<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-06-202506C124202303510-00-TRA-DOC-MT-ARRET-C-0351-23-202505451-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="10/07/2025 09:58:59" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="qLe0FhVMF3AePoLr7FnU7QnSykaMRYS1AvzQPzrwGKKD2HuCuansGQbKte9hSfsCJGhTHsI2qAcB4JYARvDQxxWAvGkoEwnwd5QtKm8TZlcDsa6Lg9mhiUyqZj69h7Uqc0GX/3utqvBZPImQS/BKxrYeOYc5s8xTRfKRV6HykTw=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="cassaje" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="486f4f77-0b48-4aec-8ac0-40e07860ec59" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0351" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="cassaje" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 18-06-25 09:04:59" name="Created"/>
    <meta content="" name="Canevas3_Vademecum"/>
    <meta content="2025-06-30T14:48:41Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="3e2ff999385241888a230d7b4cc26a4d" name="DocumentIdentifier"/>
    <meta content="0351" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tal‑24.6.2025 – Kawża C‑351/23</div>
      <div id="rId21" style="default">GR REAL</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Awla Manja)
    </p>
    <p class="C19Centre" id="para-2" title="page-1">
      24 ta’ Ġunju 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Protezzjoni tal-konsumaturi – Klawżoli inġusti fil-kuntratti konklużi mal-konsumaturi – Direttiva 93/13/KEE – Artikolu 6(1) – Artikolu 7(1) – Kuntratt ta’ kreditu għall-konsum – Kuntratt iggarantit permezz ta’ ipoteka fuq proprjetà immobbli li tikkostitwixxi d-dar tal-familja ta’ konsumatur – Skadenza tat-terminu – Bejgħ b’irkant ekstraġudizzjarju ta’ din il-proprjetà immobbli – Leġiżlazzjoni nazzjonali li tippermetti t-twettiq ta’ dan il-bejgħ mingħajr verifika minn qabel, minn qorti, tad-dejn ikkonċernat – Raġunijiet għal invalidità tal-imsemmi bejgħ li jeskludu l-eżistenza ta’ klawżoli inġusti – Effettività tal-protezzjoni rrikonoxxuta lill-konsumaturi – Artikoli 7 u 47 tal-Karta tad-Drittijiet Fundamentali tal-Unjoni Ewropea”
    </p>
    <p class="C02AlineaAltA" id="para-4" title="page-1">
      Fil-Kawża C‑351/23,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-Krajský súd v Prešove (il-Qorti Reġjonali ta’ Prešov, is-Slovakkja), permezz ta’ deċiżjoni tal‑11 ta’ Mejju 2023, li waslet fil-Qorti tal-Ġustizzja fis‑6 ta’ Ġunju 2023, fil-proċedura
    </p>
    <p class="C02AlineaAltA" id="para-6" title="page-1">
      GR REAL s. r. o.
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      PO,
    </p>
    <p class="C02AlineaAltA" id="para-9" title="page-1">
      RT,
    </p>
    <p class="C19Centre" id="para-10" title="page-1">
      IL-QORTI TAL-ĠUSTIZZJA (Awla Manja),
    </p>
    <p class="C02AlineaAltA" id="para-11" title="page-1">
      komposta minn K. Lenaerts, President, T. von Danwitz, Viċi President, C. Lycourgos, I. Jarukaitis, M. L. Arastey Sahún, A. Kumin u N. Jääskinen, Presidenti ta’ Awla, E. Regan, N. Piçarra, I. Ziemele, O. Spineanu‑Matei (Relatriċi), B. Smulders, M. Condinanzi, F. Schalin u S. Gervasoni, Imħallfin,
    </p>
    <p class="C02AlineaAltA" id="para-12" title="page-1">
      Avukat Ġenerali: L. Medina,
    </p>
    <p class="C02AlineaAltA" id="para-13" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-14" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-15" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal GR REAL s. r. o., minn M. Krutek, advokát,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal PO u RT, minn Z. Pitoňáková, advokátka,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Slovakk, minn E. V. Larišová u A. Lukáčik, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn R. Lindenthal, P. Ondrůšek u N. Ruiz García, bħala aġenti,</p>
</td>
</tr>
</table>
    <p class="C02AlineaAltA" id="para-20" title="page-1">
      wara li semgħet il-konklużjonijiet tal-Avukata Ġenerali, ippreżentati fis-seduta tal‑14 ta’ Novembru 2024,
    </p>
    <p class="C02AlineaAltA" id="para-21" title="page-1">
      tagħti l-preżenti
    </p>
    <p class="C75Debutdesmotifs" id="para-22" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 6(1) u tal-Artikolu 7(1) tad-Direttiva tal-Kunsill 93/13/KEE, tal‑5 ta’ April 1993, dwar klawżoli inġusti f’kuntratti mal-konsumatur (ĠU Edizzjoni Speċjali bil-Malti, Kapitolu 15, Vol. 2, p. 288, u r-rettifika fil-ĠU 2023, L 17, p. 100), kif ukoll tal-Artikoli 5, 8 u 9 tad-Direttiva 2005/29/KE tal-Parlament Ewropew u tal-Kunsill tal‑11 ta’ Mejju 2005 dwar prattiċi kummerċjali żleali fin-negozju mal-konsumatur fis-suq intern li temenda d-Direttiva tal-Kunsill 84/450/KEE, id-Direttivi 97/7/KE, 98/27/KE u 2002/65/KE tal-Parlament Ewropew u tal-Kunsill, u r-Regolament (KE) Nru 2006/2004 tal-Parlament Ewropew u tal-Kunsill (Direttiva dwar Prattiċi Kummerċjali Żleali) (ĠU 2005, L 149, p. 22, u r-rettifika fil-ĠU 2006, L 114, p. 86).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn GR REAL s. r. o. u PO u RT dwar, minn naħa, it-tkeċċija ta’ dawn tal-aħħar mid-dar tal-familja tagħhom wara li din ġiet akkwistata minn din il-kumpannija f’bejgħ b’irkant ekstraġudizzjarju u, min-naħa l-oħra, kontrotalba li permezz tagħha PO u RT jikkontestaw il-legalità tat-trasferiment ta’ sjieda ta’ din il-proprjetà immobbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑Direttiva 93/13</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">It-tlieta u għoxrin premessa tad-Direttiva 93/13 tiddikjara:</p>
</td>
</tr>
</table>
    <p class="C02AlineaAltA" id="para-29" title="page-2">
      “Billi l-qrati jew l-awtoritajiet amministrattivi ta’ l-Istati Membri għandu jkollhom għad-disposizzjoni tagħhom mezz adegwat u effettiv biex jipprevenu li jkomplu jintużaw klawżoli inġusti f’kuntratti tal-konsumaturi”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 6(1) ta’ din id-direttiva jipprevedi:</p>
</td>
</tr>
</table>
    <p class="C02AlineaAltA" id="para-31" title="page-2">
      “L-Istati Membri għandhom jistabbilixxu li klawżoli inġusti użati f’kuntratt konkluż ma konsumatur minn bejjiegħ jew fornitur għandhom, kif previst fil-liġi nazzjonali tagħhom, ma jkunux jorbtu lill-konsumatur u li l-kuntratt għandu jkompli jorbot lill-partijiet fuq dawn il-klawżoli jekk dan ikun kapaċi jkompli jeżisti mingħajr il-klawżoli inġusti.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Skont l-Artikolu 7(1) tal-imsemmija direttiva:</p>
</td>
</tr>
</table>
    <p class="C02AlineaAltA" id="para-33" title="page-2">
      “L-Istati Membri għandhom jiżguraw li, fl-interessi tal-konsumaturi u l-kompetituri, jeżistu mezzi adegwati u effettivi biex jipprevjenu li jibqgħu jintużaw klawżoli inġusti f’kuntratti konklużi mal-konsumaturi mill-bejjiegħa jew fornituri.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑Direttiva 2005/29</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 5 tad-Direttiva 2005/29 jipprovdi:</p>
</td>
</tr>
</table>
    <p class="C02AlineaAltA" id="para-36" title="page-2">
      “1. Il-prattiċi kummerċjali żleali għandhom ikunu projbiti.
    </p>
    <p class="C02AlineaAltA" id="para-37" title="page-2">
      2. Prattika kummerċjali tkun żleali jekk:
    </p>
    <p class="C09Marge0avecretrait" id="para-38" title="page-2">
      a) hija kuntrarja għar-rekwiżiti tad-diliġenza professjonali,
    </p>
    <p class="C10Marge1" id="para-39" title="page-2">
      u
    </p>
    <p class="C09Marge0avecretrait" id="para-40" title="page-2">
      b) toħloq distorsjoni sostanzjali jew tista’ toħloq distorsjoni sostanzjali fl-imġieba ekonomika, fir-rigward tal-prodott, tal-konsumatur medju li tilħaq jew li lilu tkun indirizzata, jew tal-membru medju tal-grupp meta xi prattika kummerċjali tkun diretta lejn grupp partikolari ta’ konsumaturi.
    </p>
    <p class="C02AlineaAltA" id="para-41" title="page-2">
      […]
    </p>
    <p class="C02AlineaAltA" id="para-42" title="page-2">
      4. B’mod partikolari, ikunu żleali dawk il-prattiċi kummerċjali li
    </p>
    <p class="C09Marge0avecretrait" id="para-43" title="page-3">
      […]
    </p>
    <p class="C09Marge0avecretrait" id="para-44" title="page-3">
      b) jkunu aggressivi kif stabbilit fl-Artikoli 8 u 9.
    </p>
    <p class="C09Marge0avecretrait" id="para-45" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 8 ta’ din id-direttiva huwa fformulat kif ġej:</p>
</td>
</tr>
</table>
    <p class="C02AlineaAltA" id="para-47" title="page-3">
      “Prattika kummerċjali għandha titqies bħala aggressiva jekk, fil-kuntest fattwali tagħha, b’kont meħud tal-karatteristiċi u ċ-ċirkostanzi kollha tagħha, permezz ta’ fastidju, kostrizzjoni, inkluż l-użu tal-forza fiżika, jew ta’ influwenza mhux xierqa, tfixkel b’mod sinifikanti jew x’aktarx tfixkel konsiderevolment il-libertà ta’ l-għażla jew l-imġieba tal-konsumatur medju fir-rigward tal-prodott u b’hekk tikkawża jew x’aktarx tikkawża li huwa jieħu deċiżjoni transazzjonali li ma kienx jieħu f’ċirkostanzi oħra.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Skont l-Artikolu 9 tal-imsemmija direttiva:</p>
</td>
</tr>
</table>
    <p class="C02AlineaAltA" id="para-49" title="page-3">
      “Fid-determinazzjoni jekk prattika kummerċjali tużax il-fastidju, il-kostrizzjoni, inkluż l-użu tal-forza fisika, jew l-influwenza mhux xierqa, għandu jittieħed kont ta’ dawn li ġejjin:
    </p>
    <p class="C09Marge0avecretrait" id="para-50" title="page-3">
      a) iż-żmien, lok, natura u persistenza tagħha;
    </p>
    <p class="C09Marge0avecretrait" id="para-51" title="page-3">
      b) l-użu ta’ lingwaġġ jew imġieba ta’ theddid jew abbużiv;
    </p>
    <p class="C09Marge0avecretrait" id="para-52" title="page-3">
      ċ) l-isfruttament mill-kummerċjant ta’ kwalunkwe sfortuna jew ċirkostanza speċifika ta’ tali gravità li tfixkel il-ġudizzju tal-konsumatur, li biha l-kummerċjant ikun jaf, sabiex jinfluwenza d-deċiżjoni tal-konsumatur fir-rigward tal-prodott;
    </p>
    <p class="C09Marge0avecretrait" id="para-53" title="page-3">
      d) kwalunkwe ostakoli mhux kontrattwali onerużi jew sproporzjonati imposti mill-kummerċjant fejn konsumatur ikun jixtieq jeżerċita xi drittijiet mogħtija fil-kuntratt, inklużi d-drittijiet tat-taħsir tal-kuntratt jew tal-bidla għal prodott ieħor jew għal kummerċjant ieħor;
    </p>
    <p class="C09Marge0avecretrait" id="para-54" title="page-3">
      e) kwalunkwe theddida li tiġi meħuda kwalunkwe azzjoni li legalment ma tistax tittieħed.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt Slovakk</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑Kodiċi Ċivili</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">L-Artikolu 53 taz-zákon č. 40/1964 Zb. Občiansky zákonník (il-Liġi Nru 40/1964 dwar il-Kodiċi Ċivili), fil-verżjoni tagħha applikabbli għat-tilwima fil-kawża prinċipali (iktar ’il quddiem il-“Kodiċi Ċivili”), kien jipprevedi, fil-paragrafu 9 tiegħu:</p>
</td>
</tr>
</table>
    <p class="C02AlineaAltA" id="para-58" title="page-4">
      “Fil-każ tal-eżekuzzjoni, permezz ta’ ħlasijiet bin-nifs, ta’ kuntratt konkluż ma’ konsumatur, il-bejjiegħ jew fornitur jista’ jeżerċita d-dritt mogħti lilu mill-Artikolu 565 tal-Kodiċi Ċivili wara li jiddekorru tliet xhur mid-dewmien fil-ħlas ta’ pagament wieħed u meta jkun informa lill-konsumatur mill-inqas 15‑il jum qabel l-eżerċizzju ta’ dak id-dritt.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Skont l-Artikolu 151j(1) tal-Kodiċi Ċivili:</p>
</td>
</tr>
</table>
    <p class="C02AlineaAltA" id="para-60" title="page-4">
      “Meta kreditu kopert b’garanzija ma jkunx kompletament imħallas fi żmien xieraq, il-kreditur kopert bil-garanzija jista’ jibda jeżegwixxi l-garanzija. Fl-eżekuzzjoni tal-garanzija, il-kreditur kopert bil-garanzija jista’ jikseb il-ħlas tal-pretensjoni bil-mezzi speċifikati fil-kuntratt jew bil-bejgħ tal-garanzija b’irkant skont liġi speċifika […] jew jista’ jitlob il-ħlas tal-kreditu permezz tal-bejgħ tal-garanzija skont liġijiet speċifiċi […], sakemm ma jkunx previst mod ieħor f’din il-liġi jew f’liġi speċifika.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Mid-deċiżjoni tar-rinviju jirriżulta li din id-dispożizzjoni tinkludi nota ta’ qiegħ il-paġna, imdaħħla wara l-kliem “skont liġi speċifika”, li tagħmel riferiment għaż-zákon č. 527/2002 Z. z. o dobrovoľných dražbách a o doplnení zákona Slovenskej národnej rady č. 323/1992 Zb. o notároch a notárskej činnosti (Notársky poriadok) v znení neskorších predpisov (il-Liġi Nru 527/2002 dwar il-Bejgħ b’Irkant Volontarji u li Tissupplimenta l-Liġi tal-Kunsill Nazzjonali Slovakk Nru 323/1992 dwar in-Nutara u l-Attività Notarili (il-Kodiċi Notarili), kif emendata (iktar ’il quddiem il-“Liġi dwar il-Bejgħ b’Irkant Volontarju”)), u nota ta’ qiegħ il-paġna oħra, wara l-kliem “liġijiet speċifiċi”, li kienet tagħmel riferiment għaż-zákon č. 99/1963 Zb., Občiansky súdny poriadok (il-Liġi Nru 99/1963 dwar il-Kodiċi tal-Proċedura Ċivili l-qadima) li ġiet is-sostitwita, mill‑1 ta’ Lulju 2016, biż-zákon č. 160/2015 Z. z. Civilný sporový poriadok (il-Liġi Nru 160/2015 dwar il-Kodiċi ta’ Proċedura Ċivili, iktar ’il quddiem il-“Kodiċi ta’ Proċedura Ċivili) u għaż-zákon č. 233/1995 Z. z., o súdnych exekútoroch a exekučnej činnosti (Exekučný poriadok) a o zmene a doplnení ďalších zákonov (il-Liġi Nru 233/1995 dwar l-Uffiċjali Ġudizzjarji u dwar il-Proċeduri ta’ Eżekuzzjoni Forzata (Kodiċi tal-Proċeduri ta’ Eżekuzzjoni), u li Temenda u Tikkompleta Liġijiet Oħra).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">L-Artikolu 565 tal-Kodiċi Ċivili huwa fformulat kif ġej:</p>
</td>
</tr>
</table>
    <p class="C02AlineaAltA" id="para-63" title="page-4">
      “Fil-każ ta’ rimbors bin-nifs, il-kreditur ma jistax jeżiġi r-rimbors tad-dejn kollu minħabba nuqqas ta’ ħlas ta’ pagament kull xahar, sakemm dan ma jkunx ġie miftiehem bejn il-partijiet jew stabbilit permezz ta’ sentenza. Madankollu, il-kreditur jista’ jeżerċita dan id-dritt l-iktar tard sad-data tal-iskadenza tal-ewwel ħlas bin-nifs sussegwenti.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-Kodiċi ta’ Proċedura Ċivili</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Skont l-Artikolu 325(1) u (2)(d) tal-Kodiċi ta’ Proċedura Ċivili:</p>
</td>
</tr>
</table>
    <p class="C02AlineaAltA" id="para-66" title="page-5">
      “1. Il-qorti tista’ tadotta miżura provviżorja jekk ikun neċessarju li jiġu rrettifikati ċerti sitwazzjonijiet immedjatament jew jekk ikun hemm tħassib li l-eżekuzzjoni tas-sentenza tkun kompromessa.
