(1)

Il-Ftehim ta’ Sħubija fis-Settur tas-Sajd bejn il-Komunità Ewropea u r-Repubblika ta’ Cabo Verde (1)“il-Ftehim”), li ġie approvat bir-Regolament tal-Kunsill (KE) Nru 2027/2006 (2), daħal fis-seħħ fit-30 ta’ Marzu 2007. Il-Protokoll tiegħu li jistabbilixxi l-opportunitajiet tas-sajd u l-kontribuzzjoni finanzjarja previsti mill-Ftehim skadew fid-19 ta’ Mejju 2024.

(2)

Fid-19 ta’ Diċembru 2023, il-Kunsill adotta Deċiżjoni li tawtorizza lill-Kummissjoni tiftaħ in-negozjati ma’ Cabo Verde għall-konklużjoni ta’ protokoll ġdid li jimplimenta l-Ftehim.

(3)

Il-Kummissjoni nnegozjat, f’isem l-Unjoni, Protokoll ġdid li jimplimenta l-Ftehim. Wara dawn in-negozjati, il-Protokoll ġie inizjalat fil-15 ta’ April 2024.

(4)

F’konformità mad-Deċiżjoni tal-Kunsill (UE) 2024/2152 (3), il-Protokoll (2024-2029) li jimplimenta l-Ftehim ta’ Sħubija fis-Settur tas-Sajd bejn il-Komunità Ewropea u r-Repubblika ta’ Cabo Verde (“il-Protokoll”) ġie ffirmat fit-23 ta’ Lulju 2024, soġġett għall-konklużjoni tiegħu f’data iktar tard.

(5)

L-opportunitajiet tas-sajd previsti fil-Protokoll għall-istokkijiet ta’ ħut migratorju ħafna, stabbiliti f’konformità mar-rakkomandazzjonijiet u mar-riżoluzzjonijiet adottati mill-Kummissjoni Internazzjonali għall-Konservazzjoni tat-Tonn tal-Atlantiku, jenħtieġ li jiġu allokati fost l-Istati Membri għall-perjodu kollu tal-applikazzjoni tiegħu.

(6)

Dawn il-miżuri huma urġenti, minħabba l-importanza ekonomika tal-attivitajiet tas-sajd tal-Unjoni fiż-żona tas-sajd ta’ Cabo Verde u l-ħtieġa li titnaqqas kemm jista’ jkun l-interruzzjoni ta’ dawn l-attivitajiet. Għalhekk, il-Protokoll se jibda japplika fuq bażi provviżorja mid-data tal-iffirmar tiegħu, sabiex ikunu jistgħu jitkomplew malajr kemm jista’ jkun l-attivitajiet tas-sajd tal-bastimenti tal-Unjoni. Għalhekk jenħtieġ li dan ir-Regolament jibda japplika minn dik l-istess data,

(a)

bastimenti tas-sajd għat-tonn bit-tartarun:

(b)

bastimenti tas-sajd għat-tonn bil-qasab u x-xlief:

(c)

bastimenti tas-sajd li jistadu bil-konz tal-wiċċ: