|
28.9.2017 |
MT |
Il-Ġurnal Uffiċjali tal-Unjoni Ewropea |
L 250/34 |
REGOLAMENT TA' IMPLIMENTAZZJONI TAL-KUMMISSJONI (UE) 2017/1759
tas-27 ta' Settembru 2017
li jimponi dazju antidumping definittiv fuq l-importazzjonijiet tal-karbonat tal-barju li joriġinaw mir-Repubblika tal-Poplu taċ-Ċina wara rieżami tal-iskadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Unjoni Ewropea (1) (“ir-Regolament bażiku”), u b'mod partikolari l-Artikolu 11(2) tiegħu,
Billi:
1. PROĊEDURA
1.1. Miżuri fis-seħħ
|
(1) |
Wara investigazzjoni tal-antidumping (“l-investigazzjoni oriġinali”), il-Kunsill impona, permezz tar-Regolament (KE) Nru 1175/2005 (2), dazju antidumping definittiv fuq l-importazzjonijiet tal-karbonat tal-barju li joriġinaw mir-Repubblika tal-Poplu taċ-Ċina (“ir-RPĊ” jew “iċ-Ċina” jew “il-pajjiż ikkonċernat”). Il-miżuri ħadu l-forma ta' dazju speċifiku ta' EUR 6,30/tunnellata u EUR 8,10/tunnellata għal żewġ produtturi esportaturi Ċiniżi b'rata tad-dazju individwali u EUR 56,40/tunnellata għall-produtturi esportaturi l-oħrajn kollha fiċ-Ċina. |
|
(2) |
F'Awwissu 2011, wara rieżami ta' skadenza (“ir-rieżami ta' skadenza preċedenti”), il-miżuri ġew estiżi għal perjodu ta' ħames snin mir-Regolament ta' Implimentazzjoni tal-Kunsill (UE) Nru 831/2011 (3). |
1.2. Talba għal rieżami ta' skadenza
|
(3) |
Wara l-pubblikazzjoni ta' notifika ta' skadenza imminenti tal-miżuri antidumping fis-seħħ (4), fit-12 ta' Mejju 2016, il-Kummissjoni rċeviet talba għall-bidu ta' rieżami ta' skadenza ta' dawn il-miżuri skont l-Artikolu 11(2) tar-Regolament bażiku (“it-talba”). |
|
(4) |
It-talba tressqet minn Solvay & CPC Barium Strontium GmbH & Co. KG, il-Ġermanja (“l-applikant”), l-uniku produttur tal-karbonat tal-barju fl-Unjoni Ewropea, li jirrappreżenta 100 % tal-produzzjoni totali tal-Unjoni. It-talba kienet imsejsa fuq ir-raġuni li l-iskadenza tal-miżuri antidumping definittivi x'aktarx twassal biex ikun hemm kontinwazzjoni ta' dumping u ta' ħsara. |
1.3. Il-bidu
|
(5) |
Billi ġie ddeterminat, wara li ġie kkonsultat il-Kumitat stabbilit bl-Artikolu 15(1) tar-Regolament bażiku, li kien hemm biżżejjed evidenza għall-bidu ta' rieżami ta' skadenza, il-Kummissjoni ħabbret fit-18 ta' Awwissu 2016, permezz ta' notifika ppubblikata f'Il-Ġurnal Uffiċjali tal-Unjoni Ewropea (5) (“in-Notifika ta' Bidu”), il-bidu ta' rieżami ta' skadenza skont l-Artikolu 11(2) tar-Regolament bażiku. |
1.4. Il-partijiet interessati
|
(6) |
Fin-Notifika ta' Bidu, il-Kummissjoni stiednet lill-partijiet interessati jikkuntattjawha sabiex jipparteċipaw fl-investigazzjoni. Barra minn hekk, il-Kummissjoni għarrfet speċifikament lill-applikant, lill-prodotturi esportaturi magħrufa, lill-awtoritajiet tar-RPĊ, lill-importaturi magħrufa u lill-utenti magħrufa li huma kkonċernati mill-bidu tal-investigazzjoni u stednithom sabiex jipparteċipaw. |
|
(7) |
Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu smigħ mal-Kummissjoni u/jew mal-Uffiċjal tas-Seduta fi proċedimenti kummerċjali skont iż-żmien stipulat fin-Notifika ta' Bidu. |
1.5. Il-pajjiż analogu
|
(8) |
Fin-Notifika ta' Bidu, fir-rigward tal-importazzjonijiet mir-RPĊ, il-Kummissjoni infurmat lill-partijiet interessati li hija pprevediet l-Indja bħala pajjiz terż b'ekonomija tas-suq (“pajjiż analogu”) fis-sens tal-Artikolu 2(7)(a) tar-Regolament bażiku u stednithom jikkummentaw dwar din l-għażla. Ma wasal l-ebda kumment f'dan ir-rigward. |
|
(9) |
Il-Kummissjoni kkuntattjat lill-awtoritajiet Indjani u lill-produtturi magħrufa tal-karbonat tal-barju u stednithom biex jikkooperaw. L-ebda produttur fl-Indja ma kkoopera fil-provvediment tal-informazzjoni mitluba. |
|
(10) |
B'mod parallel, il-Kummissjoni fittxet il-kooperazzjoni ta' produtturi magħrufa f'pajjiżi analogi oħrajn potenzjali u kkuntattjat ukoll lill-awtoritajiet rilevanti fil-Brażil, fl-Iran u fir-Repubblika tal-Korea u fl-Istati Uniti, billi stednithom jipprovdu l-ismijiet u l-indirizzi ta' assoċjazzjonijiet ta' produtturi u produtturi li huma magħrufa li jipproduċu u jbigħu l-karbonat tal-barju fis-suq tagħhom. Madankollu, l-ebda produttur minn dawn il-pajjiżi ma kien lest li jikkoopera. |
1.6. Kampjunar
|
(11) |
Fin-Notifika ta' Bidu, il-Kummissjoni qalet li hija tista' tieħu kampjun mill-partijiet interessati skont l-Artikolu 17 tar-Regolament bażiku. |
Il-kampjunar tal-produtturi esportaturi fir-RPĊ
|
(12) |
Minħabba li jidher li hemm għadd kbir ta' produtturi esportaturi fir-RPĊ, fin-Notifika ta' Bidu kien previst kampjunar. |
|
(13) |
Sabiex tiddeċiedi jekk il-kampjunar kienx meħtieġ u, jekk iva, biex tagħżel kampjun, il-Kummissjoni talbet lill-produtturi esportaturi magħrufa kollha fir-RPĊ sabiex jipprovdu l-informazzjoni speċifikata fin-Notifika ta' Bidu. Barra minn hekk, il-Kummissjoni talbet lill-Missjoni tar-Repubblika tal-Poplu taċ-Ċina għall-Unjoni Ewropea sabiex tidentifika u/jew tikkuntattja lil produtturi esportaturi oħrajn, jekk hemm, li jistgħu jkunu interessati jipparteċipaw fl-investigazzjoni. |
|
(14) |
L-ebda produttur esportatur Ċiniż ma ppreżenta ruħu. Il-kampjunar għalhekk ma kienx neċessarju. |
Il-kampjunar tal-importaturi
|
(15) |
Sabiex tiddeċiedi jekk il-kampjunar kienx meħtieġ u, jekk iva, biex tagħżel kampjun, il-Kummissjoni kkuntattjat lill-importaturi kollha magħrufa mhux relatati u talbithom jipprovdu l-informazzjoni speċifikata fin-Notifika ta' Bidu. |
|
(16) |
Sitt importati ppreżentaw ruħhom, identifikaw lilhom infushom u pprovdew lill-Kummissjoni bl-informazzjoni mitluba fin-Notifika ta' Bidu. |
|
(17) |
Fid-dawl tal-għadd żgħir ta' importaturi, il-Kummissjoni għażlet li ma tagħżilx kampjun u tibgħat il-kwestjonarju lis-sitt importaturi kollha li identifikaw lilhom infushom. Madankollu, kif stabbilit fil-premessi 19 ta' hawn isfel, l-ebda wieħed minn dawn l-importaturi ma wieġeb għall-kwestjonarju. |
1.7. Tweġibiet għall-kwestjonarju u żjarat ta' verifika
|
(18) |
Il-Kummissjoni bagħtet kwestjonarji lill-uniku produttur tal-Unjoni, lis-sitt importaturi u lis-sitta u tmenin utent li ppreżentaw ruħhom, lill-erba' produtturi esportaturi Ċiniżi kollha magħrufa u lil 20 produttur magħruf f'pajjiżi analogi potenzjali (18 fl-Indja, wieħed fl-Iran u wieħed fl-Istati Uniti). |
|
(19) |
Ġew riċevuti tweġibiet għall-kwestjonarji mill-uniku produttur tal-Unjoni u minn 15-il utent. L-ebda produttur esportatur Ċiniż u l-ebda produttur fil-pajjiżi analogi potenzjali ma kkooperaw. Bl-istess mod, u filwaqt li fil-bidu identifikaw lilhom infushom, kif stabbilit fil-premessa 16 ta' hawn fuq, l-ebda wieħed mill-importaturi li ppreżenta ruħu ma wieġeb għall-kwestjonarju li kien sussegwentement mibgħut mill-Kummissjoni. |
|
(20) |
Il-Kummissjoni fittxet u vverifikat l-informazzjoni kollha li qieset li kienet neċessarja għad-determinazzjoni tal-probabbiltà ta' kontinwazzjoni jew rikorrenza ta' dumping, il-ħsara li tirriżulta minnu u l-interess tal-Unjoni. Iż-żjarat ta' verifika skont l-Artikolu 16 tar-Regolament bażiku saru fil-bini tal-kumpaniji li ġejjin:
|
1.8. Perjodu ta' investigazzjoni tar-rieżami u perjodu taħt kunsiderazzjoni
|
(21) |
L-investigazzjoni tal-probabbiltà ta' kontinwazzjoni jew rikorrenza tad-dumping kopriet il-perjodu mill-1 ta' Lulju 2015 sat-30 ta' Ġunju 2016 (il-“perjodu ta' investigazzjoni tar-rieżami” jew “PIR”). L-eżami tax-xejriet rilevanti għall-valutazzjoni tal-probabbiltà ta' kontinwazzjoni jew rikorrenza ta' ħsara kopra l-perjodu mill-1 ta' Jannar 2013 sat-tmiem tal-perjodu ta' investigazzjoni tar-rieżami (il-“perjodu kkunsidrat”). |
1.9. L-iżvelar
|
(22) |
Il-partijiet kollha interessati ġew infurmati bil-fatti u l-kunsiderazzjonijiet essenzjali li fuq il-bażi tagħhom kien intenzjonat li tinżamm il-miżura antidumping definittiva eżistenti. Il-partijiet ingħataw ukoll perjodu li fih setgħu jagħmlu rappreżentazzjonijiet wara dan l-iżvelar. |
2. IL-PRODOTT LI QED JIĠI RIEŻAMINAT U L-PRODOTT SIMILI
2.1. Il-prodott li qed jiġi rieżaminat
|
(23) |
Il-prodott soġġett għal dan ir-rieżami huwa l-karbonat tal-barju b'kontenut ta' stronzju ta' aktar minn 0,07 % skont il-piż u b'kontenut ta' kubrit ta' aktar minn 0,0015 %, kemm jekk fi trab, f'għamla granulari jew granulari kalċinata ppressata (“il-prodott li qiegħed jiġi rieżaminat”), li joriġina mir-RPĊ, li fil-preżent jaqa' taħt il-kodiċi NM ex 2836 60 00 (il-kodiċi TARIC 2836600010). |
|
(24) |
Il-karbonat tal-barju jintuża bħala materja prima għal diversi industriji. Primarjament, dan jintuża fil-produzzjoni ta' frits taċ-ċeramika u verniċ, briks u madum, ħġieġ bi skop speċjali u fl-industrija tal-kimika. |
2.2. Il-prodott simili
|
(25) |
L-investigazzjoni wriet li l-prodotti li ġejjin għandhom l-istess karatteristiċi fiżiċi u kimiċi bażiċi kif ukoll l-istess użi bażiċi:
|
|
(26) |
Għalhekk, il-Kummissjoni kkonkludiet li dawn il-prodotti huma prodotti simili fis-sens tal-Artikolu 1(4) tar-Regolament bażiku. |
3. PROBABBILTÀ TA' KONTINWAZZJONI JEW RIKORRENZA TA' DUMPING
3.1. Kummenti preliminari
|
(27) |
Skont l-Artikolu 11(2) tar-Regolament bażiku, ġie eżaminat jekk kienx qed iseħħ dumping matul il-perjodu ta' investigazzjoni tar-rieżami u jekk l-iskadenza tal-miżuri eżistenti hijiex probabbli li twassal għal kontinwazzjoni jew rikorrenza ta' dumping. |
|
(28) |
Kif imsemmi fil-premessa 14, l-ebda produttur esportatur Ċiniż ma kkoopera f'din l-investigazzjoni. Għalhekk, il-Kummissjoni infurmat lill-awtoritajiet Ċiniżi li skont l-Artikolu 18 tar-Regolament bażiku, il-fatti disponibbli jistgħu jintużaw fir-rigward tal-produttur esportatur Ċiniż sabiex jiġi ddeterminat jekk hemmx dumping fil-preżent u l-probabbiltà ta' kontinwazzjoni jew rikorrenza tad-dumping. Il-Kummissjoni ma rċeviet l-ebda kumment jew talba għal intervent tal-Uffiċjal tas-Seduta mingħand l-awtoritajiet Ċiniżi f'dan ir-rigward. |
|
(29) |
Fuq il-bażi ta' dan, f'konformità mal-Artikolu 18(1) tar-Regolament bażiku, is-sejbiet fir-rigward tal-eżistenza tad-dumping u tal-probabbiltà ta' kontinwazzjoni jew rikorrenza ta' dumping stabbiliti hawn taħt kienu bbażati fuq il-fatti disponibbli, b'mod partikolari:
|
3.2. Dumping
3.2.1. Produtturi esportaturi li ngħataw trattament ta' ekonomija tas-suq fl-investigazzjoni oriġinali
3.2.1.1. Il-valur normali
|
(30) |
Żewġ produtturi esportaturi ngħataw trattament ta' ekonomija tas-suq (“MET”) fl-investigazzjoni oriġinali. Skont l-Artikolu 18 tar-Regolament bażiku, minħabba nuqqas ta' kooperazzjoni, il-valur normali għal dawn il-produtturi esportaturi kien, kif xieraq, imsejjes fuq il-fatti disponibbli. |
|
(31) |
Il-valur normali ġie stabbilit abbażi tal-prezzijiet tal-esportazzjonijiet Ċiniżi lejn swieq oħrajn ta' pajjiżi terzi b'ebda miżura antidumping fis-seħħ kif ġie rreġistrat fil-Bażi tad-Dejta tal-Istatistika dwar l-Esportazzjonijiet Ċiniżi skont l-Artikolu 2(3) tar-Regolament bażiku. |
|
(32) |
Dan ġie ikkunsidrat bħala l-aktar metodoloġija raġonevoli minħabba n-nuqqas ta' informazzjoni oħra disponibbli minħabba n-nuqqas ta' kooperazzjoni. |
3.2.1.2. Il-prezzijiet tal-esportazzjoni
|
(33) |
Fin-nuqqas ta' kooperazzjoni ta' kwalunkwe produttur esportatur Ċiniż, il-prezz tal-esportazzjoni kien imsejjes fuq il-bażi tad-dejta tal-Artikolu 14(6) għall-importazzjonijiet lejn l-Unjoni tal-prodott soġġett għal rieżami matul il-perjodu ta' investigazzjoni tar-rieżami minn żewġ produtturi esportaturi Ċiniżi li ngħataw MET matul l-investigazzjoni oriġinali. |
3.2.1.3. Paragun
|
(34) |
Il-Kummissjoni qabblet il-valur normali u l-prezz tal-esportazzjoni stabbiliti fuq bażi ex-works. Għall-iskop ta' tqabbil ġust, il-prezz tal-esportazzjoni u l-valur normali ġew aġġustati għad-differenzi li jaffettwaw il-prezzijiet u t-tqabbil tal-prezzijiet skont l-Artikolu 2(10) tar-Regolament bażiku. L-aġġustamenti saru għall-merkanzija fuq il-baħar, għall-ispejjeż tat-trasport u għall-merkanzija interna msejsa fuq l-informazzjoni disponibbli għall-pubbliku u l-informazzjoni fit-talba skont l-Artikolu 18 tar-Regolament bażiku. |
3.2.1.4. Marġni ta' dumping
|
(35) |
Il-Kummissjoni qabblet il-valur normali medju ponderat mal-prezz tal-esportazzjoni medju ponderat kif stabbilit hawn fuq skont l-Artikolu 2(11) u (12) tar-Regolament bażiku. |
|
(36) |
Fuq il-bażi ta' dan, il-marġni tad-dumping medju ponderat espress bħala perċentwal tal-prezz CIF fuq il-fruntiera tal-Unjoni, bid-dazju mhux imħallas kien madwar 30 % għal Hubei Jingshan Chutian Barium Salt Corp. Ltd. u madwar 20 % għal Zaozhuang Yongli Chemical Co. |
3.2.2. Produtturi esportaturi li ma ngħatawx trattament ta' ekonomija tas-suq matul l-investigazzjoni oriġinali
3.2.2.1. Pajjiż analogu
|
(37) |
Għal dawk il-produtturi esportaturi Ċiniżi li ma ngħatawx MET fl-investigazzjoni oriġinali, il-valur normali għandu jiġi stabbilit skont l-Artikolu 2(7)(a) tar-Regolament bażiku, jiġifieri fuq il-bażi tal-prezz jew tal-valur maħdum f'pajjiż terz b'ekonomija tas-suq (“il-pajjiż analogu”). |
|
(38) |
L-Indja ntgħażlet bħala pajjiż analogu fir-rieżami ta' skadenza preċedenti. Għalhekk, fin-Notifika ta' Bidu ta' dan ir-rieżami, il-Kummissjoni pproponiet li terġa' tuża l-Indja bħala pajjiż analogu u stiednet lill-partijiet interessati biex jikkummentaw. |
|
(39) |
Kif imsemmi fil-premessa 10, il-Kummissjoni fittxet ukoll il-kooperazzjoni ta' pajjiżi analogi oħra potenzjali, jiġifieri l-Brażil, l-Iran, ir-Repubblika tal-Korea u l-Istati Uniti, billi stiednet lill-produtturi magħrufa biex jipprovdu l-informazzjoni meħtieġa. |
|
(40) |
Madankollu, l-ebda produttur minn dawn il-pajjiżi ma qabel li jikkoopera mal-proċediment. Ma kien hemm l-ebda indikazzjoni għal kwalunkwe pajjiż ieħor fejn tista' ssir il-produzzjoni tal-karbonat tal-barju. |
3.2.2.2. Valur normali
|
(41) |
Minħabba n-nuqqas ta' kooperazzjoni deskritt hawn fuq mill-produtturi fi kwalunkwe pajjiż analogu potenzjali, il-Kummissjoni ddeterminat il-valur normali fuq kwalunkwe bażi raġonevoli oħra skont l-Artikolu 2(7)(a) tar-Regolament bażiku. |
|
(42) |
Il-valur normali f'dan ir-rigward ġie stabbilit abbażi tal-ispiża medja tal-manifattura tal-industrija tal-Unjoni billi żdied ammont għall-bejgħ, spejjeż ġenerali u amministrattivi (“SG&A”) u l-profitti. L-SG&A kienu msejsa fuq l-SG&A attwali tal-industrija tal-Unjoni li jappartjenu għall-produzzjoni u l-bejgħ tal-prodott simili fis-suq tal-Unjoni, filwaqt li l-profitti kienu msejsa fuq il-profitti li jappartjenu għall-produzzjoni u l-bejgħ, fil-kors ordinarju tal-kummerċ, tal-prodott simili skont l-Artikolu 2(6) tar-Regolament bażiku użat għal kull analoġija. |
|
(43) |
Dan ġie kkunsidrat bħala l-aktar metodoloġija raġonevoli minħabba n-nuqqas ta' informazzjoni oħra disponibbli minħabba n-nuqqas ta' kooperazzjoni. |
3.2.2.3. Prezz tal-esportazzjonijiet
|
(44) |
Minħabba n-nuqqas ta' kooperazzjoni mill-produtturi esportaturi Ċiniżi, il-prezzijiet tal-esportazzjoni ġew stabbiliti skont l-Artikolu 18 tar-Regolament bażiku, jiġifieri abbażi tal-bażi tad-dejta tal-Artikolu 14(6) għall-importazzjonijiet li saru fl-Unjoni matul il-perjodu ta' investigazzjoni tar-rieżami minn dawk il-produtturi esportaturi Ċiniżi li ma ngħatawx MET matul l-investigazzjoni oriġinali. |
3.2.2.4. Paragun
|
(45) |
Il-Kummissjoni qabblet il-valur normali u l-prezz tal-esportazzjoni stabbiliti fuq bażi ex-works. Fejn dan kien iġġustifikat għall-iskop ta' tqabbil ġust, il-prezz tal-esportazzjoni u l-valur normali ġew aġġustati għad-differenzi li jaffettwaw il-prezzijiet u t-tqabbil tal-prezzijiet skont l-Artikolu 2(10) tar-Regolament bażiku. L-aġġustamenti saru għall-merkanzija fuq il-baħar, għall-ispejjeż tat-trasport u għall-merkanzija interna msejsa fuq l-informazzjoni disponibbli għall-pubbliku u l-informazzjoni fit-talba skont l-Artikolu 18 tar-Regolament bażiku. |
3.2.2.5. Marġni ta' dumping
|
(46) |
Il-Kummissjoni qabblet il-valur normali medju ponderat mal-prezz tal-esportazzjoni medju ponderat kif stabbilit hawn fuq skont l-Artikolu 2(11) u (12) tar-Regolament bażiku. |
|
(47) |
Fuq il-bażi ta' dan, il-marġni tad-dumping medju ponderat espress bħala perċentwal fil-fruntiera tal-Unjoni fuq bażi tal-kost, l-assigurazzjoni u n-nol (“CIF”), bid-dazju mhux imħallas, kien ta' aktar minn 100 %. |