    </p>
    <p class="C02AlineaAltA" id="para-67" title="page-5">
      2. Il-qorti tista’ tindirizza lil parti fil-kawża, permezz ta’ miżura provviżorja, b’mod partikolari
    </p>
    <p class="C09Marge0avecretrait" id="para-68" title="page-5">
      […]
    </p>
    <p class="C09Marge0avecretrait" id="para-69" title="page-5">
      d) ordni ta’ eżekuzzjoni, ordni ta’ astensjoni tal-eżekuzzjoni jew ordni ta’ tkomplija tal-eżekuzzjoni”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑Liġi dwar il‑Bejgħ b’Irkant Volontarju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">L-Artikolu 6(1) tal-Liġi dwar il-Bejgħ b’Irkant Volontarju jipprovdi:</p>
</td>
</tr>
</table>
    <p class="C02AlineaAltA" id="para-72" title="page-5">
      “L-irkantatur huwa l-persuna li torganizza l-bejgħ b’irkant, li tissodisfa l-kundizzjonijiet stabbiliti minn din il-liġi u minn liġi speċifika, u li hija awtorizzata teżerċita l-attività inkwistjoni. […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">L-Artikolu 19(1)(a) u (b) ta’ din id-direttiva huwa fformulat kif ġej:</p>
</td>
</tr>
</table>
    <p class="C02AlineaAltA" id="para-74" title="page-5">
      “L-irkantatur għandu jikkanċella l-bejgħ b’irkant l-iktar tard qabel il-bidu tal-bejgħ b’irkant
    </p>
    <p class="C09Marge0avecretrait" id="para-75" title="page-5">
      (a) fuq talba bil-miktub tal-persuna li titlob il-bejgħ b’irkant,
    </p>
    <p class="C09Marge0avecretrait" id="para-76" title="page-5">
      (b) jekk tiġi prodotta l-prova lill-irkantatur permezz ta’ deċiżjoni eżekuttiva li l-persuna li titlob il-bejgħ b’irkant ma hijiex awtorizzata titlob dan il-bejgħ; jekk qorti tkun tat miżuri provviżorji, huwa biżżejjed li jintwera lill-irkantatur li l-qorti adottat tali miżura.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">L-Artikolu 21(2) tal-imsemmija liġi jipprevedi:</p>
</td>
</tr>
</table>
    <p class="C02AlineaAltA" id="para-78" title="page-5">
      “Fil-każ ta’ kontestazzjoni tal-validità tal-ftehim ta’ garanzija jew ta’ ksur tad-dispożizzjonijiet ta’ din il-liġi, kull persuna li ssostni li d-drittijiet tagħha inkisru minħabba dan il-ksur tista’ titlob lil qorti tiddikjara li l-bejgħ huwa null u bla effett. Madankollu, id-dritt li jibdew proċeduri quddiem qorti biex jintalab l-annullament tal-bejgħ b’irkant jintemm jekk ma jiġix eżerċitat fi żmien tliet xhur wara l-bejgħ b’irkant pubbliku, ħlief jekk ir-raġunijiet li għalihom jintalab l-annullament ikunu marbuta mat-twettiq ta’ reat u jekk il-bejgħ jirrigwarda proprjetà residenzjali li fiha s-sid preċedenti, fil-mument tal-bejgħ, kien uffiċjalment residenti skont regoli speċifiċi; […] f’dak il-każ, jista’ jintalab l-annullament tal-bejgħ anki wara l-iskadenza ta’ dan il-perijodu. […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Fis‑7 ta’ April 2011, Slovenská sporitel’ňa, a.s. (iktar ’il quddiem il-“bank”) ikkonkluda mal-konvenuti fil-kawża prinċipali kuntratt ta’ kreditu għas-somma ta’ EUR 63 000. Dawn impenjaw ruħhom li jirrimborsaw din is-somma permezz ta’ pagamenti kull xahar ta’ EUR 424.41, mill‑20 ta’ Ġunju 2011, fejn l-iskadenza finali ġiet iffissata għall‑20 ta’ Jannar 2030. Fil-każ ta’ dewmien fil-ħlas, klawżola li tinsab fil-kundizzjonijiet ġenerali applikati mill-bank kienet tipprevedi l-iskadenza ta’ tali terminu. L-imsemmija somma kienet iggarantita bil-kostituzzjoni ta’ ipoteka fuq proprjetà immobbli, jiġifieri d-dar tal-familja ta’ dawn il-konvenuti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Minħabba d-dewmien tal-konvenuti fil-kawża prinċipali fil-ħlas ta’ dawn il-pagamenti kull xahar, il-bank, permezz ta’ ittra tat‑3 ta’ Novembru 2016, iddikjara l-iskadenza tat-terminu u stieden lil dawn il-konvenuti jħallsu s-somma kollha li kienet għadha dovuta taħt dan il-kuntratt, jiġifieri EUR 56 888.08. Hija ressqet ukoll talba għall-eżekuzzjoni forzata tal-garanzija ipotekarja inkwistjoni permezz ta’ bejgħ b’irkant “volontarju”, jiġifieri bejgħ b’irkant ekstraġudizzjarju ta’ din il-proprjetà immobbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Fil‑21 ta’ April 2017, il-konvenuti fil-kawża prinċipali adixxew lill-Okresný súd Prešov (il-Qorti Distrettwali ta’ Prešov, is-Slovakkja) b’rikors intiż sabiex il-bank jiġi ordnat jastjeni milli jeżegwixxi din il-garanzija permezz ta’ bejgħ b’irkant ekstraġudizzjarju u, bħala miżura provviżorja, għas-sospensjoni tal-eżekuzzjoni tal-imsemmija garanzija sakemm il-proċedura fuq il-mertu tingħalaq definittivament. Insostenn tar-rikors tagħhom, dawn il-konvenuti sostnew li l-bank ma kellux dritt jiddikjara l-iskadenza tat-terminu fl-assenza ta’ ftehim għal dan l-għan, u li, minkejja t-talba tagħhom għal ristrutturazzjoni tas-self, il-bank kien wettaq din l-eżekuzzjoni fuq il-bażi tal-Liġi dwar il-Bejgħ b’Irkant Volontarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Fil‑25 ta’ April 2017, l-ewwel sessjoni tal-bejgħ b’irkant seħħet mingħajr ma ħadd għamel offerta. Matul din l-ewwel seduta, PO allegatament qajjem oġġezzjoni għal dan il-bejgħ, minħabba li kienet għaddejja proċedura ġudizzjarja intiża li tipprekludi l-imsemmija eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Permezz ta’ digriet tas‑26 ta’ Mejju 2017, l-Okresný súd Prešov (il-Qorti Distrettwali ta’ Prešov) ċaħdet it-talba għal miżuri provviżorji tal-konvenuti mingħajr ma indirizzat l-oġġezzjoni tagħhom li l-bank kien kiser id-drittijiet tagħhom billi applika l-klawżola tal-iskadenza tat-terminu. Dawn il-konvenuti appellaw dan id-digriet quddiem il-Krajský súd v Prešove (il-Qorti Reġjonali ta’ Prešov, is-Slovakkja).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">It-tieni sessjoni tal-bejgħ b’irkant seħħet fit‑18 ta’ Lulju 2017, qabel ma din l-aħħar qorti ddeċidiet dwar dan l-appell. F’din l-okkażjoni, PO allegatament ġibed mill-ġdid l-attenzjoni dwar il-fatt li kienet għaddejja proċedura ġudizzjarja bl-għan li tiġi prekluża l-eżelizzjoni tal-garanzija ipotekarja inkwistjoni. Madankollu, il-proprjetà immobbli kkonċernata ġiet akkwistata mir-rikorrenti fil-kawża prinċipali, li hija kumpannija li topera b’mod partikolari fis-settur tal-kreditu, tal-ġestjoni u tal-manutenzjoni ta’ proprjetajiet immobbli, u li sussegwentement ġiet iskritta fir-reġistru tal-artijiet bħala sid ta’ din il-proprjetà.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Permezz ta’ digriet tad‑9 ta’ Awwissu 2017, il-Krajský súd v Prešove (il-Qorti Reġjonali ta’ Prešov) annullat id-digriet tas‑26 ta’ Mejju 2017 tal-Okresný súd Prešov (il-Qorti Distrettwali ta’ Prešov), li permezz tiegħu din kienet ċaħdet it-talba għal miżura provviżorja mressqa mill-konvenuti fil-kawża prinċipali, u ordnat eżami ġdid ta’ din it-talba, għar-raġuni, b’mod partikolari, li din il-qorti missha eżaminat l-oġġezzjonijiet ta’ dawn il-konvenuti, li l-Krajský súd v Prešove (il-Qorti Reġjonali ta’ Prešov) tqis li huma fondati, dwar l-assenza ta’ ftehim dwar il-klawżola ta’ skadenza tat-terminu. Din l-aħħar qorti kkonstatat ukoll li l-imsemmija qorti ma kinitx eżaminat l-osservanza tal-prinċipju ta’ proporzjonalità fil-kuntest tat-talba għall-eżekuzzjoni tal-garanzija ipotekarja, fis-sens li hija la kienet ħadet inkunsiderazzjoni l-ammont tad-dejn mitlub meta mqabbel mal-valur tal-proprjetà immobbli kkonċernata, jiġifieri d-dar tal-familja tal-imsemmija konvenuti, la tal-personalità ta’ dawn tal-aħħar, u ulterjorment lanqas tal-possibbiltà għal dawn tal-aħħar li jħallsu dan id-dejn b’mezzi oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Fid‑19 ta’ Diċembru 2017, ir-rikors, imsemmi fil-punt 19 ta’ din is-sentenza, intiż sabiex tinkiseb, fir-rigward tal-bank, ordni sabiex jastjeni milli jeżegwixxi l-garanzija ipotekarja inkwistjoni permezz ta’ bejgħ b’irkant ekstraġudizzjarju, ġie rtirat mill-konvenuti fil-kawża prinċipali minħabba li dan il-bejgħ kien diġà seħħ u li għalhekk dan ir-rikors ma kienx għad għandu skop.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Permezz ta’ digriet tal‑11 ta’ Jannar 2018, l-Okresný súd Prešov (il-Qorti Distrettwali ta’ Prešov), għaldaqstant, għalqet il-proċedura u kkundannat lill-konvenuti fil-kawża prinċipali għall-ispejjeż fil-kuntest tal-imsemmi rikors.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Dawn il-konvenuti rrifjutaw li jitilqu mill-proprjetà immobbli kkonċernata. Din hija l-unika akkomodazzjoni li għandhom, li huma jokkupaw flimkien ma’ wliedhom, fosthom żewġt itfal minuri li jsofru minn disturb psikoloġiku gravi. Ir-rikorrenti fil-kawża prinċipali għalhekk ressqet azzjoni ta’ tkeċċija quddiem l-Okresný súd Prešov (il-Qorti Distrettwali ta’ Prešov).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">F’fażi proċedurali inizjali, din il-qorti ċaħdet din l-azzjoni, permezz ta’ sentenza kkonfermata fl-appell mill-Krajský súd v Prešove (il-Qorti Reġjonali ta’ Prešov). Permezz ta’ digriet tat‑8 ta’ April 2021, in-Najvyšší súd Slovenskej republiky (il-Qorti Suprema tar-Repubblika Slovakka) annullat id-deċiżjonijiet ta’ dawn iż-żewġt iqrati u rrinvijat il-kawża quddiem l-Okresný súd Prešov (il-Qorti Distrettwali ta’ Prešov) sabiex din l-aħħar qorti teżamina d-dritt ta’ sjieda tar-rikorrenti fil-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">F’fażi proċedurali sussegwenti, l-Okresný súd Prešov (il-Qorti Distrettwali ta’ Prešov) laqgħet l-imsemmija azzjoni u ordnat lill-konvenuti fil-kawża prinċipali jitilqu mill-proprjetà immobbli kkonċernata. Din il-qorti ċaħdet il-kontrotalba tagħhom intiża li tikkontesta l-legalità tat-trasferiment tas-sjieda ta’ din il-proprjetà immobbli, minħabba li din kienet ġiet akkwistata waqt bejgħ b’irkant ekstraġudizzjarju u li hija ma kinitx kompetenti biex tiddeċiedi dwar il-validità ta’ dan il-bejgħ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Kemm ir-rikorrenti fil-kawża prinċipali kif ukoll il-konvenuti fil-kawża prinċipali appellaw minn din id-deċiżjoni quddiem il-Krajský súd v Prešove (il-Qorti Reġjonali ta’ Prešov) f’dak li jirrigwarda, rispettivament, in-nuqqas ta’ kundanna ta’ dawn tal-aħħar għall-ispejjeż u ċ-ċaħda ta’ din il-kontrotalba.