|
Iris Oifigiúil |
GA Sraith C |
|
C/2024/4131 |
28.6.2024 |
Foilsiú teachtaireachta maidir le formheas ar leasú caighdeánach ar shonraíocht táirge le haghaidh ainm in earnáil an fhíona, dá dtagraítear in Airteagal 17(2) agus Airteagal (3) de Rialachán Tarmligthe (AE) 2019/33 ón gCoimisiún
(C/2024/4131)
Foilsítear an teachtaireacht seo i gcomhréir le hAirteagal 17(5) de Rialachán Tarmligthe (AE) 2019/33 ón gCoimisiún (1).
FORMHEAS AR LEASÚ CAIGHDEÁNACH A CHUR IN IÚL
‘Petit Chablis’
PDO-FR-A0656-AM01
Dáta na teachtaireachta: 22 Aibreán 2024
TUAIRISC AR AN LEASÚ FORMHEASTA AGUS NA CÚISEANNA LEIS
1. Uastáirgeacht
I gCaibidil I, cuid VIII, pointe 1, méadaíodh teorainn na huastáirgeachta ó 70 go 75 heictilítear in aghaidh an heicteáir.
Méadaíodh an uastáirgeacht chun an t-athrú aeráide a bhíonn ina chúis le himeachtaí neamh-intuartha agus le heasnaimh fómhair athfhillteacha, a chur san áireamh.
Leasaíodh pointe 5 den doiciméad aonair.
2. Modh treoraithe fíniúnacha
Sa tsonraíocht, i gCaibidil I, Roinn VI, ‘Treorú fíniúnacha’, tá leaganacha nua ann de phointí a) agus c) mar a leanas:
|
‘a) |
Dlús plandaithe
|
|
‘c) |
Rialacha maidir le treilísiú agus airde an duilliúir
|
I dtús an 20ú haois, thosaigh fíonsaothraithe Chablis ag grafadh ceann amháin as gach sé fhíniúin chun pasáiste a chruthú ionas go bhféadfaí cóireálacha fíniúnacha a mheicniú. Ina dhiaidh sin, phlandaigh siad fíniúnacha nua de réir an phatrúin sin.
Ní raibh na cleachtais sheanbhunaithe sin sa leagan bunaidh den tsonraíocht.
Áiríonn an leasú ar an tsonraíocht na cleachtais sin, a shainítear mar a leanas:
|
— |
dlús íosta na plandála a choimeád ag 5 500 in aghaidh an heicteáir; |
|
— |
meánspásáil 1.2 méadar ar a mhéad a bhunú laistigh den tsraith; |
|
— |
spásáil uasta 2 mhéadar idir sraitheanna a chur isteach. |
Leasaíodh an doiciméad aonair ag pointe 5 maidir leis na rialacha nua a bhaineann leis an dlús plandaithe.
3. Bearta idirthréimhseacha
Tá an dá bheart idirthréimhseacha thíos as feidhm anois. Dá bhrí sin, scriosadh iad ó Roinn XI de Chaibidil I den tsonraíocht.
|
— |
Próiseáil, táirgeadh, aibiú, pacáistiú, stóráil |
Tá feidhm ag na bearta seo a leanas ón 1 Samhain 2014:
|
— |
foráil maidir le hacmhainneacht fíonlainne; |
|
— |
foráil maidir le rialú teochta dabhcha le linn an aibithe; |
|
— |
foráil maidir le limistéar stórála cosanta le haghaidh fíonta buidéalaithe. |
|
— |
Foráil speisialta |
Déantar na turgnaimh a bhaineann le táirgeacht bhreise a tháirgeadh lena coinneáil mar tháirgeacht chúltaca (‘volume complémentaire individuel’) a chumhdach le Foraithne an 20 Deireadh Fómhair 2005, arna leasú le Foraithne an 29 Samhain 2007 agus le Foraithne an 23 Samhain 2010.
Níor leasaíodh an doiciméad aonair.
4. Athrú ar an gcomhlacht cigireachta
I bhfianaise na rialacha athbhreithnithe dréachtaithe, tá leasú déanta ar an gcéad mhír de Roinn II de Chaibidil III den tsonraíocht.
Ní dhéanann an leasú sin difear don doiciméad aonair.