3.3. Żviluppi tal-importazzjonijiet jekk il-miżuri jiġu revokati
|
(48) |
Wara li rriżulta dumping matul il-perjodu ta' investigazzjoni tar-rieżami, il-Kummissjoni analizzat jekk kienx hemm probabbiltà ta' kontinwazzjoni ta' dumping fil-każ li l-miżuri jiġu revokati. Ġew analizzati l-elementi li ġejjin: il-kapaċità tal-produzzjoni u l-kapaċità żejda fir-RPĊ, l-imġiba tal-esportaturi Ċiniżi f'pajjiżi terzi oħrajn u kemm hu attraenti s-suq tal-Unjoni. |
|
(49) |
Minħabba n-nuqqas ta' konformità tal-prodotturi esportaturi Ċiniżi, f'konformità mal-Artikolu 18 tar-Regolament bażiku, is-sejbiet fir-rigward tal-probabbiltà ta' rikorrenza ta' dumping stabbiliti hawn taħt kienu bbażati fuq il-fatti disponibbli, jiġifieri s-sorsi msemmija fil-premessa 29: |
3.3.1. Kapaċità tal-produzzjoni u kapaċità żejda fiċ-Ċina
|
(50) |
Il-kapaċità tal-produzzjoni Ċiniża ġiet stmata permezz tad-dejta disponibbli għall-pubbliku li nstabet għal għaxar produtturi Ċiniżi magħrufa tal-karbonat tal-barju (8). Il-kapaċità tal-produzzjoni ddikjarata tagħhom ammontat b'mod kumulattiv għal kapaċità annwali ta' mill-inqas 428 000 tunnellata, li hija aktar minn ħames darbiet il-konsum totali tal-Unjoni (77 099 tunnellata) fil-PIR kif ġie stabbilit fil-premessa 62 ta' hawn isfel u madwar tliet darbiet il-kummerċ dinji totali tal-karbonat tal-barju skont id-dejta COMTRADE għall-2015 (9). |
|
(51) |
Fir-rigward tal-kapaċità żejda u fin-nuqqas ta' kwalunkwe informazzjoni oħra, is-sejbiet tar-rieżami ta' skadenza preċedenti ntużaw bħala bażi. Fuq il-bażi ta' dan, il-kapaċità żejda fiċ-Ċina ġiet meqjusa li tammonta għal 280 000 tunnellata (10). |
|
(52) |
L-investigazzjoni ma żvelat l-ebda indikazzjoni li l-kapaċità tal-produzzjoni għall-karbonat tal-barju fiċ-Ċina nbidlet b'mod sinifikanti mir-rieżami ta' skadenza preċedenti. Barra minn hekk, l-investigazzjoni ma żvelatx li l-konsum fiċ-Ċina jikber b'mod sinifikanti jew li s-suq dinji għall-karbonat tal-barju jista' jassorbi tali kapaċità żejda fil-futur prevedibbli. |
|
(53) |
Għalhekk, il-Kummissjoni qieset li l-kapaċità żejda kbira rrappurtata fir-rieżami ta' skadenza preċedenti baqgħet, fil-parti l-kbira tagħha, fl-istess livell u li ma kien hemm l-ebda indikazzjoni li din kienet ser tinbidel b'mod sinifikanti fil-futur qarib. |
|
(54) |
Fuq il-bażi ta' dan, il-kapaċita żejda fiċ-Ċina ġiet meqjusa li tirrappreżenta aktar minn tliet darbiet il-konsum totali tal-Unjoni matul il-perjodu ta' investigazzjoni tar-rieżami. |
3.3.2. L-imġiba tal-esportazzjonijiet Ċiniżi f'pajjiżi terzi oħrajn
|
(55) |
Fir-rigward tal-imġiba tal-esportazzjonijiet Ċiniżi f'pajjiżi terzi oħrajn, instab li l-bejgħ lill-akbar sitt swieq ta' esportazzjoni b'ebda miżura fis-seħħ (11), jiġifieri l-Brażil, l-Eġittu, l-Iran, il-Ġappun, il-Messiku u r-Russja, sar bi prezzijiet li kienu oġġett ta' dumping. Għalhekk, paragun tal-prezzijiet tal-esportazzjonijiet Ċiniżi ma' dawn is-sitt swieq abbażi tal-Bażi tad-Dejta tal-Istatistika dwar l-Esportazzjonijiet Ċiniżi bil-valur normali kif stabbilit għall-kumpaniji mhux MET hawn fuq fil-premessa 42, irriżulta f'marġini tad-dumping li kienu ta' bejn xi 55 % u aktar minn 70 % skont is-suq tal-esportazzjoni speċifiku. Dawn l-esportazzjonijiet irrappreżentaw 46 % tal-esportazzjonijiet totali taċ-Ċina lejn pajjiżi terzi oħrajn matul il-perjodu ta' investigazzjoni tar-rieżami u għalhekk ġew meqjusa rappreżentattivi. |
3.3.3. Attraenza tas-suq tal-Unjoni
|
(56) |
L-investigazzjoni wriet li abbażi tal-Bażi tad-Dejta tal-Istatistika dwar l-Esportazzjonijiet Ċiniżi, il-prezzijiet miċ-Ċina għall-akbar sitt swieq tal-esportazzjonijiet ta' pajjiżi terzi b'ebda miżura fis-seħħ kienu fil-medja, inqas mill-prezzijiet ta' esportazzjoni mogħtija lill-Unjoni matul l-istess perjodu (il-perjodu ta' investigazzjoni tar-rieżami). Jiġifieri, il-prezz medju Ċiniż fl-Unjoni tal-prodott soġġett għal rieżami kien EUR 397/tunnellata, filwaqt li l-prezz medju tal-prodott simili għall-esportazzjoni lejn l-akbar sitt swieq ta' esportazzjoni taċ-Ċina kien EUR 345/tunnellata. Dan kien minnu għal madwar 90 % tal-volumi totali tal-esportazzjonijiet Ċiniżi lejn swieq oħrajn ta' pajjiżi terzi inklużi l-akbar sitta msemmija fil-premessa 55. Fuq il-bażi ta' dan, il-Kummissjoni qieset li s-suq tal-Unjoni huwa suq attraenti għall-esportaturi Ċiniżi peress li dawn jistgħu jiksbu profitti akbar permezz ta' prezzijiet tal-bejgħ ogħla, filwaqt li xorta waħda naqqsu l-prezzijiet tal-industrija tal-Unjoni kif muri fil-premessa 73 ta' hawn taħt. |
|
(57) |
Barra minn hekk, l-attraenza tas-suq tal-Unjoni tista' tintwera ukoll permezz tal-preżenza għolja kontinwa tal-esportaturi Ċiniżi fis-suq tal-Unjoni minkejja l-miżuri fis-seħħ. F'dan ir-rigward, mill-2003, jiġifieri qabel id-dħul fis-seħħ tal-miżuri eżistenti, sat-tmiem il-perjodu ta' investigazzjoni tar-rieżami għar-rieżami attwali, is-sehem tas-suq tal-importazzjonijiet Ċiniżi żdied minn madwar 50 % għal firxa ta' 59 % sa 73 %. Filwaqt li kien hemm tnaqqis fil-volum ta' esportazzjonijiet dinjija miċ-Ċina minn 130 000 tunnellata fl-2009 għal 125 000 tunnellata fl-2015 (12), l-esportazzjonijiet Ċiniżi lejn l-Unjoni segwew tendenza opposta u żdiedu minn 37 341 tunnellata fl-2009 għal 51 919-il tunnellata fl-2015 rispettivament, li juri b'mod ċar l-interess tal-produtturi esportaturi Ċiniżi fis-suq tal-Unjoni. Kif imsemmi hawn fuq, dan l-iżvilupp seħħ minkejja l-miżuri fis-seħħ. |
|
(58) |
Barra minn hekk, l-investigazzjoni wriet li żewġ swieq ta' esportazzjoni sinifikanti għall-karbonat tal-barju, jiġifieri l-Istati Uniti u l-Indja, li għandhom fis-seħħ miżuri antidumping kontra ċ-Ċina u li t-tielet suq tal-esportazzjoni importanti, il-Brażil, għandu fis-seħħ dazji tal-importazzjoni għolja ta' 10 %, li effettivament jipproteġu dawn is-swieq minn importazzjonijiet sinifikanti. Għaldaqstant u wara li ġew ikkunsidrati wkoll il-konklużjonijiet li saru fil-premessa 52, jiġifieri li s-suq tal-karbonat tal-barju huwa stabbli mingħajr ebda żieda sinifikanti fil-livelli globali ta' konsum madwar id-dinja, mhuwiex probabbli li kwalunkwe kapaċità żejda fiċ-Ċina ser tiġi diretta lejn dawk is-swieq iżda pjuttost ser tiġi diretta lejn is-suq tal-Unjoni, f'każ li dawn il-miżuri jiġu revokati. |
3.4. Konklużjoni dwar il-probabbiltà ta' kontinwazzjoni ta' dumping
|
(59) |
Bħala konklużjoni, il-marġini tad-dumping stabbiliti matul il-perjodu ta' investigazzjoni tar-rieżami, l-istima tal-kapaċità ta' produzzjoni kbira, il-kapaċità żejda għolja flimkien mal-prattika taċ-Ċina tad-dumping tal-karbonat tal-barju fis-swieq tal-esportazzjoni tagħha u l-attraenza tas-suq tal-Unjoni, jindikaw li x'aktarx, revoka tal-miżuri tirriżulta f'żieda sinifikanti ta' esportazzjonijiet lejn l-Unjoni. Meta wieħed iqis il-marġni tad-dumping li nstab matul il-perjodu ta' investigazzjoni tar-rieżami, huwa wkoll probabbli li l-esportazzjonijiet futuri ser isiru bi prezzijiet li jkunu oġġett ta' dumping b'mod sinifikanti. Għalhekk huwa meqjus li hemm probabbiltà kbira ta' kontinwazzjoni ta' dumping jekk il-miżuri jiġu mħassra. |
4. PROBABBILTÀ TA' KONTINWAZZJONI JEW RIKORRENZA TA' ĦSARA
4.1. Definizzjoni tal-Industrija tal-Unjoni u tal-produzzjoni tal-Unjoni
|
(60) |
L-uniku produttur tal-Unjoni li kkoopera jirrappreżenta 100 % tal-produzzjoni tal-Unjoni tal-karbonat tal-barju matul il-perjodu ta' investigazzjoni tar-rieżami. Għalhekk, il-Kummissjoni qieset li dan jikkostitwixxi l-industrija tal-Unjoni fis-sens tal-Artikolu 4(1) tar-Regolament bażiku u, minn hawn 'il quddiem, se jissejjaħ “l-industrija tal-Unjoni” fis-sens tal-Artikolu 4(1) tar-Regolament bażiku. |
4.2. Rimarka preliminari
|
(61) |
Peress li hemm produttur wieħed biss fl-Unjoni, għal raġunijiet ta' kunfidenzjalità, id-dejta li tappartjeni għall-konsum tal-Unjoni, l-ishma mis-suq u l-kalkolazzjonijiet tal-marġni ta' twaqqigħ tal-prezzijiet u ta' bejgħ taħt il-prezz, mhijiex ippreżentata b'ċifri preċiżi sabiex tiġi ppreservata l-kunfidenzjalità skont l-Artikolu 19 tar-Regolament bażiku. Minflok, il-Kummissjoni fittxet li tipprovdi firxiet sabiex minkejja dan, tħares id-drittijiet tad-difiża tal-partijiet interessati sabiex tifhem il-metodoloġija użata mill-Kummissjoni. |
