–

Profit Europe NV, ag P. Diaz Gavier, advocaat,

–

Gosselin Forwarding Services NV, ag A. Poelmans, advocaat,

–

Rialtas na Beilge, ag S. Baeyens, P. Cottin agus C. Pochet, i gcáil Gníomhairí,

–

an Coimisiún Eorpach, ag P.-J. Loewenthal, G. Luengo agus J. Zieliński, i gcáil Gníomhairí,

1

Baineann an iarraidh ar réamhrialú le bailíocht Rialachán (AE) Uimh. 1071/2012 ón gCoimisiún an 14 Samhain 2012 lena bhforchuirtear dleacht frithdhumpála shealadach ar allmhairí feisteas teilgthe feadán nó píopaí snáithithe, as iarann teilgthe intuargainte, de thionscnamh Dhaon-Phoblacht na Síne agus na Téalainne (IO 2012 L 318, lch. 10; ‘an Rialachán Sealadach’) agus Rialachán Cur Chun Feidhme (AE) Uimh. 430/2013 ón gComhairle an 13 Bealtaine 2013 lena bhforchuirtear dleacht frithdhumpála chinntitheach agus lena mbailítear go cinntitheach an dleacht shealadach a fhorchuirtear ar allmhairí feisteas teilgthe feadán nó píopaí snáithithe, as iarann teilgthe intuargainte, de thionscnamh Dhaon-Phoblacht na Síne agus na Téalainne agus an imeacht maidir leis an Indinéis a fhoirceannadh (IO 2013 L 129, lch. 1; ‘an Rialachán Cinntitheach’) (le chéile, ‘na Rialacháin Frithdhumpála’).

2

Rinneadh an iarraidh in imeachtaí coiriúla a tionscnaíodh i gcoinne Profit Europe NV agus Gosselin Forwarding Services NV (Crosstainer NV roimhe seo) (‘Gosselin’), a líomhnaítear gur rinneadh sáruithe custaim éagsúla ar allmhairiú feisteas teilgthe feadáin nó píopaí snáithithe, as iarann teilgthe graifíte sféaróidí, de thionscnamh na Síne.

An dlí lena mbaineann

Reachtaíocht an Aontais maidir le haicmiú taraifí

Cód Custam an Chomhphobail

3

Foráiltear le hAirteagal 20 de Rialachán (CEE) Uimh. 2913/92 ón gComhairle an 12 Deireadh Fómhair 1992 lena mbunaítear Cód Custaim an Chomhphobail (IO 1992 L 1, lch. 302; ‘Cód Custaim an Chomhphobail’), i míreanna 1 go 3 agus 6:

–

AC

4

Mar is léir ó Airteagal 1(1) de Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO 1987 L 256, lch. 1), arna leasú le Rialachán (CE) Uimh. 254/2000 ón gComhairle an 31 Eanáir 2000 (IO 2000 L 28, lch. 16) (‘Rialachán Uimh. 2658/87’), bunaíonn an Coimisiún Eorpach an Ainmníocht Chomhcheangailte (‘AC’) a chomhlíonann ceanglais na Comhtharaife Custaim, staidreamh seachtrach trádála an Aontais Eorpaigh agus beartais eile an Aontais Eorpaigh a bhaineann le hallmhairiú nó onnmhairiú earraí.

5

Tá AC, atá in Iarscríbhinn I a ghabhann le Rialachán Uimh. 2658/87, bunaithe ar an gCóras Comhchuibhithe um Thuairisciú agus um Chódú Tráchtearraí a dhréachtaigh an Chomhairle um Chomhar Custaim, ar a dtugtar an Eagraíocht Dhomhanda Chustaim (EDC) anois, agus a bunaíodh leis an gCoinbhinsiún Idirnáisiúnta ar an gCóras Comhchuibhithe um Thuairisciú agus um Chódú Tráchtearraí, a tugadh i gcrích sa Bhruiséil an 14 Meitheamh 1983. Rinneadh an Coinbhinsiún sin, agus an Prótacal lena ndéantar leasú air an 24 Meitheamh 1986, a fhormheas thar ceann Chomhphobal Eacnamaíochta na hEorpa le Cinneadh 87/369/CEE ón gComhairle an 7 Aibreán 1987 (IO 1987 L 198, lch. 1). I gcomhréir le hAirteagal 3(1) de Rialachán Uimh. 2658/87, luann AC ceannteidil agus fo-cheannteidil sé dhigit an Chórais Chomhchuibhithe um Thuairisciú agus um Chódú Tráchtearraí, agus ní fhoirmíonn ach an seachtú agus an t-ochtú dhigit ina bhforanna a bhaineann go sonrach leis.

6

In AC, sa leagan a thagann as Rialachán (AE) Uimh. 1006/2011 ón gCoimisiún an 27 Meán Fómhair 2011 (IO 2011 L 282, lch. 1) agus sa leagan a thagann as Rialachán Cur Chun Feidhme (AE) Uimh. 927/2012 ón gCoimisiún an 9 Deireadh Fómhair 2012 (IO 2012 L 304, lch. 1), le ceannteideal 7307, tá an méid seo a leanas:

7

Faoi Airteagal 9(1) de Rialachán Uimh. 2658/87, tá an Coimisiún chun nótaí míniúcháin a ghabhann le AC a ghlacadh.

8

Luadh an méid seo a leanas sna nótaí míniúcháin a ghabhann le AC a foilsíodh in Iris Oifigiúil an Aontais Eorpaigh an 6 Bealtaine 2011 (IO 2011 C 137, lch. 1), a bhaineann le fo-cheannteidil 7307 11 10 agus 73 07 11 90:

9

De réir na nótaí míniúcháin a ghabhann le fo-cheannteideal 7307 19 10:

10

Leis na nótaí míniúcháin a ghabhann le AC a foilsíodh in Iris Oifigiúil an Aontais Eorpaigh an 4 Eanáir 2019 (IO 2019 C 2, lch. 2), ar thaobh amháin, scriosadh an tríú mír den nóta míniúcháin a ghabhann le fo-cheannteideal 7307 19 10. Ar an taobh eile, cuireadh isteach an nóta míniúcháin nua a ghabhann le fo-cheannteideal 7307 19 90, lena sonraítear go n-áirítear feistis d’iarann teilgthe graifíte sféaróidí.

–

TARIC

11

Foráiltear le hAirteagal 2 de Rialachán 2658/87:

12

Áirítear ar bhearta an Aontais dá bhforáiltear in Airteagal 2 den Rialachán sin, i bpointe 5 d’Iarscríbhinn II a ghabhann leis, inter alia, dleachtanna frithdhumpála.

13

Baineann Cód TARIC 7307 19 10 le feistis feadáin nó píobáin snáithithe, as iarann teilgthe intuargainte.

Reachtaíocht frithdhumpála

–

Bun-Rialachán

14

Foráiltear le hAirteagal 1(1), (2) agus (4) de Rialachán (CE) Uimh. 1225/2009 ón gComhairle an 30 Samhain 2009 maidir le cosaint i gcoinne allmhairí dumpáilte ó thíortha nach baill den Chomhphobal Eorpach iad (IO 2009 L 343, lch. 51, ‘an Bun-Rialachán’):

15

De réir Airteagal 5 den Bhun-Rialachán, dar teideal ‘Imeachtaí a thionscnamh’:

16

Foráiltear le hAirteagal 6(1) agus (5) den Rialachán sin, dar teideal ‘Imscrúdú’:

17

Foráiltear le hAirteagal 7(1) den Rialachán sin, dar teideal ‘Foinsí faisnéise’, an méid seo a leanas:

18

Foráiltear in Airteagal 9(4) den Rialachán sin, dar teideal ‘Foirceannadh gan bhearta a ghlacadh; dleachtanna cinntitheacha a fhorchur’:

–

Rialachán Sealadach

19

Is mar seo a leanas a bhí an fhoclaíocht in aithrisí 1, 2, 16, 19 agus 28 den Rialachán Sealadach:

20

Foráiltear le hAirteagal 1(1) den Rialachán sin:

–

An Rialachán Cinntitheach

21

Is mar seo a leanas a bhí an fhoclaíocht in aithrisí 12 agus 13 den Rialachán Cinntitheach:

22

Foráiltear an méid seo a leanas in Airteagal 1(1) den Rialachán Cinntitheach:

An díospóid sna príomhimeachtaí agus na ceisteanna a tharchuirtear le haghaidh réamhrialú

23

Is dhá chuideachta Bheilgeacha iad Profit Europe agus Gosselin. Allmhairíonn Profit Europe feistis feadáin nó píobáin as iarann teilgthe, agus soláthraíonn Gosselin seirbhísí dearbhaithe custaim. Tá an dá cheann acu á n-ionchúiseamh, inter alia, as a sheachaint, agus feistis feadáin nó píobáin as iarann teilgthe graifíte sféaróidí á n-allmhairiú ón tSín le linn na tréimhse ón 19 Samhain 2012 go dtí an 30 Meitheamh 2015, dleachtanna frithdhumpála EUR 651 954,11 a íoc trí dhearbhú go bhfuil na feistis sin faoi cheannteideal taraife agus ainmniú mícheart, eadhon fo-cheannteideal AC 7307 11 10, a chomhfhreagraíonn d’fheistis neamh-intuargainte.

24

I ndáil leis sin, mheas an Centrale Administratie der Douane en Accijnzen (An Riarachán Lárnach Custaim agus Máil, an Bheilg), trí chinntí an 30 Márta 2015 agus an 9 Aibreán 2015, gur tháinig na táirgí sin faoi fho-cheannteideal 7307 19 10 de chód AC agus TARIC 7307 19 10 90 (‘feistis feadáin nó píobáin theilgthe, as iarann teilgthe intuargainte, gan snáithiú’). Rinneadh tagairt sna cinntí sin do nótaí míniúcháin AC a ghabhann le ceannteideal 7307 19 10, ina luaitear go gcumhdaítear leis an téarma ‘iarann teilgthe intuargainte’ iarann teilgthe graifíte sféaróideach freisin, agus do chonclúidí an 140ú cruinniú den Choiste um an gCód Custaim, a tionóladh ón 30 Meán Fómhair go dtí an 3 Deireadh Fómhair 2014, lena ndeimhnítear, go bunúsach, tuiscint leathan an téarma sin.

25

Ós rud é nár éirigh lena achomhairc riaracháin, thug Profit Europe, an 10 Bealtaine 2016, caingean os comhair an Nederlandstalige Rechtbank van eerste aanleg Brussel (Cúirt Chéadchéime Ollainnise na Bruiséile, an Bheilg) i gcoinne gach ceann de na cinntí sin.

26

Ina theannta sin, an 24 Feabhra 2017, tionscnaíodh imeachtaí coiriúla i gcoinne Profit Europe agus Gosselin os comhair an rechtbank van eerste aanleg Antwerpen, afdeling Antwerpen (an Chúirt Chéadchéime, Rannán Antuairp, Antuairp, an Bheilg), go háirithe as earraí a dhearbhú faoi cheannteideal taraife agus ainmniú mícheart.

27

Agus na himeachtaí coiriúla sin fós ar siúl, rinne an Nederlandstalige rechtbank van eerste aanleg Brussel (Cúirt Chéadchéime na Bruiséile ina labhraítear Ollainnis) tarchur chuig an gCúirt Bhreithiúnais le haghaidh réamhrialú an 16 Meitheamh 2017, i ndá chás as ar eascair breithiúnas an 12 Iúil 2018, Profit Europe (C-397/17 agus C-398/17, EU:C:2018:564).

28

Sa bhreithiúnas sin, chinn an Chúirt nach mór feistis feadáin nó píobáin déanta as iarann teilgthe graifíte sféaróidí a aicmiú faoi fho-cheannteideal iarmharach 7307 19 90 de AC (‘feistis feadáin nó píobáin eile as iarann nó cruach teilgthe’).

29

Tar éis bhreithiúnas an 12 Iúil 2018, Profit Europe (C-397/17 agus C-398/17, EU:C:2018:564), tharraing Stát na Beilge siar a thacaíocht don seasamh a chosain sé go dtí an pointe sin os comhair an Nederlandstalige rechtbank van eerste aanleg Brussel (Cúirt Chéadchéime na Bruiséile ina labhraítear Ollainnis) agus deonaíodh cúiteamh nós imeachta do Profit Europe.

30

Le breithiúnas an 28 Márta 2019, d’éigiontaigh an rechtbank van eerste aanleg Antwerpen, afdeling Antwerpen (an Chúirt Chéadchéime, Rannán Antuairp, Antuairp), ar an gcéad dul síos, Profit Europe agus Gosselin as na cúisimh a bhain leis an dearbhú faoi cheannteideal taraife mícheart agus ainmniú mícheart agus, ar an dara dul síos, dhiúltaigh sí don chaingean chánach arna tionscnamh ag an Riarachán Lárnach Custaim agus Máil.

