|
16.11.2013 |
MT |
Il-Ġurnal Uffiċjali tal-Unjoni Ewropea |
L 308/203 |
DEĊIŻJONI TAL-PARLAMENT EWROPEW
tas-17 ta’ April 2013
dwar il-kwittanza għall-implimentazzjoni tal-baġit taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2011
(2013/568/UE)
IL-PARLAMENT EWROPEW,
|
— |
wara li kkunsidra l-kontijiet annwali definittivi taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2011, |
|
— |
wara li kkunsidra r-rapport tal-Qorti tal-Awdituri dwar il-kontijiet annwali taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2011, flimkien mat-tweġibiet taċ-Ċentru (1), |
|
— |
wara li kkunsidra r-rakkomandazzjoni tal-Kunsill tat-12 ta’ Frar 2013 (05753/2013 – C7-0041/2013), |
|
— |
wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea, |
|
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (2), u b’mod partikolari l-Artikolu 185 tiegħu, |
|
— |
wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (3), u b’mod partikolari l-Artikolu 208 tiegħu, |
|
— |
wara li kkunsidra r-Regolament (KE) Nru 851/2004 tal-Parlament Ewropew u tal-Kunsill tal-21 ta’ April 2004 li jistabbilixxi Ċentru Ewropew għall-Prevenzjoni u l-Kontroll tal-Mard (4), u b’mod partikolari l-Artikolu 23 tiegħu, |
|
— |
wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta’ Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (5), u b’mod partikolari l-Artikolu 94 tiegħu, |
|
— |
wara li kkunsidra l-Artikolu 77 u l-Anness VI tar-Regoli ta’ Proċedura tiegħu, |
|
— |
wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Ambjent, is-Saħħa Pubblika u s-Sikurezza tal-Ikel (A7-0082/2013), |
|
1. |
Jagħti l-kwittanza lid-Direttur taċ-Ċentru Ewropew għall-Prevenzjoni u l-Kontroll tal-Mard għall-implimentazzjoni tal-baġit taċ-Ċentru għas-sena finanzjarja 2011; |
|
2. |
Jippreżenta l-kummenti tiegħu fir-riżoluzzjoni t’hawn taħt; |
|
3. |
Jagħti istruzzjonijiet lill-President tiegħu biex jgħaddi din id-Deċiżjoni, kif ukoll ir-riżoluzzjoni li hi parti integrali minnha lid-Direttur taċ-Ċentru Ewropew għall-Prevenzjoni u l-Kontroll tal-Mard, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f’Il-Ġurnal Uffiċjali tal-Unjoni Ewropea (serje L). |
Il-President
Martin SCHULZ
Is-Segretarju Ġenerali
Klaus WELLE
(1) ĠU C 388, 15.12.2012, p. 66.
(2) ĠU L 248, 16.9.2002, p. 1.
(3) ĠU L 298, 26.10.2012, p. 1.
(4) ĠU L 142, 30.4.2004, p. 1.
(5) ĠU L 357, 31.12.2002, p. 72.
RIŻOLUZZJONI TAL-PARLAMENT EWROPEW
tas-17 ta’ April 2013
li tinkludi l-kummenti li jagħmlu parti integrali mid-deċiżjoni tiegħu dwar il-kwittanza għall-implimentazzjoni tal-baġit taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2011
IL-PARLAMENT EWROPEW,
|
— |
wara li kkunsidra l-kontijiet annwali definittivi taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2011, |
|
— |
wara li kkunsidra r-rapport tal-Qorti tal-Awdituri dwar il-kontijiet annwali taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2011, flimkien mat-tweġibiet taċ-Ċentru (1), |
|
— |
wara li kkunsidra r-rakkomandazzjoni tal-Kunsill tat-12 ta’ Frar 2013 (05753/2013 — C7-0041/2013), |
|
— |
wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea, |
|
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (2) (ir-“Regolament Finanzjarju”), u b’mod partikolari l-Artikolu 185 tiegħu, |
|
— |
wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (3), u b’mod partikolari l-Artikolu 208 tiegħu, |
|
— |
wara li kkunsidra r-Regolament (KE) Nru 851/2004 tal-Parlament Ewropew u tal-Kunsill tal-21 ta’ April 2004 li jistabbilixxi Ċentru Ewropew għall-Prevenzjoni u l-Kontroll tal-Mard (4), u b’mod partikolari l-Artikolu 23 tiegħu, |
|
— |
wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta’ Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (5), u b’mod partikolari l-Artikolu 94 tiegħu, |