4.3. Il-konsum tal-Unjoni
|
(62) |
Il-konsum fl-Unjoni ġie kkalkulat biż-żieda tal-bejgħ totali vverifikat fl-Unjoni mill-produttur tal-Unjoni u l-importazzjonijiet totali minn pajjiżi terzi, abbażi tad-dejta tal-Eurostat. |
|
(63) |
Fuq il-bażi ta' dan, il-konsum tal-Unjoni żviluppa kif ġej: Tabella 1 Il-konsum tal-Unjoni
|
||||||||||||||||||||
|
(64) |
Mill-2013 sal-2014, il-konsum tal-Unjoni żdied b'5 % u sussegwentement naqas b'4 % mill-2014 sal-PIR. B'mod ġenerali, matul il-perjodu kkunsidrat, il-konsum fl-Unjoni baqa' stabbli b'żieda żgħira biss ta' 1 %. |
4.4. Importazzjonijiet mill-pajjiż ikkonċernat
|
(65) |
Fin-nuqqas ta' kooperazzjoni ta' kwalunkwe produttur esportatur Ċiniż f'din l-investigazzjoni, il-Kummissjoni użat l-istatistika disponibbli fil-Eurostat kif ukoll l-istatistika disponibbli fil-bażi tad-dejta tal-Artikolu 14(6) sabiex tistabbilixxi l-volum u l-prezzijiet tal-importazzjonijiet mir-RPĊ lejn l-Unjoni f'dan il-perjodu kkunsidrat. |
4.4.1. Il-volum u s-sehem mis-suq tal-importazzjonijiet mill-pajjiż ikkonċernat
|
(66) |
Il-Kummissjoni stabbiliet il-volum tal-importazzjonijiet fuq il-bażi tad-data tal-Eurostat. Fuq il-bażi ta' dan, l-importazzjonijiet fl-Unjoni mill-pajjiż ikkonċernat u s-sehem mis-suq żviluppaw kif ġej: Tabella 2 Volum tal-importazzjoni u sehem mis-suq
|
||||||||||||||||||||||||||||||
|
(67) |
Fil-perjodu kkunsidrat, l-importazzjonijiet Ċiniżi baqgħu pjuttost stabbli. Mill-2013 sal-2014, il-volumi tal-importazzjonijiet żdiedu bi 8 % u sussegwentement, reġgħu naqsu bi 8 % mill-2014 sal-PIR. B'mod ġenerali, l-iżvilupp tal-importazzjonijiet kien f'konformità mal-iżvilupp tal-konsum tal-Unjoni. |
|
(68) |
B'mod ġenerali, matul il-perjodu kkunsidrat, is-sehem mis-suq Ċiniż baqa' stabbli bi tnaqqis żgħir ta' 2 %. Mill-2013 sal-2014, is-sehem mis-suq żdied bi 3 % għal firxa minn 62 % sa 80 %, baqa' stabbli fl-2015 u sussegwentement naqas b'5 % fl-RIP għal livell ta' 59 % sa 73 %. |
|
(69) |
L-istatistika disponibbli fil-bażi tad-dejta tal-Artikolu 14(6) żvelat li l-importazzjonijiet Ċiniżi lejn l-Unjoni kienu primarjament koperti minn żewġ produtturi esportaturi Ċiniżi li ngħataw MET fl-investigazzjoni oriġinali. Matul il-perjodu kkunsidrat, dawn iż-żewġ kumpaniji rrappreżentaw aktar minn 75 % tat-total ta' importazzjonijiet Ċiniżi. |
4.4.2. Prezzijiet tal-importazzjonijiet mill-pajjiż ikkonċernat u t-twaqqigħ tal-prezzijiet
|
(70) |
Il-Kummissjoni stabbiliet ix-xejra tal-prezzijiet tal-importazzjonijiet Ċiniżi abbażi tal-istatistika tal-Eurostat. Il-prezz medju tal-importazzjonijiet fl-Unjoni mir-RPĊ żviluppa kif ġej: Tabella 3 Prezzijiet tal-importazzjonijiet
|
||||||||||||||||||||
|
(71) |
Il-prezzijiet tal-importazzjonijiet miċ-Ċina naqsu mill-2013 għall-2014 b'6 %, sussegwentement żdiedu bi 13 % fl-2015 u fl-aħħar nett naqsu bi 2 % fil-PIR. B'mod ġenerali, matul il-perjodu kkunsidrat, il-prezzijiet tal-importazzjonijiet miċ-Ċina żdiedu b'5 %. Din iż-żieda fil-prezzijiet hija f'konformità maż-żieda tal-prezzijiet tal-bejgħ tal-industrija tal-Unjoni fis-suq tal-Unjoni kif muri fil-premessa 91, li kienet madwar 4 % matul il-perjodu kkunsidrat. |
|
(72) |
Fin-nuqqas ta' kooperazzjoni minn kwalunkwe produttur esportatur Ċiniż soġġett għal din l-investigazzjoni, il-Kummissjoni stabbiliet it-twaqqigħ tal-prezzijiet matul il-perjodu ta' rieżami billi qabblet:
|
|
(73) |
Ir-riżultat tat-tqabbil ġie espress bħala perċentwal tal-prezz medju ponderat tal-industrija tal-Unjoni matul il-perjodu ta' investigazzjoni tar-rieżami u kien fil-firxiet ta' 32 % sa 37 %, u 27 % sa 31 % għall-produtturi esportaturi Ċiniżi mogħtija MET. Il-marġni tat-twaqqigħ tal-prezzijiet tal-bqija tal-produtturi esportaturi Ċiniżi soġġetti għad-dazju residwali ammonta fil-firxa ta' 31 % sa 35 %. |
4.5. Importazzjonijiet minn pajjiżi terzi oħrajn
|
(74) |
Il-volum tal-importazzjonijiet fl-Unjoni minn pajjiżi terzi għajr il-pajjiż ikkonċernat jidher fit-tabella ta' hawn taħt. It-tendenzi tal-kwantità u tal-prezzijiet huma bbażati fuq l-Eurostat. L-importazzjonijiet minn pajjiżi terzi lejn l-Unjoni żviluppaw kif ġej: Tabella 4 Il-volumi tal-importazzjonijiet, is-sehem mis-suq u l-prezzijiet minn pajjiżi terzi oħrajn
|
||||||||||||||||||||||||||||||||||||||||
|
(75) |
It-Tabella 4 turi d-dejta miġbura mill-Kummissjoni fir-rigward tal-volumi tal-importazzjonijiet, is-sehem mis-suq u l-prezzijiet tal-importazzjonijiet tal-prodott taħt rieżami minn pajjiżi terzi oħrajn. Il-Kummissjoni tinnota li ma ntuża l-ebda indiċjar għas-sehem mis-suq ta' pajjiżi terzi oħrajn għall-perjodu 2013 sa 2015 u għall-prezzijiet tal-importazzjonijiet tal-prodott taħt rieżami minn pajjiżi terzi oħrajn għall-perjodu 2013 sa 2015. Ir-raġuni għal dan hija kif ġej. Il-volumi tal-importazzjonijiet minn pajjiżi terzi oħrajn matul il-perjodu 2013 sa 2015 daħlu fis-suq tal-unjoni f'volumi marġinali (jiġifieri inqas minn 100 tunnellata), li jirrappreżentaw sehem mis-suq totali negliġibbli bejn 0,01 % u 0,2 % tal-importazzjonijiet totali. Kieku l-indiċjar ġie applikat b'mod simili għall-volumi tal-importazzjonijiet għal dawn ir-ringieli, dan kien jirriżulta f'tendenza mhux rappreżentattiva u ta' konfużjoni (ir-ringiela dwar is-sehem mis-suq kienet tkun taqra kif ġej kieku l-2013 ġie indiċjat kontra 100: 2014 bħala 8 775, 2015 bħala 22 516 u l-PIR bħala 2 279). L-istess kien iseħħ kieku l-indiċjar ġie applikat għall-prezz tal-importazzjonijiet minn ringieli ta' pajjiżi terzi oħrajn (jiġifieri kieku l-2013 ġie indiċjat kontra 100, it-tendenza kienet tkun: 2014 bħala 250, 2015 bħala 118 u l-PIR bħala 11). Peress li ma hemm l-ebda dubju li dawn iċ-ċifri ma kinux ikunu rappreżentazzjoni preċiża tas-sitwazzjoni maħsuba li tiġi indikata mit-Tabella 4, il-Kummissjoni għażlet, b'mod eċċezzjonali, li ma twettaqx indiċjar kontra l-ewwel sena tal-perjodu kkunsidrat għas-sehem mis-suq ta' pajjiżi terzi oħrajn u prezzijiet tal-importazzjonijiet medji tal-prodott taħt rieżami minn dawn il-pajjiżi, iżda, minflok, tuża biss id-dejta tal-PIR. |
|
(76) |
Dak li jista' jitnissel mid-data fit-Tabella 4, huma, madankollu, ċerti tendenzi. Jiġifieri, matul il-PIR, l-importazzjonijiet żdiedu b'87 għal 2 007 tunnellati li jikkorrispondu għal sehem totali tas-suq fuq firxa ta' 1 % sa 5 %, L-Indja, b'1 986 tunnellata, irrappreżentat il-maġġoranza ta' dawn l-importazzjonijiet minn pajjiżi terzi oħrajn matul il-PIR. Barra minn hekk, il-prezz medju tal-importazzjonijiet matul il-PIR ġie rrappurtat f'EUR 388/tunnellata. Dan il-livell ta' prezzijiet kien kemxejn inqas mill-prezzijiet medji Ċiniżi fis-suq tal-Unjoni mingħajr dazji antidumping (EUR 397/tunnellata) iżda konsiderevolment inqas mill-prezzijiet tal-industrija tal-Unjoni. Fi kwalunkwe każ, peress li l-volum tal-importazzjonijiet minn pajjiżi terzi oħrajn ma kienx sinifikanti, dan ma setax jaffettwa konsiderevolment is-sitwazzjoni ekonomika tal-industrija tal-Unjoni. |
4.6. Sitwazzjoni ekonomika tal-industrija tal-Unjoni
4.6.1. Rimarki ġenerali
|
(77) |
B'konformità mal-Artikolu 3(5) tar-Regolament bażiku, l-analiżi tal-impatt tal-importazzjonijiet li huma l-oġġett ta' dumping fuq l-industrija tal-Unjoni kienet tinkludi evalwazzjoni tal-indikaturi ekonomiċi kollha li kellhom effett fuq l-istat tal-industrija tal-Unjoni matul il-perjodu taħt kunsiderazzjoni. |
|
(78) |
Għandu jiġi nnotat li minħabba li l-industrija tal-Unjoni tikkonsisti fi produttur wieħed biss, dejta kummerċjali sensittiva kellha tiġi rappurtata fil-forma ta' indiċijiet. |
|
(79) |
Il-Kummissjoni evalwat l-indikaturi ekonomiċi li jirrigwardaw l-industrija tal-Unjoni abbażi tad-dejta vverifikata inkluża fit-tweġibiet għall-kwestjonarji mill-produttur uniku tal-Unjoni. |
4.6.2. Produzzjoni, kapaċità tal-produzzjoni u użu tal-kapaċità
|
(80) |
Il-produzzjoni totali, il-kapaċità ta' produzzjoni u l-użu tal-kapaċità tal-Unjoni żviluppaw kif ġej matul il-perjodu kkunsidrat: Tabella 5 Produzzjoni, kapaċità ta' produzzjoni u użu tal-kapaċità tal-Unjoni
|
|||||||||||||||||||||||||
|
(81) |
Il-produzzjoni tal-industrija tal-Unjoni żdiedet b'7 % matul il-perjodu kkunsidrat, filwaqt li l-kapaċità tal-produzzjoni tagħha baqgħet l-istess. Fl-2014, l-industrija tal-Unjoni żiedet konsiderevolment il-produzzjoni tagħha b'20 %, iżda naqset b'mod progressiv sal-perjodu ta' investigazzjoni tar-rieżami. Bħala riżultat, l-industrija tal-Unjoni tejbet l-użu tal-kapaċità tagħha matul il-perjodu kkunsidrat b'erba' punti perċentwali, hekk kif laħqet 65 % fil-perjodu ta' investigazzjoni tar-rieżami. |
4.6.3. Il-volum tal-bejgħ u s-sehem mis-suq
|
(82) |
Il-volum tal-bejgħ u s-sehem mis-suq tal-industrija tal-Unjoni żviluppaw hekk matul il-perjodu kkunsidrat: Tabella 6 Il-volum tal-bejgħ u s-sehem mis-suq
|
||||||||||||||||||||
|
(83) |
Matul il-perjodu kkunsidrat, il-livell tal-volum ta' bejgħ tal-industrija tal-Unjoni naqas bi 3 %. |
|
(84) |
Is-sehem mis-suq tal-industrija tal-Unjoni naqas mill-2013 għall-2015 b'6 % u sussegwentement żdied bi ftit (bi 2 %) mill-2015 għall-PIR. B'mod ġenerali, tul il-perjodu li ġie eżaminat dan naqas b'4 %. |
4.6.4. Tkabbir
|
(85) |
Bejn l-2013 u l-PIR, il-konsum fl-Unjoni żdied b'1 %. Il-volum tal-bejgħ tal-industrija tal-Unjoni naqas bi 3 % li, minkejja dan, sarraf fi tnaqqis fis-sehem mis-suq ta' 4 %. |
4.6.5. Impjiegi u produttività
|
(86) |
Matul il-perjodu taħt kunsiderazzjoni, l-impjiegi u l-produttività żviluppaw kif ġej: Tabella 7 L-impjiegi u l-produttività
|
||||||||||||||||||||
|
(87) |
L-għadd ta' impjegati fl-industrija tal-Unjoni żdied matul il-perjodu kkunsidrat bi 8 %. Fl-2014, bħala riżultat ta' żieda fil-produzzjoni, il-produttività żdiedet b'6 % iżda naqset fis-sena sussegwenti. Bħala riżultat, il-produttività naqset bi ftit matul il-perjodu kkunsidrat b'1 %. |
4.6.6. Daqs tal-marġni tad-dumping u rkupru mid-dumping tal-passat
|
(88) |
Il-miżuri antidumping ilhom fis-seħħ kontra l-importazzjonijiet mir-RPĊ mill-2005. |
|
(89) |
Kif stabbilit fil-premessi 35 sa 47, il-marġini tad-dumping tal-produtturi Ċiniżi matul il-perjodu ta' investigazzjoni tar-rieżami, kienu ogħla b'mod sinifikanti mil-livell de minimis. L-impatt fuq is-sitwazzjoni ekonomika tal-industrija tal-Unjoni huwa sostanzjali, minħabba l-importazzjonijiet kontinwi f'volumi sinifikanti tal-karbonat tal-barju bi prezzijiet li kienu oġġett ta' dumping mir-RPĊ. |
4.6.7. Prezzijiet u l-fatturi li jaffettwaw il-prezzijiet
|
(90) |
Il-prezzijiet medji tal-bejgħ ta' unità tal-industrija tal-Unjoni lil klijenti mhux relatati u l-kost tal-unità tal-produzzjoni żviluppaw fil-perjodu kkunsidrat kif ġej: Tabella 8 Prezzijiet medji tal-bejgħ u l-kostijiet tal-unitajiet
|
||||||||||||||||||||
|
(91) |
Il-prezzijiet medji tal-bejgħ ta' unità tal-industrija tal-Unjoni żdiedu b'4 % matul il-perjodu kkunsidrat. Kif deskritt fil-premessa 71, din iż-żieda fil-prezzijiet kienet fl-istess firxa taż-żieda fil-prezzijiet osservata għall-importazzjonijiet Ċiniżi. |
|
(92) |
Il-kost tal-unità tal-produzzjoni tal-industrija tal-Unjoni naqas b'9 % mill-2013 sal-2014 u sussegwentement żdied bi ftit (b'4 %) mill-2014 sal-perjodu ta' investigazzjoni tar-rieżami. B'mod ġenerali, matul il-perjodu kkunsidrat, dan naqas b'5 %, parzjalment minħabba t-titjib fl-effiċjenza milħuq bis-simplifikazzjoni tal-proċess tal-produzzjoni u t-tnaqqis tal-kost fiss (għal kull tunnellata) derivat miż-żieda fil-volumi tal-produzzjoni. |
|
(93) |
Kif diġà ġie osservat matul ir-rieżami ta' skadenza preċedenti, l-industrija tal-Unjoni timmanifattura żewġ prodotti fl-istess impjant: il-karbonat tal-barju u l-karbonat tal-istronzju. Il-produzzjoni kkombinata ta' dawn iż-żewġ prodotti tippermetti t-tnaqqis tal-kostijiet fissi. Matul il-perjodu kkunsidrat, l-industrija tal-Unjoni għaddiet minn ristrutturazzjoni tal-proċess tal-produzzjoni, mill-hekk imsejħa “kampanji konsekuttivi” għal produzzjoni “parallela” (14) b'tagħmir kondiviż. Dan wassal għal iffrankar tal-ispejjeż, razzjonalizzazzjoni tal-flussi tal-produzzjoni u għalhekk titjib fl-effiċjenza. |
4.6.8. Kostijiet lavorattivi
|
(94) |
Il-kostijiet lavorattivi medji tal-industrija tal-Unjoni żviluppaw kif ġej matul il-perjodu taħt kunsiderazzjoni: Tabella 9 Kost lavorattiv medju għal kull impjegat
|
|||||||||||||||
|
(95) |
Bejn l-2013 u l-PIR, il-kostijiet lavorattivi medji għal kull impjegat tal-produtturi tal-Unjoni żdiedu b'7 %. |
4.6.9. Inventarji
|
(96) |
L-inventarji tal-industrija tal-Unjoni żviluppaw matul il-perjodu kkunsidrat kif ġej: Tabella 10 L-inventarji
|
|||||||||||||||||||||||||
|
(97) |
L-industrija tal-Unjoni twaqqaf il-produzzjoni għal xahar kull sena minħabba raġunijiet ta' manutenzjoni. Matul il-perjodu ta' investigazzjoni tar-rieżami, il-waqfien tal-produzzjoni ġie estiż għal disa' ġimgħat minħabba t-tnaqqis fil-livell tad-domanda meta mqabbel ma' snin preċedenti. It-tmiem tal-perjodu ta' investigazzjoni tar-rieżami ħabat fl-istess żmien mal-proċess tal-bini mill-ġdid tal-istokkijiet u l-bidu mill-ġdid ta operazzjonijiet normali wara l-waqfien tal-produzzjoni msemmija meta l-istokkijiet kienu f'livell minimu. Mill-2013 sal-2015, l-istokkijiet ġew ikkalkolati matul l-istess perjodu tas-sena meta l-istokk kien fil-livell medju. |
|
(98) |
L-istokkijiet tal-għeluq tal-industrija tal-Unjoni żdiedu mill-2013 għall-2014 b'31 % u sussegwentement naqsu b'6 % mill-2014 għall-2015. Mill-2015 għal-PIR, l-istokkijiet naqsu b'51 %. Matul il-perjodu kkunsidrat, l-istokkijiet kollha tal-għeluq naqsu b'26 %. |
|
(99) |
L-istokkijiet tal-għeluq bħala perċentwal tal-produzzjoni żdiedu mill-2013 għall-2015 b'2 punti perċentwali sa 22 % u sussegwentement naqsu b'14 % fil-perjodu ta' investigazzjoni tar-rieżami. |
4.6.10. Profittabbiltà, il-fluss tal-flus, l-investimenti, ir-redditu fuq l-investiment u l-kapaċità li jiġi ġġenerat kapital
|
(100) |
Il-profittabbiltà, il-fluss tal-flus, l-investimenti u r-redditu fuq l-investimenti tal-industrija tal-Unjoni żviluppaw kif ġej matul il-perjodu kkunsidrat: Tabella 11 Il-profittabbiltà, il-fluss tal-flus, l-investimenti u r-redditu fuq l-investimenti
|
|||||||||||||||||||||||||||||||||||
|
(101) |
Il-Kummissjoni stabbiliet il-profittabbiltà tal-industrija tal-Unjoni billi l-profitt nett qabel it-taxxa tal-bejgħ tal-prodott simili lil klijenti mhux relatati fl-Unjoni ġie espress bħala perċentwal tal-fatturat ta' dak il-bejgħ. L-industrija tal-Unjoni kienet qed tagħmel telf b'mod kontinwu fil-perjodu kkunsidrat. Il-profittabbiltà tjiebet mill-2013 għall-2014 b'60 % u din sussegwentement naqset b'6 % fil-perjodu ta' investigazzjoni tar-rieżami. B'mod ġenerali, minkejja ż-żieda b'54 % matul il-perjodu kkunsidrat, il-profittabbiltà baqgħet negattiva. |
|
(102) |
Il-fluss tal-flus, li huwa l-kapaċità tal-produtturi tal-Unjoni li jiffinanzjaw huma stess l-attivitajiet tagħhom, naqas mill-2013 għall-2014 għal termini negattivi b'502 % u sussegwentement dan kompla jiżdied sal-PIR. Matul il-perjodu kkunsidrat, il-fluss tal-flus żdied bi 52 %. |
|
(103) |
L-investimenti żdiedu b'7 % bejn l-2013 u l-2014 u mbagħad naqsu b'26 % sa tmiem il-perjodu ta' investigazzjoni tar-rieżami meta mqabbla mal-2014. B'mod ġenerali, l-investimenti naqsu b'19 % matul il-perjodu kkunsidrat. L-investimenti matul l-2013 u l-2014 kienu ogħla minħabba l-istrutturar mill-ġdid tal-proċess tal-produzzjoni li l-għan tiegħu huwa li jintlaħaq titjib fil-flussi tax-xogħol, razzjonalizzazzjoni tal-kostijiet u titjib fl-effiċjenza. Mill-2015 sal-perjodu ta' investigazzjoni tar-rieżami, l-investimenti ewlenin kienu marbuta mas-sostituzzjoni tat-tagħmir. |
|
(104) |
Ir-redditu fuq l-investimenti huwa l-profitt f'perċentwal tal-valur kontabilistiku nett tal-investimenti. Dan kien negattiv matul il-perjodu kkunsidrat. Dan żdied b'89 % fl-2015 meta mqabbel mal-2012 u mbagħad naqas b'19 % fil-PIR. B'mod ġenerali, ir-redditu fuq l-investimenti żdied b'70 % matul il-perjodu kkunsidrat, f'konformità mal-profittabbiltà. |
