Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/2380 |
24.11.2025 |
RIALACHÁN CUR CHUN FEIDHME (AE) 2025/2380 ÓN gCOIMISIÚN
an 18 Samhain 2025
maidir le haicmiú earraí áirithe san Ainmníocht Chomhcheangailte
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (1), agus go háirithe Airteagal 57(4) agus Airteagal 58(2) de,
De bharr an mhéid seo a leanas:
|
(1) |
Chun a áirithiú go gcuirtear an Ainmníocht Chomhcheangailte atá i gceangal le Rialachán (CEE) Uimh. 2658/87 ón gComhairle (2) i bhfeidhm go haonfhoirmeach, is gá bearta a ghlacadh maidir le haicmiú na n-earraí dá dtagraítear san Iarscríbhinn a ghabhann leis an Rialachán seo. |
|
(2) |
Le Rialachán (CEE) Uimh. 2658/87 leagadh síos na rialacha ginearálta maidir le léirmhíniú na hAinmníochta Comhcheangailte. Tá feidhm ag na rialacha sin freisin maidir le haon ainmníocht eile atá bunaithe go hiomlán uirthi nó a bhfuil cuid di bunaithe uirthi nó a chuireann aon fhoroinn bhreise léi agus a bhunaítear le forálacha sonracha de chuid an Aontais, d’fhonn bearta taraife agus bearta eile i ndáil le trádáil in earraí a chur i bhfeidhm. |
|
(3) |
De bhun na rialacha ginearálta sin, na hearraí a bhfuil tuairisc orthu i gcolún (1) den tábla a leagtar amach san Iarscríbhinn, ba cheart iad a aicmiú faoin gcód AC a luaitear i gcolún (2), de bhua na gcúiseanna a leagtar amach i gcolún (3) den tábla sin. |
|
(4) |
Is iomchuí a fhoráil, i ndáil le faisnéis taraife cheangailteach arna heisiúint i leith na n-earraí a bhaineann leis an Rialachán seo ar faisnéis í nach bhfuil i gcomhréir leis an Rialachán seo, go bhféadfaidh an sealbhóir, ar feadh tréimhse áirithe, leanúint den fhaisnéis sin a agairt i gcomhréir le hAirteagal 34(9) de Rialachán (AE) Uimh. 952/2013. Is tréimhse 3 mhí ba cheart a bheith sa tréimhse sin. |
|
(5) |
Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCód Custaim, |
TAR ÉIS AN RIALACHÁN SEO A GHLACADH:
Airteagal 1
Na hearraí a bhfuil tuairisc orthu i gcolún (1) den tábla a leagtar amach san Iarscríbhinn, aicmeofar iad san Ainmníocht Chomhcheangailte faoin gcód AC a luaitear i gcolún (2) den tábla sin.
Airteagal 2
Faisnéis taraife cheangailteach nach bhfuil i gcomhréir leis an Rialachán seo, féadfar í a agairt fós i gcomhréir le hAirteagal 34(9) de Rialachán (AE) Uimh. 952/2013 go ceann tréimhse 3 mhí ó dháta theacht i bhfeidhm an Rialacháin seo.
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 18 Samhain 2025.
Thar ceann an Choimisiúin
Gerassimos THOMAS
An tArd-Stiúrthóir
Ard-Stiúrthóireacht an Chánachais agus an Aontais Custaim
(1) IO L 269, 10.10.2013, lch. 1, ELI: http://data.europa.eu/eli/reg/2013/952/oj.
(2) Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1, ELI: http://data.europa.eu/eli/reg/1987/2658/oj).
IARSCRÍBHINN
|
Tuairisc ar na hearraí |
Aicmiú (Cód AC) |
Cúiseanna |
|
(1) |
(2) |
(3) |
|
Brac atá múnlaithe go speisialta, atá déanta as sreang chruach dhosmálta theasdíonach, agus a úsáidtear mar choinneálaí le haghaidh eilimint téimh greille leictrí. Is féidir leis an tsreang theasdíonach teas suas le 800 °C a sheasamh. Tá toisí sonracha ag an earra chun cineál sonrach gairis greille a fheistiú ann agus tá foircinn lúbtha aige, ionas gur féidir an brac a fheistiú i bpoll ag bun chásáil na greille (babhla). Tá a fhoircinn lúbtha ionas gur féidir an brac a fheistiú go daingean i bpoll ainmnithe ag bun na greille. Tá an coinneálaí deartha chun an eilimint téimh a choinneáil sa suíomh iomchuí, trí thacú lena meáchan agus trína coinneáil ina háit go daingean. Ní chomhlíonann an t-earra aon fheidhm bhreise (e.g. téamh). Féach an íomhá (*1). |
7326 20 00 |
Cinntear an t-aicmiú le rialacha ginearálta 1 agus 6 maidir le léirmhíniú na hAinmníochta Comhcheangailte agus le foclaíocht na gcód AC 7326 agus 7326 20 00. Is comhpháirt thábhachtach den ghreille leictreach é an t-earra. Tá sé ceaptha chun tacú leis an eilimint téimh agus í a choinneáil ina háit, agus ar an gcaoi sin dáileadh comhsheasmhach cothrom teasa a áirithiú ar fud an dromchla cócaireachta/an ghráta, rud a laghdaíonn an riosca maidir le guaiseacha leictreacha agus a leathnaíonn saolré na heiliminte téimh agus na greille araon. Mar sin féin, ar bhonn a shaintréithe oibiachtúla, ní féidir an t-earra a shainaithint mar pháirt atá oiriúnach lena húsáid le fearais leictriteirmeacha faoi cheannteideal 8516 amháin nó go príomha. Dá bhrí sin, eisiatar an t-aicmiú faoi cheannteideal 8516, mar chuid den ghreille leictreach. (Féach freisin an breithiúnas ó Chúirt Bhreithiúnais an Aontais Eorpaigh an 19 Iúil 2012 i gCás C-336/11, Rohm & Haas Electronic Materials CMP Europe GmbH agus Páirtithe Eile, ECLI:EU:C:2012:500, míreanna 34 agus 35.) Dá réir sin, tá an brac cruach le haicmiú de réir a chomhábhair, faoi cheannteideal 7326, mar earra eile iarainn nó cruach. Dá bhrí sin, is faoi chód AC 7326 20 00 atá an táirge le haicmiú, mar earra de shreang iarainn nó de shreang chruach. |
|
|
|
(*1) Is le faisnéis a thabhairt, agus lena aghaidh sin amháin, atá na híomhánna ann.
ELI: http://data.europa.eu/eli/reg_impl/2025/2380/oj
ISSN 1977-0839 (electronic edition)