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Quddiem din il-qorti, li hija l-qorti tar-rinviju, il-konvenuti fil-kawża prinċipali jallegaw ksur tad-drittijiet tagħhom bħala konsumaturi u tad-dritt tagħhom għall-akkomodazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">L-imsemmija qorti tammetti li n-nuqqas ta’ ħlas tal-pagamenti kull xahar previsti minn kuntratt ta’ self jikkostitwixxi ksur gravi tal-obbligu kuntrattwali impost fuq il-konsumaturi bis-saħħa ta’ tali kuntratt. Madankollu, hija tqis li l-protezzjoni mogħtija lill-konsumaturi mid-dritt tal-Unjoni tinkiser meta jkun hemm sproporzjoni estrem bejn il-ksur ta’ dan l-obbligu u l-konsegwenzi ta’ skadenza tat-terminu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Il-qorti tar-rinviju tqis li ċ-ċirkustanzi partikolari li jikkaratterizzaw il-kawża li tressqet quddiemha jiddistingwuha minn kawżi oħra li taw lok għal sentenzi tal-Qorti tal-Ġustizzja fil-qasam tal-protezzjoni tal-konsumaturi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Fl-ewwel lok, din il-qorti tesprimi dubji dwar il-konformità tal-klawżola ta’ skadenza tat-terminu li wasslet għall-bejgħ b’irkant ekstraġudizzjarju inkwistjoni fil-kawża prinċipali mar-rekwiżit ta’ trasparenza, kif ippreċiżat mill-Qorti tal-Ġustizzja, b’mod partikolari, fis-sentenza tal‑21 ta’ Marzu 2013, RWE Vertrieb (C‑92/11, EU:C:2013:180). F’dan ir-rigward, hija tindika li din il-klawżola kienet tinsab fil-kundizzjonijiet ġenerali tal-bank, iżda li dan tal-aħħar ma ġibidx l-attenzjoni tal-konvenuti fil-kawża prinċipali fir-rigward tagħha, filwaqt li l-iskadenza tat-terminu hija applikabbli biss jekk din tkun espressament miftiehma bejn il-partijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Fit-tieni lok, l-imsemmija qorti tirrileva li l-konvenuti fil-kawża prinċipali opponew il-bejgħ b’irkant ekstraġudizzjarju tad-dar tal-familja tagħhom permezz ta’ rikors intiż li jobbliga lill-bank jastjeni milli jeżegwixxi l-garanzija ipotekarja inkwistjoni. Fil-kuntest ta’ din il-proċedura, huma talbu wkoll, bħala miżura provviżorja, is-sospensjoni tal-eżekuzzjoni ta’ din il-garanzija, li kienet tikkostitwixxi, skont il-qorti tar-rinviju, l-uniku rimedju proċedurali li jippermetti s-sospensjoni ta’ din l-eżekuzzjoni. Hija tirrileva wkoll li d-digriet tal-qorti tal-ewwel istanza li jiċħad il-miżura provviżorja mitluba ġie annullat mill-qorti tal-appell, b’mod partikolari minħabba l-assenza ta’ eżami tal-ilment ibbażat fuq in-nullità tal-klawżola ta’ skadenza fid-dawl tad-Direttiva 93/13. Madankollu, dan il-bejgħ twettaq qabel dan l-annullament u, għaldaqstant, qabel ma l-qorti tal-ewwel istanza setgħet teżamina mill-ġdid din talba għal miżura provviżorja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Fit-tielet lok, il-qorti tar-rinviju ssemmi l-importanza mogħtija, fil-ġurisprudenza Slovakka, lill-protezzjoni tat-terz xerrej in bona fide. Madankollu, din il-qorti tirrileva li l-bona fide ma għandhiex tiġi rrikonoxxuta meta s-sitwazzjoni tat-terz tkun tinkludi “ċirkustanzi inkwetanti”. Issa, l-imsemmija qorti tqis li jikkostitwixxi ċirkustanza “inkwetanti ħafna” l-fatt li, fil-mument tal-akkwist ta’ proprjetà immobbli fil-kuntest ta’ bejgħ b’irkant ekstraġudizzjarju, il-kumpannija rebbieħa tkun informata bl-eżistenza ta’ proċedura ġudizzjarja pendenti dwar il-validità tal-klawżola li wasslet għal dan il-bejgħ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Għalhekk tqum kwistjoni ta’ interpretazzjoni tad-Direttiva 93/13 sabiex isir magħruf jekk tali kumpannija rebbieħa tibbenefikax minn protezzjoni assoluta jew jekk din il-protezzjoni tistax tiġi limitata, fid-dawl, b’mod partikolari, tal-aġir attiv tal-konsumaturi kkonċernati u tad-dubji dwar il-bona fide ta’ din il-kumpannija. Din il-kwistjoni tirriżulta li hija wisq iżjed importanti meta l-eżekuzzjoni forzata ta’ garanzija tikkonċerna d-dar tal-konsumatur, peress li d-dritt għall-akkomodazzjoni jikkostitwixxi dritt fundamentali, iggarantit mill-Artikolu 7 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Fir-raba’ lok, il-qorti tar-rinviju ssostni li jeżistu differenzi sinjifikattivi bejn is-sitwazzjoni inkwistjoni fil-kawża prinċipali u dik li kienet inkwistjoni fil-kawża li tat lok għas-sentenza tas‑7 ta’ Diċembru 2017, Banco Santander (C‑598/15, EU:C:2017:945). Minn naħa, f’din l-aħħar kawża, il-proprjetà immobbli kkonċernata kienet inbiegħet b’irkant u d-drittijiet in rem relatati magħha kienu ġew ittrasferiti mingħajr ma l-konsumatur eżerċita r-rimedji li kienu għad-dispożizzjoni tiegħu. Min-naħa l-oħra, f’dan il-każ, il-konvenuti fil-kawża prinċipali kienu attivi u implimentaw l-uniku rimedju disponibbli ex ante sabiex jipprekludu t-twettiq tal-bejgħ b’irkant ekstraġudizzjarju tad-dar tal-familja tagħhom. Għalkemm sussegwentement irrinunzjaw għal dan ir-rikors, dan kien biss wara li din l-eżekuzzjoni kienet wasslet għat-trasferiment tas-sjieda ta’ din id-dar lir-rikorrenti fil-kawża prinċipali, fil-kuntest ta’ bejgħ b’irkant ekstraġudizzjarju. Min-naħa l-oħra, b’differenza mill-kuntest proċedurali li fih kienet taqa’ l-kawża li tat lok għal din is-sentenza, f’dan il-każ, il-konvenuti fil-kawża prinċipali ressqu kontrotalba kontra l-azzjoni għal tkeċċija intiża li tikkontesta l-legalità ta’ dan it-trasferiment ta’ sjieda, peress li r-rikorrenti fil-kawża prinċipali għandha locus standi, fid-dritt Slovakk, sabiex tiddefendi ruħha fil-kuntest ta’ din il-kontrotalba.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Fil-ħames u fl-aħħar lok, il-qorti tar-rinviju tenfasizza li huwa diffiċli ħafna li konsumaturi bħall-konvenuti fil-kawża prinċipali jinvokaw id-drittijiet tagħhom fil-kuntest ta’ azzjoni ex post għan-nullità ta’ bejgħ b’irkant, peress li l-Artikolu 21(2) tal-Liġi dwar il-Bejgħ b’Irkant Volontarju jipprevedi biss tliet raġunijiet ta’ nullità, jiġifieri l-ksur ta’ din il-liġi, in-nullità tal-kuntratt li jikkostitwixxi garanzija u t-twettiq ta’ reat kriminali, bl-esklużjoni tal-protezzjoni tal-konsumaturi kontra l-klawżoli illegali ta’ kuntratt ta’ kreditu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">F’dawn iċ-ċirkustanzi, il-Krajský súd vs Prešove (il-Qorti Reġjonali ta’ Prešov) iddeċidiet li tissospendi l-proċeduri quddiemha u li tagħmel id-domandi preliminari li ġejjin lill-Qorti tal-Ġustizzja:</p>
</td>
</tr>
</table>
    <p class="C09Marge0avecretrait" id="para-103" title="page-10">
      “1) L-Artikolu 6(1) u l-Artikolu 7(1) tad-[Direttiva 93/13] japplikaw għal proċedura, bħal dik inkwistjoni fil-kawża prinċipali, li tressqet minn persuna (l-offerent rebbieħ) li kisbet l-aġġudikazzjoni fir-rigward ta’ proprjetà immobbli, li fiha, fl-istess ħin, ġiet introdotta wkoll kontrotalba ta’ konsumatur intiża għar-restituzzjoni tas-sitwazzjoni li tippreċedi l-aġġudikazzjoni b’irkant, meta, qabel il-bejgħ b’irkant ekstraġudizzjarju, il-konsumatur uża miżuri legali bil-għan li jipprekludi l-eżekuzzjoni ta’ garanzija billi talab miżuri provviżorji lill-qorti u fl-istess waqt, qabel il-bejgħ b’irkant informa lill-parteċipanti fil-bejgħ b’irkant dwar il-proċedura ġudizzjarja fis-seħħ intiża li tipprekludi l-eżekuzzjoni tal-garanzija permezz ta’ bejgħ b’irkant volontarju, iżda li minkejja l-proċedura ġudizzjarja l-bejgħ b’irkant seħħ xorta waħda?
    </p>
    <p class="C09Marge0avecretrait" id="para-104" title="page-10">
      2) Id-[Direttiva 93/13] għandha tiġi interpretata fis-sens li tipprekludi leġiżlazzjoni ta’ Stat Membru, bħal dik inkwistjoni fil-kawża prinċipali, li fil-kuntest tal-eżekuzzjoni, minn impriża li tieħu ħsieb irkant privat (iktar ’il quddiem l-‘organizzatur tal-bejgħ b’irkant’ [irkantatur]), ta’ dritt ta’ garanzija fuq proprjetà immobbli ta’ konsumatur bil-għan li jiġu ssodisfatti l-pretensjonijiet tal-bank fil-kuntest ta’ kuntratt ta’ kreditu għall-konsumaturi
    </p>
    <p class="C11Marge1avecretrait" id="para-105" title="page-10">
      a) ma tippermettix lill-konsumatur iqajjem b’mod effettiv, kontra l-organizzatur tal-irkant, bil-għan li jipposponi l-bejgħ b’irkant, motivi dwar in-natura inġusta tal-klawżoli kuntrattwali li [fuqhom] il-pretensjoni tal-bank [hija bbażata], anki jekk din il-pretensjoni tibbaża ruħha fuq il-klawżoli kuntrattwali inġusti, b’mod partikolari fuq il-klawżola kuntrattwali dwar eżiġibbiltà antiċipata,
    </p>
    <p class="C11Marge1avecretrait" id="para-106" title="page-10">
      b) ma tippermettix lill-konsumatur jiddeżisti mill-bejgħ b’irkant tal-proprjetà immobbli tiegħu, li fiha jirrisjedi, anki jekk il-konsumatur informa lill-organizzatur tal-bejgħ b’irkant kif ukoll lill-persuni preżenti fil-bejgħ b’irkant li kienet għaddejja proċedura ġudizzjarja biex jiġu adottati miżuri provviżorji għall-kisba tal-obbligu li l-iżvolġiment tal-bejgħ b’irkant jiġi sospiż, iżda l-qorti tkun għadha ma tatx deċiżjoni definittiva dwar it-talba meta fl-istess waqt l-applikazzjoni ta’ miżura proviżorja tkun l-unika mezz sabiex il-konsumatur jikseb protezzjoni ġudizzjarja provviżorja kontra l-iżvolġiment tal-bejgħ b’irkant tal-proprjetà immobbli b’riżultat tal-klawżoli kuntrattwali inġusti,
    </p>
    <p class="C11Marge1avecretrait" id="para-107" title="page-11">
      c) ma tippermettix lill-konsumatur, fiċ-ċirkustanzi msemmija fil-punti preċedenti, jeżerċita b’mod sħiħ id-dritt li jirriżulta mit-traspożizzjoni tad-Direttiva [93/13] u għall-kisba tal-għanijiet ta’ din id-direttiva, peress li r-regolamentazzjoni inkwistjoni tillimita l-possibbiltà li jitqajjem il-motiv ta’ invalidità tal-bejgħ b’irkant esklużivament għal tliet raġunijiet:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">in-nullità tal-kuntratt ta’ kostituzzjoni ta’ garanzija,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ksur [tal-Liġi Nru 527/2002 dwar il-bejgħ b’irkant volontarju],</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">it-twettiq ta’ reat [kriminali]?</p>
</td>
</tr>
</table>
    <p class="C09Marge0avecretrait" id="para-111" title="page-11">
      3) Id-Direttiva [2005/29] għandha tiġi interpretata fis-sens li l-eżekuzzjoni ta’ garanzija fuq il-bażi ta’ klawżola kuntrattwali inġusta dwar eżiġibbiltà antiċipata ta’ dejn li jirriżulta minn kuntratt ta’ kreditu għall-konsumatur, u għaldaqstant żball fir-rigward tal-ammont tad-dejn li għandu jitħallas, tista’ tikkostitwixxi prattika kummerċjali żleali fis-sens tal-Artikolu 5 ta’ din id-direttiva, b’mod partikolari prattika kummerċjali aggressiva fis-sens tal-Artikoli 8 u 9 ta’ din id-direttiva, u li r-responsabbiltà kemm tal-bank u tal-għanijiet tad-Direttiva [2005/29] japplikaw, minbarra għall-bank, ukoll għall-kumpannija li torganizza l-irkant li teżegwixxi l-garanzija?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Fid-dawl tal-informazzjoni miġjuba għall-attenzjoni tal-Qorti tal-Ġustizzja mill-Gvern Slovakk dwar ġurisprudenza tan-Najvyšší súd Slovenskej republiky (il-Qorti Suprema tar-Repubblika Slovakka) li tgħid li l-protezzjoni kontra l-klawżoli inġusti li jinsabu fil-kuntratti ta’ konsum taqa’ taħt ir-raġunijiet ta’ nullità ta’ bejgħ b’irkant ekstraġudizzjarju, previsti fl-Artikolu 21(2) tal-Liġi dwar il-Bejgħ b’Irkant Volontarju, il-Qorti tal-Ġustizzja bagħtet, fid‑9 ta’ April 2024, talba għal kjarifiki lill-qorti tar-rinviju, skont l-Artikolu 101 tar-Regoli tal-Proċedura tal-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Permezz ta’ ittra ppreżentata fir-Reġistru tal-Qorti tal-Ġustizzja fit‑13 ta’ Mejju 2024, il-qorti tar-rinviju ppreċiżat li, fid-data tal-bejgħ b’irkant inkwistjoni fil-kawża prinċipali, ma kinitx teżisti ġurisprudenza stabbilita tal-qrati Slovakki fis-sens li bejgħ b’irkant volontarju jista’ jiġi annullat minħabba ksur tad-Direttiva 93/13 u li, sal-lum, ma teżisti ebda deċiżjoni ġudizzjarja li annullat bejgħ b’irkant għal tali raġuni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Skont din il-qorti, il-ġurisprudenza invokata mill-Gvern Slovakk, li tikkonsisti f’żewġ digrieti mogħtija matul is-sena 2022, jiġifieri ħames snin wara l-bejgħ b’irkant inkwistjoni fil-kawża prinċipali, tibqa’ iżolata, anki fil-prassi ġudizzjarja tan-Najvyšší súd Slovenskej republiky (il-Qorti Suprema tar-Repubblika Slovakka), b’tali mod li l-konvenuti fil-kawża prinċipali ma jistgħux jiġu kkritikati talli ma ressqux talba għall-annullament ta’ dan il-bejgħ b’irkant sabiex jinvokaw id-drittijiet tagħhom ibbażati fuq id-Direttiva 93/13 u talli għażlu li jikkontestaw, fil-kuntest ta’ kontrotalba, id-dritt għal sjieda tar-rikorrenti fil-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel u t-tieni domandi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ammissibbiltà</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Mingħajr ma tqajjem formalment eċċezzjoni ta’ inammissibbiltà tal-ewwel u tat-tieni domanda, ir-rikorrenti fil-kawża prinċipali ssostni, essenzjalment, li hija ma hijiex ikkonċernata f’dan il-każ mid-Direttiva 93/13, li l-interpretazzjoni tagħha hija mitluba fil-kuntest ta’ dawn id-domandi, peress li hija ma kinitx parti fil-proċedura ġudizzjarja mressqa kontra l-bank mill-konvenuti fil-kawża prinċipali, u tqis li l-Qorti tal-Ġustizzja ma għandhiex tirrispondi għal dawn id-domandi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Barra minn hekk, il-Gvern Slovakk jesprimi dubji dwar l-ammissibbiltà tat-tieni domanda sa fejn din tirrigwarda l-punt dwar jekk id-Direttiva 93/13 tipprekludix leġiżlazzjoni nazzjonali li teskludi raġunijiet ta’ nullità ta’ bejgħ b’irkant ekstraġudizzjarju ta’ proprjetà immobbli fejn l-eżistenza ta’ klawżoli inġusti fil-kuntratt li ta lok għall-eżekuzzjoni forzata ta’ garanzija ipotekarja tirrigwarda din il-proprjetà immobbli. Dan il-gvern jenfasizza li l-konvenuti fil-kawża prinċipali ma ressqux talba għal annullament tal-bejgħ b’irkant inkwistjoni fil-kawża prinċipali, fejn għalhekk ir-raġuni għalfejn hija neċessarja risposta tal-Qorti tal-Ġustizzja sabiex il-qorti nazzjonali tkun tista’ tiddeċiedi dwar il-kawża prinċipali ma tidhirx b’mod ċar.