L_202400887MT.000101.fmx.xml

REGOLAMENT TAL-KUMMISSJONI (UE) 2024/887

tat-22 ta’ Marzu 2024

li jemenda l-Annessi IV, VIII u IX tar-Regolament (KE) Nru 999/2001 tal-Parlament Ewropew u tal-Kunsill fir-rigward tat-tagħlif tal-annimali, it-tqegħid fis-suq u l-importazzjoni fl-Unjoni

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistabbilixxi regoli għall-prevenzjoni, kontroll u eradikazzjoni ta’ ċerti enċefalopatiji sponġiformi li tinxtered (1), u b’mod partikolari l-Artikolu 23a, il-fażi introduttorja u l-punt (m) tiegħu,

Billi:

(1)

Ir-Regolament (KE) Nru 999/2001 jistabbilixxi regoli għall-prevenzjoni, il-kontroll u l-eradikazzjoni ta’ ċertu enċefalopatija sponġiformi li tinxtered (TSEs) fl-annimali. Dan japplika għall-produzzjoni u għat-tqegħid fis-suq tal-annimali ħajjin u tal-prodotti ta’ oriġini mill-annimali u, f’ċerti każijiet speċifiċi, għall-esportazzjonijiet tagħhom.

(2)

L-Artikolu 7 tar-Regolament (KE) Nru 999/2001 jistabbilixxi l-projbizzjonijiet dwar it-tagħlif tal-annimali, li għalih hemm regoli speċifiċi stipulati fl-Anness IV ta’ dak ir-Regolament. Ir-Regolament tal-Kummissjoni (UE) 2021/1372 (2) emenda l-Anness IV tar-Regolament (KE) Nru 999/2001 biex jawtorizza l-użu ta’ proteina pproċessata tal-annimali dderivata mill-insetti, mit-tjur tat-trobbija u mill-annimali porċini, u l-għalf kompost li fih din il-proteina pproċessata tal-annimali għat-tagħlif tal-annimali porċini u tat-tjur tat-trobbija. Madankollu, jidher li (d), (e) u (f) ġew miżjuda bi żball fl-Anness IV, il-Kapitolu III, it-Taqsima B, il-punt 1, tar-Regolament (KE) Nru 999/2001. Il-punt 1 kellu jibqa’ maħsub għall-kundizzjonijiet għall-produzzjoni tal-għalf kompost li fih materjali tal-għalf li huma permessi fit-tagħlif ta’ kwalunkwe annimal mhux ruminanti mrobbi, meta jitqies li l-kundizzjonijiet speċifiċi fil-każ tal-użu ta’ materjali tal-għalf oħrajn huma stabbiliti fit-Taqsimiet xierqa tal-Kapitolu IV ta’ dak l-Anness. Involontarjament, dan irriżulta f’duplikazzjoni ta’ ċerti obbligi tal-elenkar għall-Istati Membri stabbiliti fil-Kapitolu V. Għalhekk, jenħtieġ li jsiru diversi korrezzjonijiet xierqa fl-Anness IV tar-Regolament (KE) Nru 999/2001 fit-Taqsima B tal-Kapitolu III, it-Taqsima H tal-Kapitolu IV, u t-Taqsima A tal-Kapitolu V ta’ dak l-Anness. Għalhekk, jenħtieġ li l-Anness IV tar-Regolament (KE) Nru 999/2001 jiġi kkoreġut skont dan.

(3)

Barra minn hekk, ir-Regolament (KE) Nru 1069/2009 tal-Parlament Ewropew u tal-Kunsill (3), kif emendat bir-Regolament Delegat tal-Kummissjoni (UE) 2023/1605 (4), introduċa rekwiżiti speċifiċi għall-kontrolli uffiċjali fil-pjanti li jipproċessaw il-fertilizzanti bl-għan li jiġu ddeterminati l-punti aħħarin għal ċerti fertilizzanti u tejjieba tal-ħamrija, li abbażi tagħhom imbagħad dawn il-prodotti jistgħu jitqiegħdu fis-suq mingħajr kontrolli ulterjuri tas-saħħa tal-annimali. Jenħtieġ li dan jiġi rifless fil-kundizzjonijiet relatati mal-esportazzjoni ta’ fertilizzanti organiċi u tejjieba tal-ħamrija li fihom il-proteina pproċessata tal-annimali ruminanti, stabbiliti fl-Anness IV tar-Regolament (KE) Nru 999/2001. Għaldaqstant, jenħtieġ li l-Kapitolu V, it-Taqsima E ta’ dak l-Anness jiġi emendat skont dan.

