Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2024/861 |
19.3.2024 |
CINNEADH CUR CHUN FEIDHME (AE) 2024/861 ÓN gCOIMISIÚN
an 15 Márta 2024
maidir le haitheantas a thabhairt don tuarascáil lena n-áirítear faisnéis faoi na hastaíochtaí gás ceaptha teasa tipiciúla ó shaothrú olashíl canóla (síol ráibe) i gCeanada faoi Airteagal 31(3) agus (4) de Threoir (AE) 2018/2001 ó Pharlaimint na hEorpa agus ón gComhairle
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Threoir (AE) 2018/2001 ó Pharlaimint na hEorpa agus ón gComhairle an 11 Nollaig 2018 maidir le húsáid fuinnimh ó fhoinsí inathnuaite a chur chun cinn (1), agus go háirithe Airteagal 31(4) di,
De bharr an mhéid seo a leanas:
|
(1) |
Leagtar amach i dTreoir (AE) 2018/2001 nach mór go sábháiltear le bithbhreoslaí, bithleachtanna agus breoslaí bithmhaise líon mór astaíochtaí gás ceaptha teasa i gcomparáid le breoslaí iontaise ionas gur féidir iad a áireamh mar chuid de na spriocanna a leagtar amach sa Treoir sin. Chun na críche sin, le hAirteagal 29(10), leagtar síos tairseacha maidir leis an laghdú ar astaíochtaí le haghaidh na mbreoslaí sin, agus le hAirteagal 31, rialaítear an bealach a ríomhtar an laghdú ar astaíochtaí gás ceaptha teasa ó úsáid na mbreoslaí sin. Agus na ríomhanna sin á ndéanamh, is féidir úsáid a bhaint as na luachanna réamhshocraithe a leagtar amach in Iarscríbhinní V agus VI a ghabhann le Treoir (AE) 2018/2001. In ionad luachanna réamhshocraithe na n-astaíochtaí gás ceaptha teasa a thagann ó shaothrú amhábhar talmhaíochta, is féidir úsáid a bhaint as luachanna tipiciúla faoi roinnt coinníollacha. Na luachanna tipiciúla sin, arb éard atá iontu an meánluach i limistéar sonrach, féadfaidh na Ballstáit nó tríú tíortha iad a thuairisciú don Choimisiún. Ní fhéadfar na luachanna tipiciúla a úsáid ach amháin má aithníonn an Coimisiún go bhfuil siad cruinn. |
|
(2) |
An 23 Lúnasa 2023, sheol Ceanada an tuarascáil deiridh ina bhfuil na sonraí chuig an gCoimisiún chun na hastaíochtaí gás ceaptha teasa a thomhas a bhaineann le saothrú olashíl canóla (síol ráibe) a tháirgtear de ghnáth i réigiúin i gCeanada atá coibhéiseach le réigiúin NUTS 2 (2) an Aontais, tuarascáil inar iarr sé go dtabharfaí aitheantas do chruinneas na sonraí sin i gcomhréir le hAirteagal 31(4) de Threoir (AE) 2018/2001. |
|
(3) |
Rinne an Coimisiún measúnú ar an tuarascáil agus chinn sé go soláthraítear léi sonraí cruinne chun na hastaíochtaí gás ceaptha teasa a thomhas a bhaineann le saothrú olashíl canóla (síol ráibe) a tháirgtear de ghnáth i réigiúin i gCeanada atá coibhéiseach le réigiúin NUTS 2 an Aontais. |
|
(4) |
Féadfaidh an Coimisiún an Cinneadh seo a aisghairm má léirítear go soiléir nach soláthraítear leis an tuarascáil a thuilleadh sonraí cruinne chun na hastaíochtaí gás ceaptha teasa a thomhas a bhaineann le saothrú olashíl canóla (síol ráibe) a tháirgtear i gCeanada. |
|
(5) |
Na bearta dá bhforáiltear sa Chinneadh seo, tá siad i gcomhréir leis an tuairim ón gCoiste um Inbhuanaitheacht Bithbhreoslaí, Bithleachtanna agus Breoslaí Bithmhaise. |
TAR ÉIS AN CINNEADH SEO A GHLACADH:
Airteagal 1
An tuarascáil a chuir Ceanada faoi bhráid an Choimisiúin an 23 Lúnasa 2023 chun aitheantas a fháil ina leith, soláthraítear léi sonraí cruinne chun na hastaíochtaí gás ceaptha teasa a thomhas a bhaineann le saothrú olashíl canóla (síol ráibe) a tháirgtear de ghnáth iréigiúin i gCeanada atá coibhéiseach le réigiúin NUTS 2 an Aontais. Leagtar amach san Iarscríbhinn achoimre ar shonraí na tuarascála.