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">F’dan ir-rigward, huwa importanti li jitfakkar li, fil-kuntest tal-proċedura stabbilita fl-Artikolu 267 TFUE, hija biss il-qorti nazzjonali, li hija adita bil-kawża prinċipali u li għandha tassumi r-responsabbiltà tad-deċiżjoni ġudizzjarja eventwali, li għandha tevalwa, fid-dawl tal-karatteristiċi partikolari ta’ kull kawża, kemm in-neċessità ta’ deċiżjoni preliminari sabiex tkun f’pożizzjoni li tagħti s-sentenza tagħha kif ukoll ir-rilevanza tad-domandi li hija tagħmel lill-Qorti tal-Ġustizzja. Għaldaqstant, kemm-il darba d-domandi magħmula jkunu jirrigwardaw l-interpretazzjoni tad-dritt tal-Unjoni, il-Qorti tal-Ġustizzja hija, bħala prinċipju, marbuta li tiddeċiedi. Minn dan isegwi li d-domandi li jirrigwardaw id-dritt tal-Unjoni jgawdu minn preżunzjoni ta’ rilevanza. Għalhekk, iċ-ċaħda, mill-Qorti tal-Ġustizzja, ta’ talba mressqa minn qorti nazzjonali hija possibbli biss jekk jirriżulta b’mod manifest li l-interpretazzjoni mitluba tad-dritt tal-Unjoni ma jkollha ebda relazzjoni mar-realtà jew mas-suġġett tat-tilwima fil-kawża prinċipali, fejn il-problema tkun ta’ natura ipotetika jew inkella fejn il-Qorti tal-Ġustizzja ma jkollhiex il-punti ta’ fatt u ta’ liġi neċessarji sabiex tirrispondi b’mod utli għad-domandi li jkunu sarulha (sentenza tad‑29 ta’ Lulju 2024, LivaNova, C‑713/22, EU:C:2024:642, punt 53 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Issa, għandu jiġi osservat, minn naħa, li l-kawża prinċipali għandha bħala suġġett azzjoni għal tkeċċija mressqa mir-rikorrenti kontra l-konvenuti u kontrotalba li permezz tagħha dawn tal-aħħar jikkontestaw il-legalità tat-trasferiment tas-sjieda lil din ir-rikorrenti tal-binja li tikkostitwixxi d-dar tal-familja tagħhom. Dan it-trasferiment seħħ wara bejgħ b’irkant ekstraġudizzjarju li ġie organizzat b’eżekuzzjoni ta’ garanzija ipotekarja prevista fil-kuntratt ta’ self konkluż minn dawn il-konvenuti mal-bank u fuq il-bażi ta’ leġiżlazzjoni nazzjonali fir-rigward tagħha l-qorti tar-rinviju tiddubita li tissodisfa r-rekwiżit ta’ protezzjoni effettiva tal-konsumaturi kontra l-klawżoli inġusti, li jirriżulta mid-Direttiva 93/13. Kif jirriżulta mid-deċiżjoni tar-rinviju, ir-rikorrenti fil-kawża prinċipali għandha, skont id-dritt Slovakk, locus standi sabiex tiddefendi ruħha fil-kuntest ta’ tali kontrotalba. Konsegwentement, il-fatt li din ir-rikorrenti ma kinitx parti fil-proċedura ġudizzjarja mressqa mill-konvenuti fil-kawża prinċipali kontra l-bank b’ebda mod ma jeskludi li l-interpretazzjoni ta’ din id-direttiva mitluba mill-imsemmija qorti tkun neċessarja sabiex din tkun tista’ tagħti d-deċiżjoni tagħha fil-kawża prinċipali, fis-sens tal-ġurisprudenza ċċitata fil-punt preċedenti ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Min-naħa l-oħra, kif ġie rrilevat fil-punt 42 ta’ din is-sentenza, il-qorti tar-rinviju indikat, fit-tweġiba tagħha għat-talba għal kjarifiki li saritilha mill-Qorti tal-Ġustizzja, li l-konvenuti fil-kawża prinċipali ma jistgħux jiġu kkritikati, fl-istat attwali tad-dritt Slovakk, talli ma ressqux talba għall-annullament tal-bejgħ b’irkant inkwistjoni fil-kawża prinċipali, billi tiġi allegata l-preżenza ta’ klawżola inġusta fil-kuntratt ta’ self konkluż mal-bank. It-tielet parti tat-tieni domanda, li l-qorti tar-rinviju espressament żammet f’din it-tweġiba, hija intiża preċiżament sabiex tiddetermina jekk l-impossibbiltà, għal dawn il-konvenuti, li jressqu tali talba tmurx kontra d-dispożizzjonijiet tad-Direttiva 93/13. Għaldaqstant, din id-domanda hija marbuta mill-qrib mas-suġġett tal-kawża prinċipali, li tirrigwarda b’mod partikolari l-validità ta’ dan il-bejgħ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Mill-punti preċedenti jirriżulta li l-ewwel u t-tieni domanda huma ammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il-mertu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Osservazzjonijiet preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Fl-ewwel lok, għandu jitfakkar li s-sistema ta’ protezzjoni implimentata mid-Direttiva 93/13 hija bbażata fuq l-idea li l-konsumatur jinsab f’sitwazzjoni ta’ inferjorità fil-konfront tal-bejjiegħ jew fornitur kemm fir-rigward tas-setgħa ta’ negozjazzjoni kif ukoll fir-rigward tal-livell ta’ informazzjoni (sentenza tas‑17 ta’ Mejju 2022, Ibercaja Banco, C‑600/19, EU:C:2022:394, punt 35 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">F’dan il-kuntest, u sabiex jiġi żgurat il-livell għoli ta’ protezzjoni tal-konsumaturi ddikjarat fl-Artikolu 38 tal-Karta, il-qorti nazzjonali għandha tevalwa, anki ex officio, in-natura inġusta ta’ klawżola kuntrattwali li taqa’ fil-kamp ta’ applikazzjoni tad-Direttiva 93/13 u, b’dan il-mod, tikkumpensa għall-iżbilanċ li jeżisti bejn il-konsumatur u l-bejjiegħ jew fornitur, peress li hija jkollha l-punti ta’ liġi u ta’ fatt neċessarji għal dan l-għan (sentenzi tal‑21 ta’ Diċembru 2016, Gutiérrez Naranjo et, C‑154/15, C‑307/15 u C‑308/15, EU:C:2016:980, punt 58, kif ukoll tad‑9 ta’ Novembru 2023, Všeobecná úverová banka, C‑598/21, EU:C:2023:845, punt 74 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Peress li l-Artikolu 6(1) ta’ din id-direttiva jipprevedi li l-klawżoli inġusti ma jorbtux lill-konsumaturi, il-qrati nazzjonali huma obbligati wkoll ma japplikawx dawn il-klawżoli sabiex dawn ma jipproduċux effetti vinkolanti fil-konfront ta’ konsumatur, sakemm dan tal-aħħar ma jikkontestahomx (ara, f’dan is-sens, is-sentenzi tas‑26 ta’ Marzu 2019, Abanca Corporación Bancaria u Bankia, C‑70/17 u C‑179/17, EU:C:2019:250, punt 52, kif ukoll tal‑15 ta’ Ġunju 2023, Getin Noble Bank (Sospensjoni tal-eżekuzzjoni ta’ kuntratt ta’ self), C‑287/22, EU:C:2023:491, punt 37).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">L-Artikolu 7(1) tad-Direttiva 93/13, moqri flimkien mal-erbgħa u għoxrin premessa tagħha, jimponi fuq l-Istati Membri l-obbligu li jipprovdu mezzi adegwati u effikaċi biex jitwaqqaf l-użu tal-klawżoli inġusti f’kuntratti konklużi mal-konsumaturi minn bejjiegħ jew fornitur (ara, f’dan is-sens, is-sentenzi tal‑14 ta’ Ġunju 2012, Banco Español de Crédito, C‑618/10, EU:C:2012:349, punt 68, u tas‑17 ta’ Mejju 2022, Ibercaja Banco, C‑600/19, EU:C:2022:394, punt 38 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">L-obbligu għall-Istati Membri li jiżguraw l-effettività tad-drittijiet li l-partijiet fil-kawża jisiltu mid-dritt tal-Unjoni jimplika, b’mod partikolari għad-drittijiet li jirriżultaw mid-Direttiva 93/13, rekwiżit ta’ protezzjoni ġudizzjarja effettiva, affermat mill-ġdid fl-Artikolu 7(1) ta’ din id-direttiva u stabbilit ukoll fl-Artikolu 47 tal-Karta, li japplika, fost oħrajn, għad-definizzjoni tal-modalitajiet proċedurali relatati mal-azzjonijiet ġudizzjarji bbażati fuq tali drittijiet (sentenza tas‑17 ta’ Mejju 2022, SPV Project 1503 et, C‑693/19 u C‑831/19, EU:C:2022:395, punt 61 kif ukoll il-ġurisprudenza ċċitata; tas‑17 ta’ Mejju 2022, Impuls Leasing România, C‑725/19, EU:C:2022:396, punt 46 u l-ġurisprudenza ċċitata, kif ukoll tas‑17 ta’ Mejju 2022, Unicaja Banco, C‑869/19, EU:C:2022:397, punt 29 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Għandu jitfakkar ukoll li, fid-dawl tan-natura u tal-importanza tal-interess pubbliku li fuqu hija bbażata l-protezzjoni li d-Direttiva 93/13 tiżgura lill-konsumaturi, l-Artikolu 6(1) tagħha għandu jitqies bħala regola ekwivalenti għar-regoli nazzjonali li, fi ħdan l-ordinament ġuridiku intern, huma kkategorizzati bħala regoli ta’ ordni pubbliku (sentenzi tas‑6 ta’ Ottubru 2009, Asturcom Telecomunicaciones, C‑40/08, EU:C:2009:615, punt 52, u tas‑17 ta’ Mejju 2022, Unicaja Banco, C‑869/19, EU:C:2022:397, punt 24). L-Artikolu 7(1) ta’ din id-direttiva ukoll huwa direttament marbut ma’ dan l-interess pubbliku (ara, f’dan is-sens, is-sentenza tal‑21 ta’ Diċembru 2016, Gutiérrez Naranjo et, C‑154/15, C‑307/15 u C‑308/15, EU:C:2016:980, punt 56).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">B’mod partikolari, fir-rigward tal-proċeduri ta’ eżekuzzjoni forzata, il-Qorti tal-Ġustizzja ppreċiżat, diversi drabi u billi ħadet inkunsiderazzjoni r-rekwiżiti tal-Artikolu 6(1) kif ukoll tal-Artikolu 7(1) tad-Direttiva 93/13, il-mod kif il-qorti nazzjonali għandha tiżgura l-protezzjoni tad-drittijiet li l-konsumaturi jisiltu minn din id-direttiva fil-kuntest ta’ dawn il-proċeduri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">B’hekk, fl-assenza ta’ armonizzazzjoni tal-imsemmija proċeduri, il-modalitajiet tal-implimentazzjoni tagħhom jaqgħu taħt l-ordinament ġuridiku intern tal-Istati Membri bis-saħħa tal-prinċipju ta’ awtonomija proċedurali ta’ dawn tal-aħħar. Madankollu, dawn il-modalitajiet għandhom jissodisfaw il-kundizzjoni doppja li ma jkunux inqas favorevoli minn dawk li jirregolaw sitwazzjonijiet simili suġġetti għad-dritt intern (prinċipju ta’ ekwivalenza) u li ma jagħmlux impossibbli jew eċċessivament diffiċli l-eżerċizzju tad-drittijiet mogħtija lill-konsumaturi mid-dritt tal-Unjoni (prinċipju ta’ effettività) (ara, b’mod partikolari, f’dan is-sens, is-sentenza tas‑26 ta’ Ġunju 2019, Addiko Bank, C‑407/18, EU:C:2019:537, punt 46 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Fir-rigward tal-prinċipju ta’ effettività, li huwa l-uniku wieħed li jissemma mill-qorti tar-rinviju, għandu jiġi osservat li kull sitwazzjoni fejn tqum il-kwistjoni dwar jekk dispożizzjoni proċedurali nazzjonali tagħmilx impossibbli jew eċċessivament diffiċli l-applikazzjoni tad-dritt tal-Unjoni għandha tiġi analizzata billi jittieħed inkunsiderazzjoni r-rwol ta’ din id-dispożizzjoni fil-proċedura kollha, kif tiġi żviluppata u l-karatteristiċi partikolari tagħha, kif ukoll, jekk ikun il-każ, il-prinċipji li fuqhom hija bbażata s-sistema ġudizzjarja nazzjonali, bħalma huma l-protezzjoni tad-drittijiet tad-difiża, il-prinċipju ta’ ċertezza legali u tal-iżvolġiment it-tajjeb