31

An 16 Aibreán 2019, rinne an Openbaar Ministerie (Oifig an Ionchúisitheora Phoiblí, an Bheilg) agus an Federale Overheidsdienst Financiën (an tSeirbhís Airgeadais Phoiblí Chónaidhme, an Bheilg) achomharc i gcoinne an bhreithiúnais sin os comhair hof van beroep te Antwerpen (Cúirt Achomhairc Antuairp, an Bheilg).

32

Le cinneadh an 18 Meitheamh 2020, chuir an chúirt sin, de bhun Airteagal 267 CFAE, iarraidh ar réamhrialú chuig an gCúirt Breithiúnais maidir le léiriú ar na Rialacháin Frithdhumpála.

33

Ina breithiúnas an 15 Iúil 2021, Profit Europe agus Gosselin Forwarding Services (C-362/20, EU:C:2021:612), rialaigh an Chúirt nach mór na Rialacháin sin a léiriú sa chaoi go bhfuil feidhm ag na dleachtanna frithdhumpála sealadacha agus cinntitheacha a fhorchuirtear leis na Rialacháin sin maidir le feistis feadáin nó píobáin snáithithe as iarann teilgthe graifíte sféaróidí, de thionscnamh Dhaon-Phoblacht na Síne.

34

Os comhair hof van beroep te Antwerpen (an Chúirt Achomhairc, Antuairp), arb í an chúirt a rinne an tarchur sa chás seo í, áitíonn Profit Europe agus Gosselin go bhfuil na Rialacháin céanna, a mhéid a fhorchuirtear dleachtanna frithdhumpála leo ar fheistis feadáin nó píobáin snáithithe, as iarann teilgthe graifíte sféaróidí, cé go dtagraíonn siad go heisiach d’iarann teilgthe ‘intuargainte’, neamhbhailí ar an bhforas go sáraítear leo Airteagail 1, 5, 6 agus 9 den Bhun-Rialachán.

35

Tugann an chúirt a rinne an tarchur dá haire nach dtagann an tagairt sa Rialachán Sealadach, faoin teideal ‘Táirge comhchosúil’, do tháirgí ‘iarainn theilgthe insínte’, téarma a úsáidtear freisin chun iarann teilgthe graifíte sféaróidí a aicmiú, ón ngearán a thaisc an Coiste Cosanta maidir le tionscal an iarainn theilgthe intuargainte san Aontas Eorpach an 3 Eanáir 2012, ná ón bhFógra Tionscnaimh, ach ó bharúil a rinne Ballstát mar thoradh ar imscrúdú an Choimisiúin.

36

Is é tátal na cúirte sin nach raibh feistis as iarann insínte, mar a chinn an Chúirt Bhreithiúnais ina breithiúnas an 12 Iúil 2018, Profit Europe (C-397/17 agus C-398/17, EU:C:2018:564), éagsúil le hiarann teilgthe intuargainte ó thaobh a chomhdhéanaimh agus a mhodh táirgthe, ina n-ábhar d’imscrúdú frithdhumpála. Dá bhrí sin, ní raibh aon sonraí ag an gCoimisiún a chuir ar a chumas a chinneadh ar dumpáladh allmhairí feisteas feadáin nó píobáin as iarann teilgthe insínte san Aontas Eorpach, cibé an ndearna an dumpáil sin díobháil agus cibé an raibh sé chun leasa an Aontais Eorpaigh na hallmhairí sin a chur faoi réir bearta frithdhumpála. Go háirithe, ní léir ón Rialachán Sealadach go raibh na sonraí riachtanacha ar fáil don Choimisiún chun an gnáthluach agus an praghas onnmhairiúcháin a chinneadh, ná chun na corrlaigh dumpála a ríomh.

37

Fiafraíonn an chúirt sin, in éagmais na sonraí sin, an bhféadfadh an Coimisiún torthaí an imscrúdaithe frithdhumpála a rinneadh go heisiach ar bhonn feistis feadáin nó píobáin as iarann teilgthe intuargainte a leathnú chuig feistis feadáin nó píobáin as iarann teilgthe intuargainte.