4.6.11. Konklużjoni dwar il-ħsara
|
(105) |
Matul il-perjodu kkunsidrat, bosta indikaturi, bħall-volum tal-produzzjoni, l-użu tal-kapaċità, l-impjiegi u l-prezz medju tal-bejgħ ta' unità, urew titjib żgħir. Il-kost tal-unità ta' produzzjoni naqqas parzjalment minħabba t-titjib fl-effiċjenza u ż-żieda fil-volum tal-produzzjoni. |
|
(106) |
Madankollu, l-industrija tal-Unjoni kienet qiegħda tagħmel telf fuq bażi kontinwa matul il-perjodu kkunsidrat; ir-rata tal-użu tal-kapaċità kienet baxxa u r-redditu fuq l-investiment kien negattiv. Bl-istess mod, f'kuntest ta' konsum stabbli, l-industrija tal-Unjoni naqset is-sehem mis-suq tagħha. |
|
(107) |
Bħala konklużjoni, il-Kummissjoni stabbiliet li l-industrija tal-Unjoni kompliet iġġarrab ħsara materjali matul il-perjodu ta' investigazzjoni tar-rieżami. |
|
(108) |
L-investigazzjoni wriet li, kif deskritt fil-premessi 66 sa 69, volumi kbar ta' importazzjonijiet li kienu oġġett ta' dumping miċ-Ċina daħlu fis-suq tal-Unjoni matul il-perjodu kkunsidrat. Bħala riżultat, il-karbonat tal-barju li joriġina miċ-Ċina baqa' l-aktar ikkunsmat fis-suq tal-Unjoni b'sehem mis-suq għoli u stabbli li varja bejn 59 % u 73 %, u 62 % u 80 % matul il-perjodu kkunsidrat. |
|
(109) |
Minkejja li l-prezzijiet medji tal-importazzjonijiet Ċiniżi li kienu oġġett ta' dumping żdiedu b'5 % matul il-perjodu kkunsidrat, dawn il-prezzijiet baqgħu f'livelli konsiderevolment aktar baxxi minn dawk tal-industrija tal-Unjoni. Matul il-perjodu ta' investigazzjoni tar-rieżami, kif deskritt fil-premessa 73, l-importazzjonijiet miċ-Ċina li kienu oġġett ta' dumping waqqgħu l-prezzijiet tal-industrija tal-Unjoni bi 28,7 % sa 34,4 %. Minħabba l-volumi kbar ta' importazzjonijiet li kienu oġġett ta' dumping b'mod sinifikanti miċ-Ċina li eżerċitaw pressjoni sinifikanti fuq il-prezzijiet fis-suq tal-Unjoni, l-industrija tal-Unjoni ma setgħetx tgħolli l-prezzijiet tal-bejgħ tagħha biżżejjed sabiex tkopri l-kost tal-produzzjoni tagħha. Dan huwa evidenzjat mill-marġni tal-bejgħ taħt il-prezz stabbilit għall-importazzjonijiet Ċiniżi inklużi d-dazji antidumping minn firxa ta' 62 % sa 71 % għal firxa ta' 83 % sa 95 %. |
|
(110) |
Abbażi ta' dak li ntqal hawn fuq, il-Kummissjoni kkonkludiet li s-sitwazzjoni dannuża għall-industrija tal-Unjoni kellha tkun attribwita għall-volumi kbar ta' importazzjonijiet li saru bi prezzijiet baxxi li kienu oġġett ta' dumping b'mod sinifikanti miċ-Ċina u li dawn l-importazzjonijiet kellhom rwol determinanti fil-ħsara materjali li ġarrbet l-industrija tal-Unjoni. |
4.7. Probabbiltà ta' kontinwazzjoni tal-ħsara
4.7.1. Kummenti preliminari
|
(111) |
L-investigazzjoni wriet li l-importazzjonijiet Ċiniżi saru f'livelli ta' prezzijiet li kienu oġġett ta' dumping matul il-perjodu ta' investigazzjoni tar-rieżami u li kien hemm probabbiltà ta' kontinwazzjoni ta' dumping f'każ li l-miżuri jitħallew jiskadu. |
|
(112) |
Peress li l-industrija tal-Unjoni kompliet issofri ħsara materjali, minħabba l-importazzjonijiet Ċiniżi, ġie vvalutat jekk hemmx probabbiltà ta' kontinwazzjoni ta' ħsara jekk il-miżuri kontra ċ-Ċina jitħallew jiskadu skont l-Artikolu 11(2) tar-Regolament bażiku. |
|
(113) |
Sabiex tiġi stabbilita l-probabbiltà ta' kontinwazzjoni ta' ħsara, ġew analizzati l-elementi li ġejjin: il-produzzjoni u l-kapaċitajiet żejda fiċ-Ċina, l-attraenza tas-suq tal-Unjoni, il-livell tal-prezz mistenni tal-importazzjonijiet Ċiniżi fis-suq tal-Unjoni u l-impatt previst fuq l-industrija tal-Unjoni. |
|
(114) |
Kif imsemmi fil-premessa 28, minħabba n-nuqqas ta' kooperazzjoni tal-produtturi esportaturi Ċiniżi, din l-analiżi kienet ibbażata fuq l-Artikolu 18 tar-Regolament bażiku. |
4.7.2. Il-produzzjoni, il-kapaċitajiet żejda fiċ-Ċina u l-attraenza tas-suq tal-Unjoni
|
(115) |
Kif imsemmi fil-premessi 50 sa 54, il-kapaċitajiet żejda disponibbli fiċ-Ċina kienu sinifikanti, jiġifieri madwar 280 000 tunnellata. Tali kapaċità żejda rrappreżentat aktar minn tliet darbiet il-konsum totali tal-Unjoni matul il-perjodu ta' investigazzjoni tar-rieżami. |
|
(116) |
B'mod simili, abbażi ta' paragun tal-prezzijiet tal-esportazzjonijiet Ċiniżi lejn l-Unjoni u lejn swieq oħrajn ta' pajjiżi terzi, il-preżenza sinifikanti kontinwa ta' esportazzjonijiet Ċiniżi fis-suq tal-Unjoni kif ukoll id-dazji fis-seħħ fi swieq tal-esportazzjonijiet ewlenin oħrajn għall-produtturi esportaturi Ċiniżi, il-Kummissjoni stabbiliet li s-suq tal-Unjoni huwa attraenti għall-produtturi esportaturi Ċiniżi kif deskritt fil-premessi 56 sa 58. |
|
(117) |
Fuq il-bażi ta' dan, il-Kummissjoni kkonkludiet li x'aktarx, il-kapaċità żejda Ċiniża se tiġi diretta lejn l-Unjoni jekk il-miżuri jitħallew jiskadu. |
4.7.3. Prezzijiet ta' importazzjonijiet Ċiniżi
|
(118) |
Bħala indikazzjoni tal-livell tal-prezz li x'aktarx li l-karbonat tal-barju Ċiniż se jiġi importat bih fis-suq tal-Unjoni jekk jitħassru l-miżuri, ġie kkunsidrat il-livell tal-prezzijiet tal-importazzjonijiet Ċiniżi lejn l-Unjoni mingħajr dazji antidumping. Il-paragun matul il-perjodu ta' investigazzjoni tar-rieżami wera li l-prezzijiet Ċiniżi mingħajr dazji antidumping kienu ġeneralment f'medja ta' madwar 35 % inqas mill-prezzijiet tal-industrija tal-Unjoni. Għaż-żewġ kumpaniji li ngħataw MET fl-investigazzjoni oriġinali, il-prezzijiet kienu fil-firxiet ta' 33 % sa 38 % u 28 % sa 32 % inqas mill-prezzijiet tal-industrija tal-Unjoni, rispettivament. Għall-bqija tal-produtturi esportaturi Ċiniżi soġġetti għal dazju residwali, id-differenza fil-prezz kienet ta' 40 % sa 46 % inqas mill-prezzijiet tal-industrija tal-Unjoni. |
|
(119) |
Barra minn hekk, ġew analizzati l-livelli tal-prezzijiet li ġie esportat bihom il-karbonat tal-barju miċ-Ċina lejn pajjiżi terzi oħrajn. Il-prezzijiet Ċiniżi għal pajjiżi terzi oħrajn instabu, bħala medja, li huma inqas mill-prezzijiet tal-industrija tal-Unjoni minn madwar 25 % sa madwar 45 %. |
|
(120) |
Fuq il-bażi ta' dan, il-Kummissjoni stabbiliet li x'aktarx l-importazzjonijiet miċ-Ċina ser jeżerċitaw saħansitra pressjoni tal-prezzijiet ogħla fuq l-industrija tal-Unjoni minn dik li huma eżerċitaw matul il-perjodu ta' investigazzjoni tar-rieżami jekk il-miżuri jiġu revokati. |
4.7.4. Impatt probabbli fuq l-industrija tal-Unjoni
|
(121) |
Abbażi tal-fatti msemmija hawn fuq, fin-nuqqas ta' miżuri antidumping, il-produtturi esportaturi Ċiniżi ser ikollhom inċentiv biex iżidu b'mod sinifikanti l-volum tal-importazzjonijiet tagħhom fis-suq tal-Unjoni bi prezzijiet baxxi li jkunu oġġett ta' dumping billi eżerċitaw pressjoni 'l isfel fuq il-prezzijiet prevalenti fl-Unjoni. |
|
(122) |
Żieda fil-volum ta' importazzjonijiet Ċiniżi — li x'aktarx, minħabba l-kapaċitajiet żejda disponibbli — flimkien mal-pressjoni tal-prezzijiet ulterjuri mistennija, x'aktarx ser ikollha impatt negattiv fuq is-sitwazzjoni tal-industrija tal-Unjoni. |
|
(123) |
Tabilħaqq, jekk dan ix-xenarju jimmaterjalizza ruħu, ma tantx se jkun probabbli li l-industrija tal-Unjoni tkun tista' tnaqqas il-prezzijiet tagħha. Indikazzjoni f'dan ir-rigward hija mogħtija mill-fatt li matul il-perjodu kkunsidrat, l-industrija tal-Unjoni ma naqsitx il-prezzijiet tal-bejgħ tagħha, anke f'sitwazzjoni ta' tnaqqis fil-kost tal-produzzjoni, peress li dawn diġà kienu aktar baxxi mill-kostijiet. |
|
(124) |
Barra minn hekk, f'tali xenarju, jekk l-industrija tal-Unjoni żżomm il-livelli tal-prezzijiet tagħha, x'aktarx li din titlef volum tal-bejgħ u sehem mis-suq peress li volumi akbar sinifikanti tal-importazzjonijiet miċ-Ċina x'aktarx li jidħlu fis-suq bi prezzijiet saħansitra aktar baxxi. |
|
(125) |
Bħala riżultat, l-industrija tal-Unjoni jkollha tnaqqas il-livell ta' produzzjoni tagħha, li jaffettwa bi kbir il-kost tal-produzzjoni u l-profittabbiltà tagħha, peress li l-manifattura tal-karbonat tal-barju tuża kapital intensiv u l-piż tal-kostijiet fissi għal kull tunnellata jiżdied b'mod sinifikanti. |
|
(126) |
