(1)

Bhunaigh an Lárionad Eorpach um Ghalair a Chosc agus a Rialú (‘ECDC’) Tascfhórsa Sláinte an Aontais, lena gcuimsítear acmhainneacht bhuan agus acmhainneacht fheabhsaithe éigeandála chun tacú le heipidéimí a chosc, ullmhú dóibh agus freagairt orthu.

(2)

Comhordaíonn an acmhainneacht bhuan gníomhaíochtaí uile Thascfhórsa Sláinte an Aontais agus déanann sí nósanna imeachta Thascfhórsa Sláinte an Aontais, módúlachtaí oibre, cuspóirí, cúraimí agus pleanáil oibre bhliantúil a bhainistiú. Feidhmíonn an acmhainneacht fheabhsaithe éigeandála chun na hacmhainní uile laistigh de Thascfhórsa Sláinte an Aontais a ghiaráil a mhéid is féidir, is é sin an acmhainneacht bhuan agus an díorma saineolaithe araon, chun an fhreagairt ar éigeandáil sláinte poiblí ar leibhéal an Aontais a éascú.

(3)

I gcás ina n-aithníonn an Coimisiún éigeandáil sláinte poiblí ar leibhéal an Aontais de bhun Airteagal 23(1) de Rialachán (AE) 2022/2371 ó Pharlaimint na hEorpa agus ón gComhairle (2), tá an acmhainneacht fheabhsaithe éigeandála le slógadh arna iarraidh sin go comhpháirteach ag na Ballstáit agus ag an gCoimisiún. Ba cheart do ECDC an slógadh sin a dhéanamh.

(4)

Is é is aidhm do shlógadh na hacmhainneachta feabhsaithe éigeandála freagairt Thascfhórsa Sláinte an Aontais a éascú le linn éigeandáil sláinte poiblí ar leibhéal an Aontais trí rannpháirtíocht shaineolaithe Thascfhórsa Sláinte an Aontais sa bhreis ar an acmhainneacht bhuan agus an cúnamh a thugann siad do na Ballstáit a chuireann isteach iarraidh ar chúnamh. D’fhéadfadh imscaradh saineolaithe Thascfhórsa Sláinte an Aontais sna Ballstáit sin, é sin nó ciantacaíocht a bheith i gceist leis an gcúnamh sin.

(5)

Le linn éigeandáil sláinte poiblí ar leibhéal an Aontais, ba cheart do na Ballstáit agus don Choimisiún dul i gcomhairle le chéile laistigh den Choiste Slándála Sláinte dá dtagraítear in Airteagal 4 de Rialachán (AE) 2022/2371 maidir leis an ngá atá le slógadh na hacmhainneachta feabhsaithe éigeandála a iarraidh.

(6)

A luaithe a shlógfar an acmhainneacht fheabhsaithe éigeandála, ba cheart d’aon Bhallstát a bheith in ann iarraidh ar chúnamh a chur faoi bhráid ECDC. Ba cheart do ECDC an Coiste Slándála Sláinte agus an Coimisiún a chur ar an eolas faoi iarrataí ar chúnamh a fuarthas ó na Ballstáit.

(7)

Ba cheart do ECDC an Coiste Slándála Sláinte agus an Coimisiún a chur ar an eolas go tréimhsiúil faoi phríomhthorthaí na ngníomhaíochtaí a dhéanann an acmhainneacht fheabhsaithe éigeandála agus cúnamh á thabhairt do na Ballstáit.

(8)

Tá an nós imeachta dá bhforáiltear sa Rialachán seo i gcomhréir leis an tuairim ón gCoiste maidir le bagairtí tromchúiseacha trasteorann ar an tsláinte,