(1)

Tháinig an Comhaontú Comhpháirtíochta Iascaigh idir an Comhphobal Eorpach agus Poblacht Cabo Verde (1) (‘an Comhaontú’), arna fhormheas le Rialachán (CE) Uimh. 2027/2006 ón gComhairle (2), i bhfeidhm an 30 Márta 2007. An Prótacal lena leagtar amach na deiseanna iascaireachta agus an ranníocaíocht airgeadais dá bhforáiltear sa Chomhaontú, chuaigh sin in éag an 19 Bealtaine 2024.

(2)

An 19 Nollaig 2023, ghlac an Chomhairle Cinneadh lenar údaraíodh don Choimisiún tús a chur le caibidlíocht le Cabo Verde chun Prótacal nua lena gcuirtear an Comhaontú chun feidhme a thabhairt i gcrích.

(3)

Tá Prótacal nua lena gcuirtear an Comhaontú chun feidhme caibidlithe ag an gCoimisiún thar ceann an Aontais. Tar éis an chaibidlíocht a bheith tugtha i gcrích, cuireadh inisealacha leis an bprótacal an 15 Aibreán 2024.

(4)

I gcomhréir le Cinneadh (AE) 2024/2152 ón gComhairle (3), síníodh Prótacal (2024–2029) lena gCuirtear Chun Feidhme an Chomhaontaithe Comhpháirtíochta Iascaigh idir an Comhphobal Eorpach agus Poblacht Cabo Verde (‘an Prótacal’) an 23 Iúil 2024, faoi réir a thabhairt i gcrích ag dáta níos déanaí.

(5)

Na deiseanna iascaireachta dá bhforáiltear sa Phrótacal maidir le stoic éisc mhórimirceacha, arna mbunú i gcomhréir leis na moltaí agus na rúin a ghlac an Coimisiún Idirnáisiúnta um Thuinníní Atlantacha a Chaomhnú, déantar iad a leithdháileadh ar na Ballstáit ar feadh thréimhse iomlán a chur i bhfeidhm.

(6)

Tá práinn leis na bearta sin mar gheall ar thábhacht eacnamaíoch ghníomhaíochtaí iascaireachta an Aontais i limistéar iascaireachta Cabo Verde agus an gá atá ann an cur isteach ar ghníomhaíochtaí den sórt sin a laghdú a oiread is féidir. Dá bhrí sin, is ar bhonn sealadach a bheidh feidhm ag an bPrótacal ó dháta a shínithe chun go bhféadfaidh soithí an Aontais a ngníomhaíochtaí iascaireachta a dhéanamh a luaithe agus is féidir. Dá bhrí sin, ba cheart feidhm a bheith ag an Rialachán seo ón dáta céanna amach,

(a)

báid saighne tuinníní

(b)

soithí tuinníní cleithe agus dorú:

(c)

báid spiléireachta dromchla: