|
Iris Oifigiúil |
GA Sraith C |
|
C/2024/4038 |
17.7.2024 |
P9_TA(2023)0291
An Gníomh chun Tacú le Táirgeadh Armlóin
Rún reachtach ó Pharlaimint na hEorpa an 13 Iúil 2023 ar an togra le haghaidh rialachán ó Pharlaimint na hEorpa agus ón gComhairle maidir le bunú an Ghnímh chun Tacú le Táirgeadh Armlóin (COM(2023)0237 – C9-0161/2023 – 2023/0140(COD))
(An gnáthnós imeachta reachtach: an chéad léamh)
(C/2024/4038)
Tá Parlaimint na hEorpa,
|
— |
ag féachaint don togra ón gCoimisiún chuig Parlaimint na hEorpa agus chuig an gComhairle (COM(2023)0237), |
|
— |
ag féachaint d’Airteagal 294(2), d’Airteagal 114 agus d’Airteagal 173(3) den Chonradh ar Fheidhmiú an Aontais Eorpaigh, ar dá mbun a thíolaic a Coimisiún an togra do Pharlaimint na hEorpa (C9-0161/2023), |
|
— |
ag féachaint d’Airteagal 294(3) den Chonradh ar Fheidhmiú an Aontais Eorpaigh, |
|
— |
ag féachaint do thuairim ó Choiste Eacnamaíoch agus Sóisialta na hEorpa an 14 Meitheamh 2023 (1), |
|
— |
ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 7 Iúil 2023 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh, |
|
— |
ag féachaint do Rialacha 59 agus 163 dá Rialacha Nós Imeachta, |
|
1. |
ag glacadh a seasaimh ar an gcéad léamh mar a leagtar amach anseo ina dhiaidh seo é; |
|
2. |
ag formheas an ráitis chomhpháirtigh ó Pharlaimint na hEorpa agus ón gComhairle atá i gceangal leis an rún seo, a fhoilseofar i sraith C d’Iris Oifigiúil an Aontais Eorpaigh; |
|
3. |
á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil; |
|
4. |
á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta. |
(1) Nár foilsíodh fós san Iris Oifigiúil.
P9_TC1-COD(2023)0140
Seasamh ó Pharlaimint na hEorpa arna ghlacadh ar an gcéad léamh an 13 Iúil 2023 chun go nglacfaí Rialachán (AE) 2023/... ó Pharlaimint na hEorpa agus ón gComhairle maidir le tacú le táirgeadh armlóin (ASAP)
(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Rialachán (AE) 2023/1525.)
IARSCRÍBHINN A GHABHANN LEIS AN RÚN REACHTACH
RÁITEAS COMHPHÁIRTEACH Ó PHARLAIMINT NA hEORPA AGUS ÓN gCOMHAIRLE AR GHLACADH AN RIALACHÁIN MAIDIR LE TACÚ LE TÁIRGEADH ARMLÓIN (ASAP)
Aithníonn Parlaimint na hEorpa agus an Chomhairle a phráinní atá sé cabhrú le Bonn Tionsclaíoch agus Teicneolaíoch na Cosanta Eorpaí (EDTIB) dlús a chur le táirgeadh i gcomhthéacs na ndúshlán a eascraíonn as cogadh foghach na Rúise gan chúis gan údar i gcoinne na hÚcráine, agus meabhraíonn siad go dtugtar freagairt láithreach leis an Rialachán maidir le tacú le táirgeadh armlóin (ASAP) ar an ngá práinneach sin trí ionstraim shealadach nua a chur ar bun chun infheistíochtaí tionsclaíocha a éascú.
Leagann Parlaimint na hEorpa agus an Chomhairle béim ar an ngá atá le breithniú a dhéanamh ar na bearta iomchuí uile chun EDTIB a neartú agus a fhorbairt, lena n-áirítear fiontair bheaga agus mheánmhéide, agus chun bacainní agus scrogaill a bhaint ionas go mbeidh an tionscal in ann níos mó a tháirgeadh feadh na slabhraí luacha.
Dá bhrí sin, iarrann Parlaimint na hEorpa agus an Chomhairle ar an gCoimisiún breithniú a dhéanamh, de réir mar is iomchuí, ar aon tionscnaimh bhreise is gá a chur ar aghaidh a luaithe is féidir chun EDTIB a neartú, lena n-áirítear maoiniú leordhóthanach, mar shampla i gcomhthéacs an Chláir Eorpaigh Infheistíochta um Chosaint, chomh maith le creat dlíthiúil atá dírithe ar shlándáil an tsoláthair a áirithiú agus ar thacú le táirgeadh armlón.
Comhaontaíonn Parlaimint na hEorpa agus an Chomhairle aon tionscnaimh den sórt sin a scrúdú gan mhoill agus de mheon an chomhair dhílis fhrithpháirtigh.
ELI: http://data.europa.eu/eli/C/2024/4038/oj
ISSN 1977-107X (electronic edition)