38

Sna himthosca sin, chinn an hof van beroep te Antwerpen (Cúirt Achomhairc Antuairp) bac a chur ar na himeachtaí agus na ceisteanna seo a leanas a tharchur chuig an gCúirt Bhreithiúnais le haghaidh réamhrialú:

An cheist a tharchuirtear

39

Lena ceist, fiafraíonn an chúirt a rinne an tarchur, go bunúsach, an bhfuil an Rialachán Sealadach agus an Rialachán Cinntitheach neamhbhailí i bhfianaise Airteagail 5, 6, 9 agus 1 den Bhun-Rialachán a mhéid a chuireann siad allmhairí feisteas feadáin nó píobáin snáithithe, as iarann teilgthe graifíte sféaróidí de thionscnamh Dhaon-Phoblacht na Síne, faoi réir dleachtanna frithdhumpála, cé nár bhain an gearán, an fógra tionscnaimh agus an t-imscrúdú ina dhiaidh sin ach le feistis feadáin nó píobáin snáithithe as iarann teilgthe intuargainte.

40

Faoi Airteagal 1(1) den Bhun-Rialachán, féadfar dleacht frithdhumpála a fhorchur ar tháirge dumpáilte i gcás ina bhfuil a scaoileadh i saorchúrsaíocht san Aontas ina chúis díobhála. Sonraítear i mír 2 den Airteagal sin, go measfar gur táirge dumpáilte é táirge más rud é go bhfuil a phraghas onnmhairiúcháin go dtí an Aontas níos lú ná praghas inchomparáide ar tháirge comhchosúil, i ngnáthchúrsa trádála, mar a shuitear don tír is onnmhaireoir.

41

Leagtar amach in Airteagal 5 den Bhun-Rialachán sin na coinníollacha faoina dtionscnaítear an t-imscrúdú chun a chinneadh an ann do dhumpáil fhéideartha, agus méid agus éifeacht na dumpála sin. I gcás ina dtionscnaítear an t-imscrúdú tar éis gearáin, foráiltear le hAirteagal 5(2) den Rialachán sin nach mór tuairisc iomlán a bheith sa ghearán, inter alia, ar an táirge a líomhnaítear a dumpáladh agus fianaise ar dhumpáil an táirge sin agus ar an díobháil a rinneadh do thionscal an Aontais dá bharr. I gcomhréir le hAirteagal 5(10) den Rialachán céanna, is é an fógra maidir le tionscnamh na n-imeachtaí ná tionscnamh imscrúdaithe lena bhfógraítear, ar imscrúdú é ina léireofar an táirge agus na tíortha lena mbaineann agus ina dtabharfar achoimre ar an bhfaisnéis a fuarthas.

42

Leagtar síos in Airteagal 6 den Bhun-Rialachán na rialacha agus na nósanna imeachta is infheidhme le linn an imscrúdaithe.

43

De réir Airteagal 9(4) den Bhun-Rialachán sin, i gcás ina dtaispeánfaidh na fíorais, mar a suíodh ar deireadh iad, go bhfuil dumpáil ann agus go bhfuil díobháil déanta mar gheall uirthi, agus go bhfuil gá, chun leasa an Aontais, le hidirghabháil a dhéanamh i gcomhréir le hAirteagal 21 den Rialachán sin, tá dleacht chinntitheach frithdhumpála le forchur.

44

Dá bhrí sin, is léir ó Airteagal 1 agus ó Airteagal 9(4) den Bhun-Rialachán nach bhféadfaidh ach táirgí a bhí faoi réir imscrúdú frithdhumpála agus a bhfuarthas amach ina leith go n-onnmhairítear chuig an Aontas Eorpach iad ar phraghas níos ísle ná praghas táirgí comhchosúla sa tír is onnmhaireoir a bheith faoi réir bearta frithdhumpála (féach, chuige sin, go háirithe breithiúnas an 15 Iúil 2021, Profit Europe agus Gosselin Forwarding Services, C-362/20, EU:C:2021:612, mír 53 agus an cásdlí dá dtagraítear).

45

Chun an cheist a tarchuireadh a fhreagairt, is gá a chinneadh, dá bhrí sin, ar tháinig feistis feadáin nó píobáin snáithithe as iarann teilgthe graifíte sféaróidí, mar a cheanglaítear leis an mBun-Rialachán, laistigh de shainmhíniú an táirge lena mbaineann an t-imscrúdú, mar a n-áirítear i bpointe 2 den Fhógra Tionscnaimh.