tal-proċedura. Madankollu, il-karatteristiċi speċifiċi tal-proċeduri ma jistgħux jikkostitwixxu element li jista’ jaffettwa l-protezzjoni ġuridika li minnha għandhom jibbenefikaw il-konsumaturi bis-saħħa tad-dispożizzjonijiet tad-Direttiva 93/13 (sentenza tas‑17 ta’ Mejju 2022, Impuls Leasing România, C‑725/19, EU:C:2022:396, punt 45 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Barra minn hekk, il-Qorti tal-Ġustizzja qieset li l-osservanza tal-prinċipju ta’ effettività ma tistax madankollu tasal sabiex tikkumpensa għalkollox il-passività totali tal-konsumatur ikkonċernat (sentenza tas‑17 ta’ Mejju 2022, Unicaja Banco, C‑869/19, EU:C:2022:397, punt 28 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Il-Qorti tal-Ġustizzja enfasizzat ukoll l-importanza li tiġi prevista, fid-dritt nazzjonali, il-possibbiltà li qorti tintalab tevalwa n-natura inġusta ta’ klawżola kuntrattwali qabel il-finalizzazzjoni ta’ proċedura ta’ eżekuzzjoni forzata bbażata fuq il-kuntratt li jinkludi tali klawżola. B’hekk hija ddeċidiet li, fil-każ fejn tali proċedura tiġi konkluża qabel l-għoti tad-deċiżjoni tal-qorti li tiddeċiedi fuq il-mertu li tiddikjara n-natura inġusta tal-klawżola kuntrattwali li tat lok għal din l-eżekuzzjoni forzata u, konsegwentement, in-nullità ta’ din il-proċedura, din id-deċiżjoni tkun tippermetti li jiġi żgurat lill-konsumatur ikkonċernat biss protezzjoni kumpensatorja a posteriori, li tirriżulta li hija inkompleta u insuffiċjenti u li la tikkostitwixxi mezz adegwat u lanqas mezz effikaċi sabiex jitwaqqaf l-użu ta’ din il-klawżola, kuntrarjament għal dak li jipprevedi l-Artikolu 7(1) tad-Direttiva 93/13 (ara, f’dan is-sens, is-sentenzi tal‑14 ta’ Marzu 2013, Aziz, C‑415/11, EU:C:2013:164, punt 60, u tas‑17 ta’ Mejju 2022, Impuls Leasing România, C‑725/19, EU:C:2022:396, punt 55 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Sabiex tiġi ggarantita l-effettività tal-protezzjoni mixtieqa mid-Direttiva 93/13, il-Qorti tal-Ġustizzja enfasizzat l-importanza, għall-qorti nazzjonali adita, li jkollha s-setgħa li tadotta miżuri provviżorji li jippermettu li tiġi sospiża jew prekluża proċedura illegali ta’ eżekuzzjoni forzata, u dan iktar u iktar fil-każ ta’ proċedura ta’ eżekuzzjoni forzata ta’ garanzija ipotekarja li tista’ twassal għat-tneħħija tal-konsumatur u tal-familja tiegħu mir-residenza li tikkostitwixxi d-dar tal-familja tagħhom, peress li d-dritt għal dar huwa dritt fundamentali ggarantit mill-Artikolu 7 tal-Karta li din il-qorti għandha tieħu inkunsiderazzjoni fl-implimentazzjoni ta’ din id-direttiva (ara, f’dan is-sens, is-sentenza tad‑9 ta’ Novembru 2023, Všeobecná úverová banka, C‑598/21, EU:C:2023:845, punt 85 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Fit-tieni lok, għandu jitfakkar li, skont ġurisprudenza stabbilita, fil-kuntest tal-proċedura ta’ kooperazzjoni bejn il-qrati nazzjonali u l-Qorti tal-Ġustizzja stabbilita fl-Artikolu 267 TFUE, huwa l-kompitu ta’ din tal-aħħar li tagħti lill-qorti nazzjonali risposta utli li tgħinha tiddeċiedi l-kawża quddiemha. F’din perspettiva, jekk ikun il-każ, hija l-Qorti tal-Ġustizzja li għandha tifformula mill-ġdid id-domandi li jkunu ġew sottomessi lilha. Il-fatt li qorti nazzjonali tkun ifformulat, minn perspettiva formali, domanda preliminari billi rreferiet għal ċerti dispożizzjonijiet tad-dritt tal-Unjoni ma jipprekludix lill-Qorti tal-Ġustizzja milli tipprovdi lil din il-qorti l-punti kollha ta’ interpretazzjoni li jistgħu jkunu utli għad-deċiżjoni tal-kawża quddiemha, indipendentement minn jekk tkunx għamlet riferiment għalihom fil-formulazzjoni tad-domandi tagħha. F’dan ir-rigward, hija l-Qorti tal-Ġustizzja li għandha tislet, mill-elementi kollha pprovduti mill-qorti nazzjonali, u b’mod partikolari mill-motivazzjoni tad-deċiżjoni tar-rinviju, il-punti tad-dritt tal-Unjoni li jeħtieġu interpretazzjoni fid-dawl tas-suġġett tat-tilwima. Sabiex tagħti risposta utli lill-qorti li indirizzatilha domanda preliminari, il-Qorti tal-Ġustizzja tista’ wkoll tasal tieħu inkunsiderazzjoni regoli tad-dritt tal-Unjoni li għalihom il-qorti nazzjonali ma tkunx għamlet riferiment fil-formulazzjoni tad-domanda tagħha (sentenzi tal‑20 ta’ Marzu 1986, Tissier, 35/85, EU:C:1986:143, punt 9, kif ukoll tas‑6 ta’ Marzu 2025, ONB et, C-575/23, EU:C:2025:141, punt 57).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Fuq l-ewwel domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Permezz tal-ewwel domanda tagħha, il-qorti tar-rinviju tistaqsi, essenzjalment, jekk l-Artikolu 6(1) u l-Artikolu 7(1) tad-Direttiva 93/13, moqrija fid-dawl tal-Artikoli 7 u 47 tal-Karta, għandhomx jiġu interpretati fis-sens li taqa’ fil-kamp ta’ applikazzjoni tagħhom proċedura ġudizzjarja li fil-kuntest tagħha, minn naħa, il-kumpannija li rebħet l-irkant ta’ proprjetà immobbli li tikkostitwixxi d-dar tal-familja ta’ konsumatur, mibjugħa fil-kuntest ta’ eżekuzzjoni forzata ekstraġudizzjarja ta’ garanzija ipotekarja mogħtija fuq din il-proprjetà minn dan il-konsumatur favur kreditur li huwa bejjiegħ jew fornitur, titlob it-tkeċċija tal-imsemmi konsumatur u, min-naħa l-oħra, dan tal-aħħar jikkontesta, permezz ta’ kontrotalba, il-legalità tat-trasferiment tas-sjieda tal-imsemmija proprjetà immobbli lil din il-kumpannija li rebħet l-irkant, minkejja proċedura ġudizzjarja li kienet għadha pendenti fil-mument ta’ dan it-trasferiment, intiża għas-sospensjoni ta’ din l-eżekuzzjoni forzata minħabba l-eżistenza ta’ klawżoli inġusti fil-kuntratt li ta lok għall-imsemmija eżekuzzjoni, li dwarha l-imsemmija kumpannija li rebħet l-irkant ġiet informata minn qabel mill-istess konsumatur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Mill-ġurisprudenza tal-Qorti tal-Ġustizzja jirriżulta li, sabiex jiġi ddeterminat jekk id-Direttiva 93/13 tistax tiġi invokata b’mod effettiv fi proċedura fejn qed tiġi adita qorti nazzjonali, hemm lok li jiġi eżaminat is-suġġett ta’ din il-proċedura u l-punti speċifiċi tat-tilwima li fiha din hija involuta (ara, f’dan is-sens, is-sentenza tas‑7 ta’ Diċembru 2017, Banco Santander, C‑598/15, EU:C:2017:945, punti 39, 42 u 49).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Minn din il-ġurispridenza jirriżulta wkoll li d-dispożizzjonijiet tad-Direttiva 93/13 ma jistgħux jiġu invokati b’mod effettiv fl-assenza ta’ indizji konkordanti fir-rigward tal-preżenza possibbli ta’ klawżola potenzjalment inġusta fil-kuntratt ta’ self ipotekarju li kien is-suġġett ta’ proċedura ta’ eżekuzzjoni ekstraġudizzjarja (ara, f’dan is-sens, is-sentenza tas‑7 ta’ Diċembru 2017, Banco Santander, C‑598/15, EU:C:2017:945, punt 48).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">Fl-ewwel lok, fir-rigward tas-suġġett tal-proċedura, il-Qorti tal-Ġustizzja ddeċidiet li l-Artikolu 6(1) u l-Artikolu 7(1) tad-Direttiva 93/13 ma jistgħux jiġu invokati b’mod effettiv, bħala prinċipju, f’tilwima li tikkonċerna l-protezzjoni tad-drittijiet in rem marbuta mal-proprjetà akkwistata legalment minn dan il-bejjiegħ jew fornitur wara bejgħ b’subbasta, pjuttost milli ma jistgħux jiġu invokati b’mod effettiv f’tilwima li tikkonċerna l-proċedura ta’ eżekuzzjoni forzata tal-garanzija ipotekarja prevista mill-kuntratt ta’ self konkluż bejn konsumatur u bejjiegħ jew fornitur (ara, f’dan is-sens, is-sentenza tas‑7 ta’ Diċembru 2017, Banco Santander, C‑598/15, EU:C:2017:945, punti 44 u 47).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">F’dawn iċ-ċirkustanzi, fil-fatt, li d-debitur li ffirma għal ipoteka fuq tali proprjetà immobbli jiġi permess iressaq, kontra min akkwista din il-proprjetà, eċċezzjonijiet misluta mill-kuntratt ta’ self ipotekarju, li għalih din il-persuna li takkwista tista’, għaldaqstant, tkun parti terza, tirriskja li taffettwa ċ-ċertezza legali ta’ relazzjonijiet ta’ sjieda stabbiliti (ara, f’dan is-sens, is-sentenza tas‑7 ta’ Diċembru 2017, Banco Santander, C‑598/15, EU:C:2017:945, punt 45).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">Il-Qorti tal-Ġustizzja ddeċidiet ukoll li, f’sitwazzjoni li fiha tkun intemmet il-proċedura ta’ eżekuzzjoni ipotekarja u d-drittijiet ta’ sjieda fir-rigward ta’ proprjetà immobbli jkunu ġew ittrasferiti lil terz, il-qorti, li taġixxi ex officio jew fuq talba tal-konsumatur, ma tistax twettaq iktar eżami tan-natura inġusta ta’ klawżoli kuntrattwali li jwassal għall-annullament tal-atti li jittrasferixxu s-sjieda u, għalhekk, għat-tqegħid inkwistjoni taċ-ċertezza legali tat-trasferiment ta’ sjieda li l-legalità tagħha ma kinitx ikkontestata (ara, f’dan is-sens, is-sentenza tas‑17 ta’ Mejju 2022, Ibercaja Banco, C‑600/19, EU:C:2022:394, punt 57).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">F’dan il-każ, mid-deċiżjoni tar-rinviju jirriżulta li l-kawża prinċipali tikkonċerna madankollu żewġ azzjonijiet li għandhom suġġetti legali li huma differenti minn dawk inkwistjoni fil-kawżi li taw lok għas-sentenzi msemmija fil-punti 65 sa 67 ta’ din is-sentenza. Minn naħa, il-qorti tar-rinviju hija adita b’azzjoni għal tkeċċija tal-konvenuti fil-kawża prinċipali mid-dar tal-familja tagħhom, imressqa mir-rikorrenti fil-kawża prinċipali fl-eżerċizzju tal-prerogattivi mogħtija lilha mid-dritt għas-sjieda li hija kisbet wara l-bejgħ b’irkant ekstraġudizzjarju ta’ din id-dar.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">Min-naħa l-oħra, l-imsemmija tilwima tirrigwarda kontrotalba li permezz tagħha l-konvenuti fil-kawża prinċipali jikkontestaw il-legalità tat-trasferiment tas-sjieda tal-imsemmija dar lir-rikorrenti fil-kawża prinċipali, minħabba li l-Liġi dwar il-Bejgħ b’Irkant Volontarju ma tissodisfax ir-rekwiżit ta’ protezzjoni ġudizzjarja effettiva, affermat mill-ġdid fl-Artikolu 7(1) tad-Direttiva 93/13, u stabbilit ukoll fl-Artikolu 47 tal-Karta. Dawn il-konvenuti jsostnu li din il-liġi ppermettiet li l-eżekuzzjoni forzata tal-garanzija ipotekarja inkwistjoni tkompli minkejja talba għal miżura provviżorja, pendenti quddiem qorti, intiża sabiex tinkiseb is-sospensjoni ta’ din l-eżekuzzjoni forzata. Kif issemma fil-punti 37 u 46 ta’ din is-sentenza, il-qorti tar-rinviju hija tal-fehma li r-rikorrenti fil-kawża prinċipali għandha, skont id-dritt Slovakk, locus standi sabiex tiddefendi ruħha fil-kuntest ta’ tali kontrotalba.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Konsegwentement, b’differenza mit-tilwima li kienet inkwistjoni fil-kawża li tat lok għas-sentenza tas‑7 ta’ Diċembru 2017, Banco Santander (C‑598/15, EU:C:2017:945), it-tilwima fil-kawża prinċipali ma tikkonċernax biss il-protezzjoni tad-drittijiet in rem ta’ sjieda miksuba wara bejgħ ta’ proprjetà immobbli permezz ta’ subbasta, iżda wkoll il-kundizzjonijiet li fihom il-proċedura ta’ eżekuzzjoni forzata tal-garanzija ipotekarja mogħtija fuq din il-proprjetà setgħet twassal għat-trasferiment ta’ dawn id-drittijiet lill-kumpannija li rebħet l-irkant.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Fil-fatt, fil-kuntest tal-kontrotalba tagħhom, il-konvenuti fil-kawża prinċipali ma jinvokawx kontra x-xerrej ta’ proprjetà immobbli, parti terza fil-kuntratt ta’ self ipotekarju relatat ma’ din il-proprjetà, raġunijiet ta’ nullità ta’ dan il-kuntratt jew ta’ wħud mill-klawżoli tiegħu, iżda jikkontestaw il-legalità stess tat-trasferiment tas-sjieda tal-imsemmija proprjetà immobbli lil dan ix-xerrej.