DOICIMÉAD AONAIR
1. Ainm (nó ainmneacha)
Petit Chablis
2. An cineál táisc gheografaigh
ATFC – ainmniúchán tionscnaimh faoi chosaint
3. Catagóirí na dtáirgí fíniúna
|
1. |
Fíon |
4. Tuairisc ar an bhfíon (nó ar na fíonta)
TUAIRISC ACHOMAIR I SCRÍBHINN
Is fíonta socra, tirime, geala iad na fíonta.
|
a) |
Is é 9,5 % neart alcóil nádúrtha íosta na bhfíonta de réir toirte. |
|
b) |
Tar éis an tsaibhrithe, ní ceadmhach neart alcóil iomlán na bhfíonta de réir toirte a bheith níos mó ná 12,5 %. |
|
c) |
Nuair atá na fíonta réidh lena gcur ar fáil lena dtomhailt, is é seo a leanas an cion siúcra inchoipthigh uasta (glúcós + fruchtós): 3 ghram in aghaidh an lítir; nó 4 ghram in aghaidh an lítir, má tá an aigéadacht iomlán 55,10 milleachoibhéis in aghaidh an lítir ar a laghad. |
Comhlíonann na critéir eile anailíseacha na luachanna a bhunaítear sa reachtaíocht Eorpach.
Is fíon bríomhar torthaíoch é ‘Petit Chablis’ ar saintréithe de a mhianracht agus a éadroime. Tugann an aigéadacht agus an mhianracht úire dó as a dtagann fíon óg nach bhfuil gá aige le haosú lena mbeidh sé pléisiúrtha lena ól.
Saintréithe anailíseacha ginearálta
|
— |
Neart alcóil iomlán uasta (in % de réir toirte) - |
|
— |
Neart alcóil iarbhír íosta (in % de réir toirte) - |
|
— |
Aigéadacht iomlán íosta - |
|
— |
Aigéadacht luaineach uasta (i milleachoibhéisí in aghaidh an lítir) - |
|
— |
Dé-ocsaíd sulfair iomlán uasta (i milleagraim in aghaidh an lítir): - |
5. Cleachtais fhíoneolaíocha
5.1. Cleachtais fhíoneolaíocha shonracha
1. Cleachtas fíoneolaíoch sonrach
|
a) |
Toirmisctear sliseanna adhmaid a úsáid. |
|
b) |
Tar éis an tsaibhrithe, ní ceadmhach neart alcóil iomlán na bhfíonta de réir toirte a bheith níos mó ná 12,5 %. |
De bhreis ar na forálacha thuas, ní mór freisin go gcomhlíonann na cleachtais fhíoneolaíocha uile a leantar na ceanglais a leagtar síos ar leibhéal an Aontais agus sa Chód um Ghnóthaí Tuaithe agus um Iascaireacht Mhuirí.
2. Modh saothraithe
a) Dlús plandaithe
|
— |
Is é an dlús íosta a bhaineann le plandú fíniúnacha 5 500 planda in aghaidh an heicteáir, agus meánspásáil 1,20 méadar nó níos lú ann idir sraitheanna, ach amháin i gcás go ndéantar fíniúnacha a phlandú ar fhánaí ag a bhfuil grádán 40 % nó os a chionn, agus sa chás sin bíonn an spásáil idir na sraitheanna 1,60 méadar nó níos lú. I gcás an spásáil a bheith neamhrialta, ní bhíonn an t-achar idir sraitheanna níos mó ná 2 mhéadar. |
|
— |
Is é 0,80 méadar ar a laghad an spásáil idir plandaí sa tsraith chéanna. |
b) Rialacha maidir le prúnáil
Tagann na fíonta ó fhíniúnacha a phrúnáiltear de réir na bhforálacha seo a leanas:
FORÁLACHA GINEARÁLTA
Déantar na fíniúnacha a phrúnáil de réir 14 bhachlóg in aghaidh an planda ar a mhéad agus 10 mbachlóg in aghaidh an mhéadair chearnaigh ar a mhéad:
|
— |
prúnáil spoir (fíniúnacha arna dtreorú de réir cordon du Royat); |
|
— |
nó prúnáil chána (Guyot singil nó dúbailte, nó modh prúnála ‘taille Chablis’) |
FORÁIL SPEISIALTA
Beag beann ar an modh prúnála, féadfar na fíniúnacha a bhfuil bachlóga breise orthu a phrúnáil, ar choinníoll gurb amhlaidh, ag an gcéim fheineolaíoch a chomhfhreagraíonn do 11 dhuilleog nó do 12 dhuilleog, gur lú líon bliantúil na mbuinneog torthúil in aghaidh an phlanda ná líon na mbachlóg arna bhunú leis na rialacha prúnála.
c) Uisciú
Toirmisctear an t-uisciú.
