tad-Direttiva 98/6, bħala l-prezz finali għal unità tal-prodott jew kwantità partikolari tal-prodott, inklużi l-VAT u t-taxxi anċillari kollha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Bħala prezz finali, il-prezz tal-bejgħ għandu jinkludi neċessarjament l-elementi inevitabbli u prevedibbli ta’ dan il-prezz, li huma obbligatorjament imħallsa mill-konsumatur u li jikkostitwixxu l-korrispettiv pekunjarju għall-akkwist tal-prodott ikkonċernat (ara, f’dan is-sens, is-sentenza tad‑29 ta’ Ġunju 2023, Verband Sozialer Wettbewerb (Kontenituri li fuqhom huwa impost depożitu), C‑543/21, EU:C:2023:527, punt 19 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Mit-talba għal deċiżjoni preliminari jirriżulta, minn naħa, li l-ħlas ta’ pproċessar b’rata fissa huwa applikat biss fil-każ fejn l-ammont totali tal-prodotti mixtrija jkun inqas minn valur minimu. Min-naħa l-oħra, meta dan il-ħlas b’rata fissa jkun dovut, l-ammont tiegħu jvarja skont l-ammont totali tal-prodotti mixtrija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Għalkemm l-imsemmi ħlas ta’ pproċessar b’rata fissa huwa inkluż fil-korrispettiv pekunjarju marbut mal-akkwist tal-prodott ikkonċernat, dan ma jistax madankollu jitqies li huwa “obbligatorjament” imħallas mill-konsumatur. Fil-fatt, dan tal-aħħar jista’ jevita dan il-ħlas, billi jixtri diversi prodotti, anki differenti, b’mod li jilħaq il-valur minimu meħtieġ. Madankollu, hija l-qorti nazzjonali li għandha tivverifika jekk din il-possibbiltà li jiġi evitat il-ħlas ta’ pproċessar b’rata fissa hijiex reali, fid-dawl b’mod partikolari tal-ammont ta’ dan il-valur minimu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">L-inklużjoni ta’ dan il-ħlas fil-prezz tal-bejgħ, fis-sens tal-Artikolu 2(a) tad-Direttiva 98/6 tista’ għalhekk tikkomprometti n-natura definittiva ta’ dan il-prezz, fis-sens tal-ġurisprudenza mfakkra fil-punt 20 tas-sentenza preżenti. Għaldaqstant, dan il-ħlas ma għandux jiġi inkluż f’dan il-kunċett ta’ “prezz tal-bejgħ”, fis-sens ta’ din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Din l-interpretazzjoni hija kkorroborata mill-għanijiet imfittxija mid-Direttiva 98/6, stabbiliti fl-Artikolu 1 tagħha, moqri fid-dawl tal-premessa 6 ta’ din id-direttiva, jiġifieri t-titjib tal-informazzjoni mogħtija lill-konsumaturi u li jiġi ffaċilitat il-paragun tal-prezzijiet tal-bejgħ ta’ prodotti offruti minn kummerċjanti lill-konsumaturi bil-għan li dawn ikunu jistgħu jagħmlu għażliet informati. F’dan ir-rigward, il-premessa 12 tal-imsemmija direttiva tippreċiża li din tal-aħħar hija intiża li tiżgura informazzjoni tal-istess xorta u trasparenti li tibbenefika lill-konsumaturi kollha fil-kuntest tas-suq intern.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Barra minn hekk, konformement mal-Artikolu 4(1) tal-istess direttiva, moqri fid-dawl tal-premessa 2 tagħha, il-prezz tal-bejgħ tal-prodotti offruti lill-konsumaturi għandu jkun inekwivoku, faċilment identifikabbli u li jinqara faċilment, sabiex l-informazzjoni tal-konsumaturi tkun preċiża, ċara u mhux ambigwa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Fil-każ ineżami, minn naħa, huwa biss ċertu xiri tal-prodott ikkonċernat li huwa suġġetti għal ħlas ta’ pproċessar b’rata fissa, jiġifieri meta l-ammont totali tal-ordni jkun inqas minn ammont minimu. Min-naħa l-oħra, ħlas ta’ pproċessar b’rata fissa differenti jista’ jiġi applikat skont l-ammont totali tax-xiri. F’dawn iċ-ċirkustanzi, l-inklużjoni tal-ammont ta’ dan il-ħlas fil-prezz tal-bejgħ tal-prodott, fis-sens tal-Artikolu 2(a) tad-Direttiva 98/6, tesponi lill-konsumaturi għar-riskju li jagħmlu paraguni ineżatti (ara, b’analoġija, is-sentenza tad‑29 ta’ Ġunju 2023, Verband Sozialer Wettbewerb (Kontenituri li fuqhom huwa impost depożitu), C‑543/21, EU:C:2023:527, punt 26).