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">F’dak li jirrigwarda, fit-tieni lok, il-karatteristiċi speċifiċi tat-tilwima li fiha tidħol il-proċedura, mill-ġurisprudenza jirriżulta li l-Qorti tal-Ġustizzja diġà ħadet inkunsiderazzjoni l-fatt li l-konsumatur ikkonċernat kellu l-opportunità, matul il-proċedura ta’ eżekuzzjoni forzata ta’ garanzija ipotekarja, li jopponi din il-proċedura jew li jitlob is-sospensjoni tagħha għar-raġuni li klawżola inġusta kienet tivvizzja l-kuntratt ta’ self li għalih kienet tirreferi din il-garanzija, kif ukoll il-punt dwar jekk dan il-konsumatur kienx għamel użu minn tali rimedji legali (ara, f’dan is-sens, is-sentenza tas‑7 ta’ Diċembru 2017, Banco Santander, C‑598/15, EU:C:2017:945, punt 49).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">F’dan ir-rigward, il-Qorti tal-Ġustizzja kkonkludiet li l-Artikolu 6(1) u l-Artikolu 7(1) tad-Direttiva 93/13 ma kinux applikabbli għal tilwima li kellha bħala għan il-protezzjoni ta’ drittijiet in rem legalment miksuba mill-offerent rebbieħ ta’ proprjetà immobbli, meta dawn id-drittijiet ikunu ġew ittrasferiti mingħajr ma l-konsumatur ikun għamel użu mir-rimedji legali previsti f’dan il-kuntest (ara, f’dan is-sens, is-sentenza tas‑7 ta’ Diċembru 2017, Banco Santander, C‑598/15, EU:C:2017:945, punt 50).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">Min-naħa l-oħra, f’sitwazzjoni bħal dik fil-kawża prinċipali, l-attitudni tal-konsumaturi f’dak li jikkonċerna l-proċedura ta’ eżekuzzjoni forzata ekstraġudizzjarja ma tistax tiġi kklassifikata bħala totalment passiva. Għall-kuntrarju, l-ewwel nett, il-konvenuti fil-kawża prinċipali ppreżentaw rikors intiż li jipprekludi t-tkomplija ta’ din il-proċedura, filwaqt li żiedu ma’ dan ir-rikors talba għal miżura provviżorja intiża għas-sospensjoni tal-imsemmija proċedura. Issa, skont il-qorti tar-rinviju, dan ir-rimedju legali kien l-uniku wieħed li seta’ jippermetti li wieħed jipponi t-twettiq ta’ bejgħ b’irkant ekstraġudizzjarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Bla ħsara għall-evalwazzjoni li għandha twettaq din il-qorti, il-fatt li, wara t-twettiq tal-bejgħ b’irkant inkwistjoni, il-konvenuti fil-kawża prinċipali rtiraw dan ir-rikors ma jistax iqiegħed inkwistjoni l-konstatazzjoni li dawn il-konvenuti ma baqgħux passivi. Fil-fatt, kif jirriżulta mid-deċiżjoni tar-rinviju, l-imsemmi rikors kien intiż li jikseb ordni biex il-bank joqgħod lura milli jeżegwixxi l-garanzija ipotekarja kkonċernata permezz ta’ bejgħ b’irkant ekstraġudizzjarju u dan ir-rikors kien jinkludi wkoll talba għas-sospensjoni ta’ din il-proċedura ta’ eżekuzzjoni. Għalhekk, l-imsemmija konvenuti setgħu raġonevolment jikkunsidraw li r-rikors kien sar mingħajr skop wara li kien sar dan il-bejgħ b’irkant, ġaladarba qorti ma setgħetx iżjed, f’dan il-mument, tagħti sentenza sabiex tipprekludi jew tissospendi l-eżekuzzjoni ta’ din il-garanzija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">Barra minn hekk, kif issostni r-rikorrenti fil-kawża prinċipali u kif isostni l-Gvern Slovakk, il-konvenuti fil-kawża prinċipali ċertament ma ressqux talba għall-annullament tal-imsemmi bejgħ skont l-Artikolu 21(2) tal-Liġi dwar il-Bejgħ b’Irkant Volontarju. F’dan ir-rigward, għandu jiġi osservat, minn naħa, li, skont l-ispjegazzjonijiet tal-qorti tar-rinviju, din id-dispożizzjoni tippermetti li tintalab in-nullità ta’ bejgħ b’irkant volontarju biss għal tliet raġunijiet li ma jinkludux l-illegalità tal-klawżoli ta’ kuntratt ta’ kreditu konkluż minn konsumatur. Min-naħa l-oħra, il-Gvern Slovakk irrefera għal żewġ digrieti tan-Najvyšší súd Slovenskej republiky (il-Qorti Suprema tar-Repubblika Slovakka) mogħtija matul is-sena 2022 u li minnhom jirriżulta li l-protezzjoni kontra l-klawżoli inġusti li jinsabu fil-kuntratti ta’ konsum taqa’ taħt ir-raġunijiet ta’ nullità ta’ bejgħ b’irkant ekstraġudizzjarju, previsti fl-imsemmija dispożizzjoni. Madankollu, fid-dawl tat-tweġiba tal-qorti tar-rinviju għat-talba għal kjarifika li ġiet indirizzata lilu dwar dan is-suġġett, esposta fil-punti 41 u 42 ta’ din is-sentenza, ma setax ikun mistenni minn konsumatur medju, iddefinit bħala normalment informat u raġonevolment attent u avżat (sentenza tal‑4 ta’ Lulju 2024, Caixabank et (Stħarriġ tat-trasparenza fl-azzjoni kollettiva), C‑450/22, EU:C:2024:577, punt 48 kif ukoll il-ġurisprudenza ċċitata), li dan jantiċipa l-interpretazzjoni tal-Artikolu 21(2) tal-Liġi dwar il-Bejgħ b’Irkant Volontarju li għaliha waslet in-Najvyšší súd Slovenskej republiky (il-Qorti Suprema tar-Repubblika Slovakka) ħames snin wara t-twettiq tal-bejgħ inkwistjoni fil-kawża prinċipali. Madankollu, hija l-qorti nazzjonali li għandha twettaq il-verifiki neċessarji f’dan ir-rigward.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">It-tieni nett, il-qorti tar-rinviju tindika li l-konvenuti fil-kawża prinċipali, matul it-tieni sessjoni tal-bejgħ b’irkant tal-proprjetà immobbli inkwistjoni, informaw lir-rikorrenti fil-kawża prinċipali u lill-irkantatur bl-eżistenza ta’ talba għal miżura provviżorja pendenti intiża għas-sospensjoni tal-eżekuzzjoni forzata tal-garanzija ipotekarja kkonċernata. Għalkemm huwa minnu li, fl-osservazzjonijiet bil-miktub tagħha, din ir-rikorrenti tikkontesta li ġiet informata bl-eżistenza ta’ din it-talba, għandu jitfakkar li, fil-kuntest tal-proċedura msemmija fl-Artikolu 267 TFUE, ibbażata fuq separazzjoni ċara tal-funzjonijiet bejn il-qrati nazzjonali u l-Qorti tal-Ġustizzja, kull evalwazzjoni tal-fatti tal-kawża taqa’ taħt il-ġurisdizzjoni tal-qorti nazzjonali (sentenza tad‑19 ta’ Diċembru 2024, Rustrans, C‑392/23, EU:C:2024:1052, punt 38 u l-ġurisprudenza ċċitata), b’tali mod li l-Qorti tal-Ġustizzja hija marbuta b’din l-evalwazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Bl-istess mod, hija esklużivament il-qorti tar-rinviju li għandha tistabbilixxi, fil-mument li tiddeċiedi fuq il-mertu tat-tilwima fil-kawża prinċipali, jekk miċ-ċirkustanzi li fihom twettaq il-bejgħ b’irkant inkwistjoni fil-kawża prinċipali, li hija tikklassifika bħala “inkwetanti”, b’mod partikolari mill-fatt li l-kumpannija kontraenti li topera fis-settur tal-kreditu, tal-ġestjoni u tal-manutenzjoni ta’ proprjetajiet immobbli ġiet informata bl-eżistenza ta’ proċedura, pendenti quddiem qorti, intiża għall-konstatazzjoni tan-natura inġusta tal-klawżola ta’ skadenza tat-terminu marbut ma’ dan il-bejgħ, jistax jiġi dedott li din il-kumpannija aġixxiet in mala fide waqt l-imsemmi bejgħ u, jekk dan kien il-każ, li jinsiltu l-konsegwenzi li d-dritt nazzjonali jorbot mal-mala fide f’dak li jikkonċerna l-legalità tal-istess bejgħ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Fit-tielet u fl-aħħar lok, għandu jiġi rrilevat, konformement mal-ġurisprudenza ċċitata fil-punt 64 ta’ din is-sentenza, li, fil-fehma tal-qorti tar-rinviju, kienu jeżistu indizji konkordanti, fid-data tal-bejgħ b’irkant inkwistjoni fil-kawża prinċipali, fir-rigward tal-preżenza possibbli ta’ klawżola potenzjalment inġusta fil-kuntratt li ta lok għall-eżekuzzjoni forzata tal-garanzija ipotekarja kkonċernata. Fil-fatt, kif jirriżulta mill-punt 33 ta’ din is-sentenza, din il-qorti tesprimi dubju dwar il-konformità tal-klawżola ta’ skadenza tat-terminu li ta lok għal din l-eżekuzzjoni forzata mar-rekwiżit ta’ trasparenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Mill-kunsiderazzjonijiet preċedenti jirriżulta li, b’differenza mill-kawża li tat lok għas-sentenza tas‑7 ta’ Diċembru 2017, Banco Santander (C‑598/15, EU:C:2017:945), il-konvenuti fil-kawża prinċipali ma baqgħux passivi fil-kuntest tal-proċedura ta’ eżekuzzjoni forzata ekstraġudizzjarja, iżda li, għall-kuntrarju, huma użaw rimedji legali previsti mil-leġiżlazzjoni Slovakka sabiex jopponu din l-eżekuzzjoni, filwaqt li kkomunikaw l-azzjonijiet tagħhom lill-persuni kkonċernati mill-imsemmija eżekuzzjoni. Madankollu, din il-proċedura kompliet u wasslet għall-bejgħ b’irkant tad-dar tal-familja tagħhom, fl-assenza ta’ kwalunkwe stħarriġ ġudizzjarju tal-bażi tad-dejn li tiegħu l-bank talab il-ħlas u dan minkejja li kienu jeżistu indizji konkordanti fir-rigward tan-natura potenzjalment inġusta tal-klawżola ta’ skadenza tat-terminu li ta lok għall-istess eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Issa, fil-kuntest ta’ tilwima kkaratterizzata minn dawn iċ-ċirkustanzi kollha, l-effettività sħiħa tal-protezzjoni mogħtija lill-konsumaturi mid-Direttiva 93/13 u r-rekwiżit ta’ protezzjoni ġudizzjarja effettiva prevista fl-Artikolu 47 tal-Karta jirrikjedu li l-konsumaturi kkonċernati jkunu jistgħu jinvokaw, fil-kuntest ta’ kontrotalba bħal dik inkwistjoni fil-kawża prinċipali, l-Artikolu 6(1) u l-Artikolu 7(1) ta’ din id-direttiva sabiex jikkontestaw il-legalità tat-trasferiment, lill-kumpannija li rebħet l-irkant, tas-sjieda ta’ din il-proprjetà immobbli inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Fil-fatt, mill-kunsiderazzjonijiet preċedenti jirriżulta li, f’tali ċirkustanzi, il-protezzjoni taċ-ċertezza legali tat-trasferiment ta’ sjieda diġà mwettaq lejn terz, li għaliha rreferiet il-Qorti tal-Ġustizzja fil-kuntest tal-kawżi li taw lok għas-sentenzi tas‑7 ta’ Diċembru 2017, Banco Santander (C‑598/15, EU:C:2017:945), u tas‑17 ta’ Mejju 2022, Ibercaja Banco (C‑600/19, EU:C:2022:394), ma tistax titqies li hija ta’ natura assoluta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">Għalhekk, jeħtieġ li r-risposta għall-ewwel domanda tkun li l-Artikolu 6(1) u l-Artikolu 7(1) tad-Direttiva 93/13, moqrija fid-dawl tal-Artikoli 7 u 47 tal-Karta, għandhom jiġu interpretati fis-sens li taqa’ fil-kamp ta’ applikazzjoni tagħhom proċedura ġudizzjarja li fil-kuntest tagħha, minn naħa, il-kumpannija li rebħet l-irkant ta’ proprjetà immobbli li tikkostitwixxi d-dar tal-familja ta’ konsumatur, mibjugħa fil-kuntest ta’ eżekuzzjoni forzata ekstraġudizzjarja ta’ garanzija ipotekarja mogħtija fuq din il-proprjetà minn dan il-konsumatur favur kreditur professjonali, titlob it-tkeċċija tal-imsemmi konsumatur u, min-naħa l-oħra, dan tal-aħħar jikkontesta, permezz ta’ kontrotalba, il-legalità tat-trasferiment ta’ sjieda tal-imsemmija proprjetà immobbli lil din il-kumpannija li rebħet l-irkant, minkejja proċedura ġudizzjarja, li kienet għadha pendenti fil-mument ta’ dan it-trasferiment, intiża għas-sospensjoni tal-eżekuzzjoni ta’ din il-garanzija minħabba l-eżistenza ta’ klawżoli inġusti fil-kuntratt li ta lok għal din l-eżekuzzjoni, li dwarha l-imsemmija kumpannija li rebħet l-irkant ġiet informata minn qabel mill-istess konsumatur. Dan japplika sakemm ikunu eżistew indizji konkordanti, fid-data tal-bejgħ ikkonċernat, fir-rigward tan-natura potenzjalment inġusta ta’ dawn il-klawżoli, u sakemm il-konsumatur ikun għamel użu mir-rimedji legali li setgħu kienu raġonevolment mistennija min-naħa ta’ konsumatur medju, sabiex jikseb stħarriġ ġudizzjarju tal-imsemmija klawżoli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Fuq it-tieni domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">Permezz tat-tieni domanda tagħha, il-qorti tar-rinviju tistaqsi, essenzjalment, jekk l-Artikolu 6(1) u l-Artikolu 7(1) tad-Direttiva 93/13, moqrija fid-dawl tal-Artikoli 7 u 47 tal-Karta, għandhomx jiġu interpretati fis-sens li jipprekludu leġiżlazzjoni nazzjonali li tippermetti li eżekuzzjoni forzata ekstraġudizzjarja ta’ garanzija ipotekarja mogħtija minn konsumatur, favur kreditur li jkun bejjiegħ jew fornitur, fuq proprjetà immobbli li tikkostitwixxi d-dar tal-familja ta’ dan il-konsumatur, tkompli minkejja l-eżistenza ta’ talba għal miżura provviżorja pendenti intiża għas-sospensjoni ta’ din l-eżekuzzjoni u li barra minn hekk ma tipprevedi ebda possibbiltà li jintalab l-annullament tal-imsemmija eżekuzzjoni minħabba l-eżistenza ta’ klawżoli inġusti fil-kuntratt li ta lok għal tali eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">F’dan ir-rigward, kif tfakkar fil-punt 57 ta’ din is-sentenza, kull sitwazzjoni li fiha tqum il-kwistjoni dwar jekk dispożizzjoni proċedurali nazzjonali tagħmilx impossibbli jew eċċessivament diffiċli l-applikazzjoni tad-dritt tal-Unjoni għandha tiġi analizzata billi jittieħed inkunsiderazzjoni, b’mod partikolari, ir-rwol ta’ din id-dispożizzjoni fil-proċedura kollha, kif tiġi żviluppata u l-karatteristiċi partikolari tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">Kif jirriżulta mid-deċiżjoni tar-rinviju, il-Liġi dwar il-Bejgħ b’Irkant Volontarju, li l-konformità tagħha mad-Direttiva 93/13 hija mqiegħda inkwistjoni mill-qorti tar-rinviju, tippermetti lil kreditur li jkun bejjiegħ jew fornitur jeżegwixxi garanzija fuq il-bażi ta’ kuntratt ta’ kreditu mingħajr l-intervent minn qabel ta’ qorti għall-verifika tal-bażi tad-dejn ikkonċernat, inkluż fil-każ ta’ ipoteka kkostitwita fuq id-dar tal-familja ta’ konsumatur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87</p>