(4)	Barra minn hekk, l-Annessi VIII u IX tar-Regolament (KE) Nru 999/2001 stabbilew rekwiżiti dettaljati relatati mat-tqegħid fis-suq u l-importazzjoni fl-Unjoni ta’, fost l-oħrajn, annimali ovini, kaprini u prodotti derivati minn dawn l-ispeċijiet.

(5)

Ir-Regolament (KE) Nru 999/2001, kif emendat bir-Regolament tal-Kummissjoni (UE) Nru 630/2013 (5), jistabbilixxi l-kundizzjonijiet tranżitorji fl-Anness VIII, il-Kapitolu A, it-Taqsima A, il-punti 1.2 u 1.3, tar-Regolament (KE) Nru 999/2001, li kienu maħsuba biex jiżguraw tranżizzjoni bla xkiel għal perjodu ta’ 7 snin, mill-1 ta’ Jannar 2014 sal-1 ta’ Jannar 2021. Issa huwa xieraq li dawk id-dispożizzjonijiet tranżitorji jitħassru.

(6)

Minbarra dan, l-Anness VIII tar-Regolament (KE) Nru 999/2001 jirreferi għad-Direttiva tal-Kunsill 92/65/KEE (6) fil-Kapitolu A, it-Taqsima A, il-punti 1.2, 1.3 u 4.1., ta’ dak ir-Regolament. Billi d-Direttiva 92/65/KEE issa tħassret bir-Regolament (UE) 2016/429 tal-Parlament Ewropew u tal-Kunsill, (7), mill-21 ta’ April 2021, jenħtieġ li dawn ir-referenzi jiġu aġġornati.

(7)

L-Annessi I, VII u VIII tar-Regolament (KE) Nru 999/2001 kienu emendati bir-Regolament tal-Kummissjoni (UE) 2020/772 (8), biex jitqiesu r-rakkomandazzjonijiet tal-Opinjoni Xjentifika tal-Awtorità Ewropea dwar is-Sigurtà tal-ikel (EFSA) tal-5 ta’ Lulju 2017 dwar ir-reżistenza Ġenetika għall-enċefalopatiji sponġiformi li jinxterdu (TSE) fil-mogħoż (9), sabiex jiġi rikonoxxut li l-mogħoż jistgħu jkunu wkoll reżistenti ġenetikament għar-razez tal-iscrapie klassika, magħrufa li jseħħu b’mod naturali fil-popolazzjoni tal-mogħoż tal-Unjoni, meta jkollhom wieħed mill-alleli K222, D146 jew S146. Madankollu, l-emendi magħmula fir-Regolament (KE) Nru 999/2001 bir-Regolament (UE) 2020/772 ma allinjawx għalkollox il-kundizzjonijiet applikabbli għall-mogħoż reżistenti ġenetikament ma’ dawk applikabbli għan-nagħaġ reżistenti ġenetikament, b’mod partikolari fir-rigward tad-dispożizzjonijiet biex azjenda agrikola tkun rikonoxxuta bħala li għandha riskju negliġibbli jew riskju kkontrollat tal-iscrapie klassika u r-rekwiżiti għall-kummerċ intra-Unjoni tas-semen u tal-embrijuni kaprini stabbiliti fl-Anness VIII tar-Regolament (KE) Nru 999/2001, u r-rekwiżiti għall-importazzjoni fl-Unjoni tal-ħalib u tal-prodotti tal-ħalib ta’ annimali kaprini, annimali kaprini maħsuba għat-tnissil, kif ukoll tas-semen u tal-embrijuni kaprini stabbiliti fl-Anness IX ta’ dak ir-Regolament. Jidher li huwa xieraq li dan l-allinjament jiġi finalizzat biex jiġi promoss l-aħjar użu possibbli tal-annimali reżistenti ġenetikament u tal-prodotti ġerminali tagħhom biex tiġi kkontrollata l-iscrapie klassika.

(8)	Għaldaqstant, jenħtieġ li l-Annessi IV, VIII u IX tar-Regolament (KE) Nru 999/2001 jiġu emendati u kkoreġuti skont dan.

(9)	Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Emendi għar-Regolament (KE) Nru 999/2001

L-Annessi IV, VIII u IX tar-Regolament (KE) Nru 999/2001 huma emendati skont il-Parti A tal-Anness ta’ dan ir-Regolament.

Artikolu 2

Emendi għar-Regolament (KE) Nru 999/2001

L-Anness IV tar-Regolament (KE) Nru 999/2001 huwa kkoreġut skont il-Parti B tal-Anness ta’ dan ir-Regolament.

