10.7.2023   

GA

Iris Oifigiúil an Aontais Eorpaigh

C 243/9


Réamhfhógra faoi chomhchruinniú

(Cás M.11033 — ADOBE / FIGMA)

(Téacs atá ábhartha maidir le LEE)

(2023/C 243/06)

1.   

An 30 Meitheamh 2023 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—

Adobe Inc. ('Adobe', Stáit Aontaithe Mheiriceá),

—

Figma, Inc. ('Figma', Stáit Aontaithe Mheiriceá).

Gheobhaidh Adobe rialú aonair, de réir bhrí Airteagal 3(1)(b) den Rialachán um Chumaisc, ar Figma ina iomláine.

Baintear an comhchruinniú amach trí bhíthin ceannach scaireanna.

Tharchuir an Ostair an comhchruinniú chuig an gCoimisiún de bhun Airteagal 22(3) den Rialachán um Chumaisc. Tá an Bheilg, an Bhulgáir, an Chipir, an tSeicia, an Danmhairg, an Fhionlainn, an Fhrainc, an Ghearmáin, an Íoslainn, Éire, an Iodáil, Lucsamburg, an Ísiltír, an Iorua, agus an tSualainn tar éis tacú leis an tarchur ó shin.

2.   

Is iad seo a leanas gníomhaíochtaí gnó na ngnóthas lena mbaineann:

—

Adobe: cuideachta bogearraí domhanda a thairgeann, i measc nithe eile, bogearraí le haghaidh dearadh cruthaitheach agus uirlis idirghníomhach le haghaidh dearadh táirgí, i.e., Adobe XD,

—

Figma: soláthraí uirlise comhoibrithí gréasán-bhunaithe le haghaidh dearadh táirgí idirghníomhach, Figma Design, agus uirlise um chlár bán, FigJam.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

4.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11033 — ADOBE / FIGMA

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Seoladh poist:

 

European Commission

 

Directorate-General for Competition

 

Merger Registry

 

1049 Bruxelles/Brussel

 

BELGIQUE/BELGIË


(1)  IO L 24, 29.1.2004, lch. 1 (an ‘Rialachán um Chumaisc’).