</td>
<td valign="top">
<p class="normal">Għalkemm id-Direttiva 93/13 ma tipprekludix, fiha nnifisha, il-proċeduri ta’ eżekuzzjoni forzata ekstraġudizzjarji mressqa minn atturi li ma humiex qrati u li matulhom il-konsumaturi ma jistgħux jinvokaw l-eżistenza ta’ klawżoli inġusti fil-kuntratt li ta lok għall-proċedura ta’ eżekuzzjoni kkonċernata (ara, b’analoġija, fir-rigward tar-rwol li jista’ jiġi fdat lin-nutar fir-rigward tal-istħarriġ ta’ klawżoli kuntrattwali inġusti, is-sentenza tal‑1 ta’ Ottubru 2015, ERSTE Bank Hungary, C‑32/14, EU:C:2015:637, punti 47, 48 u 65), xorta jibqa’ l-fatt li l-Istati Membri għandhom iqiegħdu għad-dispożizzjoni tal-konsumaturi rimedji legali adegwati u effikaċi li jistgħu jiggarantixxu li ma jkunux marbuta b’tali klawżoli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88</p>
</td>
<td valign="top">
<p class="normal">Madankollu, għandu jitfakkar ukoll li, fir-rigward tal-Liġi dwar il-Bejgħ b’Irkant Volontarju, il-Qorti tal-Ġustizzja ddeċidiet li d-Direttiva 93/13 tipprekludi leġiżlazzjoni nazzjonali li bis-saħħa tagħha bejjiegħ jew fornitur jista’, fl-implimentazzjoni ta’ klawżola ta’ skadenza tat-terminu li tinsab f’kuntratt ta’ kreditu fuq il-konsum, jipproċedi għall-irkupru tas-somom dovuti skont din il-klawżola permezz tal-bejgħ, mingħajr ebda proċess ġudizzjarju, tad-dar tal-familja tal-konsumatur (ara, f’dan is-sens, is-sentenza tad‑9 ta’ Novembru 2023, Všeobecná úverová banka, C‑598/21, EU:C:2023:845, punti 84 u 90).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89</p>
</td>
<td valign="top">
<p class="normal">F’dan il-każ, mid-deċiżjoni tar-rinviju jirriżulta li, sabiex jopponi bejgħ b’irkant ekstraġudizzjarju u sabiex jinvoka l-eżistenza ta’ klawżola potenzjalment inġusta fil-kuntratt li ta lok għal dan il-bejgħ, konsumatur għandu jibda proċedura ġudizzjarja li fil-kuntest tagħha huwa jista’ wkoll jitlob, bħala miżura provviżorja, is-sospensjoni tal-imsemmi bejgħ sad-deċiżjoni dwar ir-rikors fuq il-mertu. Madankollu, mit-tieni sentenza tal-Artikolu 19(1) (b) tal-Liġi dwar il-Bejgħ b’Irkant Volontarju jirriżulta li l-irkantatur huwa obbligat li jirrinunzja għall-bejgħ biss jekk miżura provviżorja f’dan is-sens tkun ġiet ordnata minn qorti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90</p>
</td>
<td valign="top">
<p class="normal">Din id-dispożizzjoni tippermetti, kif tixhed is-sitwazzjoni inkwistjoni fil-kawża prinċipali, li ssir eżekuzzjoni forzata minkejja li talba għal miżura provviżorja intiża għas-sospensjoni tagħha tkun pendenti quddiem qorti u b’hekk twassal għat-trasferiment tad-dritt għal sjieda fuq proprjetà immobbli, inkluż fil-każ tad-dar tal-familja tal-konsumatur, qabel ma din il-qorti tkun iddeċidiet dwar din it-talba u minkejja li jkunu jeżistu indizji konkordanti dwar il-preżenza possibbli ta’ klawżola potenzjalment inġusta fil-kuntratt li ta lok għal din l-eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91</p>
</td>
<td valign="top">
<p class="normal">Konsegwentement, minkejja li l-Artikolu 325 tal-Kodiċi ta’ Proċedura Ċivili jippermetti lill-qorti tordna miżura provviżorja, bħas-sospensjoni ta’ bejgħ b’irkant ekstraġudizzjarju, għandu jiġi kkonstatat li dan ir-rimedju legali ma jidhirx li joffri lill-konsumatur possibbiltà effettiva li jikseb, qabel it-twettiq tal-imsemmi bejgħ, stħarriġ ġudizzjarju tal-klawżoli potenzjalment inġusti tal-kuntratt li ta lok għall-eżekuzzjoni kkonċernata, jew tal-inqas stħarriġ prima facie fil-kuntest ta’ talba għal miżura provviżorja, minkejja li l-għoti ta’ tali miżura huwa neċessarju sabiex tiġi ggarantita l-effikaċja tad-deċiżjoni dwar ir-rikors fuq il-mertu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92</p>
</td>
<td valign="top">
<p class="normal">F’dan ir-rigward, kif jirriżulta mill-ġurisprudenza ċċitata fil-punt 59 ta’ din is-sentenza, l-Artikolu 7(1) tad-Direttiva 93/13 jeżiġi li l-konsumatur ma jiġix imċaħħad mill-possibbiltà effettiva li jikseb is-sospensjoni ta’ proċedura ta’ eżekuzzjoni mibdija fuq il-bażi ta’ titolu eżekuttiv ibbażat fuq klawżola kuntrattwali li l-validità tagħha hija kkontestata ġudizzjarjament minħabba n-natura inġusta tagħha, peress li, fl-assenza ta’ din is-sospensjoni, id-deċiżjoni dwar ir-rikors fuq il-mertu, li tikkonstata n-natura inġusta ta’ din il-klawżola, tagħti biss lil dan il-konsumatur protezzjoni a posteriori purament kumpensatorja, li tkun inkompleta u insuffiċjenti, u, għaldaqstant, la tikkostitwixxi mezz adegwat u lanqas effikaċi sabiex l-imsemmija klawżola ma tkomplix tintuża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93</p>
</td>
<td valign="top">
<p class="normal">Dan ir-rekwiżit huwa bil-wisq iktar ġġustifikat, kif jirriżulta mill-ġurisprudenza ċċitata fil-punt 60 ta’ din is-sentenza, meta, bħal fil-kawża prinċipali, il-proċedura ta’ eżekuzzjoni forzata tirrigwarda d-domiċilju tal-konsumatur u tal-familja tiegħu, li l-protezzjoni tagħhom taqa’ taħt id-dritt fundamentali għar-rispett tal-ħajja privata u tal-familja, iggarantit fl-Artikolu 7 tal-Karta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94</p>
</td>
<td valign="top">
<p class="normal">Fir-rigward tal-possibbiltà offruta lill-konsumaturi li jirrimedjaw a posteriori għall-konsegwenzi ta’ bejgħ b’irkant ekstraġudizzjarju, l-Artikolu 21(2) tal-Liġi dwar il-Bejgħ b’Irkant Volontarju jipprevedi d-dritt li tintalab in-nullità ta’ bejgħ f’terminu ta’ tliet xhur mid-data tal-bejgħ b’irkant, fil-każ ta’ kontestazzjoni tal-validità tal-kuntratt li jikkostitwixxi l-garanzija kkonċernata jew ta’ ksur tad-dispożizzjonijiet ta’ din il-liġi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95</p>
</td>
<td valign="top">
<p class="normal">Il-Qorti tar-rinviju ppreċiżat li din id-dispożizzjoni ma tippermettix lill-konsumaturi jitolbu n-nullità ta’ bejgħ b’irkant ekstraġudizzjarju minħabba l-eżistenza ta’ klawżoli inġusti fil-kuntratt li ta lok għall-eżekuzzjoni kkonċernata u li, f’dan il-każ, fid-data li fiha twettaq il-bejgħ b’irkant inkwistjoni fil-kawża prinċipali, ebda sentenza li kkonstatat in-nullità ta’ dan il-bejgħ għal tali raġuni ma kienet ingħatat fis-Slovakkja. Kif issemma fil-punt 41 ta’ din is-sentenza, din il-qorti indikat li għadha ma teżistix, attwalment, ġurisprudenza suffiċjentement stabbilita f’dan is-sens.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96</p>
</td>
<td valign="top">
<p class="normal">Min-naħa l-oħra, fl-osservazzjonijiet bil-miktub tiegħu, il-Gvern Slovakk sostna li l-interpretazzjoni tal-Artikolu 21(2) tal-Liġi dwar il-Bejgħ b’Irkant Volontarju adottata mill-qorti tar-rinviju ma hijiex korretta. F’dan ir-rigward, dan il-gvern semma ġurisprudenza tan-Najvyšší súd Slovenskej republiky (il-Qorti Suprema tar-Repubblika Slovakka), deskritta permezz ta’ żewġ digrieti mogħtija minn din il-qorti suprema matul is-sena 2022, li fihom l-imsemmija qorti suprema interpretat din id-dispożizzjoni fis-sens li l-eżistenza ta’ klawżoli inġusti fil-kuntratt li ta lok għal eżekuzzjoni forzata ekstraġudizzjarja tikkostitwixxi raġuni li tippermetti li tiġi ddikjarata n-nullità tal-bejgħ li seħħ fil-kuntest ta’ din l-eżekuzzjoni. Tali interpretazzjoni tirriżulta tkun neċessarja meta bejgħ b’irkant ma jkunx neċessarjament ippreċedut minn stħarriġ ġudizzjarju tal-kreditu mitlub.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">97</p>
</td>
<td valign="top">
<p class="normal">Fit-tweġiba tiegħu għall-mistoqsijiet li sarulu konformement mal-Artikolu 62 tar-Regoli tal-Proċedura, l-imsemmi gvern żied li din il-ġurisprudenza ġiet ikkonfermata min-Najvyšší súd Slovenskej republiky (il-Qorti Suprema tar-Repubblika Slovakka) f’sentenza ġdida, mogħtija fis‑27 ta’ Novembru 2023, li fiha din il-qorti suprema ddeċidiet li, fil-proċeduri għall-annullament ta’ bejgħ b’irkant ekstraġudizzjarju, il-qrati huma obbligati jeżaminaw ex officio jekk il-kuntratt ta’ garanzija konkluż ma’ konsumatur jinkludix klawżoli inġusti, sabiex tiġi żgurata protezzjoni legali adegwata tal-konsumaturi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">98</p>
</td>
<td valign="top">
<p class="normal">F’dan ir-rigward, għandu jitfakkar li, fil-kuntest ta’ proċedura mressqa bis-saħħa tal-Artikolu 267 TFUE, ma hijiex il-Qorti tal-Ġustizzja li għandha tiddeċiedi dwar l-interpretazzjoni tad-dispożizzjonijiet nazzjonali, peress li tali interpretazzjoni fil-fatt taqa’ taħt il-ġurisdizzjoni esklużiva tal-qrati nazzjonali (sentenza tat‑28 ta’ Frar 2019, Gradbeništvo Korana, C‑579/17, EU:C:2019:162, punt 59 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">99</p>
</td>
<td valign="top">
<p class="normal">Issa, jekk jitqies li l-Artikolu 21(2) tal-Liġi dwar il-Bejgħ b’Irkant Volontarju issa jiġi interpretat min-Najvyšší súd Slovenskej republiky (il-Qorti Suprema tar-Repubblika Slovakka) bil-mod espost fil-punti 96 u 97 ta’ din is-sentenza, fatt li għandu jiġi ddeterminat mill-qorti tar-rinviju, dan il-fatt ikun, kif sostniet l-Avukata Ġenerali fil-punt 79 tal-konklużjonijiet tagħha, mingħajr preġudizzju għall-kwistjoni dwar jekk, fid-dawl tad-data tal-bejgħ b’irkant inkwistjoni fil-kawża prinċipali, il-konvenuti fil-kawża prinċipali setgħux raġonevolment jipprevedu li jiksbu l-annullament ta’ dan il-bejgħ permezz ta’ rikors ippreżentat fuq il-bażi ta’ din id-dispożizzjoni fi żmien tliet xhur mill-irkant tal-proprjetà immobbli li kienet l-oġġett tal-imsemmi bejgħ. Suġġett għall-verifiki li għandha twettaq l-imsemmija qorti, l-interpretazzjoni tal-imsemmija dispożizzjoni li waslet għaliha n-Najvyšší súd Slovenskej republiky (il-Qorti Suprema tar-Repubblika Slovakka) tidher li kienet iġġustifikata preċiżament min-neċessità li tiġi rrimedjata l-assenza, fl-istess dispożizzjoni, ta’ kwalunkwe riferiment dwar il-possibbiltà li tintalab in-nullità ta’ bejgħ b’irkant minħabba l-eżistenza ta’ klawżoli inġusti fil-kuntratt li ta lok għal dan il-bejgħ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">100</p>
