|
21.10.2021 |
GA |
Iris Oifigiúil an Aontais Eorpaigh |
L 373/76 |
RIALACHÁN (AE) 2021/1842 ÓN gCOIMISIÚN
an 20 Deireadh Fómhair 2021
lena leasaítear Iarscríbhinn II agus III a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar fluipiridhéfhúróin agus aigéid dhéfhluaraicéitigh i dtáirgí áirithe nó ar tháirgí áirithe
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 396/2005 ó Pharlaimint na hEorpa agus ón gComhairle an 23 Feabhra 2005 maidir le huasleibhéil iarmhar lotnaidicídí i mbia agus i mbeatha de bhunadh plandaí nó de bhunadh ainmhíoch nó ar bhia agus ar bheatha den sórt sin agus lena leasaítear Treoir 91/414/CEE ón gComhairle (1), agus go háirithe Airteagal 14(1)(a) agus Airteagal 49(2) de,
De bharr an mhéid seo a leanas:
|
(1) |
I gcás fluipiridhéfhúróin agus aigéad défhluaraicéiteach, leagadh síos uasleibhéil iarmhar (“MRLanna”) in Iarscríbhinn III, Cuid A, a ghabhann le Rialachán (CE) Uimh. 396/2005. |
|
(2) |
I gcomhthéacs nós imeachta maidir le húdarú a thabhairt d’úsáid táirge cosanta plandaí ina bhfuil an tsubstaint ghníomhach fluipiridhéfhúrón ar shútha talún, ológa boird, ocra, cóiliseacha, brocailí, bachlóga Bruiséile, cabáistí cinn, cáil, cálráibí, “leitísí agus plandaí sailéid”, “spionáistí agus (duilleoga) comhchosúla”, “luibheanna agus bláthanna inite”, pónairí, piseanna, síolta ráibe, síolta mustaird agus ológa le haghaidh táirgeadh ola, cuireadh iarratas isteach i gcomhréir le hAirteagal 6(1) de Rialachán (CE) Uimh. 396/2005 chun an MRL atá ann cheana chun fluipiridhéfhúrón agus a phríomh-meitibilít aigéad défhluaraicéiteach a mhodhnú. |
|
(3) |
I gcomhréir le hAirteagal 6(2) agus (4) de Rialachán (CE) Uimh. 396/2005, cuireadh isteach iarratas ar lamháltais allmhairiúcháin le haghaidh fluipiridhéfhúrón a úsáidtear sna Stáit Aontaithe ar thorthaí citris, piorraí deilgneacha, síolta cadáis, arbhar milis, eorna, arbhar Indiach/arbhar, sorgam agus cruithneacht, sna Stáit Aontaithe agus i gCeanada ar chnónna crann, torthaí póma, fíonchaora, fraocháin, “glasraí fréimhe agus tiúbair”, trátaí, piobair mhilse/piobair chloigíneacha, ubhthorthaí, mealbhacáin, soilirí, piseánaigh, piseanna talún, pónairí soighe agus leannlusanna, sa Bhrasaíl ar phónairí caife, agus i nGána agus sa Chósta Eabhair ar phónairí cócó. Deir na hiarratasóirí gurb iad iarmhair a sháraíonn na MRLanna atá i Rialachán (CE) Uimh. 396/2005 maidir le fluipiridhéfhúrón agus aigéad défhluaraicéiteach an toradh ar úsáidí údaraithe na substainte sin ar na barra sin sna tíortha sin agus go bhfuil MRL níos airde riachtanach chun bacainní trádála maidir le hallmhairiú na mbarr sin a sheachaint. |
|
(4) |
I gcomhthéacs na n-iarratas sin, chuir an t-iarratasóir faoi bhráid an Bhallstáit is rapóirtéir, an Ísiltír, na staidéir allamuigh bhreise ar bharra uainíochta agus na staidéir bhreise ar bheathú beostoic laistigh den sprioc-am a leagtar síos faoi Rialachán (AE) 2016/486 ón gCoimisiún (2). |
|
(5) |
I gcomhréir le hAirteagal 8 de Rialachán (CE) Uimh. 396/2005, rinne an Ísiltír meastóireacht ar na hiarratais agus cuireadh na tuarascálacha meastóireachta ar aghaidh chuig an gCoimisiún. |
|
(6) |
Rinne an tÚdarás Eorpach um Shábháilteacht Bia (“an tÚdarás”) measúnú ar na hiarratais agus ar na tuarascálacha meastóireachta, agus rinne sé scrúdú go háirithe ar na rioscaí atá ann don tomhaltóir agus, i gcás inarb ábhartha, d’ainmhithe, agus thug sé tuairimí réasúnaithe faoi na MRLanna atá beartaithe (3). Chuir sé na tuairimí sin ar aghaidh chuig na hiarratasóirí, chuig an gCoimisiún agus chuig na Ballstáit agus chuir sé ar fáil don phobal iad. |
