|
Iris Oifigiúil |
GA Sraith L |
|
2024/2162 |
14.8.2024 |
CINNEADH CUR CHUN FEIDHME (CBES) 2024/2162 ÓN gCOMHAIRLE
an 14 Lúnasa 2024
lena gcuirtear chun feidhme Cinneadh 2014/932/CBES a bhaineann le bearta sriantacha i bhfianaise na staide in Éimin
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 31(2) de,
Ag féachaint do Chinneadh 2014/932/CBES ón gComhairle an 18 Nollaig 2014 a bhaineann le bearta sriantacha i bhfianaise na staide in Éimin (1), agus go háirithe Airteagal 3 de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 18 Nollaig 2014, ghlac an Chomhairle Cinneadh 2014/932/CBES. |
|
(2) |
An 30 Iúil 2024, scrios Coiste Chomhairle Slándála na Náisiún Aontaithe arna bhunú de bhun Rún 2140 (2014) ó Chomhairle Slándála na Náisiún Aontaithe beirt de liosta na ndaoine agus na n-eintiteas atá faoi réir bearta sriantacha. |
|
(3) |
Ba cheart, dá bhrí sin, an Iarscríbhinn a ghabhann le Cinneadh 2014/932/CBES a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Leasaítear an Iarscríbhinn a ghabhann le Cinneadh 2014/932/CBES i gcomhréir leis an Iarscríbhinn a ghabhann leis an gCinneadh seo.
Airteagal 2
Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 14 Lúnasa 2024.
Thar ceann na Comhairle
An tUachtarán
BÓKA J.
IARSCRÍBHINN
Scriostar na hiontrálacha seo a leanas den liosta a leagtar amach faoin bhfo-cheannteideal ‘Daoine’ san Iarscríbhinn a ghabhann le Cinneadh 2014/932/CBES (‘Liosta na ndaoine agus na n-eintiteas dá dtagraítear in Airteagail 1(1), 2a(1) agus Airteagal 2b(1) agus (2)’):
|
3. |
Ali Abdullah Saleh (ailias: Ali Abdallah Salih); |
|
5. |
Ahmed Ali Abdullah Saleh (ailias: Ahmed Ali Abdullah Al-Ahmar). |
ELI: http://data.europa.eu/eli/dec_impl/2024/2162/oj
ISSN 1977-0839 (electronic edition)