L-effett tal-tibdil fil-volum tal-produzzjoni fuq il-profittabbiltà tal-industrija tal-Unjoni ġie osservat matul il-perjodu kkunsidrat. Fl-2014, żieda ta' 20 % tal-produzzjoni rriżultat f'titjib kbir tal-profittabbiltà tal-industrija tal-Unjoni, filwaqt li tnaqqis ta' 8 % fil-volum tal-produzzjoni fil-perjodu ta' investigazzjoni tar-rieżami affettwa b'mod negattiv il-profittabbiltà, li naqset ukoll. Għalhekk, kwalunkwe tnaqqis fil-volum tal-produzzjoni jirriżulta f'żieda fil-kostijiet fissi għal kull tunnellata, filwaqt li fl-istess ħin, tali żieda fil-kost ma tistax tiġi riflessa f'żieda fil-prezzijiet tal-bejgħ, minħabba l-pressjoni tal-prezzijiet eżerċitata mill-importazzjonijiet Ċiniżi. Bħala konsegwenza, dan jiddeterjora aktar il-profittabbiltà tal-industrija tal-Unjoni, li diġà kienet qiegħda tagħmel telf matul il-perjodu ta' investigazzjoni tar-rieżami. |
4.7.5. Konklużjoni dwar il-probabbiltà ta' kontinwazzjoni tal-ħsara
|
(127) |
Abbażi ta' dak li ntqal hawn fuq, il-Kummissjoni kkonkludiet li s-sitwazzjoni tal-industrija tal-Unjoni, li diġà kienet qiegħda ssofri minn ħsara materjali, tkompli tiddeterjora jekk il-miżuri jiġu revokati, peress li l-industrija tal-Unjoni ma tkunx f'pożizzjoni li tikkompeti maż-żieda fil-volum ta' importazzjonijiet Ċiniżi mibjugħa bi prezzijiet dannużi li kienu oġġett ta' dumping. Għalhekk, fit-terminu medju, x'aktarx il-produttur tal-Unjoni mhu ser ikollu l-ebda għażla oħra ħlief li jwaqqaf l-operazzjonijiet tiegħu. |
|
(128) |
Il-Kummissjoni għalhekk ikkonkludiet li hemm probabbiltà kbira ta' kontinwazzjoni ta' ħsara f'każ li l-miżuri jiġu mħassra. |
5. L-INTERESS TAL-UNJONI
|
(129) |
Skont l-Artikolu 21 tar-Regolament bażiku, il-Kummissjoni eżaminat jekk iż-żamma tal-miżuri antidumping eżistenti fuq importazzjonijiet tal-prodott taħt rieżami tmurx kontra l-interess tal-Unjoni b'mod ġenerali. Id-determinazzjoni tal-interess tal-Unjoni kienet ibbażata fuq valutazzjoni tal-interessi kollha involuti, inklużi dawk tal-industrija tal-Unjoni, tal-importaturi u tal-utenti. Il-partijiet kollha interessati ngħataw l-opportunità li jesprimu l-opinjonijiet tagħhom skont l-Artikolu 21(2) tar-Regolament bażiku.. |
5.1. L-interess tal-industrija tal-Unjoni
|
(130) |
Il-miżuri antidumping fis-seħħ ippermettew lill-industrija tal-Unjoni żżomm il-produzzjoni tal-karbonat tal-barju fl-Unjoni. Madankollu, l-industrija tal-Unjoni ma rnexxilhiex tirkupra kompletament mis-sitwazzjoni dannuża tal-imgħoddi u l-profittabbiltà baqgħet negattiva. |
|
(131) |
Filwaqt li huwa minnu li l-importazzjonijiet Ċiniżi xorta waħda rrappreżentaw sehem mis-suq għoli matul il-perjodu kkunsidrat b'impatt negattiv fuq is-sitwazzjoni tal-industrija tal-Unjoni, il-miżuri, minkejja dan, ipproteġew l-industrija tal-Unjoni b'mod partikolari mill-maġġoranza tal-produtturi esportaturi Ċiniżi li attwalment huma soġġetti għad-dazju residwu. Madankollu, l-investigazzjoni kkonkludiet li x'aktarx, il-produtturi esportaturi Ċiniżi jerġgħu jidħlu fis-suq tal-Unjoni f'volumi saħansitra ogħla jekk il-miżuri jitħallew jiskadu. |
|
(132) |
L-investigazzjoni wriet li l-industrija tal-Unjoni investiet biex tirrazzjonalizza l-proċess ta' produzzjoni tagħha u tiżgura s-sostenibbiltà ta' impjant fejn żewġ prodotti, il-karbonat tal-barju u l-karbonat tal-istronzju huma mmanifatturati b'mod parallel. Kif spjegat fil-premessa 93, il-kostijiet tal-produzzjoni ta' dawn iż-żewġ prodotti huma interdipendenti peress li f'xi partijiet tal-proċess, jintuża tagħmir speċjali għaż-żewġ prodotti. Il-produzzjoni kkombinata tippermetti lill-industrija tal-Unjoni tnaqqas il-kostijiet fissi kbar fuq l-impjant kollu. |
|
(133) |
Jekk il-miżuri jiġu revokati, l-isforzi tal-industrija tal-Unjoni biex tirrazzjonalizza l-kost tagħha jintilfu, peress li l-kostijiet fissi jiżdiedu minħabba t-telf tal-bejgħ u l-volum tal-produzzjoni kif deskritt fil-premessa 126. Dan jhedded serjament il-vijabbiltà tal-attività tal-karbonat tal-barju li, bħala konsegwenza, jista' jkollha twaqqaf il-produzzjoni. Dan ser ikollu wkoll konsegwenzi negattivi fuq il-produzzjoni tal-karbonat tal-istronzju minħabba r-raġunijiet spjegati fil-premessa 132. |
|
(134) |
Fid-dawl ta' dak li ntqal hawn fuq, il-Kummissjoni kkonkludiet li huwa fl-interess tal-industrija tal-Unjoni li jinżammu miżuri kontra l-importazzjonijiet li huma l-oġġett ta' dumping mir-RPĊ. |
5.2. L-interess tal-importaturi mhux relatati
|
(135) |
Il-Kummissjoni bagħtet kwestjonarji lis-sitt importaturi mhux relatati li ppreżentaw ruħhom, kif deskritt fil-premessi 16 u 18. Madankollu, ebda wieħed minnhom ma kkoopera mal-investigazzjoni. |
|
(136) |
L-investigazzjoni ma wriet l-ebda element li juri li l-kontinwazzjoni tal-miżuri antidumping fis-seħħ ikollha effett negattiv sinifikanti fuq is-sitwazzjoni tal-importaturi mhux relatati. |
5.3. L-interess tal-utenti
|
(137) |
Fil-bidu, il-Kummissjoni kkuntattjat lill-utenti kollha magħrufa u stednithom jikkooperaw. Sitta u tmenin kumpanija ppreżentaw ruħhom kif deskritt fil-premessa 18 u l-kwestjonarji ntbagħtu lil kull waħda minnhom. Ħmistax-il utent wieġbu għall-kwestjonarju. |
|
(138) |
Minn dawn il-ħmistax-il utent, ħamsa biss ipprovdew tweġiba kompluta għall-kwestjonarju. L-għaxar utenti li kien fadal ipprovdew verżjoni mhux kunfidenzjali tat-tweġiba tagħhom għall-kwestjonarji kif meħtieġ mill-Artikolu 19(2) tar-Regolament bażiku. Għalhekk, it-tweġibiet tagħhom ma jistgħux jitqiesu skont l-Artikolu 19(3) tar-Regolament bażiku. |
|
(139) |
L-importazzjonijiet tal-ħames utenti li kkooperaw li pprovdew tweġibiet sħaħ għall-kwestjonarju ammontaw għal madwar 6 % tal-bejgħ tal-industrija tal-Unjoni fl-Unjoni u madwar 10 % tal-importazzjonijiet totali miċ-Ċina. Dawn irrappreżentaw madwar 8 % tal-konsum totali tal-Unjoni. L-utenti li kkooperaw kienu joperaw fis-settur tal-frits taċ-ċeramika u l-verniċ, fis-settur tas-sustanzi kimiċi, tal-ħġieġ u l-kristall u fis-settur elettrotekniku, jiġifieri xi wħud mill-applikazzjonijiet ewlenin tal-karbonat tal-barju. |
|
(140) |
L-investigazzjoni sabet li l-karbonat tal-barju jirrappreżenta biss bejn 1,4 % u 2,6 % tal-kost totali tal-produzzjoni tal-utenti li kkooperaw, skont ir-rekwiżiti tal-prodott finali. Konsegwentement, l-impatt tal-miżuri fuq dawn l-utenti huwa meqjus relattivament limitat. |
|
(141) |
Utent wieħed sostna li l-miżuri antidumping affettwaw b'mod negattiv il-kostijiet tal-produzzjoni tiegħu u għalhekk il-kompetittività tiegħu ġiet affettwata b'mod ħażin. Kif muri fil-premessa 140, dan ma kienx appoġġjat mill-fatti stabbiliti matul l-investigazzjoni u għalhekk, dan l-argument ġie miċħud. |
|
(142) |
Abbażi ta' dan ta' hawn fuq, ma kien hemm l-ebda indikazzjoni li l-kontinwazzjoni tal-miżuri antidumping fis-seħħ ikollha effett negattiv sinifikanti fuq is-sitwazzjoni tal-utenti. |
5.4. Konklużjoni dwar l-interess tal-Unjoni
|
(143) |
Fid-dawl ta' dan ta' hawn fuq, il-Kummissjoni kkonkludiet li ma hemmx raġunijiet inevitabbli kontra l-kontinwazzjoni tal-miżuri antidumping fis-seħħ. |
6. MIŻURI ANTIDUMPING
|
(144) |
Il-partijiet kollha interessati kienu infurmati bil-fatti u l-kunsiderazzjonijiet essenzjali li abbażi tagħhom kien maħsub li jinżammu l-miżuri antidumping fis-seħħ. Huma ngħataw ukoll perjodu li matulu setgħu jressqu kummenti wara din id-divulgazzjoni. Ma daħal l-ebda kumment. |
|
(145) |
Mill-kunsiderazzjonijiet ta' hawn fuq jirriżulta li, skont l-Artikolu 11(2) tar-Regolament bażiku, il-miżuri antidumping applikabbli għall-importazzjonijiet tal-karbonat tal-barju li joriġina miċ-Ċina, imposti bir-Regolament (UE) Nru 831/2011, għandhom jinżammu. |
|
(146) |
Il-miżuri previsti f'dan ir-Regolament huma skont l-opinjoni tal-Kumitat stabbilit fl-Artikolu 15(1) tar-Regolament (UE) 2016/1036, |
ADOTTAT DAN IR-REGOLAMENT:
Artikolu 1
1. Dazju antidumping definittiv huwa b'dan impost fuq l-importazzjonijiet tal-karbonat tal-barju b'kontenut ta' stronzju ta' aktar minn 0,07 % skont il-piż u b'kontenut ta' sulfur ta' aktar minn 0,0015 % skont il-piż, kemm jekk fi trab, f'għamla granulari jew granulari kalċinata ppressata, li bħalissa huwa kklassifikat bil-kodiċi NM ex 2836 60 00 (Kodiċi TARIC 2836600010), li joriġina fir-Repubblika tal-Poplu taċ-Ċina.