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Mill-banda l-oħra, hekk kif tirrileva ġustament il-qorti tar-rinviju, l-indikazzjoni ċara tal-ammont tal-ħlas ta’ pproċessar b’rata fissa possibbilment applikabbli, separatament u flimkien mal-prezz tal-bejgħ tal-prodott ikkonċernat, tippermetti lill-konsumaturi jevalwaw u jqabblu l-prezzijiet ta’ tali prodott u jagħmlu għażliet informati abbażi ta’ paraguni sempliċi, konformement mal-għanijiet imfittxija mid-Direttiva 98/6, imfakkra fil-punt 24 tas-sentenza preżenti, kif ukoll mar-rekwiżit ta’ ċarezza u ta’ assenza ta’ kwalunkwe ambigwità ta’ dawn il-prezzijiet, stabbilit fil-premessa 2 ta’ din id-direttiva (ara, b’analoġija, is-sentenza tad‑29 ta’ Ġunju 2023, Verband Sozialer Wettbewerb (Kontenituri li fuqhom huwa impost depożitu), C‑543/21, EU:C:2023:527, punt 27).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">F’dan il-kuntest, konsumatur medju, normalment informat u raġonevolment attent u avżat, ikun f’pożizzjoni li jżid il-prezz tal-prodott mal-ammont tal-ħlas b’rata fissa possibbli sabiex jiddetermina l-ammont totali li huwa jkollu jħallas fid-data tax-xiri (ara, b’analoġija, is-sentenza tad‑29 ta’ Ġunju 2023, Verband Sozialer Wettbewerb (Kontenituri li fuqhom huwa impost depożitu), C‑543/21, EU:C:2023:527, punt 28).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Fid-dawl ta’ dak li ntqal, ir-risposta għad-domanda magħmula għandha tkun li l-Artikolu 2(a) tad-Direttiva 98/6 għandu jiġi interpretat fis-sens li l-kunċett ta’ “prezz tal-bejgħ” ma għandux jinkludi ħlas ta’ pproċessar b’rata fissa li, minn naħa, ivarja skont l-ammont totali tal-ordni magħmula mix-xerrej tal-prodott ikkonċernat kif ukoll, jekk ikun il-każ, ta’ prodotti oħra, u li, min-naħa l-oħra, ikun dovut biss jekk il-valur totali ta’ din l-ordni jkun inqas minn ammont minimu stabbilit mill-bejjiegħ, sakemm dan il-ħlas ikun indikat b’mod ċar u sakemm dan l-ammont ma jkunx iffissat b’tali mod li fil-prattika jirrendi dan il-ħlas inevitabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li għandha tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-78" title="page-7">
      Għal dawn il-motivi, Il-Qorti tal-Ġustizzja (It-Tmien Awla) taqta’ u tiddeċiedi:
    </p>
    <p class="C30Dispositifalinea" id="para-79" title="page-7">
      L-Artikolu 2(a) tad-Direttiva 98/6/KE tal-Parlament Ewropew u tal-Kunsill tas‑16 ta’ Frar 1998 dwar il-protezzjoni tal-konsumatur fl-indikazzjoni tal-prezzijiet ta’ prodotti offruti lill-konsumaturi,
    </p>
    <p class="C30Dispositifalinea" id="para-80" title="page-7">
      għandu jiġi interpretat fis-sens li:
    </p>
    <p class="C30Dispositifalinea" id="para-81" title="page-7">
      il-kunċett ta’ “prezz tal-bejgħ” ma għandux jinkludi ħlas ta’ pproċessar b’rata fissa li, minn naħa, ivarja skont l-ammont totali tal-ordni magħmula mix-xerrej tal-prodott ikkonċernat kif ukoll, jekk ikun il-każ, ta’ prodotti oħra, u li, min-naħa l-oħra, ikun dovut biss jekk il-valur totali ta’ din l-ordni jkun inqas minn ammont minimu stabbilit mill-bejjiegħ, sakemm dan il-ħlas ikun indikat b’mod ċar u sakemm dan l-ammont ma jkunx iffissat b’tali mod li fil-prattika jirrendi dan il-ħlas inevitabbli.
    </p>
    <div class="signatures">
<p class="C77Signatures" id="para-82" title="page-7">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Ġermaniż.</p>
</body>
</html>