46

I ndáil leis sin, ba cheart a mheabhrú, tar éis an ghearáin maidir le feistis feadáin nó píobáin snáithithe as iarann teilgthe intuargainte, gur fhoilsigh an Coimisiún an Fógra Tionscnaimh an 16 Feabhra 2012, arb é a shainmhínítear i bpointe 2 de an táirge faoi imscrúdú mar ‘feistis feadáin nó píobáin theilgthe shnáithithe as iarann teilgthe intuargainte’. Sonraíodh i bpointe 3 den Fhógra sin go raibh an táirge a líomhnaítear a bheith á dhumpáil cumhdaithe faoi fho-cheannteideal 7307 19 10 de AC, agus sonraíodh gur tugadh an fo-cheannteideal sin ‘ar mhaithe le faisnéis amháin’.

47

Ar an gcéad dul síos, mar a chinn an Chúirt Bhreithiúnais cheana féin i míreanna 73 agus 74 de bhreithiúnas an 15 Iúil 2021, Profit Europe agus Gosselin Forwarding Services (C-362/20, EU:C:2021:612), leanann sé ó Airteagal 20(2) de Chód Custaim an Chomhphobail nach gcuirtear bearta a leagtar síos le forálacha sonracha de dhlí an Aontais, is infheidhme i gcomhthéacs na trádála in earraí, seachas dleachtanna atá dlite go dleathach i gcás ina dtabhaítear fiach custaim, eadhon, dleachtanna frithdhumpála, i bhfeidhm ach amháin, ‘i gcás inarb iomchuí’, de réir aicmiú taraife na n-earraí sin. Dá réir sin, ní féidir le breithiúnas ón gCúirt Bhreithiúnais a bhaineann, mar atá i gcás bhreithiúnas an 12 Iúil 2018, Profit Europe (C-397/17 agus C-398/17, EU:C:2018:564), le haicmiú taraife táirge amháin, a chumhdaítear freisin leis na Rialacháin Frithdhumpála, tionchar a bheith aige ar raon feidhme na Rialachán sin. Dá bhrí sin, ní féidir leis an mbreithiúnas deiridh sin tacú leis an gconclúid nár cumhdaíodh feistis feadáin nó píobáin snáithithe as iarann teilgthe graifíte sféaróidí leis an imscrúdú frithdhumpála lena mbaineann.

48

Ar an dara dul síos, ní mór a mheabhrú, le linn na tréimhse idir taisceadh an ghearáin agus glacadh an Rialacháin Chinntithigh, gur léirigh na nótaí míniúcháin a ghabhann le AC a bhaineann le fo-cheannteideal 7307 19 10, lena n-áirítear feistis theilgthe as iarann teilgthe intuargainte, gur cumhdaíodh leis an téarma ‘iarann teilgthe intuargainte’, de réir bhrí an fho-cheannteidil sin, iarann teilgthe graifíte sféaróidí freisin.

49

Is léir freisin ó na nótaí míniúcháin sin nach mór a thuiscint go bhfuil an coincheap ‘iarann teilgthe intuargainte’, de réir bhrí na nótaí sin, i gcodarsnacht le hiarann teilgthe neamh-intuargainte.

50

Ba chóir a mheabhrú go dtagraíonn intuargainteacht, in eolaíocht na n-ábhar, do chumas ábhair dífhoirmiú faoi strus comhbhrúite agus go bhfuil iarann teilgthe graifíte sféaróideach, go pointe áirithe, dífhoirmithe faoi shrian den sórt sin (féach, chuige sin, breithiúnas an 12 Iúil 2018, Profit Europe, C-422/17 agus C-423/17, EU:C:2018:564, míreanna 40 agus 43). Dá bhrí sin, féadfar iarann teilgthe graifíte sféaróidí a aicmiú mar iarann ‘intuargainte’.

51

Leanann sé ó na breithnithe a leagtar amach i míreanna 48 go 50 thuas nach raibh sa choincheap ‘iarann teilgthe intuargainte’, de réir bhrí phointe 2 den Fhógra Tionscnaimh, ach iarann teilgthe graifíte sféaróideach, agus é mar thoradh air sin nach raibh i bhfeistis feadáin nó píobáin snáithithe as iarann teilgthe graifíte sféaróidí, ach leagan malartach den ‘táirge’ lena mbaineann, de réir bhrí Airteagal 5(2)(b) agus Airteagal 5(10) den Bhun-Rialachán.