5.2. Uastáirgeachtaí
Petit Chablis
75 heictilítear in aghaidh an heicteáir
6. Limistéar geografach críochaithe
Déantar na fíonchaora a bhaint agus déantar na fíonta, agus aibítear iad, sna bardais seo a leanas i roinn Yonne: Beine, Béru, Chablis, La Chapelle-Vaupelteigne, Chemilly-sur-Serein, Chichée, Collan, Courgis, Fleys, Fontenay-près-Chablis, Lignorelles, Ligny-le-Châtel, Maligny, Poilly-sur-Serein, Préhy, Villy agus Viviers.
7. Cineál (nó cineálacha) fíonchaor
Chardonnay B
8. Tuairisc ar an nasc (nó ar na naisc)
a) Tuairisc ar na tosca nádúrtha atá ábhartha maidir leis an nasc
Tá an limistéar geografach suite i sraith fánaí a éiríonn i measc ardchláir réigiún nádúrtha Auxerrois, in Imchuach Pháras. Tá limistéar Chablis ina réigiún beag dea-shainithe atá suite sna limistéir is airde feadh ghleann an Serein, ar craobh-abhainn de chuid an Yonne é, agus é ag sreabhadh trí limistéar Côte des Bars.
Clúdaíonn an limistéar geografach críoch 17 mbardas i roinn an Yonne, soir ó Auxerre.
Is ionann cuaiste, nó droim Côte des Bars agus struchtúr geomoirfeolaíoch in a bhfuil dríodar de chuid na Tréimhse Iúrasaí Uachtaraí infheicthe. Foirmíonn aolchloch chrua, ‘Calcaire du Barrois’, leac feadh bharr fána fada ina bhfuil fo-ithir dhlúth neamnhscagach marla (aolchloch chréúil). Tá sliogáin chuaracha bheaga an oisre Exogyra virgula ann go flúirseach sa mharla sin agus is ón oisre sin a fhaigheann an marla a ainm.
Faoi bhun an mharla sin foirmíonn ciseal atá déanta as cineál aolchloiche ar a dtugtar ‘Calcaire à Astartes’ airde bheag i dtopagrafaíocht an limistéir gar do bhun an ghleanna. De ghnáth, bíonn an marla a fhoirmíonn an fhána clúdaithe le ciseal sciligh atá comhdhéanta d’ábhar mín atá measctha le heilimintí aolchloiche de chineál níos gairbhe. Téann an droim suas go hairde idir 120 agus 130 méadar. Níl an airde róghéar. Níl an chuid is airde den ardchlár níos mó ná 320 méadar. Sa chuid thoir thuaidh den limistéar geografach, tá an t-ardchlár aolchloiche clúdaithe le hithreacha a foirmíodh le linn na Tréimhse Cailcí, go sonrach cré ina bhfuil oisrí iontaisithe agus marla.
Tá tírdhreach Chablis measartha uathúil. Plandáiltear fíniúnacha thar fhánaí fada atá beagáinín tollta. Tá laftán aolchloiche coillteach ann feadh bharr an ardchláir, rud a thugann gné timpeallaithe dó gan aon bhearna ann ach amháin feadh phríomhchuid ghleann Serein. Tá líon mór gleannta atá níos lú ná sin, agus a bhíonn tirim go minic, greanta isteach sna fánaí agus a n-aghaidheanna ar threonna éagsúla. De ghnáth, bíonn na gleannta beaga sin iniata agus coillteach ar na taobhanna is géire dá gcuid. Ní phlandáiltear fíniúnacha ach amháin ar na fánaí ag a bhfuil treoíochtaí is fearr.