Artikolu 3

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-22 ta’ Marzu 2024.

Għall-Kummissjoni

Il-President

Ursula VON DER LEYEN

(1) ĠU L 147, 31.5.2001, p. 1.

(2) Ir-Regolament tal-Kummissjoni (UE) 2021/1372 tas-17 ta’ Awwissu 2021 li jemenda l-Anness IV tar-Regolament (KE) Nru 999/2001 tal-Parlament Ewropew u tal-Kunsill rigward il-projbizzjoni fuq it-tagħlif ta’ annimali mrobbija li mhumiex ruminanti, għajr l-annimali bil-pil, bi proteina dderivata mill-annimali (ĠU L 295, 18.8.2021, p. 1).

(3) Ir-Regolament (KE) Nru 1069/2009 tal-Parlament Ewropew u tal-Kunsill tal-21 ta’ Ottubru 2009 li jistabbilixxi regoli tas-saħħa li jirrigwardaw prodotti sekondarji tal-annimali jew derivati minnhom mhux maħsuba għall-konsum mill-bniedem u li jħassar ir-Regolament (KE) Nru 1774/2002 (ĠU L 300, 14.11.2009, p. 1).

(4) Regolament Delegat tal-Kummissjoni (UE) 2023/1605 tat-22 ta’ Mejju 2023 li jissupplimenta r-Regolament (KE) Nru 1069/2009 tal-Parlament Ewropew u tal-Kunsill fir-rigward tad-determinazzjoni ta’ punti ta’ tmiem fil-katina tal-manifattura ta’ ċerti fertilizzanti organiċi u materjali li jtejbu l-ħamrija (ĠU L 198, 8.8.2023, p. 1).

(5) Ir-Regolament tal-Kummissjoni (UE) Nru 630/2013 tat-28 ta’ Ġunju 2013 li jemenda l-Annessi għar-Regolament tal-Parlament Ewropew u tal-Kunsill (KE) Nru 999/2001 li jistabblixxi r-regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (ĠU L 179, 29.6.2013, p. 60).

(6) Id-Direttiva tal-Kunsill 92/65/KEE tat-13 ta’ Lulju 1992 li tistabbilixxi l-ħtiġijiet dwar saħħa tal-annimali li jirregolaw il-kummerċ ta’, u l-importazzjoni fil-Komunità ta’ annimali, semen, ova u embrijuni mhux suġġetti għal ħtiġijiet ta’ saħħa tal-annimali meħtieġa f’regoli speċifiċi tal-Komunità li hemm referenza għalihom fl-Anness A(I) tad-Direttiva 90/425/KEE (ĠU L 268, 14.9.1992, p. 54).

(7) Ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (ĠU L 84, 31.3.2016, p. 1).

(8) Ir-Regolament tal-Kummissjoni (UE) 2020/772 tal-11 ta’ Ġunju 2020 li jemenda l-Annessi I, VII u VIII tar-Regolament (KE) Nru 999/2001 tal-Parlament Ewropew u tal-Kunsill fir-rigward tal-miżuri ta’ eradikazzjoni għal enċefalopatiji sponġiformi li jinxterdu fil-mogħoż u fir-razez fil-periklu li jintilfu (ĠU L 184, 12.6.2020, p. 43).

(9) EFSA Journal 2017;15(8):4962.

ANNESS

PARTI A

EMENDI GĦAR-REGOLAMENT (KE) NRU 999/2001

L-Annessi IV, VIII u IX tar-Regolament (KE) Nru 999/2001 huma emendati kif ġej:

(1)

fl-Anness IV, il-Kapitolu V, it-Taqsima E hija emendata kif ġej:

(a)

fil-punt 2(b), il-frażi introduttorja hija sostitwita b’dan li ġej:

“(b)

fertilizzanti organiċi jew tejjieba tal-ħamrija, kif definiti fl-Artikolu 3, il-punt 22, tar-Regolament (KE) Nru 1069/2009, li fil-kompożizzjoni tagħhom fihom proteini tal-annimali pproċessati derivati minn ruminanti jew taħlita ta’ proteini tal-annimali pproċessati minn ruminanti u minn annimali mhux ruminanti diment li jkunu laħqu l-punt aħħari kif iddefinit fl-Artikolu 4, il-punt 1(c) jew fl-Artikolu 4, il-punt 2, tar-Regolament Delegat tal-Kummissjoni (UE) 2023/1605 (*1), jew:”;

