–

glacadh buiséad an Aontais don bhliain airgeadais 2024 go cinntitheach an 22 Samhain 2023 (2);

–

thíolaic an Coimisiún togra, an 10 Deireadh Fómhair 2024, ina raibh dréachtbhuiséad leasaitheach Uimh. 5 a ghabhann leis an mbuiséad ginearálta don bhliain airgeadais 2024;

–

ní mór don Chomhairle dul ar aghaidh gan mhoill lena seasamh a ghlacadh maidir le dréachtbhuiséad leasaitheach Uimh. 5 a ghabhann leis an mbuiséad ginearálta do 2024, d’fhonn an méid seo a leanas a dhéanamh go práinneach (a) leibhéal na leithreasuithe íocaíochta a mhéadú do Chiste Forbraíochta Réigiúnaí na hEorpa (CFRE), lena n-áirítear i ndáil leis an athchlárú a bhaineann leis an Ardán um Theicneolaíochtaí Straitéiseacha don Eoraip (STEP), (b) riachtanais na gComhaontuithe Comhpháirtíochta Iascaigh Inbhuanaithe (CCII) a thabhairt cothrom le dáta, agus é á chur san áireamh nach dtabharfar roinnt comhaontuithe agus na prótacail ghaolmhara i gcrích in 2024, (c) na leithreasuithe a mhéadú, agus iad nasctha leis na meastacháin is déanaí chun an luach saothair faoi cheannteideal 7 agus lasmuigh de a thabhairt cothrom le dáta i gcás roinnt gníomhaireachtaí díláraithe, (d) coigeartú a dhéanamh ar ranníocaíocht an Aontais le Gníomhaireacht an Aontais Eorpaigh um Oiliúint i bhForfheidhmiú an Dlí (CEPOL), le Gníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA), le Gníomhaireacht an Aontais Eorpaigh um Thearmann (EUAA), leis an Údarás um an Sciúradh Airgid a Chomhrac (ÚSAC), leis an nGníomhaireacht Eorpach Ceimiceán (ECHA) agus leis an nGníomhaireacht Eorpach Chomhshaoil (EEA), (e) leithreasuithe Oifig na bhFoilseachán a laghdú tar éis meaisínaistriúchán a thabhairt isteach agus (f) gné ioncaim an bhuiséid a thabhairt cothrom le dáta. Dá bhrí sin, tá údar le foráil a dhéanamh maidir le heisceacht ón tréimhse 8 seachtaine dá dtagraítear in Airteagal 4 de Phrótacal Uimh. 1 maidir le ról na bparlaimintí náisiúnta san Aontas Eorpach, a ghabhann leis an gConradh ar an Aontas Eorpach, leis an gConradh ar Fheidhmiú an Aontais Eorpaigh agus leis an gConradh ag bunú an Chomhphobail Eorpaigh do Fhuinneamh Adamhach.