Airteagal 2
I gcás ina ndéanfar athrú ar na sonraí sa tuarascáil, mar a cuireadh faoi bhráid an Choimisiúin í san iarraidh ar aitheantas an 23 Lúnasa 2023, arb athrú é a d’fhéadfadh difear a dhéanamh do bhunús an Chinnidh seo, cuirfear na hathruithe sin in iúl don Choimisiún láithreach. Déanfaidh an Coimisiún measúnú ar na hathruithe faoina dtugtar fógra chun cinneadh a dhéanamh cé acu a sholáthraítear nó nach soláthraítear sonraí cruinne fós leis an tuarascáil a bhfuil sí aitheanta ina leith.
Airteagal 3
Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Scoirfidh sé d’fheidhm a bheith aige an 8 Aibreán 2029.
Arna dhéanamh sa Bhruiséil, an 15 Márta 2024.
Thar ceann an Choimisiúin
An tUachtarán
Ursula VON DER LEYEN
(1) IO L 328, 21.12.2018, lch. 82.
(2) Is córas aicmithe é NUTS le haghaidh aonaid chríche an Aontais Eorpaigh maidir le staidreamh.
IARSCRÍBHINN
Astaíochtaí gás ceaptha teasa a eascraíonn as saothrú olashíl canóla (síol ráibe) i réigiúin Cheanada (tona de choibhéis CO2/tona de shíol canóla a bhuaintear ar bhonn ábhar tirim)
|
Coibhéis NUTS 2 |
Ithir N2O |
Leabaithe |
Úsáid Breosla |
Síol |
Iomlán |
||||
|
Aonaid réitigh (RU) |
Díreach |
Indíreach |
Leasachán |
Neodrú |
Lotnaidicíd |
||||
|
Manitoba |
RU22 |
0,445 |
0,089 |
0,223 |
0,047 |
0,008 |
0,059 |
0,002 |
0,873 |
|
RU23 |
0,255 |
0,063 |
0,208 |
0,047 |
0,007 |
0,052 |
0,002 |
0,633 |
|
|
RU24 |
0,207 |
0,058 |
0,205 |
0,045 |
0,007 |
0,052 |
0,002 |
0,575 |
|
|
Saskatchewan |
RU28 |
0,146 |
0,053 |
0,206 |
0,044 |
0,006 |
0,043 |
0,002 |
0,500 |
|
RU29 |
0,118 |
0,047 |
0,212 |
0,044 |
0,007 |
0,043 |
0,002 |
0,473 |
|
|
RU30 |
0,150 |
0,037 |
0,218 |
0,045 |
0,007 |
0,043 |
0,002 |
0,503 |
|
|
Alberta |
RU34 |
0,223 |
0,065 |
0,229 |
0,050 |
0,007 |
0,049 |
0,002 |
0,625 |
|
RU35 |
0,160 |
0,047 |
0,193 |
0,040 |
0,007 |
0,045 |
0,002 |
0,493 |
|
|
RU37 |
0,339 |
0,039 |
0,232 |
0,047 |
0,008 |
0,056 |
0,002 |
0,723 |
|
ELI: http://data.europa.eu/eli/dec_impl/2024/861/oj
ISSN 1977-0839 (electronic edition)