|
(7) |
A mhéid a bhaineann le fluipiridhéfhúrón i bpiorraí deilgneacha, mealbhacáin, trátaí agus leannlusanna, tháinig an tÚdarás ar an gconclúid nár leor na sonraí a cuireadh isteach chun MRLanna nua a leagan síos. A mhéid a bhaineann le fluipiridhéfhúrón i soilirí, ní fhéadfaí imní faoina ghéar-iontógáil a chur as an áireamh. A mhéid a bhaineann le gach iarratas eile, tháinig an tÚdarás ar an gconclúid gur comhlíonadh na ceanglais go léir maidir le sonraí agus go raibh na modhnuithe ar na MRLanna a d’iarr na hiarratasóirí inghlactha i dtaca le sábháilteacht na dtomhaltóirí ar bhonn measúnú ar theagmháil le tomhaltóirí i gcás 27 ngrúpa tomhaltóirí Eorpacha shonracha. Chuir sé san áireamh an fhaisnéis is déanaí ar airíonna tocsaineolaíocha na substaintí. Le teagmháil ar feadh an tsaoil leis na substaintí sin trí chaitheamh na dtáirgí bia go léir a bhféadfadh siad a bheith iontu, agus le teagmháil ghearrthéarmach trí go leor de na táirgí lena mbaineann a chaitheamh, léiríodh nach bhfuil baol ann go sárófaí an iontógáil laethúil inghlactha nó an ghéardháileog thagartha. |
|
(8) |
Tar éis measúnú a dhéanamh ar na staidéir allamuigh bhreise ar bharra uainíochta agus na staidéir bhreise ar bheathú beostoic, mhol an tÚdarás na MRLanna atá ann cheana i gcás fluipiridhéfhúróin agus aigéad défhluaraicéiteach i mbarra uainíochta agus i dtáirgí de bhunadh ainmhíoch a ardú, a ísliú nó a choinneáil. Go háirithe, mhol an tÚdarás na MRLanna le haghaidh fluipiridhéfhúróin i nduilleoga caor fíniúna agus na MRLanna le haghaidh aigéad défhluaraicéiteach in arbhar Indiach, pónairí cócó agus aenna muc a laghdú. Ba cheart na MRLanna sin a leagan síos in Iarscríbhinn II a ghabhann le Rialachán (CE) Uimh. 396/2005 ag na leibhéil atá ann cheana nó na leibhéil a aithníonn an tÚdarás. |
|
(9) |
Ar bhonn na dtuairimí réasúnaithe ón Údarás agus na tosca a bhaineann leis an ábhar a bhfuil athbhreithniú á dhéanamh air á gcur san áireamh, comhlíontar ceanglais Airteagal 14(2) de Rialachán (CE) Uimh. 396/2005 leis na modhnuithe faoi seach atá á mbeartú ar na MRLanna. |
|
(10) |
Chuathas i gcomhairle le comhpháirtithe trádála an Aontais maidir le MRLanna nua tríd an Eagraíocht Dhomhanda Trádála, agus cuireadh na tuairimí uathu san áireamh. |
|
(11) |
Dá bhrí sin, ba cheart Rialachán (CE) Uimh. 396/2005 a leasú dá réir sin. |
|
(12) |
Chun go mbeifear in ann margú, próiseáil agus tomhaltas táirgí a dhéanamh ar an ngnáthshlí, ba cheart go bhforálfaí leis an Rialachán seo maidir le bearta idirthréimhseacha i gcás táirgí atá táirgthe sula modhnaítear na MRLanna agus ar ina leith a léiríonn an fhaisnéis go gcoinnítear leibhéal ard cosanta don tomhaltóir. |
|
(13) |
Ba cheart tréimhse réasúnta a bheith ann sula mbeidh feidhm ag na MRLanna modhnaithe ionas go mbeidh na Ballstáit, tríú tíortha agus oibreoirí gnólachtaí bia in ann iad féin a ullmhú chun na ceanglais nua a thiocfaidh as an modhnú ar na MRLanna a chomhlíonadh. |
|
(14) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn II agus Iarscríbhinn III a ghabhann le Rialachán (CE) Uimh. 396/2005 i gcomhréir leis an Iarscríbhinn a ghabhann leis an Rialachán seo.