(*1) Ir-Regolament Delegat tal-Kummissjoni (UE) 2023/1605 tat-22 ta’ Mejju 2023 li jissupplimenta r-Regolament (KE) Nru 1069/2009 tal-Parlament Ewropew u tal-Kunsill fir-rigward tad-determinazzjoni ta’ punti ta’ tmiem fil-katina tal-manifattura ta’ ċerti fertilizzanti organiċi u materjali li jtejbu l-ħamrija (ĠU L 198, 8.8.2023, p. 1).”;"

(b)

fil-punt 5, jiżdied il-paragrafu li ġej:

“Il-fertilizzanti organiċi jew it-tejjieba tal-ħamrija li jkunu laħqu l-punt aħħari kif definit fl-Artikolu 4, il-punt 1(c) jew fl-Artikolu 4, il-punt 2, tar-Regolament Delegat (UE) 2023/1605 għandhom jiġu eżentati mill-kundizzjonijiet stabbiliti fl-ewwel paragrafu ta’ dan il-punt.”;

(2)

fl-Anness VIII, il-Kapitolu A, it-Taqsima A hija emendata kif ġej:

(a)

il-punti 1.2 u 1.3 huma sostitwiti b’dan li ġej:

“1.2.

Azjenda agrikola ta’ annimali ovini li għandhom status ta’ reżistenza għat-TSE tal-livell I, kif stabbilit fl-Anness VII, il-Kapitolu C, il-Parti 4, il-punt 1(a), u fejn ma ġie kkonfermat ebda każ tal-iscrapie klassika għal perjodu ta’ mill-inqas is-7 snin preċedenti, tista’ tiġi rikonoxxuta bħala azjenda agrikola b’riskju negliġibbli tal-iscrapie klassika.

Azjenda agrikola ta’ annimali ovini, annimali kaprini, jew annimali ovini u kaprini tista’ wkoll tiġi rikonnoxxuta bħala azjenda agrikola b’riskju negliġibbli tal-iscrapie klassika sakemm tkun ikkonformat mal-kundizzjonijiet li ġejjin għal perjodu ta’ mill-inqas is-7 snin preċedenti:

(a)	l-annimali ovini u kaprini huma identifikati b’mod permanenti u jinżammu r-rekords, sabiex ikunu jistgħu jiġu rintraċċati lura lejn l-azjenda agrikola tat-twelid tagħhom;

(b)	jinżammu r-rekords taċ-ċaqliq tal-annimali ovini u kaprini ġewwa l-azjenda agrikola u barra minnha;

(c)

fl-azjenda agrikola jiġu introdotti biss l-annimali ovini u kaprini li ġejjin:

(i)	annimali ovini u kaprini minn azjendi agrikoli b’riskju negliġibbli tal-iscrapie klassika;

(ii)

annimali ovini u kaprini minn azjendi agrikoli li ssodisfaw il-kundizzjonijiet stabbiliti fil-punti (a) sa (i) għal perjodu minimu tas-7 snin preċedenti jew għal tal-inqas l-istess perjodu ta’ żmien bħall-perjodu ta’ żmien li matulu l-azjenda agrikola fejn se jiġu introdotti tkun issodisfat il-kundizzjonijiet stabbiliti f’dawk il-punti;

(iii)

annimali ovini tal-ġenotip tal-proteina prijonika ARR/ARR u annimali kaprini li jġorru mill-inqas wieħed mill-alleli K222, D146 jew S146;

(iv)

annimali ovini jew kaprini li jikkonformaw mal-kundizzjonijiet stabbiliti fil-punt (i) jew (ii) ħlief matul il-perjodu meta nżammu fiċ-ċentru tal-ġbir tas-semen, sakemm dak iċ-ċentru tal-ġbir tas-semen ikun konformi mal-kundizzjonijiet li ġejjin:

—	iċ-ċentru tal-ġbir tas-semen huwa approvat f’konformità mal-Parti II, il-Kapitolu 1, tar-Regolament Delegat tal-Kummissjoni (UE) 2020/686 (*2),

—

għal perjodu tas-7 snin preċedenti, ġew introdotti fiċ-ċentru tal-ġbir tas-semen dawk l-annimali ovini jew kaprini biss minn azjendi agrikoli li matul dak il-perjodu ssodisfaw il-kundizzjonijiet stabbiliti fil-punti (a), (b) u (e), u li kienu soġġetti għal kontrolli regolari minn veterinarju uffiċjali jew veterinarju awtorizzat mill-awtorità kompetenti,

—	ebda każ tal-iscrapie klassika ma jkun ġie kkonfermat fiċ-ċentru tal-ġbir tas-semen għal perjodu tas-7 snin preċedenti,