Faightear na dáileachtaí críochaithe le haghaidh fás fíonchaor i suíomhanna éagsúla:
|
— |
na fánaí, go príomha ar ithreacha aolchloiche marlacha atá draenáilte go maith; |
|
— |
ach, chomh maith leis sin, in áiteanna áirithe ar na cnoic is ísle, ar na ‘calcaires à Astartes’, nó ar an snaíochar ag bun na fána; |
|
— |
ar imill na n-ardchlár, áit a bhfuil barrithreacha aolchloiche ann, agus iad an-charraigeach agus áit a bhfuil foinse mhaith teasa ann mar chúiteamh i leith na haeráide is lú fabhar mar thoradh ar an easpa foscaidh. |
Tá ithreacha éagsúla ann ach aolchloch amháin atá i gceist. Is drochithreacha iad atá an-charraigeach agus draenáilte go maith ar an ardchlár agus tugtar ‘petiles terres’ (‘drochthailte’) orthu go háitiúil. Tá méid níos mó cré ann ar na fánaí aolchloiche agus ar na cnoic is ísle.
Sa chuid thiar thuaidh den limistéar geografach, tá roinnt láithreáin fíonóireachta forbartha ar na créanna a foirmíodh le linn na Tréimhse Cailcí agus a chlúdaíonn na ‘Calcaire du Barrois’. Ar an leibhéal aolchloiche crua sin, tá na hithreacha neamhscagach ach soláthraíonn an fhána an draenáil.
Tá aeráid mhuirí ann i limistéar Chablis agus tá tionchair chineálta ilchríochacha ann. Saintréith de chuid na haeráide is ea báisteach mheasartha agus thráthrialta: ní bhíonn ach 650 milliméadar ann in Auxerre. Sa samhradh, ní bhíonn aon triomach suntasach ann. Bíonn teochtaí measartha fionnuar ann agus is í an mheánteocht bhliantúil 10.8 °C.
Bíonn baol measartha ard ann go dtarlóidh sioc sa gheimhreadh agus san earrach, rud a d’fhéadfadh a bheith tubaisteach do na fíniúnacha. Tá an baol sin níos airde ar an tír-raon measartha timpeallaithe sna gleannta agus bíonn na hardchláir gan chosaint ar ghaotha feanntacha geimhridh.
b) Tuairisc ar na tosca daonna atá ábhartha maidir leis an nasc
Tá fianaise ar fhás fíniúnacha i limistéar Chablis ó bhí na hArd-Mheánaoiseanna ann. Bunaíodh mainistir in Chablis in 510. In 867, tugadh í do mhanaigh as Mainistir Naomh Máirtín de Tours a bhí ag teitheadh ó ionradh na Lochlannach ar réigiún an Loire. Is cosúil gur fhorbair na manaigh sin fíonghort gar don sráidbhaile.
In 1114, bhunaigh na Cistéirsigh Mainistir Pontigny, gar do Chablis. Le himeacht aimsire, bhunaigh siad fíonghort agus, ina dhiaidh sin, bhunaigh siad fíonlann Petit Pontigny i mbaile Chablis. Tá na foirgnimh ansin fós. Mhair na heastáit eaglasta sin go dtí réabhlóid na Fraince. Taobh leo bhí fíonóireacht ag bisiú i measc na dtuataí a bhí ag cur spéis sa trádáil eachtrach freisin. Bhí deiseanna le fáil go tráthrialta i bPáras agus i dtuaisceart na hEorpa.
Leis na cianta, tá fíon geal tirim ‘Chablis’ thar a bheith comhsheasmhach. In 1186, tugadh fíonghort do Mhainistir Pontigny ar fíonghort é a bhí suite gar do Chablis agus inar táirgeadh fíon a dtugadh tuairisc air mar fhíon ‘geal a oireann d’aosú thar thréimhse fhada’. Leag údair de chuid an 19ú haois béim ar an tsaintréith sin a d’fhág go raibh ‘Chablis’ eisceachtúil i gcultúr fíonóireachta ina raibh fíonta dearga agus ‘claret’ (rosé) chun tosaigh go mór.
Tharla go raibh limistéar Chablis thíos go mór le míola fíniúna, agus le caonach liath púdrach, agus thógfadh sé roinnt deacáidí teacht aniar ó na nithe sin. Bhí an dara leath den 20ú haois ann go dtí go ndeachthas i mbun athbhunú na bhfíonghort i gceart, le cúnamh ón dul chun cinn i dtaca le fíonóireacht agus ó mheicniú agus ó bhearta chun cosaint a thabhairt ar shioc. Cuireadh sean-nósanna san áireamh san athbhunú agus cuireadh na fíonghoirt in áirithe chun fíonta geala amháin a tháirgeadh.