|
— |
wara li kkunsidra l-Artikolu 77 u l-Anness VI tar-Regoli ta’ Proċedura tiegħu, |
|
— |
wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Ambjent, is-Saħħa Pubblika u s-Sikurezza tal-Ikel (A7-0082/2013), |
|
A. |
billi ċ-Ċentru Ewropew għall-Prevenzjoni u l-Kontroll tal-Mard (“iċ-Ċentru”), li jinsab fi Stokkolma, ġie stabbilit bir-Regolament (KE) Nru 851/2004, |
|
B. |
billi fl-10 ta’ Mejju 2012, il-Parlament ta l-kwittanza lid-Direttur taċ-Ċentru għall-implimentazzjoni tal-baġit taċ-Ċentru għas-sena finanzjarja 2010 (6), u fir-riżoluzzjoni tiegħu li takkumpanja l-kwittanza, fost affarijiet oħra:
|
|
C. |
billi l-Qorti tal-Awdituri fir-rapport tagħha dwar il-kontijiet annwali taċ-Ċentru għas-sena finanzjarja 2011 ikkwalifikat l-opinjoni tagħha dwar l-irregolaritajiet fil-ġestjoni ta’ kuntratt qafas konkluż fl-2009 minħabba l-fatt li ċ-Ċentru sussegwentement emenda l-kuntratt, li wassal għal pagamenti ‘l fuq mil-limitu massimu stabbilit li ġew ikkunsidrati rregolari, u l-ammont tagħhom sebaq il-livell limitu ta’ materjalità, |
|
D. |
billi l-baġit taċ-Ċentru għas-sena 2011 kien ta’ EUR 56 656 000, meta mqabbel ma’ EUR 57 800 000 fl-2010, li jirrappreżenta tnaqqis ta’ 2 %, |
|
E. |
billi l-kontribuzzjoni tal-Unjoni għall-baġit taċ-Ċentru għall-2011 kienet ta’ EUR 55 400 000, |
Il-ġestjoni baġitarja u finanzjarja
|
1. |
Jinnota li l-2011 kienet l-ewwel sena li ċ-Ċentru rċieva opinjoni kwalifikata mill-Qorti tal-Awdituri; |
|
2. |
Jinnota bi tħassib il-kummenti tal-Qorti tal-Awdituri, b’mod partikolari li “ċ-Ċentru kkonkluda kuntratt qafas fl-2009 għal ammont massimu ta’ EUR 9 miljun, u b’hekk huwa seta’ jiffirma kuntratti speċifiċi ma’ fornituri magħżula sa dan l-ammont. [..] Emendi sussegwenti żiedu l-valuri ta’ dawn il-kuntratti għal EUR 14,9 miljun. Sa tmiem l-2011 il-pagamenti magħmula ammontaw għal EUR 12,2 miljun, li minnhom EUR 3,2 miljun fl-2011. Impenji u pagamenti ‘l fuq mil-limitu massimu ta’ EUR 9 miljun stabbiliti fil-kuntratt qafas huma irregolari”; |
|
3. |
Jikkunsidra, li skont iċ-Ċentru:
|
|
4. |
Jinnota li ċ-Ċentru kkonsulta lill-Qorti tal-Awdituri dwar azzjoni ulterjuri ladarba skopra l-irregolarità, u ħa passi sabiex jirrimedja s-sitwazzjoni billi ċċentralizza s-servizzi kollha tal-ICT, kif ukoll ħa miżuri oħra sabiex jipprevjeni irregolaritajiet possibbli fil-futur; |
|
5. |
Ifakkar li l-baġit ġenerali taċ-Ċentru għall-2011 kien ta’ EUR 56 656 000, li EUR 1 256 000 minnhom jirrappreżentaw kontribuzzjoni mill-pajjiżi tal-Assoċjazzjoni Ewropea tal-Kummerċ Ħieles; |
|
6. |
Jirrikonoxxi, mill-kontijiet annwali tal-2011, li kien hemm żieda marġinali fl-eżekuzzjoni tal-baġit fi tmiem l-2011 u laħqet 96 % meta mqabbla ma’ 95 % fl-2010 fir-rigward ta’ approprjazzjonijiet ta’ impenn, ekwivalenti għal EUR 54,5 miljun; |
Prestazzjoni
|
7. |
Jieħu nota tal-fatt li l-eżekuzzjoni tal-baġit, fir-rigward ta’ pagamenti, żdiedet bi 8 % meta mqabbla mal-2010 u laħqet 76 % tal-baġit totali meta mqabbla ma’ 68 % fl-2010; jirrikonoxxi madankollu, li dan diġà jikkostitwixxi titjib meta mqabbel ma’ 68 % fl-2010, iżda jqis li jeħtieġ li jsiru aktar sforzi min-naħa taċ-Ċentru f’dan ir-rigward; |
Sistema ta’ kontabilità
|
8. |
Jinnota mill-kontijiet annwali li l-2010 kienet l-ewwel sena sħiħa li ċ-Ċentru implimenta l-baġit tiegħu għas-sena kollha permezz ta’ kontabilità bbażata fuq id-dovuti WF (is-sistema integrata baġitarja u tal-kontabilità tal-Kummissjoni); |
Approprjazzjonijiet riportati
|
9. |