</td>
<td valign="top">
<p class="normal">Mill-kunsiderazzjonijiet preċedenti jirriżulta li, bla ħsara għall-verifiki li għandha twettaq il-qorti tar-rinviju, ir-rimedji legali li kellhom il-konvenuti fil-kawża prinċipali fid-data tat-twettiq tal-bejgħ b’irkant inkwistjoni fil-kawża prinċipali ma kinux jissodisfaw ir-rekwiżit ta’ protezzjoni ġudizzjarja effettiva peress li dawn la kienu joffru possibbiltà effettiva li jiġi sospiż it-twettiq ta’ dan il-bejgħ, fil-kuntest ta’ eżekuzzjoni forzata, sabiex ikun jista’ jsir l-istħarriġ ġudizzjarju ta’ klawżola potenzjalment inġusta fil-kuntratt li ta lok għal din l-eżekuzzjoni, minkejja li kienet pendenti talba għal sospensjoni quddiem qorti, u lanqas il-possibbiltà li jintalab l-annullament tal-imsemmi bejgħ minħabba l-preżenza ta’ din il-klawżola, u dan minkejja l-eżistenza ta’ indizji konkordanti fir-rigward tan-natura potenzjalment inġusta ta’ din il-klawżola.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">101</p>
</td>
<td valign="top">
<p class="normal">L-aspetti enfasizzati mill-qorti tar-rinviju fil-kuntest ta’ din it-talba għal deċiżjoni preliminari, imfakkra b’mod partikolari fil-punt 95 ta’ din is-sentenza, juru li, tal-inqas fid-data li fiha twettaq il-bejgħ b’irkant inkwistjoni fil-kawża prinċipali, id-dispożizzjonijiet tal-Liġi dwar il-Bejgħ b’Irkant Volontarju kienu fil-prattika jirrendu eċċessivament diffiċli, jekk mhux impossibbli, is-salvagwardja ta’ dawn id-drittijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">102</p>
</td>
<td valign="top">
<p class="normal">Sabiex tingħata risposta utli lill-qorti tar-rinviju fir-rigward tal-possibbiltà ta’ interpretazzjoni tal-Artikolu 21(2) tal-Liġi dwar il-Bejgħ b’Irkant Volontarju li tkun konformi mad-dispożizzjonijiet tad-Direttiva 93/13, għandu jiġi osservat li, fid-dawl tal-ġurisprudenza reċenti tan-Najvyšší súd Slovenskej republiky (il-Qorti Suprema tar-Repubblika Slovakka), imsemmija fil-punti 96 u 97 ta’ din is-sentenza, kif esposta mill-Gvern Slovakk, tali interpretazzjoni ma tidhirx li hija eskluża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">103</p>
</td>
<td valign="top">
<p class="normal">Jekk il-qorti tar-rinviju tasal għall-konklużjoni li hija tista’ twettaq interpretazzjoni tal-Artikolu 21(2) tal-Liġi dwar il-Bejgħ b’Irkant Volontarju skont id-dispożizzjonijiet tad-Direttiva 93/13, f’dak li jirrigwarda r-raġunijiet ta’ annullament previsti minnu, għandu jiġi osservat li dan l-Artikolu 21(2) jipprevedi wkoll li talba għal annullament kellha titressaq f’terminu ta’ tliet xhur mid-data tal-bejgħ b’irkant. F’dan ir-rigward, kif jirriżulta mill-punti 76 u 99 ta’ din is-sentenza, ma setax, suġġett għal verifika mill-qorti tar-rinviju, ikun raġonevolment mistenni mill-konvenuti fil-kawża prinċipali li huma jressqu talba għall-annullament tal-bejgħ b’irkant ikkonċernat fuq il-bażi ta’ din id-dispożizzjoni. Issa, l-importanza tal-interess pubbliku sottostanti għall-protezzjoni li din id-direttiva tagħti lill-konsumaturi u l-ħtieġa li tiġi ggarantita l-effettività tad-drittijiet li l-partijiet fil-kawża jisiltu mill-imsemmija direttiva, li timplika, b’mod partikolari, rekwiżit ta’ protezzjoni ġudizzjarja effettiva, jiġġustifikaw, fl-assenza ta’ rimedji effettivi li jippermettulhom jinvokaw id-drittijiet tagħhom li jirriżultaw mill-istess direttiva qabel id-data tal-bejgħ b’irkant, li l-konvenuti fil-kawża prinċipali ma jkunux preklużi, fil-kawża prinċipali, milli jikkontestaw l-eżekuzzjoni forzata li tat lok għal dan il-bejgħ b’irkant (ara, b’analoġija, is-sentenza tas‑17 ta’ Mejju 2022, Ibercaja Banco, C‑600/19, EU:C:2022:394, punti 45, 49 u 50).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">104</p>
</td>
<td valign="top">
<p class="normal">Barra minn hekk, peress li mill-punti preċedenti jirriżulta li l-qorti tar-rinviju jista’ jkollha tikkonstata n-nullità tal-bejgħ b’irkant inkwistjoni fil-kawża prinċipali u, konsegwentement, tistabbilixxi mill-ġdid ir-relazzjonijiet ġuridiċi eżistenti bejn il-konvenuti fil-kawża prinċipali u l-bank qabel ma dan il-bejgħ ikun twettaq, din il-qorti jkollha teżamina, fid-dawl tad-dritt nazzjonali applikabbli, il-possibbiltà li dan il-bank ikun jista’ jipparteċipa fil-proċedura, b’kull modalità proċedurali adegwata, b’mod partikolari, jew permezz ta’ intervent volontarju, jew, jekk ikun il-każ, permezz ta’ intervent forzat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">105</p>
</td>
<td valign="top">
<p class="normal">Fid-dawl ta’ dawn ir-raġunijiet, jeħtieġ li r-risposta għat-tieni domanda tkun li l-Artikolu 6(1) u l-Artikolu 7(1) tad-Direttiva 93/13, moqrija fid-dawl tal-Artikoli 7 u 47 tal-Karta, għandhom jiġu interpretati fis-sens li jipprekludu leġiżlazzjoni nazzjonali li tippermetti li eżekuzzjoni forzata ekstraġudizzjarja ta’ garanzija ipotekarja mogħtija minn konsumatur, favur kreditur li jkun bejjiegħ jew fornitur, fuq proprjetà immobbli li tikkostitwixxi d-dar tal-familja ta’ dan il-konsumatur, tkompli minkejja l-eżistenza ta’ talba għal miżura provviżorja pendenti quddiem qorti intiża għas-sospensjoni ta’ din l-eżekuzzjoni kif ukoll indizji konkordanti dwar il-preżenza possibbli ta’ klawżola potenzjalment inġusta fil-kuntratt li ta lok għall-imsemmija eżekuzzjoni, u li barra minn hekk ma tipprevedi ebda possibbiltà li jinkiseb b’mod ġudizzjarju l-annullament tal-istess eżekuzzjoni minħabba l-eżistenza ta’ klawżoli inġusti f’dan il-kuntratt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tielet domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">106</p>
</td>
<td valign="top">
<p class="normal">Permezz tat-tielet domanda tagħha, il-qorti tar-rinviju tistaqsi, essenzjalment, jekk id-Direttiva 2005/29 għandhiex tiġi interpretata fis-sens li l-eżekuzzjoni ta’ garanzija fuq il-bażi ta’ klawżola kuntrattwali illegali li tipprevedi l-iskadenza tat-terminu ta’ kreditu li jirriżulta minn kuntratt ta’ kreditu għall-konsum tikkostitwixxi prattika kummerċjali żleali, fis-sens tal-Artikolu 5 ta’ din id-direttiva, jiġifieri, b’mod partikolari, prattika kummerċjali aggressiva, fis-sens tal-Artikoli 8 u 9 tal-imsemmija direttiva, li tista’ twassal għar-responsabbiltà kemm tal-persuna li ssellef li hija bejjiegħa jew fornitriċi kif ukoll tal-kumpannija ta’ bejgħ b’irkant li teżegwixxi din il-garanzija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">107</p>
</td>
<td valign="top">
<p class="normal">Ir-rikorrenti fil-kawża prinċipali, il-Gvern Slovakk u l-Kummissjoni Ewropea jitolbu li din id-domanda tiġi kkunsidrata inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">108</p>
</td>
<td valign="top">
<p class="normal">F’dan ir-rigward, għandu jiġi osservat li l-qorti tar-rinviju ma tippreċiżax ir-raġunijiet għalfejn risposta għall-imsemmija domanda hija neċessarja sabiex tkun tista’ tagħti deċiżjoni fit-tilwima li għandha quddiemha, fis-sens tal-ġurisprudenza ċċitata fil-punt 45 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">109</p>
</td>
<td valign="top">
<p class="normal">Barra minn hekk, kif issostni l-Kummissjoni fl-osservazzjonijiet bil-miktub tagħha, prattika kummerċjali hija intiża, min-natura tagħha stess, sabiex tħeġġeġ lill-konsumatur jieħu deċiżjoni kummerċjali li kieku ma kienx jieħu f’ċirkustanzi oħra. Issa, id-deċiżjoni tar-rinviju ma tindikax b’mod ċar it-tip ta’ deċiżjoni kummerċjali meħuda mill-konvenuti fil-kawża prinċipali li l-bank, jew anki l-irkantatur, ikunu bidlu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">110</p>
</td>
<td valign="top">
<p class="normal">Peress li risposta għat-tielet domanda tmur għalhekk lil hinn mill-kuntest tal-missjoni ġudizzjarja li għandha l-Qorti tal-Ġustizzja bis-saħħa tal-Artikolu 267 TFUE, din id-domanda hija, għaldaqstant, inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">111</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija din il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, minbarra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-193" title="page-27">
      Għal dawn il-motivi, Il-Qorti tal-Ġustizzja (Awla Manja) taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">L-Artikolu 6(1) u l-Artikolu 7(1) tad-Direttiva tal-Kunsill 93/13/KEE tal‑5 ta’ April 1993 dwar klawżoli inġusti f’kuntratti mal-konsumatur, moqrija fid-dawl tal-Artikoli 7 u 47 tal-Karta tad-Drittijiet Fundamentali tal-Unjoni Ewropea,</p>
</td>
</tr>
</table>
    <p class="C32Dispositifmarge1" id="para-195" title="page-27">
      għandhom jiġu interpretati fis-sens li:
    </p>
    <p class="C32Dispositifmarge1" id="para-196" title="page-27">
      taqa’ fil-kamp ta’ applikazzjoni tagħhom proċedura ġudizzjarja li fil-kuntest tagħha, minn naħa, il-kumpannija li rebħet l-irkant ta’ proprjetà immobbli li tikkostitwixxi d-dar tal-familja ta’ konsumatur, mibjugħa fil-kuntest ta’ eżekuzzjoni forzata ekstraġudizzjarja ta’ garanzija ipotekarja mogħtija fuq din il-proprjetà minn dan il-konsumatur favur kreditur professjonali, titlob it-tkeċċija tal-imsemmi konsumatur u, min-naħa l-oħra, dan tal-aħħar jikkontesta, permezz ta’ kontrotalba, il-legalità tat-trasferiment ta’ sjieda tal-imsemmija proprjetà immobbli lil din il-kumpannija li rebħet l-irkant, minkejja proċedura ġudizzjarja, li kienet għadha pendenti fil-mument ta’ dan it-trasferiment, intiża għas-sospensjoni tal-eżekuzzjoni ta’ din il-garanzija minħabba l-eżistenza ta’ klawżoli inġusti fil-kuntratt ta lok għal din l-eżekuzzjoni, li dwarha l-imsemmija kumpannija li rebħet l-irkant ġiet informata minn qabel mill-istess konsumatur. Dan japplika sakemm ikunu eżistew indizji konkordanti, fid-data tal-bejgħ ikkonċernat, fir-rigward tan-natura potenzjalment inġusta ta’ dawn il-klawżoli, u sakemm il-konsumatur ikun għamel użu mir-rimedji legali li setgħu kienu raġonevolment mistennija min-naħa ta’ konsumatur medju, sabiex jikseb stħarriġ ġudizzjarju tal-imsemmija klawżoli.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">L-Artikolu 6(1) u l-Artikolu 7(1) tad-Direttiva 93/13, moqrija fid-dawl tal-Artikoli 7 u 47 tal-Karta tad-Drittijiet Fundamentali,</p>
</td>
</tr>
</table>
    <p class="C32Dispositifmarge1" id="para-198" title="page-28">
      għandhom jiġu interpretati fis-sens li:
    </p>
    <p class="C32Dispositifmarge1" id="para-199" title="page-28">
      jipprekludu leġiżlazzjoni nazzjonali li tippermetti li eżekuzzjoni forzata ekstraġudizzjarja ta’ garanzija ipotekarja mogħtija minn konsumatur, favur kreditur li jkun bejjiegħ jew fornitur, fuq proprjetà immobbli li tikkostitwixxi d-dar tal-familja ta’ dan il-konsumatur, tkompli minkejja l-eżistenza ta’ talba għal miżura provviżorja pendenti quddiem qorti intiża għas-sospensjoni ta’ din l-eżekuzzjoni kif ukoll indizji konkordanti dwar il-preżenza possibbli ta’ klawżola potenzjalment inġusta fil-kuntratt li ta lok għall-imsemmija eżekuzzjoni, u li barra minn hekk ma tipprevedi ebda possibbiltà li jinkiseb b’mod ġudizzjarju l-annullament tal-istess eżekuzzjoni minħabba l-eżistenza ta’ klawżoli inġusti f’dan il-kuntratt.
    </p>
    <div class="signatures">
<p class="C77Signatures" id="para-200" title="page-28">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: is-Slovakk.</p>
</body>
</html>
