17.12.2019   

MT

Il-Ġurnal Uffiċjali tal-Unjoni Ewropea

C 424/20


Notifika minn qabel ta’ konċentrazzjoni

(Il-Każ M.9628 — Thoma Bravo/Sophos Group)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2019/C 424/07)

1.   

Fis-6 ta’ Diċembru 2019, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—

Thoma Bravo, LLC (“Thoma Bravo”, l-Istati Uniti tal-Amerka),

—

Sophos Group plc (“Sophos”, ir-Renju Unit).

Thoma Bravo takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħdani ta’ Sophos kollha kemm hi.

Il-konċentrazzjoni hija mwettqa permezz ta’ offerta pubblika.

2.   

L-attivitajiet kummerċjali tal-impriżi kkonċernati huma:

—

Thoma Bravo hija ditta ta’ ekwità privata li tinvesti b’enfasi partikolari fuq software ta’ applikazzjoni u ta’ infrastruttura u servizzi li jkunu possibbli bit-teknoloġija;

—

Sophos hija kumpanija tat-teknoloġija li tissupplixxi soluzzjonijiet taċ-ċibersigurtà mad-dinja kollha.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9628 — Thoma Bravo/Sophos Group

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks:+32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.