Jesprimi tħassib serju dwar il-fatt li r-rapport tal-Qorti tal-Awdituri wera li, bħalma ġara fis-sena preċedenti, kien hemm livell għoli ta’ riporti għall-2011; jinnota li mill-baġit totali għall-2011, ġew riportati EUR 11 miljun (20 %) għall-2012, inklużi 38 % tal-approprjazzjonijiet ta’ Titolu III “nefqa operattiva”; jistieden liċ-Ċentru jinforma lill-awtorità ta’ kwittanza bl-azzjonijiet meħuda sabiex jiġi indirizzat dan in-nuqqas, billi dan il-livell għoli ta’ riporti, flimkien ma’ livell baxx ta’ nfiq dovut (EUR 5,4 miljun), mhuwiex konformi mal-prinċipju baġitarju tal-annwalità; |
Għotjiet
|
10. |
Jieħu nota mir-rapport tal-Qorti tal-Awdituri li fl-2011 ġie ffirmat ftehim għall-ammont ta’ EUR 0,2 miljun, aktar minn erba’ xhur wara l-bidu tal-attivitajiet; jilqa’ l-proċeduri mtejba ta’ ġestjoni tal-kuntratti taċ-Ċentru; |
Akkwist
|
11. |
Josserva mill-kontijiet annwali li fl-2011, l-uffiċċju tal-akkwist appoġġa 60 proċedura miftuħa, 59 sejħa għal offerti u sejħa għal proposti waħda, kif ukoll 46 proċedura li nftetħu mill-ġdid (Kuntratti Qafas tal-IT); josserva, barra minn hekk, li ġew konklużi 14-il proċedura nnegozjata b’valur ‘il fuq minn EUR 25 000, u li waħda minnhom kienet ta’ aktar minn EUR 60 000; |
|
12. |
Jirrikonoxxi mir-rapport tad-Direttur lill-awtorità ta’ kwittanza dwar il-miżuri meħuda fid-dawl tal-osservazzjonijiet tal-awtorità ta’ kwittanza għas-sena finanzjarja 2010, li mill-proċeduri ta’ akkwist miftuħa, kollha barra għaxra ġew konklużi b’suċċess b’għoti ta’ kuntratt wieħed jew aktar u li mill-proċeduri nnegozjati, kollha minbarra ħamsa waslu għall-għoti ta’ kuntratti b’suċċess; jistieden liċ-Ċentru jipprovdi lill-awtorità ta’ kwittanza b’riżultati ulterjuri dwar il-proċeduri ta’ akkwist; |
Proċeduri ta’ reklutaġġ
|
13. |
Jinnota mill-kontijiet annwali li n-numru totali ta’ aġenti temporanji fiċ-Ċentru fil-31 ta’ Diċembru 2011 kien ta’ 177, minn 200 kariga prevista fl-Organigramma tal-2011; iqis li wħud mid-dispożizzjonijiet tar-Regolamenti tal-Persunal jistgħu jkunu ta’ piż amministrattiv kunsiderevoli; iħeġġeġ, għalhekk, lill-Kummissjoni tippermetti ċertu livell ta’ simplifikazzjoni skont l-Artikolu 110 tar-Regolamenti tal-Persunal fir-rigward tal-aġenziji; |
|
14. |
Jilqa’ l-introduzzjoni min-naħa taċ-Ċentru tal-proċedura interna riveduta għar-reklutaġġ f’Jannar 2012; |
|
15. |
Jikkunsidra importanti li -Ċentru irreveda l-proċeduri interni tiegħu dwar ir-reklutaġġ u l-proċeduri tal-għażla tal-persunal li ġew identifikati mill-Qorti tal-Awdituri bħala proċeduri li jistgħu jitjiebu; jinkuraġġixxi l-applikazzjoni stretta tal-ġabra ta’ regoli ġodda u se jkompli jissorvelja l-implimentazzjoni; |
|
16. |
Jitlob liċ-Ċentru informazzjoni ulterjuri rigward ir-rata ta’ karigi battala; |
Awditu intern
|
17. |
Josserva li twettaq rieżami tal-implimentazzjoni tas-Sistema ta’ Kontroll Intern bħala parti mill-ħidma għar-Rapport Annwali tal-2011; jirrikonoxxi b’mod partikolari, li wieħed mill-istandards b’rabta mal-evalwazzjoni tal-attivitajiet għadu ma ġiex implimentat, u li tlieta oħra ġew implimentati biss parzjalment, filwaqt li l-bqija huma ġeneralment jew kompletament implimentati; jistieden liċ-Ċentru jieħu azzjoni fil-pront f’dan ir-rigward u jinforma lill-awtorità ta’ kwittanza dwar il-progress li sar; |
|
18. |
Jirreferi, fir-rigward tal-osservazzjonijiet l-oħra li jakkumpanjaw din id-Deċiżjoni ta’ kwittanza, li huma ta’ natura orizzontali, għar-riżoluzzjoni tiegħu tas-17 ta’ April 2013 (7) dwar il-prestazzjoni, il-ġestjoni finanzjarja u l-kontroll tal-aġenziji. |
(1) ĠU C 388, 15.12.2012, p. 66.
(2) ĠU L 248, 16.9.2002, p. 1.
(3) ĠU L 298, 26.10.2012, p. 1.
(4) ĠU L 142, 30.4.2004, p. 1.
(5) ĠU L 357, 31.12.2002, p. 72.
(6) ĠU L 286, 17.10.2012, p. 184.
(7) Testi adottati, P7_TA(2013)0134 (Ara paġna 374 ta’ dan il-Ġurnal Uffiċjali).