(1)

Áiríodh N,N-dé-eitil-meitea-tolúaimíd in Iarscríbhinn I a ghabhann le Treoir 98/8/CE ó Pharlaimint na hEorpa agus ón gComhairle (2) mar shubstaint ghníomhach lena húsáid i dtáirgí bithicídeacha de chineál táirge 19, faoi réir na gcoinníollacha a leagtar amach san Iarscríbhinn sin.

(2)

I gcomhréir le hAirteagal 86 de Rialachán (AE) Uimh. 528/2012, measadh N,N-dé-eitil-meitea-tolúaimíd a bheith formheasta faoin Rialachán sin an dáta a áiríodh í in Iarscríbhinn I a ghabhann le Treoir 98/8/CE ó Pharlaimint na hEorpa agus ón gComhairle. Bhí an formheas sin le dul in éag an 31 Iúil 2022.

(3)

An 26 Eanáir 2021 cuireadh iarratas isteach i gcomhréir le hAirteagal 13(1) de Rialachán (AE) Uimh. 528/2012 chun athnuachan a dhéanamh ar an bhformheas maidir le N,N-dé-eitil-meitea-tolúaimíd lena húsáid i dtáirgí bithicídeacha de chineál táirge 19 (‘an t-iarratas’).

(4)

An 4 Meitheamh 2021 chuir údarás inniúil meastóireachta na Fraince an Coimisiún ar an eolas gur chinn sé, de bhun Airteagal 14(1) de Rialachán (AE) Uimh. 528/2012, gur ghá meastóireacht iomlán a dhéanamh ar an iarratas. De bhun Airteagal 8(1) den Rialachán sin, tá an t-údarás inniúil meastóireachta le meastóireacht iomlán a dhéanamh ar an iarratas laistigh de 365 lá tar éis a bhailíochtaithe.

(5)

Féadfaidh an t-údarás inniúil meastóireachta, de réir mar is iomchuí, é a chur de cheangal ar an iarratasóir sonraí leordhóthanacha a sholáthar chun an mheastóireacht a dhéanamh, i gcomhréir le hAirteagal 8(2) de Rialachán (AE) Uimh. 528/2012. Sa chás sin, cuirtear an tréimhse 365 lá ar fionraí ar feadh tréimhse nach faide ná 180 lá ar an iomlán ach amháin má tá údar maith le fionraí níos faide mar gheall ar chineál na sonraí a iarrtar nó mar gheall ar imthosca eisceachtúla.

(6)

Laistigh de 270 lá tar éis di moladh a fháil ón údarás inniúil meastóireachta, tá an Ghníomhaireacht Eorpach Ceimiceán (‘an Ghníomhaireacht’) le tuairim maidir le hathnuachan fhormheas na substainte gníomhaí a ullmhú agus a chur faoi bhráid an Choimisiúin i gcomhréir le hAirteagal 14(3) de Rialachán (AE) Uimh. 528/2012.

(7)

Le Cinneadh Cur Chun Feidhme (AE) 2021/2146 ón gCoimisiún (3), cuireadh ar atráth go dtí an 31 Eanáir 2025 dáta éaga an fhormheasa maidir le N,N-dé-eitil-meitea-tolúaimíd lena húsáid i dtáirgí bithicídeacha de chineál táirge 19 chun go mbeadh am leordhóthanach ann chun scrúdú a dhéanamh ar an iarratas.

(8)

An 26 Meitheamh 2024 chuir an t-údarás inniúil meastóireachta an Coimisiún ar an eolas go raibh coinne leis go gcuirfeadh sé an tuarascáil maidir le measúnú ar athnuachan faoi bhráid na Gníomhaireachta sa tríú ráithe de 2025.

(9)

Dá réir sin, ar chúiseanna nach bhfuil neart ag an iarratasóir orthu, is dócha go rachaidh an formheas in éag sula ndéanfar cinneadh maidir lena athnuachan. Dá bhrí sin, is iomchuí dáta éaga an fhormheasa a chur ar atráth an athuair go ceann tréimhse leordhóthanach chun gur féidir an scrúdú ar an iarratas a chur i gcrích. Agus na teorainneacha ama á gcur san áireamh maidir leis an meastóireacht ag an údarás inniúil meastóireachta agus maidir leis an tuairim ón nGníomhaireacht Eorpach Ceimiceán a ullmhú agus a chur isteach, agus an t-am a thógfaidh sé don Choimisiún cinneadh a dhéanamh an ndéanfar athnuachan ar an bhformheas maidir le N,N-dé-eitil-meitea-tolúaimíd lena húsáid i dtáirgí bithicídeacha de chineál táirge 19 á chur san áireamh freisin, ba cheart an dáta éaga a chur ar atráth go dtí an 31 Eanáir 2027.

(10)

Tar éis dáta éaga an fhormheasa a chur ar atráth an athuair, beidh N,N-dé-eitil-meitea-tolúaimíd formheasta go fóill lena húsáid i dtáirgí bithicídeacha de chineál táirge 19 faoi réir na gcoinníollacha a leagtar amach in Iarscríbhinn I a ghabhann le Treoir 98/8/CE,