Tá an t-ainm ‘Petit Chablis’ á úsáid ó thús an 20ú haois. Is thart ar an tráth sin, in 1908, a chruthaigh na táirgeoirí a gcéad cheardchumann chun mí-úsáid an ainm a chomhrac go héifeachtach. Tá an t-ainm ‘Petit Chablis’ ann sna rialuithe éagsúla trínar aithníodh ainmniúchán tionscnaimh faoi chosaint ‘Chablis’. Is le rialú de chuid 1920 a ceadaíodh é a úsáid le haghaidh fíonta geala tirime i réigiún Chablis ó chineálacha fíonchaor seachas ‘Beaunois’, arbh é ainm áitiúil Chardonnay B é. Le rialú níos déanaí in 1923, ceadaíodh úsáid an ainm le haghaidh fíonta arna ndéanamh as ‘Beaunois’ ach nár fásadh ar dháileachtaí ina bhfuil ithreacha ‘de chineál Cimiritseach’.
Is le foraithne in 1944 a aithníodh ainmniúchán tionscnaimh faoi chosaint ‘Petit Chablis’.
Déantar ‘Petit Chablis’ as cineál aonair, mar atá Chardonnay B, a bhfuil cáil air i leith fíonta geala iontacha na Burgúine a tháirgeadh.
Déantar na fíonta a tháirgeadh go príomha ó fhíniúnacha atá plandáilte ar na hardchláir ithreacha aolchloiche agus san iarthuaisceart ar na fánaí cré a foirmíodh sa Tréimhse Chailceach. Déantar plandáil freisin i limistéir de chuid na bhfánaí is ísle, áit a bhfuil na hithreacha níos troime.
Déantar fíonghoirt ‘Petit Chablis’ a chána-phrúnáil agus a threorú ar an mbealach traidisiúnta. Tá an cineál traidisiúnta prúnála ar a dtugtar ‘taille Chablis’ oiriúnaithe go maith do na dálaí dúshlánacha aeráide agus cruthaítear táirgeacht rialta rialaithe.
Bhí treorú singil nó dúbailte Guyot coitianta i bhfíonghoirt na Burgúine sa 19ú haois agus úsáideadh é i limistéar Chablis freisin. Is é a tháinig as roghnú clónach forbairt plandaí níos táirgiúla a oireann do phrúnáil spoir ar cuireadh tús lena húsáid chun fás a rialáil. Déantar na fíniúnacha a threilísiú agus déantar iad a phlandáil de ghnáth ina línte ingearacha ar na fánaí. Cabhraíonn an cleachtas sin leis na hithreacha cré a thriomú. Ach cruthaíonn sé fadhbanna maidir le creimeadh, ar fadhbanna iad a mhaolaítear tríd an ithir a iompú agus trí chlúdach féir a sholáthar.
In 2009, bhí achar 850 heicteár ann san fhíonghort agus bhí thart ar 50 000 heictilítear á tháirgeadh sa bhliain.
Is fíon bríomhar torthaíoch geal é ‘Petit Chablis’ ar saintréithe de a mhianracht agus a éadroime. Tugann an aigéadacht agus an mhianracht úire dó as a dtagann fíon óg nach bhfuil gá aige le haosú lena mbeidh sé pléisiúrtha lena ól.
Fíonta geala atá ann i gcónaí i gcás na bhfíonta lena ngabhann ainmniúchán tionscnamh faoi chosaint ‘Petit Chablis’. Tuilleann siad a gcarachtar mianrúil bríomhar ó aeráid mheánmhara fhionnuar an limistéir gheografaigh.
Bíonn éifeacht shuntasach ag na dálaí méasaeráide ar an bhfíon sa deireadh. Imríonn dálaí na bliana tionchar mór ar na saintréithe orgánaileipteacha.
Tá ionad speisialta ag limistéar Chablis laistigh de réigiún na Burgúine, ós rud é go bhfuil sé suite in áit atá scartha go mór ó fhíonghoirt mhóra na Burgúine. Tugann a terroir le fios go bhfuil sé casta, mar gheall ar a chomhthéacs geolaíoch aonair, ar úsáid aon chineál amháin fíonchaor agus ar tháirgeadh cineáil amháin fíona.
