C_2022309GA.01000601.xml

Réamhfhógra faoi chomhchruinniú

(Cás M-10865 – ASTORG / IPCOM)

Cás a d’fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 309/06)

An 4 Lúnasa 2022, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—

Astorg VIII SCSpl (“Astorg Fund VIII” nó “Acquirer”, Lucsamburg), atá á bhainistiú ag Astorg Asset Management S.à.r.l. (“AAM”, Lucsamburg), atá á rialú é féin ag Astorg Group S.á.r.l. (“Astorg Group”, Lucsamburg) (Astorg Group in éineacht le Astorg Fund VIII agus cistí eile atá á mbainistiú ag AAM, “Astorg”);

—	Isolstar Holding (“IPCOM”, an Bheilg).

Gheobhaidh Astorg rialú aonair ar IPCOM ina iomláine , de réir bhrí Airteagal 3(1)(b) den Rialachán um Chumaisc.

Baintear an comhchruinniú amach trí bhíthin ceannach scaireanna.

Is iad seo a leanas gníomhaíochtaí gnó na ngnóthas lena mbaineann:

—	Is cuid de Astorg é Astorg Fund VIII, ar gnólacht cothromais phríobháidigh Eorpach é. Tá oifigí aige freisin i Londain, i bPáras, i Milano, in Frankfurt agus i Nua-Eabhrac. Tá infheistíocht déanta ag cistí de chuid Ghrúpa Astorg i réimse leathan tionscal.

—	Is gníomhaí tionsclaíoch Eorpach é IPCOM, a bhfuil a cheanncheathrú sa Bheilg, ar gníomhaí é atá speisialaithe i réitigh inslithe agus a fhreastalaíonn ar réimse tionscal e.g. tógáil, longthógáil, tionscal próiseála, fuinneamh, peitriceimiceán, mótarfheiclí, fearais tí, etc.

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.10865 – ASTORG / IPCOM

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) IO L 24, 29.1.2004, lch. 1 (an “Rialachán um Chumaisc”).

(2) IO C 366, 14.12.2013, lch. 5.