—

fiċ-ċentru tal-ġbir tas-semen hemm fis-seħħ miżuri tal-bijosigurtà sabiex ikun żgurat li l-annimali ovini u kaprini f’dak iċ-ċentru u li ġejjin minn azjendi agrikoli bi status tar-riskju negliġibbli jew kontrollat għall-iscrapie klassika ma għandhomx kuntatt dirett jew indirett ma’ annimali ovini u kaprini li ġejjin minn azjendi agrikoli ta’ status tal-iscrapie klassika iktar baxx;

(d)	l-azjenda agrikola hija soġġetta għal kontrolli regolari biex tiġi vverifikata l-konformità mal-kundizzjonijiet stabbiliti fil-punti (a) sa (i) minn veterinarju uffiċjali jew veterinarju awtorizzat għal dak il-fini mill-awtorità kompetenti, li jridu jsiru tal-inqas fuq bażi annwali;

(e)	ebda każ tal-iscrapie klassika ma ġie kkonfermat;

(f)

l-annimali ovini u kaprini kollha ta’ età ikbar minn 18-il xahar li jkunu mietu jew inqatlu għal raġunijiet differenti mill-qatla għall-konsum mill-bniedem jiġu ttestjati f’laboratorju għall-iscrapie klassika f’konformità mal-metodi u mal-protokolli tal-laboratorju stabbiliti fl-Anness X, il-Kapitolu C, il-punt 3.2.

Permezz ta’ deroga minn dik il-kundizzjoni speċifika, l-Istati Membri jistgħu jiddeċiedu li l-annimali ovini u kaprini kollha ta’ età ikbar minn 18-il xahar mingħajr valur kummerċjali, maqtula fl-aħħar tal-ħajja produttiva tagħhom minflok ma tbiċċru għall-konsum mill-bniedem, jiġu spezzjonati minn veterinarju uffiċjali, u dawk kollha li jeżebixxu sinjali ta’ tħassir jew sinjali newroloġiċi jiġu ttestjati f’laboratorju għall-iscrapie klassika f’konformità mal-metodi u mal-protokolli tal-laboratorju stipulati fl-Anness X, il-Kapitolu C, il-punt 3.2;

(g)

fl-azjenda agrikola jiġu introdotti biss l-ova u l-embrijuni tal-annimali tal-ispeċijiet ovini u kaprini li ġejjin:

(i)

ova u embrijuni minn annimali donaturi li mit-twelid inżammu fi Stat Membru li għandu riskju negliġibbli tal-iscrapie klassika, jew f’azjenda agrikola li għandha riskju negliġibbli jew riskju kontrollat tal-iscrapie klassika, jew li jikkonformaw mar-rekwiżiti li ġejjin:

—	huma identifikati b’mod permanenti biex ikunu jistgħu jiġu rintraċċati lura lejn l-azjenda agrikola fejn twieldu,

—	mit-twelid inżammu f’azjendi agrikoli li fihom ma ġewx rapportati każijiet tal-iscrapie klassika matul ir-residenza tagħhom,

—	ma wrewx sinjali kliniċi tal-iscrapie klassika fil-mument tal-ġbir tal-ova jew tal-embrijuni;

(ii)	ova u embrijuni ta’ annimali tal-ispeċi ovina li jġorru mill-inqas allel ARR wieħed u ta’ annimali tal-ispeċi kaprina li jġorru mill-inqas wieħed mill-alleli K222, D146 jew S146;

(h)

fl-azjenda agrikola jiġi introdott biss is-semen tal-annimali tal-ispeċijiet ovini u kaprini li ġejjin:

(i)

semen minn annimali donaturi li nżammu mit-twelid fi Stat Membru li għandu riskju negliġibbli tal-iscrapie klassika, jew f’azjenda agrikola li għandha riskju negliġibbli jew riskju kontrollat tal-iscrapie klassika, jew li jikkonformaw mar-rekwiżiti li ġejjin:

—	huma identifikati b’mod permanenti biex ikunu jistgħu jiġu rintraċċati lura lejn l-azjenda agrikola fejn twieldu,

—	ma wrew ebda sinjal kliniku tal-iscrapie klassika fil-mument tal-ġbir tas-semen;

(ii)	semen mill-imtaten tal-ġenotip tal-proteina prijonika ARR/ARR u minn bdabad li jġorru mill-inqas wieħed mill-alleli K222, D146 jew S146;

(i)	l-annimali ovini u kaprini fl-azjenda agrikola ma għandhomx kuntatt dirett jew indirett, inkluż ragħa kondiviż, ma’ annimali ovini u kaprini minn azjendi agrikoli ta’ status tal-iscrapie klassika iktar baxx.

