Ainm

Faisnéis aitheantais

Ráiteas ar chúiseanna

Dáta liostaithe

‘4.

Micanor ALTÈS

ar a dtugtar freisin Monel Felix, Micanord;

Mikano;

Wa Mikanò; King Micanor;

Alfred Mones

Feidhm: Ceannaire dhrong Wharf Jérémie

Náisiúntacht: Háítíoch

Inscne: fireann

Seoladh: Neighbourhood of Wharf Jérémie, near La Saline, Port-au-Prince, Háítí

Is é Micanor Altès ceannaire dhrong Wharf Jérémie. Is comharsanacht chósta é Wharf Jérémie i limistéar La Saline in Port-au-Prince. Tá an crios sin faoi smacht na droinge faoi stiúir Micanor Altès le breis agus 10 mbliana anuas.

Faoina cheannas siúd, tá an drong freagrach as sléacht 207 nduine idir an 6 agus an 11 Nollaig 2024 i gceantar Wharf Jérémie. Rinneadh an sléacht tar éis do mhac nuabheirthe Altès bás a fháil de bhreoiteacht aineoil. Agus é cinnte de gur chuir cleachtóirí scothaosta Voodoo sa cheantar faoina smachta féin mallacht ar an leanbh, thug sé ordú do dhá dhrong na háitritheoirí uile os cionn 60 bliain d’aois a bhí ag cleachtadh Voodoo a chur chun báis, tar éis iad a fhuadach.

Dá bhrí sin, tá Micanor Altès freagrach as gníomhaíochtaí a chuireann an tsíocháin, an chobhsaíocht agus an tslándáil i Háítí i mbaol, lena n-áirítear ag gabháil do ghníomhaíochtaí coiriúla agus d’fhoréigean a bhfuil baint ag grúpaí armtha agus líonraí coiriúla leo.

15.7.2025

5.

Christ-Roi CHÉRY

ar a dtugtar freisin Kris-La; Krisla; Chrisla; Chrislat

Feidhm: Ceannaire drong TI Bwa (cleamhnaithe le Viv Ansanm/G9 Comhghuaillíocht dronganna)

Náisiúntacht: Háítíoch

Inscne: fireann

Seoladh: Commune of Carrefour, Metropolitan region of Port-au-Prince, Háítí

Is é Christ-Roi Chéry ceannaire dhrong Ti Bwa, atá cleamhnaithe le comhghuaillíocht drong Viv Ansanm (ar a dtugtar G9 freisin) i Háítí.

Ó mhí Feabhra 2024 i leith, tá drong Ti Bwa ag rialú bhardas Carrefour.

Faoi cheannas Christ-Roi Chéry, tá drong Ti Bwa ag gabháil d’fhoréigean agus do ghníomhaíochtaí coiriúla i Háítí, lena n-áirítear dúnmharú, robáil, éigniú, fuadach earraí agus trucailí, sracadh, feallmharuithe spriocdhírithe agus gáinneáil ar dhrugaí.

Dá bhrí sin, tá Christ-Roi Chéry freagrach as gníomhaíochtaí a chuireann an tsíocháin, an chobhsaíocht agus an tslándáil i Háítí i mbaol, lena n-áirítear ag gabháil do ghníomhaíochtaí coiriúla agus d’fhoréigean a bhfuil baint ag grúpaí armtha agus líonraí coiriúla a chuireann foréigean chun cinn leo, lena n-áirítear earcú le forneart páistí ag na grúpaí agus na líonraí sin, fuadach, dúnbhásuithe agus foréigean gnéasach agus inscnebhunaithe.

15.7.2025

6.

Jeff LAROSE

ar a dtugtar freisin Jeff; Gwo Lwa; Taliban

Feidhm: Ceannaire dhrong Canaan

(cleamhnaithe le comhghuaillíochtaí drong G-Pép agus Viv Ansanm)

Náisiúntacht: Háítíoch

Inscne: fireann

Seoladh: Canaan, Metropolitan region of Port-au-Prince, Háítí

Is é Jeff Larose ceannaire dhrong Canaan, atá cleamhnaithe le comhghuaillíochtaí drong G-Pép agus Viv Ansanm i Háítí.

Rialaíonn drong Canaan ceantair Canan, Onaville, Jerusalem, Corail, Rosemberg, Lilavois agus Bon Repos, ceantair atá suite i limistéar cathrach Port-au-Prince. Leathnaigh an drong a smacht thar a críoch bhunaidh agus oibríonn sí in Mirebalais chomh maith (limistéar Centre).

Faoi cheannas Jeff Larose, tá drong Canaan ag gabháil d’fhoréigean agus do ghníomhaíochtaí coiriúla i Háítí, lena n-áirítear fuadach, leithreasú talún, éigniú, buirgléireacht bhaile, fuadach earraí agus feithiclí, fuadach i gcomhair airgead fuascailte, dúnmharú agus gáinneáil ar dhrugaí.

Dá bhrí sin, tá Jonel Catel freagrach as gníomhaíochtaí a chuireann an tsíocháin, an chobhsaíocht agus an tslándáil i Háítí i mbaol, lena n-áirítear ag gabháil do ghníomhaíochtaí coiriúla agus d’fhoréigean a bhfuil baint ag grúpaí armtha agus líonraí coiriúla a chuireann foréigean chun cinn leo, lena n-áirítear earcú le forneart páistí ag na grúpaí agus na líonraí sin, fuadach, dúnbhásuithe agus foréigean gnéasach agus inscnebhunaithe.

15.7.2025’