Ó ghlúin go glúin, tá saineolas forbartha ag táirgeoirí a chumasaigh dóibh an chuid is fearr a fháil as cineál Chardonnay B sa timpeallacht an-deacair seo. Mar shampla, baineann siad úsáid as na teicníochtaí is fearr prúnála chun an táirgeacht a rialú agus chun ligean do na fíniúnacha an aibíocht optamach bhaint amach. Tá teicnící forbartha acu freisin chun sioc a chomhrac.
Déantar ‘Petit Chablis’ a tháirgeadh go príomha ó fhíniúnacha a phlandáiltear ar dháileachtaí atá lonnaithe ar an ardchlár fionnuar, ag bun fánaí agus san áit ina bhfuil ithreacha créúla. Cabhraíonn na suíomhanna nádúrtha le rialú a dhéanamh ar aibiú na bhfíonchaor. Áirithíonn sé sin go mbíonn dóthain aigéadachta acu chun carachtar bríomhar tipiciúil na bhfíonta a tháirgeadh.
Tá ainmniúchán tionscnaimh faoi chosaint ‘Petit Chablis’ ar cheann de roinnt díobh ó fhíonghoirt limistéar Chablis, lena n-áirítear ‘Chablis’ agus ‘Chablis Grand Cru’. Is éard atá iontu ar fad raon fíonta atá nasctha le chéile lena gcineál fíonchaor, lena ndálaí comhshaoil agus le saineolas a dtáirgeoirí. Bíonn a charachtar féin ag gach ceann ar leith, áfach. Is é ‘Petit Chablis’ an ceann is éadroime agus is bríomhaire. Ní mór é a ól agus é óg, murab ionann ar fad ‘Chablis Grand Cru’ ar fíon é a bhfuil cáil air mar fhíon a oireann don aosú.
9. Coinníollacha breise fíor-riachtanacha (pacáistiú, lipéadú, ceanglais eile)
Creat dlíthiúil:
Reachtaíocht náisiúnta
An cineál coinníll breise:
Maolú maidir le táirgeadh sa limistéar geografach críochaithe
Tuairisc ar an gcoinníoll:
Is é atá sa limistéar atá díreach in aice láimhe, arna shainiú le maolú ar tháirgeadh agus ar fhorbairt na bhfíonta, críoch na mbardas seo a leanas:
|
— |
Roinn Côte-d’Or: Agencourt, Aloxe-Corton, Ancey, Arcenant, Argilly, Autricourt, Auxey-Duresses, Baubigny, Beaune, Belan-sur-Ource, Bévy, Bissey-la-Côte, Bligny-lès-Beaune, Boncourt-le-Bois, Bouix, Bouze-lès-Beaune, Brion-sur-Ource, Brochon, Cérilly, Chamboeuf, Chambolle-Musigny, Channay, Charrey-sur-Seine, Chassagne-Montrachet, Châtillon-sur-Seine, Chaumont-le-Bois, Chaux, Chenôve, Chevannes, Chorey-lès-Beaune, Clémencey, Collonges-lès-Bévy, Combertault, Comblanchien, Corcelles-les-Arts, Corcelles-les-Monts, Corgoloin, Cormot-Vauchignon, Corpeau, Couchey, Curley, Curtil-Vergy, Daix, Dijon, Ebaty, Echevronne, Epernay-sous-Gevrey, L’Etang-Vergy, Etrochey, Fixin, Flagey-Echézeaux, Flavignerot, Fleurey-sur-Ouche, Fussey, Gerland, Gevrey-Chambertin, Gilly-lès-Cîteaux, Gomméville, Grancey-sur-Ource, Griselles, Ladoix-Serrigny, Lantenay, Larrey, Levernois, Magny-lès-Villers, Mâlain, Marcenay, Marey-lès-Fussey, Marsannay-la-Côte, Massingy, Mavilly-Mandelot, Meloisey, Merceuil, Messanges, Meuilley, Meursanges, Meursault, Molesme, Montagny-lès-Beaune, Monthelie, Montliot-et-Courcelles, Morey-Saint-Denis, Mosson, Nantoux, Nicey, Noiron-sur-Seine, Nolay, Nuits-Saint-Georges, Obtrée, Pernand-Vergelesses, Perrigny-lès-Dijon, Plombières-lès-Dijon, Poinçon-lès-Larrey, Pommard, Pothières, Premeaux-Prissey, Prusly-sur-Ource, Puligny-Montrachet, Quincey, Reulle-Vergy, La