1.3.

Azjenda agrikola ta’ annimali ovini, annimali kaprini, jew annimali ovini u kaprini tista’ tiġi rikonnoxxuta bħala waħda b’riskju kontrollat tal-iscrapie klassika sakemm tkun ikkonformat mal-kundizzjonijiet li ġejjin għal perjodu ta’ mill-inqas it-3 snin preċedenti:

(a)	l-annimali ovini u kaprini huma identifikati b’mod permanenti u jinżammu r-rekords, sabiex ikunu jistgħu jiġu rintraċċati lura lejn l-azjenda agrikola tat-twelid tagħhom;

(b)	jinżammu r-rekords taċ-ċaqliq tal-annimali ovini u kaprini ġewwa l-azjenda agrikola u barra minnha;

(c)

fl-azjenda agrikola jiġu introdotti biss l-annimali ovini u kaprini li ġejjin:

(i)	annimali ovini u kaprini minn azjendi agrikoli b’riskju negliġibbli jew kontrollat tal-iscrapie klassika;

(ii)

annimali ovini u kaprini minn azjendi agrikoli li ssodisfaw il-kundizzjonijiet stabbiliti fil-punti (a) sa (i) għal perjodu minimu tat-3 snin preċedenti jew għal tal-inqas l-istess perjodu ta’ żmien bħall-perjodu ta’ żmien li matulu l-azjenda agrikola fejn se jiġu introdotti tkun issodisfat il-kundizzjonijiet stabbiliti f’dawk il-punti;

(iii)

annimali ovini tal-ġenotip tal-proteina prijonika ARR/ARR u annimali kaprini li jġorru mill-inqas wieħed mill-alleli K222, D146 jew S146;

(iv)

—	iċ-ċentru tal-ġbir tas-semen huwa approvat f’konformità mal-Parti II, il-Kapitolu 1, tar-Regolament Delegat tal-Kummissjoni (UE) 2020/686,

—

għal perjodu tat-3 snin preċedenti, ġew introdotti fiċ-ċentru tal-ġbir tas-semen dawk l-annimali ovini jew kaprini biss minn azjendi agrikoli li matul dak il-perjodu ssodisfaw il-kundizzjonijiet stabbiliti fil-punti (a), (b) u (e), u li kienu soġġetti għal kontrolli regolari minn veterinarju uffiċjali jew veterinarju awtorizzat mill-awtorità kompetenti,

—	ebda każ tal-iscrapie klassika ma jkun ġie kkonfermat fiċ-ċentru tal-ġbir tas-semen għall-perjodu tat-3 snin preċedenti,

—

(d)	l-azjenda agrikola hija soġġetta għal kontrolli regolari biex tiġi vverifikata l-konformità mal-kundizzjonijiet stabbiliti fil-punti (a) sa (i) minn veterinarju uffiċjali jew veterinarju awtorizzat għal dak il-fini mill-awtorità kompetenti, li jridu jsiru tal-inqas fuq bażi annwali;

(e)	ebda każ tal-iscrapie klassika ma ġie kkonfermat;

(f)

(g)

fl-azjenda agrikola jiġu introdotti biss l-ova u l-embrijuni tal-annimali tal-ispeċijiet ovini u kaprini li ġejjin:

(i)

—	huma identifikati b’mod permanenti biex ikunu jistgħu jiġu rintraċċati lura lejn l-azjenda agrikola fejn twieldu,

—	mit-twelid inżammu f’azjendi agrikoli li fihom ma ġewx rapportati każijiet tal-iscrapie klassika matul ir-residenza tagħhom,

—	ma wrewx sinjali kliniċi tal-iscrapie klassika fil-mument tal-ġbir tal-ova jew tal-embrijuni,

(ii)	ova u embrijuni ta’ annimali tal-ispeċi ovina li jġorru mill-inqas allel ARR wieħed u ta’ annimali tal-ispeċi kaprina li jġorru mill-inqas wieħed mill-alleli K222, D146 jew S146;

(h)

fl-azjenda agrikola jiġi introdott biss is-semen tal-annimali tal-ispeċijiet ovini u kaprini li ġejjin:

(i)

semen minn annimali donaturi li nżammu mit-twelid fi Stat Membru li għandu riskju negliġibbli tal-iscrapie klassika, jew f’azjenda agrikola li għandha riskju negliġibbli jew b’riskju kontrollat tal-iscrapie klassika, jew li jikkonformaw mar-rekwiżiti li ġejjin:

—	huma identifikati b’mod permanenti biex ikunu jistgħu jiġu rintraċċati lura lejn l-azjenda agrikola fejn twieldu,

—	ma wrew ebda sinjal kliniku tal-iscrapie klassika fil-mument tal-ġbir tas-semen;

(ii)	semen mill-imtaten tal-ġenotip tal-proteina prijonika ARR/ARR u minn bdabad li jġorru mill-inqas wieħed mill-alleli K222, D146 jew S146;

(i)	l-annimali ovini u kaprini tal-azjenda agrikola ma għandhomx kuntatt dirett jew indirett, inkluż ragħa kondiviż, ma’ annimali ovini u kaprini minn azjendi agrikoli ta’ status tal-iscrapie klassika iktar baxx.

(*2) Ir-Regolament Delegat tal-Kummissjoni (UE) 2020/686 tas-17 ta’ Diċembru 2019 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tal-approvazzjoni ta’ stabbilimenti tal-prodotti ġerminali u r-rekwiżiti tat-traċċabbiltà u tas-saħħa tal-annimali għall-movimenti fl-Unjoni tal-prodotti ġerminali ta’ ċerti annimali terrestri miżmuma (ĠU L 174, 3.6.2020, p. 1).”;"

(b)

fil-punt 4.1, (c) huwa sostitwit b’dan li ġej:

“(c)	Permezz ta’ deroga mill-punti (a) u (b), ir-rekwiżiti stabbiliti f’dawk il-punti ma għandhomx japplikaw għal annimali ovini u kaprini, li jinżammu u jiġu mċaqalqa esklussivament bejn stabbilimenti konfinati kif definit fl-Artikolu 4, il-punt (48), tar-Regolament (UE) 2016/429 (*3).

(*3) Ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (ĠU L 84, 31.3.2016, p. 1).”;"

(c)

fil-punt 4.2, (d) u (e) huma sostitwiti b’dan li ġej:

“(d)	fil-każ tas-semen tal-annimali tal-ispeċi ovina, jinġabar minn annimali maskili tal-ġenotip tal-proteina prijonika ARR/ARR u fil-każ tas-semen tal-annimali tal-ispeċi kaprina, jinġabar minn annimali maskili li jġorru mill-inqas wieħed mill-alleli K222, D146 jew S146; jew

(e)	fil-każ ta’ embrijuni ta’ annimali tal-ispeċi ovina, iġorru tal-inqas allel ARR wieħed, u fil-każ ta’ embrijuni ta’ annimali tal-ispeċi kaprina, iġorru mill-inqas wieħed mill-alleli K222, D146 jew S146.”;

(3)

L-Anness IX huwa emendat kif ġej:

(a)

Fil-Kapitolu D, fit-Taqsima B, fil-punt 3, (c) huwa sostitwit b’dan li ġej:

“(c)

il-ħalib u l-prodotti tal-ħalib tal-annimali ovini jew kaprini joriġinaw minn azjendi agrikoli fejn ma kienx hemm dijanjożi tal-iscrapie klassika matul perjodu ta’ mill-inqas is-7 snin preċedenti jew, wara l-konferma ta’ każ tal-iscrapie klassika:

(i)

l-annimali ovini u kaprini kollha fl-azjenda agrikola nqatlu u nqerdu jew tbiċċru, ħlief l-imtaten tat-tgħammir tal-ġenotip ARR/ARR, nagħaġ tat-tgħammir li għandhom tal-inqas allel ARR wieħed u ebda allel VRQ u annimali ovini oħrajn li jġorru tal-inqas allel ARR wieħed u annimali kaprini li jġorru mill-inqas wieħed mill-alleli K222, D146 jew S146;

jew

(ii)

l-annimali kollha li fihom ġiet ikkonfermata l-iscrapie klassika nqatlu u nqerdu, u l-azjenda agrikola ilha soġġetta għal mill-inqas perjodu ta’ sentejn mid-data tal-konferma tal-aħħar każ tal-iscrapie klassika, għal monitoraġġ intensifikat tat-TSE, inkluż ittestjar b’riżultati negattivi għall-preżenza tat-TSE f’konformità mal-metodi tal-laboratorju stabbiliti fl-Anness X, il-Kapitolu C, il-punt 3.2, tal-annimali kollha li ġejjin li għandhom aktar minn 18-il xahar, ħlief l-annimali ovini tal-ġenotip ARR/ARR u l-annimali kaprini li jġorru mill-inqas wieħed mill-alleli K222, D146 jew S146:

—	l-annimali li tbiċċru għall-konsum mill-bniedem; u

—	l-annimali li mietu jew inqatlu fl-azjenda agrikola iżda li ma nqatlux fil-qafas ta’ kampanja ta’ eradikazzjoni tal-mard.”;

(b)

Il-Kapitolu E huwa emendat kif ġej:

(i)

fil-punt 5, (b) huwa sostitwit b’dan li ġej:

“(b)

Ikunu annimali ovini tal-ġenotip tal-proteina prijonika ARR/ARR jew annimali kaprini li jġorru mill-inqas wieħed mill-alleli K222, D146 jew S146, u li jiġu minn azjenda agrikola jew azjendi agrikoli fejn matul mill-inqas l-aħħar sentejn ma ġiet imposta ebda restrizzjoni uffiċjali fuq iċ-ċaqliq minħabba l-BSE jew l-iscrapie klassika; jew”;

(ii)

fil-punt (6), (b) huwa sostitwit b’dan li ġej:

“(b)

huma annimali ovini tal-ġenotip tal-proteina prijonika ARR/ARR jew annimali kaprini li jġorru mill-inqas wieħed mill-alleli K222, D146 jew S146 u li ġejjin minn azjenda agrikola fejn matul l-aħħar sentejn ma ġiet imposta ebda restrizzjoni uffiċjali fuq iċ-ċaqliq minħabba l-BSE jew l-iscrapie klassika.”;

(c)

fil-Kapitolu H, fil-punt (2), (a) u (b) huma sostitwiti b’dan li ġej:

“(a)	fil-każ tas-semen tal-annimali tal-ispeċi ovina, is-semen ikun inġabar minn annimali maskili tal-ġenotip tal-proteina prijonika ARR/ARR u fil-każ tas-semen tal-annimali tal-ispeċi kaprina, is-semen ikun inġabar minn annimali maskili li jġorru mill-inqas wieħed mill-alleli K222, D146 jew S146; jew

(b)	fil-każ ta’ embrijuni ta’ annimali tal-ispeċi ovina, l-embrijuni jġorru mill-inqas allel ARR wieħed, u fil-każ ta’ embrijuni ta’ annimali tal-ispeċi kaprina, l-embrijuni jġorru mill-inqas wieħed mill-alleli K222, D146 jew S146.”.

PARTI B

KORREZZJONIJIET GĦAR-REGOLAMENT (KE) NRU 999/2001

L-Anness IV tar-Regolament (KE) Nru 999/2001 huwa kkoreġut kif ġej:

(1)

fil-Kapitolu III, it-Taqsima B hija emendata kif ġej:

(a)	fil-punt 1, (d), (e) u (f) jitħassru;

(b)

fil-punt 3, (b) huwa sostitwit b’dan li ġej:

“(b)	iridu jkunu jrabbu biss annimali mhux ruminanti;”;

(2)

fil-Kapitolu IV, fit-Taqsima H, l-aħħar inċiż tal-punt (d) huwa sostitwit b’dan li ġej:

“—

kampjunar u analiżi regolari tal-għalf kompost maħsub għall-annimali mrobbija, għajr l-annimali porċini, l-annimali tal-akkwakultura u dawk bil-pil, biex jiġi vverifikat in-nuqqas ta’ kostitwenti mhux awtorizzati li joriġinaw mill-annimali permezz tal-metodi ta’ analiżi għad-determinazzjoni ta’ kostitwenti li joriġinaw mill-annimali għall-kontroll tal-għalf stabbiliti fl-Anness VI tar-Regolament (KE) Nru 152/2009; il-frekwenza ta’ dan il-kampjunar u ta’ din l-analiżi għandha tiġi ddeterminata abbażi ta’ valutazzjoni tar-riskju mwettqa mill-operatur bħala parti mill-proċeduri tiegħu bbażati fuq il-prinċipji tal-HACCP; ir-riżultati jridu jinżammu disponibbli għall-awtorità kompetenti għal perjodu ta’ mill-inqas 5 snin;”;

(3)

fil-Kapitolu V, fit-Taqsima A, fil-punt 1, (i) huwa sostitwit b’dan li ġej:

“(i)	l-istabbilimenti awtorizzati tal-għalf kompost li jipproduċu l-għalf kompost li fih il-ħut mitħun, id-dikalċju u l-fosfat tat-trikalċju li joriġina mill-annimali, u prodotti tad-demm li joriġinaw minn annimali mhux ruminanti, f’konformità mal-Kapitolu III, it-Taqsima B;”.