Airteagal 2
Leanfaidh Rialachán (CE) Uimh. 396/2005 mar a bhí sé sular leasaíodh é leis an Rialachán seo agus beidh feidhm aige maidir le fluipiridhéfhúrón i nduilleoga caor fíniúna agus maidir le haigéad défhluaraicéiteach in arbhar Indiach, pónairí cócó agus aenna muc i gcás táirgí a táirgeadh san Aontas nó a allmhairíodh isteach san Aontas roimh an 10 Bealtaine 2022.
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 10 Bealtaine 2022 a mhéid a bhaineann le MRLanna le haghaidh fluipiridhéfhúróin i nduilleoga caor fíniúna agus le haghaidh aigéad défhluaraicéiteach in arbhar Indiach, pónairí cócó agus aenna muc.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 20 Deireadh Fómhair 2021.
Thar ceann an Choimisiúin
An tUachtarán
Ursula VON DER LEYEN
(1) IO L 70, 16.3.2005, lch. 1.
(2) Rialachán (AE) 2016/486 ón gCoimisiún an 29 Márta 2016 lena leasaítear Iarscríbhinní II agus III a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar chiasófaimíde, chioglocsaidime, aigéid dhéfhluaraicéitigh, feanocsacarb, fluimeitriline, fluaipicilíde, fluipiridhéfhúróin, flocsaipiorocsaid, chreasocsaim-meitile, mhandastróibine, mheapainipirime, mheatalacsail-M, pheindémheatailine agus teafluitrine i dtáirgí áirithe nó ar tháirgí áirithe (IO L 90, 6.4.2016, lch. 1).
(3) Tuarascálacha eolaíocha ó EFSA atá ar fáil ar líne: http://www.efsa.europa.eu:
Reasoned opinion on the setting of import tolerances, modification of existing maximum residue levels and evaluation of confirmatory data following the Article 12 MRL review for flupyradifurone and DFA [Tuairim réasúnaithe maidir le lamháltais allmhairiúcháin a leagan síos, na huasleibhéil iarmhar atá ann cheana a mhodhnú agus meastóireacht a dhéanamh ar shonraí daingniúcháin tar éis athbhreithniú MRL Airteagal 12 i ndáil le fluipiridhéfhúrón agus DFA]. EFSA Journal [Iris EFSA] 2020;18(6):6133.
Reasoned opinion on the modification of the existing maximum residue levels for flupyradifurone and DFA in rapeseeds/canola seeds and mustard seeds [Tuairim réasúnaithe faoi mhodhnú a dhéanamh ar na huasleibhéil iarmhar atá ann cheana i gcás fluipiridhéfhúróin agus DFA i síolta ráibe agus i síolta mustaird]. EFSA Journal [Iris EFSA] 2020;18(11):6298.
Reasoned opinion on the modification of the existing maximum residue levels for flupyradifurone and DFA in okra/lady’s finger [Tuairim réasúnaithe faoi mhodhnú a dhéanamh ar na huasleibhéil iarmhar atá ann cheana i gcás fluipiridhéfhúróin agus DFA in ocra]. EFSA Journal [Iris EFSA] 2021;19(5):6581.
IARSCRÍBHINN
Leasaítear Iarscríbhinn II agus Iarscríbhinn III a ghabhann le Rialachán (CE) Uimh. 396/2005 mar a leanas:
|
(1) |
in Iarscríbhinn II, cuirtear na colúin seo a leanas le haghaidh aigéad défhluaraicéiteach agus fluipiridhéfhúróin léi: "Iarmhair lotnaidicídí agus uasleibhéil iarmhar (mg/kg)
|
|
(2) |
in Iarscríbhinn III, Cuid A, scriostar na colúin le haghaidh aigéad défhluaraicéiteach agus fluipiridhéfhúróin. |
(*1) Léiríonn an (*) teorainn cinnidh anailísigh níos ísle
(1) Chun liosta iomlán na dtáirgí de thionscnamh ainmhíoch agus plandaí a bhfuil feidhm ag na MRLanna maidir leo a fheiceáil, ba cheart tagairt a dhéanamh d’Iarscríbhinn I"