Rochepot, Ruffey-lès-Beaune, Saint-Aubin, Saint-Bernard, Saint-Philibert, Saint-Romain, Sainte-Colombe-sur-Seine, Sainte-Marie-la-Blanche, Santenay, Savigny-lès-Beaune, Segrois, Tailly, Talant, Thoires, Vannaire, Velars-sur-Ouche, Vertault, Vignoles, Villars-Fontaine, Villebichot, Villedieu, Villers-la-Faye, Villers-Patras, Villy-le-Moutier, Vix, Volnay, Vosne-Romanée agus Vougeot. |
|
— |
Roinn na Róine: Alix, Anse, L’Arbresle, Les Ardillats, Arnas, Bagnols, Beaujeu, Belleville, Belmont-d’Azergues, Blacé, Le Bois-d’Oingt, Le Breuil, Bully, Cercié, Chambost-Allières, Chamelet, Charentay, Charnay, Châtillon, Chazay-d’Azergues, Chénas, Chessy, Chiroubles, Cogny, Corcelles-en-Beaujolais, Dareizé, Denicé, Dracé, Emeringes, Fleurie, Frontenas, Gleizé, Jarnioux, Juliénas, Jullié, Lacenas, Lachassagne, Lancié, Lantignié, Légny, Létra, Liergues, Limas, Lozanne, Lucenay, Marchampt, Marcy, Moiré, Montmelas-Saint-Sorlin, Morancé, Odenas, Oingt, Les Olmes, Le Perréon, Pommiers, Pouilly-le-Monial, Quincié-en-Beaujolais, Régnié-Durette, Rivolet, Saint-Clément-sur-Valsonne, Saint-Cyr-le-Chatoux, Saint-Didier-sur-Beaujeu, Saint-Etienne-des-Oullières, Saint-Etienne-la-Varenne, Saint-Georges-de-Reneins, Saint-Germain-Nuelles, Saint-Jean-d’Ardières, Saint-Jean-des-Vignes, Saint-Julien, Saint-Just-d’Avray, Saint-Lager, Saint-Laurent-d’Oingt, Saint-Loup, Sainte-Paule, Saint-Romain-de-Popey, Saint-Vérand, Salles-Arbuissonnas-en-Beaujolais, Sarcey, Taponas, Ternand, Theizé, Vaux-en-Beaujolais, Vauxrenard, Vernay, Villefranche-sur-Saône, Ville-sur-Jarnioux agus Villié-Morgon. |
|
— |
Roinn Saône-et-Loire: Aluze, Ameugny, Azé, Barizey, Beaumont-sur-Grosne, Berzé-la-Ville, Berzé-le-Châtel, Bissey-sous-Cruchaud, Bissy-la-Mâconnaise, Bissy-sous-Uxelles, Bissy-sur-Fley, Blanot, Bonnay, Bouzeron, Boyer, Bray, Bresse-sur-Grosne, Burgy, Burnand, Bussières, Buxy, Cersot, Chagny, Chaintré, Chalon-sur-Saône, Chamilly, Champagny-sous-Uxelles, Champforgeuil, Chânes, Change, Chapaize, La Chapelle-de-Bragny, La Chapelle-de-Guinchay, La Chapelle-sous-Brancion, Charbonnières, Chardonnay, La Charmée, Charnay-lès-Mâcon, Charrecey, Chasselas, Chassey-le-Camp, Château, Châtenoy-le-Royal, Chaudenay, Cheilly-lès-Maranges, Chenôves, Chevagny-lès-Chevrières, Chissey-lès-Mâcon, Clessé, Cluny, Cormatin, Cortambert, Cortevaix, Couches, Crêches-sur-Saône, Créot, Cruzille, Culles-les-Roches, Curtil-sous-Burnand, Davayé, Demigny, Dennevy, Dezize-lès-Maranges, Donzy-le-National, Donzy-le-Pertuis, Dracy-le-Fort, Dracy-lès-Couches, Epertully, Etrigny, Farges-lès-Chalon, Farges-lès-Mâcon, Flagy, Fleurville, Fley, Fontaines, Fuissé, Genouilly, Germagny, Givry, Granges, Grevilly, Hurigny, Igé, Jalogny, Jambles, Jugy, Jully-lès-Buxy, Lacrost, Laives, Laizé, Lalheue, Leynes, Lournand, La