2. L-ammont ta' dazju antidumping definittiv għandu jkun ugwali għal ammont fiss kif speċifikat hawn taħt għal prodotti magħmula mill-manifatturi li ġejjin:
|
Kumpanija |
Ir-rata ta ' dazju (EUR/t) |
Kodiċi TARIC addizzjonali |
|
Hubei Jingshan Chutian Barium Salt Corp. Ltd, 62, Qinglong Road, Songhe Town, Jingshan County, Hubei Province, RPĊ |
6,3 |
A606 |
|
Zaozhuang Yongli Chemical Co. Ltd, South Zhuzibukuang Qichun, Zaozhuang City Center District, Shandong Province, RPĊ |
8,1 |
A607 |
|
Il-kumpaniji kollha l-oħrajn |
56,4 |
A999 |
3. L-applikazzjoni tar-rati tad-dazju individwali speċifikati għall-kumpaniji msemmija fil-paragrafu 2 għandha tkun bil-kundizzjoni li tiġi ppreżentata fattura kummerċjali valida lill-awtoritajiet doganali tal-Istati Membri, li fuqha tidher dikjarazzjoni ddatata u ffirmata minn uffiċjal tal-entità li joħroġ tali fattura, identifikat b'ismu/isimha u l-kariga, abbozzata kif ġej: “Jien, is-sottoskritt, niċċertifika li l-(volum) tal-(prodott ikkonċernat) mibjugħ għall-esportazzjoni lejn l-Unjoni Ewropea kopert minn din il-fattura ġie mmanifatturat minn (isem il-kumpanija u l-indirizz) (Kodiċi addizzjonali TARIC) fir-Repubblika tal-Poplu taċ-Ċina. Jiena niddikjara li t-tagħrif mogħti f'din il-fattura huwa sħiħ u korrett.” Jekk l-ebda tali fattura ma tiġi ppreżentata, japplika d-dazju applikabbli għall-kumpaniji l-oħrajn kollha.
4. Għall-produtturi msemmija b'mod individwali (li jaqgħu taħt il-kodiċi TARIC A606 u A607) kif ukoll għal kumpaniji oħrajn (li jaqgħu taħt il-kodiċi TARIC A999), japplika dan li ġej: f'każijiet fejn il-prodotti ssirilhom ħsara qabel id-dħul f'ċirkolazzjoni libera u, għalhekk, il-prezz imħallas jew pagabbli huwa mqassam għad-determinazzjoni tal-valur doganali skont l-Artikolu 131(2) tar-Regolament ta' Implimentazzjoni tal-Kummissjoni (UE) 2015/2447 (15), u l-ammont ta' dazju antidumping, ikkalkulat abbażi tal-ammonti fissi stabbiliti hawn fuq, għandu jitnaqqas b'perċentwal li jikkorrispondi għat-tqassim tal-prezz imħallas jew pagabbli.
5. Sakemm ma jkunx speċifikat mod ieħor, għandhom japplikaw id-dispożizzjonijiet fis-seħħ dwar id-dazji doganali.
Artikolu 2
Dan ir-Regolament għandu jidħol fis-seħħ jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta' Settembru 2017.
Għall-Kummissjoni
Il-President
Jean-Claude JUNCKER
(1) ĠU L 176, 30.6.2016, p. 21.
(2) Ir-Regolament tal-Kunsill (KE) Nru 1175/2005 tat-18 ta' Lulju 2005 li jimponi dazju anti-dumping definittiv u jiġbor definittivament dazju provviżorju impost fuq l-importazzjoni tal-karbonju tal-barju li joriġina mir-Repubblika tal-Poplu taċ-Ċina (ĠU L 189, 21.7.2005, p. 15).
(3) Ir-Regolament ta' Implimentazzjoni tal-Kunsill (UE) Nru 831/2011 tas-16 ta' Awwissu 2011 li jimponi dazju anti-dumping definittiv fuq importazzjonijiet tal-karbonat tal-barju li joriġina mir-Repubblika Popolari taċ-Ċina wara reviżjoni ta' skadenza skont l-Artikolu 11(2) tar-Regolament (KE) Nru 1225/2009 (ĠU L 214, 19.8.2011., p. 1).
(4) ĠU C 388, 21.11.2015, p. 16.
(5) ĠU C 298, 18.8.2016, p. 4.
(6) Il-COMTRADE tan-NU huwa repożitorju ta' statistika uffiċjali internazzjonali dwar il-kummerċ u tabelli analitiċi rilevanti: https://comtrade.un.org/
(7) Pereżempju. siti web tal-kumpanija, ara n-nota f'qiegħ il-paġna 8.
(8) Referenza: Hubei Jingshan Chutian Barium Salt Corp. Ltd: http://www.jingyan.com/index.php?lang=en aċċessat fid-9.1.2017; Zaozhuang Yongli Chemical Co. Ltd., http://lylchem.com/English/index.asp aċċessat fid-9.1.2017; Guizhou Hongkaj Chemical Co. Ltd.: http://www.guizhouhongkaichemicalcoltd.enic.pk/ aċċessat fid-9.1.2017; Hengyang Hong Xiang Co. Ltd.: http://www.yp.net.cn/english/search/printSingleDetailed.asp?i=C%19yK0%08i%40RY_jV%40&p=14 aċċessat fid-9.1.2017; Guizhou Red Star Developing Co.: http://www.redstarchem.com.cn/_d273694355.htm aċċessat fid-9.1.2017; Hebei Xinji Chemical Group Co. Ltd.: http://www.hhxj.chemchina.com/hbxjen/gywm/dsj/B700106web_1.htm aċċessat fid-9.1.2017; Henan Huaxing Barium Industry Co., Ltd.: https://www.fuzing.com/barium-carbonate-(manufacturer-of-China)/l/9c037042-e065-1f8f-a97a-04b07ac7793b aċċessat fid-9.1.2017; SHAANXI ANKANG JIANGHUA GROUP CO, LTD: L-impjant kimiku ta' Jianghua: http://www.jianghuagroup.com/template/structureen.htm aċċessat fid-19.1.2017; Hengyang Wanfeng Chemical Co, Ltd.: http://www.wf-chem.com/pages/about.htm aċċessat fid-9.1.2017; Hounan Chenzhou Chemical Industry Co, Ltd.: http://www.chinachenzhou.com/cgi/search-en.cgi?f=introduction_en_1_+company_en_1_&t=introduction_en_1 aċċessat fid-9.1.2017.
(9) Data HS6 COMTRADE għall-prodott 283660: esportazzjonijiet dinjija 141,766 tunnellata, importazzjonijiet dinjija 137 554 tunnellata.
(10) Il-premessa 71 tar-Regolament ta' Implimentazzjoni (UE) Nru 831/2011.
Sors: Il-Bażi tad-Dejta tal-Istatistika dwar l-Esportazzjonijiet Ċiniżi.
(12) Iż-żewġ sorsi ta' dejta mill-Istatistika dwar l-Esportazzjonijiet taċ-Ċina tal-2009 u l-2015.
(13) Il-prezzijiet ma jinkludux dazji tal-antidumping fis-seħħ.
(14) Kampanji konsekuttivi, tirreferi għall-produzzjoni “alternata” taż-żewġ prodotti fl-istess linji ta' produzzjoni; produzzjoni parallela, tirreferi għall-produzzjoni “simultanja” taż-żewġ prodotti f'linji differenti. L-istess tagħmir huwa kondiviż u jintuża fiż-żewġ linji ta' produzzjoni.
(15) Ir-Regolament ta' Implimentazzjoni tal-Kummissjoni (UE) 2015/2447 tal-24 ta' Novembru 2015 li jistabbilixxi regoli dettaljati għall-implimentazzjoni ta' ċerti dispożizzjonijiet tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni (ĠU L 343, 29.12.2015, p. 558).