52

I ndáil leis sin, ní mór a thabhairt faoi deara nach gá go mbaineann an coincheap ‘táirge [...] a mheastar a bheith dumpáilte’, de réir bhrí Airteagal 1(2) den Bhun-Rialachán, le táirge a cheaptar a bheith aonchineálach san iomlán. Os a choinne sin, chun ábhar an choincheapa sin a chinneadh i gcás sonrach, tá sé ábhartha go gcumhdaítear leis an táirge i gceist tacar earraí a bhfuil na buntréithe fisiceacha agus teicniúla céanna acu (féach, chuige sin, breithiúnas an 17 Márta 2016, Portmeirion Group, C-137/14, EU:C:2016:180, míreanna 38 go 42 agus 48).

53

Tá na buntréithe fisiceacha céanna ag feistis feadáin nó píobáin snáithithe, bídís déanta as ‘iarann teilgthe intuargainte’ nó as ‘iarann teilgthe graifíte sféaróidí’ (féach, chuige sin, breithiúnas an 15 Iúil 2021, Profit Europe agus Gosselin Forwarding Services, C-362/20, EU:C:2021:612, mír 63), ionas, mar a d’áitigh an Coimisiún ag an éisteacht, go n-úsáidtear iad go bunúsach chun na gcríoch céanna agus go bhfuil siad inmhalartaithe.

54

Dá bhrí sin, tagann feistis feadáin nó píobáin snáithithe as iarann teilgthe graifíte sféaróidí faoi shainmhíniú an táirge a líomhnaítear a dumpáladh sa ghearán agus faoi shainmhíniú an táirge faoi imscrúdú. Dá bhrí sin, baineann na sonraí a bailíodh san imscrúdú sin, chomh maith leis na torthaí maidir le dumpáil, díobháil, cúisíocht agus leas an Aontais a bhí mar thoradh ar an imscrúdú bunaidh maidir le feistis feadáin nó píobáin snáithithe, as iarann teilgthe intuargainte, freisin le feistis feadáin nó píobáin snáithithe, as iarann teilgthe graifíte sféaróidí.

55

Ba cheart a thabhairt faoi deara freisin, de réir aithris 28 den Rialachán Sealadach, go dtagann feistis shnáithithe as ‘iarann teilgthe insínte’ faoi raon feidhme na n-imeachtaí agus na mbeart, ós rud é go bhfuil na saintréithe fisiceacha fíor-riachtanacha céanna ag feistis as iarann teilgthe insínte agus atá ag feistis iarainn intuargainte snáithithe. Ar an gcéad dul síos, luadh freisin, i bhformhór na leaganacha teangacha in aithris 28, gurb ionann iarann teilgthe graifíte sféaróidí agus iarann teilgthe insínte. Ar an dara dul síos, is léir ó aithris 13 den Rialachán Cinntitheach nach ndearnadh aon bharúil maidir leis an táirge lena mbaineann, agus mar thoradh air sin gur deimhníodh na torthaí in, inter alia, aithris 28 den Rialachán Sealadach.

56

Is léir ó na torthaí sin go bhfuil an réamhleagan ar a bhfuil an cheist a tarchuireadh bunaithe, eadhon nach raibh feistis feadáin nó píobáin snáithithe as iarann teilgthe graifíte sféaróidí faoi réir na n-imeachtaí frithdhumpála lena mbaineann, mícheart, agus mar thoradh air sin go bhfuil amhras na cúirte a rinne an tarchur maidir le bailíocht na Rialachán Frithdhumpála i bhfianaise Airteagail 1, 5, 6 agus 9 den Bhun-Rialachán gan bhunús.

57

I bhfianaise na mbreithnithe go léir roimhe seo, is é an freagra ar an gceist a tarchuireadh nár nochtadh le breithniú na ceiste sin aon fhachtóir de chineál a dhéanfadh difear do bhailíocht na Rialachán Frithdhumpála i bhfianaise Airteagail 1, 5, 6 agus 9 den Bhun-Rialachán.

Costais

58

Os rud é, a mhéid a bhaineann sé leis na páirtithe sna príomhimeachtaí, go bhfuil na himeachtaí mar chéim sa chás os comhair na cúirte a rinne an tarchur, baineann ceist na gcostas leis an gcúirt sin. Níl na costais a tabhaíodh trí bharúlacha a chur faoi bhráid na Cúirte, seachas costais na bpáirtithe sin, inghnóthaithe.