Loyère, Lugny, Mâcon, Malay, Mancey, Martailly-lès-Brancion, Massilly, Massy, Mellecey, Mercurey, Messey-sur-Grosne, Milly-Lamartine, Montagny-lès-Buxy, Montbellet, Montceaux-Ragny, Moroges, Nanton, Ozenay, Paris-l’Hôpital, Péronne, Pierreclos, Plottes, Préty, Prissé, Pruzilly, Remigny, La Roche-Vineuse, Romanèche-Thorins, Rosey, Royer, Rully, Saint-Albain, Saint-Ambreuil, Saint-Amour-Bellevue, Saint-Boil, Saint-Clément-sur-Guye, Saint-Denis-de-Vaux, Saint-Désert, Saint-Gengoux-de-Scissé, Saint-Gengoux-le-National, Saint-Germain-lès-Buxy, Saint-Gervais-sur-Couches, Saint-Gilles, Saint-Jean-de-Trézy, Saint-Jean-de-Vaux, Saint-Léger-sur-Dheune, Saint-Mard-de-Vaux, Saint-Martin-Belle-Roche, Saint-Martin-du-Tartre, Saint-Martin-sous-Montaigu, Saint-Maurice-de-Satonnay, Saint-Maurice-des-Champs, Saint-Maurice-lès-Couches, Saint-Pierre-de-Varennes, Saint-Rémy, Saint-Sernin-du-Plain, Saint-Symphorien-d’Ancelles, Saint-Vallerin, Saint-Vérand, Saint-Ythaire, Saisy, La Salle, Salornay-sur-Guye, Sampigny-lès-Maranges, Sancé, Santilly, Sassangy, Saules, Savigny-sur-Grosne, Sennecey-le-Grand, Senozan, Sercy, Serrières, Sigy-le-Châtel, Sologny, Solutré-Pouilly, Taizé, Tournus, Uchizy, Varennes-lès-Mâcon, Vaux-en-Pré, Vergisson, Vers, Verzé, Le Villars, La Vineuse, Vinzelles agus Viré; |
|
— |
Roinn Yonne: Accolay, Aigremont, Annay-sur-Serin, Arcy-sur-Cure, Asquins, Augy, Auxerre, Avallon, Bazarnes, Bernouil, Bessy-sur-Cure, Bleigny-le-Carreau, Censy, Champlay, Champs-sur-Yonne, Champvallon, Chamvres, Charentenay, Châtel-Gérard, Cheney, Chevannes, Chitry, Coulangeron, Coulanges-la-Vineuse, Cravant, Cruzy-le-Châtel, Dannemoine, Dyé, Epineuil, Escamps, Escolives-Sainte-Camille, Gy-l’Evêque, Héry, Irancy, Island, Joigny, Jouancy, Junay, Jussy, Lichères-près-Aigremont, Lucy-sur-Cure, Mélisey, Merry-Sec, Migé, Molay, Molosmes, Montigny-la-Resle, Mouffy, Moulins-en-Tonnerois, Nitry, Noyers, Ouanne, Paroy-sur-Tholon, Pasilly, Pierre-Perthuis, Pontigny, Quenne, Roffey, Rouvray, Sacy, Saint-Bris-le-Vineux, Saint-Cyr-les-Colons, Sainte-Pallaye, Saint-Père, Sainte-Vertu, Sarry, Senan, Serrigny, Tharoiseau, Tissey, Tonnerre, Tronchoy, Val-de-Mercy, Vallan, Venouse, Venoy, Vermenton, Vézannes, Vézelay, Vézinnes, Villeneuve-Saint-Salves, Villiers-sur-Tholon, Vincelles, Vincelottes, Volgré agus Yrouerre. |
Creat dlíthiúil:
Reachtaíocht náisiúnta
An cineál coinníll breise:
Forálacha breise a bhaineann le lipéadú
Tuairisc ar an gcoinníoll:
I gcás ina sonraítear an cineál fíonchaor ar an lipéad, ní bhíonn an tásc sin sa réimse radhairc céanna leis na tásca sainordaitheacha, agus priontáiltear é i litreacha nach bhfuil níos mó ná 2 mm.
Nasc chuig an tsonraíocht táirge
ELI: http://data.europa.eu/eli/C/2024/4131/oj
ISSN 1977-107X (electronic edition)